Verse 1

ﭑ ﭒ ​

తా - సీన్ - మీమ్.

Verse 2

ﭓﭔﭕﭖ ﭗ ​

ఇవి స్పష్టమైన గ్రంథ సూచనలు (ఆయతులు)

Verse 3

ﭘﭙﭚﭛﭜﭝ ﭞ ​

(ఓ ముహమ్మద్) వారు విశ్వసించలేదనే బాధతో బహుశా నీవు నీ ప్రాణాలే కోల్పోతావేమో!

Verse 4

ﭟﭠﭡﭢﭣﭤﭥﭦﭧﭨﭩ ﭪ ​

మేము కోరితే ఆకాశం నుండి వారిపై ఒక అద్భుత సంకేతాన్ని (ఆయత్ ను) అవతరింపజేసి, దానికి వారి మెడలను నమ్రతతో వంగి పోయేలా చేసేవారము.

Verse 5

ﭫﭬﭭﭮﭯﭰﭱﭲﭳﭴﭵ ﭶ ​

మరియు వారి వద్దకు అనంత కరుణామయుడని వద్ద నుండి క్రొత్త సందేశం వచ్చినప్పుడల్లా, వారు దాని నుండి విముఖులు కాకుండా ఉండలేదు.

Verse 6

ﭷﭸﭹﭺﭻﭼﭽﭾ ﭿ ​

వాస్తవానికి, ఇప్పుడు వారు తిరస్కరించారు, కాని త్వరలోనే వారు ఎగతాళి చేస్తూ వచ్చిన దాని యథార్థమేమిటో వారికి తెలిసిపోతుంది.

Verse 7

ﮀﮁﮂﮃﮄﮅﮆﮇﮈﮉﮊ ﮋ ​

ఏమీ? వారు భూమి వైపు చూడలేదా? మేము దానిలో ఎంత పుష్కలంగా శ్రేష్ఠమైన రకరకాల (జీవరాసుల్ని) పుట్టించామో?

Verse 8

ﮌﮍﮎﮏﮐﮑﮒﮓﮔ ﮕ ​

నిశ్చయంగా, ఇందులో ఒక సూచన ఉంది. అయినా వారిలో చాలా మంది విశ్వసించడం లేదు.

Verse 9

ﮖﮗﮘﮙﮚ ﮛ ​

మరియు నిశ్చయంగా, నీ ప్రభువు కేవలం ఆయనే, సర్వశక్తిమంతుడు, అపార కరుణా ప్రదాత.

Verse 10

ﮜﮝﮞﮟﮠﮡﮢﮣ ﮤ ​

మరియు నీ ప్రభువు మూసాను ఇలా ఆదేశించిన విషయాన్ని వారికి జ్ఞాపకం చేయించు: "దుర్మార్గులైన జాతి ప్రజల వద్దకు వెళ్ళు;

Verse 11

ﮥﮦﮧﮨﮩ ﮪ ​

ఫిర్ఔన్ జాతివారి వద్దకు. ఏమీ? వారికి దైవభీతి లేదా?"

Verse 12

ﮫﮬﮭﮮﮯﮰ ﮱ ​

(మూసా) అన్నాడు: "ఓ నా ప్రభూ! వారు నన్ను అసత్యవంతుడవని తిరస్కరిస్తారేమోనని నేను భయపడుతున్నాను.

Verse 13

ﯓﯔﯕﯖﯗﯘﯙﯚ ﯛ ​

నా హృదయం కుంచించుకు పోతోంది మరియు నా నాలుక తడబడుతోంది, కావున నీవు హారూన్ వద్దకు కూడా (వహీ) పంపు.

Verse 14

ﯜﯝﯞﯟﯠﯡ ﯢ ​

మరియు వారి దగ్గర నా మీద ఒక నేరం మోపబడి ఉన్నది, కావున వారు నన్ను చంపుతారేమోనని భయపడుతున్నాను."

Verse 15

ﯣﯤﯥﯦﯧﯨﯩﯪﯫ ﯬ ​

(అల్లాహ్) సెలవిచ్చాడు: "అట్లు కానేరదు! మీరిద్దరూ మా సూచనలతో వెళ్ళండి. నిశ్చయంగా, మేము కూడా మీతో పాటు ఉండి సర్వమూ వింటూ ఉంటాము.

Verse 16

ﯭﯮﯯﯰﯱﯲﯳ ﯴ ​

కావున మీరిద్దరూ ఫిరఔన్ వద్దకు వెళ్ళి అనండి: "నిశ్చయంగా, మేము సర్వలోకాల పోషకుని సందేశహరులము.

Verse 17

ﯵﯶﯷﯸﯹ ﯺ ​

కావున ఇస్రాయీల్ సంతతి వారిని మా వెంట పోనివ్వు."

Verse 18

ﯻﯼﯽﯾﯿﰀﰁﰂﰃﰄ ﰅ ​

(ఫిర్ఔన్) అన్నాడు: "ఏమీ? మేము నిన్ను బాల్యంలో మాతో పాటు పోషించలేదా? మరియు నీవు నీ వయస్సులోని అనేక సంవత్సరాలు మాతో పాటు గడిపావు కదా!

Verse 19

ﰆﰇﰈﰉﰊﰋﰌ ﰍ ​

అయినా నీవు హీనమైన ఆ పని చేశావు, కావున నీవు కృతఘ్నులలోని వాడవు!"

Verse 20

ﭑﭒﭓﭔﭕﭖ ﭗ ​

(మూసా) అన్నాడు: "నేను పొరపాటుగా ఆ పని చేశాను!

Verse 21

ﭘﭙﭚﭛﭜﭝﭞﭟﭠﭡﭢ ﭣ ​

ఆ పిదప మీకు భయపడి పారిపోయాను, కాని ఆ తరువాత నా ప్రభువు నాకు వివేకాన్ని ప్రసాదించి, నన్ను సందేశహరులలో చేర్చుకున్నాడు.

Verse 22

ﭤﭥﭦﭧﭨﭩﭪﭫ ﭬ ​

ఇక నీవు నాకు చేసిన ఆ ఉపకారానికి నన్ను ఎత్తి పొడిస్తే! నీవు మాత్రం ఇస్రాయీల్ సంతతి వారినంతా బానిసలుగా చేసుకున్నావు కదా!"

Verse 23

ﭭﭮﭯﭰﭱ ﭲ ​

(ఫిర్ఆన్) అడిగాడు: "అయితే ఈ సర్వలోకాల ప్రభువు అంటే ఏమిటి?"

Verse 24

ﭳﭴﭵﭶﭷﭸﭹﭺﭻﭼ ﭽ ​

(మూసా) జవాబిచ్చాడు: "మీరు నమ్మేవారే అయితే! ఆయనే ఆకాశాలకూ మరియు భూమికీ మరియు వాటి మధ్య ఉన్న సమస్తానికీ ప్రభువు!"

