Verse 1

ﭑﭒ ﭓ ​

1. (Аллоҳ йўлида) саф тортиб турадиган,

Verse 2

ﭔﭕ ﭖ ​

2. (Аллоҳнинг бандаларини гуноҳ йўлларидан) мудом тўсадиган,

Verse 3

ﭗﭘ ﭙ ​

3. (Аллоҳнинг каломини) доимо тиловат қиладиган (инсонлар ва фаришталардан иборат барча) зотларга қасамки,

Verse 4

ﭚﭛﭜ ﭝ ​

4. Шак-шубҳасиз, сизларнинг илоҳингиз ягонадир.

Verse 5

ﭞﭟﭠﭡﭢﭣﭤ ﭥ ​

5. (У зот) осмонлар, Ер ва уларнинг ўртасидаги бор нарсаларнинг Парвардигоридир. (У зот) бор кунчиқар жойларнинг (ва бор кунботар жойларнинг) Парвардигоридир.

Verse 6

ﭦﭧﭨﭩﭪﭫ ﭬ ​

6. Дарҳақиқат, Биз энг яқин осмонни юлдузлар билан зийнатладик.

Verse 7

ﭭﭮﭯﭰﭱ ﭲ ​

7. Ва (уни) ҳар бир итоатсиз шайтондан — жиндан сақладик.

Verse 8

ﭳﭴﭵﭶﭷﭸﭹﭺﭻ ﭼ ​

8. У (жин)лар энг юксак мавжудотларни (яъни, фаришталарнинг сўзларини) ҳаргиз эшита олмаслар ва уларга ҳар томондан (юлдузлар) отилур.

Verse 9

ﭽﭾﭿﮀﮁ ﮂ ​

9. (Уларни) ҳайдаш учун. Улар учун (Охиратда) доимий азоб бордир.

Verse 10

ﮃﮄﮅﮆﮇﮈﮉ ﮊ ​

10. Магар бирон марта (бирон сўзни) илиб олган кимса (яъни, жин) бўлса, уни ҳам учар юлдуз қувиб етар (ва ҳалок этар).

Verse 11

ﮋﮌﮍﮎﮏﮐﮑﮒﮓﮔﮕﮖﮗ ﮘ ​

11. Бас, (эй Муҳаммад алайҳис-салоту вас-салом, Макка кофирларидан) сўранг-чи, улар(ни) яратиш қийинроқмикан ёки Биз яратган зотларними?! (Яъни, фаришталар ва Еру осмондаги барча мавжудотни яратиш одамзотни яратишдан оғирроқ эмасми?!) Зотан, Биз (инсонларнинг асли-аввали бўлмиш Одам алайҳиссаломни) ёпишқоқ бир лойдан яратгандирмиз.

Verse 12

ﮙﮚﮛ ﮜ ​

12. Балки сиз (уларнинг қайта тирилишини инкор қилаётганларидан) таажжубдадирсиз, (аммо) улар (сизнинг Охират ҳаёти ҳақидаги сўзларингизни) масхара қилурлар.

Verse 13

ﮝﮞﮟﮠ ﮡ ​

13. Уларга (Қуръон билан) панд-насиҳат қилинса, панд-насиҳатни олмаслар.

Verse 14

ﮢﮣﮤﮥ ﮦ ​

14. (Сизнинг ҳақ пайғамбар эканлигингизга далолат қиладиган) бирон оят-мўъжизани кўрсалар, (дарҳол иймон келтириш ўрнига) янада зиёдароқ масхара қилурлар.

Verse 15

ﮧﮨﮩﮪﮫﮬ ﮭ ​

15. Ва дерлар: «Бу фақат очиқ-равшан сеҳрдир.

Verse 16

ﮮﮯﮰﮱﯓﯔﯕ ﯖ ​

16. Бизлар ўлиб тупроқ ва суякларга айланиб кетган чоғимизда ростдан ҳам яна қайта тирилгувчи эканмизми?!

Verse 17

ﯗﯘ ﯙ ​

17. Аввал ўтиб кетган ота-боболаримиз ҳам-а?! »

Verse 18

ﯚﯛﯜﯝ ﯞ ​

18. (Эй Муҳаммад алайҳис-салоту вас-салом, сиз уларга) айтинг: «Ҳа! Сизлар хор-зор бўлган ҳолингизда (албатта қайта тирилурсизлар)».

Verse 19

ﯟﯠﯡﯢﯣﯤﯥ ﯦ ​

19. У (яъни, қайта тирилиш) фақатгина фаришта Исрофилнинг сури билан чалинган бир қичқириқдир, холос, бас, баногоҳ улар (қайта тирилиб, «кунларини») кўрурлар.

Verse 20

ﯧﯨﯩﯪﯫ ﯬ ​

20. Ва «Эй, ўлим бўлсин бизларга! Бу жазо-Қиёмат Куни-ку!», деб қолурлар.

Verse 21

ﯭﯮﯯﯰﯱﯲﯳ ﯴ ​

21. Мана шу сизлар ёлғон деб ўтган (ҳақ билан ботил) ажратиладиган Кундир.

Verse 22

ﯵﯶﯷﯸﯹﯺﯻﯼ ﯽ ​

22. (Эй фаришталар, сизлар) золим-кофир бўлган кимсалар ва уларнинг ҳамтовоқларини ҳамда улар ибодат қилиб ўтган нарсаларини тўпланглар!

