Surah Al Qiyama Translation in Yorùbá

آية رقم 1

ﮊﮋﮌﮍ ﮎ

Èmi (Allāhu) ń búra pẹ̀lú Ọjọ́ Àjíǹde.

آية رقم 2

ﮏﮐﮑﮒ ﮓ

Mo tún ń búra pẹ̀lú ẹ̀mí t’ó máa dára rẹ̀ lẹ́bi.

آية رقم 3

ﮔﮕﮖﮗﮘ ﮙ

Ṣé ènìyàn lérò pé A ò níí kó àwọn eegun rẹ̀ jọ ni?

آية رقم 4

ﮚﮛﮜﮝﮞﮟ ﮠ

Rárá o. A lágbára láti to eegun ọmọníka rẹ̀ dọ́gba.

آية رقم 5

ﮡﮢﮣﮤﮥ ﮦ

Ṣùgbọ́n ènìyàn gbèrò láti pe (Ọjọ́ Àjíǹde) t’ó ń bẹ níwájú rẹ̀ nírọ́.

آية رقم 6

ﮧﮨﮩﮪ ﮫ

Ó ń bèèrè pé: "Ìgbà wo ni Ọjọ́ Àjíǹde?"

آية رقم 7

ﮬﮭﮮ ﮯ

Nígbà tí ojú bá kọ mọ̀nà,

آية رقم 8

ﮰﮱ ﯓ

àti (nígbà) tí òṣùpá bá wọ̀ọ̀kùn,

آية رقم 9

ﯔﯕﯖ ﯗ

àti (nígbà) tí A bá pa òòrùn àti òṣùpá pọ̀ mọ́ra wọn,

آية رقم 10

ﯘﯙﯚﯛﯜ ﯝ

ènìyàn yóò wí ní ọjọ́ yẹn pé: "Níbo ni ibùsásí wà?"

آية رقم 11

ﯞﯟﯠ ﯡ

Rárá, kò sí ibùsásí.

آية رقم 12

ﯢﯣﯤﯥ ﯦ

Ọ̀dọ̀ Olúwa rẹ ni ibùdúró ní ọjọ́ yẹn.

آية رقم 13

ﯧﯨﯩﯪﯫﯬ ﯭ

Wọ́n máa fún ènìyàn ní ìró ní ọjọ́ yẹn nípa ohun t’ó tì síwájú (nínú iṣẹ́ rẹ̀) àti ohun t’ó fi kẹ́yìn (nínú orípa iṣẹ́ rẹ̀).

آية رقم 14

ﯮﯯﯰﯱﯲ ﯳ

Ṣebí ènìyàn dá ara rẹ̀ mọ̀,

آية رقم 15

ﯴﯵﯶ ﯷ

ìbáà mú àwọn àwáwí rẹ̀ wá.

آية رقم 16

ﯸﯹﯺﯻﯼﯽ ﯾ

Má ṣe gbé ahọ́n rẹ sí ìmísí láti kánjú ké e.

آية رقم 17

ﯿﰀﰁﰂ ﰃ

Dájúdájú Àwa l’A máa ṣe ìkójọ rẹ̀ (sínú ọkàn rẹ) àti kíké rẹ̀.

آية رقم 18

ﰄﰅﰆﰇ ﰈ

Nígbà tí A bá ń ké e (fún ọ), kí o sì máa tẹ̀lé kíké rẹ̀.

آية رقم 19

ﰉﰊﰋﰌ ﰍ

Lẹ́yìn náà, dájúdájú Àwa l’A máa ṣe àlàyé rẹ̀ fún ọ.

آية رقم 20

ﭑﭒﭓﭔ ﭕ

Ẹ gbọ́! Ńṣe l’ẹ nífẹ̀ẹ́ ayé.

آية رقم 21

ﭖﭗ ﭘ

Ẹ sì ń pa ọ̀run tì.

آية رقم 22

ﭙﭚﭛ ﭜ

Àwọn ojú kan ní ọjọ́ yẹn yóò tutù (fún ìdùnnú).

آية رقم 23

ﭝﭞﭟ ﭠ

Olúwa wọn ni wọn yóò máa wò.

آية رقم 24

ﭡﭢﭣ ﭤ

Àwọn ojú kan ní ọjọ́ yẹn sì máa bàjẹ́.

آية رقم 25

ﭥﭦﭧﭨﭩ ﭪ

(Ojú náà) yóò mọ̀ dájú pé Wọ́n máa fi aburú kan òhun.

آية رقم 26

ﭫﭬﭭﭮ ﭯ

Ẹ gbọ́! Nígbà tí ẹ̀mí bá dé gògòńgò.

آية رقم 27

ﭰﭱﭲﭳ ﭴ

A sì máa sọ pé: "Ǹjẹ́ ọlọ́fọ̀ pípè kan wà bí (tí ó máa gbà á sílẹ̀ lọ́wọ́ ikú)?

آية رقم 28

ﭵﭶﭷ ﭸ

Ó sì máa dá a lójú pé dájúdájú ìpínyà ayé ti dé.

آية رقم 29

ﭹﭺﭻ ﭼ

Ojúgun yó sì lọ́mọ́ ojúgun.

آية رقم 30

ﭽﭾﭿﮀ ﮁ

Ọ̀dọ̀ Olúwa rẹ sì ni wíwa ẹ̀dá lọ ní ọjọ́ yẹn.

آية رقم 31

ﮂﮃﮄﮅ ﮆ

Kò kúkú gba òdodo gbọ́, kò sì kírun.

آية رقم 32

ﮇﮈﮉ ﮊ

Ṣùgbọ́n ó pe òdodo nírọ́. Ó sì kẹ̀yìn sí i.

آية رقم 33

ﮋﮌﮍﮎﮏ ﮐ

Lẹ́yìn náà, ó lọ sí ọ̀dọ̀ àwọn ènìyàn rẹ̀, ó sì ń ṣe fáàrí.

آية رقم 34

ﮑﮒﮓ ﮔ

Ègbé ni fún ọ, ègbé ni sẹ́.

آية رقم 35

ﮕﮖﮗﮘ ﮙ

Lẹ́yìn náà, ègbé ni fún ọ, ègbé sì sẹ́.

آية رقم 36

ﮚﮛﮜﮝﮞ ﮟ

Ṣé ènìyàn lérò pé A máa fi òun sílẹ̀ lásán ni?

آية رقم 37

ﮠﮡﮢﮣﮤﮥ ﮦ

Ṣé kò ti jẹ́ àtọ̀ mọnī tí wọ́n dà jáde sínú àpòlùkẹ́ ni?

آية رقم 38

ﮧﮨﮩﮪﮫ ﮬ

Lẹ́yìn náà, ó di ẹ̀jẹ̀ dídì. (Allāhu) sì ṣẹ̀dá (rẹ̀). Ó sì ṣe é t’ó dọ́gba jálẹ̀ léèyàn.

آية رقم 39

ﮭﮮﮯﮰﮱ ﯓ

(Allāhu) sì ṣe ìran méjì jáde láti inú rẹ̀, akọ àti abo.

آية رقم 40

ﯔﯕﯖﯗﯘﯙﯚ ﯛ

Ǹjẹ́ Ẹni tí Ó ṣe ìyẹn kò níí ní agbára láti jí àwọn òkú dìde bí?

ترجمة سورة القيامة

سورة القيامة

ترجمة معاني سورة القيامة باللغة اليورباوية من كتاب الترجمة اليورباوية

الترجمة اليورباوية

الترجمة اليورباوية