Verse 1

ﭑ ﭒ ​

1. Twaa Siin Miim.

Verse 2

ﭓﭔﭕﭖ ﭗ ​

2. Ebyo bye bigambo by'ekitabo ekinnyonnyola.

Verse 3

ﭘﭙﭚﭛﭜﭝ ﭞ ​

3. Olabika nga ayagala okwetta olw'okuba bagaanye okuba abakkiriza.

Verse 4

ﭟﭠﭡﭢﭣﭤﭥﭦﭧﭨﭩ ﭪ ​

4. Singa twagadde twandissizza ku bo okuva mu ggulu akabonero, ensingo zaabwe nezikugondera olubeerera.

Verse 5

ﭫﭬﭭﭮﭯﭰﭱﭲﭳﭴﭵ ﭶ ​

5. Tewali bubaka bwonna bupya kuva wa Katonda Omusaasizi ennyo wabula bo babuwakanya.

Verse 6

ﭷﭸﭹﭺﭻﭼﭽﭾ ﭿ ​

6. Nebaba nga mazima balimbisa, bigenda kubajjira ebigambo ebyo bye baali bajeeja

Verse 7

ﮀﮁﮂﮃﮄﮅﮆﮇﮈﮉﮊ ﮋ ​

7. Abaffe tebatunuulira nsi ne balaba bimeka bye twameza mu yo mu buli mutindo oguvaamu emigaso.

Verse 8

ﮌﮍﮎﮏﮐﮑﮒﮓﮔ ﮕ ​

8. Mazima mu ekyo ddala mulimu akabonero (akalaga obuyinza bwaffe), wabula bangi mu bo tebakkiriza.

Verse 9

ﮖﮗﮘﮙﮚ ﮛ ​

9. Era mazima Mukama omulabiriziwo ddala yye ye nantakubwa ku mukono omusaasizi ennyo.

Verse 10

ﮜﮝﮞﮟﮠﮡﮢﮣ ﮤ ​

10. Era jjukira ekiseera Mukama omulabiriziwo bwe yakoowoola Musa (naamulagira) nti: genda eri abantu abeeyisa obubi.

Verse 11

ﮥﮦﮧﮨﮩ ﮪ ​

11. Abantu ba Firaawo (obagambe nti) abaffe tebatya Katonda!.

Verse 12

ﮫﮬﮭﮮﮯﮰ ﮱ ​

12. (Musa) naagamba nti: mazima nze ntya okuba nga bannimbisa.

Verse 13

ﯓﯔﯕﯖﯗﯘﯙﯚ ﯛ ​

13. Ekifuba kyange ne kifunda olulimi lwange ne rutayatula, n'olwekyo lagira Haruna (annyambeko).

Verse 14

ﯜﯝﯞﯟﯠﯡ ﯢ ​

14. Ate banninako omusango, ntya nti bayinza okunzita.

Verse 15

ﯣﯤﯥﯦﯧﯨﯩﯪﯫ ﯬ ​

15. (Katonda) naagamba nti nedda mugende n'obubonero bwaffe mazima ffe tuli wamu na mmwe tuwulira (tugoberera buli ekigenda mu maaso).

Verse 16

ﯭﯮﯯﯰﯱﯲﯳ ﯴ ​

16. Mugende ewa Firaawo mumugambe nti mazima ffe tutumiddwa Mukama omulabirizi w'ebitonde byonna.

Verse 17

ﯵﯶﯷﯸﯹ ﯺ ​

17. (Atugambye nti) tuwe abaana ba Israil tugende nabo.

Verse 18

ﯻﯼﯽﯾﯿﰀﰁﰂﰃﰄ ﰅ ​

18. (Firaawo) naagamba nti tetwakukuliza mu ffe okuva nga oli mwana muto, era nga wawangaalira mu ffe emyaka mingi ku buwangaazibwo.

Verse 19

ﰆﰇﰈﰉﰊﰋﰌ ﰍ ​

19. Era nookola ekikolwakyo ekyo kye wakola e kyakufuula okuba mu batasiima bye bakolerwa.

Verse 20

ﭑﭒﭓﭔﭕﭖ ﭗ ​

20. (Musa) naagamba nti nnakikola bwe nnali nkyali mu babuze.

Verse 21

ﭘﭙﭚﭛﭜﭝﭞﭟﭠﭡﭢ ﭣ ​

21. Olwo nno nembadduka bwe nnabatya, awo Mukama omulabirizi wange nangabira okumanya e nsonga era nanteeka mu babaka.

Verse 22

ﭤﭥﭦﭧﭨﭩﭪﭫ ﭬ ​

22. Ne'kyo e kyengera (eky'okundera n'okukulira mu mmwe) okindalaasaako naye nga ggwe abaana ba Israil wabafuula abaddu.

Verse 23

ﭭﭮﭯﭰﭱ ﭲ ​

23. Firaawo naagamba nti Mukama omulabirizi w'ebitonde byonna gwoyogerako yaani?.

Verse 24

ﭳﭴﭵﭶﭷﭸﭹﭺﭻﭼ ﭽ ​

24. Musa naagamba nti Mukama omulabirizi w'eggulu omusanvu n'ensi n'ebiri wakati wa byombi bwe muba nga mwetegereza ebintu.

