سورة الحجر

Uzbek - Uzbek translation

Uzbek - Uzbek translation dan الأوزبكية tilida الحجر surasining tarjimasi

Uzbek - Uzbek translation

الذهاب لصفحة الكتاب
Verse 1
ﭑﭒﭓﭔﭕﭖﭗ ﭘ ​


Алиф. Лоом. Ро. Ушбулар китобнинг ва равшан Қуръоннинг оятларидир.
Verse 2
ﭙﭚﭛﭜﭝﭞﭟ ﭠ ​

Ҳали, куфр келтирганлар мусулмон бўлишни ҳам истаб қолурлар. (Ушбу ҳолат жон таслим қилиш чоғида, қиёмат куни Аллоҳ таоло мусулмонларни жаннатга киритаётган пайтда, баъзи гуноҳлари туфайли дўзахга тушган аҳли қиблалар ундан озод бўлиб жаннатга ўтаётганларида бўлади.)
Verse 3
ﭡﭢﭣﭤﭥﭦﭧﭨ ﭩ ​

Уларни тек қўй, еб-ичиб, ҳузурланиб, умидлар ила машғул бўлиб юраверсинлар. Бас, тезда билурлар.
Verse 5
ﭳﭴﭵﭶﭷﭸﭹ ﭺ ​

Ҳеч бир уммат ўз ажалидан ўзиб кета олмас ва ортда ҳам қола олмас.
Verse 7
ﮄﮅﮆﮇﮈﮉﮊﮋ ﮌ ​

«Агар ростгўйлардан бўлсанг, бизга фаришталарни келтирсанг-чи», дерлар. (Бу гап ҳам, аввал айтиб ўтилгандек, ўзларига ўхшаган одамни Пайғамбар бўлишини ақлига сиғдира олмасликдан келиб чиқади.)
Verse 8
ﮍﮎﮏﮐﮑﮒﮓﮔﮕ ﮖ ​

Биз фаришталарни фақат ҳақ ила тушурурмиз, холос. У ҳолда уларга қараб турилмас. (Фаришталарни туширган чоғимизда кофирларга қараб турилмай улар ҳалок қилинади.)
Verse 9
ﮗﮘﮙﮚﮛﮜﮝ ﮞ ​

Албатта, зикрни Биз нозил қилдик ва, албатта, уни Биз муҳофаза қилурмиз. (Ушбу зикр–Қуръон.)
Verse 10
ﮟﮠﮡﮢﮣﮤﮥ ﮦ ​

Батаҳқиқ, сендан олдин ҳам аввалгилар гуруҳларига (Пайғамбар) юборганмиз.
Verse 11
ﮧﮨﮩﮪﮫﮬﮭﮮ ﮯ ​

Уларга қайси бир Пайғамбар келса, уни масхара қилмасдан қўймас эдилар.
Verse 12
ﮰﮱﯓﯔﯕ ﯖ ​

Шунга ўхшаш Биз уни жиноятчилар қалбига солармиз.
Verse 13
ﯗﯘﯙﯚﯛﯜﯝ ﯞ ​

Унга (Қуръонга) иймон келтирмаслар. Батаҳқиқ, аввалгиларнинг суннати-одати шундоқ ўтгандир.
Verse 15
ﯩﯪﯫﯬﯭﯮﯯﯰ ﯱ ​

Улар: «Албатта, кўзларимиз боғланди, балки биз сеҳрланган қавмдирмиз», дерлар. (Аллоҳнинг ҳақлиги ҳақидаги мўъжиза кўрсатилиб, қўлига ушлатиб қўйилса ҳам, эҳтимол удир, эҳтимол будир, балки табиат қонунини мен тушунмаётгандирман, деб тураверадилар.)
Verse 16
ﭑﭒﭓﭔﭕﭖﭗ ﭘ ​

