Okuvvuunula Suura الحجر mu اللوغندية okuva mu الترجمة اللوغندية - المؤسسة الإفريقية للتنمية
Verse 1
1. Alif Laam Raa, zino ze zimu ku Aya z'ekitabo, era nga ye Kur’ani ennyinyonnyofu.
Verse 2
2. Lumu, abo abaakaafuwala balyegomba okuba nti singa baali basiraamu.
Verse 3
3. Baleke balye, era beeyagale era essuubi (mu kuwangaala) libalabankanye, kyaddaaki balimanya.
Verse 4
4. Tetwazikiriza kitundu kyonna okugyako nga kyalina ekiseera ekimanyiddwa.
Verse 5
5. Tewali bantu bakulembera ntuuko yaabwe era tebayinza kusaba kwongerwayo (okusaba kwa bwe ne kuyitamu).
Verse 6
6. Nebagamba (abakaafiiri) nti owange ggwe eyassibwako ekijjukiza (Kur’ani) mazima ddala ggwe oli mulalu.
Verse 7
7. Waakiri singa otuleetera ba Malayika bwoba nga oli mu boogera amazima.
Verse 8
8. (Katonda naagamba) nti: tetussa ba Malayika okugyako lwa nsonga n'olwekyo (singa twabaweereza ba Malayika) tebandibadde balindirizibwa.
Verse 9
9. Mazima ffe, ffe twassa ekijjukiza (Kur’ani) era mazima ffe tujja kugikuuma.
Verse 10
10. Mazima nga tonnajja twatumira ebibiina ebyakulembera.
Verse 11
11. Era tewali mubaka yenna eyabajjira okugyako baamujeejanga.
Verse 12
ﮰﮱﯓﯔﯕ
ﯖ
12. (Nga bwe twayingiza obukaafiiri mu mitima gya bakaafiiri abaakulembera) bwe tutyo bwe tubuyingiza mu mitima gy'aboonoonyi (abo mu bantubo).
Verse 13
13. (Obubaka bwo) tebabukkiriza ate nga ekyatuuka ku baabakulembera kimanyiddwa.
Verse 14
14. Era singa twabaggulirawo omulyango mu ggulu nebaba nga balinnyira mu gwo (nga bwe bakka).
Verse 15
15. Baaligambye nti mazima amaaso gaffe gatamiiziddwa si nakindi ffe tuli bantu abaloge.
Verse 16
16. Mazima twassa ku ggulu ebifo by'emmunyenye netulinyiriza eri abalabi.
Verse 17
ﭙﭚﭛﭜﭝ
ﭞ
17. Era netulikuuma ku buli Sitane eyagobwa mu kusaasira kwa Katonda.
Verse 18
18. Wabula oyo Sitane aba awulirizza mu bubba olwo nno ekitawuliro ekyeyolefu nekimufubutula emisinde.
Verse 19
19. N’ensi twagigaziya, netugisimbamu enkondo (ensozi), netumeza mu yo buli kintu nga kya kigero.
Verse 20
20. Netubateera (mmwe) mu yo ebiyimirizaawo obulamu bwa mmwe, n'ebiyimirizaawo obulamu bw'ebyo bye mutaliisa.
Verse 21
21. Tewali kintu kyonna okugyako nga ffe tulina amawanika g'akyo ate tetubissa okugyako nga kigero ekisaliddwawo.
Verse 22
22. Era tusindika empewo eyamba ebire okubaamu amazzi, olwo nno netussa enkuba okuva waggulu, netubanywekereza nayo mmwe, so nga si mmwe muba mugaterese.
Verse 23
ﮕﮖﮗﮘﮙﮚ
ﮛ
23. Era mazima ffe tuwa obulamu, era netutta era ffe tugenda okusigalawo.
Verse 24
24. Era mazima ddala twamanya abalisooka mu mmwe (okufa) era mazima twamanya abalisembayo.
Verse 25
25. Era mazima Mukama omulabiriziwo yaali bakunganya (ku lunaku lw'enkomerero) anti mazima yye mugoba nsonga, muyitirivu wa kumanya.
