ﯼ

surah.translation .

ﰡ

ﮢﮣ ﰀ​


And olsun (kafirlərin canını) zorla alanlara;
ﮥﮦ ﰁ​

And olsun (mö’minlərin canını) rahatlıqla alanlara;
ﮨﮩ ﰂ​

And olsun sür’ətlə üzənlərə;
ﮫﮬ ﰃ​

And olsun (bir-birini) ötdükcə ötənlərə;
ﮮﮯ ﰄ​

And olsun işə əncam çəkənlərə (Allahın əmri ilə dünyanın işlərini idarə edən mələklərə ki, qiyamət haqdır və siz qiyamət günü dirilib haqq-hesab üçün Allahın hüzurunda duracaqsınız)!
ﮱﯓﯔ ﰅ​

O gün sarsılan sarsılacaq (surun birinci üfürülməsi ilə yer, göy lərzəyə gələcək),
ﯖﯗ ﰆ​

Onun ardınca bir sarsıntı da olacaqdır! (Sur ikinci dəfə üfürüləcəkdir. İsrafil suru birinci dəfə çaldıqda hər şey məhv olacaq, ikinci dəfə çaldıqda isə hamı diriləcəkdir. Bunların arası dünya vaxtı ilə müqayisədə qırx il çəkəcəkdir).
ﯙﯚﯛ ﰇ​

O gün ürəklər qorxub titrəyəcək,
ﯝﯞ ﰈ​

Gözləri (o ürəklərin sahib olduğu gözlər dəhşətdən) zəlilcəsinə yerə dikiləcəkdir.
ﯠﯡﯢﯣﯤ ﰉ​

(Qiyaməti inkar edən kafirlər dünyada istehza ilə) deyirlər: “Doğrudanmı biz (öləndən sonra dirilib) əvvəlki vəziyyətimizə qaytarılacağıq?!
ﯦﯧﯨﯩ ﰊ​

Özü də çürümüş sümüklər olduğumuz zamanmı?!”
ﯫﯬﯭﯮﯯ ﰋ​

Onlar deyirlər: “Elə isə bu ziyanlı dönüşdür (çünki onun arxasında şiddətli bir əzab durur).
ﯱﯲﯳﯴ ﰌ​

(Ey kafirlər! Bu, Allah üçün çətin deyildir). Doğrudan da, o (surun axırıncı dəfə çalınması) ancaq tək bir dəhşətli səsdir (nə’rədir)!
ﯶﯷﯸ ﰍ​

Onlar dərhal (qəbirlərindən çıxıb) dümdüz bir yerdə olacaqlar!
ﯺﯻﯼﯽ ﰎ​

(Ya Peyğəmbər!) Musanın hekayəti (söhbəti) sənə gəlib çatdımı?
ﯿﰀﰁﰂﰃﰄ ﰏ​

O zaman ki, Rəbbi ona müqəddəs Tuva vadisində belə xitab etdi:
ﭑﭒﭓﭔﭕ ﰐ​

“Fir’onun yanına get. Çünki o, (allahlıq iddiasına düşməklə, xalqa zülm etməklə) çox azmışdır (həddini aşmışdır).
ﭗﭘﭙﭚﭛﭜ ﰑ​

Və de: “(Günahlardan) təmizlənmək istəyirsənmi?
ﭞﭟﭠﭡ ﰒ​

Səni Rəbbinə tərəf gətirimmi ki, (Ondan) qorxasan?”
ﭣﭤﭥ ﰓ​

(Musa gəlib Allahın buyuruğunu Fir’ona ərz elədi) və ona (özünün həqiqi peyğəmbər olmasına dəlalət edən) ən böyük mö’cüzəni (əsanın dönüb əjdaha olmasını) göstərdi.
ﭧﭨ ﰔ​