Verse 23

ﯾﯿﰀﰁﰂﰃﰄ ﰅ ​

23. Аллоҳни қўйиб (ибодат қилиб ўтган нарсаларини тўпланглар) ва дўзах йўлига бошланглар.

Verse 24

ﰆﰇﰈﰉ ﰊ ​

24. (Аммо то Менинг фармоним бўлмагунча) уларни тўхтатиб (дўзахга ташламай) туринглар! Чунки улар (аввал ҳаёти дунёда қилиб ўтган куфру исёнлари тўғрисида) сўралгувчидирлар.

Verse 25

ﭑﭒﭓﭔ ﭕ ​

25. (У Кунда кофирларга дейилар): «Нега бир-бирларингизга ёрдам бермаяпсизлар?!»

Verse 26

ﭖﭗﭘﭙ ﭚ ​

26. Йўқ, улар бу Кунда (ҳеч нарса қила олмаслар, (балки фақат Бизнинг ҳукмимизга) бўйинсунгувчидирлар.

Verse 27

ﭛﭜﭝﭞﭟ ﭠ ​

27. Уларнинг бировлари бировларига қараб савол-жавоб қилурлар:

Verse 28

ﭡﭢﭣﭤﭥﭦ ﭧ ​

28. (Эргашувчилар ўзларини йўлдан урган пешволарига): «Ҳақиқатан, сизлар бизларга ўнг томондан (яъни, бизлар ишониб яхшилик кутадиган томондан) келар эдинглар», деганларида.

Verse 29

ﭨﭩﭪﭫﭬ ﭭ ​

29. (Пешволар) айтурлар: «Йўқ, сизлар ўзларингиз мўмин бўлмаган эдинглар.

Verse 30

ﭮﭯﭰﭱﭲﭳﭴﭵﭶﭷﭸ ﭹ ​

30. Ахир бизлар учун сизларнинг устингизда бирон салтанат — ҳукмронлик йўқ эди-ку! Йўқ, сизлар ўзларингиз ҳаддан ошгувчи қавм эдинглар.

Verse 31

ﭺﭻﭼﭽﭾﭿﮀ ﮁ ​

31. Бас, энди (бизларга ҳам, сизларга ҳам) Парвардигоримизнинг Сўзи — азоби ҳақ бўлди. Шак-шубҳасиз, бизлар (уни) тотгувчидирмиз.

Verse 32

ﮂﮃﮄﮅ ﮆ ​

32. Чунки бизлар йўлдан озгувчи бўлганимиз сабабли сизларни ҳам йўлдан урдик».

Verse 33

ﮇﮈﮉﮊﮋ ﮌ ​

33. Бас, албатта улар (яъни, Аллоҳ йўлидан озган кимсалар ва уларни йўлдан урган пешволари) ўша Кунда азобда шерик бўлгувчидирлар.

Verse 34

ﮍﮎﮏﮐ ﮑ ​

34. Дарҳақиқат, Биз жиноятчи кимсаларни (мана шундай) азобга дучор қилурмиз.

Verse 35

ﮒﮓﮔﮕﮖﮗﮘﮙﮚﮛ ﮜ ​

35. Чунки улар ўзларича: «Ҳеч қандай илоҳ йўқ, магар ёлғиз Аллоҳгина бордир», дейилган вақтда кибр-ҳаво қилган эдилар.

Verse 36

ﮝﮞﮟﮠﮡﮢ ﮣ ​

36. Ва улар «Ҳали бизлар бир мажнун шоирни деб худоларимизни тарк қилар эканмизми?», дер эдилар.

Verse 37

ﮤﮥﮦﮧﮨ ﮩ ​

37. Йўқ, (Муҳаммад алайҳис-салоту вас-салом асло шоири мажнун эмасдир, балки) у Ҳақ (дин)ни олиб келди ва (ўзидан аввал ўтган) барча пайғамбарларни тасдиқ этди.

Verse 38

ﮪﮫﮬﮭ ﮮ ​

38. (Эй жиноятчи кимсалар), сизлар шак-шубҳасиз, аламли азобни тотгувчидирсизлар.

Verse 39

ﮯﮰﮱﯓﯔﯕ ﯖ ​

39. Сизлар фақат қилиб ўтган жиноятларингиз сабабли жазоланурсизлар.

Verse 40

ﯗﯘﯙﯚ ﯛ ​

40. Магар Аллоҳнинг покиза бандалари бордирки;

Verse 41

ﯜﯝﯞﯟ ﯠ ​

41. Ана ўшалар учун маълум ризқ (бўлур).

Verse 42

ﯡﯢﯣ ﯤ ​

42. (Ҳар турли) мевалар бўлур ва улар ҳурмат-иззат кўргувчидирлар.

Verse 43

ﯥﯦﯧ ﯨ ​

43. Ва улар ноз-неъмат боғларида,

Verse 44

ﯩﯪﯫ ﯬ ​

44. Сўрилар устида бир-бирларига рўбарў ўтирган ҳолларида (ҳурмат-иззат кўргувчидирлар).

Verse 45

ﯭﯮﯯﯰﯱ ﯲ ​

45. Уларга оқар чашмадан (шароб) косалари айлантириб турилур.

