Verse 1

ﭑﭒ ﭓ ​

ஸாத், அறிவுரைகள் நிறைந்த அல்குர்ஆன் மீது சத்தியமாக!

Verse 2

ﭔﭕ ﭖ ​

கடுமையாக விரட்டுகின்ற (வான)வர்கள் மீது சத்தியமாக!

Verse 3

ﭗﭘ ﭙ ​

வேதத்தை ஓதுபவர்கள் மீது சத்தியமாக!

Verse 4

ﭚﭛﭜ ﭝ ​

நிச்சயமாக உங்கள் கடவுள் ஒருவன்தான்.

Verse 5

ﭞﭟﭠﭡﭢﭣﭤ ﭥ ​

(அவன்தான்) வானங்கள், பூமி, இன்னும் அவை இரண்டுக்கும் இடையில் உள்ளவற்றின் இறைவன் (-அதிபதி) ஆவான். இன்னும் (அவன்) சூரியன் உதிக்கும் இடங்களையும் (அது மறையும் இடங்களையும்) நிர்வகிப்பவன் ஆவான்.

Verse 6

ﭦﭧﭨﭩﭪﭫ ﭬ ​

நிச்சயமாக நாம் கீழுள்ள வானத்தை நட்சத்திரங்களின் அலங்காரத்தால் அலங்கரித்துள்ளோம்.

Verse 7

ﭭﭮﭯﭰﭱ ﭲ ​

(இறைவனுக்கு) அடங்காத எல்லா ஷைத்தான்களிடமிருந்து பாதுகாப்பதற்காகவும் (நட்சத்திரங்களால் வானத்தை அலங்கரித்தோம்).

Verse 8

ﭳﭴﭵﭶﭷﭸﭹﭺﭻ ﭼ ​

மிக உயர்ந்த கூட்டத்தினரின் (-வானவர்களின்) பேச்சை அவர்களால் செவியுற முடியாது. (வானத்தை விட்டு தடுக்கப்படுவதற்காக) எல்லா பக்கங்களில் இருந்தும் அவர்கள் (-அந்த ஷைத்தான்கள் வால் நட்சத்திரங்களால்) எறியப்படுவார்கள்,

Verse 9

ﭽﭾﭿﮀﮁ ﮂ ​

(வனத்தை விட்டும்) தடுக்கப்படுவதற்காக (அந்த ஷைத்தான்கள் வால் நட்சத்திரங்களால் எறியப்படுவார்கள்). இன்னும், அவர்களுக்கு நிரந்தரமான வேதனை உண்டு.

Verse 10

ﮃﮄﮅﮆﮇﮈﮉ ﮊ ​

எனினும், (வானவர்களின் பேச்சை) யார் திருட்டுத்தனமாக திருடுகின்றாரோ (கள்ளத்தனமாக ஒட்டுக்கேட்க முயற்சிக்கின்றாரோ) எரிக்கின்ற நெருப்புக் கங்கு அவரை பின்தொடரும்.

Verse 11

ﮋﮌﮍﮎﮏﮐﮑﮒﮓﮔﮕﮖﮗ ﮘ ​

அவர்கள் (-மறுமையை மறுப்பவர்கள்) படைப்பால் பலமிக்கவர்களா அல்லது எவர்களை நாம் படைத்தோமோ (அவர்கள் பலமிக்கவர்களா? அதாவது வானம், பூமி, மலைகள், வானவர்கள் போன்ற படைப்புகளா)? என்று அவர் களிடம் விளக்கம் கேட்பீராக! நிச்சயமாக நாம் அவர்களை (-மனிதர்களை) பிசுபிசுப்பான (ஒட்டிக்கொள்கின்ற நல்ல) மண்ணிலிருந்து படைத்தோம்.

Verse 12

ﮙﮚﮛ ﮜ ​

மாறாக, (நபியே!) நீர் (இந்த குர்ஆன் கொடுக்கப்பட்டபோது) ஆச்சரியப்பட்டீர். அவர்கள் (இதை) பரிகாசிக்கின்றனர்.

Verse 13

ﮝﮞﮟﮠ ﮡ ​

அவர்களுக்கு அறிவுரை கூறப்பட்டால் அறிவுரை பெறமாட்டார்கள்.

Verse 14

ﮢﮣﮤﮥ ﮦ ​

அவர்கள் ஓர் அத்தாட்சியைப் பார்த்தால் (அதை) பரிகாசம் செய்கிறார்கள்.

Verse 15

ﮧﮨﮩﮪﮫﮬ ﮭ ​

தெளிவான சூனியமே தவிர இது வேறில்லை என்று கூறுகின்றனர்.

Verse 16

ﮮﮯﮰﮱﯓﯔﯕ ﯖ ​

நாங்கள் இறந்து, எலும்புகளாகவும், (எங்கள் சதை) மண்ணாகவும் மாறிவிட்டால் நிச்சயமாக நாங்கள் (மீண்டும் உயிர் கொடுக்கப்பட்டு) எழுப்பப்படுவோமா?

Verse 17

ﯗﯘ ﯙ ​

இன்னும், எங்கள் முந்திய முன்னோர்களுமா (எழுப்பப்படுவார்கள்)?

Verse 18

ﯚﯛﯜﯝ ﯞ ​

ஆம் (நீங்கள் அனைவரும் எழுப்பப்படுவீர்கள்). இன்னும், நீங்கள் மிகவும் சிறுமைப்பட்டவர்களாக இருப்பீர்கள் என்று கூறுவீராக!

Verse 19

ﯟﯠﯡﯢﯣﯤﯥ ﯦ ​

அதுவெல்லாம் (-மறுமை நிகழ்வதெல்லாம்) ஒரே ஒரு பலமான சப்தம்தான். அப்போது அவர்கள் (மறுமையின் காட்சிகளை கண்கூடாகப்) பார்ப்பார்கள்.

