Verse 1

ﭑ ﭒ ​

Ta, Sin, Mim!

Verse 2

ﭓﭔﭕﭖ ﭗ ​

Bunlar (haqqı batildən ayıran, mö’cüzələri, hökmləri) açıq-aydın Kitabın ayələridir.

Verse 3

ﭘﭙﭚﭛﭜﭝ ﭞ ​

(Ya Rəsulum! Məkkə müşrikləri) iman gətirməyəcəklər deyə, bəlkə, özünü həlak edəsən?! (Özünü həlakmı edəcəksən?)

Verse 4

ﭟﭠﭡﭢﭣﭤﭥﭦﭧﭨﭩ ﭪ ​

Əgər istəsək, göydən onlara bir ayə (dəlil) göndərərik, onlar da ona (səssiz-səmirsiz) boyun əyib durarlar.

Verse 5

ﭫﭬﭭﭮﭯﭰﭱﭲﭳﭴﭵ ﭶ ​

Onlara Rəhmandan (rəhmli olan Allahdan) elə bir öyüd-nəsihət (xəbərdarlıq) gəlməz ki, ondan üz döndərməsinlər.

Verse 6

ﭷﭸﭹﭺﭻﭼﭽﭾ ﭿ ​

Onlar (Qur’anı) yalan hesab etdilər. Onların istehza etdiklərinin (Qur’anın müşriklərə veriləcək əzab barəsindəki) xəbərləri gəlib onlara çatacaqdır. (Qiyamət günü, yaxud Bədr döyüşündə büsbütün mə’yus olacaqlar).

Verse 7

ﮀﮁﮂﮃﮄﮅﮆﮇﮈﮉﮊ ﮋ ​

Məgər onlar yer üzünə baxıb orada növbənöv gözəl (bitkilər və meyvələr) yetişdirdiyimizi görmürlərmi?

Verse 8

ﮌﮍﮎﮏﮐﮑﮒﮓﮔ ﮕ ​

Şübhəsiz ki, bunda (Qur’anı və Peyğəmbəri təkzib edənlər üçün Allahın vəhdaniyyətinə, qüdrətinə dəlalət edən) bir əlamət vardır. Lakin onların əksəriyyəti iman gətirməzlər.

Verse 9

ﮖﮗﮘﮙﮚ ﮛ ​

Həqiqətən, Rəbbin yenilməz qüvvət, mərhəmət sahibidir! (Kafirlərdən intiqam alar, tövbə edən bəndələrini bağışlayar!)

Verse 10

ﮜﮝﮞﮟﮠﮡﮢﮣ ﮤ ​

(Ya Rəsulum!) Yadına gətir ki, bir zaman Rəbbin Musaya belə buyurmuşdu: “Get o zalım tayfanın yanına –

Verse 11

ﮥﮦﮧﮨﮩ ﮪ ​

Fir’on tayfasının yanına (və onlara de ki, Məni qoyub başqalarına ibadət etməkdən, İsrail övladlarına əziyyət verməkdən) məgər qorxmurlar?”

Verse 12

ﮫﮬﮭﮮﮯﮰ ﮱ ​

(Musa) dedi: “Ey Rəbbim! Onların məni yalançı sayacaqlarından qorxuram!

Verse 13

ﯓﯔﯕﯖﯗﯘﯙﯚ ﯛ ​

Ürəyim sıxılır, dilim də açılmır. Buna görə Haruna da (peyğəmbərlik) ver! (Cəbraili ona göndərib nübüvvət bəxş et!)

Verse 14

ﯜﯝﯞﯟﯠﯡ ﯢ ​

(Bir qibtini öldürdüyümə görə) onların qarşısında boynumda bir günah da var. Bunun üçün məni öldürəcəklərindən qorxuram”.

Verse 15

ﯣﯤﯥﯦﯧﯨﯩﯪﯫ ﯬ ​

(Allah) buyurdu: “Xeyr! (Fir’on səni əsla öldürə bilməz!) Hər ikiniz mö’cüzələrinizlə (Fir’onun yanına) gedin. Şübhəsiz ki, Biz də sizinlə birlikdə (Fir’on tayfasının nə dediyini) eşidəcəyik!

Verse 16

ﯭﯮﯯﯰﯱﯲﯳ ﯴ ​

Fir’onun yanına gedib belə deyin: “Biz aləmlərin Rəbbinin peyğəmbərləriyik!

Verse 17

ﯵﯶﯷﯸﯹ ﯺ ​

İsrail oğullarını bizimlə birlikdə (Şama) göndər!” (onlara əzab-əziyyət vermə!)

Verse 18

ﯻﯼﯽﯾﯿﰀﰁﰂﰃﰄ ﰅ ​

(Musa Harunla Fir’onun yanına gedib bu sözləri deyəndən sonra Fir’on onu tanıyıb) dedi: “Biz səni körpə uşaqkən yanımıza alıb böyütmədikmi? Sən illərcə yanımızda qalmadınmı?

Verse 19

ﰆﰇﰈﰉﰊﰋﰌ ﰍ ​

Axırda elədiyini də elədin (bir qibtini vurub öldürdün). Sən nankorun birisən!”

Verse 20

ﭑﭒﭓﭔﭕﭖ ﭗ ​

(Musa) dedi: “Mən onu edərkən cahillərdən idim. (Mənə hələ peyğəmbərlik bəxş edilməmiş, Tövrat nazil olmamışdı).

Verse 21

ﭘﭙﭚﭛﭜﭝﭞﭟﭠﭡﭢ ﭣ ​

Buna görə də sizdən qorxub qaçdım. Sonra Rəbbim mənə hikmət (peyğəmbərlik) ehsan buyurdu və məni şəriət sahibi olan peyğəmbərlərdən etdi.

Verse 22

ﭤﭥﭦﭧﭨﭩﭪﭫ ﭬ ​

Boynuma minnət qoyduğun bu ne’mət də (məni sərbəst buraxıb) İsrail oğullarını (özünə) qul etdiyinə görədir. (İsrail övladını kölə etdiyin halda, məni öz yanına alıb böyütdüyünü başımamı qaxırsan?)”

Verse 23

ﭭﭮﭯﭰﭱ ﭲ ​

Fir’on dedi: “Aləmlərin Rəbbi nədir? (Nə cür şeydir?)”

