Surah سورة المدثر

Verse 1

ﮪﮫ ﮬ

ឱអ្នកដណ្ដប់ភួយ(មូហាំម៉ាត់).

Verse 2

ﮭﮮ ﮯ

ចូរអ្នកក្រោកឡើង ហើយចូរអ្នកដាស់តឿនព្រមាន(មនុស្ស លោកអំពីទារុណកម្មរបស់អល់ឡោះ)។

Verse 3

ﮰﮱ ﯓ

ហើយចូរអ្នកលើកតម្កើងម្ចាស់របស់អ្នកចុះ។

Verse 4

ﯔﯕ ﯖ

ហើយចូរអ្នកសំអាតសំលៀកបំពាក់របស់អ្នក។

Verse 5

ﯗﯘ ﯙ

ហើយចូរអ្នកចៀសឱ្យឆ្ងាយពីអំពើស្ហ៊ីរិក។

Verse 6

ﯚﯛﯜ ﯝ

ហើយចូរអ្នកកុំឱ្យអ្វីដល់គេ ដោយអ្នកចង់បានការតបស្នង ច្រើនមកវិញឱ្យសោះ។

Verse 7

ﯞﯟ ﯠ

ហើយដើម្បីបំពេញបទបញ្ជានៃម្ចាស់របស់អ្នកចូរអ្នក អត់ធ្មត់។

Verse 8

ﯡﯢﯣﯤ ﯥ

ព្រោះនៅពេលដែលគេផ្លុំត្រែ។

Verse 9

ﯦﯧﯨﯩ ﯪ

គឺថ្ងៃនោះហើយ ជាថ្ងៃដែលលំបាកបំផុត។

Verse 10

ﯫﯬﯭﯮ ﯯ

ចំពោះពួកប្រឆាំង គឺគ្មានការងាយស្រួលឡើយ។

Verse 11

ﯰﯱﯲﯳ ﯴ

ចូរអ្នក(មូហាំម៉ាត់)ទុកឱ្យយើងជាមួយនឹងអ្នកដែលយើង បានបង្កើតគេតែម្នាក់ឯងចុះ។

Verse 12

ﯵﯶﯷﯸ ﯹ

ហើយយើងបានធ្វើឱ្យគេមានទ្រព្យសម្បត្ដិច្រើនស្ដុកស្ដម្ភ។

Verse 13

ﯺﯻ ﯼ

និងមានកូនចៅដែលនៅជាមួយគេ។

Verse 14

ﯽﯾﯿ ﰀ

ហើយយើងបានធ្វើឱ្យគេរស់នៅយ៉ាងសុខស្រួល។

Verse 15

ﰁﰂﰃﰄ ﰅ

បន្ទាប់មក គេមានភាពលោភលន់ចង់ឱ្យយើងបន្ថែមឱ្យ គេទៀត។

Verse 16

ﰆﰇﰈﰉﰊﰋ ﰌ

មិនដូច្នោះទេ. ពិតប្រាកដណាស់ គេគឺជាអ្នកដែលប្រឆាំង រឹងរូសចំពោះអាយ៉ាត់របស់យើង។

Verse 17

ﰍﰎ ﰏ

យើងនឹងធ្វើឱ្យគេមានទុក្ខលំបាកយ៉ាងធ្ងន់ធ្ងរ។

Verse 18

ﰐﰑﰒ ﰓ

ព្រោះពិតប្រាកដណាស់ គេបានសញ្ចឹងគិត(ចំពោះពាក្យ សំដីរបស់មូហាំម៉ាត់) និងបានរៀបគំរោងធ្វើអាក្រក់។

Verse 19

ﭑﭒﭓ ﭔ

ដូចេ្នះ គេត្រូវបានដាក់បណ្ដាសា។ តើគេរៀបគំរោងធ្វើ អាក្រក់បានយ៉ាងដូចមេ្ដច?

Verse 20

ﭕﭖﭗﭘ ﭙ

បន្ទាប់មក គេត្រូវបានដាក់បណ្ដាសា។ តើគេរៀបគំរោង ធ្វើអាក្រក់បានយ៉ាងដូចមេ្ដច?

