Verse 1

ﭑ ﭒ ​

Ta. Sin. Mim.

Verse 2

ﭓﭔﭕﭖ ﭗ ​

Bunlar aydın Kitabın ayələridir.

Verse 3

ﭘﭙﭚﭛﭜﭝ ﭞ ​

Onların iman gətirmədiyinə görə özünü həlakmı edəcəksən?

Verse 4

ﭟﭠﭡﭢﭣﭤﭥﭦﭧﭨﭩ ﭪ ​

Biz istəsəydik, göydən onlara elə bir əlamət göndərərdik ki, onun önündə başları itaətkarlıqla əyilərdi.

Verse 5

ﭫﭬﭭﭮﭯﭰﭱﭲﭳﭴﭵ ﭶ ​

Mərhəmətli Allahdan onlara elə bir ayə gəlməz ki, ondan üz çevirməsinlər.

Verse 6

ﭷﭸﭹﭺﭻﭼﭽﭾ ﭿ ​

Onlar ayələri uydurma saydılar. Məsxərəyə qoyduqlarının xəbəri onlara yetişəcəkdir.

Verse 7

ﮀﮁﮂﮃﮄﮅﮆﮇﮈﮉﮊ ﮋ ​

Yoxsa, onlar yer üzündə cürbəcür gözəl bitkilər bitirdiyimizi görmürlər?

Verse 8

ﮌﮍﮎﮏﮐﮑﮒﮓﮔ ﮕ ​

Həqiqətən də, bunda bir əlamət vardır. Lakin onların əksəriyyəti mömin olmadı.

Verse 9

ﮖﮗﮘﮙﮚ ﮛ ​

Bəli, sənin Rəbbin Qüdrətlidir, Rəhmlidir.

Verse 10

ﮜﮝﮞﮟﮠﮡﮢﮣ ﮤ ​

Bir zaman Rəbbin Musaya demişdi: “Get o zalım qövmün –

Verse 11

ﮥﮦﮧﮨﮩ ﮪ ​

Firon xalqının yanına! Onlar qorxmurlarmı?”

Verse 12

ﮫﮬﮭﮮﮯﮰ ﮱ ​

Musa dedi: “Ey Rəbbim! Qorxuram ki, onlar məni yalançı hesab edələr,

Verse 13

ﯓﯔﯕﯖﯗﯘﯙﯚ ﯛ ​

belə olduqda ürəyim sıxılar, dilim də söz tutmaz. Buna görə Haruna da vəhy göndər.

Verse 14

ﯜﯝﯞﯟﯠﯡ ﯢ ​

Onların məndən əvəzini çıxmaq istədikləri bir günahım da var. Buna görə məni öldürəcəklərindən qorxuram”.

Verse 15

ﯣﯤﯥﯦﯧﯨﯩﯪﯫ ﯬ ​

Allah dedi: “Xeyr, bu mümkün deyil! İkiniz də möcüzələrimizlə onların yanına gedin! Şübhəsiz ki, Biz də sizinləyik, hər şeyi eşidirik.

Verse 16

ﯭﯮﯯﯰﯱﯲﯳ ﯴ ​

Fironun yanına gedib deyin: “Biz aləmlərin Rəbbinin elçiləriyik!

Verse 17

ﯵﯶﯷﯸﯹ ﯺ ​

İsrail oğullarını bizimlə birgə burax!”

Verse 18

ﯻﯼﯽﯾﯿﰀﰁﰂﰃﰄ ﰅ ​

Firon dedi: “Biz səni körpə ikən götürüb saxlayıb boya-başa çatdırmadıqmı? Sən ömrünün bəzi illərini bizimlə yaşamadınmı?

Verse 19

ﰆﰇﰈﰉﰊﰋﰌ ﰍ ​

Elədiyin pis əməli də elədin. Doğrudan da, sən bir nankorsan!”

Verse 20

ﭑﭒﭓﭔﭕﭖ ﭗ ​

Musa dedi: “Mən onu edəndə nadan olmuşam.

Verse 21

ﭘﭙﭚﭛﭜﭝﭞﭟﭠﭡﭢ ﭣ ​

Mən sizdən qorxduğum üçün yanınızdan qaçıb getdim. Amma sonradan Rəbbim mənə hökmranlıq (peyğəmbərlik) verdi və məni elçilərdən etdi.

Verse 22

ﭤﭥﭦﭧﭨﭩﭪﭫ ﭬ ​

Başıma qaxdığın o nemətin də İsrail oğullarını özünə kölə etməyindir”.

Verse 23

ﭭﭮﭯﭰﭱ ﭲ ​

Firon dedi: “Aləmlərin Rəbbi nədir?”

Verse 24

ﭳﭴﭵﭶﭷﭸﭹﭺﭻﭼ ﭽ ​

Musa dedi: “Əgər yəqinliklə inanırsınızsa, bilin ki, O, göylərin, yerin və onların arasında olanların Rəbbidir!”

Verse 25

ﭾﭿﮀﮁﮂ ﮃ ​

Firon ətrafındakılara dedi: “Onun nə danışdığını eşitmirsinizmi?”

