وەرگێڕانی سورەتی الحجر بە الكردية لە الترجمة الكردية
Verse 1
بە (ئەلیف، لام، ڕا) دەخوێنرێتەوە خوا زاناترە بە ماناکەی، بۆ زانیاری زیاتر سەیری سەرەتای سورەتی (البقرة) بکە ئەمانە ئایەت و نیشانەکانی قورئانی ڕوون کەرەوە و ئاشکران
Verse 2
ئەوانەی کەبێ باوەڕ بوون (لە ئایندەیەکی نزیکدا) زۆر جار ئاوات دەخوازن کاشکای موسوڵمان بوونایە
Verse 3
لێیان گەڕێ بابخۆن و ڕابوێرن وئومێد وھیوا بێ ئاگایان بکات جا بێگومان لەمەو دوا دەزانن (چۆن سزایان دەدەین)
Verse 4
(خەڵکی) ھیچ شارێکمان لەناو نەبردووە مەگەر کاتی دیاریکراو بۆ لەناو چوونیان ھەبووە
Verse 5
وەھیچ ئوممەتێک پێش ناکەوێت لەکاتی لەناوبردنی خۆی ھەروەھا دواش ناکەوێت
Verse 6
(بێ باوەڕان) ووتیان ئەی ئەو کەسەی کە قورئان نێرراوەتە خوار بۆ سەرت بەڕاستی تۆ شێـتیت
Verse 7
دەی بۆ فریشتەمان بۆ ناھێنی (شایەتی بدات تۆ پێغەمبەری) ئەگەر تۆ لە ڕاست گۆیانیت
Verse 8
ئێمە فریشتە نانێرینە خوارەوە مەگەر بەڕاست و ڕەوا نەبێت وە ئەو کاتەش ئەوانە مۆڵەت نادرێن
Verse 9
بێگومان ھەر ئێمە قورئانمان ناردۆتە خوارەوە و بەڕاستی ھەر ئێمەش دەیپارێزین
Verse 10
سوێندبێت بێگومان ئێمە پێش تۆ پێغەمبەرانمان ناردووە لەناو ھۆز و کۆمەڵە پێشووەکاندا
Verse 11
ھیچ پێغەمبەرێکیان بۆ نەھاتووە ئیللا گاڵتە و لاقرتیـیان پێ کردووە
Verse 12
ﮰﮱﯓﯔﯕ
ﯖ
ئا بەو جۆرە ئێمە ئەو (قورئانە) دەخەینە ناو دڵی تاوانبارانەوە
Verse 13
کەچی ئەوان باوەڕی پێ ناھێنن کە بێگومان باو و ڕێبازی پێشووەکانیش ھەر وابووە
Verse 14
ئەگەر بۆمان بکردنایەتەوە دەرگایەک لە ئاسمانەوە و ئەوان پیایدا بڕۆشتنایەتە سەرەوە
Verse 15
ئەوسا دەیانووت بێگومان ئێمە چاوبەستـمان لێکراوە بەڵکو ئێمە کۆمەڵێکین جادومان لێکراوە
Verse 16
سوێند بە خوا بێگومان ئێمە دروستمان کردووە چەند بورجێک لە ئاسماندا و ئەو (ئاسمانە) مان ڕازاندۆتەوە بۆ سەرەنجدەران و تەماشاکەران
Verse 17
ﭙﭚﭛﭜﭝ
ﭞ
و ئەو (ئاسمانە) مان پاراستووە لە ھەموو شەیتانێکی دەرکراو لە بەزەیی خوا
Verse 18
مەگەر ئەوانەی کە بە دزیەوە گوێ دەگرن یەکسەر گڕو ئاگرێکی دیار دوای دەکەوێت (وڕاوی دەنێت)
