Okuvvuunula Suura يس mu اللوغندية okuva mu الترجمة اللوغندية - المؤسسة الإفريقية للتنمية
Verse 1
ﭬ
ﭭ
1. Yaasin.
Verse 2
ﭮﭯ
ﭰ
2. Ndayidde Kur’ani (eno) ejjudde ebigambo eby'amagezi.
Verse 3
ﭱﭲﭳ
ﭴ
3. Mazima ggwe (Muhammad) oli wa mu babaka.
Verse 4
ﭵﭶﭷ
ﭸ
4. (Nga oli) ku kkubo eggolokofu.
Verse 5
ﭹﭺﭻ
ﭼ
5. (Kur’ani eno) yassibwa nantakubwa ku mukono omusaasizi.
Verse 6
6. Obe nga otiisa abantu bakadde baabwe abataatiisibwa olwo nno nebaba abeesuulirayo ogwa naggamba (ku bikwata ku Katonda).
Verse 7
7. Mazima kikakase ekigambo (eky'okubonerezebwa) ku basinga obungi mu bo nebaba nga tebagenda kukkiriza.
Verse 8
8. Mazima ffe twassa mu nsingo zaabwe enkoligo nga nazo zituukira ddala ku bulevu, olwo nno nebaba nga balalambadde.
Verse 9
9. Netussa mu maaso gaabwe ekiziyiza netussa n'ekiziyiza (ekirala) emabega waabwe, olwo nno netubabikka nga bo tebayinza kulaba.
Verse 10
10. Era kyekimu ku bo obatiisizza oba tobatiisizza si baakukkiriza.
Verse 11
11. Mazima otiisa oyo agoberera okubuulirira era n'atya (Katonda) omusaasizi ennyo awamu n'okuba nga talabika kale nno musanyuse n'amawulire g’ekisonyiwo n'empeera eyeesiimisa.
Verse 12
12. Mazima ffe tuliramusa abafu era tuwandiika ebyo bye baakulembeza ne bye baagoberezaako nga na buli kintu twakikomeka mu kitabo e kikulu e kigenda okulaga buli kimu.
Verse 13
13. Bakubire ekifaanayi ky'abantu bo mu kitundu ekimu bwe bajjirwa ababaka.
Verse 14
14. Mu kiseera bwe twatumira gye bali ababaka babiri ne babalimbisa, olwo nno netubongera amaanyi n’owokusatu (bonsatule) nebagamba nti mazima ffe tutumiddwa gye muli.
Verse 15
15. (Abo mu kitundu ekyo) ne bagamba nti: mmwe temuli okugyako (okuba) bantu bannaffe era Katonda omusaasizi ennyo tassanga kintu kyonna temuli mmwe okugyako okuba nga mulimba (bulimbi).
Verse 16
ﭶﭷﭸﭹﭺﭻ
ﭼ
16. (Ababaka) nebagamba nti Mukama omulabirizi waffe omanyi nti mazima ddala ffe tutumiddwa gye muli.
Verse 17
ﭽﭾﭿﮀﮁ
ﮂ
17. Era tetuvunaanyizibwa okugyako okutuusa obubaka mu bunnyonnyofu.
Verse 18
18. (Abo mu kitundu) nebagamba nti mazima ffe tutya okutuukibwako obuzibu ku lwa mmwe, bwe muteekomeko tujja kubakasukira amayinja era ebibonerezo ebiruma ennyo bijja kubatuukako nga biva gye tuli.
Verse 19
19. (Ababaka) ne bagamba nti okutya kwa mmwe okutuukibwako obuzibu mwe mukyereetedde (bwe mugaanye okuwuliriza obubaka bwe muleeteddwa) wabula mmwe muli bantu abayitirivu mu kwonoona.
Verse 20
20. olwo nno omusajja najja nga ava ku nkomerero y’ekibuga nga ayanguwa naagamba nti: abange bantu bange mugoberere ababaka.
Verse 21
21. Mugoberere abo abatabasaba mpeera ate nga bo balungamu.
Verse 22
22. Nina ki okuba nti sisinza oyo eyantonda, ate nga gyali gye mulizzibwa!.
Verse 23
23. Ndeke Katonda neeteerewo ebisinzibwa ebirala, so nga singa Katonda omusaasizi ennyo anjagaliza akabi okuwolereza kwabyo tekwandingasizza kintu kyonna era tebiyinza kunziruukirira.
Verse 24
ﯪﯫﯬﯭﯮ
ﯯ
24. (Singa nkikola) mazima nze olwo njakuba mu bubuze obweyolefu.
Verse 25
ﯰﯱﯲﯳ
ﯴ
25. Mazima nze nzikiriza Mukama omulabirizi wa mmwe kale mumpulirize.
Verse 26
26. Naagambibwa (nga amaze okufa) nti yingira e jjana, naagamba nti kale singa abantu bange bamanyi.
Verse 27
27. Ekyo Mukama omulabirizi wange kyansonyiyidde era nanteeka mwabo abagabulwa (olwaleero).
Verse 28
28. Era tetwassa ku bantu be oluvanyuma lwe ggye lyonna liva mu gggulu (olw'okubazikiriza) era tetwali baakulissa.
Verse 29
29. (Wabula okuzikirira kwabwe) tekwali okugyako lwali olubwatuka lumu, okugenda okulaba nga bo bakalu.