Verse 24

ﭳﭴﭵﭶﭷﭸﭹﭺﭻﭼ ﭽ ​

(Musa: ) “Əgər yəqin inanacaqsınızsa, (bilin ki) O, göylərin, yerin və onlar arasında olanların (bütün məxluqatın) Rəbbidir!” – deyə cavab verdi.

Verse 25

ﭾﭿﮀﮁﮂ ﮃ ​

(Fir’on) ətrafındakılara: “Eşitdinizmi?” – dedi. (Musanın cavabı mənim sualıma uyğun gəlmir. Mən ondan aləmlərin Rəbbinin mahiyyəti, keyfiyyəti və cinsi barəsində soruşuram, o isə mənə Onun sifətləri, əməlləri haqqında cavab verir).

Verse 26

ﮄﮅﮆﮇﮈ ﮉ ​

(Musa) dedi: “O sizin də, ulu babalarınızın (keçmiş atalarınızın) da Rəbbidir!”

Verse 27

ﮊﮋﮌﮍﮎﮏﮐ ﮑ ​

(Fir’on ətrafındakılara: ) “Sizə göndərilmiş peyğəmbər, şübhəsiz ki, divanədir!” – dedi.

Verse 28

ﮒﮓﮔﮕﮖﮗﮘﮙﮚﮛ ﮜ ​

(Musa) dedi: “Əgər (ağıllı-başlı) düşünə bilirsinizsə, (anlayın ki) O, şərqin, qərbin və onların ikisinin arasında olanların Rəbbidir!”

Verse 29

ﮝﮞﮟﮠﮡﮢﮣﮤ ﮥ ​

(Fir’on: ) “Əgər məndən başqa tanrı qəbul etsən, səni mütləq dustaq edəcəyəm!” – dedi.

Verse 30

ﮦﮧﮨﮩﮪ ﮫ ​

(Musa) dedi: “Əgər sənə (dediklərimin doğru olduğunu sübut edəcək) açıq-aşkar bir şey (dəlil) gətirsəm necə?”

Verse 31

ﮬﮭﮮﮯﮰﮱﯓ ﯔ ​

(Fir’on) “Əgər doğru deyirsənsə, di onu gətir!” – dedi.

Verse 32

ﯕﯖﯗﯘﯙﯚ ﯛ ​

(Musa) əsasını (yerə) atan kimi, o dərhal açıq-aşkar bir əjdaha oldu.

Verse 33

ﯜﯝﯞﯟﯠﯡ ﯢ ​

Sonra əlini (qoltuğunun altından, yaxud qoynundan) çıxarar-çıxartmaz o, baxanlara ağappaq göründü (parlar bir nur kəsildi).

Verse 34

ﯣﯤﯥﯦﯧﯨﯩ ﯪ ​

(Fir’on) ətrafındakılara dedi: “Şübhəsiz ki, bu, çox bilikli bir sehrbazdır!

Verse 35

ﯫﯬﯭﯮﯯﯰﯱﯲ ﯳ ​

O öz sehri ilə sizi (qorxudub) yurdunuzdan çıxartmaq istəyir. Nə buyurursunuz? (Nə edək?)”

Verse 36

ﯴﯵﯶﯷﯸﯹﯺ ﯻ ​

Onlar dedilər: “Onu və qardaşını bir qədər gizlət və şəhərlərə də adamlar (yığanlar) göndər ki,

Verse 37

ﯼﯽﯾﯿ ﰀ ​

Bütün bilikli (bacarıqlı) sehrbazları (toplayıb) sənin yanına gətirsinlər!”

Verse 38

ﰁﰂﰃﰄﰅ ﰆ ​

Nəhayət, sehrbazlar mə’lum bir günün müəyyən vaxtında (bayram günü günorta çağı) yığıldılar.

Verse 39

ﰇﰈﰉﰊﰋ ﰌ ​

(Fir’onun xidmətçiləri tərəfindən camaata) deyildi: “Siz də yığılırsınızmı?

Verse 40

ﭑﭒﭓﭔﭕﭖﭗ ﭘ ​

Əgər sehrbazlar (Musaya) üstün gəlsələr, güman ki, biz də onlara tabe olarıq!”

Verse 41

ﭙﭚﭛﭜﭝﭞﭟﭠﭡﭢﭣﭤ ﭥ ​

Sehrbazlar gələn kimi Fir’ona dedilər: “Əgər biz (Musaya) qalib gəlsək, yəqin ki, bizə bir muzd (mükafat) veriləcək, elə deyilmi?”

Verse 42

ﭦﭧﭨﭩﭪﭫ ﭬ ​

(Fir’on) dedi: “Bəli! Və üstəlik siz (mənə) yaxın adamlar olacaqsınız!”

Verse 43

ﭭﭮﭯﭰﭱﭲﭳ ﭴ ​

Musa onlara dedi: “(Sehr alətlərinizdən yerə) nə atacaqsınız, atın!”

Verse 44

ﭵﭶﭷﭸﭹﭺﭻﭼﭽ ﭾ ​

Onlar iplərini və əsalarını yerə atıb: “Fir’onun şan-şövkətinə (qüdrətinə) and olsun ki, biz üstün gələcəyik!” – dedilər.

Verse 45

ﭿﮀﮁﮂﮃﮄﮅﮆ ﮇ ​

Bundan sonra Musa da əsasını (yerə) atdı. (Əsa) dərhal (bir əjdaha olub) onların hoqqabazlıqla düzəltdiyi şeyləri uddu.

Verse 46

ﮈﮉﮊ ﮋ ​

Sehrbazlar (bunu görən kimi) səcdəyə qapandılar.

Verse 47

ﮌﮍﮎﮏ ﮐ ​

Və dedilər: “Biz iman gətirdik aləmlərin Rəbbinə!

Verse 48

ﮑﮒﮓ ﮔ ​

Musanın və Harunun Rəbbinə!”

Verse 49

ﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨﮩﮪﮫ ﮬ ​

(Fir’on) dedi: “Mən sizə izin verməmişdən əvvəl siz ona iman gətirdiniz, çünki o, həqiqətdə sizə sehr öyrətmiş olan böyüyünüzdür. (Heç eybi yoxdur. Əzabımın nə olduğunu) sözsüz ki, biləcəksiniz. Mütləq əl-ayağınızı çarpaz kəsdirib hamınızı çarmıxa çəkdirəcəyəm!”

Verse 50

ﮭﮮﮯﮰﮱﯓﯔﯕ ﯖ ​

(İman gətirmiş sehrbazlar) dedilər: “Zərəri yoxdur, biz öz Rəbbimizə tərəf (Allahın hüzuruna) dönəcəyik!