Verse 19
زەویشمان ڕاخستووە و چەند کێو و شاخی دامەزراومان تێدا داناوە و ڕواندوومانە تیایدا لە ھەموو ڕووەک و درەختێک بەڕێک و پێکی
Verse 20
وە لەو (زەویە) دا ھۆکارەکانی ژیانمان بۆ ئێوە ڕەخساندوە ھەروەھا بۆ ئەوانەش کە ئێوە ڕزق و ڕۆزیان نادەن
Verse 21
وە ھیچ شتێک نیە مەگەر خەزێنەکانی لای ئێمەیە و نای نێرین و نایدەین بەئەندازەی دیاریکراو نەبێت
Verse 22
وە بـا ( ھەوا) مان ناردووە کە پیتێنەری دارو درەخت بێت ئەمجا لە ئاسمانەوە بارانمان باراندووە, وە ئێوەمان پێ تێراو کردووە لە کاتێکدا ئێوە نەتان دەتوانی ئەو (ئاوە) خەزن بکەن
Verse 23
ﮕﮖﮗﮘﮙﮚ
ﮛ
بێگومان ھەر ئێمە دەژێنین و دەشمرێنین ھەر ئێمەش میراتگری ھەمووانین
Verse 24
سوێند بە خوا ئێمە ئاگادارین بەوانەی لەپێش ئێوەوە بوون و سوێند بە خوا بێگومان ئەوانەش دەناسین کە پاش ئێوە دێن
Verse 25
بێگومان ھەر پەروەردگارت ھەموویان کۆ دەکاتەوە بەڕاستی ھەر خۆی کاردروست و زانایە
Verse 26
سوێندبێت بێگومان ئێمە ئادەمیمان دروستکرد لە قوڕێکی ڕەشی ترشاوی ڕەق
Verse 27
جنۆکەشمان پێشتر دروستکرد لە ئاگرێکی بەتین
Verse 28
(بیریان بخەرەوە) کاتێک پەروەردگارت بە فریشتەکانی فەرموو بەڕاستی من بەشەرێک دروست دەکەم لە قوڕێکی ڕەشی ترشاوی ڕەق
Verse 29
ھەر کاتێک ڕێک وپێکم کرد و فوم بە بەریدا کرد لە رۆحێک کە خۆم دروستم کردووە (مەبەست لەدانە پاڵی رۆح بۆلای خوا ڕێز و تەشریفە) دەبێ یەکسەر سوژدەی بۆ بەرن
Verse 30
ﯶﯷﯸﯹ
ﯺ
جا فریشتەکان ھەموو تێکڕا سوژدەیان برد (بۆی)
Verse 31
ئیبلیس (شەیتان) نەبێت کە سەرپێچی کرد لەوەی کە لەگەڵ سوژدەبەراندا بێت (بۆ ئادەم)
Verse 32
(خوا) فەرمووی ئەی ئیبلیس بۆ چی تۆ لەگەڵ سوژدە بەراندا نەبوویت؟!
Verse 33
(ئیبلیس) ووتی: من ھیچ کاتێ سوژدە نابەم بۆ بەشەرێک کە دروستت کردووە لە قوڕێکی ڕەشی ترشاوی ڕەق
Verse 34
ﭦﭧﭨﭩﭪ
ﭫ
(خوا پێی) فەرموو دەلەوێ (بەھەشت) بڕۆ دەرەوە چونکە بەڕاستی تۆ لە بەزەیی من دەرکراوی
Verse 35
ﭬﭭﭮﭯﭰﭱ
ﭲ
وە بەڕاستی نەفرینت لەسەرە تاڕۆژی دوایی
Verse 36
ﭳﭴﭵﭶﭷﭸ
ﭹ
ووتی ئەی پەروەردگارم دەی مۆڵەتم بدە ھەتا ئەو ڕۆژەی (مردووان) زیندوو دەکرێنەوە
