ترجمة سورة الصافات

Uzbek - Uzbek translation
ترجمة معاني سورة الصافات باللغة الأوزبكية من كتاب Uzbek - Uzbek translation .

ﰡ

ﭑﭒ ﰀ​


Сафда тизилиб турувчилар ила қасам.
ﭔﭕ ﰁ​

Зажр (қилинадиганларни) зажр қилгувчилар ила қасам.
ﭗﭘ ﰂ​

Зикрни тиловат қилгувчилар ила қасам. (Уч тоифа фаришталар билан қасам ичиб бўлиб, энди, қасам ичилган нарса зикр қилинади.)
ﭚﭛﭜ ﰃ​

Албатта, илоҳингиз ягонадир.
ﭞﭟﭠﭡﭢﭣﭤ ﰄ​

У зот осмонлару ернинг ва иккиси орасидаги нарсаларнинг Роббидир. Ва машриқларнинг Роббидир.
ﭦﭧﭨﭩﭪﭫ ﰅ​

Албатта, Биз бу дунё осмонини юлдузлар зийнати-ла зийнатладик.
ﭭﭮﭯﭰﭱ ﰆ​

Ва ҳар бир итоатсиз шайтондан сақлаш учун.
ﭳﭴﭵﭶﭷﭸﭹﭺﭻ ﰇ​

Улар юксак тўплиққа қулоқ сола олмаслар ва ҳар томондан (учқун-ла) отилурлар.
ﭽﭾﭿﮀﮁ ﰈ​

Ҳайдалурлар! Улар учун узлуксиз азоб бордир.
ﮃﮄﮅﮆﮇﮈﮉ ﰉ​

Магар бирорта сўзни ўғриликча тинглаган шахс бўлса, уни ёқгувчи олов таъқиб этар.
ﮋﮌﮍﮎﮏﮐﮑﮒﮓﮔﮕﮖﮗ ﰊ​

Бас, сен улардан сўра: уларни яратиш қийинроқмикан ёки Биз яратган зотларни?! Албатта, Биз уларни ёпишқоқ лойдан яратдик.
ﮙﮚﮛ ﰋ​

Балки сен ажабландинг, улар эса масхара қилурлар.
ﮝﮞﮟﮠ ﰌ​

Қачонки эслатилсалар, эсламаслар.
ﮢﮣﮤﮥ ﰍ​

Қачонки бирор оят-белгини кўрсалар, қаттиқроқ масхара қилурлар.
ﮧﮨﮩﮪﮫﮬ ﰎ​

Улар: «Бу (Қуръон) очиқ-ойдин сеҳрдан бошқа нарса эмас.
ﮮﮯﮰﮱﯓﯔﯕ ﰏ​

Ўлсак-да, тупроқ ва суяк бўлсак-да, албатта, Биз қайта тирилтирилурмизми?!
ﯗﯘ ﰐ​

Аввалги ота-боболаримиз ҳам-а?!» дедилар.
ﯚﯛﯜﯝ ﰑ​

Сен: «Ҳа! Хор бўлган ҳолларингизда!» дегин.
ﯟﯠﯡﯢﯣﯤﯥ ﰒ​

Бас, у фақатгина бир қичқириқдан иборат, холос. Бас, бирдан улар назар солиб турибдилар-да!
ﯧﯨﯩﯪﯫ ﰓ​

Ва улар: «Воҳ, шўримиз қурисин! Бу жазо куни-ку!» дерлар.
ﯭﯮﯯﯰﯱﯲﯳ ﰔ​

Бу сизлар ёлғонга чиқариб юрган ажрим кунидир.
ﯵﯶﯷﯸﯹﯺﯻﯼ ﰕ​

Зулм қилганларни, уларнинг жуфтларини ва улар ибодат қилиб юрган нарсаларини тўпланг.
ﯾﯿﰀﰁﰂﰃﰄ ﰖ​