Verse 25

ﭾﭿﮀﮁﮂ ﮃ ​

(ఫిర్ఔన్) తన చుట్టూ ఉన్న వారితో: "ఏమీ? మీరు వింటున్నారా?" అని ప్రశ్నించాడు.

Verse 26

ﮄﮅﮆﮇﮈ ﮉ ​

(మూసా) అన్నాడు: "ఆయన (అల్లాహ్) మీ ప్రభువు మరియు మీ పూర్వీకులైన మీ తాతముత్తాతల ప్రభువు కూడానూ!"

Verse 27

ﮊﮋﮌﮍﮎﮏﮐ ﮑ ​

(ఫిర్ఔన్) అన్నాడు: "మీ వద్దకు పంపబడిన మీ ఈ సందేశహరుడు నిశ్చయంగా పిచ్చివాడే!"

Verse 28

ﮒﮓﮔﮕﮖﮗﮘﮙﮚﮛ ﮜ ​

(మూసా) అన్నాడు: "మీరు అర్థం చేసుకోగలిగితే! ఆయనే తూర్పూ పడమరలకూ మరియు వాటి మధ్య ఉన్న సమస్తానికీ ప్రభువు."

Verse 29

ﮝﮞﮟﮠﮡﮢﮣﮤ ﮥ ​

(ఫిర్ఔన్) అన్నాడు: "నీవు నన్ను కాదని మరెవరినైనా ఆరాధ్య దైవంగా చేసుకుంటే నేను నిన్ను చెరసాలలో ఉన్నవారితో చేర్చుతాను."

Verse 30

ﮦﮧﮨﮩﮪ ﮫ ​

(మూసా) అన్నాడు: "ఏమీ? నేను నీ వద్దకు ఒక స్పష్టమైన విషయాన్ని (సత్యాన్ని) తీసుకువచ్చిన తరువాత కూడానా?"

Verse 31

ﮬﮭﮮﮯﮰﮱﯓ ﯔ ​

(ఫిర్ఔన్) అన్నాడు: "నీవు సత్యవంతుడవే అయితే దానిని (ఆ అద్భుత సూచనను) చూపు!"

Verse 32

ﯕﯖﯗﯘﯙﯚ ﯛ ​

అప్పుడు (మూసా) తన చేతి కర్రను పడవేయగానే, అది ఒక స్పష్టమైన పెద్ద సర్పంగా మారిపోయింది.

Verse 33

ﯜﯝﯞﯟﯠﯡ ﯢ ​

తరువాత అతను (మూసా) తన చేతిని (చంక నుండి) వెలుపలికి తీయగానే, అది చూసేవారి యెదుట తెల్లగా ప్రకాశించసాగింది!

Verse 34

ﯣﯤﯥﯦﯧﯨﯩ ﯪ ​

(ఫిర్ఔన్) తన చుట్టూ ఉన్న నాయకులతో అన్నాడు: "నిశ్చయంగా, ఇతనొక నేర్పు గల మాంత్రికుడు.

Verse 35

ﯫﯬﯭﯮﯯﯰﯱﯲ ﯳ ​

ఇతను తన మంత్రజాలంతో మిమ్మల్ని మీ దేశం నుండి తరుమ గోరుతున్నాడు, అయితే మీ సలహా ఏమిటి?"

Verse 36

ﯴﯵﯶﯷﯸﯹﯺ ﯻ ​

వారన్నారు: "అతనిని మరియు అతని సోదరుణ్ణి ఆపి ఉంచు మరియు (మంత్రగాళ్ళను) సమావేశ పరచటానికి అన్ని నగరాలకు వార్తాహరులను పంపు;

Verse 37

ﯼﯽﯾﯿ ﰀ ​

వారు నీ వద్దకు నేర్పుగల ప్రతి మాంత్రికుణ్ణి తెస్తారు."

Verse 38

ﰁﰂﰃﰄﰅ ﰆ ​

ఈ విధంగా ఒక నియమిత రోజున ఒక నియమిత ప్రదేశంలో మాంత్రికులంతా సమావేశ పరచబడ్డారు.

Verse 39

ﰇﰈﰉﰊﰋ ﰌ ​

మరియు ప్రజలతో ఇలా ప్రశ్నించడం జరిగింది: "ఏమీ? మీరంతా సమావేశమయ్యారా?

Verse 40

ﭑﭒﭓﭔﭕﭖﭗ ﭘ ​

ఒకవేళ మాంత్రికులు గెలుపొందితే మనమంతా వారిని అనుసరించాలి కదా!"

Verse 41

ﭙﭚﭛﭜﭝﭞﭟﭠﭡﭢﭣﭤ ﭥ ​

మాంత్రికులు వచ్చిన తరువాత ఫిర్ఔన్ తో అన్నారు: "మేము గెలుపొందితే నిశ్చయంగా మాకు బహుమాన ముంది కదా?"

Verse 42

ﭦﭧﭨﭩﭪﭫ ﭬ ​

(ఫిర్ఔన్) అన్నాడు: "అవును! నిశ్చయంగా, అప్పుడు మీరు నా సన్నిహితులలో చేరుతారు!"

Verse 43

ﭭﭮﭯﭰﭱﭲﭳ ﭴ ​

మూసా వారితో అన్నాడు: "మీరు విసర దలుచుకున్న దానిని విసరండి!"

Verse 44

ﭵﭶﭷﭸﭹﭺﭻﭼﭽ ﭾ ​

అప్పుడు వారు తమ త్రాళ్ళను మరియు తమ కర్రలను విసిరి ఇలా అన్నారు: "ఫిర్ఔన్ శక్తి సాక్షిగా! నిశ్చయంగా మేమే విజయం పొందుతాము."

Verse 45

ﭿﮀﮁﮂﮃﮄﮅﮆ ﮇ ​

ఆ తరువాత మూసా తన కర్రను పడవేయగా, తక్షణమే అది వారి బూటకపు కల్పనలను మ్రింగి వేసింది.

Verse 46

ﮈﮉﮊ ﮋ ​

అప్పుడు ఆ మాంత్రికులు సజ్దాలో పడ్డారు.

Verse 47

ﮌﮍﮎﮏ ﮐ ​

వారన్నారు: "మేము సర్వలోకాల ప్రభువును విశ్వసిస్తున్నాము,

Verse 48

ﮑﮒﮓ ﮔ ​

మూసా మరియు హారూన్ ల ప్రభువును."

Verse 49

ﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨﮩﮪﮫ ﮬ ​

(ఫిర్ఔన్) అన్నాడు: "నేను మీకు అనుమతి ఇవ్వక ముందే మీరు ఇతనిని విశ్వసించారా? నిశ్చయంగా, ఇతడే మీ గురువు, మీకు జాలవిద్యను నేర్పినవాడు. సరే! ఇప్పుడే మీరు తెలుసుకుంటారు. నేను మీ వ్యతిరేక (ప్రతిపక్ష) దిశల చేతులను మరియు కాళ్ళను నరికిస్తాను మరియు మీరందరినీ సిలువపై ఎక్కిస్తాను."