Verse 37
ﭺﭻﭼﭽ
ﭾ
(خوا) فەرمووی ئەوە بەڕاستی تۆ لە مۆڵەت دراوانی
Verse 38
ﭿﮀﮁﮂ
ﮃ
تا ڕۆژێ کە کاتی دیاریکراوە
Verse 39
ووتی ئەی پەروەردگارم لەبەر ئەوەی گومڕات کردم بێگومان خۆشی (دونیا) یان لە زەویدا بۆ دەڕازێنمەوە وە بەڕاستی ھەموویان گومڕا دەکەم
Verse 40
ﮏﮐﮑﮒ
ﮓ
بەندە دڵسۆزەکانت نەبێت
Verse 41
ﮔﮕﮖﮗﮘ
ﮙ
(خوا) فەرمووی ئەمە ڕێگای ھەق و ڕاستە بەرەو من
Verse 42
بەڕاستی بەندەکانی من تۆ ھیچ دەسەڵاتت نیە بە سەریاندا جگە لەو گومڕایانەی کەشوێنت کەوتوون
Verse 43
ﮦﮧﮨﮩ
ﮪ
وە بێگومان دۆزەخ جێگای ھەموویانە
Verse 44
(دۆزەخ) حەوت دەرگای ھەیە ھەر دەرگایەکیشیان لەوانە دابەش کراوە بۆ چەند بەشێک
Verse 45
ﯕﯖﯗﯘﯙ
ﯚ
بەڕاستی خۆپارێزو لە خواترسان لەناو باخات و کانیاودان
Verse 46
ﯛﯜﯝ
ﯞ
(پێیان دەووترێت) بچنە ناویانەوە بەھێمنی و ئاسوودەیی
Verse 47
ھەر ڕق و کینەیەک لە دڵیاندا بووبێت دەرمان ھێناوە برای یەکترن بەرامبەر یەکترن لەسەر کورسی دانیشتوون
Verse 48
لەوێدا ماندوو بوونیان تووش نایەت و ھەرگیز لەو (بەھەشتە) دەرناکرێن
Verse 49
ھەواڵ بدە بە بەندەکانم کە بەڕاستی ھەر من لێبوردە و میھرەبانم
Verse 50
ﯻﯼﯽﯾﯿ
ﰀ
وبێگومان ھەر سزای منە سزای سەخت
Verse 51
ﰁﰂﰃﰄ
ﰅ
وە ھەواڵیان پێ بدە دەربارەی میوانەکانی ئیبراھیم
Verse 52
کاتێک چوونە ژورەوە بۆلای ووتیان سەلامت لێ بێت (ئیبراھیم) ووتی بەڕاستی ئێمە لێتان دەترسین
Verse 53
ووتیان (پێی) مەترسە بەڕاستی ئێمە مژدەت دەدەینێ بە (لە دایک بوونی) کوڕێکی زانا
Verse 54
ووتی ئایا مزگێنیم پێ دەدەن لە کاتێکدا کەپیر بووم ئیتر چی مژدەیەکم دەدەنێ
Verse 55
ووتیان ئەو مژدەی داومانە پێت ڕاستە و (دێتە دی) جا لە نائومێدان مەبە
Verse 56
ووتی جا کێ لە میھرەبانی پەروەردگاری نائومێد دەبێت کەسانی گومڕا نەبێت
Verse 57
ﭽﭾﭿﮀﮁ
ﮂ
(ئیبراھیم) فەرمووی ئەی ڕەوانەکراوانی (خوا) چ کارێکی گرنگتان ھەیە
Verse 58
ﮃﮄﮅﮆﮇﮈ
ﮉ
وتیان بەڕاستی ئێمە نێردراوین بۆ سەر گەلێکی تاوانبار (لەناویان بەرین)
Verse 59
ﮊﮋﮌﮍﮎﮏ
ﮐ
جگە لە ماڵ و منداڵی لوط کە بێگومان ھەموویان ڕزگار دەکەین
Verse 60
ﮑﮒﮓﮔﮕﮖ
ﮗ
