ترجمة معاني سورة الدّخان باللغة الهوساوية من كتاب Abubakar Mahmoud Gumi - Hausa translation

آية رقم 1

ﭑ ﭒ ​

Ad-Dukhan

Ḥ. M̃.

آية رقم 2

ﭓﭔ ﭕ ​

Inã rantsuwa da Littãfi Mabayyani.

آية رقم 3

ﭖﭗﭘﭙﭚﭛﭜﭝﭞ ﭟ ​

Lalle ne, Mũ, Muka saukar da shi a cikin wani dare mai albarka. Lalle Mũ' Mun kasance Mãsu yin gargaɗi.

آية رقم 4

ﭠﭡﭢﭣﭤ ﭥ ​

A cikinsa (shi daren) ake rarrabe kõwane umurui bayyananne.

آية رقم 5

ﭦﭧﭨﭩﭪﭫﭬ ﭭ ​

Umurni na daga wurinMu. Lalle Mũ ne Muka kasanceMãsu aikãwã.

آية رقم 6

ﭮﭯﭰﭱﭲﭳﭴﭵ ﭶ ​

Sabõda rahama daga Ubangijinka. Lalle Shĩ, Shi ne Mai ji, Mãsani.

آية رقم 7

ﭷﭸﭹﭺﭻﭼﭽﭾﭿ ﮀ ​

(Shĩ ne) Ubangijin sammai da ƙasa da abin da ke a tsakãninsu, idan kun kasance mãsu yaƙĩni (za ku gãne haka).

آية رقم 8

ﮁﮂﮃﮄﮅﮆﮇﮈﮉﮊﮋ ﮌ ​

Babu abin bautãwa fãce Shi. Yana rãyarwa Kuma Yana kashẽwa. (Shi ne) Ubangijinku, kuma Ubangijin ubanninku na farko.

آية رقم 9

ﮍﮎﮏﮐﮑ ﮒ ​

A'a sũ, sunã wãsã a cikin shakka.

آية رقم 10

ﮓﮔﮕﮖﮗﮘ ﮙ ​

Sabõda haka, ka dakata rãnar da sama zã tã zo da hayãƙi bayyananne.

آية رقم 11

ﮚﮛﮜﮝﮞﮟ ﮠ ​

Yanã rufe mutãne. Wannan wata azãba ce mai raɗaɗi.

آية رقم 12

ﮡﮢﮣﮤﮥﮦ ﮧ ​

Ya Ubangijinmu! Ka kuranye mana azãba. Lalle Mũ, mãsu ĩmãni ne.

آية رقم 13

ﮨﮩﮪﮫﮬﮭﮮ ﮯ ​

Inã tunãwa take a gare su, alhãli kuwa, haƙĩƙa, Manzo mai bayyanãwa Ya je musu (da gargaɗin saukar azãbar, ba su karɓa ba)?

آية رقم 14

ﮰﮱﯓﯔﯕﯖ ﯗ ​

Sa'an nan suka jũya baya daga gare shi, Kuma suka ce: "Wanda ake gayãwa ne, mahaukaci."

آية رقم 15

ﯘﯙﯚﯛﯜﯝﯞ ﯟ ​

Lalle Mũ, Mãsu kuranyẽwar azãba ne, a ɗan lõkaci kaɗan, lalle kũ, mãsu kõmãwa ne (ga laifin).

آية رقم 16

ﯠﯡﯢﯣﯤﯥ ﯦ ​

Rãnar da Muke damƙa, damƙa mafi girma, lalle ne Mũ mãsu azãbar rãmuwa ne.

آية رقم 17

ﯧﯨﯩﯪﯫﯬﯭﯮﯯ ﯰ ​

Kuma lalle ne haƙĩƙa a gabaninsu, Mun fitini mutãnen Fir'auna, kuma wani Manzo karĩmi ya jẽ musu.

آية رقم 18

ﯱﯲﯳﯴﯵﯶﯷﯸﯹﯺ ﯻ ​

(Mazon ya ce): "Ku kãwo mini (ĩmãninku) ya bayin Allah! Lalle ni, Manzo ne amintacce zuwa gare ku."