Батаҳқиқ, Биз осмонларда буржлар қилиб қўйдик ва уни назар солувчилар учун зийнатлаб қўйдик. (Осмон ҳамманинг кўз ўнгида турибди. Лекин ҳамма ҳам осмонни Аллоҳнинг қудратига далолат қилувчи буюк мўъжиза деб тушунавермайди. Аслида, у мўъжизадир. Хўш, шундай улкан, бепоён, чексиз осмонни ким яратган? Яратганда ҳам, юлдузлар юрадиган йўллар–буржлар билан ким яратган? Албатта, Аллоҳ яратган.)
Verse 17
ﭙﭚﭛﭜﭝ ﭞ ​

Уни ҳар бир қувилган шайтондан муҳофаза қилдик.
Verse 18
ﭟﭠﭡﭢﭣﭤﭥ ﭦ ​

Магар бирортаси ўғриликча қулоқ осса, равшан олов унинг ортидан тушар.
Verse 19
ﭧﭨﭩﭪﭫﭬﭭﭮﭯﭰﭱ ﭲ ​

Биз ерни ёйиб, устига баланд тоғларни ташлаб қўйдик ва унда ўлчанган турли нарсаларни ўстириб қўйдик.
Verse 20
ﭳﭴﭵﭶﭷﭸﭹﭺ ﭻ ​

Ва унда сизлар учун маош воситаларини ва сиз ризқини бера олмайдиган кимсаларни қилиб қўйдик.
Verse 21
ﭼﭽﭾﭿﮀﮁﮂﮃﮄﮅﮆ ﮇ ​

Ҳеч бир нарса йўқки, унинг хазиналари Бизнинг ҳузуримизда бўлмаса. Биз уни фақат маълум миқдорла нозил қилурмиз.
Verse 22
ﮈﮉﮊﮋﮌﮍﮎﮏﮐﮑﮒﮓ ﮔ ​

Биз шамолларни урчитувчилар этиб юбордик. Бас, осмондан сув тушириб, у ила сизларни сероб қилдик. Сизлар уни тўплаб олувчи эмассиз. (Яъни, Биз шамолларни ўлчов билан булутларни урчитувчи, бир-бирига қўшиб сув ҳосил қилувчи этиб юбордик. Асосан, ёмғирнинг ёғишига шамоллар сабаб бўлади. Улар маълум қоидаларга кўра эсади. Пайдо бўлган булутларнинг бир-бирлари ила қўшилишларидан сув ҳосил бўлади. Ана шундан кейин осмондан сув тушади, ёмғир ёғади. Аллоҳ таоло у сув билан ер юзини, одамларни сероб қилади. Деярли ҳамма ризқ осмондан тушган шу сувга боғлиқ бўлади. Инсон эса, Аллоҳ тайёр ҳолда унга осмондан тушириб берган сувни тўплаб олишга ҳам қодир эмас. Уни тўплашни ҳам булоқ, қудуқ, анҳор, ер ости кўллари ва бошқа воситалар орқали Аллоҳ таолонинг Ўзи амалга оширади.)
Verse 23
ﮕﮖﮗﮘﮙﮚ ﮛ ​

Албатта, Биз Ўзимиз тирилтирурмиз ва Биз меросхўрлармиз.
Verse 24
ﮜﮝﮞﮟﮠﮡﮢ ﮣ ​

Батаҳқиқ, сиздан олдин келганларни билдик. Батаҳқиқ, кейин келганларни ҳам билдик.
Verse 25
ﮤﮥﮦﮧﮨﮩﮪﮫ ﮬ ​

Албатта, сенинг Роббинг Ўзи уларни маҳшарга жамлар. Албатта, У ҳикматли ва илмли Зотдир.
Verse 26
ﮭﮮﮯﮰﮱﯓﯔﯕ ﯖ ​

Батаҳқиқ, Биз инсонни қуруқ лойдан, ўзгартирилган қора балчиқдан яратдик.
Verse 28
ﯟﯠﯡﯢﯣﯤﯥﯦﯧﯨﯩﯪ ﯫ ​

Сен Роббингнинг фаришталарга: «Албатта, мен қуруқ лойдан, ўзгартирилган қора балчиқдан башар яратгувчидирман.
Verse 29
ﯬﯭﯮﯯﯰﯱﯲﯳﯴ ﯵ ​