Verse 20

ﯧﯨﯩﯪﯫ ﯬ ​

எங்கள் நாசமே! என்று அவர்கள் கூறுவார்கள். (அப்போது அவர்களுக்குக் கூறப்படும் ஆம்!) இதுதான் கூலி கொடுக்கப்படும் நாள்.

Verse 21

ﯭﯮﯯﯰﯱﯲﯳ ﯴ ​

இதுதான் தீர்ப்பு நாள் ஆகும். இதை நீங்கள் பொய்ப்பிப்பவர்களாக இருந்தீர்கள்.

Verse 22

ﯵﯶﯷﯸﯹﯺﯻﯼ ﯽ ​

அநியாயம் செய்தவர்களையும் அவர்களின் இனத்தவர்களையும் (-நிராகரிப்பில் அவர்களைப் பின்பற்றியவர்களையும்) இன்னும் (அல்லாஹ்வை அன்றி) அவர்கள் வணங்கி வந்தவர்களையும் ஒன்று திரட்டுங்கள்,

Verse 23

ﯾﯿﰀﰁﰂﰃﰄ ﰅ ​

அல்லாஹ்வை அன்றி (அவர்கள் வணங்கிய பொய் தெய்வங்களையும் ஒன்று திரட்டி,) நரகத்துடைய பாதையின் பக்கம் அவர்களுக்கு வழிகாட்டுங்கள்.

Verse 24

ﰆﰇﰈﰉ ﰊ ​

அவர்களை நிறுத்துங்கள்! நிச்சயமாக அவர்கள் விசாரிக்கப்படுவார்கள்.

Verse 25

ﭑﭒﭓﭔ ﭕ ​

உங்களுக்கு என்ன நேர்ந்தது நீங்கள் உங்களுக்குள் உதவிக் கொள்ளவில்லை?

Verse 26

ﭖﭗﭘﭙ ﭚ ​

மாறாக, அவர்கள் இன்று (அல்லாஹ்வின் கட்டளைக்கு) முற்றிலும் கீழ்ப்படிந்து விடுவார்கள்.

Verse 27

ﭛﭜﭝﭞﭟ ﭠ ​

அவர்களில் சிலர் சிலரை முன்னோக்கி (தங்கள் இறுதி தங்குமிடத்தைப் பற்றி) விசாரித்துக் கொள்வார்கள்.

Verse 28

ﭡﭢﭣﭤﭥﭦ ﭧ ​

அவர்கள் (-வழிகெட்டவர்கள் வழிகெடுத்தவர்களை நோக்கி) கூறுவார்கள்: நன்மையை விட்டுத் தடுக்க நீங்கள் எங்களிடம் வருபவர்களாக இருந்தீர்கள்.

Verse 29

ﭨﭩﭪﭫﭬ ﭭ ​

அவர்கள் (-வழிகெடுத்தவர்கள்) கூறுவார்கள்: மாறாக நீங்கள் நம்பிக்கையாளர்களாக இருக்கவில்லை.

Verse 30

ﭮﭯﭰﭱﭲﭳﭴﭵﭶﭷﭸ ﭹ ​

(உங்களை வழிகெடுக்க) எங்களுக்கு உங்கள் மீது எவ்வித அதிகாரமும் இருக்கவில்லை. மாறாக, நீங்கள் எல்லை மீறுகின்ற மக்களாக இருந்தீர்கள்.

Verse 31

ﭺﭻﭼﭽﭾﭿﮀ ﮁ ​

ஆகவே, நம் மீது நமது இறைவனுடைய (தண்டனையின்) வாக்கு உறுதியாகி விட்டது. நிச்சயமாக நாம் (தண்டனையை) சுவைப்பவர்கள்தான்.

Verse 32

ﮂﮃﮄﮅ ﮆ ​

ஆக, நாங்கள் உங்களை வழிகெடுத்தோம். நிச்சயமாக நாங்கள் வழி கெட்டவர்களாகவே இருந்தோம்.

Verse 33

ﮇﮈﮉﮊﮋ ﮌ ​

நிச்சயமாக அவர்கள் (வழிகெட்டவர்களும் வழிகெடுத்தவர்களும்) அந்நாளில் வேதனையில் (ஒன்றாக) கூட்டாகுவார்கள்.

Verse 34

ﮍﮎﮏﮐ ﮑ ​

நிச்சயமாக நாம் இப்படித்தான் குற்றவாளிகளுடன் நடந்து கொள்வோம்.

Verse 35

ﮒﮓﮔﮕﮖﮗﮘﮙﮚﮛ ﮜ ​

அல்லாஹ்வைத் தவிர வணக்கத்திற்குரியவன் அறவே இல்லை என்று அவர்களுக்கு கூறப்பட்டால் நிச்சயமாக அவர்கள் பெருமை அடி(த்து புறக்கணி)ப்பவர்களாக இருந்தனர்.

Verse 36

ﮝﮞﮟﮠﮡﮢ ﮣ ​

பைத்தியக்காரரான ஒரு கவிஞருக்காக எங்கள் தெய்வங்களை நிச்சயமாக நாங்கள் விட்டுவிடுவோமா? என்று அவர்கள் கூறுகின்றனர்.

Verse 37

ﮤﮥﮦﮧﮨ ﮩ ​

மாறாக, அவர் (-அந்தத் தூதர்) சத்தியத்தைக் கொண்டு வந்தார். இன்னும் தூதர்களை உண்மைப்படுத்தினார்.

Verse 38

ﮪﮫﮬﮭ ﮮ ​

நிச்சயமாக நீங்கள் வலிதரும் வேதனையை சுவைப்பீர்கள்.

