Verse 1

ﭑﭒ ﭓ ​

سوێند بەو فریشتانە ڕیز بوون (لە کاتی عیبادەتدا)

Verse 2

ﭔﭕ ﭖ ​

وە سوێند بەوانە کە دەخوڕن بەسەر ھەورەکاندا

Verse 3

ﭗﭘ ﭙ ​

وە سوێند بەخوێنەرانی قورئان

Verse 4

ﭚﭛﭜ ﭝ ​

بەڕاستی پەرستراوی ئێوە تاك و تەنھایە

Verse 5

ﭞﭟﭠﭡﭢﭣﭤ ﭥ ​

پەروەردگاری ئاسمانەکان و زەوی وئەوەی لە نێوانیاندایە و پەروەردگاری خۆرھەڵاتەکان

Verse 6

ﭦﭧﭨﭩﭪﭫ ﭬ ​

بێگومان ئێمە ئاسمانی دونیامان بەجوانی ئەستێرەکان ڕازاندۆتەوە

Verse 7

ﭭﭮﭯﭰﭱ ﭲ ​

وە لەھەموو شەیتانێکی سەر کەش پاڕاستوومانە

Verse 8

ﭳﭴﭵﭶﭷﭸﭹﭺﭻ ﭼ ​

ناتوانن گوێ بگرن بۆ ئەو فریشتانەی لە بەرزترین پلەدان وە (ئەگەر بچن گوێ بگرن) لە ھەموو لایەکی (ئاسمانەوە) ئاگر باران دەکرێن

Verse 9

ﭽﭾﭿﮀﮁ ﮂ ​

ڕاودەنرێن زۆر بە توندی و (لە قیامەتدا) سزایان بەردەوامە وسەختە

Verse 10

ﮃﮄﮅﮆﮇﮈﮉ ﮊ ​

(شەیتانەکان ناتوانن گوێ بگرن) مەگەر یەکێکیان بە دزیەوە ھەواڵێك (لە فریشتەیەك ببیستێ و) بە پەلە بیفڕێنێت پزیسکی گڕدار وسوتێنەری شوێن دەکەوێت (و دەی سوتێنێت)

Verse 11

ﮋﮌﮍﮎﮏﮐﮑﮒﮓﮔﮕﮖﮗ ﮘ ​

ئەمجا (ئەی موحەممەد ﷺ) بپرسە لەوانەی(کە بێباوەڕن) ئایا ئەوان دروستکراوێکی گەورەتر وگرنگتر و بەھێزترن ؟ یان ئەو شتانەی تر کە دروستمان کردووە (لە ئاسمان و خۆر و زەوی و... ) بەڕاستی ئێمە ئەوان (ئادەمی) مان دروستکرد لە قوڕێکی لینجی جیڕ

Verse 12

ﮙﮚﮛ ﮜ ​

بەڵام (سەیرە) تۆ سەرت سوڕماوە (چۆن باوەڕ ناھێنن) کەچی ئەوان گاڵتە دەکەن (بە تۆ کە دەڵێیت زیندوو بوونەوە ھەیە)

Verse 13

ﮝﮞﮟﮠ ﮡ ​

وە کاتێك ئامۆژگاری بکرێن ئامۆژگاری وەرناگرن

Verse 14

ﮢﮣﮤﮥ ﮦ ​

وە کاتێ موعجیزەیەك ببینن دەیکەنە گاڵتەجاری

Verse 15

ﮧﮨﮩﮪﮫﮬ ﮭ ​

وە دەڵێن ئەم (قورئانە) ھیچ نیە جگە لە جادویەکی ئاشکرا نەبێت

Verse 16

ﮮﮯﮰﮱﯓﯔﯕ ﯖ ​

(دەڵێن) ئایا ئێمە کە مردین و بووین بەخۆڵ و ئێسکی ڕزیو ئایا ئێمە زیندوو دەکرێینەوە؟!

Verse 17

ﯗﯘ ﯙ ​

لەگەڵ باوو باپیرانی پێشینانمان

Verse 18

ﯚﯛﯜﯝ ﯞ ​

(ئەی موحەممەد ﷺ) بڵێ: بەڵێ (ھەمووتان زیندوو دەکرێنەوە) و لەو کاتەدا ئێوە زەلیل و سەرشۆڕن

