Surah سورة النجم

Verse 1

ﭑﭒﭓ ﭔ

Sumumpa Siya - kaluwalhatian sa Kanya - sa bituin kapag lumubog ito.

Verse 2

ﭕﭖﭗﭘﭙ ﭚ

Hindi lumihis si Muḥammad na Sugo ni Allāh - basbasan siya ni Allāh at pangalagaan - palayo sa daan ng kapatnubayan at siya ay hindi naging lisya, bagkus siya ay nagabayan.

Verse 3

ﭛﭜﭝﭞ ﭟ

Hindi siya nagsasalita ng Qur'ān na ito bilang pagsunod sa pithaya niya.

Verse 4

ﭠﭡﭢﭣﭤ ﭥ

Walang iba ang Qur'ān na ito kundi isang kasi na ikinakasi ni Allāh sa kanya sa pamamagitan ni Anghel Gabriel - sumakanya ang pangangalaga.

Verse 5

ﭦﭧﭨ ﭩ

Nagturo sa kanya nito ang anghel na matindi ang lakas, si Anghel Gabriel - sumakanya ang pangangalaga.

Verse 6

ﭪﭫﭬ ﭭ

Si Anghel Gabriel - sumakanya ang pangangalaga - ay may anyong maganda, at saka lumitaw nang lantad sa Propeta - basbasan siya ni Allāh at pangalagaan - sa anyo nito na nilikha ito ni Allāh,

Verse 7

ﭮﭯﭰ ﭱ

habang si Anghel Gabriel ay nasa [bahagi ng] abot-tanaw na pinakamataas ng langit.

Verse 8

ﭲﭳﭴ ﭵ

Pagkatapos ay lumapit si Anghel Gabriel - sumakanya ang pangangalaga - sa Propeta - basbasan siya ni Allāh at pangalagaan - at pagkatapos ay nadagdagan ito ng lapit sa kanya.

Verse 9

ﭶﭷﭸﭹﭺ ﭻ

Kaya ang lapit nito mula sa kanya ay naging nasa layong dalawang pana o higit na malapit.

Verse 10

ﭼﭽﭾﭿﮀ ﮁ

Kaya nagkasi si Anghel Gabriel sa lingkod ni Allāh na si Muḥammad - basbasan siya ni Allāh at pangalagaan - ng ikinasi Niya.

Verse 11

ﮂﮃﮄﮅﮆ ﮇ

Hindi nagsinungaling ang puso ni Muḥammad - basbasan siya ni Allāh at pangalagaan - sa nakita niya at napagmasdan niya.

Verse 12

ﮈﮉﮊﮋ ﮌ

Kaya makikipagtalo ba kayo sa kanya, O mga tagatambal, hinggil sa ipinakikita ni Allāh sa kanya sa gabi ng pagpapalakbay sa kanya?

Verse 13

ﮍﮎﮏﮐ ﮑ

Talaga ngang nakita ni Muḥammad - basbasan siya ni Allāh at pangalagaan si Anghel Gabriel sa anyo nito isa pang pagkakataon sa gabi ng pagpapalakbay sa kanya,

Verse 14

ﮒﮓﮔ ﮕ

[Ito ay] sa tabi ng punong Sidrah ng pinagwawakasan. Ito ay isang punong-kahoy na lubhang malaki sa ikapitong langit.

Verse 15

ﮖﮗﮘ ﮙ

Sa tabi ng punong-kahoy na ito ay ang paraiso ng kanlungan.

Verse 16

ﮚﮛﮜﮝﮞ ﮟ

[Ito ay] noong may bumabalot sa punong Sidrah dahil sa utos ni Allāh na isang bagay na malaki, na walang nakakikilala sa kakanyahan nito kundi si Allāh.

Verse 17

ﮠﮡﮢﮣﮤ ﮥ

Hindi kumiling ang paningin niya - basbasan siya ni Allāh at pangalagaan - sa kanan ni kaliwa, at hindi ito lumampas sa itinakda para rito.

Verse 18

ﮦﮧﮨﮩﮪﮫ ﮬ

Talaga ngang may nakita si Muḥammad - basbasan siya ni Allāh at pangalagaan - noong gabi ng pagpapaakyat sa kanya mula sa mga pinakadakilang tanda ng Panginoon Niya, na nagpapatunay sa kakayahan ng Panginoon, sapagkat nakita niya ang Paraiso at nakita niya ang Impiyerno at ang iba pa sa mga ito.

Verse 19

ﮭﮮﮯ ﮰ

Kaya nagsaalang-alang ba kayo, O mga tagatambal, sa mga diyus-diyusang ito na sinasamba ninyo bukod pa kay Allāh, na sina Allāt at Al`uzzā,

Verse 20

ﮱﯓﯔ ﯕ

at kay Manah, ang ikatlong iba pa, kabilang sa mga diyus-diyusan ninyo? Magpabatid kayo sa akin, nakapagdudulot ba ang mga ito para sa inyo ng pakinabang o pinsala?