Verse 25

ﭾﭿﮀﮁﮂ ﮃ ​

25. (Firaawo) kwe kugamba abaali naye awo nti: abaffe temuwulira (nga bwabijweteka).

Verse 26

ﮄﮅﮆﮇﮈ ﮉ ​

26. (Musa) naagamba nti ye Mukama omulabirizi wa mmwe, era Mukama omulabirizi wa bakadde ba mmwe abaasooka.

Verse 27

ﮊﮋﮌﮍﮎﮏﮐ ﮑ ​

27. (Firaawo) naagamba nti: mazima omubaka wa mmwe oyo eyatumiddwa gye muli mulalu.

Verse 28

ﮒﮓﮔﮕﮖﮗﮘﮙﮚﮛ ﮜ ​

28. (Musa) naagamba nti (ye) Mukama omulabirizi w'ebuvanjuba n'ebugwanjuba n'ebyo ebiri wakati wa byombi singa mubadde mutegeera.

Verse 29

ﮝﮞﮟﮠﮡﮢﮣﮤ ﮥ ​

29. (Firaawo) naagamba nti mazima singa oteekawo Katonda omulala atali nze nja kukuteera ddala mu b'okusibwa.

Verse 30

ﮦﮧﮨﮩﮪ ﮫ ​

30. (Musa) naagamba nti ne bwennaaba nkuleetedde ekintu ekyeyolefu (ekiraga obutuufu bw'ebyo bye ngamba).

Verse 31

ﮬﮭﮮﮯﮰﮱﯓ ﯔ ​

31. (Firaawo) naagamba nti kale kireete bwoba nga oli mu boogera amazima.

Verse 32

ﯕﯖﯗﯘﯙﯚ ﯛ ​

32. Awo nno Musa naasuula omuggogwe, okugenda okulaba nga musota omweyolefu.

Verse 33

ﯜﯝﯞﯟﯠﯡ ﯢ ​

33. Era naggyayo omukonogwe okugenda okulaba nga ggwo gwakaayakanira abalabi.

Verse 34

ﯣﯤﯥﯦﯧﯨﯩ ﯪ ​

34. (Firaawo) naagamba abo abaali batudde waali nti mazima ono mulogo kafulu.

Verse 35

ﯫﯬﯭﯮﯯﯰﯱﯲ ﯳ ​

35. Ayagala kubaggya mu nsi yammwe ku lw'eddogolye kati mugamba ki.

Verse 36

ﯴﯵﯶﯷﯸﯹﯺ ﯻ ​

36. Ne bagamba nti mulagaanyise ne Mugandawe (ddi na wwa) aw'okubasisinkana era otume mu bitundu eby'enjawulo abakungaanya abalogo.

Verse 37

ﯼﯽﯾﯿ ﰀ ​

37. Bajja kukuleetera buli mulogo kakensa.

Verse 38

ﰁﰂﰃﰄﰅ ﰆ ​

38. Olwo nno abalogo ne bakungaanyizibwa mu kiseera ekiragaane ku lunaku olumanyiddwa.

Verse 39

ﰇﰈﰉﰊﰋ ﰌ ​

39. Abantu baagambibwa nti abaffe mmwe munajja.

Verse 40

ﭑﭒﭓﭔﭕﭖﭗ ﭘ ​

40. Sikulwa nga tunaagoberera abalogo bwe banaaba bo nga be bawangudde.

Verse 41

ﭙﭚﭛﭜﭝﭞﭟﭠﭡﭢﭣﭤ ﭥ ​

41. Abalogo bwe bajja baagamba Firaawo nti mazima tuteekwa okuweebwa empeera bwe tunaaba nga ffe tuwangudde.

Verse 42

ﭦﭧﭨﭩﭪﭫ ﭬ ​

42. (Firaawo) naagamba nti weewaawo era mazima mmwe singa kinaaba bwe kityo mujja kubeera ba ku lusegere.

Verse 43

ﭭﭮﭯﭰﭱﭲﭳ ﭴ ​

43. Musa naabagamba nti kale mwanje kye mwanja.

Verse 44

ﭵﭶﭷﭸﭹﭺﭻﭼﭽ ﭾ ​

44. Nebasuula e miguwa gya bwe n'emiggo gya bwe era ne bagamba nti ku lw'ekitiibwa kya Firaawo mazima ffe tujja okuwangula.

Verse 45

ﭿﮀﮁﮂﮃﮄﮅﮆ ﮇ ​

45. Olwo nno Musa naasuula omuggogwe okugenda okulaba nga gwo gumira buli kye baali bagunjizzaawo.

Verse 46

ﮈﮉﮊ ﮋ ​

46. Awo nno abalogo ne beeyala nga bavunnama.

Verse 47

ﮌﮍﮎﮏ ﮐ ​

47. Nebagamba nti tukkirizza Mukama Omulabirizi w'ebitonde.

Verse 48

ﮑﮒﮓ ﮔ ​

48. Mukama omulabirizi wa Musa ne Haruna.

Verse 49

ﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨﮩﮪﮫ ﮬ ​

49. Firaawo naagamba nti: mukkirizza byagamba nga sinnaba kubawa lukusa, (kirabika) nti mazima yye ye mukulu wa mmwe oyo eyabayigiriza eddogo, kale nno mujja kukitegeera, nja ku bakutulako e mikono gya mmwe n'amagulu ga mmwe nga bwe nkuggyako okugulu okwa ddyo, omukono nkuggyako gwa kkono, era ddala mwenna nja ku bakomerera ku musaalaba.