Verse 26
26. Mazima twakola omuntu (Adam) mu bbumba ettabule nga liddugavu.
Verse 27
27. N'amajjini twagatonda oluberyeberye mu muliro omuyitirivu ogwokya ennyo.
Verse 28
28. Jjukira ggwe (Nabbi Muhammad) Mukama omulabiriziwo bwe yagamba ba Malayika nti: mazima nja kutonda omuntu nga muggya mu bbumba ekkaze.
Verse 29
29. Olwo nno bwe nnamala okumwenkanyankanya, nenfuuwa mu ye omwoyo oguva gyendi kale nno mugwe wansi nga mumuvunnamira.
Verse 30
ﯶﯷﯸﯹ
ﯺ
30. Olwo ba Malayika bonna nebavunnama.
Verse 31
31. Okugyako Ibuliisu yagaana okubeera mu bavunnama.
Verse 32
32. (Katonda) kwe kugamba nti: owange ggwe Ibuliisu ki ekikugaanye okuvunnama n'abavunnami.
Verse 33
33. (Ibuliisu) nti: sandibadde avunnamira omuntu, gwotonze nga omuggya mu bbumba ekkaze eriddugavu.
Verse 34
ﭦﭧﭨﭩﭪ
ﭫ
34. (Katonda) kwe kumugamba nti gifulume (e jjana) anti ggwe ogobeddwa okuva mu kusaasira kwa Katonda.
Verse 35
ﭬﭭﭮﭯﭰﭱ
ﭲ
35. Era mazima ekikolimo kibeere ku ggwe okutuusiza ddala olunaku lw'okubalibwa.
Verse 36
ﭳﭴﭵﭶﭷﭸ
ﭹ
36. (Ibuliisu) naagamba nti: Ayi Mukama Omulabirizi wange, nnindiriza okutuusa ku lunaku lw'okusasulwa.
Verse 37
ﭺﭻﭼﭽ
ﭾ
37. (Katonda) naagamba nti kale oli mubalindiriziddwa.
Verse 38
ﭿﮀﮁﮂ
ﮃ
38. Okutuusa ku lunaku lw'ekiseera ekimanyiddwa (ebitonde byonna lwe birizikirira).
Verse 39
39. (Ibuliisu) naagamba nti: ayi Mukama omulabirizi wange nga bwombuzizza, mazima nja kubawundira kuno ku nsi (obujeemu n'ebibi bibe nga by'ebirungi mu maaso gaabwe) era nja kubabuliza ddala bonna.
Verse 40
ﮏﮐﮑﮒ
ﮓ
40. Okugyako abaddubo mu bo abalondobemu.
Verse 41
ﮔﮕﮖﮗﮘ
ﮙ
41. (Katonda) naagamba nti lino kkubo ggolokofu.
Verse 42
42. Mazima abaddu bange tobalinaako buyinza, mpozzi abo abakugoberera mu babuze.
Verse 43
ﮦﮧﮨﮩ
ﮪ
43. Era mazima omuliro Jahannama gwabalagaanyisibwa bonna.
Verse 44
44. Gulina emiryango musanvu, buli mulyango gulina mu bo omuteeko ogwagugerekerwa.
Verse 45
ﯕﯖﯗﯘﯙ
ﯚ
45. Mazima abatya Katonda balibeera mu jjana n'ensulo nga zikulukuta.
Verse 46
ﯛﯜﯝ
ﯞ
46. (Baligambibwa) nti mugiyingire nga muli mirembe nga temulina kutya kwonna.
Verse 47
47. Netujjawo buli kakuku akali mu bifuba bya bwe nebaba ab'oluganda. Olwo nno nga bali ku bitanda nga batunuuliganye (banyumya).
