Okuvvuunula Suura المؤمنون mu اللوغندية okuva mu الترجمة اللوغندية - المؤسسة الإفريقية للتنمية
Verse 1
ﭑﭒﭓ
ﭔ
1. Mazima abakkiriza batuuse ku buwanguzi.
Verse 2
ﭕﭖﭗﭘﭙ
ﭚ
2. Abo bbo abeewombeka mu sswala zaabwe.
Verse 3
ﭛﭜﭝﭞﭟ
ﭠ
3. Era abo bbo abatabeera mu bintu bitaliimu makulu.
Verse 4
ﭡﭢﭣﭤ
ﭥ
4. Era abo bbo abajjumbize mu kutoola Zakka.
Verse 5
ﭦﭧﭨﭩ
ﭪ
5. Era abo bbo abakuuma obwereere bwabwe.
Verse 6
6. Okugyako ku be baafumbiriganwa nabo, oba abo emikono gya bwe egya ddyo be gyafuna (abazaana) anti mazima bbo, ku ekyo tebanenyezebwa.
Verse 7
7. Naye oyo anaayiza okusukka ku ekyo abo bbo be babuuka ensalo (z'amateeka ga Katonda).
Verse 8
ﭾﭿﮀﮁﮂ
ﮃ
8. (Abakkiriza) era beebo bbo abakuuma obutiribiri obwesigwa bwa bwe n'endagaano zaabwe.
Verse 9
ﮄﮅﮆﮇﮈ
ﮉ
9. Era bbo beebo abeekubiriza okutuukiriza e sswala zaabwe.
Verse 10
ﮊﮋﮌ
ﮍ
10. Abo nno bbo be bagenda okusikira (okuyingira e jjana).
Verse 11
ﮎﮏﮐﮑﮒﮓ
ﮔ
11. Abo abalisikira Firidausi (e jjana) nga bbo mu yo baakutuulamu bugenderevu.
Verse 12
12. Mazima twatonda omuntu nga tumuggya mu nsibuko ya ttaka
Verse 13
ﮝﮞﮟﮠﮡﮢ
ﮣ
13. Oluvanyuma tumufuula amazzi agazaala ge tukuumira mu kifo ekinywevu (nnabaana).
Verse 14
14. Oluvanyuma netutonda mu mazzi ago e kisaayisaayi ate e kisaayisaayi ne tukitondamu e kinyama ate e kinyama ne tukitonderamu amagumba olwo nno amagumba ne tugambaza e nnyama, ate oluvanyuma ne tumutonda nga kitonde kirala (naafuuka omuntu nga afuuyiddwamu omwoyo) n'olwekyo Katonda musukkulumu oyo asinga abakozi be bintu bonna.
Verse 15
ﯜﯝﯞﯟﯠ
ﯡ
15. Mazima mmwe oluvanyuma lw'ekyo ddala mugenda kufa.
Verse 16
ﯢﯣﯤﯥﯦ
ﯧ
16. Oluvanyuma mazima mmwe olunaku lw'enkomerero muli ba kuzuukizibwa.
Verse 17
17. Era mazima twatonda waggulu wa mmwe eggulu omusanvu era tetubangako bagayaalira (kulabirira) bitonde.
Verse 18
18. Era tussa okuva waggulu amazzi mu ngeri ya kigero netugabeeza mu ttaka era nga mazima ddala ffe tuba tusobola okugabuzaawo.
Verse 19
19. Netubamereza nago e nnimiro ez'emitende ne nzabibu nga zirimu ebibala bingi era nga ku byo kwe mulya.
Verse 20
20. Era netumeza nago omuti (omuzaituni) ogwo ogusibuka ku lusozi Sinaa, guvaamu omuzigo (abantu gwe beesiiga) era nga muwoomu eri abali.
Verse 21
21. Era mazima mulina mmwe mu nsolo ezirundibwa eky'okuyiga, tubanywesa mu ebyo ebiri mu mbuto zaazo era mulina mu zo emigaso mingi era nga mulya ezimu ku zo.
Verse 22
ﮉﮊﮋﮌ
ﮍ
22. Nga era ku zo ne ku maato kwe mutwalirwa.
Verse 23
23. Era mazima twatuma Nuhu eri a bantube naagamba nti: abange bantu bange musinze Katonda yekka temulinaayo kintu kirala kyonna kisaana kusinzibwa. Abaffe temutya (Katonda)!.