Verse 50

ﮭﮮﮯﮰﮱﯓﯔﯕ ﯖ ​

(మాంత్రికులు) అన్నారు: "బాధ లేదు! నిశ్చయంగా, మేము మా ప్రభువు వద్దకే కదా మరలిపోయేది.

Verse 51

ﯗﯘﯙﯚﯛﯜﯝﯞﯟﯠﯡ ﯢ ​

నిశ్చయంగా, మా ప్రభువు మా పాపాలను క్షమిస్తాడని మేము ఆశిస్తున్నాము, ఎందుకంటే వాస్తవానికి అందరి కంటే ముందుగా విశ్వసించిన వారం మేమే!"

Verse 52

ﯣﯤﯥﯦﯧﯨﯩﯪﯫ ﯬ ​

మరియు మేము మూసాకు ఈ విధంగా దివ్యజ్ఞానం (వహీ) పంపాము: "నీవు నా దాసులను రాత్రివేళ తీసుకొని వెళ్ళిపో నిశ్చయంగా, మీరు వెంబడించబడతారు."

Verse 53

ﯭﯮﯯﯰﯱ ﯲ ​

తరువాత ఫిర్ఔన్ అన్ని పట్టణాలకు వార్తాహరులను పంపాడు.

Verse 54

ﯳﯴﯵﯶ ﯷ ​

(ఇలా ప్రకటన చేయించాడు): "వాస్తవానికి వీరు (ఈ ఇస్రాయీల్ సంతతి వారు) ఒక చిన్న తెగవారు మాత్రమే.

Verse 55

ﯸﯹﯺ ﯻ ​

మరియు నిశ్చయంగా, వారు మాకు చాలా కోపం తెప్పించారు;

Verse 56

ﯼﯽﯾ ﯿ ​

మరియు నిశ్చయంగా, మనం ఐకమత్యంతో ఉండి జాగరూకత చూపేవారము."

Verse 57

ﰀﰁﰂﰃ ﰄ ​

కావున మేము వారిని, తోటల నుండి మరియు చెలమల నుండి వెళ్ళగొట్టాము;

Verse 58

ﰅﰆﰇ ﰈ ​

మరియు కోశాగారాల నుండి మరియు ఉన్నతమైన స్థానాల నుండి కూడా.

Verse 59

ﰉﰊﰋﰌﰍ ﰎ ​

ఈ విధంగా! మేము ఇస్రాయీల్ సంతతి వారిని, వాటికి వారసులుగా చేశాము.

Verse 60

ﰏﰐ ﰑ ​

అప్పుడు (ఫిర్ఔన్ జాతి) వారు సూర్యోదయ కాలమున (ఇస్రాయీల్ సంతతి) వారిని వెంబడించారు.

Verse 61

ﭑﭒﭓﭔﭕﭖﭗﭘ ﭙ ​

ఆ ఇరుపక్షాల వారు ఒకరినొకరు ఎదురు పడినప్పుడు, మూసా అనుచరులు అన్నారు: "నిశ్చయంగా మేము చిక్కి పోయాము!"

Verse 62

ﭚﭛﭜﭝﭞﭟﭠ ﭡ ​

(మూసా అన్నాడు): "అట్లు కానేరదు! నిశ్చయంగా, నా ప్రభువు నాతో ఉన్నాడు. ఆయన నాకు మార్గదర్శకత్వం చేస్తాడు (మార్గము చూపుతాడు)."

Verse 63

ﭢﭣﭤﭥﭦﭧﭨﭩﭪﭫﭬﭭﭮﭯ ﭰ ​

అప్పుడు మేము మూసాకు: "నీ చేతి కర్రతో సముద్రాన్ని కొట్టు!" అని వహీ ద్వారా తెలిపాము. అప్పుడది హటాత్తుగా చీలిపోయింది, దాని ప్రతిభాగం ఒక మహా పర్వతం మాదిరిగా అయిపోయింది.

Verse 64

ﭱﭲﭳ ﭴ ​

మరియు అక్కడికి మేము రెండవ పక్షం వారిని సమీపింప జేశాము.

Verse 65

ﭵﭶﭷﭸﭹ ﭺ ​

మరియు మూసాను మరియు అతనితో పాటు ఉన్నవారిని అందరినీ రక్షించాము.

Verse 66

ﭻﭼﭽ ﭾ ​

ఆ తరువాత మిగతా వారినందరినీ ముంచి వేశాము.

Verse 67

ﭿﮀﮁﮂﮃﮄﮅﮆﮇ ﮈ ​

నిశ్చయంగా, ఇందులో ఒక సూచన ఉంది. అయినా వారిలో చాలా మంది విశ్వసించటం లేదు.

Verse 68

ﮉﮊﮋﮌﮍ ﮎ ​

మరియు నిశ్చయంగా, నీ ప్రభువు కేవలం ఆయనే, సర్వశక్తిసంపన్నుడు, అపార కరుణా ప్రదాత.

Verse 69

ﮏﮐﮑﮒ ﮓ ​

ఇక వారికి ఇబ్రాహీమ్ గాథను వినిపించు.

Verse 70

ﮔﮕﮖﮗﮘﮙ ﮚ ​

అతను తన తండ్రితో మరియు తన జాతి వారితో: "మీరెవరిని ఆరాధిస్తున్నారు?" అని అడిగినపుడు;

Verse 71

ﮛﮜﮝﮞﮟﮠ ﮡ ​

వారన్నారు: "మేము విగ్రహాలను ఆరాధిస్తున్నాము మరియు మేము వాటికే ఎల్లప్పుడు భక్తులమై ఉంటాము."

Verse 72

ﮢﮣﮤﮥﮦ ﮧ ​

(ఇబ్రాహీమ్) అన్నాడు: "మీరు వీటిని పిలిచినప్పుడు ఇవి మీ మొర ఆలకిస్తాయా?

Verse 73

ﮨﮩﮪﮫ ﮬ ​

లేదా, మీకేమైనా మేలు చేయగలవా? లేదా హాని చేయగలవా?"

Verse 74

ﮭﮮﮯﮰﮱﯓ ﯔ ​

వారన్నారు: "అలా కాదు! మేము మా తండ్రితాతలను ఇలా చేస్తూ ఉండగా చూశాము."

Verse 75

ﯕﯖﯗﯘﯙ ﯚ ​

అతను అన్నాడు: "ఏమీ? మీరు ఎప్పుడైనా ఆలోచించారా? మీరెవరిని ఆరాధిస్తున్నారో?

Verse 76

ﯛﯜﯝ ﯞ ​

మీరు గానీ మరియు మీ పూర్వీకులైన మీ తాతముత్తాతలు గానీ (ఆలోచించారా)?

Verse 77

ﯟﯠﯡﯢﯣﯤ ﯥ ​

ఎందుకంటే! నిశ్చయంగా, ఇవన్నీ నా శత్రువులే! కేవలం ఆ సర్వలోకాల ప్రభువు తప్ప!