Verse 46

ﯳﯴﯵ ﯶ ​

46. Ичгувчилар учун лаззат бўлган оппоқ (шароб косалари айлантириб турилурки),

Verse 47

ﯷﯸﯹﯺﯻﯼﯽ ﯾ ​

47. У (шароб)да маст қилгувчи — ақлдан оздиргувчи нарса бўлмас ва улар ундан маст бўлмаслар.

Verse 48

ﯿﰀﰁﰂ ﰃ ​

48. Яна уларнинг олдиларида кўзларини (бегоналарга қарашдан) тийгувчи,

Verse 49

ﰄﰅﰆ ﰇ ​

49. Гўё яшириб қўйилган (оппоқ) тухумдек (заҳаланмаган) оҳу кўзлар бўлур.

Verse 50

ﰈﰉﰊﰋﰌ ﰍ ​

50. Бас, улар (яъни, аҳли жаннат) бир-бирларига қараб савол-жавоб қилурлар.

Verse 51

ﰎﰏﰐﰑﰒﰓﰔ ﰕ ​

51. (Шундай суҳбатларнинг бирида) улардан бири деди: «Менинг бир дўстим бор эди.

Verse 52

ﭑﭒﭓﭔ ﭕ ​

52. У (менга) «Ростдан ҳам сен (ўлганимиздан сўнг яна қайта тирилишимизни) тасдиқ этгувчиларданмисан?

Verse 53

ﭖﭗﭘﭙﭚﭛﭜ ﭝ ​

53. Бизлар ўлиб, тупроқ ва суякларга айланиб кетган вақтимизда ҳақиқатан ҳам (қайта тирилтирилиб) жазолангучимизми?», дер эди.

Verse 54

ﭞﭟﭠﭡ ﭢ ​

54. (Сўзлагувчи ҳаёти дунёда Охиратни инкор қилган дўсти ҳақидаги ҳикояни тугатгач, жаннатдаги биродарларига): Сизлар (ҳам мен билан бирга ўша дўстимнинг дўзахдаги ҳоли нима бўлганига) қарагувчимисизлар?», деди.

Verse 55

ﭣﭤﭥﭦﭧ ﭨ ​

55. Сўнг ўзи қараб уни дўзахнинг ўртасида кўргач;

Verse 56

ﭩﭪﭫﭬﭭ ﭮ ​

56. Деди: «Аллоҳ номига қасамки, дарҳақиқат, сен мени ҳам ҳалок қилаёзган эдинг.

Verse 57

ﭯﭰﭱﭲﭳﭴ ﭵ ​

57. Агар Парвардигоримнинг неъмати (яъни, ҳидояти) бўлмаса эди, албатта мен (сен билан бирга дўзахга) ҳозир қилингувчилардан бўлур эдим.

Verse 58

ﭶﭷﭸ ﭹ ​

58. (Қани сен менга айтгинчи), бизлар (яъни, жаннат аҳли худди ҳаёти дунёда бизга ваъда қилинганидек), ўлгувчи эмас эканмизми?!

Verse 59

ﭺﭻﭼﭽﭾﭿ ﮀ ​

59. Фақат биринчи ўлимимиздан бошқа (ўлгувчи эмаслигимиз рост эканми?). Бизлар (ростдан ҳам) азоблангувчи эмас эканмизми?

Verse 60

ﮁﮂﮃﮄﮅ ﮆ ​

60. Албатта мана шу (аҳли жаннат етадиган неъматлар) улуғ бахтнинг ўзидир.

Verse 61

ﮇﮈﮉﮊ ﮋ ​

61. Бас, амал қилгувчилар мана шундай (мангу бахт саодат) учун амал қилсинлар!

Verse 62

ﮌﮍﮎﮏﮐﮑ ﮒ ​

62. Мана шу яхшироқ зиёфатми ёки заққум дарахтими?

Verse 63

ﮓﮔﮕﮖ ﮗ ​

63. Ҳақиқатан, Биз уни (яъни, Заққум дарахтини) золим кимсалар учун фитна-алдов қилиб қўйдик.
____________________
И з о ҳ. Дўзахда Заққум дарахти бўлиши ҳақида сўзланганида кофирлар «Дўзахда қандай қилиб дарахт ўссин, ахир дўзахнинг ўти уни куйдириб юбормайдими?», деганлар. Шунинг учун юқоридаги оятда кофирлар Аллоҳ таолонинг қудратига шак келтирганлари учун у дарахт тўғрисида зикр қилинганида, ақллари бовар қилмай фитна-алдовга дучор бўлишлари уқтирилди.

Verse 64

ﮘﮙﮚﮛﮜﮝ ﮞ ​

64. Дарҳақиқат, у дўзах қаърида ўсадиган бир дарахтдир.

Verse 65

ﮟﮠﮡﮢ ﮣ ​

65. Унинг бутоқлари(даги мевалари хунукликда) худди шайтонларнинг бошларига ўхшар.

Verse 66

ﮤﮥﮦﮧﮨﮩ ﮪ ​

66. Бас, улар (яъни, дўзахилар) албатта ундан еб, қоринларини тўлдиргувчидирлар.

Verse 67

ﮫﮬﮭﮮﮯﮰﮱ ﯓ ​

67. Сўнгра албатта улар учун унинг (Заққум меваларининг) устига қайноқ сувдан аралаштирилур (яъни, уларга мажбуран қайнаётган сув ичирилур).