Verse 39

ﮯﮰﮱﯓﯔﯕ ﯖ ​

நீங்கள் செய்து வந்ததற்கே அன்றி நீங்கள் கூலி கொடுக்கப்படமாட்டீர்கள்.

Verse 40

ﯗﯘﯙﯚ ﯛ ​

அல்லாஹ்வின் பரிசுத்தமான அடியார்களைத் தவிர. (அவர்கள் தண்டனையை விட்டும் பாதுகாக்கப்படுவார்கள்.)

Verse 41

ﯜﯝﯞﯟ ﯠ ​

அறியப்பட்ட உணவு அவர்களுக்கு உண்டு.

Verse 42

ﯡﯢﯣ ﯤ ​

(அதாவது) பழங்கள் (அவர்களுக்கு உண்டு). இன்னும் அவர்கள் கண்ணியப்படுத்தப்படுவார்கள்,

Verse 43

ﯥﯦﯧ ﯨ ​

இன்பமிகு சொர்க்கங்களில். கட்டில்கள் மீது ஒருவரை ஒருவர் பார்த்தவர்களாக (இருப்பார்கள்).

Verse 44

ﯩﯪﯫ ﯬ ​

கட்டில்கள் மீது ஒருவரை ஒருவர் பார்த்தவர்களாக (இருப்பார்கள்).

Verse 45

ﯭﯮﯯﯰﯱ ﯲ ​

மதுவினால் நிரம்பிய கிண்ணங்களுடன் அவர்களை சுற்றிவரப்படும்.

Verse 46

ﯳﯴﯵ ﯶ ​

(அவை) வெள்ளைநிறமாக இருக்கும். குடிப்பவர்களுக்கு (அந்த பானம்) மிக இன்பமாக இருக்கும்.

Verse 47

ﯷﯸﯹﯺﯻﯼﯽ ﯾ ​

அதில் (அறிவைப் போக்கக்கூடிய) போதையும் இருக்காது (தலைவலி, வயிற்று வலி இருக்காது.) அவர்கள் அதனால் மயக்கமுறவுமாட்டார்கள்.

Verse 48

ﯿﰀﰁﰂ ﰃ ​

அவர்களிடம் பார்வைகளை தாழ்த்திய கண்ணழகிகள் இருப்பார்கள்.

Verse 49

ﰄﰅﰆ ﰇ ​

அவர்கள் பாதுகாக்கப்பட்ட (-மறைக்கப்பட்ட தீகோழியின்) முட்டையைப் போன்று (-அதன் நிறத்தில்) இருப்பார்கள்.

Verse 50

ﰈﰉﰊﰋﰌ ﰍ ​

அவர்களில் சிலர் சிலரை முன்னோக்கி (நரகவாசிகளைப் பற்றி) விசாரிப்பார்கள்.

Verse 51

ﰎﰏﰐﰑﰒﰓﰔ ﰕ ​

நிச்சயமாக எனக்கு ஒரு நண்பன் இருந்தான் என்று அவர்களில் கூறக்கூடிய ஒருவர் கூறுவார்.

Verse 52

ﭑﭒﭓﭔ ﭕ ​

நிச்சயமாக நீ (தூதர்களை) உண்மைப்படுத்துபவர்களில் இருக்கின்றாயா என்று (உலகில் வாழும் போது என்னிடம்) கூறுவான்.

Verse 53

ﭖﭗﭘﭙﭚﭛﭜ ﭝ ​

“நாம் இறந்துவிட்டால் (பின்னர்) எலும்புகளாகவும் மண்ணாகவும் மாறி விட்டால், நிச்சயமாக நாம் (நமது செயல்களுக்கு) கூலி கொடுக்கப்படுவோமா?” (என்று அவன் கூறுவான்)

Verse 54

ﭞﭟﭠﭡ ﭢ ​

அவர் (-அந்த நம்பிக்கையாளர்) கூறுவார்: நீங்கள் (நரகத்தில் உள்ளவர்களை) எட்டிப்பார்ப்பீர்களா? (அது முடியுமா?) என்று கூறுவார்.

Verse 55

ﭣﭤﭥﭦﭧ ﭨ ​

அவர் (-அந்த நம்பிக்கையாளர் நரகத்தில்) எட்டிப்பார்ப்பார். அவர் அவனை நரகத்தின் நடுவில் பார்ப்பார்.

Verse 56

ﭩﭪﭫﭬﭭ ﭮ ​

அவர் (-அந்த நம்பிக்கையாளர்) கூறுவார்: அல்லாஹ்வின் மீது ஆணையாக நிச்சயமாக நீ என்னை நாசமாக்குவதற்கு நெருக்கமாக இருந்தாய்.

Verse 57

ﭯﭰﭱﭲﭳﭴ ﭵ ​

என் இறைவனின் அருள் இல்லாதிருந்தால் நானும் (நரகத்தில் தண்டனைக்காக) ஆஜர்படுத்தப்படுபவர்களில் ஆகி இருப்பேன்.

Verse 58

ﭶﭷﭸ ﭹ ​

(எங்கள் முதல் மரணத்தைத் தவிர) நாங்கள் மரணிப்பவர்களாக இல்லை தானே? (-மரணத்திற்குப் பிறகு எங்களுக்கு வாழ்க்கை இல்லை.)

Verse 59

ﭺﭻﭼﭽﭾﭿ ﮀ ​

எங்கள் முதல் மரணத்தைத் தவிர (நாங்கள் மரணிப்பவர்களாக இல்லை தானே?) இன்னும் நாங்கள் வேதனை செய்யப்படுபவர்களாக இல்லை.

Verse 60

ﮁﮂﮃﮄﮅ ﮆ ​

நிச்சயமாக இதுதான் மகத்தான வெற்றியாகும்.

Verse 61

ﮇﮈﮉﮊ ﮋ ​

அமல் செய்பவர்கள் இது போன்றதற்காக (-இதுபோன்ற நன்மைகளை பெறுவதற்காக) அமல் செய்யட்டும்.