Verse 26

ﮄﮅﮆﮇﮈ ﮉ ​

Musa dedi: “O sizin də, ulu babalarınızın da Rəbbidir!”

Verse 27

ﮊﮋﮌﮍﮎﮏﮐ ﮑ ​

Firon dedi: “Sizə göndərilmiş bu elçi, sözsüz ki, dəlidir!”

Verse 28

ﮒﮓﮔﮕﮖﮗﮘﮙﮚﮛ ﮜ ​

Musa dedi: “Əgər anlayırsınızsa, bilin ki, O, şərqin, qərbin və bunların arasında olanların Rəbbidir!”

Verse 29

ﮝﮞﮟﮠﮡﮢﮣﮤ ﮥ ​

Firon dedi: “Əgər məndən başqasına sitayiş etsən, səni məhbusların yanına ataram!”

Verse 30

ﮦﮧﮨﮩﮪ ﮫ ​

Musa dedi: “Bəs sənə açıq-aşkar bir şey göstərsəm necə?”

Verse 31

ﮬﮭﮮﮯﮰﮱﯓ ﯔ ​

Firon dedi: “Əgər doğru danışanlardansansa, göstər onu!”

Verse 32

ﯕﯖﯗﯘﯙﯚ ﯛ ​

Musa əsasını yerə atınca, o dərhal dönüb açıq-aşkar bir ilana çevrildi.

Verse 33

ﯜﯝﯞﯟﯠﯡ ﯢ ​

Əlini qoynundan çıxardan kimi o, baxanların gözü qabağında ağappaq nur saçan bir əl oldu.

Verse 34

ﯣﯤﯥﯦﯧﯨﯩ ﯪ ​

Firon ətrafındakı zadəganlara dedi: “Həqiqətən də, bu, bilikli bir sehrbazdır!

Verse 35

ﯫﯬﯭﯮﯯﯰﯱﯲ ﯳ ​

O öz sehri ilə sizi torpağınızdan çıxartmaq istəyir. Nə təklif edirsiniz?”

Verse 36

ﯴﯵﯶﯷﯸﯹﯺ ﯻ ​

Onlar dedilər: “Onu qardaşı ilə bir qədər gözlət və şəhərlərə adam yığanlar göndər ki,

Verse 37

ﯼﯽﯾﯿ ﰀ ​

bütün bilikli sehrbazları sənin yanına gətirsinlər”.

Verse 38

ﰁﰂﰃﰄﰅ ﰆ ​

Beləliklə, sehrbazlar bəlli bir günün müəyyən edilmiş vaxtında toplandılar.

Verse 39

ﰇﰈﰉﰊﰋ ﰌ ​

Camaata deyildi: “Siz də yığışırsınızmı?

Verse 40

ﭑﭒﭓﭔﭕﭖﭗ ﭘ ​

Əgər sehrbazlar qalib gəlsələr, ola bilsin ki, biz də onlara tabe olaq”.

Verse 41

ﭙﭚﭛﭜﭝﭞﭟﭠﭡﭢﭣﭤ ﭥ ​

Sehrbazlar gələn kimi Firona dedilər: “Əgər qalib gəlsək, bizə mükafat veriləcəkmi?”

Verse 42

ﭦﭧﭨﭩﭪﭫ ﭬ ​

Firon dedi: “Bəli! Belə olacağı təqdirdə sizi özümə yaxın adamlardan edəcəyəm”.

Verse 43

ﭭﭮﭯﭰﭱﭲﭳ ﭴ ​

Musa onlara dedi: “Nə atacaqsınızsa, atın!”

Verse 44

ﭵﭶﭷﭸﭹﭺﭻﭼﭽ ﭾ ​

Onlar iplərini və əsalarını yerə atıb: “Fironun qüdrətinə and olsun ki, biz qalib gələcəyik!”– dedilər.

Verse 45

ﭿﮀﮁﮂﮃﮄﮅﮆ ﮇ ​

Sonra Musa əsasını atdı və əsa onların düzəltdikləri şeyləri uddu.

Verse 46

ﮈﮉﮊ ﮋ ​

Sehrbazlar səcdəyə qapandılar

Verse 47

ﮌﮍﮎﮏ ﮐ ​

və dedilər: “Biz iman gətirdik aləmlərin Rəbbinə –

Verse 48

ﮑﮒﮓ ﮔ ​

Musanın və Harunun Rəbbinə!”

Verse 49

ﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨﮩﮪﮫ ﮬ ​

Firon dedi: “Mən sizə izin verməmişdən əvvəl siz ona imanmı gətirdiniz? Şübhəsiz ki, o sizə sehr öyrədən böyüyünüzdür. Tezliklə biləcəksiniz! Mən sizin əllərinizi və ayaqlarınızı çarpaz kəsdirib hamınızı çarmıxa çəkdirəcəyəm”.

Verse 50

ﮭﮮﮯﮰﮱﯓﯔﯕ ﯖ ​

Onlar dedilər: “Zərər yox, biz onsuz da öz Rəbbimizə qayıdacağıq.