آية رقم 19

ﭑﭒﭓﭔﭕﭖﭗﭘﭙﭚ ﭛ ​

"Kuma kada ku nẽmi ɗaukaka a kan Allah. Lalle nĩ mai zo muku ne da dalĩli bayyananne."

آية رقم 20

ﭜﭝﭞﭟﭠﭡ ﭢ ​

"Kuma lalle nĩ na nẽmi tsari da Ubangijĩna, kuma Ubangijinku, dõmin kada ku jẽfe ni."

آية رقم 21

ﭣﭤﭥﭦﭧ ﭨ ​

"Kuma idan ba ku yi ĩmãni sabõda nĩ ba, to, ku nĩsance ni."

آية رقم 22

ﭩﭪﭫﭬﭭﭮ ﭯ ​

Sai ya kirayi Ubangjinsa cẽwa waɗannan mutãnene mãsu laifi.

آية رقم 23

ﭰﭱﭲﭳﭴ ﭵ ​

(Allah Ya ce): "To, ka yi tafiyar dare da bayiNa, da dare. Lalle kũ, waɗanda ake bĩ ne (dõmin a kãma ku.)"

آية رقم 24

ﭶﭷﭸﭹﭺﭻﭼ ﭽ ​

"Kuma ka bar tẽku rarrabe. Lalle sũ, runduna ce abar nutsarwa."

آية رقم 25

ﭾﭿﮀﮁﮂ ﮃ ​

Da yawa suka bar gõnaki da marẽmari.

آية رقم 26

ﮄﮅﮆ ﮇ ​

Da shuke-shuke da matsayi mai kyau.

آية رقم 27

ﮈﮉﮊﮋ ﮌ ​

Da wata ni'ima da suka kasance a cikinta sunã mãsu hutu.

آية رقم 28

ﮍﮎﮏﮐﮑ ﮒ ​

Kamar haka! Kuma Muka gãdar da ita ga waɗansu mutãne na dabam.

آية رقم 29

ﮓﮔﮕﮖﮗﮘﮙﮚ ﮛ ​

Sa'an nan samã da ƙasã ba su yi kũka a kansu ba, Kuma ba su kasance waɗanda ake yi wa jinkiri ba.

آية رقم 30

ﮜﮝﮞﮟﮠﮡﮢ ﮣ ​

Kuma lalle ne, haƙĩƙa Mun tsĩrar da Banĩ Isrã'ĩla daga, azãba mai wulãkantãwa.

آية رقم 31

ﮤﮥﮦﮧﮨﮩﮪﮫ ﮬ ​

Daga Fir'auna. Lalle shi, ya kasance maɗaukaki daga cikin mãsu ɓarna.

آية رقم 32

ﮭﮮﮯﮰﮱﯓ ﯔ ​

Kuma lalle ne, haƙĩƙa, Mun zãɓe su sabõda wani ilmi (na Taurata) a kan mutãne.

آية رقم 33

ﯕﯖﯗﯘﯙﯚﯛ ﯜ ​

Kuma Muka bã su, daga ãyõyin mu'ujizõji, abin da yake a cikinsa, akwai ni'ima bayyananna

آية رقم 34

ﯝﯞﯟ ﯠ ​

Lalle waɗannan mutãne, haƙĩka, sunã cẽwa,

آية رقم 35

ﯡﯢﯣﯤﯥﯦﯧﯨ ﯩ ​

"Babu wani abu sai mutuwarmu ta farko, kuma ba mu zama waɗanda ake tãyarwa ba."

آية رقم 36

ﯪﯫﯬﯭﯮ ﯯ ​

"Sai ku zo da ubanninmu, idan kun kasance mãsu gaskiya."

آية رقم 37

ﯰﯱﯲﯳﯴﯵﯶﯷﯸﯹﯺﯻﯼ ﯽ ​

shin, sũ ne mafĩfĩta kõ kuwa mutãnen Tubba'u, kuma da waɗanda ke a gabãninsu? Mun halaka su, lalle sũ, sun kasance mãsu laifi.

