سورة الحجر

Azerbaijani - Azerbaijani translation

Azerbaijani - Azerbaijani translation kitabından الأذرية dilində الحجر surəsinin tərcüməsi

Azerbaijani - Azerbaijani translation

الذهاب لصفحة الكتاب
Verse 1
ﭑﭒﭓﭔﭕﭖﭗ ﭘ ​


Əlif, Lam, Mim, Ra! Bunlar (mükəmməl ilahi) Kitabın və açıq-aydın (mö’cüzə olan) Qur’anın ayələridir.
Verse 3
ﭡﭢﭣﭤﭥﭦﭧﭨ ﭩ ​

(Ya Rəsulum!) Qoy (kafirlər) hələ (istədikləri kimi) yeyib içsinlər ,(dünyadan) ləzzət alsınlar, arzuları-ümidləri başlarını qatsın. (Düçar olacaqları müsibəti) sonra biləcəklər!
Verse 4
ﭪﭫﭬﭭﭮﭯﭰﭱ ﭲ ​

Biz heç bir məmləkəti (heç bir ölkənin əhalisini) əcəli (lövhi-məhfuzda onun üçün müəyyən edilmiş vaxt) gəlib çatmamış məhv etmədik.
Verse 6
ﭻﭼﭽﭾﭿﮀﮁﮂ ﮃ ​

(Müşriklər Peyğəmbərə) belə dedilər: “Ey özünə Kitab nazil edilən kəs! Axı sən divanəsən!
Verse 7
ﮄﮅﮆﮇﮈﮉﮊﮋ ﮌ ​

Əgər sən doğru danışanlardansansa (Peyğəmbər olduğun barədəki iddian düzgündürsə), mələkləri bizə gətirsənə!”
Verse 8
ﮍﮎﮏﮐﮑﮒﮓﮔﮕ ﮖ ​

(Allah onların cavabında buyurdu: ) “Biz mələkləri yalnız haqq olaraq (peyğəmbərlərə vəhy gətirmək, kafirlərə əzab vermək üçün) endiririk. O zaman onlara (kafirlərə) heç bir möhlət verilməz!
Verse 9
ﮗﮘﮙﮚﮛﮜﮝ ﮞ ​

Şübhəsiz ki, Qur’anı Biz nazil etdik və sözsüz ki, Biz də onu (hər cür təhrif və təbdildən; artırıb-əskiltmədən) qoruyub saxlayacağıq!”
Verse 12
ﮰﮱﯓﯔﯕ ﯖ ​

(Əvvəlki ümmətlər barəsində etdiyimiz kimi) Biz onu (küfrü, istehzanı) günahkarların (sənin qövmündən olan müşriklərin) ürəklərinə belə yeridirik!
Verse 13
ﯗﯘﯙﯚﯛﯜﯝ ﯞ ​

Özlərindən əvvəlkilərin başlarına gələnlər (müsibətlər) göz qabağında olduğu (olub keçdiyi) halda, onlar (yenə də) ona (Qur’ana) inanmazlar.
Verse 14
ﯟﯠﯡﯢﯣﯤﯥﯦﯧ ﯨ ​

Əgər onlara göydən bir qapı açsaq (nərdivan endirsək) və onunla durmadan yuxarı dırmaşsalar (göydə Allahın qüdrətini və əzamətini görsələr) yenə də (inanmayıb):
Verse 15
ﯩﯪﯫﯬﯭﯮﯯﯰ ﯱ ​

“Gözümüz bağlanmış (xumarlanmış), biz sehrlənmişik (Muhəmməd bizi ovsunlayıb gözümüzü bağlamışdır)”, - deyərlər.
Verse 17
ﭙﭚﭛﭜﭝ ﭞ ​

Onları hər bir məl’un (Allahın dərgahından qovulmuş, rəhmətindən kənar edilmiş, daşqalaq olunmuş) Şeytandan qoruduq.
Verse 18
ﭟﭠﭡﭢﭣﭤﭥ ﭦ ​