Verse 51

ﯗﯘﯙﯚﯛﯜﯝﯞﯟﯠﯡ ﯢ ​

Biz Firon xalqı arasından ilk iman gətirənlər olduğumuza görə Rəbbimizdən günahlarımızı bağışlayacağını umuruq”.

Verse 52

ﯣﯤﯥﯦﯧﯨﯩﯪﯫ ﯬ ​

Biz Musaya: “Qullarımla birlikdə gecə yola çıx. Çünki siz təqib olunacaqsınız”– deyə vəhy etdik.

Verse 53

ﯭﯮﯯﯰﯱ ﯲ ​

Firon şəhərlərə əsgər toplayanlar göndərdi.

Verse 54

ﯳﯴﯵﯶ ﯷ ​

O dedi: “Bunlar kiçik bir dəstədir.

Verse 55

ﯸﯹﯺ ﯻ ​

Onlar bizi qəzəbləndirmişlər.

Verse 56

ﯼﯽﯾ ﯿ ​

Biz hamımız ayıq-sayıq olmalıyıq”.

Verse 57

ﰀﰁﰂﰃ ﰄ ​

Biz onları (o zalım tayfanı) bağlardan və çeşmələrdən çıxartdıq;

Verse 58

ﰅﰆﰇ ﰈ ​

xəzinələrdən və gözəl yerlərdən də qovduq.

Verse 59

ﰉﰊﰋﰌﰍ ﰎ ​

Beləcə, Biz İsrail oğullarını o yerlərə varis etdik.

Verse 60

ﰏﰐ ﰑ ​

Günəş üfüqdən qalxarkən Firon öz əsgərləri ilə onları izləməyə başladılar.

Verse 61

ﭑﭒﭓﭔﭕﭖﭗﭘ ﭙ ​

İki dəstə bir-birini görüncə Musanın səhabələri: “Biz yaxalanacağıq!”– dedilər.

Verse 62

ﭚﭛﭜﭝﭞﭟﭠ ﭡ ​

Musa dedi: “Xeyr, Rəbbim mənimlədir. O mənə doğru yol göstərəcəkdir!”

Verse 63

ﭢﭣﭤﭥﭦﭧﭨﭩﭪﭫﭬﭭﭮﭯ ﭰ ​

Biz Musaya: “Əsanla dənizə vur!”– deyə vəhy etdik. Dəniz dərhal yarıldı, on iki yol açıldı və hər biri nəhəng bir dağ kimi oldu.

Verse 64

ﭱﭲﭳ ﭴ ​

O birilərini də ora yaxınlaşdırdıq.

Verse 65

ﭵﭶﭷﭸﭹ ﭺ ​

Musa və onunla birlikdə olanların hamısını xilas etdik.

Verse 66

ﭻﭼﭽ ﭾ ​

O birilərini isə suya qərq etdik.

Verse 67

ﭿﮀﮁﮂﮃﮄﮅﮆﮇ ﮈ ​

Şübhəsiz ki, bu hekayətdə bir ibrət vardır. Lakin onların çoxu iman gətirmədi.

Verse 68

ﮉﮊﮋﮌﮍ ﮎ ​

Həqiqətən, sənin Rəbbin Qüdrətlidir, Rəhmlidir.

Verse 69

ﮏﮐﮑﮒ ﮓ ​

Onlara İbrahimin əhvalatını da oxu.

Verse 70

ﮔﮕﮖﮗﮘﮙ ﮚ ​

Bir zaman o öz atasına və tayfasına: “Nəyə ibadət edirsiniz?”– demişdi.

Verse 71

ﮛﮜﮝﮞﮟﮠ ﮡ ​

Onlar dedilər: “Biz bütlərə ibadət edir və onlara tapınmaqda davam edirik”.

Verse 72

ﮢﮣﮤﮥﮦ ﮧ ​

O dedi: “Onlara yalvardığınız zaman sizi eşidirlərmi?

Verse 73

ﮨﮩﮪﮫ ﮬ ​

Yaxud sizə xeyir və ya zərər verirlərmi?”

Verse 74

ﮭﮮﮯﮰﮱﯓ ﯔ ​

Onlar dedilər: “Xeyr, amma biz öz atalarımızın belə etdiklərini gördük”.

Verse 75

ﯕﯖﯗﯘﯙ ﯚ ​

O dedi: “Siz nəyə ibadət etdiyinizi görürsünüzmü –

Verse 76

ﯛﯜﯝ ﯞ ​

həm siz, həm də ulu babalarınız?

Verse 77

ﯟﯠﯡﯢﯣﯤ ﯥ ​

Aləmlərin Rəbbindən başqa, onların hamısı mənim düşmənimdir.