Verse 24
24. Abakungu abo abaakaafuwala mu bantube ne bagamba nti: tali ono (Nuhu) okugyako muntu nga mmwe, ayagala kwe sukkulumya ku mmwe singa Katonda yayagala (kutuma Malayika) yaalibadde atuma ba Malayika, kino tetukiwulirangako mu bakadde baffe abaasooka.
Verse 25
25. Talina kyali okugyako okuba nti alina ekimulinnya ku mutwe kale mumuliindirize okumala ekiseera ekigere (ajja kuvaawo oba ajja kufa).
Verse 26
ﯧﯨﯩﯪﯫ
ﯬ
26. (Nuhu) naagamba nti ayi Mukama omulabirizi wange ntaasa ku kunnimbisa (kwa bwe).
Verse 27
27. Awo nno twamutumira nti kola eryato nga okolera ku biragiro byaffe, era ne tumutumira nti ekigambo kyaffe bwe kinaatuuka e ttanuuru neefukumukamu amazzi olwo nno pakira mu lyo (eryato) ku buli kintu bibiri ekisajja n'ekikazi era pakiramu abantubo okugyako omuntu oyo ekigambo gwe kyakakatako edda mu bo, era toyogera nange ku abo abeeyisa obubi, mazima bbo ba kuzikirira.
Verse 28
28. Ggwe n'abo abali naawe bwe mukkalira mu lyato olwo nno gamba nti okutenderezebwa kwonna kwa Katonda oyo atuwonyezza abantu abeeyisa obubi.
Verse 29
29. Era gamba nti ayi Mukama omulabirizi wange (bwe ntuuka okuva mu lyato lino) nzisa mu kifo eky'omukisa anti ggwe osinga bonna abasalawo ebifo (eby'okubeeramu).
Verse 30
30. Mazima ekyo kijjuddemu obubonero (obulaga obuyinza bwa Katonda) newaakubadde nga ate tubagezesa.
Verse 31
ﭲﭳﭴﭵﭶﭷ
ﭸ
31. Ekyo nga kiwedde twatandikawo oluvanyuma lwa bwe omulembe omulala.
Verse 32
32. Netubatumamu omubaka ng'ava mu bo ng'abagamba nti musinze Katonda temulina kirala kyonna kye musaanye kusinza kitali yye, abaffe temutya (Katonda)!.
Verse 33
33. Abakungu abaakaafuwala mu bantube, era abaalimbisa okusisinkana olunaku lwe'nkomerero, era abo be twawa okweyagala mu bulamu bw'ensi, baagamba nti ono talina kyali okugyako muntu buntu nga mmwe, bye mulyako byalya, ne bye munywa byanywa.
Verse 34
34. Ate singa mugondera omuntu obuntu nga mmwe, mazima mmwe olwo munaaba mufaafaaganiddwa.
Verse 35
35. Mbu abalagaanyisa nti mazima mmwe singa mufa ne muba ettaka era amagumba ameereere, nti mazima mmwe mugenda kudda!.
Verse 36
ﯖﯗﯘﯙﯚ
ﯛ
36. Tekisoboka era tekisobokera ddala ekyo kye mulagaanyisibwa.
Verse 37
37. (Ekituufu kiri nti) tewali bulamu bulala bwonna okugyako obulamu obw'ensi abamu muffe bava mu bulamu abalala ne bayingira. Era ffe tetugenda kuzuukuzibwa.
Verse 38
38. Tali yye okugyako okuba nti musajja agunja ku Katonda ebigambo eby'obulimba, era ffe tetujja kumukkiriza.
Verse 39
ﯴﯵﯶﯷﯸ
ﯹ
39. (Omubaka) naagamba nti ayi Mukama omulabirizi wange ntaasa ku kunnimbisa kwa bwe.
Verse 40
ﯺﯻﯼﯽﯾ
ﯿ
40. (Katonda) naagamba nti mu kaseera katono nnyo bajja kuba bejjusa.
Verse 41
41. Okubwatuka ne kubatuukako era nga kye kibasaanira ne tubafuula ebisasiro. N'olwekyo babeere wala nnyo abantu abeeyisa obubi.
Verse 42
ﰊﰋﰌﰍﰎﰏ
ﰐ
42. Ekyo nga kiwedde twatandikawo oluvanyuma lwa bwe emirembe emirala.
Verse 43
43. Tewali mulembe guyinza kukulembera kiseera kyagugererwa, era tebayinza kwagala kwongezebwayo (nebakufuna).
Verse 44
44. Oluvanyuma twatuma ababaka baffe nga bagoberegana, buli bantu bwe bajjirwanga omubaka waabwe nga bamulimbisa, olwo nno abamu ne tubakwasa ekkubo bannaabwe lye baakwata (mu kuzikirira) ne tubafuula eky'okwogerwako kale nno babeere wala nnyo abantu abatakkiriza.
