ترجمة سورة الأعلى باللغة تتاري

آية رقم 1

ﮟﮠﮡﮢ ﮣ

Барча кимчелекләрдән пакь булган Раббыңның исеме илә тәсбихләр әйткел, намаз укыгыл.

آية رقم 2

ﮤﮥﮦ ﮧ

Ул – Аллаһ барча вөҗудне халык кылды, һәр нәрсәне кагыйдәгә муафыйк төзеп тәмам итте.

آية رقم 3

ﮨﮩﮪ ﮫ

Вә Ул һәрнәрсәгә тәкъдир төзеде вә һәрнәрсәне юлга салды.

آية رقم 4

ﮬﮭﮮ ﮯ

Вә Ул хайваннар өчен үләннәр үстерде.

آية رقم 5

ﮰﮱﯓ ﯔ

Ул үләннәрне көзге көннәрдә кипкән сары кау кылды.

آية رقم 6

ﯕﯖﯗ ﯘ

Тиздән укырбыз сиңа Коръән аятьләрен һәм син онытмассың.

آية رقم 7

ﯙﯚﯛﯜﯝﯞﯟﯠﯡﯢ ﯣ

Мәгәр Аллаһ теләгәнне генә онытырсың, әлбәттә, Ул яшерен эшләнгән эшләрне дә һәм әшкәрә эшләнгән эшләрне дә беләдер.

آية رقم 8

ﯤﯥ ﯦ

Вә Без сине җиңеллеккә мүйәссәр кылырбыз, ягъни җәннәтнең мәңгелек җиңел тормышына алып бара торган шәригать хөкемнәрен сиңа бирербез.

آية رقم 9

ﯧﯨﯩﯪ ﯫ

Кешеләрне Коръән белән вәгәзьлә, әгәр аларга вәгазь файда бирә торган булса.

آية رقم 10

ﯬﯭﯮ ﯯ

Аллаһудан курыккан кеше тиз вәгазьләнер һәм ишеткән белән гамәл кылыр.

آية رقم 11

ﭑﭒ ﭓ

Вә Коръән вәгазеннән качар һич кабул итмәс, бик явыз яман кеше.

آية رقم 12

ﭔﭕﭖﭗ ﭘ

Ул явыз кеше олугъ җәһәннәмгә керер.

آية رقم 13

ﭙﭚﭛﭜﭝﭞ ﭟ

Соңра ул җәһәннәмдә үлмәс, үлсә ґәзабтан котылыр иде һәм файда күрә торган тере булу белән тере булмас.

آية رقم 14

ﭠﭡﭢﭣ ﭤ

Мөшриклектән вә монафикълыктан, рия вә бидеґәт гамәлләрдән, фәхеш вә хәрам эшләрдән үзен пакьләгән һәм сакланган кеше, тәхкыйк ґәзабтан котылып өстенлек тапты.

آية رقم 15

ﭥﭦﭧﭨ ﭩ

Вә ул кеше Раббысын зекер итеп намаз укыды.

آية رقم 16

ﭪﭫﭬﭭ ﭮ

Ий кешеләр бәлки сез дөнья тереклеген ихтыяр кыласыз, барча көчегезне дөнья өчен генә сарыф итәсез.

آية رقم 17

ﭯﭰﭱ ﭲ

Бит ахирәт дөньядан яхшырактыр һәм мәңгелектер.

آية رقم 18

ﭳﭴﭵﭶﭷ ﭸ

Тәхкыйк бу сүзләр әүвәлге пәйгамбәрләрнең сәхифәләрендә зекер ителгәндер.