Surah Al Fajr Translation in Yorùbá

آية رقم 1

ﭤ ﭥ

Allāhu búra pẹ̀lú àfẹ̀mọ́júmọ́.

آية رقم 2

ﭦﭧ ﭨ

Ó tún búra pẹ̀lú àwọn òru mẹ́wàá kan.

آية رقم 3

ﭩﭪ ﭫ

Ó tún búra pẹ̀lú méjì àti ẹyọ.

آية رقم 4

ﭬﭭﭮ ﭯ

Ó tún búra pẹ̀lú òru nígbà tí ó bá lọ (tí ó bá dé).

آية رقم 5

ﭰﭱﭲﭳﭴﭵ ﭶ

Ǹjẹ́ ìbúra wà nínú ìyẹn fún onílàákàyè?

آية رقم 6

ﭷﭸﭹﭺﭻﭼ ﭽ

Ṣé o ò rí bí Olúwa rẹ ti ṣe ọ̀rọ̀ ará ‘Ād,

آية رقم 7

ﭾﭿﮀ ﮁ

(ìyẹn àwọn ìran) ’Irọm, àwọn òmìrán,

آية رقم 8

ﮂﮃﮄﮅﮆﮇ ﮈ

àwọn tí A ò dá irú wọn mọ́ sínú ìlú?

آية رقم 9

ﮉﮊﮋﮌﮍ ﮎ

Àti àwọn Thamūd tí wọ́n gbẹ́ (ilé ìgbé) sínú àpáta nínú àfonífojì,

آية رقم 10

ﮏﮐﮑ ﮒ

àti Fir‘aon eléèkàn (ìyà)?

آية رقم 11

ﮓﮔﮕﮖ ﮗ

(Àwọn wọ̀nyí ni) àwọn t’ó tayọ ẹnu-àlà nínú ìlú.

آية رقم 12

ﮘﮙﮚ ﮛ

Wọ́n sì ṣe ìbàjẹ́ púpọ̀ sínú rẹ̀.

آية رقم 13

ﮜﮝﮞﮟﮠ ﮡ

Olúwa rẹ sì rọ̀jò ìyà lé wọn lórí.

آية رقم 14

ﮢﮣﮤ ﮥ

Dájúdájú Olúwa rẹ wà ní ibùṣọ́ (iṣẹ́ ẹ̀dá).

آية رقم 15

ﮦﮧﮨﮩﮪﮫﮬﮭﮮﮯﮰ ﮱ

Nítorí náà, ní ti ènìyàn, nígbà tí Olúwa rẹ̀ bá dán an wò, tí Ó pọ́n ọn lé, tí Ó sì ṣe ìdẹ̀ra fún un, nígbà náà ó máa wí pé: "Olúwa mi ti pọ́n mi lé."

آية رقم 16

ﯓﯔﯕﯖﯗﯘﯙﯚﯛﯜ ﯝ

Ṣùgbọ́n nígbà tí Ó bá dán an wò, tí Ó gán arísìkí rẹ̀ lé e lọ́wọ́, nígbà náà ó máa wí pé: "Olúwa mi ti yẹpẹrẹ mi."

آية رقم 17

ﯞﯟﯠﯡﯢﯣ ﯤ

Rárá, kò rí bẹ́ẹ̀. Àmọ́, ẹ̀yin kò ṣàpọ́nlé ọmọ-òrukàn.

آية رقم 18

ﯥﯦﯧﯨﯩ ﯪ

Àti pé ẹ̀yin kò gbẹra yín lóǹgbẹ láti fún mẹ̀kúnnù ní oúnjẹ.

آية رقم 19

ﯫﯬﯭﯮ ﯯ

Ẹ tún ń jẹ ogún ní ìjẹkújẹ.

آية رقم 20

ﯰﯱﯲﯳ ﯴ

Àti pé ẹ nífẹ̀ẹ́ sí dúkìá ní ìfẹ́ púpọ̀.

آية رقم 21

ﯵﯶﯷﯸﯹﯺﯻ ﯼ

Rárá, (kò yẹ kó rí bẹ́ẹ̀). Nígbà tí wọ́n bá mi ilẹ̀ tìtì ní mímì tìtì (t’ó rún wómúwómú, tí kò sí kòtò, tí kò sí gelemọ),

آية رقم 22

ﯽﯾﯿﰀﰁ ﰂ

(tí) Olúwa rẹ dé pẹ̀lú àwọn mọlāika ní ọ̀wọ̀ọ̀wọ́ ọ̀wọ̀ọ̀wọ́,

آية رقم 23

ﭑﭒﭓﭔﭕﭖﭗﭘﭙﭚ ﭛ

ní ọjọ́ yẹn ni wọ́n máa mú iná Jahanamọ wá. Ní ọjọ́ yẹn, ènìyàn yóò rántí (ọ̀rọ̀ ara rẹ̀). Báwo sì ni ìrántí náà ṣe lè wúlò fún un!

آية رقم 24

ﭜﭝﭞﭟ ﭠ

Ó máa wí pé: "Yéè, èmi ìbá ti ti (iṣẹ́ rere) síwájú fún ìṣẹ̀mí mi."

آية رقم 25

ﭡﭢﭣﭤﭥ ﭦ

Ní ọjọ́ yẹn, ẹnì kan kò lè fi ìyà jẹ (ẹ̀dá) bí irú ìyà (tí) Allāhu (yóò fi jẹ ẹ́).

آية رقم 26

ﭧﭨﭩﭪ ﭫ

Ẹnì kan kò sì lè de (ẹ̀dá) ní ìgbèkùn bí irú ìgbèkùn (tí) Allāhu (yóò fi dè é).

آية رقم 27

ﭬﭭﭮ ﭯ

Ìwọ ẹ̀mí olùfọ̀kànbalẹ̀,

آية رقم 28

ﭰﭱﭲﭳﭴ ﭵ

padà sí ọ̀dọ̀ Olúwa rẹ ní olùyọ́nú, ẹni ìyọ́nú.

آية رقم 29

ﭶﭷﭸ ﭹ

Nítorí náà, wọlé sáààrin àwọn ẹrúsìn Mi.

آية رقم 30

ﭺﭻ ﭼ

Wọ inú Ọgbà Ìdẹ̀ra Mi.

ترجمة سورة الفجر

سورة الفجر

ترجمة معاني سورة الفجر باللغة اليورباوية من كتاب الترجمة اليورباوية

الترجمة اليورباوية

الترجمة اليورباوية