Verse 19

ﯟﯠﯡﯢﯣﯤﯥ ﯦ ​

چونکە ئەو (زیندوو بوونەوەیە) ھەر یەك دەنگە ئیتر دەست بەجێ زیندوون و دەڕوانن

Verse 20

ﯧﯨﯩﯪﯫ ﯬ ​

وە دەڵێن: وای بۆ خۆمان ئەمە ڕۆژی تۆڵەسەندن وپاداشتە

Verse 21

ﯭﯮﯯﯰﯱﯲﯳ ﯴ ​

(پێیان دەوترێت) ئەمە ئەو ڕۆژی بڕیاردانەیە کە باوەڕتان پێی نەبوو

Verse 22

ﯵﯶﯷﯸﯹﯺﯻﯼ ﯽ ​

(خوا بەفریشتەکان دەفەرموێت) ئەوانەی ستەمیان کرد کۆیان بکەنەوە لەگەڵ ھاوڕێکانیان (ھاو وێنەکانیان) لەگەڵ ئەوانەش دەیان پەرستن

Verse 23

ﯾﯿﰀﰁﰂﰃﰄ ﰅ ​

جگە لە خوا ئەمجا ڕێگای دۆزەخیان نیشان دەن

Verse 24

ﰆﰇﰈﰉ ﰊ ​

وە ئەوانە ڕاوەستێنن بێگومان پرسیاریان لێدەکرێت

Verse 25

ﭑﭒﭓﭔ ﭕ ​

(پێیان دەوترێت) ئەوە چیتانە یارمەتی یەکتر نادەن

Verse 26

ﭖﭗﭘﭙ ﭚ ​

(نەخێر یارمەتی یەکتر نادەن) بەڵکو ئەوان ھەموو (بەندەو پەرستراوەکانیان) لەو ڕۆژەدا گەردن کەچن بۆ خوا

Verse 27

ﭛﭜﭝﭞﭟ ﭠ ​

و (لەو ڕۆژەدا) ڕوو دەکەنە یەکترو پرسیار لەیەکتر دەکەن

Verse 28

ﭡﭢﭣﭤﭥﭦ ﭧ ​

(گومڕاکراوەکان بەگومڕاکەرەکان) دەڵێن بەڕاستی ئێوە بوون لەلای ڕاستەوە ھاتنە لامان (نەتان ھێشت شوێنی کەوین)

Verse 29

ﭨﭩﭪﭫﭬ ﭭ ​

(گومڕاکەرەکان) دەڵێن (نەخێر ڕاست ناکەن) بەڵکو ئێوە خۆتان ئیماندار نەبوون

Verse 30

ﭮﭯﭰﭱﭲﭳﭴﭵﭶﭷﭸ ﭹ ​

وە ئێمە ھیچ دەسەڵاتێکمان بەسەر ئێوەدا نەبوو بەڵکو خۆتان گەلێکی لەخوایاخی بوون

Verse 31

ﭺﭻﭼﭽﭾﭿﮀ ﮁ ​

ئەوەتە بڕیاری پەروەردگارمان (بەسزا دانمان) سەپا بەسەرماندا، کە بەڕاستی دەبێ بیچەژین

Verse 32

ﮂﮃﮄﮅ ﮆ ​

بەڵێ ئێمە ئێوەمان گومڕا کرد چونکە بەڕاستی خۆشمان گومڕا بووین

Verse 33

ﮇﮈﮉﮊﮋ ﮌ ​

جا بەڕاستی ھەموویان (گومڕاکراو و گومڕاکار) لەو ڕۆژەدا لەسزادا ھاوبەشن

Verse 34

ﮍﮎﮏﮐ ﮑ ​

بێگومان ئێمە تاوانباران بەو جۆرە لێ دەکەین

Verse 35

ﮒﮓﮔﮕﮖﮗﮘﮙﮚﮛ ﮜ ​

بەڕاستی ھەر کاتێك بەوانە بوترایە ھیچ پەرستراوێکی ڕاست نیە بێجگە لە خوا، خۆیان بە گەورە دەزانی (و ملکەچی نەدەبوون)

Verse 36

ﮝﮞﮟﮠﮡﮢ ﮣ ​

وە دەیانووت: ئایا ئێمە پەرستراوەکانمان واز لێ بھێنین؟ لە بەر شاعیرێکی شێت

Verse 37

ﮤﮥﮦﮧﮨ ﮩ ​

(نەخێر وانیە) بەڵکو ئەو (پێغەمبەرە) ھەقی ھێناوەو باوەڕی بە پێغەمبەرانی پێشوو ھەیە

