Surah سورة الواقعة

Verse 1

ﮃﮄﮅ ﮆ

1. Ekiseera ekitaliimu kubuusabuusa bwe kirituuka.

Verse 2

ﮇﮈﮉ ﮊ

2. Okutuuka kwakyo tekuliimu kubuusabuusa.

Verse 3

ﮋﮌ ﮍ

3. Kirikakkanya (abeeyisa obubi era) kirisitula (abeeyisa obulungi).

Verse 4

ﮎﮏﮐﮑ ﮒ

4. Ensi bwe rikankanyizibwa olukankana.

Verse 5

ﮓﮔﮕ ﮖ

5. N'ensozi nezimerengulwa olumerengulwa.

Verse 6

ﮗﮘﮙ ﮚ

6. Olwo nno nezifuuka enfuufu efumuuka.

Verse 7

ﮛﮜﮝ ﮞ

7. Era mmwe nemuba emitendera esatu.

Verse 8

ﮟﮠﮡﮢﮣ ﮤ

8. Olwo nno newabaawo ogwa ba nannyini mukono ogwa ddyo, yye omanyi okubeera ku mukono ogwaddyo kye kitegeeza?.

Verse 9

ﮥﮦﮧﮨﮩ ﮪ

9. Era newabaawo n’ogwa ba nannyini mukono ogwa kkono, yye omanyi okubeera ku mukono ogwa kkono kye kitegeeza?.

Verse 10

ﮫﮬ ﮭ

10. Newabaawo n’ogwabo abaakulembera, abalikulembera mu buli kimu.

Verse 11

ﮮﮯ ﮰ

11. Abo be bo kusembezebwa (ewa Katonda).

Verse 12

ﮱﯓﯔ ﯕ

12. Nga bali mu jjana ez'ebyengera.

Verse 13

ﯖﯗﯘ ﯙ

13. Bangi mu bibiina ebyasooka.

Verse 14

ﯚﯛﯜ ﯝ

14. Nabatono mu kibiina kya bantu abenkomerero (abekibiina kya Nabbi Muhammad).

Verse 15

ﯞﯟﯠ ﯡ

15. (Balibeera) ku bitanda ebyakolebwa mu zzaabu n'amayinja amalala agomuwendo.

Verse 16

ﯢﯣﯤ ﯥ

16. Baliba bagalamidde ku byo nga boolekaganye (nga banyumya).

Verse 17

ﭑﭒﭓﭔ ﭕ

17. Abaweereza abalenzi, abolubeerera baliba babayitamu.

Verse 18

ﭖﭗﭘﭙﭚ ﭛ

18. Nga balina ebikopo, amabinika ne giraasi ebijjudde omubisi oguva mu nsulo.

Verse 19

ﭜﭝﭞﭟﭠ ﭡ

19. Tebagenda kulumwa mutwe olwagwo era tebagenda kutamiira.

Verse 20

ﭢﭣﭤ ﭥ

20. N’ebibala (ebye njawulo) mwebyo bye baliba nga basazeewo.

Verse 21

ﭦﭧﭨﭩ ﭪ

21. Ne nnyama y’ebinyonyi eyo gye baliyagala.

Verse 22

ﭫﭬ ﭭ

22. N'abakyala abalungi abamaaso agatemagana.

Verse 23

ﭮﭯﭰ ﭱ

23. Nga balinga Luulu akuumibwa obutiribiri.

Verse 24

ﭲﭳﭴﭵ ﭶ

24. (Ebyo byonna) nga mpeera yeebyo bye baali bakola (ebirungi ku nsi).