Аллоҳдан ўзга. Бас, уларни жаҳийм йўлига ҳидоят қилинг»(дейилур).
ﰆﰇﰈﰉ ﰗ​

Ва уларни тўхтатинглар! Албатта, улар сўралгувчидирлар.
ﭑﭒﭓﭔ ﰘ​

Сизларга нима бўлди? Ўзаро ёрдамлашмаяпсиз?!
ﭖﭗﭘﭙ ﰙ​

Йўқ! Улар бугунги кунда таслим бўлгувчилардир.
ﭛﭜﭝﭞﭟ ﰚ​

Улар бир-бирларига савол берурлар.
ﭡﭢﭣﭤﭥﭦ ﰛ​

Улар: «Албатта, сизлар бизга ўнг томондан келар эдингиз», дерлар.
ﭨﭩﭪﭫﭬ ﰜ​

Улар: «Йўқ! Сиз ўзингиз мўмин бўлмаган эдингиз.
ﭮﭯﭰﭱﭲﭳﭴﭵﭶﭷﭸ ﰝ​

Бизнинг устингиздан ҳукмронлигимиз бўлмаган эди. Йўқ! Сиз ўзингиз туғёнга кетган қавм эдингиз.
ﭺﭻﭼﭽﭾﭿﮀ ﰞ​

Бас, ҳаммамизга Роббимизнинг (азоб) сўзи ҳақ бўлди. Албатта, биз тотгувчилармиз.
ﮂﮃﮄﮅ ﰟ​

Ҳа, биз сизларни иғво қилдик. Албатта, биз иғво қилгувчи эдик», дерлар.
ﮇﮈﮉﮊﮋ ﰠ​

Бас, улар у кунда азобда шерик бўлгувчилардир.
ﮍﮎﮏﮐ ﰡ​

Албатта, Биз жиноятчиларга шундоқ қилурмиз.
ﮒﮓﮔﮕﮖﮗﮘﮙﮚﮛ ﰢ​

Чунки, уларга қачонки «Ла илаҳа иллоллоҳу», дейилса, мутакаббирлик қилар эдилар.
ﮝﮞﮟﮠﮡﮢ ﰣ​

«Ахир биз бир жинни шоирни деб ўз худоларимизни тарк қилгувчи бўлайликми?!» дер эдилар.
ﮤﮥﮦﮧﮨ ﰤ​

Йўқ! У ҳақни келтирди ва Пайғамбарларни тасдиқ қилди.
ﮪﮫﮬﮭ ﰥ​

Албатта, сиз аламли азобни тотгувчидирсиз.
ﮯﮰﮱﯓﯔﯕ ﰦ​

Қилиб ўтган нарсангиздан бошқа нарсанинг жазосини олмассиз.
ﯗﯘﯙﯚ ﰧ​

Магар Аллоҳнинг ихлосли бандалари.
ﯜﯝﯞﯟ ﰨ​

Ана ўшаларга, ўзларига маълум ризқ бордир.
ﯡﯢﯣ ﰩ​

Мева-чевалар бордир. Улар икром қилинган ҳолларида...
ﯥﯦﯧ ﰪ​

Наъийм жаннатларида...
ﯩﯪﯫ ﰫ​

Сўрилар устида бир-бирларига қараган ҳолларида бўлурлар.
ﯭﯮﯯﯰﯱ ﰬ​

Уларга оқар чашмадан қадаҳлар айлантириб турилур.
ﯳﯴﯵ ﰭ​

Оппоқ, ичгувчига лаззатбахшдир.
ﯷﯸﯹﯺﯻﯼﯽ ﰮ​

Унда ҳеч бир зарар йўқдир ва ундан сархуш ҳам бўлмаслар.
ﯿﰀﰁﰂ ﰯ​

Олдиларида кўзларини (бегоналардан) тийгувчи шаҳло кўзлилар бордир.
ﰄﰅﰆ ﰰ​

Улар худди асраб қўйилган тухумга ўхшарлар.
ﰈﰉﰊﰋﰌ ﰱ​

Бас, улар бир-бирларидан сўрай бошлайдилар.
ﰎﰏﰐﰑﰒﰓﰔ ﰲ​

Ичларидан бир сўзловчи: «Аниқки, менинг бир дўстим бор эди. (Аҳли жаннатлардан бирлари сўз бошлаб, ҳеч шубҳа йўқки, у дунёда менинг бир танишим бор эди.)
ﭑﭒﭓﭔ ﰳ​

