Verse 1

ﭑﭒ ﭓ ​

СОФФОТ

Савганд ба он фариштагон, ки барои Худо саф бастаанд,

Verse 2

ﭔﭕ ﭖ ​

савганд ба он фариштагон, ки абрҳоро меронанд,

Verse 3

ﭗﭘ ﭙ ​

савганд ба он фариштагон, ки зикри Худоро мехонанд,

Verse 4

ﭚﭛﭜ ﭝ ​

ки Худои шумо Худои яктост.

Verse 5

ﭞﭟﭠﭡﭢﭣﭤ ﭥ ​

Парвардигори осмонҳову замин аст ва ҳар чӣ дар миёни онҳост. Ва Парвардигори машрикҳост!

Verse 6

ﭦﭧﭨﭩﭪﭫ ﭬ ​

Мо осмони дунёро ба зинати ситорагон биёростем.

Verse 7

ﭭﭮﭯﭰﭱ ﭲ ​

Ва аз ҳар шайтони нофармон нигаҳ доштем.

Verse 8

ﭳﭴﭵﭶﭷﭸﭹﭺﭻ ﭼ ​

То сухани сокинони олами болоро нашнаванд ва аз ҳар сӯй ронда шаванд.

Verse 9

ﭽﭾﭿﮀﮁ ﮂ ​

То дур гарданд ва барои онҳост азобе доим.

Verse 10

ﮃﮄﮅﮆﮇﮈﮉ ﮊ ​

Ғайри он шайтон, ки ногаҳон чизе бирабояд ва ногаҳон шӯълаи сӯзандае дунболаш кунад.

Verse 11

ﮋﮌﮍﮎﮏﮐﮑﮒﮓﮔﮕﮖﮗ ﮘ ​

Пас, аз кофирон бипурс, ки оё офариниши онҳо душвортар аст ё он чӣ Мо офаридаем. Мо онҳоро аз гиле часпанда офаридаем.

Verse 12

ﮙﮚﮛ ﮜ ​

Ту дар тааҷҷуб шудӣ ва онҳо масхара мекунанд.

Verse 13

ﮝﮞﮟﮠ ﮡ ​

Ва чун ба онҳо панд дода шавад, панд, намепазиранд.

Verse 14

ﮢﮣﮤﮥ ﮦ ​

Ва чун ояе бубинанд, аз якдигар мехоҳанд, то онро ба масхара гиранд.

Verse 15

ﮧﮨﮩﮪﮫﮬ ﮭ ​

Ва мегӯянд: «Ин чизе ғайри ҷодуи ошкор нест,

Verse 16

ﮮﮯﮰﮱﯓﯔﯕ ﯖ ​

оё вақте ки мо мурдем ва хоку устухон шудем, моро зинда мекунанд?

Verse 17

ﯗﯘ ﯙ ​

ё падарони моро?»

Verse 18

ﯚﯛﯜﯝ ﯞ ​

Бигӯ: «Бале, ва шумо хору бечора мешавед!»

Verse 19

ﯟﯠﯡﯢﯣﯤﯥ ﯦ ​

Ва онон худ хоҳанд дид, ки ба як фармон ҳамаро зинда мекунанд.

Verse 20

ﯧﯨﯩﯪﯫ ﯬ ​

Мегӯянд: «Вой бар мо, ин ҳамон рӯзи ҷазост!»

Verse 21

ﯭﯮﯯﯰﯱﯲﯳ ﯴ ​

Ин ҳамон рӯзи довари аст, ки дурӯғаш мепиндоштед.

Verse 22

ﯵﯶﯷﯸﯹﯺﯻﯼ ﯽ ​

Ононро, ки зулм мекарданд ва ҳамроҳонашонро ва онҳоеро, ки ба ҷои Худои якто мепарастиданд, ҷамъ оваред.

Verse 23

ﯾﯿﰀﰁﰂﰃﰄ ﰅ ​

Ҳамаро ба роҳи ҷаҳаннам роҳ нишон диҳед.