Verse 62

ﮌﮍﮎﮏﮐﮑ ﮒ ​

அது (-மேற்கூறப்பட்ட சொர்க்க இன்பங்கள் இறைவனின்) விருந்தோம்பலால் மிகச் சிறந்ததா அல்லது ஸக்கூம் என்ற கள்ளி மரமா?

Verse 63

ﮓﮔﮕﮖ ﮗ ​

நிச்சயமாக நாம் இணைவைப்பவர்களுக்கு அதை ஒரு சோதனையாக (தண்டனையாக) ஆக்கினோம்.

Verse 64

ﮘﮙﮚﮛﮜﮝ ﮞ ​

நிச்சயமாக அது நரகத்தின் அடியில் முளைக்கின்ற ஒரு மரமாகும்.

Verse 65

ﮟﮠﮡﮢ ﮣ ​

அதன் கனிகள் ஷைத்தான்களின் (-பாம்புகளின்) தலைகளைப் போல் (மிக விகாரமாக) இருக்கும்.

Verse 66

ﮤﮥﮦﮧﮨﮩ ﮪ ​

நிச்சயமாக அவர்கள் அதிலிருந்து சாப்பிடுவார்கள். இன்னும் அதிலிருந்து (தங்கள்) வயிறுகளை நிரப்புவார்கள்.

Verse 67

ﮫﮬﮭﮮﮯﮰﮱ ﯓ ​

பின்னர் நிச்சயமாக அவர்களுக்கு அதற்கு மேல் கொதி நீரில் இருந்து கலக்கப்படும். (அவர்கள் உண்ணுகின்ற கள்ளிமர பழத்துடன் கடுமையான உஷ்ணமுள்ள நீரும் கலந்து கொடுக்கப்படும்.)

Verse 68

ﯔﯕﯖﯗﯘ ﯙ ​

(கள்ளிப்பழத்தை உண்டு கொதி நீரைக் குடித்த) பிறகு நிச்சயமாக அவர்களின் மீளுமிடம் நரக நெருப்பின் பக்கம்தான் இருக்கும்.

Verse 69

ﯚﯛﯜﯝ ﯞ ​

நிச்சயமாக அவர்கள் (-இந்த இணைவைப்பவர்கள்) தங்கள் மூதாதைகளை வழிகெட்டவர்களாக பெற்றார்கள்.

Verse 70

ﯟﯠﯡﯢ ﯣ ​

அவர்களின் (-மூதாதைகளின்) அடிச்சுவடுகளில் (அவற்றை கண்மூடித்தனமாக பின்பற்றுவதற்கு) இவர்கள் விரைகின்றார்கள்.

Verse 71

ﯤﯥﯦﯧﯨ ﯩ ​

இவர்களுக்கு முன்னர் முன்னோரில் அதிகமானவர்கள் திட்டவட்டமாக வழி கெட்டுள்ளனர்.

Verse 72

ﯪﯫﯬﯭ ﯮ ​

திட்டவட்டமாக அவர்களில் அச்சமூட்டி எச்சரிப்பவர்களை நாம் அனுப்பினோம்.

Verse 73

ﯯﯰﯱﯲﯳ ﯴ ​

ஆகவே, எச்சரிக்கப்பட்டவர்களின் முடிவு எப்படி இருந்தது என்று (நபியே) நீர் பார்ப்பீராக!

Verse 74

ﯵﯶﯷﯸ ﯹ ​

எனினும், அல்லாஹ்வின் பரிசுத்தமான அடியார்கள் (இம்மையிலும் மறுமையிலும் இறை தண்டனையில் இருந்து பாதுகாக்கப்படுவார்கள்.)

Verse 75

ﯺﯻﯼﯽﯾ ﯿ ​

திட்டவட்டமாக நூஹ் நம்மை அழைத்தார். பதில் தருபவர்களில் நாம் மிகச் சிறந்தவர்கள்.

Verse 76

ﰀﰁﰂﰃﰄ ﰅ ​

மிகப் பெரிய துக்கத்தில் இருந்து அவரையும் அவரது குடும்பத்தாரையும் பாதுகாத்தோம்.

Verse 77

ﭑﭒﭓﭔ ﭕ ​

அவரது சந்ததிகளைத்தான் (உலகில்) மீதமானவர்களாக நாம் ஆக்கினோம்.

Verse 78

ﭖﭗﭘﭙ ﭚ ​

பின்வருபவர்களில் அவரைப் பற்றி நற்பெயரை நாம் ஏற்படுத்தினோம்.

Verse 79

ﭛﭜﭝﭞﭟ ﭠ ​

உலகத்தார்களில் (யாரும் அவரை பழித்துப் பேசாதவாறு) நூஹுக்கு ஸலாம் - பாதுகாப்பு உண்டாகட்டும்.

Verse 80

ﭡﭢﭣﭤ ﭥ ​

நிச்சயமாக நாம் நல்லவர்களுக்கு இவ்வாறுதான் கூலி கொடுப்போம்.

Verse 81

ﭦﭧﭨﭩ ﭪ ​

நிச்சயமாக அவர் நம்பிக்கையாளர்களான நமது அடியார்களில் உள்ளவர் ஆவார்.

Verse 82

ﭫﭬﭭ ﭮ ​

பிறகு மற்றவர்களை நாம் மூழ்கடித்தோம்.

Verse 83

ﭯﭰﭱﭲﭳ ﭴ ​

நிச்சயமாக அவரது கொள்கையை சேர்ந்தவர்களில் உள்ளவர்தான் இப்ராஹீம்.

Verse 84

ﭵﭶﭷﭸﭹ ﭺ ​

அவர் தனது இறைவனிடம் ஈடேற்றம் பெற்ற உள்ளத்துடன் வந்த சமயத்தை நினைவு கூர்வீராக!

