ترجمة معاني سورة الأعلى باللغة الهوساوية من كتاب Abubakar Mahmoud Gumi - Hausa translation

آية رقم 1

ﮟﮠﮡﮢ ﮣ ​

Al'A'alah

Ka tsarkake sũnan Ubangijinka Mafi ɗaukaka.

آية رقم 2

ﮤﮥﮦ ﮧ ​

Wanda Yã yi halitta sa'an nan Ya daidaita abin halittar.

آية رقم 3

ﮨﮩﮪ ﮫ ​

Kuma Wanda Ya ƙaddara (abin da Ya so) sannan Ya shiryar, (da mutum ga hanyar alhẽri da ta sharri).

آية رقم 4

ﮬﮭﮮ ﮯ ​

Kuma Wanda Ya fitar da makiyãyã.

آية رقم 5

ﮰﮱﯓ ﯔ ​

Sa'an nan Ya mayar da ita ƙeƙasassa, baƙa.

آية رقم 6

ﯕﯖﯗ ﯘ ​

Za mu karantar da kai (Alƙur'ãni) sabõda haka bã zã ka mantã (shi) ba.

آية رقم 7

ﯙﯚﯛﯜﯝﯞﯟﯠﯡﯢ ﯣ ​

Fãce abin da Allah Ya so, lalle ne Shi (Allah) Ya san bayyane da abin da yake bõye.

آية رقم 8

ﯤﯥ ﯦ ​

Kuma za Mu sauƙaƙe maka (al'amari) zuwa ga (Shari'a) mai sauƙi.

آية رقم 9

ﯧﯨﯩﯪ ﯫ ​

Sabõda baka, ka tunãtar, idan tunatarwa zã ta yi amfãni.

آية رقم 10

ﯬﯭﯮ ﯯ ​

Wanda yake tsõron (Allah) Zai tuna.

آية رقم 11

ﭑﭒ ﭓ ​

Kuma shaƙiyyi, zai nisanceta,

آية رقم 12

ﭔﭕﭖﭗ ﭘ ​

Wanda zai shiga wutar da tã fi girma.

آية رقم 13

ﭙﭚﭛﭜﭝﭞ ﭟ ​

Sa'an nan bã zai mutu ba a cikinta, kuma bã zai rãyu ba.

آية رقم 14

ﭠﭡﭢﭣ ﭤ ​

Lalle ne wanda ya tsarkaka (da ĩmãni) yã sãmu babban rabo.

آية رقم 15

ﭥﭦﭧﭨ ﭩ ​

Kuma ya ambaci sũnan Ubangijinsa, sa'an nan yã yi salla.

آية رقم 16

ﭪﭫﭬﭭ ﭮ ​

Ba haka ba! Kunã zãɓin rãyuwa ta kusa dũniya.

آية رقم 17

ﭯﭰﭱ ﭲ ​

Alhãli Lãhira ita ce mafi alheri kuma mafi wanzuwa.

آية رقم 18

ﭳﭴﭵﭶﭷ ﭸ ​

Lalle ne, wannan yanã a cikin littafan farko.

آية رقم 19

ﭹﭺﭻ ﭼ ​

Littaffan Ibrãhĩm da Mũsã.