ترجمة سورة الأعلى

الترجمة الإنكو بامبارا - ديان محمد
ترجمة معاني سورة الأعلى باللغة الإنكو بامبارا من كتاب الترجمة الإنكو بامبارا - ديان محمد .

ߌ ߡߊ߰ߙߌ߬ ߞߘߐߕߊ߬ߣߍ߲߬ߓߊ ߕߐ߮ ߛߊߣߌ߲ߧߊ߫
ߡߍ߲ ߞߊ߬ ߘߊ߲ߠߌ߲ ߞߍ߫ ߞߵߊ߬ ߟߊߞߢߊ߫
ߊ߬ ߣߌ߫ ߡߍ߲ ߞߊ߬ ( ߝߋ߲ ߓߍ߯ ߢߊ߬ߞߏ߫ ) ߟߊߕߍ߰ ߞߵߊ߬ߟߎ߬ ߞߊ߲ߘߊ߫ ( ߏ߬ ߡߊ߬ )
ߊ߬ ߣߌ߫ ߡߍ߲ ߞߊ߬ ߖߍߥߎߟߍ ߟߊߓߐ߫
ߊ߬ ߣߊ߬ ߘߴߏ߬ ߞߍ߫ ߢߊ߰ߛߊ߬ ߖߊߙߊ߲߫ ߝߌ߲߬ߣߍ߲ ߘߌ߫
ߊ߲ ߘߌߣߵߌ ߟߊߓߌ߬ߟߊ߬ ( ߞߏ ߟߎ߬ ߟߊ߫ ) ߝߏ߫ ߌ ߕߍ߫ ߢߌ߬ߣߊ߬
ߝߏ߫ ߡߍ߲ ( ߞߐߢߌ߬ߣߊ) ߓߊ߯ ߊߟߊ߫ ߘߌߦߊ߫، ߓߊ ߏ߬ ߟߋ ߞߊ߬ ߟߊ߲ߞߣߍߡߊ ߟߐ߲߫ ߊ߬ ߣߌ߫ ߡߍ߲ ߦߋ߫ ߘߏ߲߰ ߠߊ߫
ߊ߬ ߣߴߊ߲ ߘߌߣߵߌ ߓߍ߲߬ ߌ ߛߋ߲߬ߡߊ߬ ߣߐ߰ߦߊ߬ ߘߐ߫
ߒ߬ߓߊ߬ ߌߟߋ ߦߋ߫ ߦߟߌߟߊߓߌߟߊ ߞߍ߫ ߖߐ߫ ߸ ߣߌ߫ ߦߟߌߟߊߓߌߟߊ ߞߊ߬ ߞߏߢߊ߬
( ߊߟߊߞߏ ) ߢߍ߬ߣߍ߲߬ߕߐ ߘߌ߫ ߞߊ߬ߥߊ߲߬ߘߌ߫ ( ߊ߬ ߟߊ߫ )
ߞߎ߬ߠߊ߲߬ߜߏ߬ߓߊ ߞߏ߬ߣߌ߲߬ ߘߴߊ߬ ߡߊߓߐ߫ ߊ߬ ߟߊ߫
ߏ߬ ߡߍ߲ ߘߏ߲߬ߕߐ߫ ߕߊ߫ ߓߟߋ߬ߓߟߋ ߘߐ߫
ߊ߬ ߕߍ߫ ߛߊ߬ ߦߋ߲߬ ߏ߬ ߞߐ߫ ߸ ߊ߬ ߘߏ߲߬ ߕߍ߫ ߢߣߊߡߦߊ߫
ߡߍ߲ ߓߊ߯ ߊ߬ ߖߘߍ߬ ߛߊߣߌ߲ߧߊ߫ ߸ ߏ߬ ߟߋ ߓߘߊ߫ ߛߎߘߊ߲߫
ߊ߬ ߣߌ߫ ߡߍ߲ ߞߵߊ߬ ߡߊ߰ߙߌ ߕߐ߮ ߝߐ߫ ߞߊ߬ ߛߊߟߌ߫
ߤߋߦߌ߬ ߸ ߊߟߎ߫ ߦߋ߫ ߘߎߢߊ߫ ߢߣߊߡߦߊ ߟߋ߬ ߛߎߥߊ߲ߘߌ߫ ߟߊ߫ ߓߊ߬؟
ߟߊ߬ߓߊ߲ (ߛߏ) ߕߊ ߟߋ߬ ߘߏ߲߬ ߦߊ߯ ߝߌ߬ߛߊ߬ ߸ ߏ߬ ߟߋ ߦߋ߫ ߕߏ߫ ߟߴߊ߬ ߡߊ߬
( ߞߎߡߊ ) ߣߌ߲߬ ߦߋ߫ ߞߝߊ߬ ߝߟߐߝߟߐ ߟߎ߬ ߘߐ߫
ߌߓߎ߬ߙߊ߬ߤߌߡߊ߫ ߟߊ߫ ߞߊ߬ߝߊ ߣߌ߫ ߡߎߛߊ߫ ߕߊ ߞߊ߬ߣߌ߲߫
Icon