Verse 85

ﭻﭼﭽﭾﭿﮀ ﮁ ​

தனது தந்தைக்கும் தனது மக்களுக்கும் எதை நீங்கள் வணங்குகிறீர்கள் என்று அவர் கூறிய சமயத்தை நினைவு கூர்வீராக!

Verse 86

ﮂﮃﮄﮅﮆ ﮇ ​

அல்லாஹ்வை அன்றி பல பொய்யான தெய்வங்களை (உங்கள் தேவைகளுக்கும் வழிபாடுகளுக்கும்) நீங்கள் நாடுகிறீர்களா?

Verse 87

ﮈﮉﮊﮋ ﮌ ​

அகிலங்களின் இறைவனைப் பற்றி உங்கள் எண்ணம் என்ன? (அவன் ஒருவனை மட்டும் நீங்கள் வணங்க மறுப்பது ஏன்?)

Verse 88

ﮍﮎﮏﮐ ﮑ ​

அவர் நட்சத்திரங்களின் பக்கம் ஒரு பார்வை பார்த்தார்.

Verse 89

ﮒﮓﮔ ﮕ ​

அவர் கூறினார் நிச்சயமாக நான் ஒரு நோயாளி ஆவேன்.

Verse 90

ﮖﮗﮘ ﮙ ​

ஆகவே, அவர்கள் அவரை விட்டு பிரிந்து திரும்பிச் சென்றனர்.

Verse 91

ﮚﮛﮜﮝﮞﮟ ﮠ ​

ஆக, அவர்களின் தெய்வங்கள் பக்கம் அவர் (மறைவாக) சென்று (அந்த தெய்வங்களிடம்) கூறினார்: “நீங்கள் சாப்பிட மாட்டீர்களா?”

Verse 92

ﮡﮢﮣﮤ ﮥ ​

"உங்களுக்கு என்ன ஏற்பட்டது நீங்கள் ஏன் பேசுவதில்லை?”

Verse 93

ﮦﮧﮨﮩ ﮪ ​

வலக்கரத்தால் அவற்றை அடி(த்து உடை)ப்பதற்காக அவற்றின் மீது பாய்ந்தார்.

Verse 94

ﮫﮬﮭ ﮮ ​

ஆகவே, அவர்கள் விரைந்தவர்களாக அவரை நோக்கி வந்தனர்.

Verse 95

ﮯﮰﮱﯓ ﯔ ​

அவர் கூறினார்: நீங்கள் செதுக்குகின்றவற்றை நீங்கள் வணங்குகிறீர்களா?

Verse 96

ﯕﯖﯗﯘ ﯙ ​

"அல்லாஹ்தான் உங்களையும் நீங்கள் செய்வதையும் படைத்தான்."

Verse 97

ﯚﯛﯜﯝﯞﯟﯠ ﯡ ​

அவர்கள் கூறினர்: அவருக்கு ஒரு கட்டிடத்தை கட்டுங்கள். (அதில் விறகுகளை போட்டு நெருப்பு எறியுங்கள்!) அந்த நெருப்பில் அவரை எறிந்து விடுங்கள்!

Verse 98

ﯢﯣﯤﯥﯦ ﯧ ​

ஆக, அவர்கள் அவருக்கு ஒரு சூழ்ச்சியை நாடினர். நாம் அவர்களைத்தான் மிகத் தாழ்ந்தவர்களாக ஆக்கினோம்.

Verse 99

ﯨﯩﯪﯫﯬﯭ ﯮ ​

அவர் கூறினார்: நிச்சயமாக நான் என் இறைவனின் பக்கம் செல்கிறேன். அவன் எனக்கு நேர்வழி காட்டுவான்.

Verse 100

ﯯﯰﯱﯲﯳ ﯴ ​

என் இறைவா எனக்கு நல்லவர்களில் ஒருவராக இருக்கும் ஒரு குழந்தையைத் தா!

Verse 101

ﯵﯶﯷ ﯸ ​

ஆகவே, மிக சகிப்பாளரான ஒரு குழந்தையைக் கொண்டு நாம் அவருக்கு நற்செய்தி கூறினோம்.

Verse 102

ﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔ ﰕ ​

அது (அந்த குழந்தை) அவருடன் உழைக்கின்ற பருவத்தை அடைந்த போது அவர் கூறினார்: “என் மகனே! நிச்சயமாக நான் உன்னை பலியிடுவதாக கனவில் பார்க்கிறேன். ஆகவே, நீ என்ன கருதுகிறாய் என்று நீ யோசி(த்து சொல்)!” அவர் (மகனார்) கூறினார்: என் தந்தையே! உமக்கு ஏவப்படுவதை நீர் செய்வீராக! இன்ஷா அல்லாஹ் (-அல்லாஹ் நாடினால்) பொறுமையாளர்களில் ஒருவராக என்னை நீர் காண்பீர்.

Verse 103

ﭑﭒﭓﭔ ﭕ ​

அப்போது, அவர்கள் இருவரும் (இறைவனின் கட்டளைக்கு) முற்றிலும் பணிந்தனர். அவர் அவரை (அவருடைய) கன்னத்தின் மீது கீழே சாய்த்தார்.

Verse 104

ﭖﭗﭘ ﭙ ​

இப்ராஹீமே! என்று நாம் அவரை அழைத்தோம்.

Verse 105

ﭚﭛﭜﭝﭞﭟﭠﭡ ﭢ ​

திட்டமாக நீர் கனவை உண்மைப்படுத்தினீர். நிச்சயமாக நாம் நல்லவர்களுக்கு இவ்வாறுதான் கூலி கொடுப்போம்.

