سورة الرحمن

الترجمة الأوزبكية - علاء الدين منصور

الترجمة الأوزبكية - علاء الدين منصور dan الأوزبكية tilida الرحمن surasining tarjimasi

الترجمة الأوزبكية - علاء الدين منصور

الذهاب لصفحة الكتاب
Verse 1
ﭷ ﭸ ​
1. Меҳрибон (Аллоҳ Муҳаммад пайғамбар ва унинг умматларига)
Verse 2
ﭹﭺ ﭻ ​
2. Қуръонни таълим берди.
Verse 3
ﭼﭽ ﭾ ​
3. У зот инсонни яратди.
Verse 4
ﭿﮀ ﮁ ​
4. Ва унга (дилидаги мақсадини баён эта олиши учун) баённи (нутқни) таълим берди.
Verse 5
ﮂﮃﮄ ﮅ ​
5. Қуёш ҳам, ой ҳам (аниқ) ҳисоб-ўлчов билан (жорий бўлур).
Verse 6
ﮆﮇﮈ ﮉ ​
6. Ўт-ўлан ҳам, дов-дарахт ҳам (ёлғиз Аллоҳга) сажда қилур — бўйинсунур.
Verse 7
ﮊﮋﮌﮍ ﮎ ​
7. У зот осмонни баланд қилиб қўйди ва мезон-тарозини ўрнатди.
Verse 8
ﮏﮐﮑﮒ ﮓ ​
8. Сизлар тош-тарозида туғёнга тушмасликларингиз (яъни, ўзгаларга зулм қилмасликларингиз) учун (мезон-тарозини ўрнатди).
Verse 9
ﮔﮕﮖﮗﮘﮙ ﮚ ​
9. (Эй инсонлар, ўзаро олди-берди муомалаларингизда) тўғри, адолат билан тортинглар ва тарозидан уриб қолманглар!
Verse 10
ﮛﮜﮝ ﮞ ​
10. Ерни У зот (жамийки) жонзотлар учун (яъни, улар жойлашиб, фойдаланишлари учун) паст-текис қилиб қўйди.
Verse 11
ﮟﮠﮡﮢﮣ ﮤ ​
11. Унда (турли-туман) мева-чева ва гулкосали хурмо дарахтлари бор.
Verse 12
ﮥﮦﮧﮨ ﮩ ​
12. Яна сомонли дон-дун ва хушбўй (гуллар) бор.
Verse 13
ﮪﮫﮬﮭ ﮮ ​
13. Бас, (эй инсонлар ва жинлар), Парвардигорингизнинг қайси неъматларини ёлғон дея (яъни, инкор қила) олурсизлар?!
Verse 14
ﮯﮰﮱﯓﯔ ﯕ ​
14. У зот инсонни (яьни, Одам алайҳиссаломни) сопол каби қуриган қора лойдан яратди.
Verse 16
ﯝﯞﯟﯠ ﯡ ​
16. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!
Verse 17
ﯢﯣﯤﯥ ﯦ ​
17. (Аллоҳ) икки шарқнинг (яъни, кун ва ой ботадиган жойларнинг) ҳам Парвардигоридир.
Verse 18
ﯧﯨﯩﯪ ﯫ ​
18. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!
Verse 19
ﭑﭒﭓ ﭔ ​
19. У зот икки денгиз-дарёни бир-бирлари билан учрашадиган ҳолларида (ёнма-ён) оқизиб қўйди.
Verse 20
ﭕﭖﭗﭘ ﭙ ​
20. (Аммо) у иккисининг ўрталарида бир тўсиқ бўлиб, улар (ўша тўсиқдан) ошиб ўтмаслар.
____________________
И з о ҳ. Маълумки, денгиз қаъри ҳам, дарё туби ҳам сув бемалол сизиб ўта оладиган қумлоқ ёки тупроқдир. Кўп ҳолларда шўр сувли денгиз билан чучук сувли дарё ёки кўл шундоқ ёнма-ён жойлашиб ҳам қолади. Лекин Аллоҳ таолонинг қудрати билан улардан бирининг шўри иккинчисига уриб кетмайди.