Verse 51

ﯗﯘﯙﯚﯛﯜﯝﯞﯟﯠﯡ ﯢ ​

Biz (sənə tabe olan, yaxud zəmanə əhli içində Musaya və onun təbliğ etdiyi dinə) ilk iman gətirənlər olduğumuza görə Rəbbimizin xətalarımızı bağışlayacağına ümid edirik!”

Verse 52

ﯣﯤﯥﯦﯧﯨﯩﯪﯫ ﯬ ​

(Sonra) Musaya belə vəhy etdik: “Qullarımla birlikdə (Misiri tərk edib) gecə yola çıx. Siz, şübhəsiz ki, (Fir’onun ordusu tərəfindən) tə’qib ediləcəksiniz!”

Verse 53

ﯭﯮﯯﯰﯱ ﯲ ​

Fir’on şəhərlərə (əsgər) yığanlar göndərdi.

Verse 54

ﯳﯴﯵﯶ ﯷ ​

(O, belə deyirdi: ) “Şübhəsiz ki, bunlar (İsrail övladı) kiçik bir tayfadır!

Verse 55

ﯸﯹﯺ ﯻ ​

Onlar (bəzək şeylərimizi götürməklə, Misiri atıb getməklə) bizi qəzəbləndirmişlər. (Və ya: İsrail oğullarına çox əziyyət verdiyimizə görə onlar bizə qarşı qəzəblidirlər).

Verse 56

ﯼﯽﯾ ﯿ ​

Biz isə qüvvətli (yaxşı silahlanmış, yaxud ayıq-sayıq, işimizi bilən) bir camaatıq!”

Verse 57

ﰀﰁﰂﰃ ﰄ ​

Nəhayət, Biz onları (Fir’onu və tayfasını) bağlardan və bulaqlardan çıxartdıq.

Verse 58

ﰅﰆﰇ ﰈ ​

Xəzinələrdən və (Nil ətrafındakı) gözəl (bərəkət dolu) yerdən kənar etdik.

Verse 59

ﰉﰊﰋﰌﰍ ﰎ ​

(O yerlərdən onları) beləcə çıxartdıq və İsrail oğullarını oralara varis etdik.

Verse 60

ﰏﰐ ﰑ ​

(Fir’on və əsgərləri) günəş doğduqda onların (İsrail oğullarının) arxasınca düşdülər.

Verse 61

ﭑﭒﭓﭔﭕﭖﭗﭘ ﭙ ​

İki dəstə (tayfa) bir-biri ilə qarşılaşdığı zaman Musanın camaatı dedi: “(İşimiz bitdi!) Artıq yaxalandıq!”

Verse 62

ﭚﭛﭜﭝﭞﭟﭠ ﭡ ​

(Musa) dedi: “Xeyr, Rəbbim mənimlədir. O, mütləq mənə yol göstərəcəkdir!”

Verse 63

ﭢﭣﭤﭥﭦﭧﭨﭩﭪﭫﭬﭭﭮﭯ ﭰ ​

Onda Musaya belə vəhy etdik: “Əsanla dənizə vur!” (Musa əsasını dənizə vuran kimi) o dərhal yarıldı (İsrail oğullarının soyuna müvafiq olaraq on iki hisəyə bölündü) və hər hissə böyük (uca) bir dağ kimi oldu.

Verse 64

ﭱﭲﭳ ﭴ ​

O biriləri (Fir’on əhlini) də ora yaxınlaşdırdıq (dəniz sahilinə topladıq).

Verse 65

ﭵﭶﭷﭸﭹ ﭺ ​

Musa və onunla birlikdə olanların hamısını xilas etdik.

Verse 66

ﭻﭼﭽ ﭾ ​

O biriləri (Fir’on tayfasını) isə suya qərq etdik.

Verse 67

ﭿﮀﮁﮂﮃﮄﮅﮆﮇ ﮈ ​

Şübhəsiz ki, bunda (Musanın bu hekayətində) bir ibrət vardır. Lakin onların (Fir’on tayfasının, qədim Misir əhalisinin, yaxud Məkkə müşriklərinin) əksəriyyəti iman gətirmədi.

Verse 68

ﮉﮊﮋﮌﮍ ﮎ ​

(Ya Rəsulum!) Həqiqətən, sənin Rəbbin yenilməz qüvvət, mərhəmət sahibidir! (Kafirlərdən intiqam alar, töbvə edən bəndələrini bağışlayar!)

Verse 69

ﮏﮐﮑﮒ ﮓ ​

(Ya Rəsulum!) Onlara İbrahimin hekayətini söylə!

Verse 70

ﮔﮕﮖﮗﮘﮙ ﮚ ​

O zaman ki, o öz atasına və tayfasına demişdi: “Nəyə ibadət edirsiniz?”

Verse 71

ﮛﮜﮝﮞﮟﮠ ﮡ ​

Onlar: “Bütlərə ibadət edir və onlara tapınmaqda davam edirik!” – deyə cavab vermişdilər.

Verse 72

ﮢﮣﮤﮥﮦ ﮧ ​

(İbrahim) demişdi: “Onları çağırdığınız (dua etdiyiniz) zaman sizi eşidirlərmi?

Verse 73

ﮨﮩﮪﮫ ﮬ ​

Yaxud sizə bir xeyir və ya zərər verə bilirlərmi?”

Verse 74

ﮭﮮﮯﮰﮱﯓ ﯔ ​

Onlar: “Xeyr, ancaq biz öz atalarımızın belə (ibadət) etdiklərini gördük!” – deyə cavab vermişdilər.

Verse 75

ﯕﯖﯗﯘﯙ ﯚ ​

(İbrahim) demişdi: “İndi nəyə ibadət etdiyinizi görürsünüzmü?-

Verse 76

ﯛﯜﯝ ﯞ ​

Sizin və ulu babalarınızın?

Verse 77

ﯟﯠﯡﯢﯣﯤ ﯥ ​

Aləmlərin Rəbbi istisna olmaqla, onlar (sizin bütləriniz) mənim düşmənimdir.

Verse 78

ﯦﯧﯨﯩ ﯪ ​

Məni yaradan və məni doğru yola yönəldən Odur!

Verse 79

ﯫﯬﯭﯮ ﯯ ​

Məni yedirdən də, içirdən də Odur!

Verse 80

ﯰﯱﯲﯳ ﯴ ​

Xəstələndiyim zaman mənə yalnız O, şəfa verir.