Lakin (şeytanlardan) kim (mələklərin söhbətinə) xəlvəti qulaq assa, onu odlu bir axan ulduz (məş’əl) tə’qib edər (və üstünə düşüb yandırar).
Verse 19
ﭧﭨﭩﭪﭫﭬﭭﭮﭯﭰﭱ ﭲ ​

Biz yer üzünü döşədik (orada hər şeyi yerbəyer etdik), orada möhkəm dayanan dağlar yerləşdirdik, hər şeydən (bütün meyvələrdən) müəyyən ölçüdə (lazım olan qədər) yetişdirdik.
Verse 20
ﭳﭴﭵﭶﭷﭸﭹﭺ ﭻ ​

Sizdən və sizin ruzi vermədiklərinizdən (qul, kəniz, ev heyvanları və sairədən) ötrü yaşayış üçün lazım olan hər şey yaratdıq. (Ruzini siz yox, Biz veririk. Onun, sadəcə olaraq ixtiyarı sizdədir).
Verse 21
ﭼﭽﭾﭿﮀﮁﮂﮃﮄﮅﮆ ﮇ ​

(Yerdə və göydə) elə bir şey yoxdur ki, onun xəzinələri Bizdə olmasın. Lakin Biz ondan ancaq müəyyən (lazım olduğu) qədər endiririk. (Onun nə qədər lazım olması isə yalnız Bizə mə’lumdur).
Verse 22
ﮈﮉﮊﮋﮌﮍﮎﮏﮐﮑﮒﮓ ﮔ ​

Biz (buludla) yüklənmiş (bitkilərə, ağaclara həyat verən, onları tozlandıran) külək göndərdik, göydən yağmur endirib sizə su verdik (içirtdik). Yoxsa onu yığıb saxlayan (bir yerə toplayan) siz deyilsiniz! (Allah yağış suyunu saxlayıb istədiyi vaxt, istədiyi yerə yağdırar).
Verse 23
ﮕﮖﮗﮘﮙﮚ ﮛ ​

Həqiqətən, dirildən də, öldürən də Bizik, (hər şeyə) varis olan da Biz (Sizi məhv etdikdən sonra yer üzünə sahib olub onu istədiyimizə verən də, hər şey fənaya uğradıqdan sonra əbədi qalan da Bizik!)
Verse 24
ﮜﮝﮞﮟﮠﮡﮢ ﮣ ​

Sizdən əvvəl kimlər gəlib-gedibsə, onları da bilirik, sizdən sonra kimlər gələcəksə, onları da! (Və ya sizdən əvvəl də, sonra da iman gətirənləri bilirik!)
Verse 25
ﮤﮥﮦﮧﮨﮩﮪﮫ ﮬ ​

Həqiqətən, Rəbbin (qiyamət günü haqq-hesab çəkmək üçün) onları bir yerə yığacaq. O, hikmət sahibidir, (hər şeyi) biləndir!
Verse 26
ﮭﮮﮯﮰﮱﯓﯔﯕ ﯖ ​

Biz insanı quru (toxunduqda saxsı kimi səs çıxaran) və qoxumuş (və ya torpaqdan tədriclə dəyişib başqa şəklə düşmüş) qara palçıqdan yaratdıq!
Verse 27
ﯗﯘﯙﯚﯛﯜﯝ ﯞ ​

(Cinlərin babası) can tayfası (və ya İblisi) daha öncə (insandan əvvəl) tüstüsüz oddan xəlq etmişdik.
Verse 28
ﯟﯠﯡﯢﯣﯤﯥﯦﯧﯨﯩﯪ ﯫ ​

(Ya Rəsulum!) Xatırla ki, bir zaman Rəbbin mələklərə belə demişdi: “Mən quru və qoxumuş (dəyişib başqa şəklə düşmüş) qara palçıqdan insan yaradacağam!
Verse 30
ﯶﯷﯸﯹ ﯺ ​