Verse 24

ﰆﰇﰈﰉ ﰊ ​

Ва нигаҳ доредашон, бояд бозхост шаванд.

Verse 25

ﭑﭒﭓﭔ ﭕ ​

«Чаро якдигарро ёрӣ намекунед?»

Verse 26

ﭖﭗﭘﭙ ﭚ ​

На, имрӯз ҳама таслимшавандагонанд.

Verse 27

ﭛﭜﭝﭞﭟ ﭠ ​

Ва он гоҳ рӯй ба якдигар кунанд ва бипурсанд.

Verse 28

ﭡﭢﭣﭤﭥﭦ ﭧ ​

Гӯянд: «Шумо будед, ки аз дари некхоҳӣ бар мо медаромадед».

Verse 29

ﭨﭩﭪﭫﭬ ﭭ ​

Гӯянд: «На, шумо имон наёварда будед.

Verse 30

ﭮﭯﭰﭱﭲﭳﭴﭵﭶﭷﭸ ﭹ ​

Моро бар шумо ҳеҷ ғолибияте набуд. Шумо худ мардумоне нофармон будед.

Verse 31

ﭺﭻﭼﭽﭾﭿﮀ ﮁ ​

Гуфтаи Парвардигорамон бар мо воҷид шуд. Акнун бояд бичашем.

Verse 32

ﮂﮃﮄﮅ ﮆ ​

Мо шуморо гумроҳ кардем ва худ низ гумроҳ будем».

Verse 33

ﮇﮈﮉﮊﮋ ﮌ ​

Дар он рӯз ҳама дар азоб шариканд.

Verse 34

ﮍﮎﮏﮐ ﮑ ​

Мо бо гунаҳкорон чунин мекунем.

Verse 35

ﮒﮓﮔﮕﮖﮗﮘﮙﮚﮛ ﮜ ​

Чун ба онон гуфта мешуд, ки ғайри Худои якто худое нест, такаббур мекарданд

Verse 36

ﮝﮞﮟﮠﮡﮢ ﮣ ​

ва мегуфтанд: «Оё ба хотири шоири девонае худоёнамонро тарк гӯем?»

Verse 37

ﮤﮥﮦﮧﮨ ﮩ ​

На, он паёмбар ҳақро овард ва паёмбарони пешинро тасдиқ кард.

Verse 38

ﮪﮫﮬﮭ ﮮ ​

Шумо азоби дардоварро хоҳед чашид!

Verse 39

ﮯﮰﮱﯓﯔﯕ ﯖ ​

Дар баробари амалҳоятон ҷазо хоҳед дид.

Verse 40

ﯗﯘﯙﯚ ﯛ ​

Ғайри бандагони мухлиси Худо,

Verse 41

ﯜﯝﯞﯟ ﯠ ​

ки онҳоро ризқе муъайян аст.

Verse 42

ﯡﯢﯣ ﯤ ​

аз меваҳо, ва гиромӣ доштагонанд

Verse 43

ﯥﯦﯧ ﯨ ​

дар биҳиштҳои пурнеъмат,

Verse 44

ﯩﯪﯫ ﯬ ​

бар тахтҳое, ки рӯбарӯи ҳаманд.

Verse 45

ﯭﯮﯯﯰﯱ ﯲ ​

Ва ҷоме аз чашмаи хушгувор миёнашон ба гардиш дарояд,

Verse 46

ﯳﯴﯵ ﯶ ​

сафед асту нӯшандагонашро лаззатбахш,

Verse 47

ﯷﯸﯹﯺﯻﯼﯽ ﯾ ​

на дарди сар орад ва на нӯшанда маст шавад.

Verse 48

ﯿﰀﰁﰂ ﰃ ​

Заноне фарохчашм, ки танҳо ба шавҳарони худ назар доранд, ҳамдами онҳоянд.

Verse 49

ﰄﰅﰆ ﰇ ​

Ҳамонанди тухми мурғҳое дур аз дастрас.