Бас, қачонки уни тўғрилаб бўлганимда ва ичига Ўз руҳимдан пуфлаганимда, унга сажда қилган ҳолингизда йиқилинг», деганини эсла.
Verse 30
ﯶﯷﯸﯹ ﯺ ​

Бас, фаришталар барчалари сажда қилдилар.
Verse 31
ﯻﯼﯽﯾﯿﰀﰁ ﰂ ​

Магар Иблис сажда қилувчилар билан бирга бўлишдан бош тортди.
Verse 32
ﭑﭒﭓﭔﭕﭖﭗﭘ ﭙ ​

У зот: «Эй иблис! Сенга не бўлди, сажда қилувчилар билан бирга бўлмаслигингга?» деди.
Verse 33
ﭚﭛﭜﭝﭞﭟﭠﭡﭢﭣﭤ ﭥ ​

У: «Сен қуруқ лойдан, ўзгартирилган қора балчиқдан яратган башарга сажда қила олмасдим», деди.
Verse 34
ﭦﭧﭨﭩﭪ ﭫ ​

У зот: «Бас, сен ундан чиқ! Албатта, сен қувилгансан!
Verse 35
ﭬﭭﭮﭯﭰﭱ ﭲ ​

Ва, албатта, сенга то жазо кунигача лаънат бўлур!» деди.
Verse 36
ﭳﭴﭵﭶﭷﭸ ﭹ ​

У: «Эй Роббим, мени улар қайта тириладиган кунгача қўйиб қўйгин», деди.
Verse 37
ﭺﭻﭼﭽ ﭾ ​

У зот: «Албатта, сен қўйиб қўйилганлардансан.
Verse 39
ﮄﮅﮆﮇﮈﮉﮊﮋﮌﮍ ﮎ ​

У: «Эй Роббим, мени залолатга кетказганинг сабабидан, албатта, мен уларга ер юзида (гуноҳларни) зийнатлаб кўрсатаман ва, албатта, уларнинг ҳаммасини иғво қиламан.
Verse 40
ﮏﮐﮑﮒ ﮓ ​

Магар, улардан танланган бандаларингни (адаштира олмайман)», деди.
Verse 42
ﮚﮛﮜﮝﮞﮟﮠﮡﮢﮣﮤ ﮥ ​

Албатта, Менинг бандаларим устида сенинг султонинг йўқдир, магар сенга эргашган гумроҳларгагина бордир.
Verse 43
ﮦﮧﮨﮩ ﮪ ​

Албатта, жаҳаннам уларнинг барчасининг ваъда қилинган жойидир.
Verse 44
ﮫﮬﮭﮮﮯﮰﮱﯓ ﯔ ​

Унинг етти эшиги бордир. Ҳар бир эшик учун улардан тақсимланган бўлаги бордир» деди. (Баъзи ривоятларда келишича, жаҳаннам етти қаватдан иборат бўлиб, ҳар қаватининг алоҳида эшиги бўлар экан. Ҳар қавати бир-биридан ашаддийроқ бўлар экан. Чунки гумроҳлик, хатокорлик ҳам ҳар хил бўлади. Қилган гуноҳи даражасига қараб кофирлар турли қаватларга киритилади. Шайтонга эргашган гумроҳлар тақсимлаб, бўлиб-бўлиб, гуруҳларга ажратиб қўйилган бўлади. Ўша мазкур етти эшикдан гуноҳининг кўп-озлигига қараб бирин-кетин киритилаверадилар.)
Verse 45
ﯕﯖﯗﯘﯙ ﯚ ​

Албатта, тақводорлар жаннатлар ва чашмалардадир.
Verse 46
ﯛﯜﯝ ﯞ ​

«У(жаннатлар)га тинчлик, омонлик ила киринглар» (дейилур).
Verse 47
ﯟﯠﯡﯢﯣﯤﯥﯦﯧﯨ ﯩ ​