Verse 21

ﭚﭛ ﭜ

បន្ទាប់មក គេបានពិចារណា។

Verse 22

ﭝﭞﭟ ﭠ

បន្ទាប់មកទៀត គេបានធ្វើមុខក្រញូវ និងខឹងមួម៉ៅ។

Verse 23

ﭡﭢﭣ ﭤ

ក្រោយមក គេបានបែរចេញ(ពីការពិត)និងបានក្រអឺត ក្រទមថែមទៀត។

Verse 24

ﭥﭦﭧﭨﭩﭪ ﭫ

រួចគេក៏បាននិយាយថាៈ នេះគ្មានអ្វីក្រៅពីមន្ដអាគមដែល គេទទួលបានពីអ្នកជំនាន់មុននោះឡើយ។

Verse 25

ﭬﭭﭮﭯﭰ ﭱ

នេះគ្មានអ្វីក្រៅពីពាក្យសំដីរបស់មនុស្សលោកឡើយ។

Verse 26

ﭲﭳ ﭴ

ហើយយើងនឹងបញ្ចូលគេទៅក្នុងនរកសាក័រ។

Verse 27

ﭵﭶﭷﭸ ﭹ

តើអ្វីដែលធ្វើឱ្យអ្នកដឹងថា នរកសាក័រជាអ្វីនោះ?

Verse 28

ﭺﭻﭼﭽ ﭾ

វាមិនបន្សល់ទុកសាច់ឡើយ ហើយក៏មិនចោលឆ្អឹងដែរ។

Verse 29

ﭿﮀ ﮁ

(នរកសាក័រនោះ)វាដុតស្បែកមនុស្សលោក។

Verse 30

ﮂﮃﮄ ﮅ

នៅក្នុងនរកសាក័រនោះ មានម៉ាឡាអ៊ីកាត់ដប់ប្រាំបួនរូប (ចាំធ្វើទារុណកម្ម)។

Verse 31

ﮆﮇﮈﮉﮊﮋﮌﮍﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚﯛﯜﯝﯞﯟﯠﯡﯢﯣ ﯤ

ហើយយើងមិនបានបង្កើតអ្នកការពារនរកក្រៅពីម៉ាឡា-អ៊ីកាត់ឡើយ។ ហើយយើងមិនបានបង្កើតចំនួនរបស់ពួកគេឡើយ លើកលែងតែជាការសាកល្បងចំពោះពួកដែលគ្មានជំនឿប៉ុណ្ណោះ ដើម្បីឱ្យបណ្ដាអ្នកដែលបានទទួលគម្ពីរ(ពួកយ៉ាហ៊ូទី និងណាសរ៉នី) ជឿជាក់យ៉ាងច្បាស់ និងដើម្បីឱ្យបណ្ដាអ្នកដែលមានជំនឿមានការ ជឿជាក់ថែមទៀត និងដើម្បីកុំឱ្យអ្នកដែលបានទទួលគម្ពីរ និង បណ្ដាអ្នកដែលមានជំនឿមានការសង្ស័យ។ និងដើម្បីឱ្យបណ្ដាអ្នក ដែលមានជំងឺនៅក្នុងចិត្ដរបស់ពួកគេ និងពួកដែលប្រឆាំងនិយាយ ថាៈ តើអល់ឡោះមានបំណងអ្វីចំពោះឧទាហរណ៍ទាំងនេះ។ ដូចេ្នះ ដែរ អល់ឡោះធ្វើឱ្យវងេ្វងចំពោះអ្នកណាដែលទ្រង់មានចេតនា ហើយក៏ចង្អុលបង្ហាញចំពោះអ្នកណាដែលទ្រង់មានចេតនាដែរ។ ហើយគ្មាននរណាម្នាក់ដឹងពីចំនួនកងទ័ពនៃម្ចាស់របស់អ្នកក្រៅពី ទ្រង់ឡើយ ហើយវា(នរកសាក័រ)ក៏គ្មានអ្វីក្រៅពីជាការរំលឹកដល់ មនុស្សលោកដែរ។

Verse 32

ﯥﯦ ﯧ

មិនដូច្នោះទេ. អល់ឡោះស្បថនឹងព្រះច័ន្ទ។

Verse 33

ﯨﯩﯪ ﯫ

និងពេលយប់នៅពេលវាបានកន្លងផុតទៅ។

Verse 34

ﯬﯭﯮ ﯯ

និងពេលព្រឹកនៅពេលដែលវាបពោ្ចញពន្លឺ។

Verse 35

ﯰﯱﯲ ﯳ

ពិតប្រាកដណាស់វា(នរកសាក័រ)ជាប្រការមួយ ដ៏ធំធេង។

Verse 36

ﯴﯵ ﯶ

ដើម្បីជាការព្រមានដល់មនុស្សលោក។

Verse 37

ﯷﯸﯹﯺﯻﯼﯽ ﯾ

សម្រាប់អ្នកណាដែលចង់ជ្រើសរើសមាគ៌ាឆ្ពោះទៅមុខ (ដោយដើរតាមមាគ៌ាត្រឹមត្រូវ) ឬស្ថិតនៅខាងក្រោយ(ដោយ ប្រព្រឹត្ដបាបកម្ម)។