Verse 30
30. Kya nnaku nnyo, ku baddu (abantu) tewali mubaka abajjira okugyako bamujeeja.
Verse 31
31. Abaffe tebalaba nti emirembe emeka gyetwazikiriza oluberyeberye lwabwe, nga mazima ddala bo tebagenda kudda gye bali.
Verse 32
ﮂﮃﮄﮅﮆﮇ
ﮈ
32. Tewali nagumu ku gyonna (emirembe) okugyako nga bonna ba kuleetebwa mu maaso gaffe.
Verse 33
33. Ensi efudde (ekaze) kabonero gye bali, tugiwa obulamu (tutonnyesa nkuba) era netumeza mu yo empeke, okwo nno kwe balya.
Verse 34
34. Netuteeka mu yo amalimiro ag’entende n'e Mizabibu era netufukula mu yo ensulo.
Verse 35
35. Babe nga balya ku bibala byayo ne Ku ebyo emikono gyabwe bye gikola, abaffe tebeebaza!.
Verse 36
36. Musukkulumu oyo eyatonda ebimera mu nsi ne mubo bennyini (abantu) ne bye batamanyi, nga byonna biba ekisajja n'ekikazi.
Verse 37
37. Era ekiro kabonero gye bali anti tukijjako obudde obw'emisana ogenda okulaba nga bali mu nzikiza.
Verse 38
38. Ne njuba etambulira ku biragiro ebyagiweebwa, okwo kwe kugera kwa (Katonda) nantakubwa ku mukono amanyi ennyo.
Verse 39
39. Nga n'omwezi (kabonero gye bali), twagugerera ebifo (mwe gutambulira) okutuusa lwe guddayo neguba nga ekikolokomba ekikadde.
Verse 40
40. Tekisoboka enjuba kusisinkana mwezi era n'ekiro tekigenda kukulembera misana na buli kimu ku byombi kiri mu bbanga kiwuga.
Verse 41
41. Era kabonero gye bali (abantu), mazima ffe twatambuliza bannaabwe mu maato agakubyeko.
Verse 42
ﭚﭛﭜﭝﭞﭟ
ﭠ
42. Era tubatondera agalinga go gebasaabaliramu.
Verse 43
43. Singa twagadde tuyinza okubazikiriza ne batasobola kwekubira nduulu, era nga tebayinza kuddukirirwa.
Verse 44
ﭫﭬﭭﭮﭯﭰ
ﭱ
44. (Tewali kibaawo) okugyako okusaasira okuva gye tuli ne ku lw'okubeeyagaza okumala ekiseera ekigere.
Verse 45
45. Bwe baba bagambiddwa nti mutye ebyo ebiri mu maaso ga mmwe n'ebyo ebiri emabega wa mmwe, olwo nno mube nga musaasirwa (beesuulirayo gwa naggamba).
Verse 46
46. Anti tewali kabonero mu bubonero bwa Mukama omulabirizi waabwe kaabajjira okugyako nga baakaawukanako.
Verse 47
47. Era bwe baba bagambiddwa nti mugabe ku ebyo Katonda bye yabawa abo abaakaafuwala bagamba abo abakkiriza nti abaffe tuliise oyo singa Katonda yayagala yaali muliisizza, temuli mmwe okugyako okuba mu bubuze obw'olwatu.
Verse 48
48. Era bagamba nti endagaano eyo eribaawo ddi bwe muba nga mwogera mazima.
Verse 49
49. Tebalinda okugyako olubwatuka lumu olulibakwata nga nabo bali mu kukaayana.
Verse 50
50. Olwo nno tebagenda kulaama wadde okudda eri abantu baabwe (eka).
Verse 51
51. Olwo engombe erifuuyibwa (olufuuwa olw'okubiri) oligenda okubalaba nga bava mu ntaana zaabwe nga bagenda eri Mukama omulabirizi waabwe nga baanguwa byansusso.
Verse 52
52. Balyoke bagambe (nga bakuba ebiwoobe) nti nga tuzikiridde ani atuzuukizza okutujja gye tubadde twebase (mu ntaana zaffe bagenda kwanukulwa nti) ekyo kyekyo Katonda Omusaasizi ennyo kye yalagaanyisa n'ababaka baayogera mazima.
Verse 53
53. (Okubazuukiza) tekugenda kuba okugyako olubwatuka lumu, olwo nno bonna gye tuli gye bagenda okuleetebwa.
Verse 54
54. Olwa leero tewali muntu agenda kuyisibwa bubi mu kintu kyonna era temugenda kusasulwa okugyako ebyo bye mwali mukola.
