ﯓ

surah.translation .

ﰡ

ﭑﭒﭓﭔﭕ ﰀ​

СОД


Сод. Савганд ба Қуръони шарифи соҳиби панд,
ﭗﭘﭙﭚﭛﭜ ﰁ​

ки кофирон ҳамчунон дар саркашиву зиддият
ﭞﭟﭠﭡﭢﭣﭤﭥﭦﭧ ﰂ​

Чӣ бисёр мардумеро, ки пеш аз онҳо ба ҳалокат расонидем. Онон фарёд мебароварданд, вале гурезгоҳе набуд.
ﭩﭪﭫﭬﭭﭮﭯﭰﭱﭲﭳ ﰃ​

Дар тааҷҷуб шуданд аз ин ки бимдиҳандае аз миёни худашон бархост. Ва кофирон гуфтанд: «Ин ҷодугаре дурӯғгӯст.
ﭵﭶﭷﭸﭹﭺﭻﭼﭽ ﰄ​

Оё ҳамаи худоёнро як худо гардонида аст? Ва ин чизе аҷиб аст!»
ﭿﮀﮁﮂﮃﮄﮅﮆﮇﮈﮉﮊﮋ ﰅ​

Бузургонашон ба роҳ афтоданду гуфтанд: «Биравед ва бар парастиши худоёни худ пойдорӣ кунед, ки ин аст чизе, ки аз шумо хоста шуда.
ﮍﮎﮏﮐﮑﮒﮓﮔﮕﮖ ﰆ​

Мо дар ин охирин дин чунин сухане нашунидаем ва ин ғайри дурӯғ ҳеҷ нест.
ﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨ ﰇ​

Оё аз миёки ҳамаи мо ваҳй бар ӯ нозил шудааст?» Балки онҳо аз ваҳйи Ман дар шубҳаанд ва ҳанӯз азоби Маро начашидаанд.
ﮪﮫﮬﮭﮮﮯﮰ ﰈ​

ё он ки хазинаҳои раҳмати Парвардигори ғолиби бахшандаат дар назди онҳост?
ﯓﯔﯕﯖﯗﯘﯙﯚﯛﯜﯝ ﰉ​

Ё фармонравоии осмонҳову замин ва ҳар чӣ миёни он дуст, аз они онҳост? Пас бо нардбонҳое худро ба осмон кашанд.
ﯟﯠﯡﯢﯣﯤ ﰊ​

Он ҷо лашкарест ночиз аз чанд гурӯҳи шикастхӯрдаи (бар зидди пайрамбарон) ҷамъшуда.
ﯦﯧﯨﯩﯪﯫﯬﯭ ﰋ​

Пеш аз онҳо қавми Нӯҳ ва Од ва Фиръавн, ки мардумро ба чаҳормех мекашид, паёмбаронро дурӯғ мебароварданд.
ﯯﯰﯱﯲﯳﯴﯵﯶ ﰌ​

Ва низ қавми Самуд ва қавми Лут ва мардуми Айка аз он ҷамоъатҳо буданд.
ﯸﯹﯺﯻﯼﯽﯾ ﰍ​

Аз инҳо касе набуд, ки паёмбаронро дурӯғ набаровард ва уқубати Ман воҷиб омад.
ﰀﰁﰂﰃﰄﰅﰆﰇﰈﰉ ﰎ​

Инҳо низ бонге сахтро интизори доранд, чунон ки онро дигар таваққуфе (бозистодане) набошад.
ﰋﰌﰍﰎﰏﰐﰑﰒ ﰏ​

Ва гуфтанд: «Эй Парвардигори мо, номаи аъмоли моро пеш аз фаро расидани рӯзи ҳисоб ба дасти мо бидеҳ!»
ﭑﭒﭓﭔﭕﭖﭗﭘﭙﭚﭛﭜ ﰐ​

