Surah سورة المطففين

Verse 1

ﯖﯗ ﯘ

1. Вой(1) бар ҳоли камкунандагон,
____________________
1. Азоби сахт

Verse 2

ﯙﯚﯛﯜﯝﯞ ﯟ

2. онон, ки чун аз мардум барои худ харид карданд, паймона меситонанд, (бармекашанд) онро пур мекунанд

Verse 3

ﯠﯡﯢﯣﯤ ﯥ

3. ва чун барои мардум чизе фурӯхтанд, мепаймоянд ё бармекашанд, аз он кам мекунанд.

Verse 4

ﯦﯧﯨﯩﯪ ﯫ

4. Оё инҳо намедонанд, ки зинда мешаванд,

Verse 5

ﭑﭒ ﭓ

5. дар он рӯзи бузург? Ва мувофиқи аъмолашон ҳисобу китоб карда мешаванд.

Verse 6

ﭔﭕﭖﭗﭘ ﭙ

6. Рӯзе, ки мардум дар пешгоҳи Парвардигори ҷаҳониён фурӯтан меистанд.

Verse 7

ﭚﭛﭜﭝﭞﭟ ﭠ

7. Ҳақиқатан бозгашти бадкорон ҷои танг аст.

Verse 8

ﭡﭢﭣﭤ ﭥ

8. Ва ту чи медони он тангӣ чист? Ҳамоно он ҷой зиндонест, ки дар он азоби дардовар аст.

Verse 9

ﭦﭧ ﭨ

9. Ва барояшон китобест навишташуда! На дар он чизе афзуда мешавад ва на кам карда мешавад.

Verse 10

ﭩﭪﭫ ﭬ

10. Дар он рӯз вой бар ҳоли дурӯғшуморандагон,

Verse 11

ﭭﭮﭯﭰ ﭱ

11. онон, ки рӯзи ҷазоро дурӯғ меҳисобанд!

Verse 12

ﭲﭳﭴﭵﭶﭷﭸ ﭹ

12. Ва он рӯзро ба ҷуз ҳар ситамгари гунаҳкор касе дурӯғ намешуморад.

Verse 13

ﭺﭻﭼﭽﭾﭿﮀ ﮁ

13. Чун оёти Мо бар ӯ хонда шуд, ғуфт: «Афсонаҳои пешиниён аст!» Амр чунин нест, ки мепиндоранд, балки он каломи Аллоҳ аст ва ба тариқи ваҳй ба сӯи паёмбараш фиристода шудааст.

Verse 14

ﮂﮃﮄﮅﮆﮇﮈﮉﮊﮋ ﮌ

14. Чунин нест, ки мегӯянд, балки корҳое, ки карда буданд аз гуноҳ бар дилҳошон ғолиб шуда занг бастааст.

Verse 15

ﮍﮎﮏﮐﮑﮒ ﮓ

15. Чунин нест, ки мегӯянд, бегумон онон дар он рӯз аз дидори Парвардигорашон(1) маҳрум бошанд.
____________________
1. Дар ин оят далелест, ки муъминон Парвардигорашонро мебинанд, модоме ки ғайри мӯъминон аз дидори Ӯ маҳруманд.

Verse 16

ﮔﮕﮖﮗ ﮘ

16. Пас онҳо ба ҷаҳаннам дароянд, ҳарорати гармии онро мечашанд.

Verse 17

ﮙﮚﮛﮜﮝﮞﮟ ﮠ

17. Сипас ба онҳо гуфта мешавад: «Ин аст он чӣ дурӯғаш мешумурдед!»

Verse 18

ﮡﮢﮣﮤﮥﮦ ﮧ

18. Ба дурустӣ, ки номаи амалҳои некӯкорон дар Иллийин(1) қарор дорад.
____________________
1. Дар мартабаҳои олӣ дар ҷаннат

Verse 19

ﮨﮩﮪﮫ ﮬ

19. Ва ту эй Расул чӣ медонӣ, ки Иллийин чист?

Verse 20

ﮭﮮ ﮯ

20. Китобест навишташуда! На дар он чизе афзуда мешавад ва на кам карда мешавад,

Verse 21

ﮰﮱ ﯓ

21. ки фариштагони муқарраби Аллоҳ дар он ҳузур меёбанд.

Verse 22

ﯔﯕﯖﯗ ﯘ

22. Бегумон некон(1) дар неъматанд,
____________________
1. Аҳли сидқ ва итоаткорон

Verse 23

ﯙﯚﯛ ﯜ

23. бар тахтҳо нишаста ва ба сӯи Парвардигорашон ва ба он чӣ аз неъматҳо барояшон омода карда шудааст, наззора мекунанд.

Verse 24

ﯝﯞﯟﯠﯡ ﯢ

24. Хушӣ ва хуррамии неъматро дар чеҳраҳояшон мебинӣ.

Verse 25

ﯣﯤﯥﯦ ﯧ

25. Аз шаробе холис, ки бар сари он мӯҳр ниҳодаанд, нӯшонида мешаванд.

Verse 26

ﯨﯩﯪﯫﯬﯭﯮ ﯯ

26. Мӯҳри он аз мушк аст. Ва рағбаткунандагон бояд, ки барои ҳамин неъмати доими рағбат кунанд.

Verse 27

ﯰﯱﯲ ﯳ

27. Ва омезиши он шароб аз оби Тасним аст.

Verse 28

ﯴﯵﯶﯷ ﯸ

28. Тасним чашмаест, ки муақаррабони даргоҳи Аллоҳ аз он менӯшанд ва ба он лаззат мебаранд.

Verse 29

ﯹﯺﯻﯼﯽﯾﯿﰀ ﰁ

29. Ба дурустӣ, ки гунаҳкорон дар дунё ба мӯъминон механдиданд

Verse 30

ﰂﰃﰄﰅ ﰆ

30. Ва чун бар онҳо мегузаштанд, масхараомезона ба чашму абрӯ ишора мекарданд

Verse 31

ﰇﰈﰉﰊﰋﰌ ﰍ

31. ва чун ба аҳли хонаи худ бозмегаштанд, шодмон бозмегаштанд.

Verse 32

ﰎﰏﰐﰑﰒﰓ ﰔ

32. Ва чун кофирон асҳоби Муҳаммад саллаллоҳу алайҳи ва салламро медиданд, мегуфтанд, ки инҳо гумроҳанд.

Verse 33

ﰕﰖﰗﰘ ﰙ

33. Ва ҳол он ки ин кофирон ба сари мӯъминон нигоҳбон фиристода нашуда буданд.

Verse 34

ﭑﭒﭓﭔﭕﭖ ﭗ

34. Пас рӯзи қиёмат мӯъминон ба кофирон
механданд, чунон ки кофирон дар дунё ба онҳо хандида буданд,

Verse 35

ﭘﭙﭚ ﭛ

35. бар тахтҳо такя зада ва ба он чӣ аз каромат ва неъматҳои ҷаннат барояшон дода шудааст, менигаранд.

Verse 36

ﭜﭝﭞﭟﭠﭡ ﭢ

36. Оё ба кофирон подош ва сазои корҳое, ки мекарданд, дода шудааст?

Тарҷумаи سورة المطففين

سورة المطففين

Тарҷумаи сураи МУТАФФИФИН ба الطاجيكية аз الترجمة الطاجيكية

الترجمة الطاجيكية

الترجمة الطاجيكية