Verse 106

ﭣﭤﭥﭦﭧ ﭨ ​

நிச்சயமாக இதுதான் தெளிவான சோதனையாகும்.

Verse 107

ﭩﭪﭫ ﭬ ​

மகத்தான ஒரு பலிப்பிராணியைக் கொண்டு அவரை விடுதலை செய்தோம்.

Verse 108

ﭭﭮﭯﭰ ﭱ ​

பின்னோரில் அவரைப் பற்றி அழகிய பெயரை ஏற்படுத்தினோம்.

Verse 109

ﭲﭳﭴ ﭵ ​

இப்ராஹீமுக்கு ஸலாம் - ஈடேற்றம் உண்டாகட்டும்.

Verse 110

ﭶﭷﭸ ﭹ ​

இப்படித்தான் நல்லவர்களுக்கு நாம் கூலி கொடுப்போம்.

Verse 111

ﭺﭻﭼﭽ ﭾ ​

நிச்சயமாக அவர் நம்பிக்கையாளர்களான நமது அடியார்களில் உள்ளவர் ஆவார்.

Verse 112

ﭿﮀﮁﮂﮃ ﮄ ​

நல்லவர்களில் ஒருவராகவும் நபியாகவும் இருக்கப்போகின்ற இஸ்ஹாக்கைக் கொண்டு நாம் அவருக்கு நற்செய்தி கூறினோம்.

Verse 113

ﮅﮆﮇﮈﮉﮊﮋﮌﮍﮎﮏ ﮐ ​

அவருக்கும் இஸ்ஹாக்கிற்கும் அருள் வளம் புரிந்தோம். அவ்விருவரின் சந்ததியில் நல்லவரும் தனக்கு தெளிவாக தீங்கிழைத்தவரும் இருக்கின்றனர்.

Verse 114

ﮑﮒﮓﮔﮕ ﮖ ​

திட்டவட்டமாக மூசாவிற்கும் ஹாரூனுக்கும் அருள்புரிந்தோம்.

Verse 115

ﮗﮘﮙﮚﮛ ﮜ ​

அவ்விருவரையும் அவ்விருவரின் மக்களையும் பெரிய துக்கத்தில் இருந்து பாதுகாத்தோம்.

Verse 116

ﮝﮞﮟﮠ ﮡ ​

அவர்களுக்கு நாம் உதவினோம். ஆகவே, அவர்கள்தான் வெற்றியாளர்களாக ஆனார்கள்.

Verse 117

ﮢﮣﮤ ﮥ ​

அவ்விருவருக்கும் தெளிவான வேதத்தை கொடுத்தோம்.

Verse 118

ﮦﮧﮨ ﮩ ​

அவ்விருவரையும் நேரான பாதையில் நேர்வழி நடத்தினோம்.

Verse 119

ﮪﮫﮬﮭ ﮮ ​

பின்னோரில் அவ்விருவருக்கும் நற்பெயரை ஏற்படுத்தினோம்.

Verse 120

ﮯﮰﮱﯓ ﯔ ​

மூசாவிற்கும் ஹாரூனுக்கும் ஈடேற்றம் உண்டாகட்டும்.

Verse 121

ﯕﯖﯗﯘ ﯙ ​

நிச்சயமாக நாம் நல்லவர்களுக்கு இவ்வாறுதான் கூலி கொடுப்போம்.

Verse 122

ﯚﯛﯜﯝ ﯞ ​

நிச்சயமாக அவ்விருவரும் நம்பிக்கையாளர்களான நமது அடியார்களில் உள்ளவர்கள் ஆவர்.

Verse 123

ﯟﯠﯡﯢ ﯣ ​

இன்னும் நிச்சயமாக இல்யாஸ் (நமது) தூதர்களில் உள்ளவர்தான்.

Verse 124

ﯤﯥﯦﯧﯨ ﯩ ​

அவர் தனது மக்களுக்கு நீங்கள் (அல்லாஹ்வை) அஞ்சிக்கொள்ள மாட்டீர்களா? என்று கூறிய சமயத்தை நினைவு கூர்வீராக!

Verse 125

ﯪﯫﯬﯭﯮ ﯯ ​

பஅல் சிலையை நீங்கள் வணங்குகிறீர்களா? படைப்பாள(ன் என்று அழைக்கப்படுபவ)ர்களில் மிக அழகியவனை (வணங்குவதை) விட்டுவிடுகிறீர்களா?

Verse 126

ﯰﯱﯲﯳﯴ ﯵ ​

உங்கள் இறைவனான, இன்னும் முன்னோர்களான உங்கள் மூதாதைகளின் இறைவனுமான அல்லாஹ்வை (வணங்குவதை விட்டுவிடுகிறீர்களா)?

Verse 127

ﭑﭒﭓ ﭔ ​

அவர்கள் அவரை பொய்ப்பித்தனர். ஆகவே, நிச்சயமாக அவர்கள் (மறுமையில் நரகத்தில்) ஆஜர்படுத்தப்படுவார்கள்.

Verse 128

ﭕﭖﭗﭘ ﭙ ​

எனினும், அல்லாஹ்வின் பரிசுத்தமான (இணைவைக்காத) அடியார்கள் (சொர்க்கத்தில் இருப்பார்கள்).

Verse 129

ﭚﭛﭜﭝ ﭞ ​

பின்னோரில் அவருக்கு நற்பெயரை ஏற்படுத்தினோம்.

Verse 130

ﭟﭠﭡﭢ ﭣ ​

இல்யாசுக்கு ஸலாம் - ஈடேற்றம் உண்டாகட்டும்.

Verse 131

ﭤﭥﭦﭧ ﭨ ​

நிச்சயமாக நாம் நல்லவர்களுக்கு இப்படித்தான் கூலி கொடுப்போம்.