Verse 78

ﯦﯧﯨﯩ ﯪ ​

ఆయనే నన్ను సృష్టించాడు. కాబట్టి ఆయనే నాకు మార్గదర్శకత్వం చేస్తాడు.

Verse 79

ﯫﯬﯭﯮ ﯯ ​

ఆయనే నాకు తినిపించేవాడు మరియు త్రాగించేవాడు.

Verse 80

ﯰﯱﯲﯳ ﯴ ​

మరియు నేను వ్యాధిగ్రస్తుడనైతే, ఆయనే నాకు స్వస్థత నిచ్చేవాడు.

Verse 81

ﯵﯶﯷﯸ ﯹ ​

మరియు ఆయనే నన్ను మరణింపజేసేవాడు, తరువాత మళ్ళీ బ్రతికింపజేసేవాడు.

Verse 82

ﯺﯻﯼﯽﯾﯿﰀﰁ ﰂ ​

మరియు ఆయనే తీర్పుదినమున నా తప్పులను క్షమిస్తాడని మేము ఆశిస్తున్నాను.

Verse 83

ﰃﰄﰅﰆﰇﰈ ﰉ ​

మరియు ఓ నా ఫ్రభూ! నాకు వివేకాన్ని ప్రసాదించు మరియు నన్ను సద్వర్తనులలో కలుపు.

Verse 84

ﭑﭒﭓﭔﭕﭖ ﭗ ​

మరియు తరువాత వచ్చే తరాల వారిలో నాకు మంచి పేరును ప్రసాదించు.

Verse 85

ﭘﭙﭚﭛﭜ ﭝ ​

మరియు సర్వసుఖాల స్వర్గానికి వారసులయ్యేవారిలో నన్ను చేర్చు.

Verse 86

ﭞﭟﭠﭡﭢﭣ ﭤ ​

మరియు నా తండ్రిని క్షమించు. నిశ్చయంగా, అతడు మార్గభ్రష్టులలోని వాడే!

Verse 87

ﭥﭦﭧﭨ ﭩ ​

మరియు అందరూ తిరిగి బ్రతికింపబడే రోజు నన్ను అవమానం పాల చేయకు.

Verse 88

ﭪﭫﭬﭭﭮﭯ ﭰ ​

ఏ రోజునైతే ధనసంపత్తులు గానీ, సంతానం గానీ పనికిరావో!

Verse 89

ﭱﭲﭳﭴﭵﭶ ﭷ ​

కేవలం నిర్మలమైన హృదయంతో అల్లాహ్ సన్నిధిలో హాజరయ్యేవాడు తప్ప!"

Verse 90

ﭸﭹﭺ ﭻ ​

మరియు (ఆ రోజు) స్వర్గం దైవభీతి గలవారి దగ్గరకు తీసుకు రాబడుతుంది.

Verse 91

ﭼﭽﭾ ﭿ ​

మరియు నరకం మార్గం తప్పిన వారి ముందు పెట్టబడుతుంది.

Verse 92

ﮀﮁﮂﮃﮄﮅ ﮆ ​

మరియు వారితో అనబడుతుంది: "మీరు ఆరాధించేవారు (ఆ దైవాలు) ఇప్పుడు ఎక్కడున్నారు?

Verse 93

ﮇﮈﮉﮊﮋﮌﮍ ﮎ ​

అల్లాహ్ ను వదలి (మీరు వాటిని ఆరాధించారు కదా!) ఏమీ? వారు మీకు సహాయం చేయగలరా? లేదా తమకు తామైనా సహాయం చేసుకోగలరా?"

Verse 94

ﮏﮐﮑﮒ ﮓ ​

అప్పుడు వారు మరియు (వారిని) మార్గం తప్పించిన వారు, అందు (నరకం) లోకి విసిరివేయబడతారు.

Verse 95

ﮔﮕﮖ ﮗ ​

మరియు వారితో బాటు ఇబ్లీస్ సైనికులందరూ.

Verse 96

ﮘﮙﮚﮛ ﮜ ​

వారు పరస్పరం వాదించుకుంటూ ఇలా అంటారు:

Verse 97

ﮝﮞﮟﮠﮡﮢ ﮣ ​

"అల్లాహ్ సాక్షిగా! మేము స్పష్టమైన మార్గభ్రష్టత్వంలో పడి ఉన్నాము.

Verse 98

ﮤﮥﮦﮧ ﮨ ​

ఎప్పుడైతే మేము మిమ్మల్ని సర్వలోకాల ప్రభువుతో సమానులుగా చేశామో!

Verse 99

ﮩﮪﮫﮬ ﮭ ​

మరియు మమ్మల్ని మార్గభ్రష్టులుగా చేసింది కేవలం ఈ అపరాధులే.

Verse 100

ﮮﮯﮰﮱ ﯓ ​

మాకిప్పుడు సిఫారసు చేసేవారు ఎవ్వరూ లేరు.

Verse 101

ﯔﯕﯖ ﯗ ​

మరియు ఏ ప్రాణ స్నేహితుడు కూడా లేడు.

Verse 102

ﯘﯙﯚﯛﯜﯝﯞ ﯟ ​

ఒకవేళ మళ్ళీ మరలిపోయే అవకాశం మాకు దొరికి ఉంటే, మేము తప్పకుండా విశ్వసించిన వారిలో చేరిపోతాము!"

Verse 103

ﯠﯡﯢﯣﯤﯥﯦﯧﯨ ﯩ ​

నిశ్చయంగా, ఇందులో ఒక సూచన ఉంది. అయినా వారిలో చాలా మంది విశ్వసించటం లేదు.

Verse 104

ﯪﯫﯬﯭﯮ ﯯ ​

మరియు నిశ్చయంగా, నీ ప్రభువు కేవలం ఆయనే, సర్వశక్తిమంతుడు, అపార కరుణా ప్రదాత.

Verse 105

ﯰﯱﯲﯳ ﯴ ​

నూహ్ జాతి, సందేశహరులను అసత్యవాదులని తిరస్కరించింది.

Verse 106

ﯵﯶﯷﯸﯹﯺﯻ ﯼ ​

వారి సహోదరుడు నూహ్ వారితో ఇలా అన్నప్పుడు: "ఏమీ? మీకు దైవభీతి లేదా?

Verse 107

ﯽﯾﯿﰀ ﰁ ​

నిశ్చయంగా, నేను మీ వద్దకు పంపబడిన విశ్వసనీయుడైన సందేశహరుడను.

Verse 108

ﰂﰃﰄ ﰅ ​

కావున మీరు అల్లాహ్ యందు భయభక్తులు కలిగి ఉండండి మరియు నన్ను అనుసరించండి.

Verse 109

ﰆﰇﰈﰉﰊﰋﰌﰍﰎﰏﰐﰑ ﰒ ​

నేను దాని కొరకు మీ నుండి ఎలాంటి ప్రతిఫలాన్ని అడగటం లేదు. నా ప్రతిఫలం కేవలం సర్వలోకాల ప్రభువు వద్దనే ఉన్నది.