Verse 78

ﯦﯧﯨﯩ ﯪ ​

O Rəbb ki, məni yaratmış və məni doğru yola yönəltmişdir;

Verse 79

ﯫﯬﯭﯮ ﯯ ​

O Rəbb ki, məni yedirdir və içirdir;

Verse 80

ﯰﯱﯲﯳ ﯴ ​

O Rəbb ki, xəstələndiyim zaman mənə şəfa verir;

Verse 81

ﯵﯶﯷﯸ ﯹ ​

O Rəbb ki, məni öldürəcək, sonra dirildəcəkdir;

Verse 82

ﯺﯻﯼﯽﯾﯿﰀﰁ ﰂ ​

O Rəbb ki, Haqq-hesab günü xətalarımı bağışlayacağını Ondan umuram.

Verse 83

ﰃﰄﰅﰆﰇﰈ ﰉ ​

Ey Rəbbim! Mənə hikmət ver və məni əməlisalehlərə qovuşdur!

Verse 84

ﭑﭒﭓﭔﭕﭖ ﭗ ​

Sonra gələnlər arasında həmişə yad edilim deyə mənə yaxşı ad qismət elə!

Verse 85

ﭘﭙﭚﭛﭜ ﭝ ​

Məni Nəim bağının varislərindən et!

Verse 86

ﭞﭟﭠﭡﭢﭣ ﭤ ​

Atamı bağışla! Çünki o, azanlardandır.

Verse 87

ﭥﭦﭧﭨ ﭩ ​

Onların dirildiləcəyi gün məni rüsvay etmə!

Verse 88

ﭪﭫﭬﭭﭮﭯ ﭰ ​

O gün ki, nə var-dövlət, nə də oğul-uşaq bir fayda verməyəcək.

Verse 89

ﭱﭲﭳﭴﭵﭶ ﭷ ​

Ancaq sağlam bir qəlblə Allahın hüzuruna gələnlərdən başqa!”

Verse 90

ﭸﭹﭺ ﭻ ​

Cənnət müttəqilərə yaxınlaşdırılar.

Verse 91

ﭼﭽﭾ ﭿ ​

Cəhənnəm də azğınlara göstərilər.

Verse 92

ﮀﮁﮂﮃﮄﮅ ﮆ ​

Onlara deyilər: “Hanı sizin sitayiş etdikləriniz –

Verse 93

ﮇﮈﮉﮊﮋﮌﮍ ﮎ ​

Allahdan başqa pənah apardıqlarınız? Onlar sizə kömək edə bilərlərmi, yaxud özlərinə köməkləri dəyə bilərmi?”

Verse 94

ﮏﮐﮑﮒ ﮓ ​

Onlar azğınlarla birlikdə oraya (Cəhənnəmə) atılarlar,

Verse 95

ﮔﮕﮖ ﮗ ​

İblisin bütün əsgərləri də habelə.

Verse 96

ﮘﮙﮚﮛ ﮜ ​

Onlar orada höcətləşərək deyərlər:

Verse 97

ﮝﮞﮟﮠﮡﮢ ﮣ ​

“Allaha and olsun ki, biz açıq-aydın azğınlıq içində idik –

Verse 98

ﮤﮥﮦﮧ ﮨ ​

o vaxt ki, biz sizi aləmlərin Rəbbinə tay tuturduq.

Verse 99

ﮩﮪﮫﮬ ﮭ ​

Bizi ancaq günahkarlar azdırdı.

Verse 100

ﮮﮯﮰﮱ ﯓ ​

İndi isə bizim nə şəfaətçilərimiz,

Verse 101

ﯔﯕﯖ ﯗ ​

nə də bizə canıyanan bir dostumuz var!

Verse 102

ﯘﯙﯚﯛﯜﯝﯞ ﯟ ​

Bir də dünyaya qayıda bilsəydik, möminlərdən olardıq!”

Verse 103

ﯠﯡﯢﯣﯤﯥﯦﯧﯨ ﯩ ​

Şübhəsiz ki, bunda bir ibrət vardır. Lakin onların əksəriyyəti yenə iman gətirmədi.

Verse 104

ﯪﯫﯬﯭﯮ ﯯ ​

Həqiqətən, sənin Rəbbin Qüdrətlidir, Rəhmlidir.

Verse 105

ﯰﯱﯲﯳ ﯴ ​

Nuh tayfası da elçiləri yalançı saydı.

Verse 106

ﯵﯶﯷﯸﯹﯺﯻ ﯼ ​

O vaxt qardaşları Nuh onlara dedi: “Məgər qorxmursunuz?

Verse 107

ﯽﯾﯿﰀ ﰁ ​

Həqiqətən, mən sizin üçün etibar edilməli bir elçiyəm.

Verse 108

ﰂﰃﰄ ﰅ ​

Allahdan qorxun və mənə itaət edin.

Verse 109

ﰆﰇﰈﰉﰊﰋﰌﰍﰎﰏﰐﰑ ﰒ ​

Mən bunun əvəzinə sizdən heç bir mükafat istəmirəm. Mənim mükafatım ancaq aləmlərin Rəbbinə aiddir.

Verse 110

ﰓﰔﰕ ﰖ ​

Allahdan qorxun və mənə itaət edin!”

Verse 111

ﰗﰘﰙﰚﰛﰜ ﰝ ​

Onlar dedilər: “Sənə ən rəzil adamlar tabe olduğu halda biz sənə inanarıqmı?”