Verse 81

ﯵﯶﯷﯸ ﯹ ​

Məni öldürəcək, sonra (yenidən) dirildəcək Odur.

Verse 82

ﯺﯻﯼﯽﯾﯿﰀﰁ ﰂ ​

Və qiyamət günü xətamı bağışlayacağına ümid etdiyim də Odur!

Verse 83

ﰃﰄﰅﰆﰇﰈ ﰉ ​

Ey Rəbbim! Mənə hikmət (peyğəmbərlik, elm) bəxş et və məni (Sənin rizanı qazanmış) salehlərlə (yaxşılar zümrəsinə) qovuşdur!

Verse 84

ﭑﭒﭓﭔﭕﭖ ﭗ ​

Sonra gələnlər arasında mənə yaxşı ad qismət elə! (Gələcək nəsillər məni həmişə yad etsinlər, xatirimi əziz tutub adımı hörmətlə çəksinlər!)

Verse 85

ﭘﭙﭚﭛﭜ ﭝ ​

Məni Nəim cənnətlərinin varislərindən et!

Verse 86

ﭞﭟﭠﭡﭢﭣ ﭤ ​

Atamı bağışla! Şübhəsiz ki, o, (haqq yolu) azanlardan oldu!

Verse 87

ﭥﭦﭧﭨ ﭩ ​

(İnsanların qəbirlərindən çıxardılıb) dirildəcəyi gün (qiyamət günü) məni zəlil (rüsvay) etmə!

Verse 88

ﭪﭫﭬﭭﭮﭯ ﭰ ​

O gün ki, nə mal-dövlət, nə də övlad bir fayda verər!

Verse 89

ﭱﭲﭳﭴﭵﭶ ﭷ ​

Ancaq sağlam (təmiz, daxilində şəkk-şübhəyə, küfrə, şirkə və nifaqa yer olmayan) bir qəlblə Allahın hüzuruna gələn kimsədən (mö’minlərdən) başqa!”

Verse 90

ﭸﭹﭺ ﭻ ​

(O gün) Cənnət Allahdan qorxub pis əməllərdən çəkinənlərə yaxınlaşdırılar.

Verse 91

ﭼﭽﭾ ﭿ ​

Cəhənnəm də azğınlara göstərilər.

Verse 92

ﮀﮁﮂﮃﮄﮅ ﮆ ​

Və onlara belə deyərlər: “İbadət etdikləriniz (bütlər) haradadır?

Verse 93

ﮇﮈﮉﮊﮋﮌﮍ ﮎ ​

Allahdan başqa (ibadət etdikləriniz?). Onlar sizə kömək edə bilərlərmi? Yaxud özlərinə bir köməkləri çatarmı?”

Verse 94

ﮏﮐﮑﮒ ﮓ ​

Onlar (müşriklər) və azğınlar (üzüqoylu üst-üstə) oraya (Cəhənnəmə) atılarlar!

Verse 95

ﮔﮕﮖ ﮗ ​

İblisin bütün əsgərləri də (ora sürüklənib salınarlar).

Verse 96

ﮘﮙﮚﮛ ﮜ ​

Onlar orada (öz bütləri və rəisləri ilə) çənə-boğaz olub deyərlər:

Verse 97

ﮝﮞﮟﮠﮡﮢ ﮣ ​

“Allaha and olsun ki, biz (haqq yoldan) açıq-aydın azmışdıq!

Verse 98

ﮤﮥﮦﮧ ﮨ ​

Çünki biz sizi (siz bütləri) aləmlərin Rəbbi ilə bərabər tuturduq.

Verse 99

ﮩﮪﮫﮬ ﮭ ​

Bizi yalnız günahkarlar azdırdı.

Verse 100

ﮮﮯﮰﮱ ﯓ ​

İndi artıq nə şəfaət edən kimsələrimiz,

Verse 101

ﯔﯕﯖ ﯗ ​

Nə də bir mehriban dostumuz var!

Verse 102

ﯘﯙﯚﯛﯜﯝﯞ ﯟ ​

Kaş bir də (dünyaya) dönə biləydik; mö’minlərdən olardıq!”

Verse 103

ﯠﯡﯢﯣﯤﯥﯦﯧﯨ ﯩ ​

Həqiqətən, bunda (İbrahimin bu hekayətində) bir ibrət vardır. Halbuki onların (İbrahim qövmünün, yaxud bu əhvalata qulaq asanların) əksəriyyəti iman gətirmədi.

Verse 104

ﯪﯫﯬﯭﯮ ﯯ ​

Həqiqətən, sənin Rəbbin yenilməz qüvvət, mərhəmət sahibidir! (Kafirlərdən intiqam alar, tövbə edən bəndələrini bağışlayar!)

Verse 105

ﯰﯱﯲﯳ ﯴ ​

Nuh tayfası peyğəmbərləri təkzib etdi. (Onlar Nuhu yalançı saydılar. Bir peyğəmbəri təkzib etmək bütün peyğəmbərləri təkzib etmək deməkdir).

Verse 106

ﯵﯶﯷﯸﯹﯺﯻ ﯼ ​

O zaman ki, qardaşları Nuh onlara dedi: “Məgər (küfr etməyinizə görə) qorxmursunuz?

Verse 107

ﯽﯾﯿﰀ ﰁ ​

Şübhəsiz ki, mən sizin üçün e’tibar olunası (bel bağlanılası) bir peyğəmbərəm! (Və’dimə xilaf çıxmaz, əmanətə xəyanət etmərəm!)

Verse 108

ﰂﰃﰄ ﰅ ​

Artıq Allahdan qorxun və mənə itaət edin!

Verse 109

ﰆﰇﰈﰉﰊﰋﰌﰍﰎﰏﰐﰑ ﰒ ​

Mən bunun (dini, risaləti təbliğ etməyin) müqabilində sizdən heç bir muzd (əvəz) istəmirəm. Mənim mükafatım ancaq aləmlərin Rəbbinə aiddir!

Verse 110

ﰓﰔﰕ ﰖ ​

Artıq Allahdan qorxun və mənə itaət edin!”

Verse 111

ﰗﰘﰙﰚﰛﰜ ﰝ ​

Onlar: “Sənə ən rəzil (səfil, yoxsul) adamlar tabe olmuşkən, biz sənə imanmı gətirəcəyik?” – dedilər.