Verse 68

ﯔﯕﯖﯗﯘ ﯙ ​

68. Сўнгра уларнинг қайтадиган жойлари яна албатта дўзахда бўлур (яъни, қайноқ сув уларнинг бутун ички аъзоларини куйдириб битганидан сўнг, энди дўзах ўти уларнинг баданларини куйдирур).

Verse 69

ﯚﯛﯜﯝ ﯞ ​

69. Албатта улар (яъни, Макка мушриклари) ўзларининг ота-боболарини йўлдан озган ҳолда топдилар.

Verse 70

ﯟﯠﯡﯢ ﯣ ​

70. Энди ўзлари ҳам уларнинг изларидан чопмоқдалар.

Verse 71

ﯤﯥﯦﯧﯨ ﯩ ​

71. Аниқки, улардан аввал ўтганларнинг кўплари ҳам йўлдан озган эдилар.

Verse 72

ﯪﯫﯬﯭ ﯮ ​

72. Ҳолбуки, Биз уларнинг (яъни, аввал ўтганларнинг) орасига огоҳлантиргувчи (пайғамбар)ларни юборган эдик.

Verse 73

ﯯﯰﯱﯲﯳ ﯴ ​

73. Бас, (эй Муҳаммад алайҳис-салоту вас-салом), огоҳлантирилган кимсаларнинг оқибатлари қандай бўлганини кўринг!
____________________
И з о ҳ. Мазкур оятларда Макка мушрикларининг иймон-исломга келмаганидан бениҳоят ғамгин бўлиб келган Муҳаммад алайҳис-салоту вас-саломга таскин-тасалли бўлсин учун улардан илгари ҳам ўзларига юборилган пайғамбарларни ёлғончи қилиб ҳалокатга дучор бўлган қавмлар ўтгани ҳақида хабар берилди. Қуйидаги оятларда эса Аллоҳ таоло Ўзининг сўнгги пайғамбарига аввалги пайғамбарлардан етти кишининг қиссаларини мўъжаз (қисқача) баён қилади.

Verse 74

ﯵﯶﯷﯸ ﯹ ​

74. Магар Аллоҳнинг покиза бандаларигина (ҳалокатга дучор бўлмадилар).

Verse 75

ﯺﯻﯼﯽﯾ ﯿ ​

75. Қасамки, Нуҳ (қавми уни ёлғончи қилган вақтда) Бизга илтижо қилди. Бас, (Биз) нақадар яхши ижобат қилгувчидирмиз;

Verse 76

ﰀﰁﰂﰃﰄ ﰅ ​

76. Биз унга ва унинг аҳли-тобеъларига улуғ ғамдан (яъни, ғарқ бўлишдан) нажот бердик.

Verse 77

ﭑﭒﭓﭔ ﭕ ​

77. Ва унинг зурриётини (то Қиёмат) боқий қолгувчи кишилар қилиб қўйдик.

Verse 78

ﭖﭗﭘﭙ ﭚ ​

78. Ва кейинги (авлод)лар орасида (Нуҳ) ҳақида (гўзал мақтовлар-олқишлар) қолдирдик.

Verse 79

ﭛﭜﭝﭞﭟ ﭠ ​

79. Барча оламларда Нуҳга салом бўлгай.

Verse 80

ﭡﭢﭣﭤ ﭥ ​

80. Албатта Биз чиройли амал қилгувчиларни мана шундай мукофотлармиз.

Verse 81

ﭦﭧﭨﭩ ﭪ ​

81. Дарҳақиқат, у Бизнинг мўмин бандаларимиздандир.

Verse 82

ﭫﭬﭭ ﭮ ​

82. Сўнгра бошқаларни (яъни, Нуҳни ёлғончи қилган кимсаларни) ғарқ қилиб юбордик.

Verse 83

ﭯﭰﭱﭲﭳ ﭴ ​

83. Шак-шубҳасиз, Иброҳим ҳам (Нуҳ)нинг гуруҳидандир.

Verse 84

ﭵﭶﭷﭸﭹ ﭺ ​

84. Эсланг, у Парвардигорига тоза дил билан келди.

Verse 85

ﭻﭼﭽﭾﭿﮀ ﮁ ​

85. Ўшанда у отаси ва қавмига деган эди: «Нимага ибодат қилмоқдасизлар?!

Verse 86

ﮂﮃﮄﮅﮆ ﮇ ​

86. Аллоҳни қўйиб, сохта «худолар»га (сиғинишни) истайсизларми?!

Verse 87

ﮈﮉﮊﮋ ﮌ ​

87. У ҳолда барча оламларнинг Парвардигори ҳақида (яъни, У зот сизларнинг мушриклигингиз учун берадиган жазоси ҳақида) не гумонингиз бор?!»

Verse 88

ﮍﮎﮏﮐ ﮑ ​

88. Сўнг у юлдузларга тикилиб туриб:

Verse 89

ﮒﮓﮔ ﮕ ​

89. «Аниқки, мен касалман», деди.
____________________
И з о ҳ. Нақл қилинишича, ўша даврда кишилар ўртасида юлдузларга қараб фол очиш — мунажжимлик жуда кенг ёйилган экан. Шунинг учун Иброҳим алайҳиссалом мушрикларнинг байрамини нишонлаш учун ҳайитгоҳга чиқиб кетаётган қавмидан ажралиб қолиш мақсадида Иброҳим алайҳиссалом гўё юлдузларга қараб билиб олгандек, уларга «Мен вабога йўлиқар эканман», дедилар. Бу сўзни эшитгач вабо юқишидан қўрққан қавм:

Verse 90

ﮖﮗﮘ ﮙ ​

90. Дарҳол ундан юз ўгирган ҳолларида кетдилар.