Бар ҳарчӣ мегӯянд, сабр кун. Ва аз бандаи Мо Довуди қудратманд, ки ҳамеша ба даргоҳи Мо тавба мекард, ёд овар!
ﭞﭟﭠﭡﭢﭣﭤ ﰑ​

Мо кӯҳҳоро ром кардем ва кӯҳҳо ҳар шомгоҳу бомдодон бо ӯ тасбеҳ мекарданд.
ﭦﭧﭨﭩﭪﭫ ﰒ​

Ва паррандагон бар ӯ ҷамъ меомаданд. Ҳама фармонбари ӯ буданд.
ﭭﭮﭯﭰﭱﭲ ﰓ​

Фармонравоияшро устуворӣ бахшидем ва ӯро ҳикмату фасоҳат дар сухан ато кардем.
ﭴﭵﭶﭷﭸﭹﭺﭻ ﰔ​

Оё хабари он хусуматкунандагонро шунидаӣ, он гоҳ ки аз девори қаср ба масҷид даромаданд?
ﭽﭾﭿﮀﮁﮂﮃﮄﮅﮆﮇﮈﮉﮊﮋﮌﮍﮎﮏﮐﮑﮒﮓﮔﮕ ﰕ​

Бар Довуд дохил шуданд. Довуд аз онҳо тарсид. Гуфтанд: «Матарс, мо ду даъвогар ҳастем, ки яке бар дигаре ситам кардааст. Миёни мо ба ҳақ довари кун ва пой аз адолат берун манеҳ ва моро ба рохи рост ҳидоят кун.
ﮗﮘﮙﮚﮛﮜﮝﮞﮟﮠﮡﮢﮣﮤﮥ ﰖ​

Ин бародари ман аст. Ӯро наваду нӯҳ меш (гӯсфанд) аст ва маро як меш. Мегӯяд: «Онро ҳам ба ман бидеҳ» ва дар даъво бар ман ғалаба ёфтааст».
ﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚﯛﯜﯝﯞﯟﯠﯡﯢﯣﯤﯥﯦﯧﯨﯩﯪ ﰗ​

Довуд гуфт: «Ӯ, ки меши туро аз ту мехоҳад то ба мешҳои худ бияфзояд, ба ту ситам мекунад. Ва бисёре аз шарикон ғайри касоне, ки имон овардаанд ва корҳои шоиста кардаанд — ва инҳо низ андак ҳастанд — бар якдигар ситам мекунанд». Ва Довуд донист, ки ӯро озмудем. Пас аз Парвардигораш бахшоиш хост ва ба руқӯъ дарафтоду тавба кард. (Саҷда).
ﯬﯭﯮﯯﯰﯱﯲﯳﯴﯵ ﰘ​

Мо ин хатояшро бахшидем. Ӯро ба даргоҳи Мо тақарруб (наздикӣ) аст ва бозгаште некӯ.
ﯷﯸﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔﰕ ﰙ​

Эй Довуд, Мо туро халифаи рӯи замин гардонидем. Дар миёни мардум ба ҳақ довари кун ва аз паи ҳавои нафс марав, ки туро аз роҳи Худо бероҳ созад. Онон, ки аз роҳи Худо каҷрав шаванд, ба он сабаб, ки рӯзи ҳисобро аз ёд бурдаанд, ба азобе сахт гирифтор мешаванд.
ﭑﭒﭓﭔﭕﭖﭗﭘﭙﭚﭛﭜﭝﭞﭟﭠﭡﭢ ﰚ​

Мо ин осмону замин ва он чиро, ки миёни онҳост, ба ботил наёфаридаем. Ин гумони касонест, ки кофир шуданд. Пас вой бар кофирон аз оташ.
ﭤﭥﭦﭧﭨﭩﭪﭫﭬﭭﭮﭯﭰ ﰛ​

