Surah سورة الدخان

Verse 1

ﭑ ﭒ

1. Ҳо, Мим. (Зикри ҳарфҳои муқаттаъа дар аввали сураи Бақара гузашт).

Verse 2

ﭓﭔ ﭕ

2. Аллоҳ савганд ёд мекунад: Савганд ба ин китоби равшангар (ҳам дар лафз ва ҳам дар маъно)!

Verse 3

ﭖﭗﭘﭙﭚﭛﭜﭝﭞ ﭟ

3. Ҳароина, Мо Қуръонро дар моҳи рамазон дар шаби муборак, ки шаби Қадр аст, нозил кардем. Ҳароина, Мо бимдиҳанда будаем мардумонро аз чизҳое ки онҳоро фоида ва зарар мерасонад.

Verse 4

ﭠﭡﭢﭣﭤ ﭥ

4. Дар шаби Қадр ҳар фармоне мувофиқи ҳикмат содир мешавад ва ҳар чизе, ки дар як сол баъд рӯй медиҳад; аз зиндагӣ, марг, тавонгарӣ, фақр, хайр ва шар ва ғайра ҳамаро менависад,

Verse 5

ﭦﭧﭨﭩﭪﭫﭬ ﭭ

5. Ин фармоне аз ҷониби Мо буд. Ба ҳароина, Мо паёмбаронро фиристода будем, ки мардумро аз дастуроти Аллоҳ хабар диҳанд.

Verse 6

ﭮﭯﭰﭱﭲﭳﭴﭵ ﭶ

6. Фиристодани паёмбарон раҳматест аз ҷониби Парвардигорат ва албатта, Парвардигори ту эй Расул шунаво ва доност, ки ҳама садоҳоро мешунавад ва ҳамаи умури зоҳирӣ ва ботиниро медонад.

Verse 7

ﭷﭸﭹﭺﭻﭼﭽﭾﭿ ﮀ

7. Парвардигори осмонҳо ва замин ва ҳар чи миёни онҳост, агар аҳли яқин ҳастед.

Verse 8

ﮁﮂﮃﮄﮅﮆﮇﮈﮉﮊﮋ ﮌ

8. Бидонед, ки нест маъбуди барҳақ ба ҷуз Ӯ касе сазовори ибодат нест. Зинда мекунаду мемиронад. Парвардигори шумову Парвардигори падарони пешини шумост. Пас маъбуди барҳақро ибодат кунед, ки Ӯ танҳо метавонад зарар ё фоида бирасонад, на маъбудони ботили шумо.(1)
____________________
1. Тафсири Табарӣ 22\12

Verse 9

ﮍﮎﮏﮐﮑ ﮒ

9. Балки, он мушрикҳо аз ҳақиқати Қуръон дар шакканд ва бозӣ мекунанд ва ба он бовар надоранд!(1)
____________________
1. Тафсири ибни Касир 7\246

Verse 10

ﮓﮔﮕﮖﮗﮘ ﮙ

10. Эй Расул чашминтизори рӯзе бош, ки осмон дуди ошкореро падидор мекунад.

Verse 11

ﮚﮛﮜﮝﮞﮟ ﮠ

11. Ва он дуд ҳамаи мардумро дар худ фурӯ пӯшад.
Ва барои мушрикон гуфта мешавад: ин азоби дардоварест.

Verse 12

ﮡﮢﮣﮤﮥﮦ ﮧ

12. Баъд аз он мегӯянд: «Эй Парвардигори мо, ин азобро аз мо дур гардон, ки ҳароина, мо имон овардагонем».

Verse 13

ﮨﮩﮪﮫﮬﮭﮮ ﮯ

13. Аз куҷо панд мепазиранд баъд аз он ки азоб бар онҳо фуруд омад? Ҳол он ки чун паёмбари равшангар бар онҳо фиристода шуда буд.

Verse 14

ﮰﮱﯓﯔﯕﯖ ﯗ

14. Аз Муҳаммад (саллаллоҳу алайҳи ва саллам) рӯйгардон шуданд ва гуфтанд: Ӯ девонаест таълимёфта! (Яъне одамӣ ё коҳине ба ӯ таълим додааст, ӯ паёмбар нест!)(1)
____________________
1. Тафсири Бағавӣ 7\230

Verse 15

ﯘﯙﯚﯛﯜﯝﯞ ﯟ

15. Ҳароина, Мо азобро андаке бармедорем ва ба зудӣ, ки шумо, албатта, боз ба куфру ширки худ бармегардед.