Verse 50

ﮭﮮﮯﮰﮱﯓﯔﯕ ﯖ ​

50. Ne bagamba nti ekyo tekiriimu buzibu, (anti) mazima ffe tujja kuba tudda eri Mukama omulabirizi waffe.

Verse 51

ﯗﯘﯙﯚﯛﯜﯝﯞﯟﯠﯡ ﯢ ​

51. Mazima ffe tululunkanira okuba nga Mukama omulabirizi waffe atusonyiwa ebyonoono byaffe bwe tuba nga ffe abakkiriza abasooka.

Verse 52

ﯣﯤﯥﯦﯧﯨﯩﯪﯫ ﯬ ​

52. Era netutumira Musa nti tambula ekiro n'abaddu bange, mazima mmwe mujja kulondoolwa.

Verse 53

ﯭﯮﯯﯰﯱ ﯲ ​

53. Firaawo naatuma mu bibuga abakungaanya (eggye era naagamba nti).

Verse 54

ﯳﯴﯵﯶ ﯷ ​

54. Mazima abo kabiina ka bantu batono.

Verse 55

ﯸﯹﯺ ﯻ ​

55. Era mazima bbo batunyiizizza.

Verse 56

ﯼﯽﯾ ﯿ ​

56. Era nga bulijjo mazima ffe nga tukolera wamu tuli abantu abeekengera.

Verse 57

ﰀﰁﰂﰃ ﰄ ​

57. (Okusinziira ku nteekateeka zaabwe ne bye bakola ate) twabaggya mu malimiro ne nsulo ezikulukuta.

Verse 58

ﰅﰆﰇ ﰈ ​

58. N'amawanika n'ebifo eby'ekitiibwa.

Verse 59

ﰉﰊﰋﰌﰍ ﰎ ​

59. Bwe tutyo nno ne tubisikiza abaana ba Israil.

Verse 60

ﰏﰐ ﰑ ​

60. Olwo nno nebabagoberera nga busaasaana.

Verse 61

ﭑﭒﭓﭔﭕﭖﭗﭘ ﭙ ​

61. Ebibinja byombi bwe byalengeragana abantu ba Musa baagamba nti mazima ffe bajja kutukwata (batutte).

Verse 62

ﭚﭛﭜﭝﭞﭟﭠ ﭡ ​

62. (Musa) naagamba nti nedda mazima Mukama omulabirizi wange ali nange ajja kundaga eky'okukola.

Verse 63

ﭢﭣﭤﭥﭦﭧﭨﭩﭪﭫﭬﭭﭮﭯ ﭰ ​

63. Awo nno ne tutumira Musa nti kuba omuggogwo ku nnyanja, olwo neebajjukamu, buli kibajjo ne kiba nga olusozi olunene.

Verse 64

ﭱﭲﭳ ﭴ ​

64. Netusembeza awo abalala (Firaawo ne ggyerye nabo ne bayingira e kkubo Musa lye yakuba ku nnyanja).

Verse 65

ﭵﭶﭷﭸﭹ ﭺ ​

65. Netuwonya Musa n'abaali naye bonna.

Verse 66

ﭻﭼﭽ ﭾ ​

66. Oluvanyuma ne tuzikiriza abasigadde.

Verse 67

ﭿﮀﮁﮂﮃﮄﮅﮆﮇ ﮈ ​

67. Mazima mu ekyo mulimu eky'okuyiga naye abasinga obungi mu bo tebaali bakkiriza.

Verse 68

ﮉﮊﮋﮌﮍ ﮎ ​

68. Era mazima Mukama omulabiriziwo yye ye nantakubwa ku mukono omusaasizi.

Verse 69

ﮏﮐﮑﮒ ﮓ ​

69. Era basomere ebigambo ebikwata ku Ibrahim.

Verse 70

ﮔﮕﮖﮗﮘﮙ ﮚ ​

70. Bwe yagamba kitaawe n'abantu be nti musinza biki.

Verse 71

ﮛﮜﮝﮞﮟﮠ ﮡ ​

71. Nebagamba nti tusinza amasanamu tubeera we gali era ne tugawa ebiseera bingi mu kugasinza.

Verse 72

ﮢﮣﮤﮥﮦ ﮧ ​

72. (Ibrahim) naagamba nti abaffe bwe musaba gabawulira.