У: «Сен ҳам тасдиқловчиларданмисан?!
ﭖﭗﭘﭙﭚﭛﭜ ﰴ​

Ўлиб, тупроқ ва суяклар бўлиб кетсак ҳам, албатта, жазоланадиганлардан бўлурмизми?!» дер эди.
ﭞﭟﭠﭡ ﰵ​

Сизлар ҳам қараяпсизларми?» деди.
ﭣﭤﭥﭦﭧ ﰶ​

Бас, ўзи қараб, уни дўзахнинг ўртасида кўрди.
ﭩﭪﭫﭬﭭ ﰷ​

У: «Аллоҳга қасамки, мени ҳам ҳалок қилишингга оз қолган экан.
ﭯﭰﭱﭲﭳﭴ ﰸ​

Агар Роббимнинг неъмати бўлмаганида, мен ҳам (дўзахга) ҳозир қилинганлардан бўлур эдим.
ﭶﭷﭸ ﰹ​

Биз ўлгувчи эмас эканмизми?!
ﭺﭻﭼﭽﭾﭿ ﰺ​

Фақат биринчи ўлимимиздан бошқа?! Биз азоблангувчи эмас эканмизми?!» деди.
ﮁﮂﮃﮄﮅ ﰻ​

Албатта, бу айни улуғ ютуқдир.
ﮇﮈﮉﮊ ﰼ​

Бас, амал қилгувчилар мана шунга ўхшаш нарса учун амал этсинлар.
ﮌﮍﮎﮏﮐﮑ ﰽ​

Манзил ўлароқ ана ўша яхшими ёки заққум дарахтими?
ﮓﮔﮕﮖ ﰾ​

Албатта, Биз у(дарахт)ни золимлар учун фитна қилдик. (Биз заққум дарахтини золимлар–кофир ва мушриклар учун фитна қилиб қўйдик. Мушриклар, жаҳаннамда заққум деган дарахт бўлар экан, деган гапни эшитганларида, доимо олов ёниб турадиган дўзахда қандай қилиб дарахт ўсади, оловда куйиб кетмайдими, деб масхара қилишди.)
ﮘﮙﮚﮛﮜﮝ ﰿ​

Дарҳақиқат, у бир дарахт бўлиб, дўзах қаъридан чиқур.
ﮟﮠﮡﮢ ﱀ​

Унинг (мева) тугар жойи, худди шайтонларнинг бошларига ўхшайдир.
ﮤﮥﮦﮧﮨﮩ ﱁ​

Бас, албатта, улар ундан егувчилардир. Ундан қоринларни тўлдиргувчилардир.
ﮫﮬﮭﮮﮯﮰﮱ ﱂ​

Сўнгра, бунинг устига, улар учун ўта қайноқ сувдан аралаштирма ҳам бор.
ﯔﯕﯖﯗﯘ ﱃ​

Сўнгра, албатта, уларнинг қайтар жойи жаҳаннамга бўлур.
ﯚﯛﯜﯝ ﱄ​

Чунки улар ўз оталарини адашган ҳолда топдилар.
ﯟﯠﯡﯢ ﱅ​

Энди эса, улар ўшаларнинг изидан чопмоқдалар.
ﯤﯥﯦﯧﯨ ﱆ​

Батаҳқиқ, улардан олдин аввалгиларнинг кўплари адашганлар.
ﯪﯫﯬﯭ ﱇ​

Батаҳқиқ, Биз ичларига огоҳлантиргувчилар юбордик.
ﯯﯰﯱﯲﯳ ﱈ​

Бас, огоҳлантирилганларнинг оқибати қандоқ бўлганига назар сол.
ﯵﯶﯷﯸ ﱉ​

Магар ихлосли бандаларимизгина ҳалокатга учрамадилар.
ﯺﯻﯼﯽﯾ ﱊ​

Батаҳқиқ, Бизга Нуҳ нидо қилди. Бас, нақадар яхши ижобат қилгувчимиз. (Нуҳга ўхшаб илтижо этган бандаларимизнинг дуоларини доимо ижобат қиламиз.)
ﰀﰁﰂﰃﰄ ﱋ​