Verse 50

ﰈﰉﰊﰋﰌ ﰍ ​

Рӯ ба якдигар кунанд ва гуфтугӯ кунанд.

Verse 51

ﰎﰏﰐﰑﰒﰓﰔ ﰕ ​

Яке аз онҳо гӯяд: «Маро ҳамнишине буд,

Verse 52

ﭑﭒﭓﭔ ﭕ ​

ки мегуфт: «Оё ту аз онҳо ҳастӣ, ки тасдиқ мекунанд?

Verse 53

ﭖﭗﭘﭙﭚﭛﭜ ﭝ ​

Оё он гоҳ, ки мурдему хоку устухон шудем, ҷазоямон медиҳанд?»

Verse 54

ﭞﭟﭠﭡ ﭢ ​

Гӯянд: «Метавонед аз боло бинигаред?»

Verse 55

ﭣﭤﭥﭦﭧ ﭨ ​

Аз боло бинигарад ва ӯро дар миёни оташи дӯзах бинад.

Verse 56

ﭩﭪﭫﭬﭭ ﭮ ​

Гуядаш: «Ба Худо савганд, наздик буд, ки маро ба ҳалокат афканӣ.

Verse 57

ﭯﭰﭱﭲﭳﭴ ﭵ ​

Ва агар мавҳибати (бахшиши) Парвардигорам набуд, ман низ аз ҳозиршудагони азоб мебудам.

Verse 58

ﭶﭷﭸ ﭹ ​

Оё моро марге нест,

Verse 59

ﭺﭻﭼﭽﭾﭿ ﮀ ​

ҷуз он марги нахустин? Ва дигар азобамон намекунанд?»

Verse 60

ﮁﮂﮃﮄﮅ ﮆ ​

Ҳар оина (албатта) ин аст комёбии бузург!

Verse 61

ﮇﮈﮉﮊ ﮋ ​

Амалкунандагон бояд барои чунин мукофоте амал кунанд.

Verse 62

ﮌﮍﮎﮏﮐﮑ ﮒ ​

Оё хӯришро ин беҳтар ё дарахти заққум?

Verse 63

ﮓﮔﮕﮖ ﮗ ​

Мо он дарахтро барои ибтилои (гирифтории) ситамкорон падид овардаем.

Verse 64

ﮘﮙﮚﮛﮜﮝ ﮞ ​

Дарахтест, ки аз қаъри ҷаҳаннам мерӯяд,

Verse 65

ﮟﮠﮡﮢ ﮣ ​

Мевааш монанди сари шайтонҳо аст,

Verse 66

ﮤﮥﮦﮧﮨﮩ ﮪ ​

дӯзахиён аз он мехӯранд ва шикам пур месозанд

Verse 67

ﮫﮬﮭﮮﮯﮰﮱ ﯓ ​

ва бар сари он омехтае аз оби сӯзон менушанд.

Verse 68

ﯔﯕﯖﯗﯘ ﯙ ​

Сипас бозгашташон ба ҳамон ҷаҳаннам аст.

Verse 69

ﯚﯛﯜﯝ ﯞ ​

Онҳо падарони худро пеш аз худ гумроҳ ёфтанд

Verse 70

ﯟﯠﯡﯢ ﯣ ​

ва аз паи онҳо шитобон мераванд.

Verse 71

ﯤﯥﯦﯧﯨ ﯩ ​

Ва пеш аз онҳо бештар пешиниён гумроҳ шуданд.

Verse 72

ﯪﯫﯬﯭ ﯮ ​

Ва Мо бимдиҳандагоне ба миёнашон фиристодем.

Verse 73

ﯯﯰﯱﯲﯳ ﯴ ​

Пас бингар, ки саранҷоми он бимёфтагон чӣ гуна буд.

Verse 74

ﯵﯶﯷﯸ ﯹ ​

Ғайри бандагони мухлиси Худо!

Verse 75

ﯺﯻﯼﯽﯾ ﯿ ​

Нӯҳ Моро нидо кард ва Мо чӣ нек посухдиҳандае будем!

