ترجمة معاني سورة النبأ باللغة الهوساوية من كتاب Abubakar Mahmoud Gumi - Hausa translation

آية رقم 1

ﭑﭒ ﭓ ​

An-Naba'i

A kan mẽ suke tambayar jũna?

آية رقم 2

ﭔﭕﭖ ﭗ ​

A kan muhimmin lãbãri mai girma (Alƙur'ãni)?

آية رقم 3

ﭘﭙﭚﭛ ﭜ ​

Wanda suke sãɓa wa jũna a cikinsa?

آية رقم 4

ﭝﭞ ﭟ ​

A'aha! Zã su sani.

آية رقم 5

ﭠﭡﭢ ﭣ ​

Kuma, a'aha! Zã su sani.

آية رقم 6

ﭤﭥﭦﭧ ﭨ ​

Ashe, ba Mu sanya ƙasa shimfiɗa ba?

آية رقم 7

ﭩﭪ ﭫ ​

Da duwãtsu turaku (ga riƙe ƙasa)?

آية رقم 8

ﭬﭭ ﭮ ​

Kuma, Mun halitta ku mazã da mãtã?

آية رقم 9

ﭯﭰﭱ ﭲ ​

Kuma, Muka sanya barcinku hũtãwa?

آية رقم 10

ﭳﭴﭵ ﭶ ​

Kuma, Muka sanya dare (ya zama) sutura?

آية رقم 11

ﭷﭸﭹ ﭺ ​

Kuma, Muka sanya yini (yazama) lõkacin nẽman abinci?

آية رقم 12

ﭻﭼﭽﭾ ﭿ ​

Kuma, Muka gina, a samanku, sammai bakwai mãsu ƙarfi?

آية رقم 13

ﮀﮁﮂ ﮃ ​

Kuma, Muka sanya fitila mai tsanin haske (rãnã)?

آية رقم 14

ﮄﮅﮆﮇﮈ ﮉ ​

Kuma, Muka saukar daga cikakkun girãgizai, ruwa mai yawan zuba?

آية رقم 15

ﮊﮋﮌﮍ ﮎ ​

Dõmin, Mu fitar da ƙwaya da tsiri game da shi?

آية رقم 16

ﮏﮐ ﮑ ​

Da itãcen lambuna mãsu lillibniya?

آية رقم 17

ﮒﮓﮔﮕﮖ ﮗ ​

Lalle ne, rãnar rarrabẽwa tã kasance abin ƙayyadẽ wa lõkaci.

آية رقم 18

ﮘﮙﮚﮛﮜﮝ ﮞ ​

Rãnar da zã a yi bũsa a cikin ƙaho, sai ku zo, jama'a jama'a.

آية رقم 19

ﮟﮠﮡﮢ ﮣ ​

Kuma, aka buɗe sama, sai ta kasance ƙõfõfi.

آية رقم 20

ﮤﮥﮦﮧ ﮨ ​

Kuma, aka tafiyar da duwãtsu, sai suka kasance ƙũra.

آية رقم 21

ﮩﮪﮫﮬ ﮭ ​

Lalle ne, Jahannama tã kasance madãkata.

آية رقم 22

ﮮﮯ ﮰ ​

Ga mãsu ƙẽtare iyãkõki, tã zama makõma.

آية رقم 23

ﮱﯓﯔ ﯕ ​

Sunã, mãsu zama a cikinta, zãmunna.

آية رقم 24

ﯖﯗﯘﯙﯚﯛ ﯜ ​

Bã su ɗanɗanãwar wani sanyi a cikinta, kuma bã su ɗanɗana abin sha.

آية رقم 25

ﯝﯞﯟ ﯠ ​

Fãce tafasasshen ruwa da ruɓaɓɓen jini.

آية رقم 26

ﯡﯢ ﯣ ​

Sakamako mai dãcẽwa.

آية رقم 27

ﯤﯥﯦﯧﯨ ﯩ ​

Lalle ne, sũ, sun kasance bã su fãtar sauƙin wani hisãbi.

آية رقم 28

ﯪﯫﯬ ﯭ ​

Kuma, suka ƙaryata game da ãyõyinMu, ƙaryatãwa!

آية رقم 29

ﯮﯯﯰﯱ ﯲ ​

Alhãli, kõwane abu Mun ƙididdigẽ shi, a rubũce.

آية رقم 30

ﯳﯴﯵﯶﯷ ﯸ ​

Sabõda haka, ku ɗanɗana domin haka, bã zã Mu ƙara muku kõme ba fãce azãba.

آية رقم 31

ﭑﭒﭓ ﭔ ​

Lalle ne, mãsu taƙawã nã da wani wurin sãmun babban rabo.

آية رقم 32

ﭕﭖ ﭗ ​

Lambuna da inabõbi.

آية رقم 33

ﭘﭙ ﭚ ​

Da cikakkun 'yammata, tsãrar jũna.

آية رقم 34

ﭛﭜ ﭝ ​

Da hinjãlan giya cikakku.

آية رقم 35

ﭞﭟﭠﭡﭢﭣ ﭤ ​

Bã su jin yãsassar magana, a cikinta, kuma bã su jin ƙaryatãwa.

آية رقم 36

ﭥﭦﭧﭨﭩ ﭪ ​

Dõmin sakamako daga Ubangijinka, kyautã mai yawa.

آية رقم 37

ﭫﭬﭭﭮﭯﭰﭱﭲﭳﭴﭵ ﭶ ​

Ubangijin sammai da ƙasa da abin da yake a tsakãninsu, Mai rahama, bã su da ikon yin wata magana daga gare Shi.

آية رقم 38

ﭷﭸﭹﭺﭻﭼﭽﭾﭿﮀﮁﮂﮃﮄﮅ ﮆ ​

Rãnar da Rũhi da malã'iku zã su tsaya a cikin safu, bã su magana, sai wanda Allah Ya yi masa izni, kuma ya faɗi abin da ke daidai.

آية رقم 39

ﮇﮈﮉﮊﮋﮌﮍﮎﮏﮐ ﮑ ​

Wancan, shi ne yini na gaskiya; to wanda ya so, ya riƙa makõma zuwa ga Ubangijinsa.

آية رقم 40

ﮒﮓﮔﮕﮖﮗﮘﮙﮚﮛﮜﮝﮞﮟﮠ ﮡ ​

Lalle ne, Mũ, Mun yi muku gargaɗin azãba makusanciya, rãnar da mutum ke dũbi zuwa ga abin da hannãyensa suka aikata, kuma kafiri ya ce: "Kaitona, dã dai nã zama turɓãya!"