Verse 91

ﮚﮛﮜﮝﮞﮟ ﮠ ​

91. Бас, (Иброҳим) аста уларнинг бутлари олдига келиб: «(Олдиларингиздаги) таомларни емайсизларми?

Verse 92

ﮡﮢﮣﮤ ﮥ ​

92. Нега сўзламаяпсизлар?!», деди.

Verse 93

ﮦﮧﮨﮩ ﮪ ​

93. Сўнг уларга яқин келиб, ўнг қўли(даги болта) билан урди.

Verse 94

ﮫﮬﮭ ﮮ ​

94. Бас, (қавми) унинг олдига шоша-пиша келишгач,

Verse 95

ﮯﮰﮱﯓ ﯔ ​

95. У деди: «Ўзларингиз йўниб-ясаб олган нарсаларга ибодат қилурмисизлар?!

Verse 96

ﯕﯖﯗﯘ ﯙ ​

96. Ҳолбуки, сизларни ҳам, қилиб олган бутларингизни ҳам Аллоҳ яратган-ку?!»

Verse 97

ﯚﯛﯜﯝﯞﯟﯠ ﯡ ​

97. Улар (бир-бирларига) дедилар: Иброҳим учун (олов ёқиладиган) бинолар қуриб уни ўша оловга ташланглар».

Verse 98

ﯢﯣﯤﯥﯦ ﯧ ​

98. Бас, улар (Иброҳимга) макр қилмоқчи бўлган эдилар. Биз уларни тубан-мағлуб қилдик.

Verse 99

ﯨﯩﯪﯫﯬﯭ ﯮ ​

99. (У ўт ичидан эсон-омон чиқди) ва деди: «Албатта мен Парвардигорим (буюрган тараф)га кетгувчидирман. Унинг Ўзи мени (Тўғри Йўлга) ҳидоят қилур.

Verse 100

ﯯﯰﯱﯲﯳ ﯴ ​

100. (Парвардигорим,) Ўзинг менга солиҳ (фарзанд)лардан ҳадя этгин».

Verse 101

ﯵﯶﯷ ﯸ ​

101. Бас, Биз унга бир ҳалим ўғилнинг хушхабарини бердик.

Verse 102

ﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔ ﰕ ​

102. Энди қачонки у (бола Иброҳим) билан бирга юрадиган бўлгач, (Иброҳим): «Эй ўғилчам, мен (ҳадеб) тушимда сени (қурбонлик учун) сўяётганимни кўрмоқдаман. Энди сен ўзинг нима раъй-фикр қилишингни бир ўйлаб кўргин», деган эди. У айтди: «Эй отажон, сенга (тушингда Парвардигор томонидан) буюрилган ишни қилгин. Иншоаллоҳ мени сабр қилгувчилардан топурсан».
____________________
И з о ҳ. Саҳобалардан Абдуллоҳ ибн Аббос розияллоҳу анҳу айтишларича, Аллоҳ таолонинг барча пайғамбарларининг тушлари ваҳийдир. Шунинг учун ҳам Иброҳим алайҳиссалом тушларида берилган фармоннинг ўзи биланоқ ўғиллари Исмоил алайҳиссаломни қурбон қилишга чоғландилар ва ўғиллари ҳам (ўшанда у киши эндигина ўн уч ёшга қадам қўйган эканлар) тўла розилик билан Аллоҳнинг амрига бўйинсундилар.

Verse 103

ﭑﭒﭓﭔ ﭕ ​

103. Бас, қачонки иккиси ҳам (Аллоҳнинг ваҳийсига) бўйинсуниб, (энди Иброҳим ўз ўғли Исмоилни қурбон қилиш учун) пешонаси билан (ерга) ётқизган эдики,

Verse 104

ﭖﭗﭘ ﭙ ​

104. Биз унга нидо қилдик: «Эй Иброҳим,

Verse 105

ﭚﭛﭜﭝﭞﭟﭠﭡ ﭢ ​

105. Дарҳақиқат, сен (кўрган) тушингни рост-бажо қилдинг». Албатта Биз чиройли амал қилгувчиларни мана шундай мукофотлармиз.

Verse 106

ﭣﭤﭥﭦﭧ ﭨ ​

106. Албатта бу (яъни, Иброҳимнинг ўз ўғлини қурбон қилишга буюрилиши) очиқ-равшан имтиҳондир, холос.

Verse 107

ﭩﭪﭫ ﭬ ​

107. Биз (Исмоилнинг) ўрнига (Иброҳимга) катта бир (кўчқор) сўйишни — қурбонлиқни эваз қилиб бердик (яъни, катта бир қўчқорни жаннатдан туширдик).

Verse 108

ﭭﭮﭯﭰ ﭱ ​

108. Ва кейинги (авлод)лар орасида (Иброҳим) ҳақида (гўзал мақтовлар-олқишлар) қолдирдик.

Verse 109

ﭲﭳﭴ ﭵ ​

109. Иброҳимга салом бўлгай.

Verse 110

ﭶﭷﭸ ﭹ ​

110. Биз чиройли амал қилгувчиларни мана шундай мукофотлармиз.