Bundan sonra mələklərin hamısı ona (tə’zim məqsədilə) səcdə etdilər.
Verse 33
ﭚﭛﭜﭝﭞﭟﭠﭡﭢﭣﭤ ﭥ ​

(Şeytan) dedi: “Sənin quru və qoxumuş qara palçıqdan yaratdığın insana səcdə etmək mənə yaraşmaz!” (Adəmə səcdə etmək mənim üçün düz olmaz, çünki mən oddan yaranmışam. Od isə torpağı yandırdığına görə ondan üstündür!)
Verse 34
ﭦﭧﭨﭩﭪ ﭫ ​

(Allah) buyurdu: “Oradan (Cənnətdən və ya səmalardan) çıx. Sən məl’unsan! (Dərgahımdan qovulmuş və rəhmətimdən kənar edilmişsən!)
Verse 36
ﭳﭴﭵﭶﭷﭸ ﭹ ​

(İblis) dedi: “Ey Rəbbim! İnsanların (qəbirlərindən qalxıb) diriləcəkləri günə (qiyamətə) qədər mənə möhlət ver!”
Verse 38
ﭿﮀﮁﮂ ﮃ ​

Ancaq mə’lum vaxtın gününə (İsrafil surunu birinci dəfə çalana və bütün məxluqat məhv olana) qədər!
Verse 39
ﮄﮅﮆﮇﮈﮉﮊﮋﮌﮍ ﮎ ​

(İblis) dedi: “Ey Rəbbim! Məni azdırmağına (rəhmətindən kənar etməyinə) əvəz olaraq and içirəm ki, mən də (bunun müqabilində) onlara (pis əməllərini, günahlarını) yer üzündə yaxşı göstərib onların hamısını yoldan çıxaracağam!
Verse 41
ﮔﮕﮖﮗﮘ ﮙ ​

(Allah) buyurdu: “Mənə görə, bu, düz yoldur! (Və ya: Bu, sonu Mənə gəlib çatacaq doğru yoldur!)
Verse 42
ﮚﮛﮜﮝﮞﮟﮠﮡﮢﮣﮤ ﮥ ​

Sənə uyan azğınlar istisna olmaqla, bəndələrim üzərində (onları yoldan çıxarıb günaha vadar etməyə) sənin heç bir hökmün olmaz!
Verse 43
ﮦﮧﮨﮩ ﮪ ​

Şübhəsiz ki, Cəhənnəm onların hamısına və’d olunmuş (onları gözləyən) yerdir!
Verse 45
ﯕﯖﯗﯘﯙ ﯚ ​

Allahdan qorxub pis əməllərdən çəkinənlər isə cənnətlərdə və bulaqlar başında olacaqlar.
Verse 46
ﯛﯜﯝ ﯞ ​

Ora sağ-salamat (sağlıqla) və (hər şeydən) əmin olaraq daxil olun!”
Verse 47
ﯟﯠﯡﯢﯣﯤﯥﯦﯧﯨ ﯩ ​

Biz onların ürəklərindəki kin-küdurəti çıxarıb atdıq. Onlar qardaş olub taxt üstündə qarşı-qarşıya əyləşərlər.
Verse 48
ﯪﯫﯬﯭﯮﯯﯰﯱ ﯲ ​

Onlara orada (Cənnətdə) heç bir yorğunluq (zəhmət) üz verməz. Onlar oradan çıxan da deyillər. (Cənnətdə əbədi qalacaqlar).
Verse 49
ﯳﯴﯵﯶﯷﯸﯹ ﯺ ​

(Ya Rəsulum!) Qullarıma xəbər ver ki, (tövbə edəcəkləri təqdirdə) Mən, həqiqətən, bağışlayanam, rəhm edənəm!
Verse 51
ﰁﰂﰃﰄ ﰅ ​