Verse 45
45. Oluvanyuma twatuma Musa ne Mugandawe Haruna nga tubawadde eby'amagero byaffe n'obujulizi obw'enkukunala.
Verse 46
46. Bagende ewa Firaawo n'abakungube (wabula be twatuma bwe baagenda gye bali) ne beekuza ne babeera abantu abeetwala okuba aba waggulu.
Verse 47
47. Nebagamba nti tukkirize abantu ababiri abafaanana nga ffe ng'ate abantu baabwe batusinza businza!.
Verse 48
ﮉﮊﮋﮌ
ﮍ
48. Ne babalimbisa bombi olwo nno ne baba mu abo abaazikirizibwa.
Verse 49
ﮎﮏﮐﮑﮒﮓ
ﮔ
49. Era mazima twawa Musa ekitabo babe nga balungama.
Verse 50
50. Twafuula Mutabani wa Mariam ne Maamawe akabonero, ne tubawa obutuulo mu kifo e kisitufu e kibeerekamu nga kirimu n'amazzi agakulukuta.
Verse 51
51. Abange mmwe ababaka mulye ebikkirizibwa okuliibwa, era mukole emirimu emirungi mazima nze manyidde ddala ebyo bye mukola.
Verse 52
52. Mazima ddala e kibiina kya mmwe kino (eddiini yammwe) kiri ekibiina kimu nange nze Mukama omulabirizi wa mmwe kale muntye.
Verse 53
53. Naye abantu beekutulamu wakati waabwe ku kigambo kyaabwe (eky'eddiini), ebibiina bingi nga buli kibinja (abantu baakyo) basanyuka n'ebyo bye balina.
Verse 54
ﯣﯤﯥﯦﯧ
ﯨ
54. Kale baleke mu bubuze bwa bwe okutuusa ekiseera (ekyabagererwa).
Verse 55
55. Abaffe balowooza bye tubawa mu mmaali n'abaana.
Verse 56
56. Tuba tubanguyiza kwe yongera kufuna birungi! wabula tebategeera.
Verse 57
57. Mazima abo abeeraliikirira okutuukiriza obuvunaanyizibwa bw'okutya Mukama omulabirizi waabwe.
Verse 58
ﰂﰃﰄﰅﰆ
ﰇ
58. Era abo ebigambo ebyassibwa okuva ewa Mukama omulabirizi waabwe babikkiriza.
Verse 59
ﰈﰉﰊﰋﰌ
ﰍ
59. Era abo abatagatta kintu kirala ku Mukama omulabirizi wa bwe.
Verse 60
60. Era abo abawaayo bye baba bawaddeyo (ku lwa Katonda wa bwe) nga emitima gyabwe gitidde okuba nti mazima bbo bagenda kudda ewa Mukama omulabirizi wa bwe.
Verse 61
61. Abo nno bayaayaanira okukola ebirungi era nga bo mu ekyo be bakulembera
Verse 62
62. Era tetuwaliriza muntu (kukola) okugyako ekyo ekiri mu busobozibwe era tulina ekitabo ekiraga mu butuufu (ebikolebwa) nabo nga tebagenda kulyazaamaanyizibwa.
Verse 63
63. Wabula emitima gya bwe (abakaafiiri) giri mu kugayaalirira (Kur’ani) eno, awamu n'okugatta ku Katonda ebintu ebirala, balina e mirimu emirala emibi nga Katonda abaleka ne bagikola (olwo nno ebibonerezo bya bwe byeyongere).
Verse 64
64. Okutuusa bwe tussa ebibonerezo ku beejalabi mu bo olwo nno bo nebalajaana.
Verse 65
65. Temulaajana leero, mazima mmwe temuli ba kututaasibwako.
Verse 66
66. Mazima ebigambo byange byabasomerwanga naye mmwe mwalinga mukyukira ku bisinziro bya mmwe ne mubikuba amabega.
Verse 67
ﮝﮞﮟﮠ
ﮡ
67. Nga mwekuza olw'okugiwalana (Kur’ani), nga mugyogerako mu ngeri e mbi nga mutudde ku byoto bya mmwe ekiro.
Verse 68
68. Abaffe tebeetegereza ekigambo (Kur’ani ne balaba nti ntuufu) oba (ekibabuza kwe kuba nti) bajjiddwa ebyo ebitajjira bakadde baabwe abaakulembera.