Verse 21
ﭚﭛﭜﭝ ﭞ ​
21. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!
Verse 22
ﭟﭠﭡﭢ ﭣ ​
22. У иккисидан (бири бўлмиш денгиздан) марварид ва маржонлар чиқур.
Verse 23
ﭤﭥﭦﭧ ﭨ ​
23. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!
Verse 24
ﭩﭪﭫﭬﭭﭮ ﭯ ​
24. Денгиздаги тоғлар каби баланд кўтарилган қатновчилар (яъни, елканли кемалар) ҳам ёлғиз У зотникидир.
Verse 25
ﭰﭱﭲﭳ ﭴ ​
25. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!
Verse 26
ﭵﭶﭷﭸ ﭹ ​
26. (Ер) юзидаги барча жонзот фонийдир.
Verse 27
ﭺﭻﭼﭽﭾﭿ ﮀ ​
27. Буюклик ва карам соҳиби бўлган Парвардигорингизнинг Юзи — Ўзигина боқий мангу қолур.
____________________
И з о ҳ. Бу оятда Аллоҳ таолога важҳ (юз) сифатининг У зот субҳанаҳу ва таолонинг Ўзига лойиқ бўлган тарзда, махлуқотларга ўшхатмасдан ва кайфият бермасдан исбот қилиш бордир.
Verse 28
ﮁﮂﮃﮄ ﮅ ​
28. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!
Verse 29
ﮆﮇﮈﮉﮊﮋﮌﮍﮎﮏﮐ ﮑ ​
29. Осмонлар ва Ердаги (барча) жонзот (Унга муҳтождир ва бор тилак-мақсадларини ёлғиз) Ундан сўрар. У зот ҳар куни бир иш-амалдадир.
____________________
И з о ҳ. Ушбу ояти карима ўзи мўъжаз бўлишига қарамасдан Исломий ақиданинг асосий рукнларидан бирини тўла ифодалагандир. Яъни, Еру осмонда Аллоҳ таолога муҳтож бўлмаган ва Ундан мадад-ёрдам тиламаган бирон жонзот йўқдир. У зот ҳар куни, ҳар соат, ҳар лаҳзада Ўзи яратган коинотдаги барча жонзотни бошқариб-парвариш қилиб турадиган Парвардигордир. Бу оят, «Аллоҳ таоло борлиқ ва ундаги нарсаларни яратгач, уларни ўз ҳолига ташлаб қўйган», дейдиган айрим файласуфларга очиқ раддиядир.
Verse 30
ﮒﮓﮔﮕ ﮖ ​
30. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!
Verse 31
ﮗﮘﮙﮚ ﮛ ​
31. Яқинда (Қиёмат қойим бўлган Кунда) сизлар(ни ҳисоб-китоб қилиш) учун фориғ бўлажакмиз, эй инсу жинлар!
____________________
И з о ҳ. Яъни, озгина фурсат ўтгач, ҳаёти дунё тугаб, ундаги иш-амал битар ва Аллоҳ таоло барча инсонлар ва жинларнинг ҳаётларида қилиб ўтган амалларини ҳисоб-китоб қилиш ва муносиб мукофот-жазо бериш учун фориғ бўлур. У Кунда Аллоҳ таолонинг одил жазосидан ҳеч ким қочиб қутула олмас. Қуйидаги оятларда сўз шу ҳақда боради.
Verse 32
ﮜﮝﮞﮟ ﮠ ​
32. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!
Verse 33
ﮡﮢﮣﮤﮥﮦﮧﮨﮩﮪﮫﮬﮭﮮﮯﮰﮱ ﯓ ​
33. Эй жин ва инс жамоаси! Агар сизлар (Аллоҳнинг жазосидан қочиб) осмонлар ва Ер чегараларидан ўтиб кетишга қодир бўлсангизлар, у ҳолда ўтиб кетаверинглар! Сизлар фақат куч-қудрат билангина ўта олурсизлар, (лекин у Кунда сизларда ҳеч қандай куч-қудрат бўлмас)!
Verse 34
ﯔﯕﯖﯗ ﯘ ​
34. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!