Verse 112

ﭑﭒﭓﭔﭕﭖ ﭗ ​

Nuh dedi: “Mən onların nə etdiklərini bilmirəm!

Verse 113

ﭘﭙﭚﭛﭜﭝﭞﭟ ﭠ ​

Onların haqq-hesabı yalnız Rəbbimə aiddir. Kaş başa düşəydiniz!

Verse 114

ﭡﭢﭣﭤ ﭥ ​

Mən iman gətirənləri qovan deyiləm.

Verse 115

ﭦﭧﭨﭩﭪ ﭫ ​

Mən yalnız açıq-aşkar bir qorxudanam”.

Verse 116

ﭬﭭﭮﭯﭰﭱﭲﭳ ﭴ ​

Onlar dedilər: “Ey Nuh! Əgər dəvətinə son qoymasan, mütləq daşqalaq ediləcəksən”.

Verse 117

ﭵﭶﭷﭸﭹ ﭺ ​

Nuh dedi: “Ey Rəbbim! Qövmüm məni yalançı hesab etdi.

Verse 118

ﭻﭼﭽﭾﭿﮀﮁﮂﮃ ﮄ ​

Mənimlə onların arasında qəti hökm ver, məni və mənimlə birlikdə olan möminləri əzabdan qurtar!”

Verse 119

ﮅﮆﮇﮈﮉﮊ ﮋ ​

Biz onu və onunla birlikdə olanları yüklü gəmidə xilas etdik.

Verse 120

ﮌﮍﮎﮏ ﮐ ​

Yerdə qalanları isə suya qərq etdik.

Verse 121

ﮑﮒﮓﮔﮕﮖﮗﮘﮙ ﮚ ​

Şübhəsiz ki, bunda bir ibrət vardır. Lakin onların əksəriyyəti yenə iman gətirmədi.

Verse 122

ﮛﮜﮝﮞﮟ ﮠ ​

Həqiqətən, sənin Rəbbin Qüdrətlidir, Rəhmlidir.

Verse 123

ﮡﮢﮣ ﮤ ​

Ad tayfası da elçiləri yalançı saydı.

Verse 124

ﮥﮦﮧﮨﮩﮪﮫ ﮬ ​

O vaxt qardaşları Hud onlara dedi: “Məgər qorxmursunuz?

Verse 125

ﮭﮮﮯﮰ ﮱ ​

Həqiqətən, mən sizin üçün etibar etməli olduğunuz bir elçiyəm.

Verse 126

ﯓﯔﯕ ﯖ ​

Allahdan qorxun və mənə itaət edin!

Verse 127

ﯗﯘﯙﯚﯛﯜﯝﯞﯟﯠﯡﯢ ﯣ ​

Mən bunun əvəzinə sizdən heç bir mükafat istəmirəm. Mənim mükafatım ancaq aləmlərin Rəbbinə aiddir.

Verse 128

ﯤﯥﯦﯧﯨ ﯩ ​

Əcəba, siz hər təpədə əbəs yerə bir əlamətmi qurursunuz (hündür binalarmı tikirsiniz)?

Verse 129

ﯪﯫﯬﯭ ﯮ ​

Sanki əbədi qalacaqsınız deyə qalalarmı tikirsiniz?

Verse 130

ﯯﯰﯱﯲ ﯳ ​

Bir kəsi yaxaladığınız zaman qəddar hökmdar kimi yaxalayırsınızmı?

Verse 131

ﯴﯵﯶ ﯷ ​

Allahdan qorxun və mənə itaət edin!

Verse 132

ﯸﯹﯺﯻﯼ ﯽ ​

Bildiyiniz nemətləri sizə verəndən qorxun.

Verse 133

ﯾﯿﰀ ﰁ ​

O sizə heyvanat və oğul-uşaq verdi,

Verse 134

ﰂﰃ ﰄ ​

üstəlik bağlar və çeşmələr də əta etdi.

Verse 135

ﰅﰆﰇﰈﰉﰊ ﰋ ​

Mən sizə üz verəcək böyük günün əzabından qorxuram”.

Verse 136

ﰌﰍﰎﰏﰐﰑﰒﰓﰔ ﰕ ​

Onlar dedilər: “Bizə öyüd-nəsihət versən də, verməsən də, bizim üçün birdir.

Verse 137

ﭑﭒﭓﭔﭕ ﭖ ​

Bu, yalnız və yalnız əvvəlkilərin adətidir.

Verse 138

ﭗﭘﭙ ﭚ ​

Biz əzaba düçar olan da deyilik”.

Verse 139

ﭛﭜﭝﭞﭟﭠﭡﭢﭣﭤﭥﭦ ﭧ ​

Onlar onu yalançı saydılar. Biz də onları məhv etdik. Şübhəsiz ki, bunda bir ibrət vardır. Lakin onların əksəriyyəti iman gətirmədi.

Verse 140

ﭨﭩﭪﭫﭬ ﭭ ​

Həqiqətən, sənin Rəbbin Qüdrətlidir, Rəhmlidir.

Verse 141

ﭮﭯﭰ ﭱ ​

Səmud tayfası da elçiləri yalançı saydı.