Həm də onlara İbrahimin qonaqlarından (yanına qonaq gələn mələklərdən) xəbər ver!
Verse 52
ﭑﭒﭓﭔﭕﭖﭗﭘﭙ ﭚ ​

O zaman ki, onlar onun hüzuruna daxil olub: “Salam!” – dedilər. (İbrahim də qonaqların yeməyə əl uzatmadıqlarını görüb: ) “Biz, həqiqətən, sizdən qorxuruq!” – dedi.
Verse 53
ﭛﭜﭝﭞﭟﭠﭡ ﭢ ​

Onlar: “Qorxma, biz səni çox bilikli bir oğulla (oğlun olacağı ilə) müjdələyirik!” – deyə cavab verdilər.
Verse 54
ﭣﭤﭥﭦﭧﭨﭩﭪ ﭫ ​

(İbrahim: ) “Qocalıq məni basdığı vaxtdamı mənə müjdə verirsiniz? Məni nə ilə muştuluqlayırsınız?” – deyə soruşdu.
Verse 55
ﭬﭭﭮﭯﭰﭱﭲ ﭳ ​

(Mələklər: ) “Biz sənə doğru xəbərlə müjdə veririk. (Allah dərgahından) ümidini üzənlərdən olma!” – dedilər
Verse 56
ﭴﭵﭶﭷﭸﭹﭺﭻ ﭼ ​

(İbrahim) dedi: “(Haqq yoldan) azanlardan başqa, Rəbbinin mərhəmətindən kim ümidini üzə bilər?!”
Verse 57
ﭽﭾﭿﮀﮁ ﮂ ​

“Ey elçilər! (Ey Allahın mələkləri! Bir deyin görək) işiniz nədir?” – dedi.
Verse 58
ﮃﮄﮅﮆﮇﮈ ﮉ ​

(Mələklər) belə cavab verdilər: “Biz günahkar bir tayfaya (əzab vermək, onları məhv etmək üçün) göndərilmişik.
Verse 59
ﮊﮋﮌﮍﮎﮏ ﮐ ​

Yalnız Lutun ailəsindən başqa! Biz, sözsüz ki, onların hamısı xilas edəcəyik!
Verse 60
ﮑﮒﮓﮔﮕﮖ ﮗ ​

Ancaq (Lutun) zövcəsi istisna olmaqla! (Allahın əmri ilə) qət etdik ki, o, (küfr etdiyinə görə) əzaba uğrayanlardan (əzab içində qalanlardan) olacaqdır!”
Verse 62
ﮞﮟﮠﮡ ﮢ ​

(Lut) dedi: “Siz yad adamlarsınız (mən sizi tanımıram)!”
Verse 63
ﮣﮤﮥﮦﮧﮨﮩ ﮪ ​

(Mələklər) belə cavab verdilər: “Xeyr, biz sənə onların (ümmətindən olan kafirlərin) şübhə etdikləri şeyi (əzabı) gətirmişik!
Verse 64
ﮫﮬﮭﮮ ﮯ ​

Biz sənə (Allahdan) doğru xəbər gətirmişik. Biz, həqiqətən, doğru danışanlarıq!
Verse 65
ﮰﮱﯓﯔﯕﯖﯗﯘﯙﯚﯛﯜﯝﯞ ﯟ ​

Gecənin bir vaxtı (sonuna yaxın) ailəni yola çıxart, sən özün də onların arxasınca get. Sizdən heç kəs dönüb geri baxmasın (çünki kafirlərə veriləcək dəhşətli əzabı gördükdə halınız pis olar). Sizə əmr olunan yerə gedin!”
Verse 67
ﯪﯫﯬﯭ ﯮ ​

(Lutun gözəl qonaqları gəldiyini bilən) şəhər əhli (sevinərək) bir-birini muştuluqlayıb (onun yanına) gəldi.
Verse 68
ﯯﯰﯱﯲﯳﯴ ﯵ ​