Оё касонеро, ки имон овардаанд ва корҳои шоиста кардаанд, монанди фасокунандагон дар замин қарор хоҳем дод? Ё парҳезгоронро чун гуноҳкорон?
ﭲﭳﭴﭵﭶﭷﭸﭹﭺ ﰜ​

Китобе муборак аст, ки онро бар ту нозил кардаем, то дар оятҳояш бияндешанд ва хирадмандон аз он панд гиранд.
ﭼﭽﭾﭿﮀﮁﮂﮃ ﰝ​

Сулаймонро ба Довуд ато кардем. Чӣ бандае некӯе буд ва рӯй ба Худо дошт.
ﮅﮆﮇﮈﮉﮊ ﰞ​

Он гоҳ ки ба ҳангоми аср аспони тезравро, ки истода буданд, ба ӯ нишон доданд,
ﮌﮍﮎﮏﮐﮑﮒﮓﮔﮕﮖ ﰟ​

гуфт: «Ман дӯстии ин аспонро бар ёди Парвардигорам бигзидам, то офтоб дар пардаи ғуруб пушида шуд (яъне намози аср қазо шуд),
ﮘﮙﮚﮛﮜﮝﮞ ﰠ​

он аспонро назди ман бозгардонед». Пас ба буридани соқҳо ва гарданашон оғоз кард.
ﮠﮡﮢﮣﮤﮥﮦﮧﮨ ﰡ​

Мо Сулаймонро озмудем ва бар тахти ӯ ҷасадеро афкандем ва ӯ рӯй ба Худо овард.
ﮪﮫﮬﮭﮮﮯﮰﮱﯓﯔﯕﯖﯗﯘﯙﯚ ﰢ​

Гуфт: «Эй Парвардигори ман, маро бибахш ва маро мулке ато кун, ки пас аз ман касе сазовори он набошад, ки ту бахшояндаӣ».
ﯜﯝﯞﯟﯠﯡﯢﯣ ﰣ​

Пас бодро роми ӯ кардем, ки ба нармӣ ҳар ҷо, ки мехост, ба фармони ӯ мерафт.
ﯥﯦﯧﯨ ﰤ​

Ва девонро, ки ҳам бинокор буданду ҳам ғаввос (шиновар).
ﯪﯫﯬﯭ ﰥ​

Ва гурӯҳе дигарро, ки ҳама баста дар занҷири ӯ буданд.
ﯯﯰﯱﯲﯳﯴﯵ ﰦ​

Ин атои беҳисоби Мост, хоҳӣ онро бидеҳ ва хоҳӣ нигаҳ дор.
ﯷﯸﯹﯺﯻﯼ ﰧ​

Ӯрост назди Мо тақаррубу (наздик шудану) бозгаште некӯ.
ﯾﯿﰀﰁﰂﰃﰄﰅﰆﰇﰈ ﰨ​

Ва аз бандаи Мо Айюб ёд кун, он гоҳ ки Парвардигорашро нидо кард, ки маро шайтон ба ранҷу азоб афканда аст.
ﰊﰋﰌﰍﰎﰏﰐ ﰩ​

«Поятро бар замин бикӯб: ин обест барои шустушӯй ва сард барои ошомидан».
ﭑﭒﭓﭔﭕﭖﭗﭘﭙﭚ ﰪ​

Ва ба ӯ хонаводааш ва ҳамчанди он аз дигар ёронро ато кардем ва ин худ раҳмате аз Мо буд ва барои хирадмандон андарзе (панде).
ﭜﭝﭞﭟﭠﭡﭢﭣﭤﭥﭦﭧﭨﭩﭪﭫ ﰫ​

«Дастае аз чубҳои борик ба даст гир ва бо он (занатро) бизан ва савганди худро машикан». Ӯро бандае собир ёфтем, Ӯ, ки ҳамеша рӯй ба даргоҳи Мо дошт, чӣ некӯ бандае буд!
ﭭﭮﭯﭰﭱﭲﭳﭴ ﰬ​