Verse 111

ﭺﭻﭼﭽ ﭾ ​

111. Дарҳақиқат, у Бизнинг мўмин бандаларимиздандир.

Verse 112

ﭿﮀﮁﮂﮃ ﮄ ​

112. Яна Биз унга пайғамбар (ва) яхшилардан (бўлғуси) Исҳоқнинг хушхабарини бердик.

Verse 113

ﮅﮆﮇﮈﮉﮊﮋﮌﮍﮎﮏ ﮐ ​

113. Ва (Иброҳимга) ҳам, Исҳоққа ҳам (дину дунёларида) баракот бердик. Уларнинг зурриётидан чиройли амал қилгувчи ҳам, ўз жонига очиқ жабр қилгувчи ҳам бўлур.

Verse 114

ﮑﮒﮓﮔﮕ ﮖ ​

114. Дарҳақиқат, Биз Мусо ва Ҳорунга (пайғамбарлик) инъом қилдик.

Verse 115

ﮗﮘﮙﮚﮛ ﮜ ​

115. Биз иккисига ва уларнинг қавмига улуғ ғамдан нажот бердик.

Verse 116

ﮝﮞﮟﮠ ﮡ ​

116. Ва уларни Ўзимиз қўлладик, бас, улар (Фиръавн ва унинг одамлари устидан) ғолиб бўлдилар.

Verse 117

ﮢﮣﮤ ﮥ ​

117. Биз уларга равшан Китоб — Таврот ато этдик.

Verse 118

ﮦﮧﮨ ﮩ ​

118. Ҳамда уларни Тўғри Йўлга ҳидоят қилдик.

Verse 119

ﮪﮫﮬﮭ ﮮ ​

119. Ва кейинги (авлод)лар орасида (Мусо ва Ҳорун) ҳақида (гўзал мақтовлар — олқишлар) қолдирдик.

Verse 120

ﮯﮰﮱﯓ ﯔ ​

120. Мусо ва Ҳорунга салом бўлгай.

Verse 121

ﯕﯖﯗﯘ ﯙ ​

121. Албатта Биз чиройли амал қилгувчиларни мана шундай мукофотлармиз.

Verse 122

ﯚﯛﯜﯝ ﯞ ​

122. Дарҳақиқат, иккиси ҳам Бизнинг мўмин бандаларимиздандир.

Verse 123

ﯟﯠﯡﯢ ﯣ ​

123. Илёс ҳам шак-шубҳасиз, пайғамбарлардандир.

Verse 124

ﯤﯥﯦﯧﯨ ﯩ ​

124. Эсланг, у ўз қавмига деган эди: «(Аллоҳдан) қўрқмайсизларми?!»

Verse 125

ﯪﯫﯬﯭﯮ ﯯ ​

125. Сизлар Баъл (номли олтиндан ясалган бут)га сиғиниб, энг гўзал-афзал Яратгувчи Аллоҳни тарк қилурмисизлар?!

Verse 126

ﯰﯱﯲﯳﯴ ﯵ ​

126. Сизларнинг ҳам, аввалги ота-боболарингизнинг ҳам Парвардигорини (тарк қилурмисизлар?!)»

Verse 127

ﭑﭒﭓ ﭔ ​

127. Бас, (қавми Илёсни) ёлғончи қилдилар. Энди албатта улар (дўзах азобига) ҳозир қилингувчидирлар.

Verse 128

ﭕﭖﭗﭘ ﭙ ​

128. Магар Аллоҳнинг покиза бандаларигина (азобга дучор бўлмаслар).

Verse 129

ﭚﭛﭜﭝ ﭞ ​

129. Биз кейинги (авлод)лар орасида (Илёс) ҳақида (гўзал мақтовлар-олқишлар) қолдирдик.

Verse 130

ﭟﭠﭡﭢ ﭣ ​

130. Илёсга салом бўлгай.

Verse 131

ﭤﭥﭦﭧ ﭨ ​

131. Албатта, чиройли амал қилгувчиларни мана шундай мукофотлармиз.

Verse 132

ﭩﭪﭫﭬ ﭭ ​

132. Албатта, у Бизнинг мўмин бандаларимиздандир.

Verse 133

ﭮﭯﭰﭱ ﭲ ​

133. Лут ҳам, шак-шубҳасиз, пайғамбарлардандир.

Verse 134

ﭳﭴﭵﭶ ﭷ ​

134. Эсланг, Биз унга в унинг барча аҳли-тобеъларига нажот берган эдик.

Verse 135

ﭸﭹﭺﭻ ﭼ ​

135. Фақат (азобда) қолгувчилардан бўлган бир кампирга (яъни, Лутнинг хотинига нажот бермадик).

Verse 136

ﭽﭾﭿ ﮀ ​

136. Сўнгра бошқаларни (яъни, Лутни ёлғончи қилганларни) ҳалок қилдик.

Verse 137

ﮁﮂﮃﮄ ﮅ ​

137. (Эй Макка аҳли,) аниқки, сизлар эрта-ю кеч уларнинг устидан ўтиб турурсизлар.

Verse 138

ﮆﮇﮈﮉ ﮊ ​

138. Ахир ақл юргизмайсизларми (яъни, Лутнинг қавми бошига тушган ҳалокат сизларнинг ҳам бошингизга тушиб қолишидан қўрқмайсизларми)?!