Verse 142

ﭲﭳﭴﭵﭶﭷﭸ ﭹ ​

O vaxt qardaşları Saleh onlara dedi: “Məgər qorxmursunuz?

Verse 143

ﭺﭻﭼﭽ ﭾ ​

Şübhəsiz ki, mən sizin üçün etibar etməli olduğunuz bir elçiyəm.

Verse 144

ﭿﮀﮁ ﮂ ​

Allahdan qorxun və mənə itaət edin.

Verse 145

ﮃﮄﮅﮆﮇﮈﮉﮊﮋﮌﮍﮎ ﮏ ​

Mən bunun əvəzinə sizdən heç bir mükafat istəmirəm. Mənim mükafatım ancaq aləmlərin Rəbbinə aiddir.

Verse 146

ﮐﮑﮒﮓﮔ ﮕ ​

Məgər siz burada olanların içində sərbəst buraxılacaqsınız?

Verse 147

ﮖﮗﮘ ﮙ ​

Bağlar və bulaqlar içində,

Verse 148

ﮚﮛﮜﮝ ﮞ ​

əkinlər və yumşaq meyvəli xurmalıqlar içində arxayınlıqla qalacaqsınız?

Verse 149

ﮟﮠﮡﮢﮣ ﮤ ​

Dağlardan məharətlə evlər yonub düzəldəcəksiniz?

Verse 150

ﮥﮦﮧ ﮨ ​

Allahdan qorxun və mənə itaət edin!

Verse 151

ﮩﮪﮫﮬ ﮭ ​

Həddi aşanların əmrinə tabe olmayın.

Verse 152

ﮮﮯﮰﮱﯓﯔ ﯕ ​

Onlar yer üzündə fəsad törədir və özlərini günahdan təmizləmirlər”.

Verse 153

ﯖﯗﯘﯙﯚ ﯛ ​

Onlar dedilər: “Sən yalnız və yalnız sehrlənmişlərdənsən.

Verse 154

ﯜﯝﯞﯟﯠﯡﯢﯣﯤﯥﯦ ﯧ ​

Sən də bizim kimi ancaq bir insansan. Əgər doğru danışanlardansansa, bizə bir möcüzə göstər”.

Verse 155

ﯨﯩﯪﯫﯬﯭﯮﯯﯰ ﯱ ​

Saleh dedi: “Möcüzə bu dişi dəvədir! Onun da, sizin də müəyyən edilmiş vaxtlarda su içmək haqqınız vardır. (Bir gün o, su içməli, bir gün də siz içməlisiniz).

Verse 156

ﯲﯳﯴﯵﯶﯷﯸ ﯹ ​

Ona heç bir pislik etməyin, yoxsa böyük günün əzabı sizi yaxalayar”.

Verse 157

ﯺﯻﯼ ﯽ ​

Onlar dəvənin diz vətərini kəsdilər, sonra da peşman oldular.

Verse 158

ﯾﯿﰀﰁﰂﰃﰄﰅﰆﰇﰈﰉ ﰊ ​

Əzab onları yaxaladı. Şübhəsiz ki, bunda bir ibrət vardır. Lakin onların əksəriyyəti yenə iman gətirmədi.

Verse 159

ﰋﰌﰍﰎﰏ ﰐ ​

Həqiqətən, sənin Rəbbin Qüdrətlidir, Rəhmlidir.

Verse 160

ﭑﭒﭓﭔ ﭕ ​

Lut tayfası da elçiləri yalançı saydı.

Verse 161

ﭖﭗﭘﭙﭚﭛﭜ ﭝ ​

O vaxt qardaşları Lut onlara dedi: “Məgər qorxmursunuz?

Verse 162

ﭞﭟﭠﭡ ﭢ ​

Həqiqətən, mən sizin üçün etibar edilməli bir elçiyəm.

Verse 163

ﭣﭤﭥ ﭦ ​

Allahdan qorxun və mənə itaət edin!

Verse 164

ﭧﭨﭩﭪﭫﭬﭭﭮﭯﭰﭱﭲ ﭳ ​

Mən bunun əvəzinə sizdən heç bir mükafat istəmirəm. Mənim mükafatım ancaq aləmlərin Rəbbinə aiddir.

Verse 165

ﭴﭵﭶﭷ ﭸ ​

Doğrudanmı siz insanlar içində ancaq kişilərlə yaxınlıq edir

Verse 166

ﭹﭺﭻﭼﭽﭾﭿﮀﮁﮂﮃﮄ ﮅ ​

və Rəbbinizin sizin üçün yaratdığı qadınlarınızı tərk edirsiniz? Siz, həqiqətən də, həddi aşan adamlarsınız”.

Verse 167

ﮆﮇﮈﮉﮊﮋﮌﮍ ﮎ ​

Onlar dedilər: “Ey Lut! Əgər təbliğatına son qoymasan, mütləq qovulanlardan olacaqsan!”

Verse 168

ﮏﮐﮑﮒﮓ ﮔ ​

O dedi: “Mən sizin əməllərinizə nifrət edənlərdənəm.