Verse 16

ﯠﯡﯢﯣﯤﯥ ﯦ

16. Рӯзе ҳамаи он кофирҳоро дар қиёмат ба гирифтории бузурге сахт фурӯ гирем(1), ки ҳароина, Мо аз он кофирон интиқомгирандаем!(2)
____________________
1. Яъне, ба азоби сахте азоб кунем. 2. Тафсири Табарӣ 22\23

Verse 17

ﯧﯨﯩﯪﯫﯬﯭﯮﯯ ﯰ

17. Ва ҳароина, пеш аз он мушрикҳо қавми Фиръавнро озмудем ва паёмбаре бузургвор (Мӯсо алайҳиссалом) наздашон омад, вале ӯро дурӯғ бароварданд ва ҳалок гаштанд. Пас инчунин интиқом мегирем аз душманони ту эй Расул, агар имон наоранд

Verse 18

ﯱﯲﯳﯴﯵﯶﯷﯸﯹﯺ ﯻ

18. Мӯсо барояшон гуфт: ки бандагони Аллоҳро ба ман бисупоред, то Аллоҳи ягонаро ибодат кунанд, ки ҳаройина, ман бар рисолати Парвардигорам паёмбари аминам(1).
____________________
1. Тафсири ибни Касир 7\251

Verse 19

ﭑﭒﭓﭔﭕﭖﭗﭘﭙﭚ ﭛ

19. Ва низ бар Аллоҳ бартарӣ маҷӯед(1), ки ҳароина, ман бо ҳуҷҷати равшане назди шумо омадаам.
____________________
1. Такаббур ва гарданкашӣ накунед.

Verse 20

ﭜﭝﭞﭟﭠﭡ ﭢ

20. Ҳароина, ман ба Парвардигори худ ва Парвардигори шумо паноҳ мебарам, аз ин ки маро сангборон кунед

Verse 21

ﭣﭤﭥﭦﭧ ﭨ

21. ва агар ба паёмбарии ман имон намеоваред, аз ман канорагирӣ кунед ва маро озору азият надиҳед.

Verse 22

ﭩﭪﭫﭬﭭﭮ ﭯ

22.Чун Фиръавн ва қавмаш ба ӯ имон наоварданд. Пас, Мӯсо Парвардигорашро ба дуъо хонд, ки ин мушрикҳо мардуми гунаҳкоранд.

Verse 23

ﭰﭱﭲﭳﭴ ﭵ

23.Аллоҳ ба Мӯсо амр намуд, ки бандагони Маро ҳангоми шаб равона кун, ҳароина, шумо аз тарафи Фиръавн ва лашкараш дунболагирӣ карда мешавед.(1)
____________________
1. Тафсири Бағавӣ 7\231

Verse 24

ﭶﭷﭸﭹﭺﭻﭼ ﭽ

24.Баҳрро, ки ором аст, пушти сар гузор, (яъне, баҳрро бар ҳамон шакле, ки баъд аз гузаштанат аз он қарор дорад, вогузор), то Фиръавн ва қавмаш бо итминон вориди он шаванд, ки ҳароина, онҳо лашкаре ғарқшаванда ҳастанд.(1)
____________________
1. Тафсири Ибни Касир 7\252

Verse 25

ﭾﭿﮀﮁﮂ ﮃ

25.Он Фиръавниёни гарқшуда баъд аз худ чӣ боғҳову чашмасорҳо бар ҷой гузоштанд

Verse 26

ﮄﮅﮆ ﮇ

26.ва киштзорҳову хонаҳои некӯро

Verse 27

ﮈﮉﮊﮋ ﮌ

27.ва неъмате, ки дар он ғарқи шодмонӣ буданд.

Verse 28

ﮍﮎﮏﮐﮑ ﮒ

28.Инчунин буд кори азоб ва даргирифти Мо ва Мо он неъматҳоро баъд аз Фиръавн
ва қавмаш ба мардуми дигар вогузоштем.

Verse 29

ﮓﮔﮕﮖﮗﮘﮙﮚ ﮛ

29. На осмон бар онҳо Фиръавн ва лашкараш гирист ва на замин ва на ба онҳо мӯҳлат дода шуд, ки азоб аз онҳо ба таъхир афтад(1).
____________________
1. Тафсири Ибни Касир 7\253

Verse 30

ﮜﮝﮞﮟﮠﮡﮢ ﮣ

30. Ва ҳароина, мо бани Исроилро аз он азоби хоркунанда, ки Фиръавниён фарзандони писарашонро кушта ва занонашонро барои хидмат зинда нигоҳ медоштанд, наҷот додем.(1)
____________________
1. Тафсири Саъдӣ 1\773

Verse 31

ﮤﮥﮦﮧﮨﮩﮪﮫ ﮬ

31. Онҳоро аз чанги Фиръавн наҷот додем, ҳароина, ӯ аз мутакаббирони ситамкор
буд.