Verse 110

ﰓﰔﰕ ﰖ ​

కావున మీరు అల్లాహ్ యందు భయభక్తులు కలిగి ఉండండి మరియు నన్ను అనుసరించండి.

Verse 111

ﰗﰘﰙﰚﰛﰜ ﰝ ​

వారన్నారు: "ఏమీ? మేము నిన్ను విశ్వసించాలా? నిన్ను కేవలం అధములైన వారే కదా అనుసరిస్తున్నది?"

Verse 112

ﭑﭒﭓﭔﭕﭖ ﭗ ​

(నూహ్) అన్నాడు: "వారేమి (పనులు) చేస్తూ ఉండేవారో నాకేం తెలుసు?

Verse 113

ﭘﭙﭚﭛﭜﭝﭞﭟ ﭠ ​

వారి లెక్క కేవలం నా ప్రభువు వద్ద ఉంది. మీరిది అర్థం చేసుకుంటే ఎంత బాగుండేది.

Verse 114

ﭡﭢﭣﭤ ﭥ ​

మరియు నేను విశ్వసించే వారిని ధిక్కరించే వాడను కాను.

Verse 115

ﭦﭧﭨﭩﭪ ﭫ ​

నేను కేవలం స్పష్టంగా హెచ్చరిక చేసేవాడను మాత్రమే!"

Verse 116

ﭬﭭﭮﭯﭰﭱﭲﭳ ﭴ ​

వారన్నారు: "ఓ నూహ్! నీవు దీనిని మానుకోకపోతే, నీవు తప్పక రాళ్ళు రువ్వి చంపబడతావు."

Verse 117

ﭵﭶﭷﭸﭹ ﭺ ​

(నూహ్) అన్నాడు: "ఓ నా ప్రభూ! నా జాతి ప్రజలు నన్ను అసత్యుడవని తిరస్కరిస్తున్నారు.

Verse 118

ﭻﭼﭽﭾﭿﮀﮁﮂﮃ ﮄ ​

కావున నీవే నాకూ మరియు వారికీ మధ్య తీర్పు చేయి. మరియు నన్నూ మరియు నాతో పాటు ఉన్న విశ్వాసులనూ కాపాడు."

Verse 119

ﮅﮆﮇﮈﮉﮊ ﮋ ​

ఆ పిదప మేము అతనిని మరియు అతనితో పాట నిండునావలో ఎక్కి ఉన్న వారినందరినీ కాపాడాము.

Verse 120

ﮌﮍﮎﮏ ﮐ ​

ఆ తరువాత మిగతా వారినందరినీ ముంచి వేశాము.

Verse 121

ﮑﮒﮓﮔﮕﮖﮗﮘﮙ ﮚ ​

నిశ్చయంగా, ఇందులో ఒక సూచన ఉంది. అయినా వారిలో చాలా మంది విశ్వసించడం లేదు.

Verse 122

ﮛﮜﮝﮞﮟ ﮠ ​

నిశ్చయంగా, నీ ప్రభువు కేవలం ఆయనే, సర్వశక్తిమంతుడు, అపార కరుణా ప్రదాత.

Verse 123

ﮡﮢﮣ ﮤ ​

ఆద్ జాతి, సందేశహరులను అసత్యవాదులని తిరస్కరించింది.

Verse 124

ﮥﮦﮧﮨﮩﮪﮫ ﮬ ​

వారి సహోదరుడు హూద్ వారితో ఇలా అన్నప్పుడు: "ఏమీ? మీకు దైవభీతి లేదా?

Verse 125

ﮭﮮﮯﮰ ﮱ ​

నిశ్చయంగా, నేను మీ వద్దకు పంపబడిన విశ్వసనీయుడైన సందేశహరుడను.

Verse 126

ﯓﯔﯕ ﯖ ​

కావున మీరు అల్లాహ్ యందు భయభక్తులు కలిగి ఉండండి మరియు నన్ను అనుసరించండి.

Verse 127

ﯗﯘﯙﯚﯛﯜﯝﯞﯟﯠﯡﯢ ﯣ ​

నేను దాని కొరకు మీ నుండి ఎలాంటి ప్రతిఫలాన్ని అడగటం లేదు. నా ప్రతిఫలం కేవలం సర్వలోకాల ప్రభువు వద్దనే ఉన్నది.

Verse 128

ﯤﯥﯦﯧﯨ ﯩ ​

ఏమీ? మీరు కేవలం ఆడంబరానికి ప్రతి ఎత్తైన స్థలం మీద ఒక స్మారకాన్ని నిర్మిస్తారా?

Verse 129

ﯪﯫﯬﯭ ﯮ ​

మరియు మీరు శాశ్వతంగా ఇక్కడే ఉండిపోతారన్నట్లు పెద్దపెద్ద కోటలు కడతారా?

Verse 130

ﯯﯰﯱﯲ ﯳ ​

మరియు మీరు ఎవరినైనా పట్టుకుంటే, అతి క్రూరులై పట్టుకుంటారా?

Verse 131

ﯴﯵﯶ ﯷ ​

ఇకనైన మీరు అల్లాహ్ యందు భయభక్తులు కలిగి ఉండండి మరియు నన్ను అనుసరించండి.

Verse 132

ﯸﯹﯺﯻﯼ ﯽ ​

మరియు మీకు తెలిసివున్న (మంచి) వస్తువులను, మీకు విస్తారంగా ఇచ్చిన ఆయన (అల్లాహ్) యందు భయభక్తులు కలిగి ఉండండి.

Verse 133

ﯾﯿﰀ ﰁ ​

ఆయన విస్తారంగా మీకు పశువులను మరియు సంతానాన్ని అనుగ్రహించాడు.

Verse 134

ﰂﰃ ﰄ ​

మరియు తోటలను మరియు చెలమలను.

Verse 135

ﰅﰆﰇﰈﰉﰊ ﰋ ​

నిశ్చయంగా, మీపై ఒక మహా దినమున (పడబోయే) శిక్షకు నేను భయపడుతున్నాను!"

Verse 136

ﰌﰍﰎﰏﰐﰑﰒﰓﰔ ﰕ ​

వారన్నారు: "నీవు ఉపదేశించినా, ఉపదేశించక పోయినా మాకు అంతా సమానమే!

Verse 137

ﭑﭒﭓﭔﭕ ﭖ ​

ఇది మా పూర్వీకుల యొక్క ప్రాచీన ఆచారమే!

Verse 138

ﭗﭘﭙ ﭚ ​

మరియు మాకు ఎలాంటి శిక్ష విధించబడదు."

Verse 139

ﭛﭜﭝﭞﭟﭠﭡﭢﭣﭤﭥﭦ ﭧ ​

ఈ విధంగా, వారు అతనిని అసత్యవాదుడని తిరస్కరించారు. కావున మేము వారిని నశింపజేశాము. నిశ్చయంగా ఇందులో ఒక సూచన ఉంది. అయినా వారిలో చాలా మంది విశ్వసించటం లేదు.