Ва Биз унга ва унинг аҳлига улуғ ғамдан нажот бердик.
ﭑﭒﭓﭔ ﱌ​

Ва унинг зурриётларини, ўзларини боқий қолгувчилар қилдик.
ﭖﭗﭘﭙ ﱍ​

Ва кейингилар ичида унинг учун (олқишлар) қолдирдик.
ﭛﭜﭝﭞﭟ ﱎ​

Барча оламларда Нуҳга салом бўлсин!
ﭡﭢﭣﭤ ﱏ​

Албатта, Биз гўзал амал қилгувчиларни мана шундай мукофотлармиз.
ﭦﭧﭨﭩ ﱐ​

Албатта, у мўмин бандаларимиздандир.
ﭫﭬﭭ ﱑ​

Сўнгра қолганларни ғарқ қилдик.
ﭯﭰﭱﭲﭳ ﱒ​

Албатта, Иброҳим ҳам унинг гуруҳидандир. (Нуҳдан кейин келган Иброҳим Пайғамбар, Аллоҳнинг йўлини тутишда у билан бир гуруҳдан эди.)
ﭵﭶﭷﭸﭹ ﱓ​

Ўшанда у ўз Роббига соғлом қалб ила келмишди.
ﭻﭼﭽﭾﭿﮀ ﱔ​

Ўшанда отасига ва қавмига: «Нимага ибодат қилмоқдасиз?!
ﮂﮃﮄﮅﮆ ﱕ​

Аллоҳдан ўзга уйдирма илоҳларни хоҳлайсизларми?!
ﮈﮉﮊﮋ ﱖ​

Оламларнинг Робби ҳақида нима гумонингиз бор?!» демишди.
ﮍﮎﮏﮐ ﱗ​

У юлдузларга бир назар солди
ﮒﮓﮔ ﱘ​

Ва: «Албатта, мен беморман» деди. (Иброҳим алайҳиссалом юраги сиқилавериб, ноқулай ҳолатга тушиб қолганини айтди. Қавмига куявериб, қалби дардга тўлганини билдирди. )
ﮖﮗﮘ ﱙ​

Дарҳол, ундан юз ўгириб юриб кетдилар.
ﮚﮛﮜﮝﮞﮟ ﱚ​

Бас, тезда уларнинг худоларига бурилди ва: «Қани, емайсизларми?!
ﮡﮢﮣﮤ ﱛ​

Сизга нима бўлди?! Гапирмайсизларми?!» деди.
ﮦﮧﮨﮩ ﱜ​

Сўнг уларга яқинлашиб, ўнг қўл билан ура бошлади.
ﮫﮬﮭ ﱝ​

Улар у томон шошиб, бир-бирларини туртиб кела бошлади. (Мушриклар Иброҳим алайҳиссалом томон шошиб-пишиб, тезроқ бориш учун бир-бирларини туртишиб-суришиб етиб келишди.)
ﮯﮰﮱﯓ ﱞ​

У: «Ўзингиз йўниб ясаган нарсага ибодат қиласизларми?!
ﯕﯖﯗﯘ ﱟ​

Ҳолбуки, сизни ҳам, қолган нарсаларингизни ҳам Аллоҳ яратган-ку?!» деди.
ﯚﯛﯜﯝﯞﯟﯠ ﱠ​

Улар: «Унинг учун (ўчоқ) бино қилинглар, бас, уни гулханга отинглар!» дедилар.
ﯢﯣﯤﯥﯦ ﱡ​

Бас, улар унга макр-ҳийлани ирода қилишди. Биз уларни тубан қилдик.
ﯨﯩﯪﯫﯬﯭ ﱢ​

У: «Албатта, мен Роббимга боргувчиман. У мени ҳидоят қилур.
ﯯﯰﯱﯲﯳ ﱣ​

Роббим, менга солиҳлардан ато эт», деди.
ﯵﯶﯷ ﱤ​

Бас, Биз унга бир ҳалим ўғилнинг хушхабарини бердик.
ﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔ ﱥ​

Бас, қачонки (бола) унинг ўзи билан бирга юрадиган бўлганида: «Эй ўғилчам, мен тушимда сени сўяётганимни кўрмоқдаман, боқиб кўр, нима дейсан?» деди. У: «Эй отажон, сенга амр этилганни бажар, инша Аллоҳ, мени сабр қилгувчилардан топурсан», деди.
ﭑﭒﭓﭔ ﱦ​