Verse 38

ﮪﮫﮬﮭ ﮮ ​

بەڕاستی ئێوە سزای سەخت دەچەژن

Verse 39

ﮯﮰﮱﯓﯔﯕ ﯖ ​

و ئێوە تەنھا تۆڵەی ئەو (خراپانە)تان لێ ئەسێنرێت کەکردوتانە

Verse 40

ﯗﯘﯙﯚ ﯛ ​

بەڵام بەندە پاك و ھەڵبژاردەکانی خوا

Verse 41

ﯜﯝﯞﯟ ﯠ ​

ئەوانەن ڕزق و ڕۆزی دیاری کراویان بۆ ھەیە

Verse 42

ﯡﯢﯣ ﯤ ​

کەمیوە ھاتی جۆرا و جۆرە، وە ئەوان ڕێز لێگیراون

Verse 43

ﯥﯦﯧ ﯨ ​

لەبەھشتانی پڕ ناز و نیعمەتدا

Verse 44

ﯩﯪﯫ ﯬ ​

لەسەر تەخت و کورسیە ڕازاوەکان بەرامبەر یەکتر دانیشتوون

Verse 45

ﯭﯮﯯﯰﯱ ﯲ ​

بەسەریاندا دەسوڕێنەوە بە پەرداخی پڕ لەشەرابی پاك وخاوێن لە ڕووبارە ڕۆشتوەکانی بەھەشت

Verse 46

ﯳﯴﯵ ﯶ ​

سپیە لە ڕەنگدا، زۆر بەلەزەتە بۆ ئەوانەی دەیخۆنەوە (کەھیچ زیانێك بەلاشە و ژیری مرۆڤ ناگەیەنێت)

Verse 47

ﯷﯸﯹﯺﯻﯼﯽ ﯾ ​

(ئەو شەرابە) نەمێشکیان تێك دەدات نەسەر خۆشیان دەکات

Verse 48

ﯿﰀﰁﰂ ﰃ ​

وە ئافرەتانی چاو جوان و گەورەیان لایە، کە جگە لە مێردەکانیان سەیری کەس ناکەن

Verse 49

ﰄﰅﰆ ﰇ ​

وەکو ھێلکەی ناو ھێلانەن (یان ئەڵێی مرواری ناو سەدەفن)

Verse 50

ﰈﰉﰊﰋﰌ ﰍ ​

ئەمجا ڕوو دەکەنە یەك و پرسیار لە یەکتر دەکەن

Verse 51

ﰎﰏﰐﰑﰒﰓﰔ ﰕ ​

یەکێك لەوان دەڵێت: من (لە دونیا) ھاوەڵێکم ھەبوو

Verse 52

ﭑﭒﭓﭔ ﭕ ​

دەیووت: ئایا بەڕاستی تۆ لەوانەی باوەڕت ھەیە (بەزیندوو بوونەوە؟!)

Verse 53

ﭖﭗﭘﭙﭚﭛﭜ ﭝ ​

ئایا کاتێك مردین و بووین بە خاك و ئێسقانی ڕزیوو ئایا بەڕاستی ئێمە (زیندوو دەکرێینەوەو) سزا دەدرێن

Verse 54

ﭞﭟﭠﭡ ﭢ ​

(پیاوە بەھەشتییەکە) ووتی ئایا ئێوە تەماشا (ی دۆزەخ) ناکەن

Verse 55

ﭣﭤﭥﭦﭧ ﭨ ​

ئەمجا خۆی سەیری کرد کتوپڕ لە ناوەڕاستی دۆزەخدا ئەو (ھاوڕێیەی) بینی

Verse 56

ﭩﭪﭫﭬﭭ ﭮ ​

پێی ووت سوێند بەخوا نزیك بوو منیش ھەڵدێریت

Verse 57

ﭯﭰﭱﭲﭳﭴ ﭵ ​

وە ئەگەر میھرەبانی پەروەردگارم فریام نەکەوتایە، منیش لە ئامادەکراوان (ی ناو دۆزەخ) دەبووم

Verse 58

ﭶﭷﭸ ﭹ ​

دەی ئایا ئێمە نامرین؟!

Verse 59

ﭺﭻﭼﭽﭾﭿ ﮀ ​

جگە لە مردنەکەی یەکەمی (دونیا)مان وەئێمە سزا نادرێین؟!

Verse 60

ﮁﮂﮃﮄﮅ ﮆ ​

بەڕاستی ئەمەیە سەرکەوتنی گەورە

Verse 61

ﮇﮈﮉﮊ ﮋ ​

با تێکۆشەران بۆ پاشەڕۆژی ڕۆژێکی وا تێبکۆشن

Verse 62

ﮌﮍﮎﮏﮐﮑ ﮒ ​

ئایا ئەو (نیعمەتانەی باسکرا) ڕێزگرتن و میوان دارییە باش وچاکە، یان(بەری) درەختی ژەقنەمووت ؟

Verse 63

ﮓﮔﮕﮖ ﮗ ​

بێگومان ئێمە ئەو (دارە) مان کردە ھۆی تاقی کردنەوەی ستەمکاران (کە لە دونیادا گاڵتەیان پێدەکرد)