Verse 48
48. Tebagenda kutuukibwako kukoowa era nga bwe batagenda kufulumizibwamu.
Verse 49
49. Tegeeza abaddu bange nti nze musonyiyi ennyo omusaasizi.
Verse 50
ﯻﯼﯽﯾﯿ
ﰀ
50. Era nti mazima ebibonerezo byange by'ebibonerezo ebiruma ennyo.
Verse 51
ﰁﰂﰃﰄ
ﰅ
51. Era bategeeze ebikwata ku bagenyi ba Ibrahim.
Verse 52
52. Mu kiseera bwe baayingira we yali nebagamba nti mirembe (Salaamu) naagamba (Ibrahim) mazima ffe tubatidde.
Verse 53
53. Nebagamba nti totya, mazima ffe tukuwa amawulire ag'essanyu (ag'okuzaala) omwana omulenzi omumanyi ennyo.
Verse 54
54. (Ibrahim) naagamba nti: mumpa amawulire ag'essanyu nga n'obukadde bumaze okunzingiza olwo mawulire ga ssanyu nnabaki?.
Verse 55
55. Nebagamba nti, tukuwadde amawulire ag'essanyu mu bwesimbu, tobeeranga mu bakutuka n'okusuubira.
Verse 56
56. Naagamba nti nga ani akutuka n'okusaasira kwa Mukama omulabiriziwe mpozzi ababuze!.
Verse 57
ﭽﭾﭿﮀﮁ
ﮂ
57. Naagamba nti kiki ekibaleese abange mmwe abatumiddwa?.
Verse 58
ﮃﮄﮅﮆﮇﮈ
ﮉ
58. Nebagamba nti: mazima ffe tusindikiddwa eri abantu aboonoonyi.
Verse 59
ﮊﮋﮌﮍﮎﮏ
ﮐ
59. Ng'oggyeko abenju ya Luutu mazima ddala ffe bonna tujja kubawonya.
Verse 60
ﮑﮒﮓﮔﮕﮖ
ﮗ
60. Okugyako mukyalawe, twakisalawo nti mazima yye waakubeera mu abo abataligenda (naye).
Verse 61
ﮘﮙﮚﮛﮜ
ﮝ
61. Ababaka bwe baatuuka awali abantu ba (Nabbi) Luutu.
Verse 62
ﮞﮟﮠﮡ
ﮢ
62. (Luutu) naagamba nti mazima mmwe muli abantu abatamanyidddwa.
Verse 63
63. Nebagamba nti: ssi ekyo kyokka wabula tukujjidde n'ekyo kye baali babuusabuusa.
Verse 64
ﮫﮬﮭﮮ
ﮯ
64. Era tukuleetedde amazima, era ddala ffe bye twogera bituufu.
Verse 65
65. Kale tambula n'abantubo mu kitundu ky'ekiro era (ggwe) baveeko emabega tewaba omu ku mmwe akyuka, era mugende eyo gye mulagiddwa.
Verse 66
66. Netumuwa ekiragiro nti abasembayo ku bo baakuggwawo nga busaasaana.
Verse 67
ﯪﯫﯬﯭ
ﯮ
67. Abantu bo mu kibuga nebajja (ewa Luutu) nga bafa essanyu (olw'abagenyi abavubuka abaali bakyaddeyo).
Verse 68
ﯯﯰﯱﯲﯳﯴ
ﯵ
68. (Luutu) naagamba nti mazima abo bemulaba bagenyi bange temunsonyiwaza.
Verse 69
ﯶﯷﯸﯹ
ﯺ
69. Era mutye Katonda temunswaza.
Verse 70
ﯻﯼﯽﯾﯿ
ﰀ
70. Nebagamba nti: abaffe tetwakugaana (okuleeta wano) abantu!.
Verse 71
ﭑﭒﭓﭔﭕﭖ
ﭗ
71. Naabagamba nti bawala bange baabo bwe muba nga mulina kukikola.
Verse 72
ﭘﭙﭚﭛﭜ
ﭝ
72. (Katonda agamba nti) ndayidde obulamu bwo (ggwe Muhammad) mazima bo mu kukola ebyo byonna, baali babuyaanira mu butamiivu bwabwe.
Verse 73
ﭞﭟﭠ
ﭡ
73. Okubwatuka (okwamaanyi) nekubatuukako nga enjuba evaayo.
Verse 74
74. (Netuvuunika ebyalo byabwe) netuzza waggulu waabyo wansi, netubafukirira amayinja ag'o mu bbumba eryokye.