Уларнинг дилларидаги ғилли-ғиштларни чиқариб ташладик. Сўриларда бир-бирларига боқиб, дўст бўлган ҳолларида ўлтирурлар. (Инсон қанчалик моддий роҳат-фароғатга эришмасин, кўнглида бир оз ғашлик бўлса, унга ўша роҳат-фароғат татимайди. Шунинг учун Аллоҳ таоло Ўз раҳмати ила жаннатга сазовор қилган тақводор бандаларининг дилларида ғашликлар, яъни, ҳиқду ҳасад, кўра олмаслик каби баъзи бир иллатлар бўлса, чиқариб ташлайди.)
Verse 48
ﯪﯫﯬﯭﯮﯯﯰﯱ ﯲ ​

Уларни у жойда чарчоқ тутмас ва улар ундан чиқарилувчи ҳам эмаслар.
Verse 49
ﯳﯴﯵﯶﯷﯸﯹ ﯺ ​

Бандаларимга хабар бергил: «Албатта, Менинг Ўзим ғофуру роҳиймдирман».
Verse 51
ﰁﰂﰃﰄ ﰅ ​

Уларга Иброҳимнинг меҳмонлари хабарини бер.
Verse 52
ﭑﭒﭓﭔﭕﭖﭗﭘﭙ ﭚ ​

Унинг ҳузурига кирганларида: «Салом», дедилар. У: «Албатта, биз сизлардан қўрқмоқдамиз», деди.
Verse 53
ﭛﭜﭝﭞﭟﭠﭡ ﭢ ​

Улар: «Қўрқма, биз сенга ўта билимдон ўғилнинг хушхабарини берурмиз», дедилар.
Verse 54
ﭣﭤﭥﭦﭧﭨﭩﭪ ﭫ ​

У: «Мени кексалик тутганида, хушхабар берасизларми? Ниманинг хушхабарини беряпсизлар ўзи?» деди.
Verse 55
ﭬﭭﭮﭯﭰﭱﭲ ﭳ ​

Улар: «Биз сенга ҳақ ила башорат бердик. Бас, сен ноумид бўлувчилардан бўлма», дедилар.
Verse 56
ﭴﭵﭶﭷﭸﭹﭺﭻ ﭼ ​

У: «Фақат залолатга кетган кишиларгина ўз Роббининг раҳматидан ноумид бўлурлар», деди. (Аллоҳнинг раҳматидан ноумид бўлиш фақат бир тоифага–йўлдан адашган, гумроҳ тоифага хос. Аллоҳнинг раҳматидан юз ўгириб, залолат йўлига кириб кетган кимсагина ноумид бўлади, холос.)
Verse 57
ﭽﭾﭿﮀﮁ ﮂ ​

У: «Эй элчилар, нима иш ила юборилдингиз?» деди. (Яъни, менга жуда билимдон ўғил хушхабарини беришдан бошқа яна нима иш билан юборилдингиз, деди.)
Verse 59
ﮊﮋﮌﮍﮎﮏ ﮐ ​

Магар Лут аҳлига эмас. Албатта, Биз уларнинг ҳаммасини қутқаргувчилармиз.
Verse 60
ﮑﮒﮓﮔﮕﮖ ﮗ ​

Фақат унинг хотинигина истиснодир. Унинг, албатта, қолувчилардан бўлишини тақдир қилдик», дедилар.
Verse 62
ﮞﮟﮠﮡ ﮢ ​

У: «Албатта, сиз нотаниш қавмсиз», деди.
Verse 63
ﮣﮤﮥﮦﮧﮨﮩ ﮪ ​

Улар: «Йўқ! Биз сенга улар шак қилаётган нарса ила келдик.
Verse 64
ﮫﮬﮭﮮ ﮯ ​

Сенга ҳақ ила келдик ва албатта, бизлар ростгўйлардурмиз.
Verse 65
ﮰﮱﯓﯔﯕﯖﯗﯘﯙﯚﯛﯜﯝﯞ ﯟ ​

Аҳлинг ила кечанинг бир бўлагида йўлга чиқ, сен уларнинг ортидан кузатиб бор. Сизлардан ҳеч бирларингиз ортга қарамасин. Амр қилинган томонингизга кетаверинглар», дедилар.
Verse 66
ﯠﯡﯢﯣﯤﯥﯦﯧﯨ ﯩ ​

Ва унга ушбу амрни ваҳий қилдик: «Албатта, анавиларнинг орқаси субҳ чоғи кесилажакдир».
Verse 67
ﯪﯫﯬﯭ ﯮ ​