Бандагони Мо Иброҳиму Исҳоқ ва Яъқуб он мардони қудратманду бо илмро ёд кун!
ﭶﭷﭸﭹﭺ ﰭ​

Ононро хислати покдилӣ бахшидем, то ёди қиёмат кунанд.
ﭼﭽﭾﭿﮀ ﰮ​

Онҳо дар назди Мо интихобшудагону неконанд.
ﮂﮃﮄﮅﮆﮇﮈﮉﮊ ﰯ​

Ва Исмоил ва Алясаъ ва Зулкифлро ёд кун, ки ҳама аз неконанд.
ﮌﮍﮎﮏﮐﮑﮒ ﰰ​

Ин Қуръон пандест ва парҳезгоронро бозгаште некӯст;
ﮔﮕﮖﮗﮘ ﰱ​

бихиштҳои ҷовидон, ки дари он ба рӯяшон кушода аст,
ﮚﮛﮜﮝﮞﮟﮠ ﰲ​

Дар он ҷо такя задаанд ва ҳар гуна меваву нӯшиданӣ, ки бихоҳанд, металабанд.
ﮢﮣﮤﮥﮦ ﰳ​

Заноне ҳамсол аз он гуна, ки ғайри шӯи худ ба касе назар надоранд, назди онҳоянд.
ﮨﮩﮪﮫﮬ ﰴ​

Ин аст он чизҳое, ки барои рӯзи ҳисоб ба шумо ваъда додаанд.
ﮮﮯﮰﮱﯓﯔﯕ ﰵ​

Ин ризқи Мост, ки поён наёфтанист,
ﯗﯘﯙﯚﯛﯜ ﰶ​

чунин аст. Ва саркашонро бадтарин бозгаштхост.
ﯞﯟﯠﯡ ﰷ​

Ба ҷаҳаннам мераванд, ки бад ҷойгоҳест.
ﯣﯤﯥﯦ ﰸ​

Бояд оби ҷӯшону чирк ва хунобаи дӯзахиёнро бинӯшанд.
ﯨﯩﯪﯫ ﰹ​

Ва азобҳои дигар аз ҳар навъ.
ﯭﯮﯯﯰﯱﯲﯳﯴﯵﯶﯷ ﰺ​

Ин гурӯҳ бо шумо (эй гумроҳкунандаҳо) ба оташ медароянд. Хушомадашон мабод, ки ба оташ меафтанд.
ﯹﯺﯻﯼﯽﯾﯿﰀﰁﰂﰃﰄﰅ ﰻ​

Гӯянд: «На, хушомад шуморо набод. Шумо ин азобро пешопеш барои мо фиристода будед, чӣ бад ҷойгоҳест!»
ﰇﰈﰉﰊﰋﰌﰍﰎﰏﰐﰑ ﰼ​

Гӯянд: «Эй Парвардигори мо, ҳар кас, ки ин азобро пешопеш барои мо омода кардааст, азобашро дар оташ дучандон зиёда кун!»
ﭑﭒﭓﭔﭕﭖﭗﭘﭙﭚ ﰽ​

Ва гӯянд: «Чаро мардонеро, ки аз ашрор (бадкорон). мешумурдем, акнун намебинем?
ﭜﭝﭞﭟﭠﭡ ﰾ​

Ононро ба масхара мегирифтем. Оё аз назарҳо дур мондаанд?»
ﭣﭤﭥﭦﭧﭨ ﰿ​

Ин баҳсу ҷидоли аҳли ҷаҳаннам бо якдигар чизест, ки ба ҳақиқат воқеъ шавад.
ﭪﭫﭬﭭﭮﭯﭰﭱﭲﭳﭴﭵ ﱀ​

Бигӯ: «Фақат ҳамин аст, ки ман бимдиҳандае ҳастам ва ҳеҷ худое ғайри Худои яктои каҳҳор нест.
ﭷﭸﭹﭺﭻﭼﭽ ﱁ​

