Tungkol sa aling bagay nagtatanungan ang mga tagatambal na ito matapos na nagpadala si Allāh sa kanila ng Sugo Niya - basbasan siya ni Allāh at pangalagaan?
Nagtatanong sila sa isa't isa sa kanila tungkol sa ulat na dakila. Ito ay ang Qur'ān na ito na pinababa sa Sugo nila na naglalaman ng ulat hinggil sa pagbubuhay.
Hindi sila makatitikim doon ng isang hanging malamig na magpapalamig sa init ng Liyab para sa kanila, ni makatitikim sila roon ng isang inumin na mamasarapin nila,
Tunay na sila noon sa Mundo ay hindi natatakot sa isang pakikipagtuos ni Allāh sa kanila sa Kabilang-buhay dahil sila ay hindi sumasampalataya at pagbubuhay sapagkat kung sakaling sila noon ay nangangamba sa pagkabuhay ay talaga sanang sumampalataya sila kay Allāh at gumawa ng maayos.
Tunay na ukol sa mga tagapangilag magkasala sa Panginoon nila sa pamamagitan ng pagsunod sa mga ipinag-uutos Niya at pag-iwas sa mga sinasaway Niya ay pook na magtatamo sila roon ng hinihiling nila, ang Paraiso.
Hindi sila makaririnig sa Paraiso ng pananalitang bulaan, hindi sila makaririnig ng kasinungalingan, at hindi sila magsisinungaling sa isa't isa sa kanila.
[mula sa] Panginoon ng mga langit at lupa at Panginoon ng anumang nasa pagitan ng mga ito, ang Napakamaawain ng Mundo at Kabilang-buhay. Hindi nakapangyayari ang lahat ng nasa lupa o langit na humiling sa Kanya maliban kapag nagpahintulot Siya sa kanila.
Sa Araw na tatayo si Anghel Gabriel at ang mga anghel nang magkakahanay, hindi sila magsasalita hinggil sa pamamagitan sa isa man maliban sa sinumang nagpahintulot doon ang Napakamaawain na mamagitan iyon, at magsasabi iyon ng tama gaya ng Adhikain ng Tawḥīd.
Ang inilarawang iyon sa inyo ay ang Araw na walang pag-aalinlangan na iyon ay magaganap. Kaya ang sinumang nagnais ng kaligtasan doon mula sa pagdurusang dulot ni Allāh ay gumawa siya ng isang landas tungo doon kabilang sa mga gawaing maayos na nagpapalugod sa Panginoon niya.
Tunay na Kami ay nagbabala na sa inyo, ] mga tao, ng isang pagdurusang malapit mangyayari, sa Araw na makatitingin ang tao sa anumang ipinauna niya na gawain sa Mundo, at magsasabi ang tagatangging sumampalataya habang nagmimithi ng pagkaalpas mula sa pagdurusa: "O kung sana ako ay naging alabok tulad ng mga hayop kapag sinabi sasabihin sa kanila sa Araw ng Pagbangon: Maging alabok kayo!"