Verse 140

ﭨﭩﭪﭫﭬ ﭭ ​

నిశ్చయంగా, నీ ప్రభువు కేవలం ఆయనే, సర్వశక్తిమంతుడు, అపార కరుణా ప్రదాత.

Verse 141

ﭮﭯﭰ ﭱ ​

సమూద్ జాతి, సందేశహరులను అసత్యవాదులని తిరస్కరించింది.

Verse 142

ﭲﭳﭴﭵﭶﭷﭸ ﭹ ​

వారి సహోదరుడు సాలిహ్ వారితో ఇలా అన్నప్పుడు: "ఏమీ? మీకు దైవభీతి లేదా?

Verse 143

ﭺﭻﭼﭽ ﭾ ​

నిశ్చయంగా, నేను మీ వద్దకు పంపబడిన విశ్వసనీయుడైన సందేశహరుడను.

Verse 144

ﭿﮀﮁ ﮂ ​

కావున మీరు అల్లాహ్ యందు భయభక్తులు కలిగి ఉండండి మరియు నన్ను అనుసరించండి.

Verse 145

ﮃﮄﮅﮆﮇﮈﮉﮊﮋﮌﮍﮎ ﮏ ​

నేను దాని కొరకు మీ నుండి ఎలాంటి ప్రతిఫలాన్ని అడగటం లేదు. నా ప్రతిఫలం కేవలం సర్వలోకాల ప్రభువు వద్దనే ఉన్నది.

Verse 146

ﮐﮑﮒﮓﮔ ﮕ ​

ఏమీ? మీరిప్పుడు ఇక్కడ ఉన్న స్థితిలోనే సుఖశాంతులలో ఎల్లప్పుడూ వదలి వేయబడతారని అనుకుంటున్నారా?

Verse 147

ﮖﮗﮘ ﮙ ​

తోటలలో మరియు చెలమలలో!

Verse 148

ﮚﮛﮜﮝ ﮞ ​

మరియు ఈ పొలాలలో, మాగిన పండ్లగుత్తులు గల ఖర్జూరపు చెట్ల మధ్య;

Verse 149

ﮟﮠﮡﮢﮣ ﮤ ​

మరియు మీరు కొండలను తొలిచి ఎంతో నేర్పుతో గృహాలను నిర్మిస్తూ ఉంటారనీ!

Verse 150

ﮥﮦﮧ ﮨ ​

అలా కాదు, అల్లాహ్ యందు భయభక్తులు కలిగి ఉండండి మరియు నన్ను అనుసరించండి.

Verse 151

ﮩﮪﮫﮬ ﮭ ​

మరియు మితిమీరి ప్రవర్తించే వారి ఆజ్ఞలను అనుసరించకండి.

Verse 152

ﮮﮯﮰﮱﯓﯔ ﯕ ​

ఎవరైతే భూమిలో కల్లోలం రేకెత్తిస్తున్నారో మరియు ఎన్నడూ సంస్కరణను చేపట్టరో!"

Verse 153

ﯖﯗﯘﯙﯚ ﯛ ​

వారన్నారు: "నిశ్చయంగా, నీవు మంత్రజాలంతో వశపరచుకోబడ్డావు!

Verse 154

ﯜﯝﯞﯟﯠﯡﯢﯣﯤﯥﯦ ﯧ ​

నీవు కేవలం మా వంటి ఒక మానవుడవు మాత్రమే! కావున నీవు సత్యవంతుడవే అయితే, ఏదైనా అద్భుత సూచన తీసుకురా!"

Verse 155

ﯨﯩﯪﯫﯬﯭﯮﯯﯰ ﯱ ​

(సాలిహ్) అన్నాడు: "ఇదిగో ఈ ఆడ ఒంటె. ఇది నీరు త్రాగే (దినం) మరియు మీరు నీరు త్రాగే దినం నిర్ణయించబడ్డాయి.

Verse 156

ﯲﯳﯴﯵﯶﯷﯸ ﯹ ​

దీనికి హాని కలిగించకండి. అలా చేస్తే ఒక మహా దినపు శిక్ష మిమ్మల్ని పట్టుకుంటుంది."

Verse 157

ﯺﯻﯼ ﯽ ​

కాని వారు దాని వెనుక కాలి మోకాలి పెద్ద నరమును కోసి చంపారు, ఆ తరువాత వారు పశ్చాత్తాప పడతూ ఉండిపోయారు.

Verse 158

ﯾﯿﰀﰁﰂﰃﰄﰅﰆﰇﰈﰉ ﰊ ​

కావున, వారిని శిక్ష పట్టుకుంది. నిశ్చయంగా, ఇందులో ఒక సూచన ఉంది. అయినా వారిలో చాలా మంది విశ్వసించటం లేదు.

Verse 159

ﰋﰌﰍﰎﰏ ﰐ ​

నిశ్చయంగా, నీ ప్రభువు కేవలం ఆయనే, సర్వశక్తిమంతుడు, అపార కరుణా ప్రదాత.

Verse 160

ﭑﭒﭓﭔ ﭕ ​

లూత్ జాతి, సందేశహరులను అసత్యవాదులని తిరస్కరించింది.

Verse 161

ﭖﭗﭘﭙﭚﭛﭜ ﭝ ​

వారి సహోదరుడు లూత్ వారితో ఇలా అన్నప్పుడు: "ఏమీ? మీకు దైవభీతి లేదా?

Verse 162

ﭞﭟﭠﭡ ﭢ ​

నిశ్చయంగా, నేను మీ వద్దకు పంపబడిన విశ్వసనీయుడైన సందేశహరుడను.

Verse 163

ﭣﭤﭥ ﭦ ​

కావున మీరు అల్లాహ్ యందు భయభక్తులు కలిగి ఉండండి మరియు నన్ను అనుసరించండి.

Verse 164

ﭧﭨﭩﭪﭫﭬﭭﭮﭯﭰﭱﭲ ﭳ ​

నేను దాని కొరకు మీ నుండి ఎలాంటి ప్రతిఫలాన్ని అడగటం లేదు. నా ప్రతిఫలం కేవలం సర్వలోకాల ప్రభువు వద్దనే ఉన్నది.

Verse 165

ﭴﭵﭶﭷ ﭸ ​

(ప్రకృతికి విరుద్ధంగా) సర్వప్రాణులలో కెల్లా మీరే పురుషుల వద్దకు పోతారేమిటీ?

Verse 166

ﭹﭺﭻﭼﭽﭾﭿﮀﮁﮂﮃﮄ ﮅ ​

మీ ప్రభువు, మీ కొరకు సహవాసులు (అజ్వాజ్) గా పుట్టించిన వారిని విడిచి పెడుతున్నారేమిటి? అలా కాదు, మీరు హద్దు మీరి ప్రవర్తించే జాతివారు!"

