Тарҷумаи сураи МУЗЗАММИЛ ба الطاجيكية аз Tajik - Tajik translation
Verse 1
ﭑﭒ
ﭓ
МУЗЗАММИЛ
Эй ҷома бар худ печида,
Verse 2
ﭔﭕﭖﭗ
ﭘ
Шабро зинда бидор, магар андакеро,
Verse 3
ﭙﭚﭛﭜﭝ
ﭞ
нимае аз онро ё андаке аз нима кам кун,
Verse 4
ﭟﭠﭡﭢﭣﭤ
ﭥ
ё андаке бар нима бияфзой ва Қуръонро оҳиставу равшан бихон.
Verse 5
ﭦﭧﭨﭩﭪ
ﭫ
Мо ба ту сухане душворро илқо (андохтан, омӯхтан) хоҳем кард.
Verse 6
Албатта шабҳангом аз бистар бархостан мувофиқати забону дилро афзояндатар аст ва баёни суханро устувор дорандатар
Verse 7
ﭵﭶﭷﭸﭹﭺ
ﭻ
ки корҳои ту дар рӯз бисёр аст.
Verse 8
ﭼﭽﭾﭿﮀﮁ
ﮂ
Ва номи Парвардигоратро ёд кун ва аз ҳама бибур ва ба Ӯ бипайванд:
Verse 9
Парвардигори машриқу мағриб. Ҳеҷ худое ғайри Ӯ нест. Ӯро корсози худ интихоб кун!
Verse 10
Ва бар он чӣ мегӯянд, сабр кун ва ба ваҷҳе писандида аз онҳо дурӣ ҷӯй.
Verse 11
ﮕﮖﮗﮘﮙﮚ
ﮛ
Дурӯғбарорандагони соҳибнеъматро ба Ман бигузор. Ва андаке мӯҳлаташон деҳ.
Verse 12
ﮜﮝﮞﮟ
ﮠ
Назди Мост бандҳои вазнин ва дӯзах.
Verse 13
ﮡﮢﮣﮤﮥ
ﮦ
ва таъоме гулӯгиру азобе дардовар,
Verse 14
рӯзе, ки замину кӯҳҳо ба ларза оянд ва кӯҳҳо теппае аз реги равон гарданд!
Verse 15
Мо бар шумо паёмбаре фиристодем, ки бар амалҳоятон гувоҳ аст, ҳамон тавр, ки ба Фиръавн ҳам паёмбаре фиристодем.
Verse 16
ﯝﯞﯟﯠﯡﯢ
ﯣ
Ва Фиръавн ба паёмбар фармон набурд. Мо низ ӯро ба сахтӣ фурӯ гирифтем.
Verse 17
Агар кофир бошед, дар рӯзе, ки кӯдаконро пир мегардонад, чӣ гуна дар амон монед?
Verse 18
Дар он рӯз осмон бишикофад ва ваъдаи Худо ба вуқӯъ пайвандад.
Verse 19
Ин пандест. Пас ҳар кӣ бихоҳад, роҳе ба сӯи Парвардигораш оғоз кунад.
Verse 20
Парвардигори ту медонад, ки ту ва гурӯҳе аз онон, ки бо ту ҳастанд, наздик ба ду сеяки шабу нимшаб ва сеяки шабро ба намоз меистед. Ва Худост, ки андозаи шабу рӯзро муъайян мекунад. Ва медонад, ки шумо ҳаргиз ҳисоби онро натавонед дошт. Пас тавбаи шуморо қабул кард. Ва ҳар чӣ муяссар шавад, аз Қуръон бихонед. Медонад чӣ касоне аз шумо бемор хоҳанд шуд ва гурӯҳе дигар ба талаби рӯзии Худо ба сафар мераванд ва гурӯҳи дигар дар роҳи Худо ба ҷанг мераванд. Пас ҳар чӣ муяссар шавад, аз он бихонед. Намоз бигузореду закот бидиҳед ва ба Худо қарзи некӯ диҳед. Ва ҳар хайреро, ки барои худ пешопеш бифиристед, онро назди Худо хоҳед ёфт. Ва он мукофоти беҳтар аст ва музде бузургтар аст. Ва аз Худо бахшоиш бихоҳед, зеро Худо бахшояндаву меҳрубон аст!
تقدم القراءة