ترجمة معاني سورة الصافات باللغة الهوساوية من كتاب Abubakar Mahmoud Gumi - Hausa translation

آية رقم 1

ﭑﭒ ﭓ ​

As-Saffat

Inã rantsuwa da mãsu yin sahu-sahu (a cikin salla kõ yãƙi).

آية رقم 2

ﭔﭕ ﭖ ​

Sa'an nan mãsu yin tsãwa dõmin gargaɗi.

آية رقم 3

ﭗﭘ ﭙ ​

Sa'an nan da mãsu karãtun abin tunãtarwa.

آية رقم 4

ﭚﭛﭜ ﭝ ​

Lalle Abin bautawarku haƙĩƙa ¦aya ne.

آية رقم 5

ﭞﭟﭠﭡﭢﭣﭤ ﭥ ​

Ubangijin sammai da ƙasã da abin da ke tsakãninsu, kuma Ubangijin wurãren fitar rãnã.

آية رقم 6

ﭦﭧﭨﭩﭪﭫ ﭬ ​

Lalle Mũ, Mun ƙãwatãr da sama ta kusa da wata ƙawa, watau taurãri.

آية رقم 7

ﭭﭮﭯﭰﭱ ﭲ ​

Kuma sunã tsari daga dukan Shaiɗan mai tsaurin kai.

آية رقم 8

ﭳﭴﭵﭶﭷﭸﭹﭺﭻ ﭼ ​

Bã zã su iya saurãre zuwa ga jama'a mafi ɗaukaka (Malã'iku) ba, kuma anã jĩfar su daga kõwane gẽfe.

آية رقم 9

ﭽﭾﭿﮀﮁ ﮂ ​

Dõmin tunkuɗẽwa kuma sunã da wata azãba tabbatacciya.

آية رقم 10

ﮃﮄﮅﮆﮇﮈﮉ ﮊ ​

Fãce wanda ya fizgi wata kalma, sai yũla mai haske ta bĩ shi.

آية رقم 11

ﮋﮌﮍﮎﮏﮐﮑﮒﮓﮔﮕﮖﮗ ﮘ ​

Ka tambaye su: "Shin sũ ne mafi wuya ga halittawa, kõ, kuwa waɗanda Muka halitta?" Lalle Mũ, Mun halitta su daga lãkã mai ɗauri.

آية رقم 12

ﮙﮚﮛ ﮜ ​

Ã'a, kã yi mãmãki, alhãli kuwa sunã ta yin izgili.

آية رقم 13

ﮝﮞﮟﮠ ﮡ ​

Kuma idan aka tunãtar da su, bã su tunãwa.

آية رقم 14

ﮢﮣﮤﮥ ﮦ ​

Idan suka ga wata ãyã, sai su dinga yin izgili.

آية رقم 15

ﮧﮨﮩﮪﮫﮬ ﮭ ​

Kuma su ce, "Wannnan bã kõme ba, fãce sihiri, ne bayyananne."

آية رقم 16

ﮮﮯﮰﮱﯓﯔﯕ ﯖ ​

"Shin, idan mun mutu, kuma muka kasance turɓaya da kasũsuwa, ashe, lalle mũ tabbas waɗandaake tãyarwa ne?

آية رقم 17

ﯗﯘ ﯙ ​

"Ashe kõ da ubanninmu na farko?"

آية رقم 18

ﯚﯛﯜﯝ ﯞ ​

Ka ce: "Na'am alhãli kuwa kunã ƙasƙantattu."

آية رقم 19

ﯟﯠﯡﯢﯣﯤﯥ ﯦ ​

Tsãwa guda kawai ce, sai gã su, sunã dũbi.

آية رقم 20

ﯧﯨﯩﯪﯫ ﯬ ​

Kuma su ce: "Yã bonenmu! Wannan ita ce rãnar sakamako."

آية رقم 21

ﯭﯮﯯﯰﯱﯲﯳ ﯴ ​

Wannan ita ce rãnar rarrabẽwa wadda kuka kasance kuna ƙaryatãwa.