Verse 167

ﮆﮇﮈﮉﮊﮋﮌﮍ ﮎ ​

(దానికి) వారన్నారు: "ఓ లూత్! ఇక నీవు మానుకోక పోతే నీవు దేశం నుండి బహిష్కరించబడిన వారిలో చేరుతావు!"

Verse 168

ﮏﮐﮑﮒﮓ ﮔ ​

(లూత్) అన్నాడు: "నిశ్చయంగా మీ ఈ చేష్టను అసహ్యించుకునే వారిలో నేనూ ఉన్నాను."

Verse 169

ﮕﮖﮗﮘﮙ ﮚ ​

(ఇలా ప్రార్థించాడు): "ఓ నా ప్రభూ! నన్నూ మరియు నా కుటుంబం వారినీ వీరి చేష్ట నుండి కాపాడు."

Verse 170

ﮛﮜﮝ ﮞ ​

కావున మేము అతనిని మరియు అతని కుటుంబం వారినందరినీ కాపాడాము -

Verse 171

ﮟﮠﮡﮢ ﮣ ​

వెనుక ఉండి పోయిన వారిలో కలసి పోయిన ముసలామె తప్ప -

Verse 172

ﮤﮥﮦ ﮧ ​

ఆ తరువాత, మిగతా వారిని నిర్మూలించాము.

Verse 173

ﮨﮩﮪﮫﮬﮭﮮ ﮯ ​

వారిపై ఒక వర్షాన్ని కురిపించాము. అది (ముందు) హెచ్చరించబడిన వారిపై (కురిపించబడ్డ) అతి భయంకరమైన వర్షం.

Verse 174

ﮰﮱﯓﯔﯕﯖﯗﯘﯙ ﯚ ​

నిశ్చయంగా, ఇందులో ఒక సూచన ఉంది. అయినా వారిలో చాలా మంది విశ్వసించడం లేదు.

Verse 175

ﯛﯜﯝﯞﯟ ﯠ ​

మరియు నిశ్చయంగా, నీ ప్రభువు కేవలం ఆయనే, సర్వశక్తిమంతుడు, అపార కరుణా ప్రదాత.

Verse 176

ﯡﯢﯣﯤ ﯥ ​

వన (అయ్ కహ్) వాసులు సందేశహరులను అసత్యవాదులని తిరస్కరించారు.

Verse 177

ﯦﯧﯨﯩﯪﯫ ﯬ ​

షుఐబ్ వారితో ఇలా అన్నాడు: "ఏమీ? మీకు దైవభీతి లేదా?

Verse 178

ﯭﯮﯯﯰ ﯱ ​

నిశ్చయంగా, నేను మీ వద్దకు పంపబడిన విశ్వసనీయుడైన సందేశహరుడను.

Verse 179

ﯲﯳﯴ ﯵ ​

కావున మీరు అల్లాహ్ యందు భయభక్తులు కలిగి ఉండండి మరియు నన్ను అనుసరించండి.

Verse 180

ﯶﯷﯸﯹﯺﯻﯼﯽﯾﯿﰀﰁ ﰂ ​

నేను దాని కొరకు మీ నుండి ఎలాంటి ప్రతిఫలం అడగటం లేదు. నా ప్రతిఫలం కేవలం సర్వలోకాల ప్రభువు వద్దనే ఉన్నది.

Verse 181

ﰃﰄﰅﰆﰇﰈﰉ ﰊ ​

మీరు (ఇచ్చినపుడు) సరిగ్గా కొలిచి ఇవ్వండి. నష్టపరిచే వారిలో చేరకండి!

Verse 182

ﰋﰌﰍ ﰎ ​

త్రాసుతో సరిసమానంగా తూచండి.

Verse 183

ﰏﰐﰑﰒﰓﰔﰕﰖﰗ ﰘ ​

ప్రజలకు వారి వస్తువులను తగ్గించి ఇవ్వకండి. భూమిలో కల్లోలం రేకెత్తిస్తూ దౌర్జన్యపరులుగా ప్రవర్తించకండి.

Verse 184

ﭑﭒﭓﭔﭕ ﭖ ​

మిమ్మల్ని మరియు మీకు పూర్వం గతించిన తరాల వారిని సృష్టించిన ఆయన (అల్లాహ్) యందు భయభక్తులు కలిగి ఉండండి."

Verse 185

ﭗﭘﭙﭚﭛ ﭜ ​

వారన్నారు: "నిశ్చయంగా, నీవు మంత్రజాలంతో వశపరచుకోబడ్డావు!

Verse 186

ﭝﭞﭟﭠﭡﭢﭣﭤﭥ ﭦ ​

నీవు కేవలం మా వంటి ఒక మానవుడవు మాత్రమే! నిశ్చయంగా, మేము నిన్ను అసత్యవాదులలో ఒకనిగా పరిగణిస్తున్నాము!

Verse 187

ﭧﭨﭩﭪﭫﭬﭭﭮﭯ ﭰ ​

నీవు సత్యవంతుడవే అయితే ఆకాశం యొక్క ఒక తునకను మాపై పడవేయి."

Verse 188

ﭱﭲﭳﭴﭵ ﭶ ​

(షుఐబ్) అన్నాడు: "మీరు చేసేది నా ప్రభువుకు బాగా తెలుసు!"

Verse 189

ﭷﭸﭹﭺﭻﭼﭽﭾﭿﮀﮁ ﮂ ​

కాని, వారు అతనిని అసత్యవాదుడని తిరస్కరించారు, కావున వారిపై ఛాయాకృత ఉపద్రవం (మేఘాల శిక్ష) వచ్చి పడింది. నిశ్చయంగా, అదొక భయంకరమైన దినపు శిక్ష!

Verse 190

ﮃﮄﮅﮆﮇﮈﮉﮊﮋ ﮌ ​

నిశ్చయంగా, ఇందులో ఒక సూచన ఉంది. అయినా వారిలో చాలా మంది విశ్వసించటం లేదు.

Verse 191

ﮍﮎﮏﮐﮑ ﮒ ​

మరియు నిశ్చయంగా, నీ ప్రభువు కేవలం ఆయనే, సర్వశక్తిమంతుడు, అపార కరుణా ప్రదాత.

Verse 192

ﮓﮔﮕﮖ ﮗ ​

మరియు నిశ్చయంగా, ఇది సర్వలోకాల ప్రభువు అవతరింపజేసిన (గ్రంథం).

Verse 193

ﮘﮙﮚﮛ ﮜ ​

దీనిని నమ్మదగిన ఆత్మ (రూహుల్ అమీన్) అవతరింపజేశాడు;

Verse 194

ﮝﮞﮟﮠﮡ ﮢ ​

నీ హృదయం మీద, నీవు హెచ్చరిక చేసేవారిలో చేరిపోవాలని;

Verse 195

ﮣﮤﮥ ﮦ ​

స్పష్టమైన అరబ్బీ భాషలో!

