Surah سورة النازعات

Verse 1

ﮢﮣ ﮤ

1. Ndayira Malayika ezisikambula emyoyo gy’abajeemu mu bukambwe.

Verse 2

ﮥﮦ ﮧ

2. Era ndayira Malayika ezisowola emyoyo gy’abakkiriza obusowozi.

Verse 3

ﮨﮩ ﮪ

3. Era ndayira Malayika eziwugira mu bbanga oluwuga.

Verse 4

ﮫﮬ ﮭ

4. Era ndayira Malayika ezivuganya oluvuganya nga zitwala emyoyo gy’abakkiriza mu jjana.

Verse 5

ﮮﮯ ﮰ

5. Ne ndayira ne Malayika ezissa mu nkola ebiragiro (Byange).

Verse 6

ﮱﯓﯔ ﯕ

6. (Mukimanye nti ebitonde byonna bigenda kuzikirira) ku lunaku buli kintu kyonna lwe kirikankana nga engombe efuuyiddwa.

Verse 7

ﯖﯗ ﯘ

7. Luligobererwa olufuuwa olw'okubiri (olw'okuzuukira).

Verse 8

ﯙﯚﯛ ﯜ

8. E mitima gy’abatakkiriza ku lunaku olwo giribeera mu kutya.

Verse 9

ﯝﯞ ﯟ

9. Amaaso gaabwe nga makkakkamu.

Verse 10

ﯠﯡﯢﯣﯤ ﯥ

10. Bagamba (nga bajerega), nti "Mazima ddala tulizzibwawo mu bulamu nga bwetulimu kati?"

Verse 11

ﯦﯧﯨﯩ ﯪ

11. Bwe tuliba tumaze okufuuka amagumba amamerengufu?

Verse 12

ﯫﯬﯭﯮﯯ ﯰ

12. Bongerako ne bagamba nti (okwonno bwekiriba bwekityo) kuliba kudda kwa kufaafaaganirwa.

Verse 13

ﯱﯲﯳﯴ ﯵ

13. Mazima okuzuukira lugenda kubeera olukanga lumu lwokka.

Verse 14

ﯶﯷﯸ ﯹ

14. Baligenda okulaba nga bali ku ngulu ku nsi.

Verse 15

ﯺﯻﯼﯽ ﯾ

15. Abaffe wamanya ku kyafaayo kya Nabbi Musa?

Verse 16

ﯿﰀﰁﰂﰃﰄ ﰅ

16. Awo Katonda we yakoowoolera Musa nga (Musa) ali mu lusenyi olutukuvu 'Tuwa'?

Verse 17

ﭑﭒﭓﭔﭕ ﭖ

17. N'amugamba nti genda eri Firaawo kubanga ye asusse mu bujeemu ne mu buwakanyi.

Verse 18

ﭗﭘﭙﭚﭛﭜ ﭝ

18. Omugambe nti, Abaffe waalyetaaze okwetukuza (n'okkiriza mukama Katonda wo)?

Verse 19

ﭞﭟﭠﭡ ﭢ

19. Ndyoke mbe nga nkulungamya eri Katonda wo obeere nga omutya?

Verse 20

ﭣﭤﭥ ﭦ

20. (Nabbi Musa) n’alaga Firaawo obujulizi obwenkukunala.

Verse 21

ﭧﭨ ﭩ

21. (Firaawo) naalimbisa era n’ajeema.