Verse 32

ﮭﮮﮯﮰﮱﯓ ﯔ

32. Ва ҳароина, бани Исроилро дониста бар оламиён баргузидем ва ононро миллати баргузидаи асри худашон кардем(1)
____________________
1. Тафсири Табарӣ 27\37

Verse 33

ﯕﯖﯗﯘﯙﯚﯛ ﯜ

33. Ва оёте аз муъҷизоти Мӯсо ба онҳо ато кардем, ки дар он имтиҳони ошкоре буд.

Verse 34

ﯝﯞﯟ ﯠ

34. Албатта, инҳо мушрикони қавми ту мегӯянд:

Verse 35

ﯡﯢﯣﯤﯥﯦﯧﯨ ﯩ

35. Поёни кор ҷуз ҳамин марги нахустин чизи дигаре нест ва мо дигар бор баъд аз маргамон барои ҳисоб ва савоб ва азоб зинда намешавем.(1)
____________________
1. Тафсири Бағавӣ 7\233

Verse 36

ﯪﯫﯬﯭﯮ ﯯ

36. Эй Муҳаммад, мушрикон ба ту ва қавмат мегӯянд: агар рост мегӯед, ки мо ду бора зинда мешавем, пас падарони моро ба ҷаҳон бозоваред.(1)
____________________
1. Яъне, онҳоро зинда кунед. Тафсири Бағавӣ 7\233

Verse 37

ﯰﯱﯲﯳﯴﯵﯶﯷﯸﯹﯺﯻﯼ ﯽ

37. Оё ин мушрикҳо беҳтаранд ё қавми Туббаъ(1) ва касоне, ки пеш аз онҳо буданд, чун Од ва Самуд ва монанди онҳо? Ҳамаро ҳалок кардем, ки ҳароина, онҳо гунаҳгорон буданд. Пас ҳалок сохтани мушрикон, ки дар қудрату тавоноӣ аз онҳо поёнтаранд, ҳеҷ шакке нест, ки бар Аллоҳ осон аст.(2)
____________________
1. Қуртубӣ раҳматуллоҳи алайҳ мегӯяд: мурод аз Туббаъ шоҳони Ямананд, зеро лақаби шоҳонашон “Туббаъ" буд. "Туббаъ" лақабшуморӣ аз шоҳони Ҳимяри Арабистони ҷанубӣ дар асрҳои чорум ва панҷуми милодӣ буд. 2. Тафсири Табарӣ 22\40

Verse 38

ﯾﯿﰀﰁﰂﰃﰄ ﰅ

38. Мо ин осмонҳову замин ва он чиро миёни онҳост, ба бозӣ беҳуда ва беҳадаф наёфаридаем.

Verse 39

ﰆﰇﰈﰉﰊﰋﰌﰍ ﰎ

39. Магар ин ки он ду чизро барҳақ офаридаем, вале бештаринашон,
ки мушриконанд инро намедонанд ва дар офариниши инҳо намеандешанд, чун умед ба савоб надоранд ва аз иқоби Ӯ наметарсанд.(1)
____________________
1. Тафсири Табарӣ 22\41

Verse 40

ﭑﭒﭓﭔﭕ ﭖ

40. Ҳароина, ваъдагоҳи ҳама барои ҷудо сохтани некӯкор аз бадкор дар рӯзи доварӣ, (қиёмат) аст.

Verse 41

ﭗﭘﭙﭚﭛﭜﭝﭞﭟﭠ ﭡ

41. Рӯзе, ки ҳеҷ дӯсте барои дӯсти худ судманд набошад ва наметавонад ба наздиконаш ҳеҷ гуна нафъе бирасонад ва барояш аз сӯи касе ёрӣ нашавад,

Verse 42

ﭢﭣﭤﭥﭦﭧﭨﭩ ﭪ

42. магар касе, ки Аллоҳ бар ӯ раҳм кардааст, шафоъат карда мешавад дар назди Парвардигораш, баъд аз он ки Аллоҳ барояш рухсат диҳад. Ҳароина, Ӯст пирӯзманд дар интиқом гирифтан бар душманонаш ва меҳрубон аст ба дӯстони итоъаткори худ.(1)
____________________
1. Тафсири Бағавӣ 7\235

Verse 43

ﭫﭬﭭ ﭮ

43. Ҳароина, дарахти Заққум, ки дар ҷаҳаннам мерӯяд,

Verse 44

ﭯﭰ ﭱ

44. таъоми гунаҳкорон аст. Ва аз бузургтарин гуноҳҳо шарик овардан ба Аллоҳ аст.