Verse 112

ﭑﭒﭓﭔﭕﭖ ﭗ ​

(Nuh) dedi: “Mən onların nə etdiklərini (daxilən nə cür olduqlarını) bilmirəm!

Verse 113

ﭘﭙﭚﭛﭜﭝﭞﭟ ﭠ ​

Əgər başa düşürsünüzsə, (bilin ki) onların haqq-hesabı (imanlarının zahiri, yaxud daxili olduğu, ürəkdən iman gətirib-gətirmədikləri) yalnız Rəbbimə aiddir! (Mən ancaq zahirə baxıram!)

Verse 114

ﭡﭢﭣﭤ ﭥ ​

Və mən iman gətirənləri qovan da deyiləm!

Verse 115

ﭦﭧﭨﭩﭪ ﭫ ​

Mən yalnız (günahkarları Allahın əzabı ilə) açıq-aşkar qorxudan bir peyğəmbərəm!”

Verse 116

ﭬﭭﭮﭯﭰﭱﭲﭳ ﭴ ​

Onlar dedilər: “Ey Nuh! Əgər (dediyin sözlərdən və bütlərimizi təhqir etməkdən) əl çəkməsən, mütləq daşqalaq ediləcəksən!”

Verse 117

ﭵﭶﭷﭸﭹ ﭺ ​

(Nuh) dedi: “Ey Rəbbim! Həqiqətən, qövmüm məni təkzib etdi.

Verse 118

ﭻﭼﭽﭾﭿﮀﮁﮂﮃ ﮄ ​

Artıq mənimlə onlar arasında Sən hökm ver, məni və mənimlə birlikdə olan mö’minləri (bu əzabdan) qurtar!

Verse 119

ﮅﮆﮇﮈﮉﮊ ﮋ ​

Buna görə də Biz onu (Nuhu) və onunla birlikdə yüklü gəmidə olanları xilas etdik.

Verse 120

ﮌﮍﮎﮏ ﮐ ​

Sonra yerdə qalanları suda boğduq!

Verse 121

ﮑﮒﮓﮔﮕﮖﮗﮘﮙ ﮚ ​

Şübhəsiz ki, bunda (Nuhun bu hekayətində) bir ibrət vardır. Halbuki onların (Nuh tayfasının, yaxud bu hekayətə qulaq asanların) əksəriyyəti iman gətirmədi.

Verse 122

ﮛﮜﮝﮞﮟ ﮠ ​

Həqiqətən, sənin Rəbbin yenilməz qüvvət sahibi, mərhəmət sahibidir! (Kafirlərdən intiqam alar, tövbə edən bəndələrini bağışlayar!)

Verse 123

ﮡﮢﮣ ﮤ ​

Ad taydası da peyğəmbərləri təkzib etdi.

Verse 124

ﮥﮦﮧﮨﮩﮪﮫ ﮬ ​

O zaman ki, qardaşları Hud onlara dedi: “Məgər (küfr etməyinizə, peyğəmbərləri yalançı saymağınıza görə Allahın əzabından) qorxmursunuz?

Verse 125

ﮭﮮﮯﮰ ﮱ ​

Şübhəsiz ki, mən sizin üçün e’tibar olunası (bel bağlanılası) bir peyğəmbərəm!

Verse 126

ﯓﯔﯕ ﯖ ​

Allahdan qorxun və mənə itaət edin!

Verse 127

ﯗﯘﯙﯚﯛﯜﯝﯞﯟﯠﯡﯢ ﯣ ​

Mən bunun (dini, risaləti təbliğ etməyin) müqabilində sizdən heç bir muzd (əvəz) istəmirəm. Mənim mükafatım ancaq aləmlərin Rəbbinə aiddir!

Verse 128

ﯤﯥﯦﯧﯨ ﯩ ​

Doğrudanmı siz hər təpədə bir köşk (əlamət) qurub (gəlib-gedənləri məsxərəyə qoyaraq) əylənirsiniz?

Verse 129

ﯪﯫﯬﯭ ﯮ ​

Sanki (dünyada) əbədi qalacaqsınız deyə (yeraltı) su hövzələri (qalalar, yaxud qəsrlər) tikirsiniz!

Verse 130

ﯯﯰﯱﯲ ﯳ ​

Və (birini) yaxaladıqda da zalımlar kimi yaxalayırsınız! (Onun vəhşicəsinə döyüb öldürürsünüz!)

Verse 131

ﯴﯵﯶ ﯷ ​

Artıq Allahdan qorxun və mənə itaət edin!

Verse 132

ﯸﯹﯺﯻﯼ ﯽ ​

Qorxun o kəsdən ki, anlayıb bildiyiniz şeyləri (ne’mətləri) sizə əta etdi!

Verse 133

ﯾﯿﰀ ﰁ ​

Sizə heyvanat, oğul-uşaq,

Verse 134

ﰂﰃ ﰄ ​

Bağlar və çeşmələr verdi!

Verse 135

ﰅﰆﰇﰈﰉﰊ ﰋ ​

Mən böyük günün (qiyamət gününün) sizə üz verəcək əzabından qorxuram!”

Verse 136

ﰌﰍﰎﰏﰐﰑﰒﰓﰔ ﰕ ​

Onlar dedilər: “Bizə öyüd-nəsihət versən də, verməsən də, bizim üçün eynidir (dinimizdən dönən deyilik).

Verse 137

ﭑﭒﭓﭔﭕ ﭖ ​

Bu (bizdən) əvvəlkilərin adətindən (gördükləri işlərdən) başqa bir şey deyildir! (Yaxud bizə dediyin bu sözlər qədimlərin uydurmalarından başqa bir şey deyildir!)

Verse 138

ﭗﭘﭙ ﭚ ​

Və biz əzaba da düçar olmayacağıq!”

Verse 139

ﭛﭜﭝﭞﭟﭠﭡﭢﭣﭤﭥﭦ ﭧ ​

Onu (Hudu) yalançı saydılar. Biz də onları məhv etdik. Şübhəsiz ki, bunda (Hudun bu hekayətində) bir ibrət vardır. Halbuki onların əksəriyyəti iman gətirmədi.

Verse 140

ﭨﭩﭪﭫﭬ ﭭ ​

Həqiqətən, sənin Rəbbin yenilməz qüvvət, mərhəmət sahibidir! (Kafirlərdən intiqam alar, tövbə edən bəndələrini bağışlayar!)

Verse 141

ﭮﭯﭰ ﭱ ​

Səmud tayfası da peyğəmbərləri təkzib etdi.