Verse 21

ﯖﯗﯘﯙ ﯚ

Ukol ba sa inyo, O mga tagatambal, ang lalaki na naiibigan ninyo at ukol sa Kanya - kaluwalhatian sa Kanya ang babae na kinasusuklaman ninyo?

Verse 22

ﯛﯜﯝﯞ ﯟ

Ang paghahating iyon na inihati ninyo dahil sa mga pithaya ninyo ay isang paghahating di-makatarungan.

Verse 23

ﯠﯡﯢﯣﯤﯥﯦﯧﯨﯩﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺ ﯻ

Walang iba ang mga diyus-diyusang ito kundi mga pangalang hubad sa kahulugan - sapagkat walang bahagi para sa mga ito sa mga katangian ng pagkadiyos - na ipinangalan ninyo mismo at ng mga ninuno ninyo mula sa pagkukusa ng mga sarili ninyo. Hindi nagbaba si Allāh sa mga ito ng anumang patunay. Walang sinusunod ang mga tagatambal sa paniniwala nila kundi ang pagpapalagay at ang pinipithaya ng mga sarili nila kabilang sa ipinang-akit ng demonyo sa mga puso nila. Talaga ngang dumating sa kanila mula sa Panginoon nila ang patnubay sa pamamagitan ng dila ng Propeta ni Allāh - sumakanya ang basbas at ang pangangalaga - ngunit hindi sila napatnubayan sa pamamagitan nito.

Verse 24

ﯼﯽﯾﯿ ﰀ

O ukol ba sa tao ang minithi niya na pamamagitan ng mga diyus-diyusan kay Allāh?

Verse 25

ﰁﰂﰃ ﰄ

Hindi; hindi ukol dito ang minithi nito sapagkat sa kay Allāh - tanging sa Kanya - ang huling buhay at ang unang buhay: nagbibigay Siya mula sa dalawang ito ng niloloob Niya at nagkakait Siya ng niloloob Niya.

Verse 26

ﰅﰆﰇﰈﰉﰊﰋﰌﰍﰎﰏﰐﰑﰒﰓﰔﰕﰖﰗ ﰘ

Kay rami ng anghel sa mga langit na hindi nakapagdudulot ang pamamagitan nila ng anuman kung sakaling nagnais sila na mamagitan sa isa man malibang matapos na magpahintulot si Allāh sa pamamagitan sa sinumang niloloob Niya kabilang sa kanila at kinalulugdan Niya ang pamamagitanan. Hindi nagpapahintulot si Allāh sa sinumang ginawang katambal na mamagitan at hindi malulugod si Allāh sa pinamamagitanan nito na sumasamba rito bukod pa kay Allāh.

Verse 27

ﭑﭒﭓﭔﭕﭖﭗﭘﭙ ﭚ

Tunay na ang mga hindi sumasampalataya sa pagbubuhay sa tahanang pangkabilang-buhay ay talagang nagpapangalan sa mga anghel ng pagpapangalan sa babae dahil sa paniniwala nila na ang mga ito ay mga babaing anak ni Allāh. Pagkataas-taas si Allāh higit sa sinasabi nila ayon sa kataasang malaki.

Verse 28

ﭛﭜﭝﭞﭟﭠﭡﭢﭣﭤﭥﭦﭧﭨﭩﭪﭫﭬ ﭭ

Walang ukol sa kanila dahil sa pagpapangalan sa mga ito bilang mga babae na anumang kaalamang masasandalan nila. Wala silang sinusunod doon kundi ang paggagawa ng kasinungalingan at ang paghahaka. Tunay na ang pagpapalagay ay hindi nakapagdudulot kapalit ng katotohanan ng anuman para tumayo sa kinalalagyan nito.

Verse 29

ﭮﭯﭰﭱﭲﭳﭴﭵﭶﭷﭸ ﭹ

Kaya umayaw ka, O Sugo, sa tumalikod sa pag-alaala kay Allāh, hindi pumapansin sa Kanya, at walang ninais kundi ang buhay na pangmundo sapagkat hindi siya gumagawa para sa Kabilang-buhay niya dahil siya ay hindi sumasampalataya roon.

Verse 30

ﭺﭻﭼﭽﭾﭿﮀﮁﮂﮃﮄﮅﮆﮇﮈﮉﮊ ﮋ

Iyon ay ang sinasabi ng mga tagatambal na ito na pagpapangalan sa mga anghel ng pagpapangalan ng babae. Ito ay ang hangganan nila na nararating nila sa kaalaman dahil sila ay mga mangmang. Hindi sila nakarating sa katiyakan. Tunay na ang Panginoon mo, O Sugo, ay higit na nakaaalam sa sinumang lumihis palayo sa landas Niya at Siya ay higit na nakaaalam sa sinumang napatnubayan tungo sa daan Niya: walang naikukubli sa Kanya na anuman mula roon.