Икковлари таслим бўлиб, уни пешонасича ётқизганида.
ﭖﭗﭘ ﱧ​

Биз унга нидо қилдик: «Эй Иброҳим!
ﭚﭛﭜﭝﭞﭟﭠﭡ ﱨ​

Батаҳқиқ, сен тушни тасдиқ қилдинг! Албатта, биз гўзал иш қилгувчиларни мана шундай мукофотлаймиз», деб.
ﭣﭤﭥﭦﭧ ﱩ​

Албатта, бу очиқ-ойдин синовнинг айни ўзидир.
ﭩﭪﭫ ﱪ​

Биз унинг ўрнига катта қурбонлик фидо қилдик. (Иброҳим қурбонлик учун боласини сўйишга тайёрлигини билдирди. Уни ётқизиб, бўйнига пичоқ тиради. Аммо Аллоҳнинг мақсади Исмоилнинг қонини оқизиш бўлмагани учун пичоқ ўтмади. Шунда Аллоҳ таоло Иброҳимга алайҳиссалом юқоридаги нидони қилди ва Исмоилнинг алайҳиссалом ўрнига сўйиш учун жаннатдан катта бир қўчқорни ато этди. Иброҳим алайҳиссалом ўша қўчқорни қурбонликка сўйди.)
ﭭﭮﭯﭰ ﱫ​

Ва кейингилар ичида унинг учун (олқишлар) қолдирдик.
ﭲﭳﭴ ﱬ​

Иброҳимга салом бўлсин!
ﭶﭷﭸ ﱭ​

Биз гўзал амал қилгувчиларни шундай мукофотлармиз.
ﭺﭻﭼﭽ ﱮ​

Чунки у мўмин бандаларимиздандир.
ﭿﮀﮁﮂﮃ ﱯ​

Яна Биз унга солиҳлардан бир Пайғамбар бўлажак Исҳоқнинг хушхабарини бердик.
ﮅﮆﮇﮈﮉﮊﮋﮌﮍﮎﮏ ﱰ​

Ва унга ҳам, Исҳоққа ҳам барака бердик. Икковларининг зурриётидан гўзал амал қилгувчи ҳам, ўзига очиқ-ойдин зулм қилгувчи ҳам бўлур. (Иброҳимга ҳам, Исҳоққа ҳам барака бердик. Уларнинг наслидан Пайғамбарлар чиқадиган қилиб қўйдик. Ким ўша Пайғамбарларга эргашса, гўзал иш қилган бўлади. Ким эргашмаса, ўзига ўзи зулм қилган бўлади.)
ﮑﮒﮓﮔﮕ ﱱ​

Батаҳқиқ, Биз Мусо ва Ҳорунга неъмат бердик.
ﮗﮘﮙﮚﮛ ﱲ​

Икковларига ва қавмларига катта ғамдан нажот бердик.
ﮝﮞﮟﮠ ﱳ​

Ва уларга нусрат бердик, бас, улар ғолиб бўлдилар.
ﮢﮣﮤ ﱴ​

Ва Биз икковларига равшану комил баёнли китобни бердик.
ﮦﮧﮨ ﱵ​

Ва икковларини сиротул мустақиймга ҳидоят қилдик.
ﮪﮫﮬﮭ ﱶ​

Ва кейингилар ичида икковлари учун (олқишлар) қолдирдик.
ﮯﮰﮱﯓ ﱷ​

Мусо ва Ҳорунга салом бўлсин!
ﯕﯖﯗﯘ ﱸ​

Биз гўзал амал қилгувчиларни мана шундай мукофотлармиз.
ﯚﯛﯜﯝ ﱹ​

Чунки икковлари мўмин бандаларимиздандирлар.
ﯟﯠﯡﯢ ﱺ​

Албатта, Илёс ҳам Пайғамбарлардандир.
ﯤﯥﯦﯧﯨ ﱻ​

Ўшанда у қавмига: «Тақво қилмайсизми?!
ﯪﯫﯬﯭﯮ ﱼ​

Баълга ибодат қилиб, яратувчиларнинг энг яхшисини.
ﯰﯱﯲﯳﯴ ﱽ​

Ўз Роббингизни ва аввалги ота-боболарингизнинг Робби Аллоҳни тарк этасизми?!» деди.
ﭑﭒﭓ ﱾ​