Verse 45

ﭲﭳﭴﭵ ﭶ

45. Монанди миси гудохта дар шикамҳои мушрикон меҷӯшад.

Verse 46

ﭷﭸ ﭹ

46. Монанди сахт ҷӯшидани оби сӯзон.

Verse 47

ﭺﭻﭼﭽﭾ ﭿ

47. Ба фариштагони нигаҳбони дӯзах гуфта мешавад: Бигиред ин гунаҳкорро ва ба сахтӣ ба миёни ҷаҳаннамаш бикашед(1)
____________________
1. Тафсири Бағавӣ 7\236

Verse 48

ﮀﮁﮂﮃﮄﮅﮆ ﮇ

48. ва бар болои сари ин гунаҳкор оби ҷӯшон бирезед, то шиканҷа шавад.(1)
____________________
1. Тафсири Табарӣ 22\48

Verse 49

ﮈﮉﮊﮋﮌ ﮍ

49. Ба ин гунаҳкори бадбахт гуфта шавад: Бичаш, ин азобро, ки ту гумон доштӣ, ки дар қавми худ пирӯзманду бузургвор ҳастӣ!(1)
____________________
1. Тафсири Саъдӣ 1\774

Verse 50

ﮎﮏﮐﮑﮒﮓ ﮔ

50. Ҳароина, ин азоб ҳамон чизест, ки дар он шак мекардед ҳангоме ки дар дунё будед ва ба он боварии яқин надоштед.(1)
____________________
1. Тафсири Табарӣ 22\50

Verse 51

ﮕﮖﮗﮘﮙ ﮚ

51. Ҳароина, Парҳезгорон, ки дар дунё фармонҳои Аллоҳро ба ҷо оварданд ва аз манъкардашудаҳояш дур шуданд дар ҷои амне ҳастанд, ки аз тамоми ҳаросу ғамҳо осудахотиранд,(1)
____________________
1. Тафсири ибни Касир 7\261

Verse 52

ﮛﮜﮝ ﮞ

52. дар боғҳо ва чашмасорҳои равон,

Verse 53

ﮟﮠﮡﮢﮣ ﮤ

53. либосҳои аз сундусу истабрақ(1) мепӯшанд ва рӯ ба рӯи ҳамдигар менишинанд, то бо ҳам бештар унс бигиранд.(2)
____________________
1. Сундус: абрешими нозук ва "истабрақ": абрешими дурушт. 2. Тафсири Саъдӣ 1/774

Verse 54

ﮥﮦﮧﮨ ﮩ

54. Чунонки парҳезгоронро
дар охират гиромӣ доштем бо даромадани боғҳо ва пӯшидани либосҳои абрешим, ҳамчунин ҳурулъийн (ҳурони шаҳлочашм)-ро ба никоҳи онҳо дармеоварем.(1)
____________________
1. Тафсири Табарӣ 22\52

Verse 55

ﮪﮫﮬﮭﮮ ﮯ

55. Парҳезгорон дар он ҷо ҳар меваеро, ки бихоҳанд, осудахотир металабанд.

Verse 56

ﮰﮱﯓﯔﯕﯖﯗﯘﯙﯚﯛ ﯜ

56. Парҳезгорон дар он ҷо таъми маргро намечашанд, ғайри ҳамон марги нахустин, ки дар дунё чашида буданд. Ва онҳоро Аллоҳ аз азоби ҷаҳаннам нигоҳ доштааст.

Verse 57

ﯝﯞﯟﯠﯡﯢﯣﯤ ﯥ

57. Ин фазлу бахшишест аз ҷониби Парвардигори ту. Ин аст комёбии бузург!

Verse 58

ﯦﯧﯨﯩﯪ ﯫ

58. Пас ҳароина, Мо адои сухани хеш Қуръонро ба забони ту эй Расул осон кардем, то панд бигиранд!(1)
____________________
1. Тафсири Табарӣ 22\53

Verse 59

ﯬﯭﯮ ﯯ

59. Эй Расул, ту мунтазир бош пирӯзиеро, ки Аллоҳ ба ту ваъда додааст бар он мушрикон ва азоберо ки бар онҳо фарогирандааст, ки ҳароина, онҳо низ марги туро мунтазиранд. Ба зудӣ хоҳанд донист, ки ғалаба дар дунёву охират ба ҷониби туст эй Расул ва касоне, ки пайравӣ туанд.(1)
____________________
1. Тафсири ибни Касир 7\263

Тарҷумаи سورة الدخان

سورة الدخان

Тарҷумаи сураи ДУХОН ба الطاجيكية аз الترجمة الطاجيكية

الترجمة الطاجيكية

الترجمة الطاجيكية