Verse 64

ﮘﮙﮚﮛﮜﮝ ﮞ ​

بەڕاستی ئەو (ژەقنەمووتە) درەختێکە لە بێخی دۆزەخ دا دەڕوێت

Verse 65

ﮟﮠﮡﮢ ﮣ ​

بەرووبوومەکەی ھەروەك سەری شەیتانەکانە (ناشیرین و چڵ چڵاویە)

Verse 66

ﮤﮥﮦﮧﮨﮩ ﮪ ​

جا بێگومان ئەو (دۆزەخیانە) لەو درەختە دەخۆن و سکیان لە (بەری) ئەو درەختە پڕ دەکەن

Verse 67

ﮫﮬﮭﮮﮯﮰﮱ ﯓ ​

لە پاشان بەڕاستی ئاوێکی لێڵی زۆر گەرمی بەسەردا دەخۆنەوە

Verse 68

ﯔﯕﯖﯗﯘ ﯙ ​

بێگومان دواتر گەڕانەوەیان بۆ دۆزەخە

Verse 69

ﯚﯛﯜﯝ ﯞ ​

بەڕاستی ئەوان باو و باپیرانی خۆیانیان بە گومڕایی بینی

Verse 70

ﯟﯠﯡﯢ ﯣ ​

ئەمجا ئەوان ھاندەدران بۆ شوێن کەوتنیان (لە گومڕاییدا)

Verse 71

ﯤﯥﯦﯧﯨ ﯩ ​

سوێند بەخوا بێگومان پێش ئەو (گومڕایانەی قوڕەیش) زۆربەی گەلە پێشینەکان گومڕا بوون

Verse 72

ﯪﯫﯬﯭ ﯮ ​

سوێند بەخوا بێگومان ئێمە لە ناو خۆیاندا (پێغەمبەرانی) ترسێنەرمان بۆ ناردن

Verse 73

ﯯﯰﯱﯲﯳ ﯴ ​

ئەمجا (ئەی موحەممەد ﷺ) سەرنج بدە سەرئەنجامی ترسێنراوەکان چۆن بوو

Verse 74

ﯵﯶﯷﯸ ﯹ ​

بەڵام بەندە پاك و ھەڵبژاردەکانی خوا

Verse 75

ﯺﯻﯼﯽﯾ ﯿ ​

سوێند بەخوا بەڕاستی نوح (علیە السلام) ھاواری لێ کردین ئەمجا ئێمەش زۆر چاك وەڵامی (ھاوارەکەی) ئەومان دایەوە

Verse 76

ﰀﰁﰂﰃﰄ ﰅ ​

خۆی و کەسوکاری (باوەڕداری) مان لە تەنگانە گەورەکە ڕزگار کرد

Verse 77

ﭑﭒﭓﭔ ﭕ ​

وە تەنھا نەوەکانی ئەومان (لەسەر زەوی) ھێشتەوە

Verse 78

ﭖﭗﭘﭙ ﭚ ​

وە باس وناوبانگی(باشی) ئەومان لەناو گەلە پاشینەکاندا ھێشتەوە (کە ئەمەیە)

Verse 79

ﭛﭜﭝﭞﭟ ﭠ ​

سەلام و دروود لەسەر نوح لە لایەن ھەموو جیھانیانەوە

Verse 80

ﭡﭢﭣﭤ ﭥ ​

بەڕاستی ئێمە ئا بەو شێوە پاداشتی چاکەکاران دەدەینەوە

Verse 81

ﭦﭧﭨﭩ ﭪ ​

بێگومان ئەو لە بەندە باوەڕدارەکانی ئێمە بوو

Verse 82

ﭫﭬﭭ ﭮ ​

لە پاشان ئەوانی تر (دوژمنان)مان نوقم کرد

Verse 83

ﭯﭰﭱﭲﭳ ﭴ ​

بەڕاستی ئیبراھیم لە پەیڕەوان و شوێنکەوتوانی نوح بوو (لە بنەماکانی ئایندا)

Verse 84

ﭵﭶﭷﭸﭹ ﭺ ​

کاتێك بە دڵێکی ساغەوە بەرەو پەروەردگاری ھات

Verse 85

ﭻﭼﭽﭾﭿﮀ ﮁ ​

کاتێك کە بەباوکی و گەلەکەی ووت چی دەپەرستن

Verse 86

ﮂﮃﮄﮅﮆ ﮇ ​

ئایا بێجگە لە خوا پەرستراوێکی درۆ و ھەڵبەستراوتان دەوێت (بیپەرستن)

Verse 87

ﮈﮉﮊﮋ ﮌ ​

ئاخۆ گومانتان چۆنە بەرانبەر بە پەروەردگاری جیھانیان؟

Verse 88

ﮍﮎﮏﮐ ﮑ ​

ئەمجا سەیرێکی ئەستێرەکانی کرد

Verse 89

ﮒﮓﮔ ﮕ ​

جا ووتی من نەخۆشم (نایەم بۆ جەژنەکەتان لە دەرەوەی شار)