ژنەکەی نەبێت کە بێگومان بڕیارمانداوە ئەو لە ڕیزی تیاچوەکان بێت
Verse 61
ﮘﮙﮚﮛﮜ
ﮝ
جا کاتێک نێردراوەکان ھاتن بۆ لای خاو خێزانی لوط
Verse 62
ﮞﮟﮠﮡ
ﮢ
(لوط) ووتی بەڕاستی ئێوە دەستەیەکی نەناسراون
Verse 63
ووتیان بەڵکو ئێمە بۆمان ھێناوی ئەو (سزای) کە ئەوان تێیدا دوودڵ بوون
Verse 64
ﮫﮬﮭﮮ
ﮯ
وە ئێمە ڕاستیمان بۆ تۆ ھێناوە بێگومان ئێمە ڕاستگۆین
Verse 65
جا کەواتە لە بەشێکی شەودا شەوڕەوی بە (شوێنکەوتووان و) خاوخێزانت بکە (لە شار دەرچۆ) و خۆت دوایان بکەوە ھیچ کامتان لانەکەنەوە و بڕۆن بۆ ئەو شوێنەی کەفەرمانتان پێدراوە
Verse 66
ئەم کارەمان بەنیگا بە لوط ڕاگەیاند کە بێگومان لە بەرەبەیاندا ئەوانە دوا بڕاو دەبن (ھەموویان لەناو دەچن)
Verse 67
ﯪﯫﯬﯭ
ﯮ
جا خـەڵـکی (نێربازی) شارەکە ھاتن (بەرە و ماڵی لوط) و مژدەیان بە یەکتری دەدا
Verse 68
ﯯﯰﯱﯲﯳﯴ
ﯵ
(لوط) ووتی دڵنیابن ئەمانە میوانی منن دەی ئابڕوم مەبەن
Verse 69
ﯶﯷﯸﯹ
ﯺ
و لە خوا بترسن و شەرمەزار و ڕیسوام مەکەن
Verse 70
ﯻﯼﯽﯾﯿ
ﰀ
ووتیان ئێمە پێمان نەووتیت نابێت بەرگری لە کەس بکەیت (نابێت میوانداری کەس بکەیت وکەس توخنت بکەوێت)
Verse 71
ﭑﭒﭓﭔﭕﭖ
ﭗ
(لوط) فەرمووی ئائەوانە کچانی منن (مارەیان کەن) ئەگەر ئێوە (ئەوکارە) ئەنجام دەدەن
Verse 72
ﭘﭙﭚﭛﭜ
ﭝ
سوێند بە تەمەن و ژیانی تۆ (ئەی موحەممەد ﷺ) بەڕاستی ئەوانە لەسەر خۆشی خۆیاندا سەرگەردانن
Verse 73
ﭞﭟﭠ
ﭡ
جا لە کاتی خۆر ھەڵھاتندا شریخەیەکی بەھێز گرتنی
Verse 74
ئەمجا ئەو (شارە) مان سەرو ژێر کرد و گڵی بەردینمان بەسەردا باراندن
Verse 75
ﭫﭬﭭﭮﭯ
ﭰ
بەڕاستی لەمەدا بەڵگەی زۆر ھەیە بۆ ئەوانەی بیردەکەنەوە
Verse 76
ﭱﭲﭳ
ﭴ
وە بێگومان ئەو (شارە وێران کراوە) لەسەر ڕێگای سەرەکی (کاروانەکان) دایە
Verse 77
ﭵﭶﭷﭸﭹ
ﭺ
بەڕاستی لەوەدا بەڵگەی گرنگ ھەیە بۆ بڕواداران
Verse 78
ﭻﭼﭽﭾﭿ
ﮀ
بەڕاستی خاوەن باخاتە زۆر پڕەکانیش (قەومی شوعەیب) لە ستەم کاران بوون
Verse 79
ﮁﮂﮃﮄﮅ
ﮆ
جا تۆڵەمان لێ سەندن جا بەڕاستی ئەم دووانە لەسەر ڕێگایەکی ئاشکرادان
Verse 80
ﮇﮈﮉﮊﮋ
ﮌ
سوێند بە خوا بێگومان خەڵکی حیجریش (گەلەکەی صاڵح) بڕوایان بە پێغەمبەرەکانیان نەکرد
Verse 81