Ва шаҳар аҳли севиниб, етиб келдилар. (Лут (а. с.) қавми яшайдиган Садум шаҳрининг жинояткор аҳолиси, Лутнинг уйига чиройли, ёш йигитлар келган эмиш, улар билан фоҳиша иш қиладиган бўлибмиз, деб севинган ҳолларида етиб келдилар.)
Verse 68
ﯯﯰﯱﯲﯳﯴ ﯵ ​

У: «Булар менинг меҳмонларим, ахир. Мени шарманда қилманглар.
Verse 69
ﯶﯷﯸﯹ ﯺ ​

Ва Аллоҳдан қўрқинглар! Мени хор қилманглар», деди.
Verse 70
ﯻﯼﯽﯾﯿ ﰀ ​

Улар: «Биз сени оламлардан қайтармаганмидик?!» дедилар. (Лут (а. с.) уларни ўтакетган фаҳш иш бўлмиш баччабозликдан қайтарганлар, кимларнидир ҳимоя қилганлар ва жиноятчи қавм у кишига оламда ҳеч кимни ҳимоя қилмасликни айтиб таҳдид солган. Улар ҳозир Лутга (а. с.) ораларида аввал бўлиб ўтган ўша гап-сўзларни эслатмоқдалар.)
Verse 71
ﭑﭒﭓﭔﭕﭖ ﭗ ​

У: «Агар (бу ишни) қилувчи бўлсангиз, анаву қизларим бор», деди.
Verse 72
ﭘﭙﭚﭛﭜ ﭝ ​

Сенинг умринг ила қасамки, албатта, улар ўз сархушликларида тентирамоқдалар.
Verse 73
ﭞﭟﭠ ﭡ ​

Бас, уларни қуёш чиқиш пайтида даҳшатли қичқириқ тутди.
Verse 74
ﭢﭣﭤﭥﭦﭧﭨﭩ ﭪ ​

Бас, Биз (бу шаҳарнинг) остини устин қилдик ва улар устига лойи қотган тошлар ёғдирдик.
Verse 75
ﭫﭬﭭﭮﭯ ﭰ ​

Албатта, бунда фаросатли кишилар учун оят-белгилар бордир.
Verse 76
ﭱﭲﭳ ﭴ ​

Албатта, у(шаҳар) боқий йўл устидадир. (Яъни, Лут (а. с.) қавми ҳалокатга учраган шаҳарнинг вайроналари ҳозиргача боқий йўл устидадир. У орқали одамлар Ҳижоз билан Шом ўртасида қатнайдилар. Жумладан, Макка аҳли ҳам Шомга борганларида ва у ердан қайтганларида, шу йўлдан юрадилар.)
Verse 77
ﭵﭶﭷﭸﭹ ﭺ ​

Албатта, бунда мўминлар учун оят-ибрат бордир.
Verse 78
ﭻﭼﭽﭾﭿ ﮀ ​

Албатта, бир-бирига киришиб кетган дарахтзор эгалари золимлардан бўлганлар.
Verse 79
ﮁﮂﮃﮄﮅ ﮆ ​

Бас, Биз улардан интиқом олдик. Албатта, уларнинг икковлари ҳам очиқ йўл устидадир.
Verse 80
ﮇﮈﮉﮊﮋ ﮌ ​

Батаҳқиқ, Ҳижр эгалари Пайғамбарларни ёлғончига чиқардилар.
Verse 81
ﮍﮎﮏﮐﮑ ﮒ ​

Ва уларга оятларимизни бердик. Бас, юз ўгирувчи бўлдилар.
Verse 82
ﮓﮔﮕﮖﮗﮘ ﮙ ​

Улар тоғдан ўйиб уй ясаб, омонликда юрар эдилар.
Verse 83
ﮚﮛﮜ ﮝ ​

Бас, субҳидам чоғида уларни қаттиқ қичқириқ тутди.
Verse 85
ﮥﮦﮧﮨﮩﮪﮫﮬﮭﮮﮯﮰﮱﯓﯔﯕ ﯖ ​

Биз осмонлару ерни ва улардаги нарсаларни ҳақ ила яратдик. Албатта, қиёмат келгувчидир. Бас, сен гўзал шаклда юз ўгир.
Verse 86
ﯗﯘﯙﯚﯛ ﯜ ​