Verse 76

ﰀﰁﰂﰃﰄ ﰅ ​

Ӯ ва касонашро аз андӯҳи бузург наҷот додем.

Verse 77

ﭑﭒﭓﭔ ﭕ ​

Ва фарзандонашро боқӣ гузоштем.

Verse 78

ﭖﭗﭘﭙ ﭚ ​

Ва номи неки ӯро дар наслҳои баъд боқӣ ниҳодем.

Verse 79

ﭛﭜﭝﭞﭟ ﭠ ​

Салом бар Нӯҳ бод дар саросари ҷаҳон!

Verse 80

ﭡﭢﭣﭤ ﭥ ​

Мо некӯкоронро чунин мукофот медиҳем.

Verse 81

ﭦﭧﭨﭩ ﭪ ​

Ӯ аз бандагони мӯъмини Мо буд.

Verse 82

ﭫﭬﭭ ﭮ ​

Сипас дигаронро ғарқ сохтем.

Verse 83

ﭯﭰﭱﭲﭳ ﭴ ​

Иброҳим аз пайравони ӯ буд.

Verse 84

ﭵﭶﭷﭸﭹ ﭺ ​

Он гоҳ ки бо диле холи аз шубҳа рӯй ба Парвардигораш овард.

Verse 85

ﭻﭼﭽﭾﭿﮀ ﮁ ​

Ба падараш ва қавмаш гуфт: «Чӣ мепарастед?

Verse 86

ﮂﮃﮄﮅﮆ ﮇ ​

Оё ба ҷои Худои якто худоёни дурӯғинро мехоҳед?

Verse 87

ﮈﮉﮊﮋ ﮌ ​

Ба Парвардигори ҷаҳониён чӣ гумон доред?»

Verse 88

ﮍﮎﮏﮐ ﮑ ​

Нигоҳе ба ситорагон кард

Verse 89

ﮒﮓﮔ ﮕ ​

ва гуфт: «Ман беморам!»

Verse 90

ﮖﮗﮘ ﮙ ​

Аз ӯ рӯйгардон шуданд ва бозгаштанд.

Verse 91

ﮚﮛﮜﮝﮞﮟ ﮠ ​

Пинҳонӣ назди худоёнашон омад ва гуфт: «Чизе намехӯред?

Verse 92

ﮡﮢﮣﮤ ﮥ ​

Чаро сухан намегӯед?»

Verse 93

ﮦﮧﮨﮩ ﮪ ​

Ва дар ниҳон дасте бақувват бар онҳо зад.

Verse 94

ﮫﮬﮭ ﮮ ​

Қавмаш шитобон наздаш омаданд.

Verse 95

ﮯﮰﮱﯓ ﯔ ​

Гуфт: «Оё чизҳоеро, ки худ метарошед, мепарастед?

Verse 96

ﯕﯖﯗﯘ ﯙ ​

Худои яктост, ки шумо ва ҳар чӣ месозед, офаридааст».

Verse 97

ﯚﯛﯜﯝﯞﯟﯠ ﯡ ​

Гуфтанд: «Барояш биное оозед ва дар оташаш андозед».

Verse 98

ﯢﯣﯤﯥﯦ ﯧ ​

Хостанд то бадандешӣ кунанд, Мо низ онҳоро зердаст (хору мағлуб) гардонидем.

Verse 99

ﯨﯩﯪﯫﯬﯭ ﯮ ​

Гуфт: «Ман ба сӯи Парвардигорам меравам. Ӯ маро роҳнамоӣ хоҳад кард.

Verse 100

ﯯﯰﯱﯲﯳ ﯴ ​

Эй Парвардигори ман, маро фарзанде солеҳ ато кун!»

Verse 101

ﯵﯶﯷ ﯸ ​

Пас ӯро ба писаре бурдбор хушхабар додем.