Verse 169

ﮕﮖﮗﮘﮙ ﮚ ​

Ey Rəbbim! Məni və ailəmi onların tutduqları işdən xilas et!”

Verse 170

ﮛﮜﮝ ﮞ ​

Biz onu və onun bütün ailəsini xilas etdik.

Verse 171

ﮟﮠﮡﮢ ﮣ ​

Geridə qalanlar arasındakı yaşlı qadından başqa.

Verse 172

ﮤﮥﮦ ﮧ ​

Sonra da o birilərini darmadağın etdik.

Verse 173

ﮨﮩﮪﮫﮬﮭﮮ ﮯ ​

Biz onların üstünə daşlardan yağış yağdırdıq. Qorxudulanların yağışı nə yaman imiş!

Verse 174

ﮰﮱﯓﯔﯕﯖﯗﯘﯙ ﯚ ​

Şübhəsiz ki, bunda bir ibrət vardır. Lakin onların əksəriyyəti iman gətirmədi.

Verse 175

ﯛﯜﯝﯞﯟ ﯠ ​

Həqiqətən, sənin Rəbbin Qüdrətlidir, Rəhmlidir.

Verse 176

ﯡﯢﯣﯤ ﯥ ​

Əykə əhli də elçiləri yalançı saydı.

Verse 177

ﯦﯧﯨﯩﯪﯫ ﯬ ​

O vaxt Şueyb onlara dedi: “Məgər qorxmursunuz?

Verse 178

ﯭﯮﯯﯰ ﯱ ​

Şübhəsiz ki, mən sizin üçün etibar etməli olduğunuz bir elçiyəm.

Verse 179

ﯲﯳﯴ ﯵ ​

Allahdan qorxun və mənə itaət edin!

Verse 180

ﯶﯷﯸﯹﯺﯻﯼﯽﯾﯿﰀﰁ ﰂ ​

Mən bunun əvəzinə sizdən heç bir mükafat istəmirəm. Mənim mükafatım ancaq aləmlərin Rəbbinə aiddir.

Verse 181

ﰃﰄﰅﰆﰇﰈﰉ ﰊ ​

Ölçüyə tam riayət edin və əksik ölçənlərdən olmayın.

Verse 182

ﰋﰌﰍ ﰎ ​

Düz tərəzi ilə çəkin.

Verse 183

ﰏﰐﰑﰒﰓﰔﰕﰖﰗ ﰘ ​

İnsanların əşyalarını əksik verməyin və yer üzündə fəsad yayaraq pis işlər görməyin.

Verse 184

ﭑﭒﭓﭔﭕ ﭖ ​

Sizi və əvvəlki nəsilləri Yaradandan qorxun!”

Verse 185

ﭗﭘﭙﭚﭛ ﭜ ​

Onlar dedilər: “Sən yalnız və yalnız sehrlənmişlərdənsən.

Verse 186

ﭝﭞﭟﭠﭡﭢﭣﭤﭥ ﭦ ​

Sən də bizim kimi ancaq bir insansan. Biz səni yalançılardan biri hesab edirik.

Verse 187

ﭧﭨﭩﭪﭫﭬﭭﭮﭯ ﭰ ​

Əgər doğru danışanlardansansa, göyün bir parçasını üstümüzə endir”.

Verse 188

ﭱﭲﭳﭴﭵ ﭶ ​

Şueyb dedi: “Rəbbim sizin nələr etdiyinizi daha yaxşı bilir”.

Verse 189

ﭷﭸﭹﭺﭻﭼﭽﭾﭿﮀﮁ ﮂ ​

Onlar isə onu yalançı saydılar və buna görə də kölgəli günün əzabı onları yaxaladı. Həqiqətən, o, böyük bir günün əzabı idi.

Verse 190

ﮃﮄﮅﮆﮇﮈﮉﮊﮋ ﮌ ​

Şübhəsiz ki, bunda bir ibrət vardır. Lakin onların əksəriyyəti iman gətirmədi.

Verse 191

ﮍﮎﮏﮐﮑ ﮒ ​

Həqiqətən, sənin Rəbbin Qüdrətlidir, Rəhmlidir.

Verse 192

ﮓﮔﮕﮖ ﮗ ​

Şübhəsiz ki, bu, aləmlərin Rəbbindən nazil edilmişdir.

Verse 193

ﮘﮙﮚﮛ ﮜ ​

Onu sadiq Ruh (Cəbrail) endirdi –

Verse 194

ﮝﮞﮟﮠﮡ ﮢ ​

sənin qəlbinə ki, xəbərdar edənlərdən olasan.

Verse 195

ﮣﮤﮥ ﮦ ​

Bu Quran açıq-aydın ərəb dilində nazil edildi.

Verse 196

ﮧﮨﮩﮪ ﮫ ​

Şübhəsiz ki, o, keçmiş ümmətlərin kitablarında da xatırlanır.

Verse 197

ﮬﮭﮮﮯﮰﮱﯓﯔﯕ ﯖ ​

Məgər İsrail oğullarından olan alimlərin onu bilmələri bunlar üçün bir dəlil deyilmi?