Verse 38

ﯿﰀﰁﰂﰃ ﰄ

បុគ្គលគ្រប់រូបគឺត្រូវទទួលខុសត្រូវចំពោះអ្វីដែលខ្លួនបាន ប្រព្រឹត្ដកន្លងមក។

Verse 39

ﰅﰆﰇ ﰈ

លើកលែងតែបណ្ដាអ្នកដែលទទួលសៀវភៅខាងដៃស្ដាំ ប៉ុណ្ណោះ។

Verse 40

ﰉﰊﰋ ﰌ

ពួកគេសួរគ្នានៅក្នុងឋានសួគ៌

Verse 41

ﰍﰎ ﰏ

អំពីពួកប្រព្រឹត្ដបាបកម្មថាៈ

Verse 42

ﰐﰑﰒﰓ ﰔ

ហេតុអ្វីបានជាទ្រង់បញ្ចូលពួកអ្នកទៅក្នុងនរកសាក័រ ?

Verse 43

ﰕﰖﰗﰘﰙ ﰚ

ពួកគេបានឆ្លើយថាៈ ពួកយើងកាលពីមុនមិនបានស្ថិតក្នុង ចំណោមអ្នកដែលប្រតិបត្ដិសឡាតឡើយ។

Verse 44

ﰛﰜﰝﰞ ﰟ

ហើយយើងមិនធ្លាប់បានផ្ដល់ចំណីអាហារដល់អ្នកក្រីក្រ ឡើយ។

Verse 45

ﰠﰡﰢﰣ ﰤ

ហើយពួកយើងធ្លាប់បាននិយាយភូតកុហកជាមួយនឹងពួក ដែលនិយាយកុហក។

Verse 46

ﰥﰦﰧﰨ ﰩ

ហើយពួកយើងក៏ធ្លាប់បានបដិសេធនឹងថ្ងៃបរលោក

Verse 47

ﰪﰫﰬ ﰭ

រហូតទាល់តែសេចក្ដីស្លាប់បានមកដល់ពួកយើង។

Verse 48

ﭑﭒﭓﭔ ﭕ

ហើយការធ្វើអន្ដរាគមន៍របស់បណ្ដាអ្នកអន្ដរាគមន៍គឺគ្មាន ផលប្រយោជន៍អ្វីដល់ពួកគេឡើយ។

Verse 49

ﭖﭗﭘﭙﭚ ﭛ

ដូចេ្នះ ហេតុអ្វីបានជាពួកគេងាកចេញពីការរំលឹក(គម្ពីរ គួរអាន)ទៅវិញ?

Verse 50

ﭜﭝﭞ ﭟ

ពួកទាំងនោះប្រៀបដូចជាសត្វលាដែលផ្អើល

Verse 51

ﭠﭡﭢ ﭣ

ដែលវារត់គេចពីសត្វតោ។

Verse 52

ﭤﭥﭦﭧﭨﭩﭪﭫﭬ ﭭ

ផ្ទុយទៅវិញ បុគ្គលគ្រប់រូបមានបំណងចង់ឱ្យគេផ្ដល់គម្ពីរ ដែលរីកសុសសាយ(ដូចគម្ពីរគួរអាន)ដែរ។

Verse 53

ﭮﭯﭰﭱﭲﭳ ﭴ

មិនដូច្នោះទេ ផ្ទុយទៅវិញពួកគេមិនខ្លាចថ្ងៃបរលោក ឡើយ។

Verse 54

ﭵﭶﭷ ﭸ

ទេ. ពិតប្រាកដណាស់ គម្ពីរគួរអានគឺជាការរំលឹក។

Verse 55

ﭹﭺﭻ ﭼ

ដូចេ្នះ អ្នកណាហើយមានបំណង គេពិតជានឹងយកវាធ្វើ ជាមេរៀន។

Verse 56

ﭽﭾﭿﮀﮁﮂﮃﮄﮅﮆﮇﮈ ﮉ

ហើយពួកគេមិនទទួលវាយកជាមេរៀនឡើយ លើកលែង តែអល់ឡោះមានចេតនាប៉ុណ្ណោះ។ ទ្រង់គឺជាម្ចាស់ដែលត្រូវគេ កោតខ្លាច និងជាម្ចាស់ដែលអភ័យទោស។

ការបកប្រែ سورة المدثر

سورة المدثر

ការបកប្រែស៊ូរ៉ោះ المدّثر ជា الخميرية ពី الترجمة الخميرية

الترجمة الخميرية

الترجمة الخميرية