Verse 102

ﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔ ﰕ ​

Чун бо падар ба ҷое расид, ки бояд ба кор сар кунанд, гуфт: «Эй писаракам, дар хоб дидаам, ки туро забҳ мекунам. Бингар, ки чӣ меандешӣ». Гуфт: «Эй падар, ба ҳар чӣ фармон шудаӣ, амал кун, ки агар Худо бихоҳад, маро аз собирон (сабркунандагон) хоҳӣ ёфт».

Verse 103

ﭑﭒﭓﭔ ﭕ ​

Чун ҳар ду таслим шуданд ва ӯро ба пешонӣ хобонид,

Verse 104

ﭖﭗﭘ ﭙ ​

Мо нидояш додем: «Эй Иброҳим,

Verse 105

ﭚﭛﭜﭝﭞﭟﭠﭡ ﭢ ​

хобатро ба ҳақиқат паивастӣ», Ва Мо некӯкоронро чунин мукофот медиҳем.

Verse 106

ﭣﭤﭥﭦﭧ ﭨ ​

Ин озмоише ошкор буд.

Verse 107

ﭩﭪﭫ ﭬ ​

Ва ӯро ба забҳе бузург бозхаридем

Verse 108

ﭭﭮﭯﭰ ﭱ ​

Ва номи неки ӯро дар наслҳои баъд боқӣ гузоштем.

Verse 109

ﭲﭳﭴ ﭵ ​

Салом бар Иброҳим!

Verse 110

ﭶﭷﭸ ﭹ ​

Мо некӯкоронро инчунин мукофот медиҳем!

Verse 111

ﭺﭻﭼﭽ ﭾ ​

Ӯ аз бандагони мӯъмини Мо буд.

Verse 112

ﭿﮀﮁﮂﮃ ﮄ ​

Ӯро ба Исҳок — паёмбаре шоиста мужда додем.

Verse 113

ﮅﮆﮇﮈﮉﮊﮋﮌﮍﮎﮏ ﮐ ​

Ӯ на Исҳоқро баракат додем. Ва аз фарзандонашон баъзе некӯкор ҳастанд ва баъзе ба ошкоро бар худ ситамкор.

Verse 114

ﮑﮒﮓﮔﮕ ﮖ ​

Мо ба Мӯсо ва Ҳорун неъмат додем.

Verse 115

ﮗﮘﮙﮚﮛ ﮜ ​

Он ду ва мардумашонро аз ранҷе бузург наҷот бахшидем.

Verse 116

ﮝﮞﮟﮠ ﮡ ​

Ононро ёрӣ додем, то ғолиб шуданд.

Verse 117

ﮢﮣﮤ ﮥ ​

Ва китобе равшангарашон додем.

Verse 118

ﮦﮧﮨ ﮩ ​

Ва ба роҳи рост ҳидояташон кардем.

Verse 119

ﮪﮫﮬﮭ ﮮ ​

Ва номи некашонро дар наслҳои баъд боқӣ гузоштем.

Verse 120

ﮯﮰﮱﯓ ﯔ ​

Салом бар Мӯсо ва Ҳорун!

Verse 121

ﯕﯖﯗﯘ ﯙ ​

Мо некӯкоронро инчунин мукофот медиҳем!

Verse 122

ﯚﯛﯜﯝ ﯞ ​

Он ду аз бандагони мӯъмини Мо буданд.

Verse 123

ﯟﯠﯡﯢ ﯣ ​

Ва Илёс аз паёмбарон буд.

Verse 124

ﯤﯥﯦﯧﯨ ﯩ ​

Ба мардуми худ гуфт: «Оё аз Худо наметарсед?

Verse 125

ﯪﯫﯬﯭﯮ ﯯ ​

Оё Баълро ба худои мехонед ва Он беҳтарини офаринандагонро тарк мекунед?

Verse 126

ﯰﯱﯲﯳﯴ ﯵ ​

Парварднгори шумо ва Парвардигори падаронатон Худои яктост».