Verse 139

ﮋﮌﮍﮎ ﮏ ​

139. Юнус ҳам, шак-шубҳасиз, пайғамбарлардандир.

Verse 140

ﮐﮑﮒﮓﮔ ﮕ ​

140. Эсланг, у (ўз қавмидан ғазабланиб, Парвардигорининг изнисиз қишлоғидан чиқиб, (одамлар билан) тўла бўлган кемага қараб қочган эди.

Verse 141

ﮖﮗﮘﮙ ﮚ ​

141. Бас, (кемадагилар билан) қуръа ташлашиб мағлуб бўлгач, (уни денгизга улоқтирдилар).
____________________
И з о ҳ. Ривоят қилинишича, Юнус алайҳиссалом ўзларини ёлғончи қилган қавмларидан ғазабланиб, уларнинг устига яқин орада қаттиқ бало тушиши ҳақида огоҳлантирадилар ва ўзлари Аллоҳ таолонинг изни-фармонисиз ўз қишлоқларидан чиқиб кетиб, бир денгиз соҳилига бориб қоладилар ва ўша вақтда жўнашга шай турган, одамлар билан тўла бир кемага миниб йўлга тушадилар. Аммо у кема денгизнинг ўртасида тўхтаб қолади. Шунда кемадагилар «Орамизда ўз хожасидан қочиб келаётган бир қул бор, агар уни кемадан тушириб юбормасак, ҳаммамиз ғарқ бўлишимиз тайин», дейишиб ўрталарида қуръа ташлаганларида, қуръа Юнус алайҳиссаломга чиқади ва кемадагилар уни денгизга улоқтирадилар.

Verse 142

ﮛﮜﮝﮞ ﮟ ​

142. Бас, уни (Парвардигорининг изнисиз ўз қавмини ташлаб чиқиб кетгани сабабли) маломатга лойиқ бўлган ҳолида бир наҳанг балиқ ютиб юборди.

Verse 143

ﮠﮡﮢﮣﮤ ﮥ ​

143. Энди агар у (Аллоҳга доимо) тасбеҳ айтгувчилардан бўлмаса эди,

Verse 144

ﮦﮧﮨﮩﮪﮫ ﮬ ​

144. Албатта у (балиқ) қорнида то қайта тириладиган кунларигача (яъни, Қиёматгача) қолиб кетган (яъни, ҳалок бўлган) бўлур эди.

Verse 145

ﮭﮮﮯﮰﮱ ﯓ ​

145. Бас, Биз уни хаста ҳолида қуруқликка отдик.

Verse 146

ﯔﯕﯖﯗﯘ ﯙ ​

146. Ва унинг устида (соя ташлаб туриши учун) қовоқ дарахтини ўстириб қўйдик.

Verse 147

ﯚﯛﯜﯝﯞﯟ ﯠ ​

147. Биз уни юз минг, балки ундан-да кўпроқ (одамга) пайғамбар қилдик.

Verse 148

ﯡﯢﯣﯤ ﯥ ​

148. Бас, улар (Юнусга) иймон келтирдилар. Сўнг Биз уларни (маълум) бир муддатгача (яъни, ажаллари битгунча ҳаёт неъматидан) баҳраманд этдик.

Verse 149

ﯦﯧﯨﯩﯪ ﯫ ​

149. Энди (эй Муҳаммад алайҳис-салоту вас-салом, Макка кофирларидан) сўранг-чи, қизлар Парвардигорингизники-ю, ўғиллар уларникимикан. (Яъни, уларнинг гумонича, фаришталар Аллоҳнинг қизлари эмиш).

Verse 150

ﯬﯭﯮﯯﯰﯱ ﯲ ​

150. Ёки Биз фаришталарни улар гувоҳ бўлган ҳолларида қиз қилиб яратдикмикан?!

Verse 151

ﯳﯴﯵﯶﯷ ﯸ ​

151. Огоҳ бўлингизким, улар ёлғончиликлари туфайли айтурларки,

Verse 152

ﯹﯺﯻﯼ ﯽ ​

152. «Аллоҳнинг боласи (яъни, қизлари) бор». Улар шак-шубҳасиз, ёлғончидирлар.

Verse 153

ﯾﯿﰀﰁ ﰂ ​

153. (Аллоҳ) ўғилларни қўйиб, қизларни танлаб олган эмишми?!

Verse 154

ﭑﭒﭓﭔ ﭕ ​

154. (Эй Макка аҳли), сизларга нима бўлди?! Қандай (ноҳақ-нораво) ҳукм чиқармоқдасизлар-а?!

Verse 155

ﭖﭗ ﭘ ​

155. Ахир эс-ҳушингизни йиғмайсизларми?!

Verse 156

ﭙﭚﭛﭜ ﭝ ​

156. Ёки сизлар учун (Аллоҳ бола кўргани ҳақида) бирон очиқ-равшан ҳужжат борми?!

Verse 157

ﭞﭟﭠﭡﭢ ﭣ ​

157. Бас, агар ростгўй бўлсангизлар (мана шу даъволарингизни қувватловчи) китобингизни келтиринглар-чи?!