Verse 75
ﭫﭬﭭﭮﭯ
ﭰ
75. Mazima mu ebyo mulimu obubonero eri abo abalondoozi b'obubonero.
Verse 76
ﭱﭲﭳ
ﭴ
76. Era mazima ebyalo ebyo (ebyazikirizibwa) biri ku kkubo erikyaliwo (agendayo asobola okubiraba).
Verse 77
ﭵﭶﭷﭸﭹ
ﭺ
77. Mazima mu ebyo mulimu akabonero (akalaga obusobozi bwa Katonda) eri abakkiriza.
Verse 78
ﭻﭼﭽﭾﭿ
ﮀ
78. Era mazima n'abantu b'omukibira baali beeyisa bubi.
Verse 79
ﮁﮂﮃﮄﮅ
ﮆ
79. Netubazikiriza era mazima abantu ab'emirundi ebiri (aba Luutu ne Swaibu) baali ku kkubo erimanyiddwa (buli ayitawo alabawo).
Verse 80
ﮇﮈﮉﮊﮋ
ﮌ
80. Mazima abantu be Hijiri baalimbisa ababaka (bwe baalimbisa Nabbi Swaleh).
Verse 81
ﮍﮎﮏﮐﮑ
ﮒ
81. Era netubaleetera obubonero bwaffe naye nebabwawukanako.
Verse 82
ﮓﮔﮕﮖﮗﮘ
ﮙ
82. Baasimanga ensozi, nebakolamu amayumba mwe baawangaaliranga mu ddembe.
Verse 83
ﮚﮛﮜ
ﮝ
83. Okubwatuka nekubakwata nga bukya.
Verse 84
ﮞﮟﮠﮡﮢﮣ
ﮤ
84. Ebyo bye baakolanga tebyabayamba.
Verse 85
85. Era tetwatonda eggulu omusanvu n'ensi n'ebyo ebiri wakati wa byombi okugyako ku lwakigendererwa, era nti mazima essaawa esembayo ejja kutuuka, kale nno lekera olulekera olulungi.
Verse 86
ﯗﯘﯙﯚﯛ
ﯜ
86. Mazima Mukama omulabiriziwo yye ye mutonzi amanyi ennyo.
Verse 87
87. Era mazima twakuwa ayaa omusanvu eziddinganwa (Surat Al Fatiha) ne Kur’ani ey'ekitiibwa (yonna).
Verse 88
88. Tokanulanga amaaso go (nga otunuulira nga weegomba) eri ebyo bye twasanyusa nabyo emitindo egimu ku bo, era tebakunakuwazanga era wekkakkanye eri abakkiriza.
Verse 89
ﯵﯶﯷﯸﯹ
ﯺ
89. Era bagambe nti mazima nze ndi mutiisa ow'olwatu.
Verse 90
ﯻﯼﯽﯾ
ﯿ
90. Nga bwe twassa ku abo abagabanya (mu bubaka bwa Katonda).
Verse 91
ﭑﭒﭓﭔ
ﭕ
91. Abo abafuula Kur’ani ebiwayi.
Verse 92
ﭖﭗﭘ
ﭙ
92. Ndayira Mukama omulabiriziwo nti mazima bonna tugenda kubabuuliza ddala.
Verse 93
ﭚﭛﭜ
ﭝ
93. Ku ebyo bye baakolanga.
Verse 94
ﭞﭟﭠﭡﭢﭣ
ﭤ
94. Kale yogera mu lwatu ekyo ekikulagirwa, era oyawukane ku bagatta ku Katonda ebintu ebirala.
Verse 95
ﭥﭦﭧ
ﭨ
95. Mazima ffe twakumalira abajeeja.
Verse 96
96. Abo abassa ku Katonda ba katonda abalala, nebwebuliba ddi balimanya.
Verse 97
97. Tumanyidde ddala nti mazima ggwe ekifuba kyo kifunda olw'ebyo bye boogera.
Verse 98
ﭻﭼﭽﭾﭿﮀ
ﮁ
98. (Ggwe kyoba okola) tendereza ebitendo bya Mukama omulabiriziwo era obeere mu bavunnama.
Verse 99
ﮂﮃﮄﮅﮆ
ﮇ
99. Era sinza Mukama omulabiriziwo okutuusa obukakafu (okufa) lwe bulikujjira.
تقدم القراءة