Surah Al Inshiqaq Translation in Yorùbá - سورة الإنشقاق

آية رقم 1

ﭣﭤﭥ ﭦ

Nígbà tí sánmọ̀ bá fàya pẹ́rẹpẹ̀rẹ

آية رقم 2

ﭧﭨﭩ ﭪ

- ó gbọ́, ó sì tẹ̀lé àṣẹ Olúwa rẹ̀ ni. Ó sì di dandan fún un láti ṣe bẹ́ẹ̀ –

آية رقم 3

ﭫﭬﭭ ﭮ

àti nígbà tí A bá fẹ ilẹ̀ lójú,

آية رقم 4

ﭯﭰﭱﭲ ﭳ

ó máa ju ohun tí ó wà nínú rẹ̀ síta, ó sì máa pa sófo

آية رقم 5

ﭴﭵﭶ ﭷ

– ó gbọ́, ó sì tẹ̀lé àṣẹ Olúwa rẹ̀ ni. Ó sì di dandan fún un láti ṣe bẹ́ẹ̀ – (ní ọjọ́ yẹn ni ẹ̀dá máa rí iṣẹ́ ọwọ́ rẹ̀)

آية رقم 6

ﭸﭹﭺﭻﭼﭽﭾﭿ ﮀ

Ìwọ ènìyàn dájúdájú ìwọ ń ṣe iṣẹ́ kárakára ní iṣẹ́ àṣepàdé Olúwa rẹ. O sì máa mú un pàdé Rẹ̀.

آية رقم 7

ﮁﮂﮃﮄﮅ ﮆ

Nítorí náà, ní ti ẹni tí wọ́n bá fún ní ìwé iṣẹ́ rẹ̀ ní ọwọ́ ọ̀tún rẹ̀,

آية رقم 8

ﮇﮈﮉﮊ ﮋ

láìpẹ́ A máa ṣe ìṣírò-iṣẹ́ (rẹ̀) ní ìṣírò ìrọ̀rùn.

آية رقم 9

ﮌﮍﮎﮏ ﮐ

Ó sì máa padà sí ọ̀dọ̀ àwọn ènìyàn rẹ̀ (nínú Ọgbà Ìdẹ̀ra) lẹ́ni ìdùnnú.

آية رقم 10

ﮑﮒﮓﮔﮕﮖ ﮗ

Ní ti ẹni tí wọ́n bá sì fún ní ìwé iṣẹ́ rẹ̀ láti ẹ̀yìn rẹ̀,

Ẹ wo ìtọsẹ̀-ọ̀rọ̀ fún sūrah al-Hāƙƙọh; 69:25.

آية رقم 11

ﮘﮙﮚ ﮛ

láìpẹ́ ó máa kígbe ìparun.

آية رقم 12

ﮜﮝ ﮞ

Ó sì máa wọ inú Iná t’ó ń jò fòfò.

آية رقم 13

ﮟﮠﮡﮢﮣ ﮤ

Dájúdájú ó ti wà láààrin àwọn ènìyàn rẹ̀ lẹ́ni ìdùnnú (sí àìgbàgbọ́ nílé ayé).

آية رقم 14

ﮥﮦﮧﮨﮩ ﮪ

Dájúdájú ó lérò pé òun kò níí padà (sí ọ̀dọ̀ Allāhu ni).

آية رقم 15

ﮫﮬﮭﮮﮯﮰﮱ ﯓ

Rárá (ó máa padà). Dájúdájú Olúwa rẹ̀ jẹ́ Olùríran nípa rẹ̀.

آية رقم 16

ﯔﯕﯖ ﯗ

Nítorí náà, Èmi (Allāhu) ń búra pẹ̀lú àwòǹpapa.

آية رقم 17

ﯘﯙﯚ ﯛ

Mo tún búra pẹ̀lú òru àti ohun tí ó kó jọ sínú rẹ̀.

آية رقم 18

ﯜﯝﯞ ﯟ

Mo tún búra pẹ̀lú òṣùpá nígbà tí ó bá dégbá (pẹ̀lú ìmọ́lẹ̀ rẹ̀).

آية رقم 19

ﯠﯡﯢﯣ ﯤ

Dájúdájú ẹ̀yin yóò máa bọ́ sínú wàhálà kan láti inú wàhálà kan.

آية رقم 20

ﯥﯦﯧﯨ ﯩ

Kí l’ó ṣe wọ́n ná tí wọn kò fi gbàgbọ́ ní òdodo?

آية رقم 21

ﯪﯫﯬﯭﯮﯯﯰ ﯱ

Nígbà tí wọ́n bá sì ké al-Ƙur’ān fún wọn, wọn kò níí forí kanlẹ̀.

آية رقم 22

ﯲﯳﯴﯵ ﯶ

Rárá, ńṣe ni àwọn t’ó ṣàì gbàgbọ́ ń pè é nírọ́.

آية رقم 23

ﯷﯸﯹﯺ ﯻ

Allāhu sì nímọ̀ jùlọ nípa ohun tí wọ́n ń fi pamọ́ (sínú ọkàn wọn).

آية رقم 24

ﯼﯽﯾ ﯿ

Nítorí náà, fún wọn ní ìró ìyà ẹlẹ́ta-eléro.

آية رقم 25

ﭑﭒﭓﭔﭕﭖﭗﭘﭙ ﭚ

Àyàfi àwọn t’ó gbàgbọ́ ní òdodo, tí wọ́n sì ṣe àwọn iṣẹ́ rere, ẹ̀san tí kò níí pin ń bẹ fún wọn.

ترجمة سورة الإنشقاق

سورة الإنشقاق

ترجمة معاني سورة الإنشقاق باللغة اليورباوية من كتاب الترجمة اليورباوية

الترجمة اليورباوية

الترجمة اليورباوية