Verse 35
ﯙﯚﯛﯜﯝﯞﯟﯠ ﯡ ​
35. (У Кунда) сизларнинг устингизга оловдан бир аланга ва тутун юборилурки, сизлар (ундан ҳаргиз) қутула олмассизлар!
Verse 36
ﯢﯣﯤﯥ ﯦ ​
36. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!
Verse 37
ﯧﯨﯩﯪﯫﯬ ﯭ ​
37. Энди қачон (Қиёмат қойим бўлгач) осмон ёрилиб, (жаҳаннам ҳароратидан доғланган) ёғ каби қизариб қолганида,
Verse 38
ﯮﯯﯰﯱ ﯲ ​
38. Бас, (эй инсонлар ва жинлар). Парвардигорингизнинг қайси неъматларини ёлғон дея олурсизлар?!
Verse 39
ﯳﯴﯵﯶﯷﯸﯹﯺ ﯻ ​
39. Ана ўша Кунда на бир инс ва на бир жин (қилиб ўтган) гуноҳидан сўралмас!
Verse 40
ﯼﯽﯾﯿ ﰀ ​
40. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!
Verse 41
ﰁﰂﰃﰄﰅﰆ ﰇ ​
41. (Чунки у Кунда) жиноятчи-осий кимсалар сиймо-белгиларидан танилиб, пешона ва оёқларидан олинурлар (ва жаҳаннамга отилурлар)!
Verse 42
ﭑﭒﭓﭔ ﭕ ​
42. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!
Verse 43
ﭖﭗﭘﭙﭚﭛ ﭜ ​
43. Жиноятчи-осий кимсалар ёлғон дейдиган жаҳаннам мана шудир!
Verse 44
ﭝﭞﭟﭠﭡ ﭢ ​
44. Улар ўша (жаҳаннам) билан ўта қайноқ сув ўртасида айланаверарлар!
____________________
И з о ҳ. Яъни, ҳаёти-дунёдан куфру-исён билан ўтган кимсалар Охиратда дўзах ўтида куяр эканлар, дўзах ходимлари бўлмиш фаришталардан бирон қултум сув беришни сўрарлар. Шунда уларга қайноқ сув берилиб, яна дўзахга отилурлар ва бу ҳол абадул-абад давом этур. Мазкур оятларда кофирлар дучор бўлажак азоб-уқубатлар баён этилди. Энди қуйида келадиган оятларда иймон эгаларига кўз тутиб турган гўзал оқибат — жаннатдаги мангу саодатли ҳаёт қилинади.
Verse 45
ﭣﭤﭥﭦ ﭧ ​
45. Бас, (эй инсонлар ва жинлар), Парвардигорингизнинг кайси неъматларини ёлғон дея олурсизлар?!
Verse 46
ﭨﭩﭪﭫﭬ ﭭ ​
46. Парвардигори (ҳузурида) туришидан (яъни, ўзининг Парвардигор олдида туриб, ҳаёти дунёда қилиб ўтган барча амалларига жавоб беришдан) қўрққан киши учун икки жаннат бордир.
Verse 47
ﭮﭯﭰﭱ ﭲ ​
47. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!
Verse 48
ﭳﭴ ﭵ ​
48. (У икки жаннат сон-саноқсиз) шох-новдалар эгасидирлар (яъни, сермева ва соя-салқиндирлар).
Verse 49
ﭶﭷﭸﭹ ﭺ ​
49. Бас, (эй инсонлар ва жинлар). Парвардигорингизнинг қайси неъматларини ёлғон дея олурсизлар?!
Verse 50
ﭻﭼﭽ ﭾ ​
50. У иккисида икки оқар чашма бордир.
Verse 51
ﭿﮀﮁﮂ ﮃ ​
51. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!
Verse 52
ﮄﮅﮆﮇﮈ ﮉ ​
52. У иккисида барча мевадан икки нави бордир.
Verse 53
ﮊﮋﮌﮍ ﮎ ​
53. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!
Verse 54
ﮏﮐﮑﮒﮓﮔﮕﮖﮗﮘ ﮙ ​
54. (Аҳли жаннат) астарлари шойидан бўлган кўрпачалар устида ястанган ҳолларида (ўлтирурлар). У жаннатларнинг меваси яқин бўлгувчидир (яъни, жаннат аҳли қай-бир мевани ейишни истаса, ўша меванинг ўзи уларга эгилиб, яқин келур).