Verse 90

ﮖﮗﮘ ﮙ ​

ئەوانیش پشتیان تێکرد و ڕۆشتن (بۆ دەرەوەی شار بۆ جەژنەکەیان)

Verse 91

ﮚﮛﮜﮝﮞﮟ ﮠ ​

جا (ئیبراھیم) بە نھێنی ڕۆشت بۆ لای پەرستراوەکانیان (بە گاڵتەوە) پێی ووتن ئەوە بۆ شت ناخۆن

Verse 92

ﮡﮢﮣﮤ ﮥ ​

ئەوە چیتانە قسە ناکەن

Verse 93

ﮦﮧﮨﮩ ﮪ ​

ئەمجا بەدەستی ڕاستی (بە تەور) دەستیکرد بەلێدانیان (ورد وردی کردن جگە بتە گەورەکەیان)

Verse 94

ﮫﮬﮭ ﮮ ​

(گەلەکەی زانیان) یەکسەر بە پەلە بەرەو ئیبراھیم ھاتن

Verse 95

ﮯﮰﮱﯓ ﯔ ​

(ئیبراھیم) ووتی ئایا ئێوە بتانێك دەپەرستن کە خۆتان دەیتاشن و دروستی دەکەن؟

Verse 96

ﯕﯖﯗﯘ ﯙ ​

لە کاتێکدا خوا بەدیھێنەری خۆتان و ئەو بتانەشە دروستان کردون

Verse 97

ﯚﯛﯜﯝﯞﯟﯠ ﯡ ​

ووتیان بینایەکی بەرزی بۆ دروست بکەن (پڕی کەن لە ئاگر) و فڕێی بدەنە ناو ئاگرەکەوە

Verse 98

ﯢﯣﯤﯥﯦ ﯧ ​

وویستیان (بیکوژن) بە پیلان بەڵام ئێمە ئەوانمان ژێر خست

Verse 99

ﯨﯩﯪﯫﯬﯭ ﯮ ​

(ئیبراھیم) ووتی من دەڕۆم بۆ لای پەروەردگارم، دڵنیام ڕێنمونیم دەکات

Verse 100

ﯯﯰﯱﯲﯳ ﯴ ​

ئەی پەروەردگارم مناڵێکی چاکم پێببەخشە

Verse 101

ﯵﯶﯷ ﯸ ​

ئێمەش مژدەی کوڕێکی لەسەرخۆمان پێـدا

Verse 102

ﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔ ﰕ ​

جا کاتێك ئەو (کوڕەگەورە بوو تا) گەشتە ئەوەی ئیش و کار بکات لەگەڵ (ئیبراھیم)دا (ئیبراھیم) ووتی ئەی کوڕە خۆشەویستەکەم بەڕاستی من لە خەودا بینیم کە سەرت دەبڕم جا سەرنج بدە دەڵێیت چی و ڕات چیە؟ (کوڕەکە = ئیسماعیل) ووتی بابەگیان ئەوەی فەرمانت پێدراوە بیکە دڵنیابە دەمبینیت بە وویستی خوا لە خۆگران دەبم

Verse 103

ﭑﭒﭓﭔ ﭕ ​

ئەمجا کاتێك ھەر دووکیان ملکەچ بوون (بۆ فەرمانی خوا) و ئیبراھیم ئیسماعیلی بەڕوودا خستەسەر زەوی

Verse 104

ﭖﭗﭘ ﭙ ​

ئێمەش بانگمان کرد ئەی ئیبراھیم

Verse 105

ﭚﭛﭜﭝﭞﭟﭠﭡ ﭢ ​

بێگومان خەوەکەت بەجێھێنا بەڕاستی ئێمە ئا بەو شێوە پاداشتی چاکەکاران دەدەینەوە

Verse 106

ﭣﭤﭥﭦﭧ ﭨ ​

بێگومان ئەمە تاقیکردنەوەی ئاشکرابوو

Verse 107

ﭩﭪﭫ ﭬ ​

وە بەرانێکی گەورەمان کردە قوربانی ئەو (ئیسماعیل)

Verse 108

ﭭﭮﭯﭰ ﭱ ​

وە باس وناوبانگی(باشی) ئەومان لەناو گەلە پاشینەکاندا ھێشتەوە (کە ئەمەیە)

