Surah سورة الإنشقاق

Verse 1

ﭣﭤﭥ ﭦ

Kapag ang langit ay nagkalamat-lamat para sa pagbaba ng mga anghel mula roon,

Verse 2

ﭧﭨﭩ ﭪ

at nakinig ito sa Panginoon nito habang nagpapaakay at nagindapat para rito iyon,

Verse 3

ﭫﭬﭭ ﭮ

at kapag ang lupa ay binanat ni Allāh gaya ng pagbanat sa balat,

Verse 4

ﭯﭰﭱﭲ ﭳ

at nagtapon ito ng nasa loob nito ng mga kayamanan at mga patay, at nagtatatwa ito sa kanila,

Verse 5

ﭴﭵﭶ ﭷ

at nakinig ito sa Panginoon nito habang nagpapaakay at nagindapat para rito iyon;

Verse 6

ﭸﭹﭺﭻﭼﭽﭾﭿ ﮀ

O tao, tunay na ikaw ay gumagawa ng kabutihan o kasamaan kaya makikipagkita [ka] kay Allāh sa Araw ng Pagbangon upang gumanti Siya sa iyo dahil doon.

Verse 7

ﮁﮂﮃﮄﮅ ﮆ

Kaya tungkol sa sinumang bibigyan ng pahina ng mga gawa niya sa kanang kamay niya,

Verse 8

ﮇﮈﮉﮊ ﮋ

magtutuos sa kanya si Allāh sa isang pagtutuos na madali: ilalahad sa kanya ang gawa niya nang walang paninisi sa kanya

Verse 9

ﮌﮍﮎﮏ ﮐ

at manunumbalik siya sa mag-anak niya na pinagagalak.

Verse 10

ﮑﮒﮓﮔﮕﮖ ﮗ

Tungkol naman sa sinumang bibigyan ng talaan niya sa kaliwa niya mula sa likuran ng likod niya,

Verse 11

ﮘﮙﮚ ﮛ

tatawag siya ng pagkasawi sa sarili niya

Verse 12

ﮜﮝ ﮞ

at papasok siya sa Apoy ng Impiyerno, na magdurusa sa init niyon.

Verse 13

ﮟﮠﮡﮢﮣ ﮤ

Tunay na siya noon sa Mundo sa piling ng mga kapwa niya ay natutuwa sa taglay niyang kawalang-pananampalataya at mga pagsuway.

Verse 14

ﮥﮦﮧﮨﮩ ﮪ

Tunay na siya ay nagpalagay na siya ay hindi manunumbalik sa buhay matapos ng kamatayan niya.

Verse 15

ﮫﮬﮭﮮﮯﮰﮱ ﯓ

Bagkus, talagang magpapanumbalik nga sa kanya si Allāh sa buhay gaya ng paglikha sa kanya sa unang pagkakataon. Tunay na ang Panginoon niya ay laging sa kalagayan niya nakakikita: walang naikukubli sa Kanya mula roon na anuman, at gaganti sa kanya sa gawa niya.

Verse 16

ﯔﯕﯖ ﯗ

Sumumpa si Allāh sa pamumula na nangyayari sa abot-tanaw matapos ng paglubog ng araw.

Verse 17

ﯘﯙﯚ ﯛ

Sumumpa Siya sa gabi at sa tinitipon dito,

Verse 18

ﯜﯝﯞ ﯟ

at sa buwan kapag nabuo ito, nalubos ito, at naging kabilugan;

Verse 19

ﯠﯡﯢﯣ ﯤ

talagang lululan nga kayo, O mga tao, sa isang kalagayan matapos ng isang kalagayan mula sa isang patak, pagkatapos ay isang malalinta, pagkatapos ay isang kimpal na laman, pagkatapos ay buhay, pagkatapos ay kamatayan, at pagkatapos ay pagkabuhay.

Verse 20

ﯥﯦﯧﯨ ﯩ

Kaya anong mayroon sa mga tagatangging sumampalataya na ito na hindi sila sumasampalataya kay Allāh at sa Huling Araw?

Verse 21

ﯪﯫﯬﯭﯮﯯﯰ ﯱ

At kapag binigkas sa kanila ang Qur’ān ay hindi sila nagpapatirapa sa Panginoon nila.

Verse 22

ﯲﯳﯴﯵ ﯶ

Bagkus ang mga tumangging sumampalataya ay nagpapasinungaling sa inihatid sa kanila ng Sugo nila.

Verse 23

ﯷﯸﯹﯺ ﯻ

Si Allāh ay higit na nakaaalam sa anumang nilalaman ng mga dibdib nila: walang naikukubli sa Kanya mula sa mga gawa nila na anuman.

Verse 24

ﯼﯽﯾ ﯿ

Kaya magpabatid ka sa kanila, O Sugo, hinggil sa naghihintay sa kanila na isang pagdurusang nakasasakit,

Verse 25

ﭑﭒﭓﭔﭕﭖﭗﭘﭙ ﭚ

maliban sa mga sumampalataya kay Allāh at gumawa ng mga gawang maaayos; ukol sa kanila ay isang gantimpalang hindi magpuputol.

Salin ng سورة الإنشقاق

سورة الإنشقاق

Salin ng Sura Ang Pagkalansag sa الفلبينية mula sa الترجمة الفلبينية (تجالوج) للمختصر في تفسير القرآن الكريم

الترجمة الفلبينية (تجالوج) للمختصر في تفسير القرآن الكريم

الترجمة الفلبينية (تجالوج) للمختصر في تفسير القرآن الكريم