آية رقم 22

ﯵﯶﯷﯸﯹﯺﯻﯼ ﯽ ​

Ku tãra waɗanda suka yi zãlunci, da abõkan haɗinsu, da abin da suka kasance sunã bautãwa.

آية رقم 23

ﯾﯿﰀﰁﰂﰃﰄ ﰅ ​

Wanin Allah, sabõda haka ku shiryar da su zuwa ga hanyar Jahĩm.

آية رقم 24

ﰆﰇﰈﰉ ﰊ ​

Kuma ku tsayar da su, lalle su, waɗanda ake yi wa tambaya ne.

آية رقم 25

ﭑﭒﭓﭔ ﭕ ​

Me ya sãme ku, bã ku taimakon jũna?

آية رقم 26

ﭖﭗﭘﭙ ﭚ ​

Ã'a, sũ a yau, mãsu sallamãwa ne.

آية رقم 27

ﭛﭜﭝﭞﭟ ﭠ ​

Kuma sãshensu ya fuskanta ga sãshe, sunã tambayar jũna.

آية رقم 28

ﭡﭢﭣﭤﭥﭦ ﭧ ​

Suka ce: "Lalle kũ, kun kasance kunã jẽ mana daga wajen dãma (inda muka amince)."

آية رقم 29

ﭨﭩﭪﭫﭬ ﭭ ​

Suka ce: "Ã'a, ba ku kasance mũminai ba.

آية رقم 30

ﭮﭯﭰﭱﭲﭳﭴﭵﭶﭷﭸ ﭹ ​

"Kuma wani dalĩli bai kasance ba gare mu a kanku. Ã'a, kun kasance mutãne ne mãsu kẽtare iyãka."

آية رقم 31

ﭺﭻﭼﭽﭾﭿﮀ ﮁ ​

"Sabõda haka maganar Ubangijinmu ta wajaba a kanmu. Lalle mũ, mãsu ɗanɗanãwa ne."

آية رقم 32

ﮂﮃﮄﮅ ﮆ ​

"Sabõda haka muka ɓatar da ku. Lalle mũ, mun kasance ɓatattu."

آية رقم 33

ﮇﮈﮉﮊﮋ ﮌ ​

To lalle sũ a rãnar nan, mãsu tãrayya ne a cikin azãbar.

آية رقم 34

ﮍﮎﮏﮐ ﮑ ​

Lalle Mũ, kamar haka Muke aikatãwa game, da mãsu laifi.

آية رقم 35

ﮒﮓﮔﮕﮖﮗﮘﮙﮚﮛ ﮜ ​

Lalle sũ, sun kasance idan an ce musu: "Bãbu abin bautãwa, fãce Allah," sai su dõra girman kai.

آية رقم 36

ﮝﮞﮟﮠﮡﮢ ﮣ ​

Kuma sunã cẽwa, "Shin, mũ lalle mãsu barin gumãkanmu ne, sabõda maganar wani mawãƙi mahaukaci?

آية رقم 37

ﮤﮥﮦﮧﮨ ﮩ ​

Ã'a, yã zo da gaskiya kuma ya gaskata Manzanni.

آية رقم 38

ﮪﮫﮬﮭ ﮮ ​

Lalle kũ, haƙĩƙa mãsu ɗanɗana azãba mai raɗaɗi ne.

آية رقم 39

ﮯﮰﮱﯓﯔﯕ ﯖ ​

Kuma bã zã a sãka muku ba fãce da abin da kuka kasance kunã aikatãwa.

آية رقم 40

ﯗﯘﯙﯚ ﯛ ​

Fãce bãyin Allah waɗanda aka tsarkake.

آية رقم 41

ﯜﯝﯞﯟ ﯠ ​

Waɗannan sunã da abinci sananne.

آية رقم 42

ﯡﯢﯣ ﯤ ​

'Ya'yan itãcen marmari, kuma sunã waɗanda ake girmamãwa.

آية رقم 43

ﯥﯦﯧ ﯨ ​

A cikin gidãjen Aljannar ni'ima.

