سورة المرسلات

الترجمة الأوزبكية - علاء الدين منصور

الترجمة الأوزبكية - علاء الدين منصور dan الأوزبكية tilida المرسلات surasining tarjimasi

الترجمة الأوزبكية - علاء الدين منصور

الذهاب لصفحة الكتاب
Verse 1
ﮑﮒ ﮓ ​
1. Пайдар-пай юбориладиган (шамол)ларга,
Verse 2
ﮔﮕ ﮖ ​
2. қутурадиган (бўрон)ларга қасам;
Verse 3
ﮗﮘ ﮙ ​
3. (Булутларни Аллоҳ хоҳлаган томонларга) ёйиб юборадиган,
Verse 4
ﮚﮛ ﮜ ​
4. (ҳақ билан ботилни ва ҳалол билан ҳаромни) ажратиб берадиган,
Verse 5
ﮝﮞ ﮟ ​
5. эслатма-ваҳий олиб тушадиган,
Verse 6
ﮠﮡﮢ ﮣ ​
6. (мўмин бандаларни) узр-мағфират қилиш учун ё (кофирларни Охират азобидан) огоҳлантириш учун (ваҳий олиб тушадиган фаришта)ларга (яъни, юқорида мазкур бўлган барча нарсаларга) қасамки,
Verse 7
ﮤﮥﮦ ﮧ ​
7. ҳеч шак-шубҳасиз, сизларга ваъда қилинаётган нарса (Қиёмат ва ҳисоб-китоб) воқеъ бўлгувчидир!
Verse 8
ﮨﮩﮪ ﮫ ​
8. Бас, қачон юлдузлар (нурлари сўниб) ўчирилгач;
Verse 9
ﮬﮭﮮ ﮯ ​
9. Ва қачон осмон (қобиғи) ёрилиб-очилгач;
Verse 10
ﮰﮱﯓ ﯔ ​
10. Ва қачон тоғлар (қумлар каби) сочилгач;
Verse 11
ﯕﯖﯗ ﯘ ​
11. Ва қачон пайғамбарларга (уларни ёлғончи қилган қавмлари билан ҳисоб-китоб қилишлари учун) белгиланган вақт келгач, (ана ўша вақтда ваъда қилинган Қиёмат қойим бўлур)!
Verse 12
ﯙﯚﯛ ﯜ ​
12. (Пайғамбар ўз қавмлари билан ҳисоб-китоб қилишлари) қай Кунга белгиланган эди?
Verse 13
ﯝﯞ ﯟ ​
13. (Ҳақ билан ботил) ажратиладиган Кунга (белгилангандир)!
Verse 14
ﯠﯡﯢﯣﯤ ﯥ ​
14. (Эй инсон), сен (ҳақ билан ботил) ажратиладиган Кун нима эканлигини қаердан ҳам билурсан?!
Verse 15
ﯦﯧﯨ ﯩ ​
15. У Кунда (ўша Кунни) ёлғон дегувчиларга ҳалокат бўлгай!
Verse 16
ﯪﯫﯬ ﯭ ​
16. Ахир Биз аввалги (ўз пайғамбарларини ёлғончи қилган уммат)ларни ҳалок қилмадикми?!
Verse 17
ﯮﯯﯰ ﯱ ​
17. Сўнгра кейинги (яъни, Муҳаммад алайҳис-салоту вас-саломни ёлғончи қилгувчи Макка кофирлари ва бошқа)ларни ҳам уларга эргаштирурмиз!
Verse 18
ﯲﯳﯴ ﯵ ​
18. Биз барча жиноятчи-кофирларни мана шундай (ҳалок) қилурмиз!
Verse 19
ﯶﯷﯸ ﯹ ​
19. У Кунда ўша Кунни ёлғон дегувчиларга ҳалокат бўлгай!
Verse 20
ﭑﭒﭓﭔﭕ ﭖ ​
20. Ахир Биз сизларни бир ҳақир сувдан яратмадикми?!
Verse 21
ﭗﭘﭙﭚ ﭛ ​
21. Сўнг у (сувни-нутфа)ни мустаҳкам қароргоҳда (она қорнида барқарор) қилиб қўймадикми?!
Verse 22
ﭜﭝﭞ ﭟ ​
22. Маълум муддатгача (яъни, ой-куни етиб туғилгунича она қорнида барқарор қилиб қўймадикми?!)
Verse 23
ﭠﭡﭢ ﭣ ​
23. Бас, Биз (бир томчи сувни комил инсон қилиб яратишга) қодир бўлдик. Нақадар қудратлидирмиз!
____________________
И з о ҳ. Ушбу оятларда яна қайта тирилиш масаласи баён қилинди. Мана бу ҳадиси қудсий ҳам юқоридаги оятларга муносиб тафсирдир. Пайғамбар алайҳис-салоту вас-салом бир куни кафтларига тупурдилар-да, саҳобаларга бармоқлари билан ўша тупукни кўрсатиб дедилар: «Аллоҳ таоло айтур: «Эй одам боласи, ахир Мeн сени худди мана шунга ўхшаган бир томчи сувдан яратдим-ку! Бас, сен Мендан (яъни, Қиёмат Куни Менинг ҳузуримга йиғилиб, ҳисоб-китоб беришдан) қаёққа ҳам қочиб қутула олар эдинг?!»
Verse 24