Verse 55
ﮚﮛﮜﮝ ﮞ ​
55. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!
Verse 56
ﮟﮠﮡﮢﮣﮤﮥﮦﮧ ﮨ ​
56. У (жаннат)ларда шундай кўзларини (бегона эркакларга қарашдан) тийгувчи (қиз)лар борки, уларга (жаннат аҳлидан) илгари на бир инс ва на бир жин тегингандир.
Verse 57
ﮩﮪﮫﮬ ﮭ ​
57. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!
Verse 58
ﮮﮯﮰ ﮱ ​
58. Улар (софлик ва оқликда) гўёки ёқут ва маржондирлар.
Verse 59
ﯓﯔﯕﯖ ﯗ ​
59. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!
Verse 60
ﯘﯙﯚﯛﯜ ﯝ ​
60. Эҳсон-яхшиликнинг жазоси-мукофоти фақат яхшилиқдир.
____________________
И з о ҳ. Яъни, ҳаёти-дунёдан иймон ва эзгу амаллар билан ўтган кишининг Охиратдаги мукофоти жаннатдир. Эҳсон калимасининг луғавий маъноси — чиройли амал қилмоқликдир, Пайғамбар алайҳис-салоту вас-саломдан «Эҳсон нимадир?», деб сўралганида, у киши шундай жавоб қилган эканлар: «Эҳсон — Аллоҳ таолога гўё Уни кўриб тургандек ибодат қилишингдир. Зотан, сен У зотни кўрмасанг-да, У зот шак-шубҳасиз, сени кўриб тургувчидир».
Verse 61
ﯞﯟﯠﯡ ﯢ ​
61. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!
Verse 62
ﯣﯤﯥ ﯦ ​
62. У икки (жаннат)дан қуйироқда яна икки жаннат бордир.
Verse 63
ﯧﯨﯩﯪ ﯫ ​
63. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!
Verse 64
ﯬ ﯭ ​
64. (У икки жаннат) серсув ва серяпроқликдан қорамтирдирлар.
Verse 65
ﯮﯯﯰﯱ ﯲ ​
65. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!
Verse 66
ﯳﯴﯵ ﯶ ​
66. У иккисида тинмай отилиб тургувчи икки чашма бордир.
Verse 67
ﯷﯸﯹﯺ ﯻ ​
67. Бас, (инсонлар ва жинлар), Парвардигорингизнинг қайси неъматларини ёлғон дея олурсизлар?!
Verse 68
ﯼﯽﯾﯿ ﰀ ​
68. У иккисида мева, хурмо ва анорлар бордир.
Verse 69
ﰁﰂﰃﰄ ﰅ ​
69. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!
Verse 70
ﭑﭒﭓ ﭔ ​
70. У (жаннат)ларда хушхулқ ва гўзал юзли (аёл)лар бордир.
Verse 71
ﭕﭖﭗﭘ ﭙ ​
71. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!
Verse 72
ﭚﭛﭜﭝ ﭞ ​
72. (Улар) чодирларда асралган ҳурлардир.
Verse 73
ﭟﭠﭡﭢ ﭣ ​
73. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!
Verse 74
ﭤﭥﭦﭧﭨﭩ ﭪ ​
74. Уларга (жаннат аҳлидан) илгари на бир инс ва на бир жин тегингандир.
Verse 75
ﭫﭬﭭﭮ ﭯ ​
75. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!
Verse 76
ﭰﭱﭲﭳﭴﭵ ﭶ ​
76. (Жаннат аҳли у жаннатларда) яшил болишлар ва гўзал гиламлар устида ястанган ҳолларида (ўлтирурлар).
Verse 77
ﭷﭸﭹﭺ ﭻ ​
77. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!
Verse 78
ﭼﭽﭾﭿﮀﮁ ﮂ ​
78. Буюклик ва карам соҳиби бўлган Парвардигорингизнинг номи баракотли — буюкдир.
تقدم القراءة