Verse 69
69. Oba tebaamanya mubaka waabwe n'eba nga y'ensonga lwaki bamuwakanya.
Verse 70
70. Oba bagamba nti mulalu, wabula (ekituufu kiri nti) yabajjira n'amazima, naye nga abasinga obungi mu bo batamwa amazima.
Verse 71
71. Singa amazima gaagoberera okwagala kwa bwe, eggulu omusanvu n'ensi n'ebyo ebirimu byandi yonoonese, wabula twabawa ekyo ekibaweesa ekitiibwa (Kur’ani) naye (eky'ennaku) bbo beesamba ekitiibwa kya bwe.
Verse 72
72. Oba obasaba musaala (ne kiba nga kye kibagaana okukkiriza naye nakyo tokikola), anti omusaala gwa Mukama omulabiriziwo gwe gusinga obulungi era yye y'asinga abagabirizi bonna.
Verse 73
ﯿﰀﰁﰂﰃ
ﰄ
73. Era mazima ggwe obakoowoola okujja eri e kkubo eggolokofu.
Verse 74
74. Era mazima abo abatakkiriza lunaku lwa nkomerero ddala be bava ku kkubo.
Verse 75
75. Singa twabasaasira netubaggyako obuzibu obwabatuukako bandiremedde ku bubuze bwa bwe nga babulubuuta.
Verse 76
76. Mazima twabatuusaako e bibonerezo naye tebeemenyera Mukama omulabirizi waabwe era tebaagonda.
Verse 77
77. Okutuusa bwe tulibaggulira omulyango gw'ebibonerezo e bikakali oligenda okubalaba nga basobeddwa.
Verse 78
78. (Katonda) yye, yooyo eyabatondera mmwe amatu n'amaaso n'emitima (naye) mwebaza kitono.
Verse 79
79. Era yye yooyo (eyabatonda) n'abassa mu nsi era gyali gye mulikungaanyizibwa.
Verse 80
80. Era yye yooyo awa obulamu era natta era ku kwe okwawukana kw'ekiro n'emisana, abaffe temutegeera!.
Verse 81
ﮔﮕﮖﮗﮘﮙ
ﮚ
81. Wabula (ekivaako obuzibu) bagamba nga abaabasooka kye baagamba.
Verse 82
82. Bagamba nti bwe tulifa ne tuba e nfuufu n'amagumba abaffe tugenda kuzuukizibwa.
Verse 83
83. Mazima ffe ne bakadde baffe kino kyatulagaanyisibwa dda, tekirina kye kiri okugyako okuba enfumo z'abasooka.
Verse 84
84. Bagambe nti: ensi n'ebigirimu byani bwe muba nga mumanyi?.
Verse 85
ﯛﯜﯝﯞﯟﯠ
ﯡ
85. Bajja kugamba nti bya Katonda, bagambe nti abaffe temwebuulirira!.
Verse 86
86. Bagambe nti ani Mukama Omulabirizi w'eggulu omusanvu era Mukama Omulabirizi wa Arishi ey'ekitiibwa?.
Verse 87
ﯫﯬﯭﯮﯯﯰ
ﯱ
87. Bajja kugamba nti bya Katonda, bagambe nti abaffe temutya!.
Verse 88
88. Bagambe nti obufuzi bwa buli kintu buli mu mukono gw'ani? Alina obusobozi obuwa obukuumi (oyo aba yeekubidde enduulu gyali, ate bwaba yeetaaga omuntu) takugirwa ku ye, (mwanukule) bwe muba nga mumanyi.
Verse 89
ﰁﰂﰃﰄﰅﰆ
ﰇ
89. Bajja kugamba nti (obufuzi) bwa Katonda, bagambe nti mubuzibwabuzibwa mutya!.
Verse 90
ﭑﭒﭓﭔﭕ
ﭖ
90. Wabula twabaleetera amazima naye ddala bbo balimba.
Verse 91
91. Katonda teyeeteerangawo mwana era tawabangawo naye katonda mulala, singa bwe kyali buli katonda yandigenze ne bye yatonda era abamu baaliwambye bannaabwe. Katonda yeesambidde ddala ebyo bye boogera.
Verse 92
ﭲﭳﭴﭵﭶﭷ
ﭸ
92. (Katonda) mumanyi wa byekusifu n'ebirabikako ali wala nnyo ku ebyo bye bamugattako.