Verse 158

ﭤﭥﭦﭧﭨﭩﭪﭫﭬﭭﭮ ﭯ ​

158. (Мушриклар, Аллоҳ) билан жинлар (яъни, фаришталар) ўртасида насаб (яъни, ота-болалик бор, деб гумон) қилдилар. Ҳолбуки, жинлар-фаришталар эса, (мушрикларнинг Аллоҳ азобига) ҳозир қилингувчи эканликларини аниқ билдилар.

Verse 159

ﭰﭱﭲﭳ ﭴ ​

159. Аллоҳ уларнинг («Аллоҳнинг боласи бор», деб) сифатлашларидан покдир.

Verse 160

ﭵﭶﭷﭸ ﭹ ​

160. Магар Аллоҳнинг покиза бандаларигина (мудом Аллоҳни У зотга нолойиқ бўлган сифатлардан пок тутарлар).

Verse 161

ﭺﭻﭼ ﭽ ​

161. (Эй Макка аҳли), шак-шубҳа йўқки, сизлар ҳам, сиғинаётган бутларингиз ҳам

Verse 162

ﭾﭿﮀﮁ ﮂ ​

162. (барчалари бирон кишини, Аллоҳ)га қарши фитнага солгувчи — алдай олгувчи эмасдирсизлар.

Verse 163

ﮃﮄﮅﮆﮇ ﮈ ​

163. Магар (Аллоҳнинг тақдири азалийсида) дўзахга киргувчи бўлган кимсаларнигина (алдай олурсизлар).

Verse 164

ﮉﮊﮋﮌﮍﮎ ﮏ ​

164. (Фаришталар дедилар): «Бизларнинг ҳар биримиз учун (осмонларда) аниқ маълум бир ўрин бордир(ки, бизлар ана ўша ўрнимизда Аллоҳнинг амрини адо этурмиз).

Verse 165

ﮐﮑﮒ ﮓ ​

165. Дарҳақиқат, бизлар (Аллоҳнинг йўлида) саф тортиб тургувчилардирмиз.

Verse 166

ﮔﮕﮖ ﮗ ​

166. Дарҳақиқат, бизлар (Аллоҳни ҳар қандай айбу нуқсондан поклаб) — тасбеҳ айтгувчилардирмиз».

Verse 167

ﮘﮙﮚ ﮛ ​

167. Дарвоқеъ (Макка аҳли Қуръон нозил бўлишидан илгари) айтар эдиларки:

Verse 168

ﮜﮝﮞﮟﮠﮡ ﮢ ​

168. «Агар бизнинг олдимизда ҳам аввалгилар(нинг китоблари)дан бирон эслатма — Китоб бўлса эди,

Verse 169

ﮣﮤﮥﮦ ﮧ ​

169. Албатта бизлар ҳам Аллоҳнинг покиза бандалари бўлур эдик».

Verse 170

ﮨﮩﮪﮫﮬ ﮭ ​

170. Энди (Қуръон нозил бўлгач), эса унга кофир бўлдилар. Бас, яқинда (бу куфрларининг оқибати нима бўлишини) билиб олурлар.

Verse 171

ﮮﮯﮰﮱﯓ ﯔ ​

171. Аниқки, Бизнинг пайғамбар бўлган бандаларимиз ҳақида Сўзимиз ўтган — собит бўлгандир:

Verse 172

ﯕﯖﯗ ﯘ ​

172. «Шак-шубҳасиз, улар қўллаб-қувватлангувчилардир,

Verse 173

ﯙﯚﯛﯜ ﯝ ​

173. Ва шак-шубҳасиз, Бизнинг қўшинимиз (яъни, пайғамбарлар ва уларга иймон келтирган кишилар) ғолиб бўлгувчидирлар».

Verse 174

ﯞﯟﯠﯡ ﯢ ​

174. Бас, (эй Муҳаммад алайҳис-салоту вас-салом), сиз улардан (яъни, Макка кофирларидан маълум) бир вақтгача юз ўгиринг!

Verse 175

ﯣﯤﯥ ﯦ ​

175. Ва уларни (яқинда мағлуб бўлганларида) кўринг! Бас, яқинда улар (куфрларининг оқибатини) кўражаклар!

Verse 176

ﯧﯨ ﯩ ​

176. Ҳали улар Бизнинг азобимизни шоширмоқдамилар?!

Verse 177

ﯪﯫﯬﯭﯮﯯ ﯰ ​

177. Бас, қачон (Бизнинг азобимиз) уларнинг ҳовлиларига (яъни, устларига) тушганида, ўша огоҳлантирилган кимсаларнинг кунлари жуда ёмон бўлур.

Verse 178

ﯱﯲﯳﯴ ﯵ ​

178. Сиз улардан (маълум) бир вақтгача юз ўгиринг!

Verse 179

ﯶﯷﯸ ﯹ ​

179. Ва уларни (яқинда мағлуб бўлганларида) кўринг! Бас, яқинда улар (куфрларининг оқибатини) кўражаклар!

Verse 180

ﯺﯻﯼﯽﯾﯿ ﰀ ​

180. Қудрат эгаси бўлмиш Парвардигорингиз уларнинг сифатларидан (яъни, ҳар қандай айбу нуқсондан) покдир.

Verse 181

ﰁﰂﰃ ﰄ ​

181. (Барча) пайғамбарларга Аллоҳ томонидан салом бўлгай!

Verse 182

ﰅﰆﰇﰈ ﰉ ​

182. Ҳамду сано барча оламларнинг Парвардигори — Аллоҳ учундир!