آية رقم 44

ﯩﯪﯫ ﯬ ​

A kan karagu, sunã mãsu fuskantar jũna.

آية رقم 45

ﯭﯮﯯﯰﯱ ﯲ ​

Anã kẽwayãwa a kansu da hinjãlan giya, ta daga waɗansu marẽmari.

آية رقم 46

ﯳﯴﯵ ﯶ ​

Farã mai dãɗi ga mashãyan.

آية رقم 47

ﯷﯸﯹﯺﯻﯼﯽ ﯾ ​

A cikinta bãbu jirĩ kuma ba su zama mãsu mãye daga gare ta ba,

آية رقم 48

ﯿﰀﰁﰂ ﰃ ​

Kuma a wurinsu, akwai mãtan aure mãsu taƙaita kallonsu, mãsu manyan idãnu.

آية رقم 49

ﰄﰅﰆ ﰇ ​

Kamar dai su ƙwai ne ɓõyayye.

آية رقم 50

ﰈﰉﰊﰋﰌ ﰍ ​

Sai sãshensu ya fuskanta a kan sãshe, sunã tambayar jũna.

آية رقم 51

ﰎﰏﰐﰑﰒﰓﰔ ﰕ ​

Wani mai magana daga cikinsu ya ce: "Lalle ni wani abõki ya kasance a gare ni (a dũniya)."

آية رقم 52

ﭑﭒﭓﭔ ﭕ ​

Yanã cewa, "Shin, kai lalle, kanã daga mãsu gaskatãwa ne?"

آية رقم 53

ﭖﭗﭘﭙﭚﭛﭜ ﭝ ​

"Ashe, idan muka mutu, kuma muka, kasance turɓaya da kasũsuwa, ashe, lalle, mũ tabbas waɗanda ake sãka wa ne?"

آية رقم 54

ﭞﭟﭠﭡ ﭢ ​

(Mai maganar) ya ce: "Shin, kõ ku, mãsu tsinkãya ne (mu gan shi)?"

آية رقم 55

ﭣﭤﭥﭦﭧ ﭨ ​

Sai ya tsinkãya, sai ya gan shi a cikin tsakar Jahim.

آية رقم 56

ﭩﭪﭫﭬﭭ ﭮ ​

Ya ce (masa), "Wallahi, lalle, kã yi kusa, haƙĩƙã, ka halakãni."

آية رقم 57

ﭯﭰﭱﭲﭳﭴ ﭵ ​

"Kuma bã dõmin ni'imar Ubangijĩna ba, lalle, dã na kasance daga waɗanda ake halartarwa (tãre da kai a cikin wutã)."

آية رقم 58

ﭶﭷﭸ ﭹ ​

"Shin fa, ba mu zama mãsu mutuwa ba."

آية رقم 59

ﭺﭻﭼﭽﭾﭿ ﮀ ​

"Sai mutuwarmu ta farko, kuma ba mu zama waɗanda ake azabtarwa ba?"

آية رقم 60

ﮁﮂﮃﮄﮅ ﮆ ​

Lalle, wannan shĩ ne babban rabo mai girma.

آية رقم 61

ﮇﮈﮉﮊ ﮋ ​

Sabõda irin wannan, sai mãsu aiki su yi ta aikatãwa.

آية رقم 62

ﮌﮍﮎﮏﮐﮑ ﮒ ​

Shin wancan shĩ ne mafi zama alhẽri ga liyafa kõ itãciyar zaƙƙũm?

آية رقم 63

ﮓﮔﮕﮖ ﮗ ​

Lalle, Mũ, Mun sanya ta fitina ga. azzãlumai.

آية رقم 64

ﮘﮙﮚﮛﮜﮝ ﮞ ​

Lalle ita wata itãciya ce wadda take fita daga asalin Jahĩm.

آية رقم 65

ﮟﮠﮡﮢ ﮣ ​

Gundarta, kamar dai shi kãnun Shaiɗan ne.