Verse 25

ﭷﭸﭹﭺﭻﭼ ﭽ

25. Tebagenda kuwulira mu yo luyogaano wadde ebigambo ebyesittaza.

Verse 26

ﭾﭿﮀﮁ ﮂ

26. Okugyako okugamba nti mirembe, mirembe.

Verse 27

ﮃﮄﮅﮆﮇ ﮈ

27. Abantu bo ku mukono ogwa ddyo, abaffe omanyi abantu bo ku mukono ogwa ddyo baliba batya?.

Verse 28

ﮉﮊﮋ ﮌ

28. Balituula (mu bittuluze) by'emiti gya Sidiri atemeddwako amaggwa.

Verse 29

ﮍﮎ ﮏ

29. N'ensuku ezirimu amatooke agaliko ebiwagu ebiberekaganye.

Verse 30

ﮐﮑ ﮒ

30. N'ebisikirize ebigazi.

Verse 31

ﮓﮔ ﮕ

31. N'amazzi agakulukuta awatali kusalako.

Verse 32

ﮖﮗ ﮘ

32. N'ebibala ebingi.

Verse 33

ﮙﮚﮛﮜ ﮝ

33. Ebitaggwawo ate ebitatekebwako kkomo.

Verse 34

ﮞﮟ ﮠ

34. N'ebyaliiro ebisuffu ebya waggulu.

Verse 35

ﮡﮢﮣ ﮤ

35. Mazima ffe twatonda abakyala bo mu jjana olutonda.

Verse 36

ﮥﮦ ﮧ

36. Olwo nno twabatonda nga mbeerera.

Verse 37

ﮨﮩ ﮪ

37. Nga bulijjo baganzi eri ba bbaabwe nga tebakakiddwa.

Verse 38

ﮫﮬ ﮭ

38. Nga bo ba bantu abalibeera ku mukono ogwa ddyo.

Verse 39

ﮮﮯﮰ ﮱ

39. Bangi mu bibiina ebyasooka.

Verse 40

ﯓﯔﯕ ﯖ

40. Era bangi mu kibiina kya bantu ab'enkomerero (ab’ekibiina kya Nabbi Muhammad).

Verse 41

ﯗﯘﯙﯚﯛ ﯜ

41. Ate abantu bo ku mukono ogwa kkono, abaffe omanyi abantu bo ku mukono ogwa kkono baliba batya?.

Verse 42

ﯝﯞﯟ ﯠ

42. Balibeera mu kibuyaga ayokya n’amazzi ageeseze.

Verse 43

ﯡﯢﯣ ﯤ

43. Nga nebisikirize mwe balyewogoma, biriba bya mu mukka omuddugavu ogwokya.

Verse 44

ﯥﯦﯧﯨ ﯩ

44. Biriba tebinnyogoga era nga tebisanyusa.

Verse 45

ﯪﯫﯬﯭﯮ ﯯ

45. Anti mazima bo oluberyeberye lwa kino baali baamalibwawo ebyo kwe jalabya.

Verse 46

ﯰﯱﯲﯳﯴ ﯵ

46. Era baalemeranga ku kibi ekinene (bwe baalayiranga nti tewali kuzuukira).

Verse 47

ﯶﯷﯸﯹﯺﯻﯼﯽﯾ ﯿ

47. Era baagamba nga nti bwetufa netufuuka ettaka, era netusigala ngumba gumba abaffe tulizuukizibwa!.

Verse 48

ﰀﰁ ﰂ

48. Ne bakadde baffe abasooka (nabo bwe batyo)!.

Verse 49

ﰃﰄﰅﰆ ﰇ

49. Bagambe ggwe (Nabbi Muhammad) nti mazima abasooka n'aboluvanyuma.

Verse 50

ﰈﰉﰊﰋﰌ ﰍ

50. Ddala ba kukunganyizibwa ku lunaku olwasalibwawo olumanyiddwa.

Verse 51

ﭑﭒﭓﭔﭕ ﭖ

51. Oluvanyuma mazima mmwe, abange mmwe ababuze abalimbisa.

Verse 52

ﭗﭘﭙﭚﭛ ﭜ

52. Ddala mugenda kulya ku muti gwa zakkumu.

Verse 53

ﭝﭞﭟ ﭠ

53. Nulijjuza nagwo embuto (gujjuze embuto zammwe).

Verse 54

ﭡﭢﭣﭤ ﭥ

54. Olwo nno munywereko amazzi ageeseze.

Verse 55

ﭦﭧﭨ ﭩ

55. Mugenda kunywa ng'ennywa ye ngamiya erina ennyonta.

Verse 56

ﭪﭫﭬﭭ ﭮ

56. Obwo bwe buliba obugenyi bwabwe ku lunaku lwo kusasula.

Verse 57

ﭯﭰﭱﭲ ﭳ

57. Ffe twabatonda, kale singa mukkiriza (okusinziira kwekyo).

Verse 58

ﭴﭵﭶ ﭷ

58. Abaffe mulaba amazzi (agazaala) ge muteeka mu nnabaana.

Verse 59

ﭸﭹﭺﭻﭼ ﭽ

59. Abaffe mmwe mugatonda oba ffe batonzi!.

Verse 60

ﭾﭿﮀﮁﮂﮃﮄ ﮅ

60. Ffe twagera netussa wakati wa mmwe okufa, (netubakakasaako okufa) era tetuli ffe ba kulemesebwa.

Verse 61

ﮆﮇﮈﮉﮊﮋﮌﮍﮎ ﮏ

61. Okuba nga tuwaanyisa abalinga mmwe (mu mmwe) olwo nno mmwe, netubakolamu ebirala bye mutamanyi.

Verse 62

ﮐﮑﮒﮓﮔﮕ ﮖ

62. Ate nga ddala mwamanya entandikwa eyasooka (engeri Katonda gye yabatondamu) kale singa mwebulirira.

Verse 63

ﮗﮘﮙ ﮚ

63. Abaffe mulaba ebyo bye mulima.

Verse 64

ﮛﮜﮝﮞﮟ ﮠ

64. Abaffe mmwe mubimeza oba ffe tumeza!.

Verse 65

ﮡﮢﮣﮤﮥﮦ ﮧ

65. Singa twagadde tusobola okubifuula ebikaze nemusigala nga mwewunaganya.

Verse 66

ﮨﮩ ﮪ

66. (Nga mugamba nti) mazima ffe tetufunye ate nga tubanjibwa.

