ترجمة سورة عبس

Tatar - Tatar translation
ترجمة معاني سورة عبس باللغة تتاري من كتاب Tatar - Tatar translation .

ﰡ

ﭑﭒ ﰀ​


Йөзен чытты һәм төмсәләнеп борылды.
ﭔﭕﭖ ﰁ​

Аңа сукыр ибнү өммү Мәктүм килгән вакытта. (Бер- вакыт Мухәммәд г-м, кураешларның олугълары вә байлары илә сөйләшеп аларны иманга өндәп утырганда ибнү өммү Мәктүм килеп Мухәммәд г-мнең мәшгуль икәнен белмичә, йә Мухәммәд миңа Коръән укысаңчы, диде. Мухәммәд г-м кураешларның иманга килүләрен өмет итеп утырганлыктан мәҗлесне бүләсе килмичә, ибнү өммү Мәктүмгә йөзен чытты һәм аңардан борылды. Соңра Аллаһ ошбу сүрәне иңдереп расүлне шелтә кылды. Шуннан соң Мухәммәд г-м ибнү өммү Мәктүмне һәрвакыт хөрмәтли торган булды.)
ﭘﭙﭚﭛ ﰂ​

Сиңа нәрсә белдерде ягъни ул кураешлар илә сөйләшүме яки Коръән өйрәтүме яхшы икәнен кайдан белдең, шаять ибнү өммү Мәктум синнән Коръән укырга өйрәнеп гөнаһлардан яки батыл диннән пакьләнер.
ﭝﭞﭟﭠ ﰃ​

Яисә Коръән белән вәгазъләнер дә, вәгазь аңа файда бирер.
ﭢﭣﭤ ﰄ​

Әмма берәү байлыгына таянып хак динне кирәксенмәсә һәм Аллаһуга гыйбадәт кылудан баш тартса,
ﭦﭧﭨ ﰅ​

син аңа таба борыласың һәм сүзенә колак саласың.
ﭪﭫﭬﭭ ﰆ​

Сиңа нинди зарар бар ул кешенең мөшриклектән һәм гөнаһтан пакьләнмәвеннән?
ﭯﭰﭱﭲ ﰇ​

Вә әмма берәү ашыгып сиңа килсә,
ﭴﭵ ﰈ​

Раббысыннан курыккан хәлдә,
ﭷﭸﭹ ﰉ​

син аңардан борылып башкалар илә мәшгуль буласың.
ﭻﭼﭽ ﰊ​

Юк, алай кирәкмәс, тәхкыйк ул Коръән кешегә файдалы вә зарарлы нәрсәләрнең һәммәсен сөйлидер.
ﭿﮀﮁ ﰋ​

Теләгән кеше Коръәнне аңлап гыйбрәтләнсен, аның белән гамәл кылып төзәлсен һәм туры юлны тапсын! (Димәк, Коръән белән вәгазьләнүне, Коръәндәге Аллаһ хөкемнәре белән танышуны һәм аның белән гамәл кылуны һичнәрсәгә алыштырырга ярамый).
ﮃﮄﮅ ﰌ​

Ул Коръән хөрмәтле сәхифәләрдәдер.
ﮇﮈ ﰍ​

Хөрияте бик югары, хатадан бик пакь.
ﮊﮋ ﰎ​

Язучы фәрештәләр кулындадыр.
ﮍﮎ ﰏ​

Ул фәрештәләр Аллаһ хозурында хөрмәтлеләр вә бик итагатьлеләр.
ﮐﮑﮒﮓ ﰐ​

Ләгънәт төшкән кеше ни гаҗәп көфран нигъмәттә ифрат кылучыдыр, ягъни бик каты көферлек кыладыр!
ﮕﮖﮗﮘ ﰑ​

Аллаһ аны ни нәрсәдән яратты соң?
ﮚﮛﮜﮝ ﰒ​

Мәни суыннан бит! Кешене яратты да, аның әгъзасын, гомерен һәм ризыкларын чикләде.
ﮟﮠﮡ ﰓ​

Соңра хак юлны табарга мөмкинлек бирде ягъни гакыл, фикер бирде һәм китап иңдереп, пәйгамбәр күндереп туры юлны күрсәтте.
ﮣﮤﮥ ﰔ​

Соңра аны үтерде дә кабергә куйды, ягъни хайваннар кеби җир өстенә ташламады.
ﮧﮨﮩﮪ ﰕ​

Соңра теләгән вакытында тергезеп кубарыр аны.
ﮬﮭﮮﮯﮰ ﰖ​

Юк, әле алай була торып та, Аллаһ әмерләрен җиренә җиткермәде.
ﯓﯔﯕﯖ ﰗ​

Кеше карасын ашаган ризыгына.
ﯘﯙﯚﯛ ﰘ​

Тәхкыйк Без аңа суны чын кою белән койдык.
ﯝﯞﯟﯠ ﰙ​

Соңра җирне чын яру илә ярдык та,
ﯢﯣﯤ ﰚ​

ул җирдә иген бөртекләрен үстердек.
ﯦﯧ ﰛ​

Йөземне вә җыеп алган коры җимешләрне,
ﯩﯪ ﰜ​

дәхи зәйтүн, хөрмә агачларын үстердек.
ﯬﯭ ﰝ​

Дәхи күп агачлы бакчаларны,
ﯯﯰ ﰞ​

дәхи төрле җимешләрне вә печәннәрне үстердек.
ﯲﯳﯴ ﰟ​

Күп нәрсәләр үстердек үзегез һәм хайваннарыгыз файдалану өчен.
ﯶﯷﯸ ﰠ​

Һәркайчан колакны тондыручы каты сур тавышы килсә.
ﯺﯻﯼﯽﯾ ﰡ​

Ул көндә кеше качар карендәшләреннән.
ﰀﰁ ﰢ​

Һәм анасыннан вә атасыннан.
ﰃﰄ ﰣ​

Һәм хатыныннан вә балаларыннан качар.
ﰆﰇﰈﰉﰊﰋ ﰤ​

Алардан һәм кеше өчен бардыр кыямәт көнендә аны мәшгуль итәрлек каты эшләр.
ﰍﰎﰏ ﰥ​

Ул көндә кайбер йөзләр якты,
ﰑﰒ ﰦ​

көлүче, шатланучыдыр.
ﰔﰕﰖﰗ ﰧ​

Вә ул көндә кайбер йөзләрдә караңгылык тузан булыр.
ﭑﭒ ﰨ​

Ул йөзләрне каралык вә караңгылык каплар.
ﭔﭕﭖﭗ ﰩ​

Бу кара йөзле кешеләр көфран нигъмәт кылучы һәм Аллаһуга итагать итмәүче кешеләрдер.
Icon