Verse 22

ﭪﭫﭬ ﭭ

22. Bwe yamala n'abikuba amabega era n’akola kaweefube w'okubirwanyisa.

Verse 23

ﭮﭯ ﭰ

23. N’akungaanya (amagye ge, abakungu be, n’abalogo) n’alangirira.

Verse 24

ﭱﭲﭳﭴ ﭵ

24. Ng’agamba nti nze Katonda wa mmwe owa waggulu.

Verse 25

ﭶﭷﭸﭹﭺ ﭻ

25. Katonda n’amubonereza n’okumuzikiriza olw’ekisobyo ekyasembayo n’ekyasooka.

Verse 26

ﭼﭽﭾﭿﮀﮁ ﮂ

26. Mazima mu ekyo (eky’okuzikiriza Firaawo) mulimu eky’okulabirako eri oyo atya Katonda.

Verse 27

ﮃﮄﮅﮆﮇﮈﮉ ﮊ

27. Abaffe, mmwe be mweraba mwe musinga obuzibu okutonda okusinga e ggulu? Yalitonda nno!

Verse 28

ﮋﮌﮍ ﮎ

28. (Awamu n'obugevvu bwalyo) yaliwanika n'alitereeza.

Verse 29

ﮏﮐﮑﮒ ﮓ

29. Aleeta enzikiza yaalyo n’aggyayo ekitangaala kyalyo.

Verse 30

ﮔﮕﮖﮗ ﮘ

30. N’ensi oluvanyuma lwebyo yagyaliira.

Verse 31

ﮙﮚﮛﮜ ﮝ

31. Muyo mwennyini mweyajja amazzi gaayo namalundiro gaayo.

Verse 32

ﮞﮟ ﮠ

32. N’ensozi yazisimba n'azinyweeza.

Verse 33

ﮡﮢﮣ ﮤ

33. (Ebyo yabikola) lwa kugasa mmwe n'ensolo za mmwe.

Verse 34

ﮥﮦﮧﮨ ﮩ

34. Akabenje akanene bwe kalijja (olwo lwe luliba olunaku lw'enkomerero)

Verse 35

ﮪﮫﮬﮭﮮ ﮯ

35. Olunaku lw’alijjukira omuntu ebyo byonna bye yakola.

Verse 36

ﮰﮱﯓﯔ ﯕ

36. Omuliro Jahiimu negulagibwa eri yenna alaba.

Verse 37

ﯖﯗﯘ ﯙ

37. Oyo yenna eyasukka mu kujeema

Verse 38

ﯚﯛﯜ ﯝ

38. N’asukkulumya obulamu bw’ensi (ku bw'enkomerero)

Verse 39

ﯞﯟﯠﯡ ﯢ

39. Mazima omuliro Jahiimu bwe buddo bwe.

Verse 40

ﯣﯤﯥﯦﯧﯨﯩﯪﯫ ﯬ

40. Oyo aliba nga yatya okuyimirira mu maaso ga Mukama we (Katonda). N’aziyiza omwoyo gwe ku by’obwagazi.

Verse 41

ﯭﯮﯯﯰ ﯱ

41. Mazima e jjana, bwe buddo bwe.

Verse 42

ﯲﯳﯴﯵﯶ ﯷ

42. Bakubuuza gwe (Nabbi Muhammad) ebikwata ku lunaku lw’enkomerero, nti lulibaawo ddi.

Verse 43

ﯸﯹﯺﯻ ﯼ

43. Wa gy'onoggya okulwogerako?

Verse 44

ﯽﯾﯿ ﰀ

44. Omulezi wo Katonda yekka ya manyi ebirukwatako.

Verse 45

ﰁﰂﰃﰄﰅ ﰆ

45. Mazima ggwe oli mutiisa eri oyo alutya.

Verse 46

ﰇﰈﰉﰊﰋﰌﰍﰎﰏ ﰐ

46. Mazima bwe baliraba olunaku olwo balibanga abataatuula ku nsi okugyako ekiseera ky'olweggulo oba e kye nkya.

Okuvvuunula kwa سورة النازعات

سورة النازعات

Okuvvuunula Suura النازعات mu اللوغندية okuva mu الترجمة اللوغندية - المؤسسة الإفريقية للتنمية

الترجمة اللوغندية - المؤسسة الإفريقية للتنمية

الترجمة اللوغندية - المؤسسة الإفريقية للتنمية