آية رقم 38

ﯾﯿﰀﰁﰂﰃﰄ ﰅ ​

Kuma ba Mu halitta slmmai da ƙasa da abin da ke a tsakãninsu ba, alhãli kuwa Munã mãsu wãsã.

آية رقم 39

ﰆﰇﰈﰉﰊﰋﰌﰍ ﰎ ​

Ba Mu halitta su ba fãce da manufa ta gaskiya, kuma amma mafi yawansu, ba su sani ba.

آية رقم 40

ﭑﭒﭓﭔﭕ ﭖ ​

Lalle rãnar rarrabẽwa, ita ce lõkacin wa'adinsu gabã ɗaya.

آية رقم 41

ﭗﭘﭙﭚﭛﭜﭝﭞﭟﭠ ﭡ ​

Rãnar da wani zumu bã ya amfãnin wani zumu da kõme kuma ba su zama anã taimakon su ba.

آية رقم 42

ﭢﭣﭤﭥﭦﭧﭨﭩ ﭪ ​

fãce wanda Allah Ya yi wa rahama. Lalle Shi (Allah), shĩ ne Mabuwãyi, Mai jin ƙai.

آية رقم 43

ﭫﭬﭭ ﭮ ​

Lalle itãciyar zaƙƙũm (ɗanyen wutã),

آية رقم 44

ﭯﭰ ﭱ ​

Ita ce abincin mai laifi.

آية رقم 45

ﭲﭳﭴﭵ ﭶ ​

Kamar narkakken kwalta yanã tafasa a cikin cikunna.

آية رقم 46

ﭷﭸ ﭹ ​

Kamar tafasar ruwan zãfi.

آية رقم 47

ﭺﭻﭼﭽﭾ ﭿ ​

(A cẽ wa malã'ikun wutã), "Ku kãmã shi, sa'an nan ku fizge shi zuwa ga tsakiyar Jahĩm."

آية رقم 48

ﮀﮁﮂﮃﮄﮅﮆ ﮇ ​

"Sa'an nan ku zuba, a kansa, daga azãbar ruwan zãfi."

آية رقم 49

ﮈﮉﮊﮋﮌ ﮍ ​

(A ce masã), "Ka ɗanɗana! Lalle kai, kai ne mabuwãyi mai girma!"

آية رقم 50

ﮎﮏﮐﮑﮒﮓ ﮔ ​

"Lalle wannan, shi ne abin da kuka kasance kunã shakka game da shi."

آية رقم 51

ﮕﮖﮗﮘﮙ ﮚ ​

Lalle mãsu taƙawa sunã cikin matsayi amintacce.

آية رقم 52

ﮛﮜﮝ ﮞ ​

A cikin gidãjen Aljanna da marẽmari.

آية رقم 53

ﮟﮠﮡﮢﮣ ﮤ ​

Sunã tufanta daga tufãfin alharĩni raƙĩƙi, da mai kauri, sunã mãsu zaman fuskantar jũna.

آية رقم 54

ﮥﮦﮧﮨ ﮩ ​

Kamar haka, kuma Mun aurar da su da mãtã mãsu kyaun idãnu, mãsu girmansu.

آية رقم 55

ﮪﮫﮬﮭﮮ ﮯ ​

Sunã kira, a cikinsu (gidẽjen) ga dukan 'ya'yan itãcen marmari, sunã amintattu (daga dukan abin tsõro).

آية رقم 56

ﮰﮱﯓﯔﯕﯖﯗﯘﯙﯚﯛ ﯜ ​

Bã su ɗanɗanar mutuwa, a cikinsu, fãce mutuwar farko, kuma (Allah), Ya tsare musu azãbar Jahĩm.

آية رقم 57

ﯝﯞﯟﯠﯡﯢﯣﯤ ﯥ ​

Sabõda falala daga Ubangijinka. Wancan shi ne babban rabo, mai girma.

آية رقم 58

ﯦﯧﯨﯩﯪ ﯫ ​

Dõmin haka kawai Muka sauƙaƙar da shi (Alƙur'ãni) da harshenka, tsammãninsu, su riƙa tunãwa.

آية رقم 59

ﯬﯭﯮ ﯯ ​

Sai ka yi jira. Lalle sũ, mãsu jira ne.