Verse 142

ﭲﭳﭴﭵﭶﭷﭸ ﭹ ​

O vaxt ki, qardaşları Saleh onlara dedi: “Məgər (küfr etdiyinizə, peyğəmbərləri yalançı hesab etdiyinizə görə Allahın əzabından) qorxmursunuz?

Verse 143

ﭺﭻﭼﭽ ﭾ ​

Şübhəsiz ki, mən sizin üçün e’tibar olunası (bel bağlanılası) bir peyğəmbərəm! (Və’dimə xilaf çıxmaz, əmanətə xəyanət etmərəm!)

Verse 144

ﭿﮀﮁ ﮂ ​

Artıq Allahdan qorxun və mənə itaət edin!

Verse 145

ﮃﮄﮅﮆﮇﮈﮉﮊﮋﮌﮍﮎ ﮏ ​

Mən bunun (Allahın hökmlərini, risaləti təbliğ etməyin) müqabilində sizdən heç bir muzd (əvəz) istəmirəm. Mənim mükafatım ancaq aləmlərin Rəbbinə aiddir!

Verse 146

ﮐﮑﮒﮓﮔ ﮕ ​

Məgər siz elə burada onların içində arxayınlıqla qalacaqsınız?

Verse 147

ﮖﮗﮘ ﮙ ​

Bağlar və çeşmələr içində,

Verse 148

ﮚﮛﮜﮝ ﮞ ​

Əkinlər və lətif çiçəkli (gözəl meyvəli) xurmalıqlar içində (xatircəmlikdə ömür sürəcəksiniz)?

Verse 149

ﮟﮠﮡﮢﮣ ﮤ ​

Dağlardan (sanki dünyada əbədi yaşayacaqsınız deyə, özünüzə) məharətlə (və ya təkəbbürlə) evlər yonub düzəldəcəksiniz?

Verse 150

ﮥﮦﮧ ﮨ ​

Artıq Allahdan qorxun və mənə itaət edin!

Verse 151

ﮩﮪﮫﮬ ﮭ ​

(Günah etməklə) həddi aşanların əmrinə tabe olmayın (onlara boyun əyməyin)!

Verse 152

ﮮﮯﮰﮱﯓﯔ ﯕ ​

O kəslər ki, yer üzündə fitnə-fəsad törədər və (pis işlərdən, günah əməllərdən əl çəkib özlərini) islah etməzlər!

Verse 153

ﯖﯗﯘﯙﯚ ﯛ ​

Onlar dedilər: “Həqiqətən, sən (əməlli başlı) ovsunlanmışlardansan! (Divanənin birisən! Sən hardan peyğəmbər oldun?)

Verse 154

ﯜﯝﯞﯟﯠﯡﯢﯣﯤﯥﯦ ﯧ ​

Sən də bizim kimi ancaq adi bir insansan! Əgər doğru danışanlardansansa (həqiqi peyğəmbərsənsə), bizə (Allahdan) bir mö’cüzə gətir!”

Verse 155

ﯨﯩﯪﯫﯬﯭﯮﯯﯰ ﯱ ​

(Saleh) dedi: “Bu, (Allahın mö’cüzəsi olan) dişi (maya) bir dəvədir. Su içmək növbəsi bir gün onun, bir gün sizindir! (Bir gün çeşmədən o, su içsin, bir gün də siz için. Bir-birinizə mane olmayın!)

Verse 156

ﯲﯳﯴﯵﯶﯷﯸ ﯹ ​

Ona heç bir pislik etməyin, yoxsa böyük günün (qiyamət günün) əzabı sizi yaxalayar!”

Verse 157

ﯺﯻﯼ ﯽ ​

Amma onlar (dəvəni) tutub kəsdilər, sonra da (əzab qorxusu ilə) peşman oldular.

Verse 158

ﯾﯿﰀﰁﰂﰃﰄﰅﰆﰇﰈﰉ ﰊ ​

Artıq əzab onları yaxaladı (hamısı məhv oldu). Şübhəsiz ki, bunda (Salehin bu hekayətində) bir ibrət vardır. Halbuki onların əksəriyyəti iman gətirmədi.

Verse 159

ﰋﰌﰍﰎﰏ ﰐ ​

Həqiqətən, sənin Rəbbin yenilməz qüvvət, mərhəmət sahibidir! (Kafirlərdən intiqam alar, tövbə edən bəndələrini bağışlayar!)

Verse 160

ﭑﭒﭓﭔ ﭕ ​

Lut tayfası da peyğəmbərləri təkzib etdi.

Verse 161

ﭖﭗﭘﭙﭚﭛﭜ ﭝ ​

O zaman ki, qardaşları Lut onlara dedi: “Məgər (küfr etdiyinizə, peyğəmbərləri yalançı saydığınıza görə Allahın əzabından) qorxmursunuz?

Verse 162

ﭞﭟﭠﭡ ﭢ ​

Şübhəsiz ki, mən sizin üçün e’tibar olunası (bel bağlanılası) bir peyğəmbərəm! (Və’dimə xilaf çıxmaz, əmanətə xəyanət etmərəm!)

Verse 163

ﭣﭤﭥ ﭦ ​

Artıq Allahdan qorxun və mənə itaət edin!

Verse 164

ﭧﭨﭩﭪﭫﭬﭭﭮﭯﭰﭱﭲ ﭳ ​

Mən bunun (Allahın hökmlərini, risaləti təbliğ etməyin) müqabilində sizdən heç bir muzd (əvəz) istəmirəm. Mənim mükafatım ancaq aləmlərin Rəbbinə aiddir!

Verse 165

ﭴﭵﭶﭷ ﭸ ​

Doğrudanmı siz bəşər övladından yalnız erkəklərlə yaxınlıq edirsiniz?

Verse 166

ﭹﭺﭻﭼﭽﭾﭿﮀﮁﮂﮃﮄ ﮅ ​

Və Rəbbinizin sizin üçün yaratdığı qadınlarınızı tərk edirsiniz? Siz (günah etməklə) həddi aşan bir camaatsınız!”

Verse 167

ﮆﮇﮈﮉﮊﮋﮌﮍ ﮎ ​

Onlar dedilər: “Ey Lut! Əgər (bu sözlərinə, bizi danlamağa) son qoymasan, (öz yurdundan) mütləq qovulacaqsan!”

Verse 168

ﮏﮐﮑﮒﮓ ﮔ ​

(Lut) dedi: “Həqiqətən, mən sizin əməlinizə nifrət edənlərdənəm!