Verse 73

ﮨﮩﮪﮫ ﮬ ​

73. Oba gabagasa oba gasobola okubatuusaako akabi.

Verse 74

ﮭﮮﮯﮰﮱﯓ ﯔ ​

74. Nebagamba nti nedda wabula bwe tutyo bakadde baffe bye twasanga bakola.

Verse 75

ﯕﯖﯗﯘﯙ ﯚ ​

75. Naagamba nti mulaba ebyo bye musinza.

Verse 76

ﯛﯜﯝ ﯞ ​

76. Mmwe ne bakadde ba mmwe abaabakulembera.

Verse 77

ﯟﯠﯡﯢﯣﯤ ﯥ ​

77. Mazima byo balabe bange, okugyako Mukama omulabirizi w'ebitonde byonna.

Verse 78

ﯦﯧﯨﯩ ﯪ ​

78. Oyo eyantonda, yye y'annungamya.

Verse 79

ﯫﯬﯭﯮ ﯯ ​

79. Era yye yooyo andiisa nannyweesa.

Verse 80

ﯰﯱﯲﯳ ﯴ ​

80. Era bwe ndwala yye y'amponya.

Verse 81

ﯵﯶﯷﯸ ﯹ ​

81. Era yooyo anzita ate nampa obulamu.

Verse 82

ﯺﯻﯼﯽﯾﯿﰀﰁ ﰂ ​

82. Era yye gwe ndulunkanira abe nga ansonyiwa ebyonoono byange ku lunaku lw'okusasulwa.

Verse 83

ﰃﰄﰅﰆﰇﰈ ﰉ ​

83. Ayi Mukama omulabirizi ngabira okumanya ensonga era onsisinkanye abalongoofu.

Verse 84

ﭑﭒﭓﭔﭕﭖ ﭗ ​

84. Era onteerewo okwogerwako obulungi mu balijja oluvanyuma.

Verse 85

ﭘﭙﭚﭛﭜ ﭝ ​

85. Era onteeke mu balisikira e jjana ey'ebyengera.

Verse 86

ﭞﭟﭠﭡﭢﭣ ﭤ ​

86. Era sonyiwa Kitange mazima yye yali mu babuze.

Verse 87

ﭥﭦﭧﭨ ﭩ ​

87. Era tonswazanga olunaku lwe balizuukizibwa.

Verse 88

ﭪﭫﭬﭭﭮﭯ ﭰ ​

88. Olunaku emmaali n'abaana lwe bitaligasa.

Verse 89

ﭱﭲﭳﭴﭵﭶ ﭷ ​

89. Okugyako (aliganyulwa) yooyo alijja ewa Katonda n'omutima omuyonjo.

Verse 90

ﭸﭹﭺ ﭻ ​

90. E jjana erisembezebwa eri abatya Katonda.

Verse 91

ﭼﭽﭾ ﭿ ​

91. N'omuliro ne gulagibwa eri ababuze.

Verse 92

ﮀﮁﮂﮃﮄﮅ ﮆ ​

92. Era bagenda kugambibwa nti biriwa ebyo bye mwasinzanga.

Verse 93

ﮇﮈﮉﮊﮋﮌﮍ ﮎ ​

93. Ne muleka Katonda, abaffe bisobola okubataasa oba byo bisobola okwetaasa.

Verse 94

ﮏﮐﮑﮒ ﮓ ​

94. Olwo nno ne bakasukibwa mu gwo bo n'ababuze.

Verse 95

ﮔﮕﮖ ﮗ ​

95. Na bonna abali muggye lya Ibuliisu.

Verse 96

ﮘﮙﮚﮛ ﮜ ​

96. Baligamba nga bali mu gwo nga bakaayagana (nti).

Verse 97

ﮝﮞﮟﮠﮡﮢ ﮣ ​

97. Tulayira Katonda nti mazima ddala twali mu bubuze obw'olwatu.

Verse 98

ﮤﮥﮦﮧ ﮨ ​

98. Bwe twabenkanya (mmwe) ne Mukama omulabirizi w'ebitonde byonna.

Verse 99

ﮩﮪﮫﮬ ﮭ ​

99. Era tewali yatubuza okugyako aboonoonyi.

Verse 100

ﮮﮯﮰﮱ ﯓ ​

100. N'olwekyo tetulina bawolereza.

Verse 101

ﯔﯕﯖ ﯗ ​

101. Wadde ow'omukwano alumirwa.

Verse 102

ﯘﯙﯚﯛﯜﯝﯞ ﯟ ​

102. Naye singa tubadde tulina omukisa (okudda ku nsi) ne tuba mu bakkiriza.

Verse 103

ﯠﯡﯢﯣﯤﯥﯦﯧﯨ ﯩ ​

103. Mazima mu ekyo mulimu eky'okuyiga naye abasinga obungi mu bo tebakkiriza.

Verse 104

ﯪﯫﯬﯭﯮ ﯯ ​

104. Era mazima Mukama omulabiriziwo ddala yye ye nantakubwa ku mukono omusaazizi.

Verse 105

ﯰﯱﯲﯳ ﯴ ​

105. Abantu ba Nuhu baalimbisa ababaka.

Verse 106

ﯵﯶﯷﯸﯹﯺﯻ ﯼ ​

106. Mu kiseera muganda waabwe Nuhu we yabagambira nti abaffe temutya (Katonda).

Verse 107

ﯽﯾﯿﰀ ﰁ ​