Verse 132

ﭩﭪﭫﭬ ﭭ ​

நிச்சயமாக அவர் நம்பிக்கையாளர்களான நமது அடியார்களில் உள்ளவர் ஆவார்.

Verse 133

ﭮﭯﭰﭱ ﭲ ​

நிச்சயமாக லூத், (நமது) தூதர்களில் உள்ளவர்தான்.

Verse 134

ﭳﭴﭵﭶ ﭷ ​

அவரையும் அவரது குடும்பத்தார் அனைவரையும் நாம் பாதுகாத்த சமயத்தை நினைவு கூர்வீராக!

Verse 135

ﭸﭹﭺﭻ ﭼ ​

(தண்டனையில்) தங்கி விடுபவர்களில் ஒரு மூதாட்டியைத் தவிர (மற்றவர்கள் அனைவரும் பாதுகாக்கப்பட்டனர்).

Verse 136

ﭽﭾﭿ ﮀ ​

ிறகு மற்றவர்களை நாம் அழித்தோம்.

Verse 137

ﮁﮂﮃﮄ ﮅ ​

நிச்சயமாக நீங்கள் காலையில் அவர்களை கடந்து செல்கிறீர்கள்.

Verse 138

ﮆﮇﮈﮉ ﮊ ​

இன்னும், இரவிலும் (அவர்களை கடந்து செல்கிறீர்கள்). நீங்கள் சிந்தித்து புரியமாட்டீர்களா?

Verse 139

ﮋﮌﮍﮎ ﮏ ​

நிச்சயமாக யூனுஸ், (நமது) தூதர்களில் உள்ளவர்தான்.

Verse 140

ﮐﮑﮒﮓﮔ ﮕ ​

அவர் (பொருள்களால்) நிரம்பிய கப்பலை நோக்கி ஓடிய சமயத்தை நினைவு கூர்வீராக!

Verse 141

ﮖﮗﮘﮙ ﮚ ​

அவர் குலுக்கிப் போட்டார். குலுக்கலில் பெயர்வந்தவர்களில் அவர் ஆகிவிட்டார்.

Verse 142

ﮛﮜﮝﮞ ﮟ ​

அவரை திமிங்கிலம் விழுங்கியது. அவர் பழிப்புக்குரியவர் (தவறு செய்தவர்) ஆவார்.

Verse 143

ﮠﮡﮢﮣﮤ ﮥ ​

நிச்சயமாக அவர் அல்லாஹ்வை துதிப்பவர்களில் (-தொழுபவர்களில்) இருந்திருக்கவில்லை என்றால்,

Verse 144

ﮦﮧﮨﮩﮪﮫ ﮬ ​

அதனுடைய வயிற்றில் (மக்கள் மறுமையில்) எழுப்பப்படுகின்ற நாள் வரை தங்கி இருந்திருப்பார்.

Verse 145

ﮭﮮﮯﮰﮱ ﯓ ​

(அருகிலிருந்த) பெருவெளியில் அவரை எறிந்தோம். அவர் நோயுற்றவராக இருந்தார்.

Verse 146

ﯔﯕﯖﯗﯘ ﯙ ​

அவருக்கு அருகில் ஒரு சுரைக்காய் செடியை முளைக்க வைத்தோம்.

Verse 147

ﯚﯛﯜﯝﯞﯟ ﯠ ​

ஒரு இலட்சம் அல்லது அதை விட அதிகமானவர்களுக்கு (தூதராக) அவரை அனுப்பினோம்.

Verse 148

ﯡﯢﯣﯤ ﯥ ​

ஆக, அவர்கள் நம்பிக்கை கொண்டனர். ஆகவே, நாம் அவர்களுக்கு ஒரு காலம் வரை சுகமளித்தோம்.

Verse 149

ﯦﯧﯨﯩﯪ ﯫ ​

ஆகவே, (நபியே! நீர்) அவர்களிடம் (-இந்த மக்காவாசிகளிடம்) கேட்பீராக! உமது இறைவனுக்கு பெண் பிள்ளைகளும், அவர்களுக்கு ஆண் பிள்ளைகளுமா?

Verse 150

ﯬﯭﯮﯯﯰﯱ ﯲ ​

வானவர்களை பெண்களாகவா நாம் படைத்தோம்? அவர்கள் (நாம் படைக்கும்போது) பார்த்துக் கொண்டு இருந்தார்களா?

Verse 151

ﯳﯴﯵﯶﯷ ﯸ ​

அறிந்து கொள்ளுங்கள்! நிச்சயமாக அவர்கள் தங்களது பெரும் பொய்களில் ஒன்றாக (பின்வருமாறு) கூறுகின்றனர்:

Verse 152

ﯹﯺﯻﯼ ﯽ ​

“அல்லாஹ் குழந்தை பெற்றெடுத்தான்” (என்று) நிச்சயமாக அவர்கள் பொய்யர்கள் ஆவர்.

Verse 153

ﯾﯿﰀﰁ ﰂ ​

ஆண் பிள்ளைகளை விட பெண் பிள்ளைகளை அவன் தேர்தெடுத்துக் கொண்டானா?

Verse 154

ﭑﭒﭓﭔ ﭕ ​

உங்களுக்கு என்ன நேர்ந்தது? (இவ்வாறு) எப்படி தீர்ப்பளிக்கிறீர்கள்?

Verse 155

ﭖﭗ ﭘ ​

நீங்கள் நல்லுபதேசம் பெற மாட்டீர்களா?

Verse 156

ﭙﭚﭛﭜ ﭝ ​

உங்களிடம் தெளிவான ஆதாரம் (ஏதும்) இருக்கிறதா?

Verse 157

ﭞﭟﭠﭡﭢ ﭣ ​

நீங்கள் உண்மையாளர்களாக இருந்தால் உங்கள் வேதத்தை கொண்டு வாருங்கள்.