Verse 55
55. Mazima abantu b'omu jjana ku lunaku olwo balibeera mu kwetala olw'amasanyu gebalibeeramu.
Verse 56
56. Bo n'abo be baafumbiriganwa nabo bagenda kubeera mu bisiikirize nga beesigamye ebitanda ebiwunde.
Verse 57
ﭡﭢﭣﭤﭥﭦ
ﭧ
57. Balina mu yo buli kika kya bibala era bagenda kufuna buli kye baliba basabye.
Verse 58
ﭨﭩﭪﭫﭬ
ﭭ
58. (Bagenda kufuna ekyengera ekisinga ebyo) nakyo salaamu nga kigambo ekiriva ewa Mukama omulabirizi waabwe ow'ekisa ekingi.
Verse 59
ﭮﭯﭰﭱ
ﭲ
59. Naye bo aboonoonyi bagenda kugambibwa nti: abange mmwe aboonoonyi olwa leero mweyawule (ku bakkiriza).
Verse 60
60. Abange mmwe ezadde lya Adam abaffe ssaabakozesa endagaano nti: temusinzanga Sitane olw'okuba yye mulabe wa mmwe omweyolefu!.
Verse 61
ﮃﮄﮅﮆﮇﮈ
ﮉ
61. Era (ne mbakalaatira) nti: munsinze, eryo lye kkubo ettuufu.
Verse 62
62. Mazima (sitane) yabuza mu mmwe ebitonde bingi nnyo, abaffe mwali temutegeera.
Verse 63
ﮔﮕﮖﮗﮘ
ﮙ
63. Guno nno gwe muliro Jahannama gwe mwalagaanyisibwanga (ku nsi).
Verse 64
ﮚﮛﮜﮝﮞ
ﮟ
64. Muguyingire olwa leero olw'ebyo bye mwalinga muwakanya.
Verse 65
65. Olwa leero tujja kuteeka envumbo ku mimwa gyabwe ate gyo emikono gyabwe gyogere naffe, n'amagulu gaabwe gawe obujulizi ku ebyo bye baalinga bakola.
Verse 66
66. Singa twayagala twandizibye amaaso gaabwe olwo nno nebaba nga banoonya okudda eri ekkubo, naye nno bandirirabye batya!.
Verse 67
67. Era singa twayagala twandikyusizza obutonde bwabwe ne babeera mu kifo awo webali, kale nno tebandisobodde kweyongerayo wadde okudda gye bavudde.
Verse 68
68. Oyo yenna gwe tuba tuwangaazizza tumuzzaayo n'aba munafu mu butonde, abaffe tebategeera!.
Verse 69
69. (Nabbi Muhammad) tetumuyigirizanga kutontoma era tekimugwanira, bye yajja nabyo tebiri okugyako nga bya kujjukiza era nga Kur’ani ennyonnyola.
Verse 70
70. (Nabbi Muhmmad) alyoke atiise oyo yenna omulamu era ekigambo (eky'ebibonerezo) kikakate ku bakaafiiri.
Verse 71
71. Abaffe tebalaba nti mu bye twabatondera ebyakolebwa e mikono gyaffe z'ensolo bo zebafuga!.
Verse 72
ﭞﭟﭠﭡﭢﭣ
ﭤ
72. Era twabibagondeza, mulimu bye beebagala era nga mulimu bye balya.
Verse 73
73. Era mu byo balina emigaso (emirala) n'eby'okunywa abaffe tebeebaza!.
Verse 74
74. Ate abakaafiiri baleka Katonda ne beeteerawo ebisinzibwa ebirala mbu babe nga bataasibwa.
Verse 75
75. So nga tebasobola kubataasa awamu n'okuba nti bo nabyo baliba kibinja ekirireetebwa mu muliro.
Verse 76
76. Kale nno tebikunyiiza ebigambo bya bwe mazima ffe tumanyi ebyo bye bakweka ne bye bakola mu lwatu.
Verse 77
77. Abaffe omuntu talaba nti mazima ffe twamutonda nga tumujja mu mazzi agazaala, ogenda okulaba nga ye muyitirivu wa kukaayana okw'olwatu.
Verse 78
78. Naatukubira ekifaananyi neyeerabira obutonde bwe, nga agamba nti ani aliramusa amagumba nga gamaze okuba amamerengufu.
Verse 79
79. Gamba nti agenda kugalamusa oyo eyagatandika omulundi ogwasooka era nga yye amanyidde ddala ebikwata ku buli kitonde.
Verse 80
80. Oyo eyabateerawo omuliro okuva mu muti omubisi okugenda okulaba nga mmwe mukuma omuliro okuva mu gwo (omuti).
Verse 81
81. Abaffe oyo eyatonda eggulu omusanvu n'ensi tasobola kutonda bintu (birala) biringa byo, weewaawo (asobolera ddala) era ddala yye ye mutonzi omumanyi ennyo.
Verse 82
82. Mazima ekiragirokye bwaba ayagadde ekintu (kibeewo) agamba bugambi nti bba ne kiba.
Verse 83
83. N’olwekyo musukkulumu nnyo oyo mu mikono gye mwokka mwemuli obufuzi bwa buli kintu ate nga gyali yokka gye mulizzibwa.
تقدم القراءة