ﭤﭥﭦ ﭧ ​
24. У Кунда ёлғон дегувчиларга ҳалокат бўлгай!
Verse 25
ﭨﭩﭪﭫ ﭬ ​
25. Ахир Биз Ерни йиғгувчи қилиб қўймадикми?!
Verse 26
ﭭﭮ ﭯ ​
26. Тирикларни ҳам, ўликларни ҳам (йиғгувчи қилиб қўймадикми?!)
____________________
И з о ҳ. Мазкур оятлардан заминни беҳуда она дейилмаслиги маълум бўлади. Зеро, у тирикларни ўз елкасида — устида кўтариб турса, ўликларга ўз қучоғидан жой беради.
Verse 27
ﭰﭱﭲﭳﭴﭵﭶ ﭷ ​
27. Яна Биз (ерда) баланд тоғларни (пайдо) қилдик ва сизларни (ўша тоғлардан оқиб тушадиган) чучук-тотли сув билан суғордик.
Verse 28
ﭸﭹﭺ ﭻ ​
28. У Кунда ёлғон дегувчиларга ҳалокат бўлгай.
Verse 29
ﭼﭽﭾﭿﮀﮁ ﮂ ​
29. (У Кунда кофирларга дейилур): «Сизлар (ҳаёти-дунёдалик пайтингизда) ёлғон дегувчи бўлган нарсага (ҳисоб-китоб ва дўзах азобига) боринглар!
Verse 30
ﮃﮄﮅﮆﮇﮈ ﮉ ​
30. (Жаҳаннамда ёнаётган дўзахилардан кўтарилаётган бадбуй тутундан иборат, осмонга ўрлаган сари бўлиниб кетган) уч бўлакли «соя»га боринглар!
Verse 31
ﮊﮋﮌﮍﮎﮏ ﮐ ​
31. Ҳеч қандай салқинлик бермайдиган ва (дўзах) алангасини ҳам тўсмайдиган («соя»га боринглар!)»
Verse 32
ﮑﮒﮓﮔ ﮕ ​
32. Дарвоқеъ, у (жаҳаннам ҳар томонга ҳар бири) қасрдек учқунларни отиб турур!
Verse 33
ﮖﮗﮘ ﮙ ​
33. Худди сариқ туяларга ўхшаган (учқунларни отиб турур!)
Verse 34
ﮚﮛﮜ ﮝ ​
34. У Кунда ёлғон дегувчиларга ҳалокат бўлғай!
Verse 35
ﮞﮟﮠﮡ ﮢ ​
35. Бу (Кун) улар сўзлай олмайдиган
Verse 36
ﮣﮤﮥﮦ ﮧ ​
36. Ва улар учун узр айтишларига ҳам изн берилмайдиган Кундир!
Verse 37
ﮨﮩﮪ ﮫ ​
37. У Кунда ёлғон дегувчиларга ҳалокат бўлгай!
Verse 38
ﮬﮭﮮﮯﮰﮱ ﯓ ​
38. Бу (ҳақ билан ботил) ажратиладиган Кундир! (Эй бу Кунни ёлғон дегувчи кимсалар, мана) Биз сизларни ҳам, аввалги (ўз пайғамбарларини ёлғончи қилган)ларни ҳам жамладик.
Verse 39
ﯔﯕﯖﯗﯘ ﯙ ​
39. Мана, агар сизлар учун (дўзахдан қутқарадиган) бирон найранг бўлса, Менга ўша найрангларингизни кўрсатинглар-чи?
Verse 40
ﯚﯛﯜ ﯝ ​
40. У Кунда ёлғон дегувчиларга ҳалокат бўлгай!
Verse 41
ﯞﯟﯠﯡﯢ ﯣ ​
41. Тақводор зотлар эса (У Кунда) албатта соя-салқинлар ва чашмаларда,
Verse 42
ﯤﯥﯦ ﯧ ​
42. Ва кўнгиллари тусаган мева-чевалар устидадирлар.
Verse 43
ﯨﯩﯪﯫﯬﯭ ﯮ ​
43. (Уларга дейилур): «Қилиб ўтган (яхши) амалларингиз сабабли (ушбу жаннат ноз-неъматларини) пок билиб еб-ичаверинглар».
Verse 44
ﯯﯰﯱﯲ ﯳ ​
44. Албатта Биз чиройли амал қилгувчиларни мана шундай мукофотлармиз.
Verse 45
ﯴﯵﯶ ﯷ ​
45. У Кунда ёлғон дегувчиларга ҳалокат бўлгай!
Verse 46
ﯸﯹﯺﯻﯼ ﯽ ​
46. (Эй кофирлар) озгина вақт (яъни, тўрт кунлик дунёда ақлсиз ҳайвонлардек) еб, фойдаланиб қолинглар! Албатта сизлар жиноятчидирсизлар!
Verse 47
ﯾﯿﰀ ﰁ ​
47. У Кунда ёлғон дегувчиларга ҳалокат бўлгай!
Verse 48
ﰂﰃﰄﰅﰆﰇ ﰈ ​
48. Қачон уларга: «Рукуъ қилинглар, (яъни, намоз ўқинглар)», дейилса, рукуъ қилмаслар!
Verse 49
ﰉﰊﰋ ﰌ ​
49. У Кунда (ўша Кунни) ёлғон дегувчиларга ҳалокат бўлгай!
Verse 50
ﰍﰎﰏﰐ ﰑ ​
50. Ахир улар (Қуръондан) кейин (яъни, беназир илоҳий мўъжиза бўлган шундай азиз Китобга иймон келтирмасдан) қандай сўзга-китобга иймон келтирурлар?!
تقدم القراءة