Lakin (Fir’on Musanı) təkzib edib (ona) asi oldu.
ﭪﭫﭬ ﰕ​

Sonra geri dönüb (özünə buyurulanlardan üz döndərərək fitnə-fəsad törətməyə, Musaya qarşı tədbir tökməyə) tələsdi.
ﭮﭯ ﰖ​

Və (ə’yan-əşrafını, bütün təbəələrini) toplayıb (onlara) belə xitab etdi:
ﭱﭲﭳﭴ ﰗ​

“Həqiqətən, mən sizin ən uca Rəbbinizəm!”
ﭶﭷﭸﭹﭺ ﰘ​

Allah da onu axirət və dünya əzabına giriftar etdi. (Yaxud: Allah ona axırıncı və əvvəlinci sözlərinin cəzasını verdi).
ﭼﭽﭾﭿﮀﮁ ﰙ​

Şübhəsiz ki, bunda (Allahdan) qorxan kimsələr üçün ibrət dərsi vardır.
ﮃﮄﮅﮆﮇﮈﮉ ﰚ​

(Ey kafirlər!) Sizi yaratmaq çətindir, yoxsa göyü ki (Allah) onu yaratdı;
ﮋﮌﮍ ﰛ​

Qübbəsini ucaltdı, düzəldib nizama saldı;
ﮏﮐﮑﮒ ﰜ​

Gecəsini qaranlıq, gündüzünü işıqlı etdi?!
ﮔﮕﮖﮗ ﰝ​

Bundan sonra da yeri döşəyib (yayıb) düzəltdi (üstündə gəzmək və yaşamaq üçün onu yararlı hala saldı).
ﮙﮚﮛﮜ ﰞ​

Ondan suyunu və otlağını çıxartdı.
ﮞﮟ ﰟ​

(Orada) dağları yerləşdirdi.
ﮡﮢﮣ ﰠ​

(Bütün bunlar) sizin və heyvanlarınızın istifadəsi üçündür.
ﮥﮦﮧﮨ ﰡ​

O böyük bəla (qiyamət) gələndə,
ﮪﮫﮬﮭﮮ ﰢ​

O gün insan nələr etdiyini (dünyadakı bütün yaxşı, pis əməllərini) yadına salacaqdır.
ﮰﮱﯓﯔ ﰣ​

Cəhənnəm də hər görənə görünəcəkdir.
ﯖﯗﯘ ﰤ​

Kim (dünyada) azğınlıq etmişsə,
ﯚﯛﯜ ﰥ​

Dünyanı (axirətdən) üstün tutmuşsa,
ﯞﯟﯠﯡ ﰦ​

Şübhəsiz ki, onun məskəni Cəhənnəmdir!
ﯣﯤﯥﯦﯧﯨﯩﯪﯫ ﰧ​

Amma kim (qiyamət günü) Rəbbinin hüzurunda durmaqdan qorxmuş və nəfsinə istəyini (şəfvəti) qadağan etmişsə,
ﯭﯮﯯﯰ ﰨ​

Həqiqətən, onun yurdu Cənnətdir!
ﯲﯳﯴﯵﯶ ﰩ​

(Ya Peyğəmbər! Müşriklər) səndən o saatın nə vaxt gələcəyi (qiyamətin nə vaxt qopacağı) barəsində soruşarlar.
ﯸﯹﯺﯻ ﰪ​

Sən onu (onun vaxtını) nə bilirsən?!
ﯽﯾﯿ ﰫ​

Onu sonuna qədər (bütün təfərrüatı ilə) bilmək ancaq sənin Rəbbinə məxsusdur.
ﰁﰂﰃﰄﰅ ﰬ​

Sən ancaq ondan (qiyamətdən) xəbərdar edib çəkindirənsən!
ﰇﰈﰉﰊﰋﰌﰍﰎﰏ ﰭ​

Onu (qiyaməti) gördükləri gün (dünyada və ya qəbir evində) yalnız bir axşam, yaxud bir səhər qaldıqlarını sanacaqlar!