Verse 67

ﮫﮬﮭ ﮮ

67. (Si kye kyokka) wabula ffe tummiddwa.

Verse 68

ﮯﮰﮱﯓ ﯔ

68. Abaffe mulaba amazzi ago gemunywa.

Verse 69

ﯕﯖﯗﯘﯙﯚﯛ ﯜ

69. Mwe mugassa okuva mu bire oba ffe tugassa.

Verse 70

ﯝﯞﯟﯠﯡﯢ ﯣ

70. Singa twagadde twaligafudde olukalabule kale singa mwebaza (Katonda olwo kugafuula amalungi).

Verse 71

ﯤﯥﯦﯧ ﯨ

71. Abaffe mulaba omuliro ogwo gwe mukuma.

Verse 72

ﯩﯪﯫﯬﯭﯮ ﯯ

72. Abaffe mmwe mwatandikawo omuti gwagwo, oba ffe twagutandika.

Verse 73

ﯰﯱﯲﯳﯴ ﯵ

73. Ffe twagufuula kya kujjukiza, era nga gwa mugaso eri abatambuze (abataba na byoto bibakumira muliro).

Verse 74

ﯶﯷﯸﯹ ﯺ

74. Kale tendereza erinnya lya Mukama omulabirizi wo owekitiibwa.

Verse 75

ﯻﯼﯽﯾﯿ ﰀ

75. Tewali kingaana kulayira bifo bya munyeenye.

Verse 76

ﰁﰂﰃﰄﰅ ﰆ

76. Era mazima kwo ddala kulayira kunene singa mubadde mumanyi.

Verse 77

ﭑﭒﭓ ﭔ

77. Okuba nti ddala yo Kur’ani yakitiibwa.

Verse 78

ﭕﭖﭗ ﭘ

78. Eri mu kitabo ekikuumibwa obutiribiri (ku Lawuhu al mahfudhu)

Verse 79

ﭙﭚﭛﭜ ﭝ

79. Takikwatako okugyako abaatukuzibwa (ba malayika abatalina bukyafu bwa mibiri oba obwe nzikiriza).

Verse 80

ﭞﭟﭠﭡ ﭢ

80. Essibwa okuva ewa Mukama omulabirizi w’ebitonde.

Verse 81

ﭣﭤﭥﭦ ﭧ

81. Abaffe ebigambo bino (ebya Kur’ani) mmwe bye mugayaalirira.

Verse 82

ﭨﭩﭪﭫ ﭬ

82. Okugirimbisa mmwe ne mukifuula okuba nga ye Riziki yammwe.

Verse 83

ﭭﭮﭯﭰ ﭱ

83. Singa omwoyo wegutuukira mu ddokooli (musala amagezi nemugutaasa).

Verse 84

ﭲﭳﭴ ﭵ

84. Ate nga mmwe mu kiseera ekyo mubaawo nga mutunula.

Verse 85

ﭶﭷﭸﭹﭺﭻﭼ ﭽ

85. Era ffe tuba okumpi naye okusinga mmwe, naye temulaba.

Verse 86

ﭾﭿﮀﮁﮂ ﮃ

86. Kale singa mwali temufugibwa (Katonda).

Verse 87

ﮄﮅﮆﮇ ﮈ

87. Muyinza okugamba nti mwandiguzizzaamu mu mubiri, bwe muba mwogera mazima.

Verse 88

ﮉﮊﮋﮌﮍ ﮎ

88. Naye (omufu) bwaba mu bo kumpi (ne Katonda).

Verse 89

ﮏﮐﮑﮒ ﮓ

89. Aliba mu kwesiima na mirembe na jjana eye byengera.

Verse 90

ﮔﮕﮖﮗﮘﮙ ﮚ

90. Ate bwaba mu bantu bo ku mukono ogwa ddyo.

Verse 91

ﮛﮜﮝﮞﮟ ﮠ

91. (Aliyozebwayozebwa nti) emirembe gibeere ku ggwe, olwokuba oli mu bantu bo ku mukono ogwa ddyo.

Verse 92

ﮡﮢﮣﮤﮥﮦ ﮧ

92. Wabula bwabeera nga ali mu balimbisa ababuze.

Verse 93

ﮨﮩﮪ ﮫ

93. (Oyo nno) obugenyi (bwe) bwalwegye lwa mazzi.

Verse 94

ﮬﮭ ﮮ

94. Nakwesogga muliro Jahiimu.

Verse 95

ﮯﮰﮱﯓﯔ ﯕ

95. Mazima ebyo ge mazima agannamaddala.

Verse 96

ﯖﯗﯘﯙ ﯚ

96. Kale nno tendereza erinnya lya Mukama omulabirizi wo owekitiibwa.

Okuvvuunula kwa سورة الواقعة

سورة الواقعة

Okuvvuunula Suura الواقعة mu اللوغندية okuva mu الترجمة اللوغندية - المؤسسة الإفريقية للتنمية

الترجمة اللوغندية - المؤسسة الإفريقية للتنمية

الترجمة اللوغندية - المؤسسة الإفريقية للتنمية