Verse 169

ﮕﮖﮗﮘﮙ ﮚ ​

Ey Rəbbim! Məni və ailəmi bunların gördüyü (pis) işdən (onların bəd əməllərinin cəzasından) qurtar!”

Verse 170

ﮛﮜﮝ ﮞ ​

Artıq Lutu və bütün ailəsini (əzabdan) xilas etdik.

Verse 171

ﮟﮠﮡﮢ ﮣ ​

Ancaq geridə qalan bir qadın (Lutun günahkar övrəti) istisna olmaqla!

Verse 172

ﮤﮥﮦ ﮧ ​

Sonra da o biriləri məhv edib kökünü kəsdik.

Verse 173

ﮨﮩﮪﮫﮬﮭﮮ ﮯ ​

Onların üstünə (qızmar daşdan) bir yağış yağdırdıq. (Peyğəmbər tərəfindən Allahın əzabı ilə) qorxudulanların yağışı nə yaman yağışdır!

Verse 174

ﮰﮱﯓﯔﯕﯖﯗﯘﯙ ﯚ ​

Şübhəsiz ki, bunda (Lutun bu hekayətində) bir ibrət vardır. Halbuki onların əksəriyyəti iman gətirmədi.

Verse 175

ﯛﯜﯝﯞﯟ ﯠ ​

Həqiqətən, sənin Rəbbin yenilməz qüvvət, mərhəmət sahibidir! (Kafirlərdən intiqam alar, tövbə edən bəndələrini bağışlayar!)

Verse 176

ﯡﯢﯣﯤ ﯥ ​

Əykə əhli də peyğəmbərləri təkzib etdi.

Verse 177

ﯦﯧﯨﯩﯪﯫ ﯬ ​

O zaman ki, Şüeyb onlara dedi: “Məgər (küfr etdiyinizə, peyğəmbərləri yalançı saydığınıza görə Allahın əzabından) qorxmursunuz?

Verse 178

ﯭﯮﯯﯰ ﯱ ​

Şübhəsiz ki, mən sizin üçün e’tibar olunası (bel bağlanılası) bir peyğəmbərəm! (Və’dimə xilaf çıxmaz, əmanətə xəyanət etmərəm!)

Verse 179

ﯲﯳﯴ ﯵ ​

Artıq Allahdan qorxun və mənə itaət edin!

Verse 180

ﯶﯷﯸﯹﯺﯻﯼﯽﯾﯿﰀﰁ ﰂ ​

Mən bunun (Allahın hökmlərini, risaləti təbliğ etməyin) müqabilində sizdən heç bir muzd (əvəz) istəmirəm. Mənim mükafatım ancaq aləmlərin Rəbbinə aiddir!

Verse 181

ﰃﰄﰅﰆﰇﰈﰉ ﰊ ​

Ölçüdə düz olun, (onu) əskildənlərdən olmayın!

Verse 182

ﰋﰌﰍ ﰎ ​

Düz tərəzi ilə çəkin!

Verse 183

ﰏﰐﰑﰒﰓﰔﰕﰖﰗ ﰘ ​

İnsanların haqqını azaltmayın! (Camaatın malını əskiltməyin. Kimin haqqı nədirsə, onu da verin!) Yer üzündə fitnə-fəsad törətməyin!

Verse 184

ﭑﭒﭓﭔﭕ ﭖ ​

Və sizi də, sizdən əvvəlki nəsilləri də yaradandan qorxun!”

Verse 185

ﭗﭘﭙﭚﭛ ﭜ ​

Onlar dedilər: “Həqiqətən, sən (əməlli-başlı) ovsunlanmışlardansan! (Divanənin birisən! Sən hara, peyğəmbərlik hara?)

Verse 186

ﭝﭞﭟﭠﭡﭢﭣﭤﭥ ﭦ ​

Sən də bizim kimi adi bir insansan! Bizə elə gəlir ki, sən yalançının birisən!

Verse 187

ﭧﭨﭩﭪﭫﭬﭭﭮﭯ ﭰ ​

Əgər, doğru danışanlardansansa (həqiqi peyğəmbərsənsə), göyün bir parçasını üstümüzə endir!”

Verse 188

ﭱﭲﭳﭴﭵ ﭶ ​

(Şüeyb) dedi: “Sizin nələr etdiyinizi Rəbbim daha yaxşı bilir!”

Verse 189

ﭷﭸﭹﭺﭻﭼﭽﭾﭿﮀﮁ ﮂ ​

Nəhayət, onu (Şüeybi) təkzib etdilər və buna görə də buludlu günün (qızmar günəşdən sonra peyda olan qara buludun) əzabı onları yaxaladı. Həqiqətən, o, böyük (müdhiş) bir günün əzabı idi.

Verse 190

ﮃﮄﮅﮆﮇﮈﮉﮊﮋ ﮌ ​

Şübhəsiz ki, bunda (Şüeybin bu hekayətində) bir ibrət vardır. Halbuki onların əksəriyyəti iman gətirmədi.

Verse 191

ﮍﮎﮏﮐﮑ ﮒ ​

Həqiqətən, sənin Rəbbin yenilməz qüvvət, mərhəmət sahibidir! (Kafirlərdən intiqam alar, tövbə edən bəndələrini bağışlayar!)

Verse 192

ﮓﮔﮕﮖ ﮗ ​

Şübhəsiz ki, bu (Qur’an) aləmlərin Rəbbi tərəfindən nazil edilmişdir!

Verse 193

ﮘﮙﮚﮛ ﮜ ​

Onu Cəbrail (Ruhuləmin) endirdi:

Verse 194

ﮝﮞﮟﮠﮡ ﮢ ​

(Günahkarları Allahın əzabı ilə) qorxudan (xəbərdar edən) peyğəmbərlərdən olasan deyə, sənin qəlbinə (nazil etdi);

Verse 195

ﮣﮤﮥ ﮦ ​

Özü də açıq-aydın ərəb dilinə.

Verse 196

ﮧﮨﮩﮪ ﮫ ​

Həqiqətən, o (Qur’anın nazil olacağı xəbəri, mə’nası və hökmləri; Peyğəmbərin vəsfi), əvvəlkilərin (keçmiş peyğəmbərlərin) kitablarından mövcuddur.

Verse 197

ﮬﮭﮮﮯﮰﮱﯓﯔﯕ ﯖ ​

Məgər İsrail övladı alimlərinin (Qur’anın ilahi kitab, sənin həqiqi peyğəmbər olduğunu) bilmələri onlar (bu kafirlər) üçün bir dəlil (sübut) deyilmi?