آية رقم 66

ﮤﮥﮦﮧﮨﮩ ﮪ ​

To, lalle sũ haƙĩƙa mãsu ci ne daga gare ta. Sa'an nan mãsu cika cikuna ne daga gare ta.

آية رقم 67

ﮫﮬﮭﮮﮯﮰﮱ ﯓ ​

Sa'an nan lalle sunã da wani garwaye a kanta, daga ruwan zãfi.

آية رقم 68

ﯔﯕﯖﯗﯘ ﯙ ​

Sa'an nan lalle makomarsu, haƙĩƙa, zuwa ga Jãhĩm take.

آية رقم 69

ﯚﯛﯜﯝ ﯞ ​

Lalle sũ, sun iske ubanninsu batattu.

آية رقم 70

ﯟﯠﯡﯢ ﯣ ​

Sabõda haka sũ, a kan gurãbunsu, suke gaggãwa.

آية رقم 71

ﯤﯥﯦﯧﯨ ﯩ ​

Kuma tabbas haƙĩƙa mafi yawan mutãnen farko sun ɓace a gabãninsu.

آية رقم 72

ﯪﯫﯬﯭ ﯮ ​

Kuma tabbas haƙĩƙa, Mun aika mãsu gargaɗi a cikinsu.

آية رقم 73

ﯯﯰﯱﯲﯳ ﯴ ​

Sai ka dũba yadda ãƙibar waɗanda aka yi wa gargaɗi ta kasance.

آية رقم 74

ﯵﯶﯷﯸ ﯹ ​

Fãce bãyin Allah waɗanda aka tsarkake.

آية رقم 75

ﯺﯻﯼﯽﯾ ﯿ ​

Kuma lalle, haƙĩƙa' Nũhu ya kira Mu. To, madalla da mãsu karɓãwa, Mu.

آية رقم 76

ﰀﰁﰂﰃﰄ ﰅ ​

Kuma Mun tsĩrar da shi da mutãnensa daga bakin ciki babba.

آية رقم 77

ﭑﭒﭓﭔ ﭕ ​

Muka sanya zurriyarsa sunã mãsu wanzuwa.

آية رقم 78

ﭖﭗﭘﭙ ﭚ ​

Kuma Muka bar masa (yabo) a cikin jama'ar ƙarshe.

آية رقم 79

ﭛﭜﭝﭞﭟ ﭠ ​

Aminci ya tabbata ga Nũhu, a cikin halittu.

آية رقم 80

ﭡﭢﭣﭤ ﭥ ​

Lalle Mũ kamar haka Muke sãka wa mãsu kyautatãwa.

آية رقم 81

ﭦﭧﭨﭩ ﭪ ​

Lalle shi, yanã daga bãyinMu mũminai.

آية رقم 82

ﭫﭬﭭ ﭮ ​

Sã'an nan Muka nutsar da waɗansunsu.

آية رقم 83

ﭯﭰﭱﭲﭳ ﭴ ​

Kuma lalle daga ƙungiyarsa, haƙĩƙa, Ibrahĩm yake.

آية رقم 84

ﭵﭶﭷﭸﭹ ﭺ ​

A lõkacin da ya je wa dangijinsa da zũciya kuɓutacciya.

آية رقم 85

ﭻﭼﭽﭾﭿﮀ ﮁ ​

A lõkacin da ya ce wa ubansa da mutãnensa, "Mẽne ne kuke bautãwa?"

آية رقم 86

ﮂﮃﮄﮅﮆ ﮇ ​

"Shin, ƙiren ƙarya (wãtau) gumãka, wanin Allah, kuke bautãwa?"

آية رقم 87

ﮈﮉﮊﮋ ﮌ ​

"To, mẽne ne zatonku game da Ubangijin halittu?"

آية رقم 88

ﮍﮎﮏﮐ ﮑ ​

Sai ya yi dũbi, dũba ta sõsai, a cikin taurãri.

آية رقم 89

ﮒﮓﮔ ﮕ ​

Sã'an nan ya ce: "Nĩ mai rashin lãfiya ne."