Verse 93
ﭹﭺﭻﭼﭽﭾ
ﭿ
93. Gamba nti: ayi Mukama omulabirizi wange, lwolindaga (ebibonerezo) ebyo bye balagaanyisibwa.
Verse 94
ﮀﮁﮂﮃﮄﮅ
ﮆ
94. Ayi Mukama omulabirizi wange tonteekanga mu bantu abeeyisa obubi.
Verse 95
95. Era mazima ffe ku ky'okukulaga bye tubalagaanyisa tusobolera ddala.
Verse 96
96. Ggyawo ekibi nga okozesa ekyo ekisinga obulungi, ffe tusinga okumanya ebyo bye boogera.
Verse 97
97. Era gamba nti ayi Mukama omulabirizi wange nkusaba ompe obukuumi ku kubuzaabuza kwa Sitane.
Verse 98
ﮢﮣﮤﮥﮦ
ﮧ
98. Era Mukama omulabirizi wange nkusaba ompe obukuumi (Sitane) zireme kunsemberera.
Verse 99
99. (Baakubeera mu bubuze) okutuusa okufa lwe kujjira omu ku bo, naagamba nti ayi Mukama omulabirizi wange munzizeeyo (ku nsi).
Verse 100
100. Mbe nga nkola emirimu emirungi mu ebyo byessaakola, si bwe kiri mazima kyo kigambo bugambo yye kyayogera (naye nga tagenda kusobola kudda) ate era mu maaso gaabwe waliwo e kiseera (ekyawula wakati w'obulamu bw'ensi n'obw'oluvanyuma mwe balibeera) okutuusa ku lunaku lwe balizuukizibwa.
Verse 101
101. Olwo nno engombe bwerifuuyibwa tewagenda kuba nganda wakati wa bwe ku lunaku olwo, era tebagenda kwogeraganya.
Verse 102
ﯱﯲﯳﯴﯵﯶ
ﯷ
102. Oyo yenna ebirizitowa ebipimwabye abo nno be b'okwesiima.
Verse 103
103. Ate oyo ebiriwewuka ebipimwabye abo nno be bafaafaaganirwa emyoyo gya bwe nga baakutuula lubeerera mu muliro Jahannama.
Verse 104
ﰃﰄﰅﰆﰇﰈ
ﰉ
104. Omuliro gulisiriiza ebyenyi bya bwe, balibeera mu gwo nga banyinyibadde.
Verse 105
105. Abaffe ebigambo byange byali tebibasomerwa ate mmwe ne muba nga mubilimbisa.
Verse 106
106. Nebagamba nti ayi Mukama omulabirizi waffe obwonoonefu bwaffe bwatusinza amanyi, era twali abantu abaabula.
Verse 107
107. Ayi Mukama omulabirizi waffe tuggye mu gwo (omuliro), olwo nno bwe tuddamu okwonoona mazima tujja kuba abeeyisa obubi.
Verse 108
ﭫﭬﭭﭮﭯ
ﭰ
108. Naagamba nti mubeere mu gwo nga munyoomebwa era temwogera nange.
Verse 109
109. Mazima ekitundu mu baddu bange baali bagamba nti ayi Mukama omulabirizi waffe tukkirizza kale tusonyiwe era otusaasire era ggwe osinga abasaasizi bonna.
Verse 110
110. Ne mubafuula ekisekererwa okutuusa lwe baaberabiza okunjogerako era mwali mubasekerera.
Verse 111
111. Mazima nze olwa leero mbasasudde olw'ebyo bye baagumiikiriza mazima bbo be b'okwesiima.
Verse 112
112. (Katonda) aligamba nti mu nsi mwatuulamu emyaka emeka?
Verse 113
113. Baligamba nti: twamalamu lunaku oba kitundu kya lunaku, wabula buuza ababazi.
Verse 114
114. Aligamba nti temwatuula okugyako ebbanga ttono singa mazima mmwe mwali mumanyi.
Verse 115
115. Abaffe mwalowooza nti mazima twabatonda nga tewali kigendererwa, era nti mazima mmwe temugenda kuzzibwa gye tuli.
Verse 116
116. Yasukkuluma Katonda Omufuzi (era yye) ye mazima tewali kisinzibwa kyonna (mu butuufu) okugyako yye, Mukama omulabirizi wa Arishi ey'ekitiibwa.
Verse 117
117. Oyo yenna asinza ekintu ekirala awamu ne Katonda so nga ate takirinaako bujulizi, mazima okubalibwa kwe kuli wa Mukama omulabiriziwe, mazima abakaafiiri tebayinza kwesiima.
Verse 118
118. Era gamba nti ayi Mukama omulabirizi wange sonyiwa osaasire. Era ggwe osinga abasaasizi bonna.
تقدم القراءة