107. Mazima nze gye muli ndi mubaka omwesigwa.

Verse 108

ﰂﰃﰄ ﰅ ​

108. Kale mutye Katonda era mungondere.

Verse 109

ﰆﰇﰈﰉﰊﰋﰌﰍﰎﰏﰐﰑ ﰒ ​

109. Era sikibasabirako mpeera, empeera yange teri okugyako ku Mukama omulabirizi w'ebitonde byonna.

Verse 110

ﰓﰔﰕ ﰖ ​

110. Kale mutye Katonda era mungondere.

Verse 111

ﰗﰘﰙﰚﰛﰜ ﰝ ​

111. Nebagamba nti abaffe tukukkirize nga abakugoberedde be ba wansi.

Verse 112

ﭑﭒﭓﭔﭕﭖ ﭗ ​

112. Naagamba nti: mmanya ntya bye baali bakola.

Verse 113

ﭘﭙﭚﭛﭜﭝﭞﭟ ﭠ ​

113. Okubalibwa kwa bwe tekuli okugyako kuli ku Mukama omulabirizi wange singa mubadde mumanyi.

Verse 114

ﭡﭢﭣﭤ ﭥ ​

114. Ate nze siri wa kugoba bakkiriza (olw'okuba ba wansi).

Verse 115

ﭦﭧﭨﭩﭪ ﭫ ​

115. Nze siri okugyako omutiisa ow'olwatu.

Verse 116

ﭬﭭﭮﭯﭰﭱﭲﭳ ﭴ ​

116. Nebagamba nti: owange Nuhu bwo teekomeko ojja kubeerera ddala mu b'okukubwa amayinja.

Verse 117

ﭵﭶﭷﭸﭹ ﭺ ​

117. Naagamba nti ayi Mukama omulabirizi wange mazima abantu bange bannimbisizza.

Verse 118

ﭻﭼﭽﭾﭿﮀﮁﮂﮃ ﮄ ​

118. Kale salawo wakati wange nabo olusalawo olwannamaddala, era omponye owonye n'abakkiriza bendi nabo.

Verse 119

ﮅﮆﮇﮈﮉﮊ ﮋ ​

119. Ne tumuwonya n'abo abaali naye mu lyato eryali lijjudde.

Verse 120

ﮌﮍﮎﮏ ﮐ ​

120. Oluvanyuma twazikiriza abaasigala.

Verse 121

ﮑﮒﮓﮔﮕﮖﮗﮘﮙ ﮚ ​

121. Mazima mu ekyo mulimu eky'okuyiga naye abasinga obungi mu bo tebakkiriza.

Verse 122

ﮛﮜﮝﮞﮟ ﮠ ​

122. Era mazima Mukama omulabiriziwo ddala yye ye nantakubwa ku mukono omusaasizi.

Verse 123

ﮡﮢﮣ ﮤ ​

123. Abantu ba A’di baalimbisa ababaka.

Verse 124

ﮥﮦﮧﮨﮩﮪﮫ ﮬ ​

124. Mu kiseera muganda waabwe Hudu lwe yabagamba nti abaffe temutya (Katonda)!.

Verse 125

ﮭﮮﮯﮰ ﮱ ​

125. Mazima nze gye muli ndi mubaka omwesigwa.

Verse 126

ﯓﯔﯕ ﯖ ​

126. Kale mutye Katonda era mungondere.

Verse 127

ﯗﯘﯙﯚﯛﯜﯝﯞﯟﯠﯡﯢ ﯣ ​

127. Era sikibasabirako mpeera empeera yange teri okugyako ku Mukama omulabirizi w'ebitonde byonna.

Verse 128

ﯤﯥﯦﯧﯨ ﯩ ​

128. Abaffe muzimba ku buli katunnumba ekijjukizo nga muzannya buzannyi.

Verse 129

ﯪﯫﯬﯭ ﯮ ​

129. Era nemweteerawo amayumba amagundiivu nga mulinga abalibeerawo olubeerera.

Verse 130

ﯯﯰﯱﯲ ﯳ ​

130. Ate bwe mukwata (abalabe ba mmwe) mukwata enkwata eya ba kirimaanyi (abanyigiriza bannaabwe).

Verse 131

ﯴﯵﯶ ﯷ ​

131. Kale mutye Katonda era mungondere.

Verse 132

ﯸﯹﯺﯻﯼ ﯽ ​

132. Era mutye oyo abagabirira ebyo bye mumanyi.

Verse 133

ﯾﯿﰀ ﰁ ​

133. Abagabirira ebisolo ebirundibwa era n'abaana.

Verse 134

ﰂﰃ ﰄ ​

134. N'amalimiro n'emigga.

Verse 135

ﰅﰆﰇﰈﰉﰊ ﰋ ​

135. Mazima nze ku lwa mmwe ntya ebibonerezo by'olunaku oluzibu.

Verse 136

ﰌﰍﰎﰏﰐﰑﰒﰓﰔ ﰕ ​

136. Nebagamba nti kyekimu obuuliridde oba toli mu babuulirira.

Verse 137

ﭑﭒﭓﭔﭕ ﭖ ​

137. Tekiri kino (eky'okubuulirira kwokola) okugyako nkola ya baasooka.