Verse 127

ﭑﭒﭓ ﭔ ​

Пас дурӯғаш бароварданд ва онон аз ҳозиркардагонанд, (дар азоб)

Verse 128

ﭕﭖﭗﭘ ﭙ ​

Ғайри бандагони мухлиси Худо!

Verse 129

ﭚﭛﭜﭝ ﭞ ​

Ва номи неки ӯро дар наслҳои баъд боқӣ гузоштем.

Verse 130

ﭟﭠﭡﭢ ﭣ ​

Салом бар хонадони Илёс!

Verse 131

ﭤﭥﭦﭧ ﭨ ​

Мо некӯкоронро инчунин подош (мукофот) медиҳем!

Verse 132

ﭩﭪﭫﭬ ﭭ ​

Ӯ аз бандагони мӯъмини Мо буд.

Verse 133

ﭮﭯﭰﭱ ﭲ ​

Ва Лут аз паёмбарон буд.

Verse 134

ﭳﭴﭵﭶ ﭷ ​

Ӯ ва ҳамаи касонашро наҷот додем.

Verse 135

ﭸﭹﭺﭻ ﭼ ​

Ғайри пиразане, ки бо мардуми шаҳр бимонд.

Verse 136

ﭽﭾﭿ ﮀ ​

Сипас дигаронро ҳалок кардем.

Verse 137

ﮁﮂﮃﮄ ﮅ ​

Шумо бар (маскани) онҳо мегузаред бомдодон

Verse 138

ﮆﮇﮈﮉ ﮊ ​

ва шомгоҳон. Оё ақл намекунед?

Verse 139

ﮋﮌﮍﮎ ﮏ ​

Ва Юнус аз паёмбарон буд.

Verse 140

ﮐﮑﮒﮓﮔ ﮕ ​

Чун ба он киштии пур аз мардум гурехт,

Verse 141

ﮖﮗﮘﮙ ﮚ ​

қуръа заданд ва ӯ дар қуръа мағлуб шуд.

Verse 142

ﮛﮜﮝﮞ ﮟ ​

Моҳӣ фурӯ бурдаш ва ӯ лоиқи сарзаниш буд.

Verse 143

ﮠﮡﮢﮣﮤ ﮥ ​

Пас агар аз тасбеҳ гуён намебуд,

Verse 144

ﮦﮧﮨﮩﮪﮫ ﮬ ​

то рӯзи қиёмат дар шиками моҳӣ мемонд.

Verse 145

ﮭﮮﮯﮰﮱ ﯓ ​

Пас ӯро, ки бемор буд, ба хушкӣ афкандем.

Verse 146

ﯔﯕﯖﯗﯘ ﯙ ​

Ва бар болои сараш бӯтаи кадуе рӯёнидем.

Verse 147

ﯚﯛﯜﯝﯞﯟ ﯠ ​

Ва ӯро ба пайғамбарӣ бар сад ҳазор кас ва бештар фиристодем.

Verse 148

ﯡﯢﯣﯤ ﯥ ​

Онҳо имон оварданд ва то зинда буданд, бархурдорияшон додем.

Verse 149

ﯦﯧﯨﯩﯪ ﯫ ​

Аз онҳо бипурс; «Оё духтарон аз они Парвардигори ту бошанд ва писарон аз они онҳо?»

Verse 150

ﯬﯭﯮﯯﯰﯱ ﯲ ​

Оё вақте ки Мо малоикаро зан меофаридем, онҳо медиданд?

Verse 151

ﯳﯴﯵﯶﯷ ﯸ ​

Огоҳ бош, ки аз дурӯғгӯияшон аст, ки мегӯянд:

Verse 152

ﯹﯺﯻﯼ ﯽ ​

«Худо соҳиби фарзанд аст». Дурӯғ мегӯянд.

Verse 153

ﯾﯿﰀﰁ ﰂ ​

Оё Худо духтаронро бар писарон бартарӣ дод?

Verse 154

ﭑﭒﭓﭔ ﭕ ​

Шуморо чӣ мешавад? Чӣ гуна ҳукм мекунед?