Албатта, Роббинг яратгувчи ва билгувчи зотдир.
Verse 87
ﯝﯞﯟﯠﯡﯢﯣ ﯤ ​

Ва, батаҳқиқ, сенга етти такрорланувчини ва Улуғ Қуръонни бердик. (Оятдаги «етти такрорланувчи»дан мурод Фотиҳа сурасидир. Чунки бу сураи карима етти оятдан иборат бўлиб, жуда кўп такрорланади. Намознинг ҳар ракатида қайта-қайта ўқилади.)
Verse 88
ﯥﯦﯧﯨﯩﯪﯫﯬﯭﯮﯯﯰﯱﯲﯳ ﯴ ​

Биз улардан баъзи гуруҳларни баҳраманд қилган нарсаларга (ҳавас-ла) назар солма! Улар учун хафа ҳам бўлма! Мўминларга қанотингни пастлат!
Verse 89
ﯵﯶﯷﯸﯹ ﯺ ​

Ва: «Албатта, мен очиқ-ойдин огоҳлантиргувчиман», деб айт.
Verse 90
ﯻﯼﯽﯾ ﯿ ​

Худди тақсимловчиларга туширганимизга ўхшаш. (Аҳли китоб; яҳудий ва насоролар ўзларига келган илоҳий китобларни тақсимлаб, бир қисмига иймон келтириб, бир қисмига иймон келтирмаган эдилар. Ана ўшаларга китоб туширганимизга ўхшаб сенга ҳам китоб туширдик.)
Verse 91
ﭑﭒﭓﭔ ﭕ ​

Қуръонни парча-парча қилганларга. («Қуръонни парча-парча қилган тақсимловчилар» деганда аҳли китоб яҳудий ва насоролар назарда тутилгандир. Улар ўзларига келган илоҳий китобларни тақсимлаб, бир қисмига иймон келтириб, бир қисмига иймон келтирмаган эдилар. Энди Қуръонни ҳам парча-парча қилиб, ўз фикрларига мос келганини олиб, тўғри келмаганини тарк этмоқчи бўлмоқдалар.)
Verse 92
ﭖﭗﭘ ﭙ ​

Бас, Роббинг ила қасамки, уларнинг ҳаммасидан, албатта, сўрармиз.
Verse 93
ﭚﭛﭜ ﭝ ​

Қилиб юрган ишлари ҳақида.
Verse 94
ﭞﭟﭠﭡﭢﭣ ﭤ ​

Бас, сенга амр этилган нарсани юзага чиқар ва мушриклардан юз ўгир. (Ушбу оят нозил бўлгунга қадар Расулуллоҳ (с. а. в.) одамларни динга сирли-яширин равишда даъват этар эдилар. Бу оятдаги «юзага чиқар» деган амрга мувофиқ ошкора даъватни бошладилар. Мушрикларнинг гап-сўзларига эътибор бермай қўйдилар.)
Verse 95
ﭥﭦﭧ ﭨ ​

Албатта, Биз сенга истеҳзо қилувчилардан кифоя қилурмиз.
Verse 96
ﭩﭪﭫﭬﭭﭮﭯﭰﭱ ﭲ ​

Улар Аллоҳ билан бирга бошқа илоҳ (шерик) қилурлар. Бас, тезда билурлар.
Verse 97
ﭳﭴﭵﭶﭷﭸﭹ ﭺ ​

Албатта, Биз уларнинг айтаётганларидан сенинг дилинг сиқилишини яхши биламиз.
Verse 98
ﭻﭼﭽﭾﭿﮀ ﮁ ​

Бас, Роббинг ҳамди ила тасбиҳ айт ва сажда қилгувчилардан бўл.
Verse 99
ﮂﮃﮄﮅﮆ ﮇ ​

Ва сенга аниқ нарса (ўлим) келгунича Роббингга ибодат қил.
تقدم القراءة