Verse 138

ﭗﭘﭙ ﭚ ​

138. Era ffe tetuli ba kubonerezebwa.

Verse 139

ﭛﭜﭝﭞﭟﭠﭡﭢﭣﭤﭥﭦ ﭧ ​

139. Nebamulimbisa olwo nno ne tubazikiriza, mazima mu ekyo mulimu eky'okuyiga naye abasinga obungi mu bo tebakkiriza.

Verse 140

ﭨﭩﭪﭫﭬ ﭭ ​

140. Era mazima Mukama omulabiriziwo ddala yye ye nantakubwa ku mukono omusaasizi.

Verse 141

ﭮﭯﭰ ﭱ ​

141. Abantu ba Thamud baalimbisa ababaka.

Verse 142

ﭲﭳﭴﭵﭶﭷﭸ ﭹ ​

142. Mu kiseera muganda waabwe Swalehe we yabagambira nti abaffe temutya (Katonda)!.

Verse 143

ﭺﭻﭼﭽ ﭾ ​

143. Mazima nze gye muli ndi mubaka mwesigwa.

Verse 144

ﭿﮀﮁ ﮂ ​

144. Kale mutye Katonda era mungondere.

Verse 145

ﮃﮄﮅﮆﮇﮈﮉﮊﮋﮌﮍﮎ ﮏ ​

145. Era sikibasabirako mpeera empeera yange teri okugyako ku Mukama omulabirizi w'ebitonde byonna.

Verse 146

ﮐﮑﮒﮓﮔ ﮕ ​

146. (Mulowooza nti) mujja kulekebwa mirembe mu bintu ebiri wano.

Verse 147

ﮖﮗﮘ ﮙ ​

147. (Nga muli) mu malimiro n'emigga.

Verse 148

ﮚﮛﮜﮝ ﮞ ​

148. N'ebimera n'emitende egiweese enkota enzito.

Verse 149

ﮟﮠﮡﮢﮣ ﮤ ​

149. Era nemukola amayumba mu nsozi mu ngeri y'ekikugu.

Verse 150

ﮥﮦﮧ ﮨ ​

150. Kale mutye Katonda era mungondere.

Verse 151

ﮩﮪﮫﮬ ﮭ ​

151. Era temugondera ekigambo ky'abasukka e nsalosalo za Katonda.

Verse 152

ﮮﮯﮰﮱﯓﯔ ﯕ ​

152. Abo aboonoona mu nsi nebatalongoosa.

Verse 153

ﯖﯗﯘﯙﯚ ﯛ ​

153. Nebagamba nti mazima ggwe oli wa mu baloge.

Verse 154

ﯜﯝﯞﯟﯠﯡﯢﯣﯤﯥﯦ ﯧ ​

154. Toli ggwe okugyako muntu nga ffe, kale leeta akabonero bwoba nga oli mu boogera amazima.

Verse 155

ﯨﯩﯪﯫﯬﯭﯮﯯﯰ ﯱ ​

155. Naagamba nti engamiya yiino, erina okunywa (ku lunaku lwayo) nammwe munywe ku lunaku olumanyiddwa.

Verse 156

ﯲﯳﯴﯵﯶﯷﯸ ﯹ ​

156. Temugituusangako kabi ne bibakwata e bibonerezo by'olunaku oluzito.

Verse 157

ﯺﯻﯼ ﯽ ​

157. Wabula baagifumita (neefa) olwo nno ne baba nga bejjusa.

Verse 158

ﯾﯿﰀﰁﰂﰃﰄﰅﰆﰇﰈﰉ ﰊ ​

158. Ebibonerezo ne bibatuukako mazima mu ekyo mulimu eky'okuyiga, naye abasinga obungi mu bo tebakkiriza.

Verse 159

ﰋﰌﰍﰎﰏ ﰐ ​

159. Era mazima Mukama omulabiriziwo ddala yye ye nantakubwa ku mukono omusaasizi.

Verse 160

ﭑﭒﭓﭔ ﭕ ​

160. Abantu ba Luutu baalimbisa ababaka.

Verse 161

ﭖﭗﭘﭙﭚﭛﭜ ﭝ ​

161. Mu kiseera Muganda waabwe Luutu we yabagambira nti abaffe temutya (Katonda)!.

Verse 162

ﭞﭟﭠﭡ ﭢ ​

162. Mazima nze gye muli ndi mubaka omwesigwa.

Verse 163

ﭣﭤﭥ ﭦ ​

163. Kale mutye Katonda era mungondere.

Verse 164

ﭧﭨﭩﭪﭫﭬﭭﭮﭯﭰﭱﭲ ﭳ ​

164. Era ssi kibasabirako mpeera empeera yange teri okugyako ku Mukama omulabirizi w'ebitonde byonna.

Verse 165

ﭴﭵﭶﭷ ﭸ ​

165. Abaffe mu bitonde byonna ne mwagalamu basajja!.

Verse 166

ﭹﭺﭻﭼﭽﭾﭿﮀﮁﮂﮃﮄ ﮅ ​

166. Ne muleka ekyo Mukama omulabirizi wa mmwe kye yabatondera mu abo be mwafumbiriganwa nabo, wabula mmwe muli bantu abasukka ebikomo.