Verse 155

ﭖﭗ ﭘ ​

Оё намеандешед?

Verse 156

ﭙﭚﭛﭜ ﭝ ​

Ё бар даъвои худ далели равшане доред?

Verse 157

ﭞﭟﭠﭡﭢ ﭣ ​

Агар рост мегӯед, китобатонро биёваред.

Verse 158

ﭤﭥﭦﭧﭨﭩﭪﭫﭬﭭﭮ ﭯ ​

Ва миёни Худову ҷинниён хешовандӣ қоил шуданд ва ҷинниён медонанд, ки ҳозиркардашудагонанд. (дар азоб).

Verse 159

ﭰﭱﭲﭳ ﭴ ​

Аз он сифат, ки меоварданд, Худо пок аст,

Verse 160

ﭵﭶﭷﭸ ﭹ ​

ғайри бандагони мухлиси Худо!

Verse 161

ﭺﭻﭼ ﭽ ​

Шумо ва бутоне, ки мепарастед,

Verse 162

ﭾﭿﮀﮁ ﮂ ​

натавонистед гумроҳ кунед,

Verse 163

ﮃﮄﮅﮆﮇ ﮈ ​

магар он касро, ки роҳии ҷаҳаннам бошад.

Verse 164

ﮉﮊﮋﮌﮍﮎ ﮏ ​

«Ва ҳар кас аз мо ҷое муъайян дорад.

Verse 165

ﮐﮑﮒ ﮓ ​

Албатта мо сафзадагонем.

Verse 166

ﮔﮕﮖ ﮗ ​

Ва албатта мо тасбеҳгӯяндагонем».

Verse 167

ﮘﮙﮚ ﮛ ​

Агарчи мегуфтанд:

Verse 168

ﮜﮝﮞﮟﮠﮡ ﮢ ​

«Агар аз пешиниён назди мо китобе монда буд,

Verse 169

ﮣﮤﮥﮦ ﮧ ​

мо аз бандагони мухлиси Худо мебудем».

Verse 170

ﮨﮩﮪﮫﮬ ﮭ ​

Онҳо ба он китоб кофир шуданд ва ба зуди, ки хоҳанд фаҳмид.

Verse 171

ﮮﮯﮰﮱﯓ ﯔ ​

Мо дар бораи бандагонамон, ки ба пайғамбарӣ мефиристем, аз пеш тасмим гирифтаем,

Verse 172

ﯕﯖﯗ ﯘ ​

ки албатта онон ёрӣ мешаванд.

Verse 173

ﯙﯚﯛﯜ ﯝ ​

Ва лашкари Мо худ ғолибанд.

Verse 174

ﯞﯟﯠﯡ ﯢ ​

Пас то муддате аз онҳо рӯй бигардон.

Verse 175

ﯣﯤﯥ ﯦ ​

Оқибаташонро бубин, онҳо низ хоҳанд дид.

Verse 176

ﯧﯨ ﯩ ​

Оё азоби Моро ба шитоб металабанд?

Verse 177

ﯪﯫﯬﯭﯮﯯ ﯰ ​

Чун азоб ба майдонашон фарояд, ин бимдодашудагон чӣ бомдоди баде хоҳанд дошт.

Verse 178

ﯱﯲﯳﯴ ﯵ ​

Аз онҳо то чанде рӯй бигардон.

Verse 179

ﯶﯷﯸ ﯹ ​

Пас оқибаташонро бубин, онҳо низ хоҳанд дид.

Verse 180

ﯺﯻﯼﯽﯾﯿ ﰀ ​

Муназзаҳ (покаст) аст Парвардигори ту — он Парвардигори пирӯзманд — аз ҳар чӣ ба васфи Ӯ мегӯянд!

Verse 181

ﰁﰂﰃ ﰄ ​

Ва салом бар паёмбарон!

Verse 182

ﰅﰆﰇﰈ ﰉ ​

Ва ҳамд аз они Парвардигори ҷаҳониён аст!