آية رقم 90

ﮖﮗﮘ ﮙ ​

Sai suka jũya ga barinsa, sunã mãsu jũyãwa da bãya.

آية رقم 91

ﮚﮛﮜﮝﮞﮟ ﮠ ​

Sai ya karkata zuwa ga gumãkansu, sa'an nan ya ce: "Ashe bã zã ku ci ba?

آية رقم 92

ﮡﮢﮣﮤ ﮥ ​

"Me ya sãme ku, bã ku magana?"

آية رقم 93

ﮦﮧﮨﮩ ﮪ ​

Sai ya zuba dũka a kansu da hannun dãma.

آية رقم 94

ﮫﮬﮭ ﮮ ​

Sai suka fuskanto zuwa gare shi, sunã gaggãwa.

آية رقم 95

ﮯﮰﮱﯓ ﯔ ​

Ya ce, "Kunã bauta wa abin da kuke sassaƙawa,

آية رقم 96

ﯕﯖﯗﯘ ﯙ ​

"Alhãli, Allah ne Ya halitta ku game da abin da kuke aikatãwa?"

آية رقم 97

ﯚﯛﯜﯝﯞﯟﯠ ﯡ ​

Suka ce: "Ku gina wani gini sabõda shi, sa'an nan ku jẽfa shi a cikin Jahĩm."

آية رقم 98

ﯢﯣﯤﯥﯦ ﯧ ​

Sabõda haka suka yi nufin makĩda game da shi. Sai Muka sanya su, sũ ne mafi ƙasƙanci.

آية رقم 99

ﯨﯩﯪﯫﯬﯭ ﯮ ​

Kuma (Ibrahĩm] ya ce: "Lalle, nĩ mai tafiya ne zuwa ga Ubangijĩna, zai shiryar da ni."

آية رقم 100

ﯯﯰﯱﯲﯳ ﯴ ​

"Ya Ubangijĩna! Ka bã ni (abõkin zama) daga sãlihan mutãne."

آية رقم 101

ﯵﯶﯷ ﯸ ​

Sai Muka yi masa bushãra da wani yãro mai haƙuri.

آية رقم 102

ﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔ ﰕ ​

To, a lõkacin da ya isa aiki tãre da shi, ya ce: "Ya ƙaramin ɗãna! Lalle ne inã gani, a ciki barci, lalle inã yanka ka. To, ka dũba mẽ ka gani?" (Yãron) ya ce: "Ya, Bãbãna! Ka aikata abin da aka umurce ka, zã ka sãme ni, in Allah Ya so, daga mãsu haƙuri."

آية رقم 103

ﭑﭒﭓﭔ ﭕ ​

To, a lõkacin da suka yi sallama, (Ibrahĩm) ya kãyar da shi ga gẽfen gõshinsa.

آية رقم 104

ﭖﭗﭘ ﭙ ​

Kuma Muka kira shi cẽwa "Ya Ibrahĩm!"

آية رقم 105

ﭚﭛﭜﭝﭞﭟﭠﭡ ﭢ ​

"Haƙĩƙa kã gaskata mafarkin." Lalle kamar haka Muke sãka wa mãsu kyautatãwa.

آية رقم 106

ﭣﭤﭥﭦﭧ ﭨ ​

Lalle wannan ita ce jarrabãwa bayyananna.

آية رقم 107

ﭩﭪﭫ ﭬ ​

Kuma Muka yi fansar yãron da wani abin yanka, mai girma.

آية رقم 108

ﭭﭮﭯﭰ ﭱ ​

Kuma Muka bar (yabo) a kansa a cikin mutãnen ƙarshe.

آية رقم 109

ﭲﭳﭴ ﭵ ​

Aminci ya tabbata ga Ibrãhĩm.

آية رقم 110

ﭶﭷﭸ ﭹ ​

Kamar haka Muke sãka wa mãsu kyautatãwa.

آية رقم 111

ﭺﭻﭼﭽ ﭾ ​

Lalle shĩ, yanã daga bãyinMu mũminai.