Бас, уни ёлғончи қилдилар. Энди, албатта, улар (азобга) ҳозир қилингувчилардир.
ﭕﭖﭗﭘ ﱿ​

Магар Аллоҳнинг мухлис бандаларигина (мустаснодир).
ﭚﭛﭜﭝ ﲀ​

Ва кейингилар ичида унинг учун (олқишлар) қолдирдик.
ﭟﭠﭡﭢ ﲁ​

Илиёсийнга салом бўлсин.
ﭤﭥﭦﭧ ﲂ​

Биз гўзал амал қилгувчиларни мана шундай мукофотлармиз.
ﭩﭪﭫﭬ ﲃ​

Чунки у мўмин бандаларимиздандир. (Шунинг учун иймон тақозоси билан Бизнинг йўлимизда жиҳод қилди ва олий мақомларга эришди.)
ﭮﭯﭰﭱ ﲄ​

Албатта, Лут ҳам Пайғамбарлардандир.
ﭳﭴﭵﭶ ﲅ​

Ўшанда Биз унга ва унинг аҳлига, ҳаммаларига нажот бердик.
ﭸﭹﭺﭻ ﲆ​

Магар бир кампиргина (азобда) қолгувчилардан бўлди.
ﭽﭾﭿ ﲇ​

Сўнгра қолганларини ҳалок этдик.
ﮁﮂﮃﮄ ﲈ​

Албатта, сиз уларнинг устидан ўтиб турурсизлар. Эрталаб.
ﮆﮇﮈﮉ ﲉ​

Ва кечда ҳам. Ақл юритмайсизларми?!
ﮋﮌﮍﮎ ﲊ​

Албатта, Юнус ҳам Пайғамбарлардандир.
ﮐﮑﮒﮓﮔ ﲋ​

Ўшанда у тўлган кемага қочди.
ﮖﮗﮘﮙ ﲌ​

Бас, қуръа ташлашди ва у мағлублардан бўлди. (Юнус алайҳиссаломга ҳам қуръа ташлашди ва мағлуб бўлди. Қуръа у кишига чиқди. Келишувга биноан, у киши сувга ташланди.)
ﮛﮜﮝﮞ ﲍ​

Бас, уни маломатга лойиқ бўлган ҳолида наҳанг балиқ ютди.
ﮠﮡﮢﮣﮤ ﲎ​

Агар у кўп тасбиҳ айтгувчилардан бўлмаганида эди.
ﮦﮧﮨﮩﮪﮫ ﲏ​

Унинг қорнида қайта тирилтирадиган кунгача қолиб кетар эди. (Юнус алайҳиссалом балиқ қорнида туриб Аллоҳга кўп тасбиҳ айтмаганида, ўша балиқнинг ичида қиёматгача қолиб кетар эди.)
ﮭﮮﮯﮰﮱ ﲐ​

Бас, Биз уни бемор ҳолида майдонга отдик.
ﯔﯕﯖﯗﯘ ﲑ​

Ва унинг устига қовоқ дарахтини ўстириб қўйдик.
ﯚﯛﯜﯝﯞﯟ ﲒ​

Ва уни юз минг ёки ундан кўпроққа Пайғамбар қилиб юбордик.
ﯡﯢﯣﯤ ﲓ​

Бас, иймон келтирдилар. Кейин Биз уларни маълум муддат баҳраманд қилдик.
ﯦﯧﯨﯩﯪ ﲔ​

Бас, у(мушрик)лардан сўра-чи, Роббингга қизлар-у, уларга ўғиллар эканми?!
ﯬﯭﯮﯯﯰﯱ ﲕ​

Ёки Биз фаришталарни қиз қилиб яратганмизу улар гувоҳ бўлиб турганларми?
ﯳﯴﯵﯶﯷ ﲖ​