(Lut) dedi: “Bunlar mənim qonaqlarımdır. (Onlara hörmət etmək mənim borcumdur). Məni (biabırçı hərəkətlərinizlə onların yanında) rüsvay etməyin!
Verse 70
ﯻﯼﯽﯾﯿ ﰀ ​

Onlar: “Məgər biz sənə (şəhərimizə gələn) adamları (himayə etməyə etməyi, onları qonaq saxlamağı) qadağan etmədikmi?” – deyə soruşdular.
Verse 71
ﭑﭒﭓﭔﭕﭖ ﭗ ​

(Lut) dedi: “Bunlar mənim qızlarımdır. Əgər (istədiyinizi) edəcəksinizsə (buyurun, onlarla evlənin)!”
Verse 72
ﭘﭙﭚﭛﭜ ﭝ ​

(Ya Rəsulum!) Canına and olsun ki, onlar məstlikləri (küfrləri) içində sərgərdan (şaşqın) vəziyyətdə durub qaldılar. (Lutun nəsihətini qəbul etmədilər).
Verse 73
ﭞﭟﭠ ﭡ ​

Şəfəq doğanda o dəhşətli (tükürpədici) səs onları bürüdü.
Verse 75
ﭫﭬﭭﭮﭯ ﭰ ​

Bunda (bu əzabda) düşünüb-daşınanlar üçün, sözsüz ki, neçə-neçə ibrətlər vardır!
Verse 76
ﭱﭲﭳ ﭴ ​

Həqiqətən, o (Lut tayfasının yaşadığı Sədum şəhərinin xarabaları Qüreyş kafirlərinin Məkkədən Şama getdikləri) yolun üstündə hələ də durmaqdadır!
Verse 78
ﭻﭼﭽﭾﭿ ﮀ ​

Şübhəsiz ki, Əykə əhli də (sıx meşəlikdə yaşayan Şüeyb tayfası da) zalım idi. (Onlar Allaha asi olmaqla özlərinə zülm etdilər).
Verse 79
ﮁﮂﮃﮄﮅ ﮆ ​

(Göydən od göndərib) onlardan da intiqam aldıq. Hər iki şəhər (Sədum və Əykənin qalıqları) açıq-aşkar göz qabağındadır, (Məkkə müşrikləri onlara baxıb niyə ibrət almırlar).
Verse 80
ﮇﮈﮉﮊﮋ ﮌ ​

Həqiqətən , (Saleh tayfası olan) Hicr əhalisi də peyğəmbərləri yalançı adlandırmışdılar.
Verse 81
ﮍﮎﮏﮐﮑ ﮒ ​

Biz onlara (Hicr əhalisinə) mö’cüzələrimizi göndərdik, lakin onlardan üz çevirdilər (bu mö’cüzələrə baxıb ibrət almadılar, Allahın qüdrəti, əzəməti haqqında düşünmədilər).
Verse 82
ﮓﮔﮕﮖﮗﮘ ﮙ ​

Onlar (Allahın əzabından) salamat qurtarmaq üçün dağları yonub (özlərinə) evlər qurudular.
Verse 83
ﮚﮛﮜ ﮝ ​

Səhər çağı dəhşətli (tükürpədici) səs onları bürüdü.
Verse 84
ﮞﮟﮠﮡﮢﮣ ﮤ ​

Gördükləri tədbirlər (möhkəm evlər, qalalar tikmək; var-dövlət yığmaq) onlara heç bir fayda vermədi (Allahın əzabını onlardan dəf edə bilmədi).
Verse 85
ﮥﮦﮧﮨﮩﮪﮫﮬﮭﮮﮯﮰﮱﯓﯔﯕ ﯖ ​