آية رقم 112

ﭿﮀﮁﮂﮃ ﮄ ​

Kuma Muka yi masa bushãra Da Is'hãƙa ya zama Annabi daga sãlihan mutãne.

آية رقم 113

ﮅﮆﮇﮈﮉﮊﮋﮌﮍﮎﮏ ﮐ ​

Kuma Muka yi albarka a gare shi, kuma ga Is'hãka. Kuma daga cikin zurriyarsu akwai mai kyautatãwa da kuma maizãlunci dõmin kansa, mai bayyanãwa (ga zãluncin).

آية رقم 114

ﮑﮒﮓﮔﮕ ﮖ ​

Kuma lalle, Mun yi ni'ima ga Mũsã da Hãrũna.

آية رقم 115

ﮗﮘﮙﮚﮛ ﮜ ​

Kuma Muka tsĩrar da su da mutãnensu daga bakin ciki mai girma.

آية رقم 116

ﮝﮞﮟﮠ ﮡ ​

Kuma Muka taimake su, sabõda haka suka kasance mãsu rinjãya.

آية رقم 117

ﮢﮣﮤ ﮥ ​

Kuma Muka ba su Littãfi mai iyãkar bayãni.

آية رقم 118

ﮦﮧﮨ ﮩ ​

Kuma Muka shiryar da su ga hanya mĩƙaƙƙiya.

آية رقم 119

ﮪﮫﮬﮭ ﮮ ​

Kuma Muka bar (yabo) a gare su a cikin mutãnen karshe.

آية رقم 120

ﮯﮰﮱﯓ ﯔ ​

Aminci ya tabbata ga Mũsã da Hãruna.

آية رقم 121

ﯕﯖﯗﯘ ﯙ ​

Lalle kamar haka Muke sãka wa mãsu kyautatãwa.

آية رقم 122

ﯚﯛﯜﯝ ﯞ ​

Lalle, sunã daga bãyinMu mũminai.

آية رقم 123

ﯟﯠﯡﯢ ﯣ ​

Kuma lalle Ilyãs, haƙĩƙa, yanã daga Manzanni.

آية رقم 124

ﯤﯥﯦﯧﯨ ﯩ ​

A lõkacin da yake ce wa mutãnensa, "Ashe, bã zã ku yi taƙawa ba?"

آية رقم 125

ﯪﯫﯬﯭﯮ ﯯ ​

"Shin, kunã bauta wa Ba'al ne, kuma kunã barin Mafi kyautatãwar mãsu halitta?"

آية رقم 126

ﯰﯱﯲﯳﯴ ﯵ ​

"Allah Ubangijinku, kuma Ubangijin ubanninku farko?"

آية رقم 127

ﭑﭒﭓ ﭔ ​

Sai suka ƙaryata shi. Sabõda haka sũ lalle waɗanda zã a halartãwa ne (a wutã).

آية رقم 128

ﭕﭖﭗﭘ ﭙ ​

Sai bãyin Allah waɗanda aka tsarkake.

آية رقم 129

ﭚﭛﭜﭝ ﭞ ​

Kuma Muka bar (yabo) a gare shi, a cikin mutãnen ƙarshe.

آية رقم 130

ﭟﭠﭡﭢ ﭣ ​

Aminci ya tabbata ga Ilyãs.

آية رقم 131

ﭤﭥﭦﭧ ﭨ ​

Lalle Mũ kamar haka Muke sãka wa mãsu kyautatãwa.

آية رقم 132

ﭩﭪﭫﭬ ﭭ ​

Lalle shĩ, yanã daga bãyinMu mũminai.

آية رقم 133

ﭮﭯﭰﭱ ﭲ ​

Kuma lalle Lũdu, haƙĩƙa, yanã daga Manzanni.

آية رقم 134

ﭳﭴﭵﭶ ﭷ ​

A lõkacin da Muka tsĩrar da shi, da mutãnensa gabã ɗaya.

آية رقم 135

ﭸﭹﭺﭻ ﭼ ​

Sai wata tsõhuwa tanã a cikin mãsu wanzuwa (a cikin azãba).

