Surah Al Buruj Translation in Yorùbá

آية رقم 1

ﭛﭜﭝ ﭞ

(Allāhu) búra pẹ̀lú sánmọ̀ tí àwọn ibùsọ̀ (òòrùn, òṣùpá àti àwọn ìràwọ̀) wà nínú rẹ̀.

آية رقم 2

ﭟﭠ ﭡ

Ó tún búra pẹ̀lú ọjọ́ tí wọ́n ṣe ní àdéhùn.

آية رقم 3

ﭢﭣ ﭤ

Ó tún búra pẹ̀lú olùjẹ́rìí àti ohun t’ó jẹ́rìí sí.

آية رقم 4

ﭥﭦﭧ ﭨ

A ṣẹ́bi lé àwọn t’ó gbẹ́ kòtò (iná),

آية رقم 5

ﭩﭪﭫ ﭬ

. (ìyẹn) iná tí wọ́n ń fi igi kò (nínú kòtò).

آية رقم 6

ﭭﭮﭯﭰ ﭱ

(Rántí) nígbà tí wọ́n jókòó sí ìtòsí rẹ̀.

آية رقم 7

ﭲﭳﭴﭵﭶﭷ ﭸ

Wọ́n sì ń wo ohun tí wọ́n ń ṣe fún àwọn onígbàgbọ́ òdodo.

آية رقم 8

ﭹﭺﭻﭼﭽﭾﭿﮀﮁ ﮂ

Kò sì sí kiní kan tí wọ́n torí rẹ̀ jẹ wọ́n níyà bí kò ṣe pé wọ́n ní ìgbàgbọ́ òdodo nínú Allāhu, Alágbára, Ọlọ́pẹ́,

آية رقم 9

ﮃﮄﮅﮆﮇﮈﮉﮊﮋﮌﮍ ﮎ

Ẹni tí Ó ni ìjọba àwọn sánmọ̀ àti ilẹ̀. Allāhu sì ni Ẹlẹ́rìí lórí gbogbo n̄ǹkan.

آية رقم 10

ﮏﮐﮑﮒﮓﮔﮕﮖﮗﮘﮙﮚﮛﮜ ﮝ

Dájúdájú àwọn t’ó fi ìnira kan àwọn onígbàgbọ́ òdodo lọ́kùnrin àti àwọn onígbàgbọ́ òdodo lóbìnrin, lẹ́yìn náà tí wọn kò ronú pìwàdà, ìyà iná Jahanamọ ń bẹ fún wọn. Ìyà iná t’ó ń jò sì wà fún wọn.

آية رقم 11

ﮞﮟﮠﮡﮢﮣﮤﮥﮦﮧﮨﮩﮪﮫﮬ ﮭ

Dájúdájú àwọn t’ó gbàgbọ́ ní òdodo, tí wọ́n sì ṣe àwọn iṣẹ́ rere, tiwọn ni àwọn Ọgbà Ìdẹ̀ra kan, tí àwọn odò ń ṣàn ní ìsàlẹ̀ rẹ̀. Ìyẹn sì ni èrèǹjẹ ńlá.

آية رقم 12

ﮮﮯﮰﮱ ﯓ

Dájúdájú ìgbámú ti Olúwa rẹ mà le.

آية رقم 13

ﯔﯕﯖﯗ ﯘ

Dájúdájú Òun ni Ó pìlẹ̀ (ẹ̀dá), Ó sì máa dá (ẹ̀dá) padà (fún àjíǹde).

آية رقم 14

ﯙﯚﯛ ﯜ

Òun ni Aláforíjìn, Olólùfẹ́ (ẹ̀dá),

آية رقم 15

ﯝﯞﯟ ﯠ

Òun l’Ó ni Ìtẹ́-ọlá, Ẹni-ọ̀wọ̀ jùlọ,

آية رقم 16

ﯡﯢﯣ ﯤ

Olùṣe-ohun-t’Ó-bá-fẹ́.

آية رقم 17

ﯥﯦﯧﯨ ﯩ

Ṣebí ìró àwọn ọmọ ogun ti dé ọ̀dọ̀ rẹ,

آية رقم 18

ﯪﯫ ﯬ

(ọmọ ogun) Fir‘aon àti (ìjọ) Thamūd?

آية رقم 19

ﯭﯮﯯﯰﯱ ﯲ

Síbẹ̀síbẹ̀ àwọn t’ó ṣàì gbàgbọ́ sì ń pe òdodo nírọ́.

آية رقم 20

ﯳﯴﯵﯶ ﯷ

Allāhu sì yí wọn ká lẹ́yìn wọn.

آية رقم 21

ﯸﯹﯺﯻ ﯼ

Àmọ́ sá, ohun (tí A fi ránṣẹ́ sí ọ ni) al-Ƙur’ān alápọ̀n-ọ́nlé,

آية رقم 22

ﯽﯾﯿ ﰀ

tí ó wà nínú wàláà tí À ń ṣọ́.

ترجمة سورة البروج

سورة البروج

ترجمة معاني سورة البروج باللغة اليورباوية من كتاب الترجمة اليورباوية

الترجمة اليورباوية

الترجمة اليورباوية