Verse 109

ﭲﭳﭴ ﭵ ​

دروود و سەلام لەسەر ئیبراھیم

Verse 110

ﭶﭷﭸ ﭹ ​

ئا بەو شێوە پاداشتی چاکەکاران دەدەینەوە

Verse 111

ﭺﭻﭼﭽ ﭾ ​

بێگومان ئەو لە بەندە باوەڕدارەکانی ئێمە بوو

Verse 112

ﭿﮀﮁﮂﮃ ﮄ ​

مژدەی ئیسحاقمان پێدا (کە دەبێتە) پێغەمبەرێك لەچاکەکاران

Verse 113

ﮅﮆﮇﮈﮉﮊﮋﮌﮍﮎﮏ ﮐ ​

جا فەڕ و بەرەکەتمان ڕشت بەسەر ئیبراھیم و ئیسحاقدا و لە نەوەی ھەردووکیـان کارچاك و ستەمکار لەدەروونی خۆی بەئاشکرا ھەبوو

Verse 114

ﮑﮒﮓﮔﮕ ﮖ ​

سوێند بەخوا بێگومان منەتمان نا بەسەر موساو ھاروندا

Verse 115

ﮗﮘﮙﮚﮛ ﮜ ​

ھەردووکیان و گەلەکەیانمان لە تەنگانە گەورەکە ڕزگار کرد

Verse 116

ﮝﮞﮟﮠ ﮡ ​

وە یارمەتیمان دان، بۆیە ھەر ئەوان سەرکەوتن (بەسەر فیرعەون و کۆمەڵەکەیدا)

Verse 117

ﮢﮣﮤ ﮥ ​

وە کتێبی ڕوونکەرەوەمان دا بەھەردووکیان (بەموسا و ھارون)

Verse 118

ﮦﮧﮨ ﮩ ​

وە ڕێنمونی ھەردووکیانمان کرد بۆ رێگای ڕاست

Verse 119

ﮪﮫﮬﮭ ﮮ ​

وە ناوبانگی چاکی ھەردووکیانمان لە ناو گەلە پاشینەکاندا ھێشتەوە

Verse 120

ﮯﮰﮱﯓ ﯔ ​

سەلام لەسەر موسا و ھارون بێت

Verse 121

ﯕﯖﯗﯘ ﯙ ​

بەڕاستی ئێمە ئا بەو شێوە پاداشتی چاکەکاران دەدەینەوە

Verse 122

ﯚﯛﯜﯝ ﯞ ​

بێگومان ھەردووکیان لەبەندە ئیماندارەکانی ئێمەن

Verse 123

ﯟﯠﯡﯢ ﯣ ​

بەڕاستی ئیلیاس (پێغەمبەرێك بوو) لەپێغەمبەران

Verse 124

ﯤﯥﯦﯧﯨ ﯩ ​

کاتێك بەگەلەکەی ووت ئەوە لەخوا ناترسن (خۆتان ناپارێزن)

Verse 125

ﯪﯫﯬﯭﯮ ﯯ ​

ئایا (بتی) بەعل دەپەرستن و واز دەھێنن لە (پەرستنی) چاکترینی دروستکەر و بەدیھێنەران(کە خوای گەورەیە)

Verse 126

ﯰﯱﯲﯳﯴ ﯵ ​

کەخوای پەروەردگاری ئێوە و باوو باپیرە پێشینەکانتانە

Verse 127

ﭑﭒﭓ ﭔ ​

کەچی باوەڕیان نەھێنا بە ئیلیاس کەوابوو بێگومان ئەوان ئامادە دەکرێن(لە دۆزەخدا)

Verse 128

ﭕﭖﭗﭘ ﭙ ​

بەڵام بەندە پاك و ھەڵبژاردەکانی خوا

Verse 129

ﭚﭛﭜﭝ ﭞ ​

وە باس وناوبانگی(باشی) ئەومان لەناو گەلە پاشینەکاندا ھێشتەوە (کە ئەمەیە)

Verse 130

ﭟﭠﭡﭢ ﭣ ​

سەلام لەسەر ئیلیاس بێت (ئیلیاسین و ئیلیاس ھەر یەك کەسە)

Verse 131

ﭤﭥﭦﭧ ﭨ ​

بەڕاستی ئێمە ئا بەو شێوە پاداشتی چاکەکاران دەدەینەوە

Verse 132

ﭩﭪﭫﭬ ﭭ ​

بێگومان ئەو لە بەندە باوەڕدارەکانی ئێمە بوو

Verse 133

ﭮﭯﭰﭱ ﭲ ​

بەڕاستی لوط (پێغەمبەرێك بوو) لە پێغەمبەران

Verse 134

ﭳﭴﭵﭶ ﭷ ​

کاتێك خۆی و ھەموو کەسەکانی و شوێن کەوتووانیمان ڕزگار کرد

Verse 135

ﭸﭹﭺﭻ ﭼ ​

بێجگە لەپیرەژنێك (خێزانی لوط ) کە لە تیاچووەکان بوو

Verse 136

ﭽﭾﭿ ﮀ ​

پاشان ئەوانی ترمان لەناوبرد

Verse 137

ﮁﮂﮃﮄ ﮅ ​

بەڕاستی ئێوە (ئەی قوڕەیشیەکان) بە بەیانیاندا (بە ڕۆژ) دەڕۆن بەسەر (شوێنەوارەکانیاندا)