Verse 198

ﯗﯘﯙﯚﯛ ﯜ ​

Əgər onu ərəb olmayanlardan (ərəbcə bilməyənlərdən) birinə (bə’zisinə) nazil etsəydik;

Verse 199

ﯝﯞﯟﯠﯡﯢ ﯣ ​

Və o (Qur’anı) onlara (Məkkə müşriklərinə və kafirlərə) oxusaydı, (bu şəxs ərəb dilini yaxşı bilmir, qeyri-ərəbə tabe olmaq, onun ardınca getmək bizə ayıbdır deyə) ona iman gətirməzdilər.

Verse 200

ﯤﯥﯦﯧﯨ ﯩ ​

Biz (küfrü, inadkarlığı) günahkarların qəlbinə belə salarıq.

Verse 201

ﯪﯫﯬﯭﯮﯯﯰ ﯱ ​

Onlar şiddətli əzabı görməyənədək (Qur’ana) inanmazlar.

Verse 202

ﯲﯳﯴﯵﯶ ﯷ ​

(Əzab) onlara qəflətən, özləri də hiss etmədən gələr.

Verse 203

ﯸﯹﯺﯻ ﯼ ​

O zaman onlar deyərlər: “Əcaba, (tövbə etmək, iman gətirmək üçün) bizə möhlət veriləcəkmi?”

Verse 204

ﯽﯾ ﯿ ​

İndi (günahkarlar) əzabımızın (dünyada onlara) tezmi gəlməsini istəyirlər?

Verse 205

ﰀﰁﰂﰃ ﰄ ​

(Ya Rəsulum! Görürsənmi, əgər Biz onlara (kafirlərə) illərcə ne’mət (gün-güzəran) versək,

Verse 206

ﰅﰆﰇﰈﰉ ﰊ ​

Sonra və’d (təhdid) olunduqları (əzab) onlara yetişsə,

Verse 207

ﭑﭒﭓﭔﭕﭖ ﭗ ​

Onlara verilmiş olan ne’mətlər (əzabımızı) onlardan dəf edə bilməz. (Heç bir şey onlara veriləcək əzabı geri qaytara bilməz. Əksinə, firavan həyat, bol ne’mət onların günahlarını, cinayətlərini daha da artırar).

Verse 208

ﭘﭙﭚﭛﭜﭝﭞ ﭟ ​

Biz heç bir məmləkəti ora peyğəmbər göndərmədən məhv etmədik!

Verse 209

ﭠﭡﭢﭣ ﭤ ​

(Peyğəmbərləri) öyüd-nəsihət vermək üçün (göndərdik). Biz zalım deyilik!

Verse 210

ﭥﭦﭧﭨ ﭩ ​

(Qur’anı) əsla şeytanlar endirmədi.

Verse 211

ﭪﭫﭬﭭﭮ ﭯ ​

Bu onlara layiq deyildir. Onlar (bunu) heç bacara da bilməzlər!

Verse 212

ﭰﭱﭲﭳ ﭴ ​

Axı onlara (vəhy eşitmək, mələklərin söhbətinə qulaq asmaq) qadağan edilmişdir.

Verse 213

ﭵﭶﭷﭸﭹﭺﭻﭼﭽ ﭾ ​

Elə isə çəkin, Allahla yanaşı başqa bir tanrıya ibadət etmə, yoxsa əzaba düçar edilənlərdən olarsan!

Verse 214

ﭿﮀﮁ ﮂ ​

Və ən yaxşın qohumlarını qorxut!

Verse 215

ﮃﮄﮅﮆﮇﮈ ﮉ ​

Sənə tabe olan mö’minləri qanadın altına al! (Onlarla yumşaq davran, nəzakətlə rəftar et, köməklərinə çat!)

Verse 216

ﮊﮋﮌﮍﮎﮏﮐ ﮑ ​

Əgər (yaxın qohumların, əşirətin) sənə qarşı çıxsalar, onlara belə de: “Şübhəsiz ki, mən sizin əməllərinizdən uzağam!”

Verse 217

ﮒﮓﮔﮕ ﮖ ​

Və yenilməz qüvvət sahibinə, mərhəmət sahibidə təvəkkül et!

Verse 218

ﮗﮘﮙﮚ ﮛ ​

O Allah ki, səni namaza duranda da görür,

Verse 219

ﮜﮝﮞ ﮟ ​

Səcdə edənlər içində dolananda da.

Verse 220

ﮠﮡﮢﮣ ﮤ ​

Həqiqətən, (hər şeyi) eşidən, bilən Odur!

Verse 221

ﮥﮦﮧﮨﮩﮪ ﮫ ​

(Ey müşriklər!) Şeytanların kimə nazil olduqlarını sizə xəbər verimmi?

Verse 222

ﮬﮭﮮﮯﮰ ﮱ ​

Onlar hər bir yalançıya, günahkara nazil olarlar.

Verse 223

ﯓﯔﯕﯖ ﯗ ​

(Şeytanlar mələklərdən oğrun-oğrun) eşitdikləri (adda-budda) sözləri onlara təlqin edərlər. (Yaxud kahinlər şeytanların uydurmalarına qulaq asarlar). Onların əksəriyyəti yalançıdır!

Verse 224

ﯘﯙﯚ ﯛ ​

(Müşrik və kafir) şairlərə gəlincə, onlara yalnız azğınlar uyar!

Verse 225

ﯜﯝﯞﯟﯠﯡﯢ ﯣ ​

Məgər görmürsənmi ki, onlar hər bir vadidə sərgərdan gəzib-dolaşırlar? (Hər tərəfə meyl edir, birini yalandan mədh, digərini isə əbəs yerə həcv edirlər!)

Verse 226

ﯤﯥﯦﯧﯨ ﯩ ​

Və onlar etmədikləri şeyləri deyirlər! (Onların dediklərinin əksəriyyəti yalandır!)

Verse 227

ﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺﯻﯼﯽ ﯾ ​

Ancaq iman gətirib yaxşı işlər görən, Allahı çox zikr edən və zülmə uğradıqdan sonra intiqamını alanlardan başqa! Zülm edənlər isə (öləndən sonra) hansı dönüşə dönəcəklərini (hara qayıdacaqlarını, aqibətlərinin necə olacağını, hansı inqilabla sarsılacaqlarını) mütləq biləcəklər!