Verse 158

ﭤﭥﭦﭧﭨﭩﭪﭫﭬﭭﭮ ﭯ ​

இன்னும், அவனுக்கும் ஜின்களுக்கும் இடையில் ஓர் உறவை அவர்கள் ஏற்படுத்தினர். நிச்சயமாக தாங்கள் (நரகத்தில்) ஆஜர்படுத்தப்படுவோம் என்று திட்டவட்டமாக ஜின்கள் அறிந்து கொண்டனர்.

Verse 159

ﭰﭱﭲﭳ ﭴ ​

அவர்கள் வர்ணிப்பதை விட்டும் அல்லாஹ் மிகப் பரிசுத்தமானவன்.

Verse 160

ﭵﭶﭷﭸ ﭹ ​

அல்லாஹ்வின் பரிசுத்தமான அடியார்களைத் தவிர. (அவர்கள் நரகத்திலிருந்து பாதுகாக்கப்படுவார்கள்.)

Verse 161

ﭺﭻﭼ ﭽ ​

நிச்சயமாக நீங்களும் நீங்கள் வணங்குகின்றவையும்,

Verse 162

ﭾﭿﮀﮁ ﮂ ​

நீங்கள் அ(ந்த சிலை வணக்கத்)தைக் கொண்டு வழி கெடுப்பவர்களாக இல்லை,

Verse 163

ﮃﮄﮅﮆﮇ ﮈ ​

நரகத்தில் எரிந்து பொசுங்குகின்றவரைத் தவிர. (அவரைத்தான் நீங்கள் வழிகெடுக்க முடியும்.)

Verse 164

ﮉﮊﮋﮌﮍﮎ ﮏ ​

(வானவர்கள் கூறுவார்கள்:) "எங்களில் (யாரும்) இல்லை அவருக்கு ஒரு குறிப்பிட்ட தகுதி இருந்தே தவிர.

Verse 165

ﮐﮑﮒ ﮓ ​

இன்னும், நிச்சயமாக நாங்கள்தான் அணிவகுப்பவர்கள்.

Verse 166

ﮔﮕﮖ ﮗ ​

இன்னும், நிச்சயமாக நாங்கள்தான் துதித்து தொழுபவர்கள்."

Verse 167

ﮘﮙﮚ ﮛ ​

இந்த மக்கா நகர வாசிகள்) நிச்சயமாக (இவ்வாறு) கூறுகின்றவர்களாக இருந்தனர்:

Verse 168

ﮜﮝﮞﮟﮠﮡ ﮢ ​

நிச்சயமாக எங்களிடம் முன்னோரிடம் இருந்த வேதம் இருந்திருந்தால்,

Verse 169

ﮣﮤﮥﮦ ﮧ ​

நாங்களும் அல்லாஹ்வை மட்டும் வணங்குகின்ற பரிசுத்தமான அடியார்களாக ஆகியிருப்போம்.”

Verse 170

ﮨﮩﮪﮫﮬ ﮭ ​

ஆக, (அது வந்த பின்னர் இப்போது) அதை அவர்கள் நிராகரித்து விட்டனர். (தங்கள் முடிவை) அவர்கள் விரைவில் அறிந்து கொள்வார்கள்.

Verse 171

ﮮﮯﮰﮱﯓ ﯔ ​

திட்டவட்டமாக நமது வாக்கு நமது இறைத்தூதர்களான அடியார்களுக்கு முந்திவிட்டது.

Verse 172

ﯕﯖﯗ ﯘ ​

நிச்சயமாக அவர்கள்தான் உதவி செய்யப்படுவார்கள்.

Verse 173

ﯙﯚﯛﯜ ﯝ ​

இன்னும், நிச்சயமாக நமது இராணுவம், அவர்கள்தான் வெற்றி பெறுபவர்கள்.

Verse 174

ﯞﯟﯠﯡ ﯢ ​

ஆகவே, (நபியே) அவர்களை விட்டு சிறிது காலம் வரை நீர் விலகி இருப்பீராக!

Verse 175

ﯣﯤﯥ ﯦ ​

இன்னும், நீர் அவர்களைப் பார்ப்பீராக! (அவர்களும் தங்களுக்கு இறங்கப் போகின்ற வேதனையை) விரைவில் பார்ப்பார்கள்.

Verse 176

ﯧﯨ ﯩ ​

அவர்கள் நமது வேதனையை அவசரமாக வேண்டுகின்றனரா?

Verse 177

ﯪﯫﯬﯭﯮﯯ ﯰ ​

ஆக, அது அவர்களின் முற்றத்தில் (அதிகாலையில்) இறங்கிவிட்டால் எச்சரிக்கப்பட்டவர்களின் (அந்த அதி)காலை மிக கெட்டதாக இருக்கும்.

Verse 178

ﯱﯲﯳﯴ ﯵ ​

இன்னும், சிறிது காலம் வரை அவர்களை விட்டு விலகி இருப்பீராக!

Verse 179

ﯶﯷﯸ ﯹ ​

இன்னும் (அவர்களைப்) பார்ப்பீராக! அவர்களும் (தங்களுக்கு இறங்கப் போகின்ற வேதனையை) விரைவில் பார்ப்பார்கள்.

Verse 180

ﯺﯻﯼﯽﯾﯿ ﰀ ​

கண்ணியத்தின் அதிபதியான உமது இறைவன் அவர்கள் வர்ணிப்பதை விட்டும் மிக பரிசுத்தமானவன்.

Verse 181

ﰁﰂﰃ ﰄ ​

இறைத் தூதர்களுக்கு ஸலாம் - ஈடேற்றம் உண்டாகுக!

Verse 182

ﰅﰆﰇﰈ ﰉ ​

அகிலங்களின் அதிபதியான அல்லாஹ்விற்கு எல்லாப் புகழும் உண்டாகுக!