Verse 138

ﮆﮇﮈﮉ ﮊ ​

و بەشەودا ئایا ئیتر ژیر نابن

Verse 139

ﮋﮌﮍﮎ ﮏ ​

وە بە ڕاستی یونس (پێغەمبەرێك بوو) لەپێغەمبەران

Verse 140

ﮐﮑﮒﮓﮔ ﮕ ​

کاتێک ڕایکرد بۆ لای کەشتیەکی پڕ (لە خەڵك)

Verse 141

ﮖﮗﮘﮙ ﮚ ​

ئەمجا (ئەو کەشتیە لەبەر ئەوەی باری قوورس بوو، لەترسی نوقم نەبوونی، خەڵکەکەی کە لەناویدا بوون، قورعەکێشیان کرد بۆ ئەوەی ئەو کەسەی دەرچوو بیخەنە ناو دەریاکەوە وباری کەشتەیەکە سووکتر ببێت) قورعەیان کرد (یونس) ئەو کەسە بوو لەقورعەکە سەرنەکەوت

Verse 142

ﮛﮜﮝﮞ ﮟ ​

(خرایە دەریاکە و) ئەمجا نەھەنگێك قووتی دا ئەویش شایانی سەرزەنشت بوو

Verse 143

ﮠﮡﮢﮣﮤ ﮥ ​

خۆ ئەگەر بەڕاستی ئەو لە یادکارانی (خوا) نەبوایە

Verse 144

ﮦﮧﮨﮩﮪﮫ ﮬ ​

ھەتا ڕۆژی زیندوو بوونەوە لەناو سکی ئەو (نەھەنگەدا) دەمایەوە

Verse 145

ﮭﮮﮯﮰﮱ ﯓ ​

بە ھۆی ئەوەوە فڕێماندایە زەویەکی ڕووت (بێ دار و درەخت) و نەخۆشیش بوو

Verse 146

ﯔﯕﯖﯗﯘ ﯙ ​

وە ڕووەکێکی کولەکەمان بەسەریدا ڕواند

Verse 147

ﯚﯛﯜﯝﯞﯟ ﯠ ​

ئەوسا بە پێغەمبەرێتی ناردمان بۆ لای سەد ھەزار کەس یان زیاتر

Verse 148

ﯡﯢﯣﯤ ﯥ ​

گەلەکەش باوەڕیان ھێنا و بەو ھۆیەوە بەھرەمەندمان کردن لەژیان تا ماوەیەك

Verse 149

ﯦﯧﯨﯩﯪ ﯫ ​

ئەمجا (ئەی موحەممەد ﷺ) پرسیاریان لێ بکە ئایا کچان بۆ پەروەردگاری تۆیە و کوڕانیش ھی ئەوانە؟

Verse 150

ﯬﯭﯮﯯﯰﯱ ﯲ ​

یان ئەوان بە دیارەوە بوون کە ئێمە فریشتەکانمان بە مێینە دروستکرد

Verse 151

ﯳﯴﯵﯶﯷ ﯸ ​

بێدار بن بەڕاستی ئەوان لە دەس ھەڵبەسی خۆیانەوە دەڵێن

Verse 152

ﯹﯺﯻﯼ ﯽ ​

خوا منداڵی بووەو بێگومان ئەوانە درۆزنن

Verse 153

ﯾﯿﰀﰁ ﰂ ​

ئایا (خوا) کچانی ھەڵبژاردووە (بۆ خۆی) بەسەر کوڕاندا

Verse 154

ﭑﭒﭓﭔ ﭕ ​

چیتانە چۆن بڕیاری وا دەدەن

Verse 155

ﭖﭗ ﭘ ​

دەی ئایا بیر ناکەنەوە؟

Verse 156

ﭙﭚﭛﭜ ﭝ ​

یان بەڵگەیەکی ڕوونتان (لەم بارەیەوە) ھەیە

Verse 157

ﭞﭟﭠﭡﭢ ﭣ ​

دەی کتێبەکەتان (بەڵگەکەتان) بھێنن ئەگەر ڕاست دەکەن

Verse 158

ﭤﭥﭦﭧﭨﭩﭪﭫﭬﭭﭮ ﭯ ​

وە ئەو (بێ باوەڕانە) لە نێوان خواو جنۆکەدا خزمایەتیان بڕیارداوە سوێند بەخوا بێگومان جنۆکەکان دەیانزانی کە بەڕاستی ئەوان ئامادە دەکرێن (لەڕۆژی دواییدا)