Biz göyləri, yeri və onlar arasında olan hər şeyi yalnız haqq-ədalətlə (hər şeyi yerli-yerində, bir-birinə uyğun şəkildə) yaratdıq. O saat (qiyamət saatı) mütləq gələcəkdir. Sən (müşriklərdən) yaxşıca üz döndər (və ya onları alicənablıqla bağışla. Allah onsuz da onların cəzasını verəcəkdir!).
Verse 87
ﯝﯞﯟﯠﯡﯢﯣ ﯤ ​

(Ya Rəsulum!) Biz sənə (hər namazda oxunub) təkrarlanan yeddi ayəni (Fatihə surəsini) və (böyük) əzamətli Qur’anı verdik.
Verse 88
ﯥﯦﯧﯨﯩﯪﯫﯬﯭﯮﯯﯰﯱﯲﯳ ﯴ ​

(Kafirlərin) bə’zi zümrələrinə verdiyimizə (fani dünya malına) rəğbət gözü ilə baxma (və ya gözünü dikmə, çünki bunların arxasınca küfr edənləri dəhşətli bir əzab gözləyir), onlardan (onlar iman gətirmədiklərindən) ötrü kədərlənmə (yaxud onlara verdiyimiz sərvətə görə qəmgin olma, axirətdə səni daha böyük ne’mətlər gözləyir), mö’minləri qanadın altına al (iman gətirənlərə qarşı təvazökar olub yumşaq davran və onları himayə et!)
Verse 89
ﯵﯶﯷﯸﯹ ﯺ ​

Və de: “Mən, həqiqətən, (sizi Allahın əzabı ilə) açıq-aşkar qorxudanam!”
Verse 90
ﯻﯼﯽﯾ ﯿ ​

Eynilə (Qur’anı) bölənlərə endirdiyimiz (əzab) kimi!
Verse 91
ﭑﭒﭓﭔ ﭕ ​

O kəslər ki, Qur’anı (müxtəlif) hissələrə böldülər! (Yəhudilər və xaçpərəstlər, yaxud müşriklər Qur’anın bir qisminə inanıb, digər qismini inkar edirdilər. Onların bə’zisi Qur’anı şe’r, bə’zisi sehr, bə’zisi isə kahinlik əsəri adlandırırdı).
Verse 92
ﭖﭗﭘ ﭙ ​

(Ya Rəsulum!) Rəbbinə and olsun ki, Biz onların hamısını (bütün məxluqatı) sorğu-suala çəkəcəyik -
Verse 93
ﭚﭛﭜ ﭝ ​

(Dünyada) etdikləri əməllər barəsində. (Onlardan haqq-hesab tələb edəcək və cəzalarını da verəcəyik!)
Verse 94
ﭞﭟﭠﭡﭢﭣ ﭤ ​

(Ya Rəsulum!) Sənə əmr olunanı (Qur’anı) açıq-aşkar təbliğ et və müşriklərdən üz döndər!
Verse 95
ﭥﭦﭧ ﭨ ​

Şübhəsiz ki, istehza edənlərə qarşı Biz sənə kifayət edərik.
Verse 96
ﭩﭪﭫﭬﭭﭮﭯﭰﭱ ﭲ ​

O kəslər ki, Allaha başqa tanrı şərik qoşdular! Onlar (başlarına gələcək müsibəti, düçar olacaqları əzabı, bütün bəd əməllərinin aqibətini) mütləq biləcəklər!
Verse 97
ﭳﭴﭵﭶﭷﭸﭹ ﭺ ​

(Ya Rəsulum!) Doğrusu, Biz onların (istehzalı) sözlərindən sənin ürəyinin qısıldığını bilirik!
Verse 98
ﭻﭼﭽﭾﭿﮀ ﮁ ​

Sən isə Rəbbini tə’rifləyib şükür et (sübhanallah və bihəmdihi de), səcdə edənlərlə (namaz qılanlarla) birlikdə ol!
تقدم القراءة