Он пирӯзманду бахшоянда, Парвардигори осмонҳову замин ва ҳар чӣ миёни онҳост».
ﭿﮀﮁﮂ ﱂ​

Бигӯ: «Ин хабаре бузург аст,
ﮄﮅﮆ ﱃ​

ки шумо аз он рӯй мегардонед,
ﮈﮉﮊﮋﮌﮍﮎﮏﮐ ﱄ​

Ҳангоме ки бо якдигар ҷидол (баҳс) мекарданд, ман хабаре аз сокинони олами боло надоштам.
ﮒﮓﮔﮕﮖﮗﮘﮙ ﱅ​

Танҳо аз он рӯй ба ман ваҳй мешавад, ки бимдиҳандае равшангар ҳастам».
ﮛﮜﮝﮞﮟﮠﮡﮢﮣ ﱆ​

Парвардигорат ба фариштагон гуфт: «Ман башареро аз гил меофаринам.
ﮥﮦﮧﮨﮩﮪﮫﮬﮭ ﱇ​

Чун тамомаш кардам ва дар он аз рӯҳи худ дамидам, ҳама саҷдааш кунед!»
ﮯﮰﮱﯓ ﱈ​

Ҳама фариштагон саҷда карданд,
ﯕﯖﯗﯘﯙﯚ ﱉ​

Ғайри Иблис, ки саркашӣ карду аз кофирон шуд.
ﯜﯝﯞﯟﯠﯡﯢﯣﯤﯥﯦﯧﯨﯩﯪ ﱊ​

Гуфт: «Эй Иблис, чӣ чиз туро аз саҷда кардан дар баробари он чӣ Ман бо ду дасти худ офаридаам, манъ кард? Оё бузургӣ намудӣ ё мақоме арҷманд доштӣ?»
ﯬﯭﯮﯯﯰﯱﯲﯳﯴﯵ ﱋ​

Гуфт: «Ман аз ӯ беҳтарам. Маро аз оташ офаридаи ва ӯро аз гил».
ﯷﯸﯹﯺﯻ ﱌ​

Гуфт: «Аз ин ҷо берун шав, ки ту рондашудаӣ.
ﯽﯾﯿﰀﰁﰂ ﱍ​

Ва то рӯзи қиёмат лаънати Ман бар туст».
ﰄﰅﰆﰇﰈﰉ ﱎ​

Гуфт: «Эй Парвардигори ман, маро то рӯзе, ки аз нав зинда шаванд, мӯҳлат деҳ»
ﰋﰌﰍﰎ ﱏ​

Гуфт: «Ту аз мӯҳлатёфтагонӣ,
ﰐﰑﰒﰓ ﱐ​

то он рӯзи муъайяни маълум».
ﰕﰖﰗﰘ ﱑ​

Гуфт: «Ба иззати Ту савганд, ки ҳамагонро гумроҳ кунам,
ﰚﰛﰜﰝ ﱒ​

ғайри онҳо, ки аз бандагони мухлиси Ту бошанд».
ﭑﭒﭓﭔ ﱓ​

Гуфт: «Ҳақ аст ва он чӣ мегӯям, рост аст,
ﭖﭗﭘﭙﭚﭛﭜ ﱔ​

ки ҷаҳаннамро аз туву аз ҳамаи пайравонат пур кунам».
ﭞﭟﭠﭡﭢﭣﭤﭥﭦﭧ ﱕ​

Бигӯ: «Ман аз шумо музде наметалабам ва нестам аз онон, ки ба дурӯғ чизе бар худ мебофанд».
ﭩﭪﭫﭬﭭ ﱖ​

Ва ии ғайри панде барои мардуми ҷаҳон нест.
ﭯﭰﭱﭲ ﱗ​

Ва ту баъд аз ин аз хабари он огох хоҳӣ шуд!