Verse 159

ﭰﭱﭲﭳ ﭴ ​

پاك و بێگەردە خوا لەوەی ئەو (بێ باوەڕانە) دەیڵێن

Verse 160

ﭵﭶﭷﭸ ﭹ ​

(ھەموویان سزا دەدرێن) بێجگە بەندە خاوێن کراوەکانی خوا

Verse 161

ﭺﭻﭼ ﭽ ​

ئەمجا بەڕاستی ئێوە و ئەو (بتانە)یش کە دەیپەرستن

Verse 162

ﭾﭿﮀﮁ ﮂ ​

ئێوە ناتوانن لەبەرانبەری خوادا گومڕاکەری (کەس) بن

Verse 163

ﮃﮄﮅﮆﮇ ﮈ ​

بێجگە ئەو کەسەی (خوا دەزانێت) دەچێتە دۆزەخەوە

Verse 164

ﮉﮊﮋﮌﮍﮎ ﮏ ​

(فریشتەکان دەڵێن) ھیچ کام لەئێمە نیە مەگەر پلەو شوێنێکی دیاریکراوی خۆی ھەیە

Verse 165

ﮐﮑﮒ ﮓ ​

وە بەڕاستی ئێمە ھەموومان بەڕیز وەستاوین (بۆ عیبادەت و بەجێھێنانی فەرمانی خوا)

Verse 166

ﮔﮕﮖ ﮗ ​

وە بێگومان ئێمەین ھەمیشە تەسبیحات وزیکر ویادی ئەو دەکەین

Verse 167

ﮘﮙﮚ ﮛ ​

بێگومان ھەر چەندە بت پەرستان دەیانووت

Verse 168

ﮜﮝﮞﮟﮠﮡ ﮢ ​

بەڕاستی ئەگەر کتێبێ (ی ئاسمانی وەك کتێبی) پێشینانمان ھەبوایە

Verse 169

ﮣﮤﮥﮦ ﮧ ​

بەڕاستی ئێمە لە بەندە پاك و خاوێنەکانی خوا دەبووین

Verse 170

ﮨﮩﮪﮫﮬ ﮭ ​

ئەمجا (کە کتێبیان بۆ ھات) باوەڕیان پێ نەھێنا، جابەزوویی دەزانن (سەر ئەنجامی بێ بڕواییەکەیان چۆن دەبێت)

Verse 171

ﮮﮯﮰﮱﯓ ﯔ ​

سوێند بەخوا بێگومان پێشتر بڕیارمان داوە بۆ بەندە نێردراوەکانمان

Verse 172

ﯕﯖﯗ ﯘ ​

کە بێگومان ھەر ئەوان سەر دەخرێن

Verse 173

ﯙﯚﯛﯜ ﯝ ​

دیاریشە ھەر سەربازانی ئێمە سەردەکەوون

Verse 174

ﯞﯟﯠﯡ ﯢ ​

تۆش وازیان لێ بھێنە تا ئەو ماوەی(دیاریکراوە بۆ لەناوبردنیان)

Verse 175

ﯣﯤﯥ ﯦ ​

وە بیان بینە (سەرنجامیان چۆن دەبێت) لەمەولا ئەوانیش دەبینن (چییان بەسەر دێت)

Verse 176

ﯧﯨ ﯩ ​

جا ئایا بەپەلە داوای سزای ئێمە دەکەن

Verse 177

ﯪﯫﯬﯭﯮﯯ ﯰ ​

ھەر کاتێك سزای ئێمە ھاتە خوارەوە بۆ ناو ماڵەکانیان ئەوسا ترسێنراوان چ ڕۆژێکی خراپ و تەنگیان دەبێت

Verse 178

ﯱﯲﯳﯴ ﯵ ​

وە وازیان لێ بھێنە ھەتائەو ماوەی (دیاریکراوە بۆیان)

Verse 179

ﯶﯷﯸ ﯹ ​

وە ببینە ئەمجا لەمەولا ئەوانیش دەبینن

Verse 180

ﯺﯻﯼﯽﯾﯿ ﰀ ​

پەروەردگارت پاك و بێگەردە، پەروەردگاری باڵا دەست لەوەی بێ باوەڕان دەیڵێن (دەربارەی)

Verse 181

ﰁﰂﰃ ﰄ ​

سڵاو و درودیش بۆ گشت پێغەمبەران

Verse 182

ﰅﰆﰇﰈ ﰉ ​

سوپاس و ستایشیش بۆ خوای پەروەردگاری ھەموو جیھانیان