Verse 31

ﮌﮍﮎﮏﮐﮑﮒﮓﮔﮕﮖﮗﮘﮙﮚﮛ ﮜ

Sa kay Allāh - tanging sa Kanya - ang anumang nasa mga langit at sa Kanya ang anumang nasa lupa sa paghahari, paglikha, at pangangasiwa upang gumanti Siya sa mga nagpasagwa sa mga gawain nila sa Mundo ayon sa naging karapat-dapat sa kanila na pagdurusa, at gumanti Siya ng Paraiso sa mga mananampalataya na nagpaganda sa mga gawa nila.

Verse 32

ﮝﮞﮟﮠﮡﮢﮣﮤﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚﯛﯜﯝﯞﯟﯠ ﯡ

Ang mga lumalayo sa mga malaki sa mga pagkakasala at mga pangit sa mga pagsuway maliban sa mga maliit sa mga pagkakasala - ang mga ito ay pinatatawad sa pamamagitan ng pagtigil sa mga malaking kasalanan at pagpaparami ng mga pagtalima - tunay na ang Panginoon mo, O Sugo, ay malawak ang pagpapatawad: nagpapatawad Siya ng mga pagkakasala ng mga lingkod Niya kapag nagbalik-loob sila mula sa mga iyon. Siya - kaluwalhatian sa Kanya - ay higit na nakaaalam sa mga kalagayan ninyo at mga nauukol sa inyo nang lumikha Siya sa ama ninyong si Adan mula sa alabok at nang kayo ay mga dinadala sa mga tiyan ng mga ina ninyo habang nililikha kayo sa isang paglikha matapos ng isang pagkakalikha. Walang naikukubli sa Kanya na anuman mula roon. Kaya huwag ninyong ipagkapuri ang mga sarili ninyo sa pamamagitan ng pagbubunyi sa mga ito dahil sa pangingilag sa pagkakasala sapagkat Siya - kaluwalhatian sa Kanya - ay higit na nakaaalam sa sinumang nangilag magkasala sa Kanya sa pamamagitan ng pagsunod sa mga ipinag-uutos Niya at pag-iwas sa sinasaway Niya.

Verse 33

ﯢﯣﯤ ﯥ

Kaya nakita mo ba ang kapangitan ng kalagayan ng umayaw sa Islām matapos ng pagkalapit niya rito,

Verse 34

ﯦﯧﯨ ﯩ

at nagbibigay ng kaunting salapi at pagkatapos ay nagkait dahil ang karamutan ay kalikasan niya sa kabila niyon ay nagmamalinis siya ng sarili niya?

Verse 35

ﯪﯫﯬﯭﯮ ﯯ

Taglay ba niya ang kaalaman sa Lingid kaya siya ay nakakikita at nagsasalaysay hinggil sa Lingid?

Verse 36

ﯰﯱﯲﯳﯴﯵﯶ ﯷ

O siya ba ay gumagawa-gawa ng kasinungalingan kay Allāh, o hindi siya binalitaan ng sinabi-sabing ito laban kay Allāh sa nasa mga kalatas na nauna na pinababa ni Allāh kay Moises?

Verse 37

ﯸﯹﯺ ﯻ

at sa mga kalatas ni Abraham na gumanap sa bawat iniatang sa kanya ng Panginoon niya at lumubos niyon,

Verse 38

ﯼﯽﯾﯿﰀ ﰁ

na hindi dadalhin ng isang tao ang kasalanan ng iba pa sa kanya.

Verse 39

ﰂﰃﰄﰅﰆﰇ ﰈ

na walang ukol sa tao kundi ang gantimpala ng gawa niya na ginawa niya,

Verse 40

ﰉﰊﰋﰌ ﰍ

at na ang gawa niya ay makikita sa Araw ng Pagbangon nang harapan.

Verse 41

ﰎﰏﰐﰑ ﰒ

Pagkatapos ay bibigyan siya ng ganti sa gawa niya nang lubusan hindi kinulangan.

Verse 42

ﰓﰔﰕﰖ ﰗ

At na tungo sa Panginoon mo, O Sugo, ang pinanunumbalikan ng mga tao at ang kahahantungan nila matapos ng kamatayan nila.

Verse 43

ﰘﰙﰚﰛ ﰜ

At na Siya ay nagpatuwa sa sinumang niloloob Niya kaya nagpatawa rito, at nagpalungkot sa sinumang niloloob Niya kaya nagpaiyak dito.