Verse 198

ﯗﯘﯙﯚﯛ ﯜ ​

Əgər Biz onu ərəb olmayanlardan birinə nazil etsəydik,

Verse 199

ﯝﯞﯟﯠﯡﯢ ﯣ ​

və o, bunu onlara oxusaydı, yenə də ona iman gətirməzdilər.

Verse 200

ﯤﯥﯦﯧﯨ ﯩ ​

Biz küfrü günahkarların qəlbinə belə salarıq.

Verse 201

ﯪﯫﯬﯭﯮﯯﯰ ﯱ ​

Onlar ağrılı-acılı əzabı görməyənədək ona inanmazlar.

Verse 202

ﯲﯳﯴﯵﯶ ﯷ ​

O əzab onlara özləri də hiss etmədən qəflətən gələcəkdir.

Verse 203

ﯸﯹﯺﯻ ﯼ ​

Onlar deyəcəklər: “Bizə möhlət veriləcəkmi?”

Verse 204

ﯽﯾ ﯿ ​

Yenədəmi əzabımızın tez gəlməsini istəyirlər?

Verse 205

ﰀﰁﰂﰃ ﰄ ​

Bilirsənmi, əgər onlara illərcə firavanlıq nəsib etsək,

Verse 206

ﰅﰆﰇﰈﰉ ﰊ ​

sonra vəd olunduqları əzab onlara yetişsə,

Verse 207

ﭑﭒﭓﭔﭕﭖ ﭗ ​

onlara nəsib olmuş firavanlıq əzabımızı onlardan dəf edə bilməz.

Verse 208

ﭘﭙﭚﭛﭜﭝﭞ ﭟ ​

Biz heç bir kəndi onu xəbərdar edənlər olmadan məhv etmədik.

Verse 209

ﭠﭡﭢﭣ ﭤ ​

Xəbərdar edənləri də öyüd-nəsihət vermək üçün göndərdik. Biz əsla zalım olmamışıq!

Verse 210

ﭥﭦﭧﭨ ﭩ ​

Quranı şeytanlar endirmədi.

Verse 211

ﭪﭫﭬﭭﭮ ﭯ ​

Onlar buna layiq deyildirlər və bunu bacara da bilməzlər.

Verse 212

ﭰﭱﭲﭳ ﭴ ​

Çünki onlar vəhyə qulaq asmaqdan kənar edilmişdilər.

Verse 213

ﭵﭶﭷﭸﭹﭺﭻﭼﭽ ﭾ ​

Odur ki, Allahla yanaşı başqa bir məbuda ibadət etmə, yoxsa əzaba düçar edilənlərdən olarsan.

Verse 214

ﭿﮀﮁ ﮂ ​

Ən yaxın qohumlarını qorxut!

Verse 215

ﮃﮄﮅﮆﮇﮈ ﮉ ​

Sənə tabe olan möminləri qanadının altına al (onlara qarşı təvazökar ol)!

Verse 216

ﮊﮋﮌﮍﮎﮏﮐ ﮑ ​

Əgər onlar sənə asi olsalar, de: “Şübhəsiz ki, mən sizin etdiyiniz əməllərdən uzağam!”

Verse 217

ﮒﮓﮔﮕ ﮖ ​

Qüdrətli və Rəhmli olana təvəkkül et!

Verse 218

ﮗﮘﮙﮚ ﮛ ​

O səni namaza duranda da görür,

Verse 219

ﮜﮝﮞ ﮟ ​

səcdə edənlər içində hərəkət edəndə də.

Verse 220

ﮠﮡﮢﮣ ﮤ ​

Həqiqətən də, O, Eşidəndir, Biləndir!

Verse 221

ﮥﮦﮧﮨﮩﮪ ﮫ ​

Şeytanların kimə nazil olduqlarını sizə xəbər verimmi?

Verse 222

ﮬﮭﮮﮯﮰ ﮱ ​

Onlar hər bir yalançıya və günahkara nazil olarlar.

Verse 223

ﯓﯔﯕﯖ ﯗ ​

Şeytanlar vəhydən eşitdiklərini kahinlərə təlqin edirlər. Halbuki onların əksəriyyəti yalançıdır!

Verse 224

ﯘﯙﯚ ﯛ ​

Şairlərə gəldikdə isə, onlara ancaq azğınlar uyar.

Verse 225

ﯜﯝﯞﯟﯠﯡﯢ ﯣ ​

Məgər görmürsənmi ki, onlar hər vadidə veyl-veyl gəzir (hər mövzuda şer uydurur)

Verse 226

ﯤﯥﯦﯧﯨ ﯩ ​

və etmədikləri şeylərə aid söhbət açırlar?

Verse 227

ﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺﯻﯼﯽ ﯾ ​

Təkcə iman sahibi olub xeyirxah əməllər edən, Allahı tez-tez yada salan və haqsızlığa məruz qaldıqdan sonra dini müdafiə edənlərdən başqa. Zalımlar isə qayıdacaqları yeri mütləq biləcəklər.