Verse 167

ﮆﮇﮈﮉﮊﮋﮌﮍ ﮎ ​

167. Nebagamba nti owange Luutu bwoteekomeko ojja kubeerera ddala mu bafulumizibwa (ne bagobwa mu nsi eno).

Verse 168

ﮏﮐﮑﮒﮓ ﮔ ​

168. Naagamba nti mazima ndi omu ku batamwa ekikolwa kya mmwe (eky'ebisiyaga).

Verse 169

ﮕﮖﮗﮘﮙ ﮚ ​

169. Ayi Mukama omulabirizi wange mponya n'abantu bange mu ebyo bye bakola.

Verse 170

ﮛﮜﮝ ﮞ ​

170. Netumuwonya n'abantu be bonna.

Verse 171

ﮟﮠﮡﮢ ﮣ ​

171. Okugyako omukazi omukadde omu eyali mu baasigala.

Verse 172

ﮤﮥﮦ ﮧ ​

172. Oluvanyuma twazikiriza abalala (bonna).

Verse 173

ﮨﮩﮪﮫﮬﮭﮮ ﮯ ​

173. Netubatonnyesaako enkuba, mazima yali mbi nnyo enkuba y'abo abaalabulwa (ne bateebuulirira).

Verse 174

ﮰﮱﯓﯔﯕﯖﯗﯘﯙ ﯚ ​

174. Mazima mu ekyo mulimu eky'okuyiga kinene naye abasinga obungi mu bo tebakkiriza.

Verse 175

ﯛﯜﯝﯞﯟ ﯠ ​

175. Era mazima Mukama omulabiriziwo ddala yye ye nantakubwa ku mukono omusaasizi.

Verse 176

ﯡﯢﯣﯤ ﯥ ​

176. Abantu b'o mu kitundu eky'ekibira baalimbisa ababaka.

Verse 177

ﯦﯧﯨﯩﯪﯫ ﯬ ​

177. Mu kiseera Swaibu bwe yabagamba nti abaffe temutya (Katonda)!.

Verse 178

ﯭﯮﯯﯰ ﯱ ​

178. Mazima gye muli ndi Mubaka omwesigwa.

Verse 179

ﯲﯳﯴ ﯵ ​

179. Kale mutye Katonda era mungondere.

Verse 180

ﯶﯷﯸﯹﯺﯻﯼﯽﯾﯿﰀﰁ ﰂ ​

180. Era sikibasabirako mpeera empeera yange teri okugyako ku Mukama omulabirizi w'ebitonde byonna.

Verse 181

ﰃﰄﰅﰆﰇﰈﰉ ﰊ ​

181. Era mutuukirizenga okupima temubeera mu abo abafiiriza abalala.

Verse 182

ﰋﰌﰍ ﰎ ​

182. Mupimisenga ebipimo ebituufu.

Verse 183

ﰏﰐﰑﰒﰓﰔﰕﰖﰗ ﰘ ​

183. Temukendeerezanga abantu ebintu bya bwe, temukolanga ebibi mu nsi ne muba aboonoonyi.

Verse 184

ﭑﭒﭓﭔﭕ ﭖ ​

184. Era mutye oyo eyabatonda n'atonda n'emirembe egyasooka.

Verse 185

ﭗﭘﭙﭚﭛ ﭜ ​

185. Nebagamba nti mazima ggwe oli mu baloge.

Verse 186

ﭝﭞﭟﭠﭡﭢﭣﭤﭥ ﭦ ​

186. Toli ggwe okugyako muntu nga ffe, era tukulowooza okuba nti oli mu balimba.

Verse 187

ﭧﭨﭩﭪﭫﭬﭭﭮﭯ ﭰ ​

187. Kale nno tusuuleko ekibajjo okuva waggulu bwoba nga oli mu boogera amazima.

Verse 188

ﭱﭲﭳﭴﭵ ﭶ ​

188. Naagamba nti Mukama omulabirizi wange yaasinga okumanya ebyo bye mukola.

Verse 189

ﭷﭸﭹﭺﭻﭼﭽﭾﭿﮀﮁ ﮂ ​

189. Wabula baamulimbisa ne bibakwata ebibonerezo ku lunaku ekire lwe kyabasiikiriza. Mazima kyo kyali kibonerezo kya lunaku oluzito.

Verse 190

ﮃﮄﮅﮆﮇﮈﮉﮊﮋ ﮌ ​

190. Mazima mu ekyo mulimu eky'okuyiga naye abasinga obungi mu bo tebakkiriza.

Verse 191

ﮍﮎﮏﮐﮑ ﮒ ​

191. Era mazima Mukama omulabiriziwo, ddala yye ye nantakubwa ku mukono omusaasizi.

Verse 192

ﮓﮔﮕﮖ ﮗ ​

192. Era mazima yyo (Kur’ani) yassibwa Mukama omulabirizi w'ebitonde byonna.

Verse 193

ﮘﮙﮚﮛ ﮜ ​

193. Yakka nayo mwoyo omwesigwa (Jiburilu).

Verse 194

ﮝﮞﮟﮠﮡ ﮢ ​

194. (Naagissa) ku mutima gwo olyoke obe mu batiisa (abantu okukola ebibi).