Verse 44

ﰝﰞﰟﰠ ﰡ

At na Siya ay nagbigay-kamatayan sa mga buhay sa Mundo at nagbibigay-buhay sa mga patay sa pamamagitan ng pagbubuhay-muli.

Verse 45

ﭑﭒﭓﭔﭕ ﭖ

At na Siya ay lumikha sa dalawang uri: ang lalaki at ang babae,

Verse 46

ﭗﭘﭙﭚ ﭛ

mula sa patak kapag inilagay ito sa sinapupunan.

Verse 47

ﭜﭝﭞﭟ ﭠ

At na bahala Siya sa pag-uulit sa paglikha sa kanilang dalawa para sa pagbubuhay matapos ng pagkamatay nilang dalawa.

Verse 48

ﭡﭢﭣﭤ ﭥ

At na Siya ay nagpayaman sa sinumang niloob Niya kabilang sa mga lingkod Niya sa pamamagitan ng pagpapaari rito ng yaman at nagbigay ng yaman na ginagawa ng mga tao na isang pag-aaring kinakamit nila.

Verse 49

ﭦﭧﭨﭩ ﭪ

Na Siya ay ang Panginoon ng Sirius, ang bituing sinasamba ng ilan sa mga tagatambal kasama kay Allāh.

Verse 50

ﭫﭬﭭﭮ ﭯ

At na Siya ay nagpasawi sa [liping] `Ād na sinauna. Sila ay ang mga kalipi ni Hūd noong nagpumilit sila sa kawalang-pananampalataya nila.

Verse 51

ﭰﭱﭲ ﭳ

Nagpasawi siya sa Thamūd, ang mga kalipi ni Ṣāliḥ, at hindi Siya nagtira mula sa kanila ng isa man.

Verse 52

ﭴﭵﭶﭷﭸﭹﭺﭻﭼﭽ ﭾ

At pinasawi ang mga kababayan ni Noe noong bago pa ng [liping] `Ād at [liping] Thamūd. Tunay na ang mga kababayan ni Noe noon ay higit na matindi sa paglabag sa katarungan at higit na mabigat sa pagmamalabis kaysa sa [liping] `Ād at [liping] Thamūd dahil si Noe ay nanatili sa kanila ng isang libong taon maliban sa limampung taon, na nag-aanyaya sa kanila sa paniniwala sa kaisahan ni Allāh, ngunit hindi sila tumugon.

Verse 53

ﭿﮀ ﮁ

At ang mga pamayanan ng mga kababayan ni Lot ay iniangat niya patungong langit. Pagkatapos ay nagpabagsak Siya sa mga ito sa lupa,

Verse 54

ﮂﮃﮄ ﮅ

at nagtakip Siya sa mga ito at nagpatama Siya sa mga ito ng mga bato, na itinakip Niya sa mga ito matapos ng pag-angat sa mga ito patungong langit at pagpapabagsak sa mga ito sa lupa.

Verse 55

ﮆﮇﮈﮉ ﮊ

Kaya sa alin sa mga biyaya ng Panginoon mo na nagpapatunay sa kakayahan Niya makikipagtalo ka, O tao, para hindi mapangaralan sa pamamagitan ng mga ito?

Verse 56

ﮋﮌﮍﮎﮏ ﮐ

Ang Sugong isinugong ito sa inyo ay kabilang sa uri ng mga sugong sinauna.

Verse 57

ﮑﮒ ﮓ

Lumapit ang Pagbangon na malapit.

Verse 58

ﮔﮕﮖﮗﮘﮙ ﮚ

Walang ukol dito na isang tagatulak na magtutulak dito at walang tagapabatid rito maliban kay Allāh.

Verse 59

ﮛﮜﮝﮞ ﮟ

Kaya sa Qur'ān na ito ba na binibigkas sa inyo ay nagtataka kayo na ito ay mula sa ganang kay Allāh?

Verse 60

ﮠﮡﮢ ﮣ

At tumatawa kayo rito bilang pangungutya rito at hindi kayo umiiyak sa pakikinig sa mga pangaral nito,

Verse 61

ﮤﮥ ﮦ

at habang kayo ay mga naglilibang palayo rito, na hindi pumapansin dito.

Verse 62

ﮧﮨﮩﮪ ﮫ

Kaya magpatirapa kayo kay Allāh - tanging sa Kanya - at magpakawagas kayo sa pagsamba.

Salin ng سورة النجم

سورة النجم

Salin ng Sura Ang Bituin sa الفلبينية mula sa الترجمة الفلبينية (تجالوج) للمختصر في تفسير القرآن الكريم

الترجمة الفلبينية (تجالوج) للمختصر في تفسير القرآن الكريم

الترجمة الفلبينية (تجالوج) للمختصر في تفسير القرآن الكريم