آية رقم 136

ﭽﭾﭿ ﮀ ​

Sã'an nan Muka darkãke waɗansu mutãnen.

آية رقم 137

ﮁﮂﮃﮄ ﮅ ​

Kuma lalle kũ, haƙĩƙa, kunã shũɗewa a kansu, kunã mãsu asubanci.

آية رقم 138

ﮆﮇﮈﮉ ﮊ ​

Kuma da dare. Shin fa, bã zã ku hankalta ba?

آية رقم 139

ﮋﮌﮍﮎ ﮏ ​

Kuma lalle Yũnusa, haƙĩƙa, yanã daga Manzanni.

آية رقم 140

ﮐﮑﮒﮓﮔ ﮕ ​

A lõkacin da ya gudu zuwa ga jirgin ruwa wanda aka yi wa lõdi.

آية رقم 141

ﮖﮗﮘﮙ ﮚ ​

Sã'an nan ya yi ƙuri'a, sai ya kasance a cikin waɗanda aka rinjaya.

آية رقم 142

ﮛﮜﮝﮞ ﮟ ​

Sai kĩfi ya yi lõma da shi, alhãli kuwa yanã wanda ake zargi.

آية رقم 143

ﮠﮡﮢﮣﮤ ﮥ ​

To, ba dõmin lalle shi ya kasance daga mãsu tasbĩhi ba,

آية رقم 144

ﮦﮧﮨﮩﮪﮫ ﮬ ​

Lalle dã ya zauna a cikin cikinsa har ya zuwa rãnar da zã a tãyar da su.

آية رقم 145

ﮭﮮﮯﮰﮱ ﯓ ​

Sai Muka jẽfa shi ga wani fĩli alhãli kuwa yanã mai raunin rashin lãfiya.

آية رقم 146

ﯔﯕﯖﯗﯘ ﯙ ​

Kuma Muka tsirar da wata itãciya ta kankana a kusa da shi.

آية رقم 147

ﯚﯛﯜﯝﯞﯟ ﯠ ​

Kuma Muka aika shi zuwa ga waɗansu mutãne dubuɗari, kõ sunã ƙaruwa (a kan haka).

آية رقم 148

ﯡﯢﯣﯤ ﯥ ​

Sai suka yi ĩmãni sabõda haka Muka jiyar da su dãdi har wani lõkaci.

آية رقم 149

ﯦﯧﯨﯩﯪ ﯫ ​

Sabõda haka, ka tambaye su, "Shin, Ubangijinka ne da 'ya'ya mãtã, kuma su da ɗiya maza?"

آية رقم 150

ﯬﯭﯮﯯﯰﯱ ﯲ ​

Kõ kuma Mun halitta malã'iku mãtã ne, alhãli kuwa sũ sunãhalarce?

آية رقم 151

ﯳﯴﯵﯶﯷ ﯸ ​

To! Lalle sũ, daga ƙiren ƙaryarsu sunã cẽwa.

آية رقم 152

ﯹﯺﯻﯼ ﯽ ​

"Allah Yã haihu," alhãli kuwa lalle sũ, haƙĩƙa maƙaryata ne.

آية رقم 153

ﯾﯿﰀﰁ ﰂ ​

Shin, Yã zãɓi 'yã'ya mãtã ne a kan ɗiya maza?

آية رقم 154

ﭑﭒﭓﭔ ﭕ ​

Mẽ ya same ku? Yãya kuke hukuntãwa (wannanhukunci)?

آية رقم 155

ﭖﭗ ﭘ ​

Shin, bã ku tunãni?

آية رقم 156

ﭙﭚﭛﭜ ﭝ ​

Ko kuma kunã da wani dalĩli bayyananne ne?

آية رقم 157

ﭞﭟﭠﭡﭢ ﭣ ​

To, ku zo da littãfinku idan kun kasance mãsu gaskiya.