Verse 195

ﮣﮤﮥ ﮦ ​

195. Nga eri mu lulimi oluwarabu olutegeerekeka.

Verse 196

ﮧﮨﮩﮪ ﮫ ​

196. Era mazima yo eyogerwako mu bitabo eby'edda ebyasooka.

Verse 197

ﮬﮭﮮﮯﮰﮱﯓﯔﯕ ﯖ ​

197. Abaffe tekibamala kuba bujulizi okuba nti bagimanyi abayivu b'abaana ba Israil.

Verse 198

ﯗﯘﯙﯚﯛ ﯜ ​

198. Singa twagissa ku bamu mu batali bawarabu.

Verse 199

ﯝﯞﯟﯠﯡﯢ ﯣ ​

199. Olwo nno (omu kubo) naagibasomera tebandigikkirizza.

Verse 200

ﯤﯥﯦﯧﯨ ﯩ ​

200. Bwe kityo twagiyingiza mu mitima gy'aboonoonyi.

Verse 201

ﯪﯫﯬﯭﯮﯯﯰ ﯱ ​

201. Tebagenda kugikkiriza okutuusa lwe baliraba ebibonerezo ebiruma.

Verse 202

ﯲﯳﯴﯵﯶ ﯷ ​

202. Ebiribajjira ekibwatukira nga bo tebategedde.

Verse 203

ﯸﯹﯺﯻ ﯼ ​

203. Olwo nno bagambe nti abaffe tusobola okulindirizibwa.

Verse 204

ﯽﯾ ﯿ ​

204. Abaffe ebibonerezo byaffe bye basaba okubaleetera amangu?.

Verse 205

ﰀﰁﰂﰃ ﰄ ​

205. Okiraba nti singa tubawangaazizza emyaka (egiwera).

Verse 206

ﰅﰆﰇﰈﰉ ﰊ ​

206. Oluvanyuma ne bibajjira ebyo bye balagaanyisibwa.

Verse 207

ﭑﭒﭓﭔﭕﭖ ﭗ ​

207. Tebiyinza kubayamba ebyo bye baaweebwa okweyagaliramu.

Verse 208

ﭘﭙﭚﭛﭜﭝﭞ ﭟ ​

208. Tewali kitundu kye twazikiriza okugyako nga kimaze kufuna batiisa (ba Nabbi).

Verse 209

ﭠﭡﭢﭣ ﭤ ​

209. (Kyabanga bwe kityo) lwa kubabuulirira, tetubangako balyazaamaanyi.

Verse 210

ﭥﭦﭧﭨ ﭩ ​

210. Era Sitane ssi ze zaajissa (Kur’ani).

Verse 211

ﭪﭫﭬﭭﭮ ﭯ ​

211. Era tekizisaanira era nga tezikisobola.

Verse 212

ﭰﭱﭲﭳ ﭴ ​

212. (Ku lw'ensonga nti) mazima zaaziyizibwa okuwulira ebifa mu ggulu.

Verse 213

ﭵﭶﭷﭸﭹﭺﭻﭼﭽ ﭾ ​

213. (N'olwekyo) bwoba osinza Katonda tomugattako kintu kirala (anti bwokikola) obeera wa mu balibonerezebwa.

Verse 214

ﭿﮀﮁ ﮂ ​

214. Era tiisa ab'oluganda lwo ab'okumpi.

Verse 215

ﮃﮄﮅﮆﮇﮈ ﮉ ​

215. Era kakkanya ekiwawaatiro kyo (weewombeke) eri oyo aba akugoberedde mu bakkiriza.

Verse 216

ﮊﮋﮌﮍﮎﮏﮐ ﮑ ​

216. Wabula bwe bakujeemera gamba nti mazima nze nnesambye ebyo bye mukola.

Verse 217

ﮒﮓﮔﮕ ﮖ ​

217. Era weekwate ku nantakubwa ku mukono omusaasizi.

Verse 218

ﮗﮘﮙﮚ ﮛ ​

218. Oyo akulaba woobeerera nga oyimiridde (mu kusaala).

Verse 219

ﮜﮝﮞ ﮟ ​

219. Era n'alaba okwekyusakyusakwo mu bavunnama.

Verse 220

ﮠﮡﮢﮣ ﮤ ​

220. Mazima yye y'awulira ennyo omumanyi.

Verse 221

ﮥﮦﮧﮨﮩﮪ ﮫ ​

221. Abaffe mbategeeze Sitane zikka ku ani.

Verse 222

ﮬﮭﮮﮯﮰ ﮱ ​

222. Zikka ku buli musazi w'abigambo omwonoonyi.

Verse 223

ﯓﯔﯕﯖ ﯗ ​

223. Abo abasaasaanya bye bawulira naye nga abasinga obungi mu bo balimba.

Verse 224

ﯘﯙﯚ ﯛ ​

224. Era abatontomi, ababuze be babagoberera.

Verse 225

ﯜﯝﯞﯟﯠﯡﯢ ﯣ ​

225. Abaffe tolaba nti babulubuutira mu buli lusenyi.

Verse 226

ﯤﯥﯦﯧﯨ ﯩ ​

226. Era nti mazima bbo boogera bye batakola.

Verse 227

ﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺﯻﯼﯽ ﯾ ​

227. Okugyako abo abakkiriza ne bakola emirimu emirungi ne boogera nnyo ku Katonda era ne baba nga beetaasa oluvanyuma lw'okuba nti bayisibwa bubi, era mazima abo abeeyisa obubi bagenda kumanya buddo ki gye balidda.