Verse 196

ﮧﮨﮩﮪ ﮫ ​

నిశ్చయంగా, దీని (ప్రస్తావన) పూర్వ దివ్యగ్రంథాలలో ఉంది.

Verse 197

ﮬﮭﮮﮯﮰﮱﯓﯔﯕ ﯖ ​

ఇస్రాయీల్ సంతతి వారిలోని విద్వాంసులు ఈ విషయాన్ని ఒప్పు కోవటం వారికొక సూచనగా సరిపోదా?

Verse 198

ﯗﯘﯙﯚﯛ ﯜ ​

ఒకవేళ మేము దీనిని అరబ్ కాని వానిపై అవతరింపజేసి ఉంటే!

Verse 199

ﯝﯞﯟﯠﯡﯢ ﯣ ​

అతను దానిని వారికి చదివి వినిపించినా, వారు దానిని విశ్వసించేవారు కారు.

Verse 200

ﯤﯥﯦﯧﯨ ﯩ ​

ఈ విధంగా, మేము దీనిని (తిరస్కారాన్ని) అపరాధుల హృదయాల లోనికి దిగిపోయేలా చేశాము.

Verse 201

ﯪﯫﯬﯭﯮﯯﯰ ﯱ ​

కఠినశిక్షను చూడనంత వరకు వారు దీనిని విశ్వసించరు.

Verse 202

ﯲﯳﯴﯵﯶ ﯷ ​

అది వారికి తెలియకుండానే అకస్మాత్తుగా వచ్చి పడుతుంది.

Verse 203

ﯸﯹﯺﯻ ﯼ ​

అప్పుడు వారంటారు: "ఏమీ? మాకు కొంత వ్యవధి ఇవ్వబడుతుందా?

Verse 204

ﯽﯾ ﯿ ​

ఏమీ? మా శిక్ష శీఘ్రంగా రావలెనని వారు కోరుతున్నారా?

Verse 205

ﰀﰁﰂﰃ ﰄ ​

చూశావా? మేము కొన్ని సంవత్సరాలు వారికి (ఈ జీవితంలో) సుఖసంతోషాలతో గడిపే వ్యవధినిచ్చినా!

Verse 206

ﰅﰆﰇﰈﰉ ﰊ ​

తరువాత వాగ్దానం చేయబడినది (శిక్ష) వారిపైకి వచ్చినపుడు;

Verse 207

ﭑﭒﭓﭔﭕﭖ ﭗ ​

వారు అనుభవిస్తూ ఉండిన సుఖసంతోషాలు వారికేమీ పనికిరావు.

Verse 208

ﭘﭙﭚﭛﭜﭝﭞ ﭟ ​

మరియు - హెచ్చరిక చేసేవారిని (ప్రవక్తలను) పంపనిదే - మేము ఏ నగరాన్ని కూడా నాశనం చేయలేదు!

Verse 209

ﭠﭡﭢﭣ ﭤ ​

హితబోధ నివ్వటానికి; మేము ఎన్నడూ అన్యాయస్థులముగా ప్రవర్తించలేదు.

Verse 210

ﭥﭦﭧﭨ ﭩ ​

మరియు దీనిని (ఈ దివ్యగ్రంథాన్ని) తీసుకొని క్రిందికి దిగిన వారు షైతానులు కారు.

Verse 211

ﭪﭫﭬﭭﭮ ﭯ ​

మరియు అది వారికి తగినది కాదు; వారది చేయలేరు.

Verse 212

ﭰﭱﭲﭳ ﭴ ​

వాస్తవానికి, వారు దీనిని వినకుండా దూరంగా ఉంచబడ్డారు.

Verse 213

ﭵﭶﭷﭸﭹﭺﭻﭼﭽ ﭾ ​

కావున అల్లాహ్ తో పాటు మరొక ఆరాధ్య దైవాన్ని వేడుకోకు, అలా చేస్తే నీవు కూడా శిక్షింపబడే వారిలో చేరిపోతావు.

Verse 214

ﭿﮀﮁ ﮂ ​

మరియు నీ దగ్గరి బంధువులను హెచ్చరించు;

Verse 215

ﮃﮄﮅﮆﮇﮈ ﮉ ​

విశ్వాసులలో నిన్ను అనుసరించే వారిపై నీ కనికరపు రెక్కలను చాపు.

Verse 216

ﮊﮋﮌﮍﮎﮏﮐ ﮑ ​

ఒకవేళ వారు నీ పట్ల అవిధేయత చూపితే వారితో అను: "మీరు చేసే కార్యాలకు నేను బాధ్యుడను కాను."

Verse 217

ﮒﮓﮔﮕ ﮖ ​

మరియు ఆ సర్వశక్తిమంతుడు, అపార కరుణా ప్రదాత మీద నమ్మకం ఉంచుకో!

Verse 218

ﮗﮘﮙﮚ ﮛ ​

ఆయన నీవు నిలిచినపుడు, నిన్ను చూస్తున్నాడు.

Verse 219

ﮜﮝﮞ ﮟ ​

మరియు సాష్టాంగం (సజ్దా) చేసే వారితో నీ రాకపోకడలను కూడా!

Verse 220

ﮠﮡﮢﮣ ﮤ ​

నిశ్చయంగా, ఆయనే సర్వం వినేవాడు, సర్వజ్ఞుడు.

Verse 221

ﮥﮦﮧﮨﮩﮪ ﮫ ​

షైతాన్ లు ఎవరిపై దిగుతారో నేను మీకు తెలుపనా?

Verse 222

ﮬﮭﮮﮯﮰ ﮱ ​

వారు అసత్యవాదులైన పాపాత్ములపై దిగుతారు;

Verse 223

ﯓﯔﯕﯖ ﯗ ​

గాలి వార్తలను చెవులలో ఊదుతారు; మరియు వారిలో చాలా మంది అసత్యవాదులే!

Verse 224

ﯘﯙﯚ ﯛ ​

మరియు మార్గభ్రష్టులే కవులను అనుసరిస్తారు.

Verse 225

ﯜﯝﯞﯟﯠﯡﯢ ﯣ ​

ఏమీ? నీకు తెలియదా? నిశ్చయంగా వారు (కవులు) తమ కవిత్వంలో ప్రతి విషయాన్ని ఉద్దేశరహితంగా (ప్రశంసిస్తూ) ఉంటారని;

Verse 226

ﯤﯥﯦﯧﯨ ﯩ ​

మరియు నిశ్చయంగా, వారు తాము ఆచరించని దానిని చెప్పుకుంటారని;

Verse 227

ﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺﯻﯼﯽ ﯾ ​

కాని, (వారిలో) విశ్వసించి, సత్కార్యాలు చేస్తూ, అల్లాహ్ ను అమితంగా స్మరించే వారూ మరియు - తమకు అన్యాయం జరిగినప్పుడే - ప్రతీకార చర్య తీసుకునే వారు తప్ప! అన్యాయం చేసేవారు తమ పర్యవసానం ఏమిటో త్వరలో తెలుసుకోగలరు.