Огоҳ бўлингким! Улар ўз уйдирмаларида дерлар:
ﯹﯺﯻﯼ ﲗ​

«Аллоҳ туғди». Албатта, улар ёлғончилардир.
ﯾﯿﰀﰁ ﲘ​

У зот ўғилларини қўйиб қизларни танлаб олибдими?
ﭑﭒﭓﭔ ﲙ​

Сизга нима бўлди?! Қандай ҳукм чиқармоқдасиз?
ﭖﭗ ﲚ​

Ахир эсламайсизларми?!
ﭙﭚﭛﭜ ﲛ​

Ёки сизда очиқ-ойдин ҳужжат борми?! (Ўша ҳужжатда, фаришталар Аллоҳнинг қизи, дейилганми?!)
ﭞﭟﭠﭡﭢ ﲜ​

Агар ростгўйлардан бўлсангиз, китобингизни келтиринг!
ﭤﭥﭦﭧﭨﭩﭪﭫﭬﭭﭮ ﲝ​

Ва улар У билан жинлар орасида насаб (даъвоси) қилдилар. Ҳолбуки, жинлар ўзларининг, албатта, (азобга) ҳозир қилингувчиликларини билганлар.
ﭰﭱﭲﭳ ﲞ​

Аллоҳ улар васф қилган нарсадан покдир.
ﭵﭶﭷﭸ ﲟ​

Фақат Аллоҳнинг ихлосли бандаларигина (мустаснодир).
ﭺﭻﭼ ﲠ​

Албатта, сиз ҳам, сиз ибодат қилаётган нарсалар ҳам.
ﭾﭿﮀﮁ ﲡ​

У зотга қарши фитнага солгувчи бўла олмассиз.
ﮃﮄﮅﮆﮇ ﲢ​

Ўзи (аслида) жаҳаннамга киргувчи кимсадан бошқани.
ﮉﮊﮋﮌﮍﮎ ﲣ​

Биздан ҳар биримизнинг маълум мақоми бордир.
ﮐﮑﮒ ﲤ​

Албатта, бизлар саф тортиб тургувчилармиз.
ﮔﮕﮖ ﲥ​

Ва, албатта, бизлар тасбиҳ айтгувчилармиз.
ﮘﮙﮚ ﲦ​

Ҳолбуки, улар дер эдилар:
ﮜﮝﮞﮟﮠﮡ ﲧ​

«Агар бизнинг ҳузуримизда ҳам аввалгилардан бир эслатма бўлганида.
ﮣﮤﮥﮦ ﲨ​

Албатта, Аллоҳнинг ихлосли бандаларидан бўлар эдик».
ﮨﮩﮪﮫﮬ ﲩ​

Бас, унга куфр келтирдилар. Энди яқинда билурлар.
ﮮﮯﮰﮱﯓ ﲪ​

Батаҳқиқ, Пайғамбар этиб юборилган бандаларимизга сўзимиз ўтгандир.
ﯕﯖﯗ ﲫ​

Албатта, улар, ҳа, уларгина нусрат топишлари.
ﯙﯚﯛﯜ ﲬ​

Ва, албатта, Бизнинг лашкаримизгина ғолиб бўлиши ҳақида.
ﯞﯟﯠﯡ ﲭ​

Бас, сен улардан бир вақтгача юз ўгир.
ﯣﯤﯥ ﲮ​

Ва уларнинг (томошасини) кўр! Бас, тезда ўзлари ҳам кўрурлар.
ﯧﯨ ﲯ​

Ҳали улар Бизнинг азобимизни шошилтирмоқдамилар?!
ﯪﯫﯬﯭﯮﯯ ﲰ​

Қачонки, у уларнинг ҳовлисига тушганида, огоҳлантирилганларнинг тонги жуда ёмон бўлур.
ﯱﯲﯳﯴ ﲱ​

Бас, сен улардан бир вақтгача юз ўгир.
ﯶﯷﯸ ﲲ​

Ва уларнинг (томошасини) кўр! Бас, тезда ўзлари ҳам кўрурлар.
ﯺﯻﯼﯽﯾﯿ ﲳ​

Сенинг Роббинг, иззат Робби улар қилган васфдан покдир.
ﰁﰂﰃ ﲴ​

Ва Пайғамбарларга салом бўлсин!
ﰅﰆﰇﰈ ﲵ​

Оламларнинг Робби Аллоҳга ҳамдлар бўлсин!
Icon