آية رقم 158

ﭤﭥﭦﭧﭨﭩﭪﭫﭬﭭﭮ ﭯ ​

Kuma suka sanya nasaba a tsakãninSa da tsakãnin aljannu. Alhãli kuwa Lalle aljannu sun sani, "Lalle sũ, haƙĩƙa waɗanda ake halartarwa ne (a cikin wutã.)"

آية رقم 159

ﭰﭱﭲﭳ ﭴ ​

Tsarki ya tabbata ga Allah daga abin da suke siffantãwa.

آية رقم 160

ﭵﭶﭷﭸ ﭹ ​

Sai bãyin Allah waɗanda aka tsarkake.

آية رقم 161

ﭺﭻﭼ ﭽ ​

To, lalle, ku da abin da kuke bautãwa,

آية رقم 162

ﭾﭿﮀﮁ ﮂ ​

Ba ku zama mãsu buwãya ba a gare Shi.

آية رقم 163

ﮃﮄﮅﮆﮇ ﮈ ​

Sai wanda yake mai shiga babbar wutã Jahĩm.

آية رقم 164

ﮉﮊﮋﮌﮍﮎ ﮏ ​

"Kuma bãbu kõwa daga cikinmu, fãce yanã da matsayi sananne."

آية رقم 165

ﮐﮑﮒ ﮓ ​

"Kuma lalle mu, haƙĩƙa, mũ ne mãsu yin sahu-sahu (dõmin ibãda)."

آية رقم 166

ﮔﮕﮖ ﮗ ​

"Kuma lalle mũ haƙĩƙa, mũ ne mãsu yin tasbĩhi."

آية رقم 167

ﮘﮙﮚ ﮛ ​

Kuma lalle sũ, sun kasance sunã cẽwa,

آية رقم 168

ﮜﮝﮞﮟﮠﮡ ﮢ ​

"Dã lalle munã da wani littãfi irin na mutãnen farko."

آية رقم 169

ﮣﮤﮥﮦ ﮧ ​

"Lalle dã mun kasance bãyin Allah waɗanda aka tsarkake."

آية رقم 170

ﮨﮩﮪﮫﮬ ﮭ ​

Sai suka kãfirta da shi. Sabõda haka zã su sani.

آية رقم 171

ﮮﮯﮰﮱﯓ ﯔ ​

Kuma lalle, haƙĩƙa kalmarMu ta gabãta ga bãyinMu, Manzanni.

آية رقم 172

ﯕﯖﯗ ﯘ ​

Lalle sũ, haƙĩƙa, sũ ne waɗanda ake taimako.

آية رقم 173

ﯙﯚﯛﯜ ﯝ ​

Kuma lalle rundunarMu, haƙĩƙa, sũ ne marinjaya.

آية رقم 174

ﯞﯟﯠﯡ ﯢ ​

Sabõda haka juya daga barinsu, har a wani lõkaci.

آية رقم 175

ﯣﯤﯥ ﯦ ​

Ka nũna musu (gaskiya), da haka zã su dinga gani.

آية رقم 176

ﯧﯨ ﯩ ​

Shin fa, da azabarMu suke nẽman gaggãwa?

آية رقم 177

ﯪﯫﯬﯭﯮﯯ ﯰ ​

To, idan ta sauka ga farfãjiyarsu, to, sãfiyar wadanda ake yi wa gargaɗi ta mũnana.

آية رقم 178

ﯱﯲﯳﯴ ﯵ ​

Kuma ka jũya daga barinsu har a wani lõkaci.

آية رقم 179

ﯶﯷﯸ ﯹ ​

Ka nũna (musu gaskiya), da haka zã su dinga nũnãwa.

آية رقم 180

ﯺﯻﯼﯽﯾﯿ ﰀ ​

Tsarki ya tabbata ga Ubangijinka, Ubangijin rinjãye, daga barin abin da suke siffantãwa.

آية رقم 181

ﰁﰂﰃ ﰄ ​

Kuma aminci ya tabbata ga Manzanni.

آية رقم 182

ﰅﰆﰇﰈ ﰉ ​

Kuma gõdiya ta tabbata ga Allah Ubangijin halittu.