ﯷ

ترجمة معاني سورة المدّثر باللغة ماراناو من كتاب Maranao - Maranao translation .

ﰡ

ﮪﮫ ﰀ​


Hay (Nabi a) khokolob!
ﮭﮮ ﰁ​

Pamayandg ka na, go ka pamakaiktiyar!
ﮰﮱ ﰂ​

Go so Kadnan ka na zlaslaang ka!
ﯔﯕ ﰃ​

Go so nditarn ka na sotiyang ka!
ﯗﯘ ﰄ​

Go so marzik na pakawataning ka!
ﯚﯛﯜ ﰅ​

Go di ka phammgay sa pantag sa kaplaba!
ﯞﯟ ﰆ​

Go makapantag ko Kadnan ka na thigr ka!
ﯡﯢﯣﯤ ﰇ​

Na amay ka iyopn so sanggakala,
ﯦﯧﯨﯩ ﰈ​

Na giyoto man sa alongan oto i alongan a margn,
ﯫﯬﯭﯮ ﰉ​

Sii ko miyamangongkir, kna a ba malbod.
ﯰﯱﯲﯳ ﰊ​

Botawani Akong ka, ago so taw a inadn Ko a tawantawan!
ﯵﯶﯷﯸ ﰋ​

Go singgayan Ko sa bagian iyan a tamok a madakl,
ﯺﯻ ﰌ​

Go manga wata a khipakamamasa,
ﯽﯾﯿ ﰍ​

Go piyakapangondaya Akn on sa samporna a kapangondaya
ﰁﰂﰃﰄ ﰎ​

Oriyan iyan na maiinam iyan a kawmani Ko ron.
ﰆﰇﰈﰉﰊﰋ ﰏ​

Di dn oto; ka mataan! skaniyan na miyabaloy sii ko manga ayat Ami a somasangka!
ﰍﰎ ﰐ​

Ipaliyogat Akn on so kapanakdg!
ﰐﰑﰒ ﰑ​

Mataan! a skaniyan ni miyamimikiran go mithakdir,
ﭑﭒﭓ ﰒ​

Na pimorkaan, andamanaya i kiyathakdir iyan!
ﭕﭖﭗﭘ ﰓ​

Oriyan iyan na pimorkaan andamanaya i kiyathakdir iyan!
ﭚﭛ ﰔ​

Oriyan iyan na miyangilaylay,
ﭝﭞﭟ ﰕ​

Oriyan iyan na miyakarimng, go komirs;
ﭡﭢﭣ ﰖ​

Oriyan iyan na tomiyalilkhod go miyanakabor;
ﭥﭦﭧﭨﭩﭪ ﰗ​

Na pitharo iyan a: "Da ko ungkaya inonta na balik mata, gii mithatanana;
ﭬﭭﭮﭯﭰ ﰘ​

"Da ko ungkaya inonta katharo o manosiya!"
ﭲﭳ ﰙ​

Pakasoldn Ko skaniyan ko naraka Sakar!
ﭵﭶﭷﭸ ﰚ​

Na antawaa i miyakandao rka o antonaa i naraka Sakar?
ﭺﭻﭼﭽ ﰛ​

A da a plambaan iyan, go da a imbagak iyan!
ﭿﮀ ﰜ​

Pthotong ko kobal! -
ﮂﮃﮄ ﰝ​

Katatagoan sa sapolo ago siyaw (a malaikat).
ﮆﮇﮈﮉﮊﮋﮌﮍﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚﯛﯜﯝﯞﯟﯠﯡﯢﯣ ﰞ​

Na da a tindo Ami a khitotonggo ko naraka a rowar ko manga malaikat; go da a kiyatndo Ami ko itongan iran a rowar sa tpng ko siran a miyamangongkir; ka an makatangkd so piyamgan ko kitab, go an makapagoman so miyamaratiyaya sa paratiyaya, go an di kapaparampangi so piyamgan ko kitab ago so miyamaratiyaya, go an matharo o siran a kiyatagoan so manga poso iran sa gdamn ago so miyamangongkir a: "Antonaa i piyakaantapan o Allah sangkai a ibarat?" Lagid man oto a kandadaga o Allah ko taw a kabaya Iyan, go kathoroa Niyan ko taw a kabaya Iyan: Na da a matao ko manga tantara o Kadnan ka inonta Skaniyan. Na da a salakaw saya a rowar sa pananadm a rk o manosiya.
ﯥﯦ ﰟ​

Di dn: Ibt ko olan,
ﯨﯩﯪ ﰠ​

Go so gagawii igira a khaypos,
ﯬﯭﯮ ﰡ​

Go so khapita igira a mliwanag,
ﯰﯱﯲ ﰢ​

Mataan aya! a titho a isa a mala,
ﯴﯵ ﰣ​

A ipphamakaiktiyar ko manosiya,
ﯷﯸﯹﯺﯻﯼﯽ ﰤ​

Sii ko taw a khabaya rkano mangonakona, odi na pphapakawri.
ﯿﰀﰁﰂﰃ ﰥ​

Oman i ginawa na sanda ko pinggalbk iyan;
ﰅﰆﰇ ﰦ​

Inonta so manga taw ko kawanan,
ﰉﰊﰋ ﰧ​

Ka sii ko manga sorga, gi iran pamagizai iyan,
ﰍﰎ ﰨ​

So manga baradosa:
ﰐﰑﰒﰓ ﰩ​

"Ino kano phakasold ko naraka Sakar?"
ﰕﰖﰗﰘﰙ ﰪ​

Ismbag iran: "Da kami mabaloy a pd ko manga barasambayang,
ﰛﰜﰝﰞ ﰫ​

"Go da kami mabaloy a pphamgay sa pangn´ngkn ko miskin,
ﰠﰡﰢﰣ ﰬ​

"Go miyabaloy kami a pphamrak, a pd o pphamamrak,
ﰥﰦﰧﰨ ﰭ​

"Go miyabaloy kami a gii ami pakambokhagn so alongan a kapamalas,
ﰪﰫﰬ ﰮ​

"Taman sa miyakatalingoma rkami so kapakatangkd (a giyoto so kapatay)."
ﭑﭒﭓﭔ ﰯ​

Na di kiran makanggay a gona so sapaat o pphamanapaat.
ﭖﭗﭘﭙﭚ ﰰ​

Na antonaa i mapmbagian iran sa katatalikhod iran ko pananadm?
ﭜﭝﭞ ﰱ​

Lagid o ba siran manga kimar a pphamalagoy,
ﭠﭡﭢ ﰲ​

A piyalagoyan iran so arimaw!
ﭤﭥﭦﭧﭨﭩﭪﭫﭬ ﰳ​

Kna, ka kabaya o oman i isa kiran a kabgan sa manga sorat a makakayat (a phoon ko Allah)!
ﭮﭯﭰﭱﭲﭳ ﰴ​

Di dn oto. Kna, ka di iran ikhalk so akhirat.
ﭵﭶﭷ ﰵ​

Sabnar, a mataan! a giya Qor´an aya! na pananadm:
ﭹﭺﭻ ﰶ​

Na sa taw a khabaya na pananadmn iyan oto!
ﭽﭾﭿﮀﮁﮂﮃﮄﮅﮆﮇﮈ ﰷ​

Na da a phakatadm kiran inonta sa kabaya o Allah: Skaniyan i patot a ikhalk, go patot a phmaap.