ﮍﮎﮏﮐﮑ
ﮒ
بەڵگەو نیشانەکانی خۆمانمان پێدان بەڵام ئەوان ڕوویان لێ وەرگێڕا
Verse 82
ﮓﮔﮕﮖﮗﮘ
ﮙ
ئەوانە لە شاخەکاندا دەیانتاشی خانووی زۆر (قایمی) بێ ترس و بیم
Verse 83
ﮚﮛﮜ
ﮝ
ئەمجا دەنگ و پیاھەڵشاخانێکی بەھێز گرتنی لە بەرەبەیاندا
Verse 84
ﮞﮟﮠﮡﮢﮣ
ﮤ
جا ھەرچیان کردبوو (خانوو لە چیاکاندا) ھیچ سوودی پێ نەگەیاندن
Verse 85
وە ئێمە ئاسمانەکان و زەویمان دروست نەکردوە ئەوەش لە نێوانیاندایە بەھەق و ڕاستی نەبێت وە بێگومان ڕۆژی دوایی دێت تۆش بە جوانی چاوپۆشی بکە لێیان
Verse 86
ﯗﯘﯙﯚﯛ
ﯜ
بەڕاستی ھەر پەروەردگارت بەدیھێنەر و زانایە
Verse 87
سوێند بە خوا بەڕاستی حەوت ئایەتی دووبارە کراوەمان پێ بەخشیت (مەبەست لە سورەتی الفاتحة یە کە چەند جارێک لە نویژدا دووبارە دەبێتەوە) ھەروەھا قورئانی گەورەش
Verse 88
(ئەی موحەممەد ﷺ) چاوت مەبڕە ئەو نازو نیعمەتی (دونیا) کە داومانە بە کۆمەڵێک لەو بێ باوەڕانە و خەمیان بۆ مەخۆ وە باڵی بەزەیی ڕاخە بۆ بڕواداران
Verse 89
ﯵﯶﯷﯸﯹ
ﯺ
وە بڵێ بەڕاستی من ترسێنەرێکی ڕوون و ئاشکرام (دەتان ترسێنم لە سزایەک)
Verse 90
ﯻﯼﯽﯾ
ﯿ
وێنەی ئەو (سزایە) ی ناردمان بۆ دابەشکەران (مەبەست پێ جولەکە وگاورەکانە کە باوەڕیان دەکرد بەھەندێکی قورئان وبێ باوەڕیش بوون بەھەندێکی تری)
Verse 91
ﭑﭒﭓﭔ
ﭕ
ئەوانەی کە قورئانیان کردە چەند بەشەوە (باوەڕداربوون بە ھەندێکی و کافریش بوون بەوەی تری)
Verse 92
ﭖﭗﭘ
ﭙ
جا سوێند بە پەروەردگارت پرسیار لە ھەموویان دەکەین
Verse 93
ﭚﭛﭜ
ﭝ
لەوەی کە دەیانکرد (لە دونیادا)
Verse 94
ﭞﭟﭠﭡﭢﭣ
ﭤ
جا ھەر فەرمانێکت پێ دەدرێت بە ئاشکرا ڕایگەیەنە و گوێ بە ھاوبەشدانەران مەدە
Verse 95
ﭥﭦﭧ
ﭨ
بەڕاستی ئێمە تۆ دەپارێزین لە شەڕ و پیلانی ئەو کەسانەی گاڵتە و لاقرتی دەکەن بە ئاینەکەت
Verse 96
ئەوانەی لەگەڵ خوادا پەرستراوێکی تر دادەنێن جا دواتر دەزانن (چۆن سزایان دەدەین)
Verse 97
سوێند بە خوا بێگومان ئێمە دەزانین کە بەڕاستی تۆ دڵت تەنگ دەبێت بەوەی ئەوانە دەیڵێن
Verse 98
ﭻﭼﭽﭾﭿﮀ
ﮁ
کەواتە تەسبیحاتی پەروەردگارت بکە و لە سوژدەبەران بە
Verse 99
ﮂﮃﮄﮅﮆ
ﮇ
وە پەروەردگارت بپەرستە ھەتا مردن یەخەت پێ دەگرێت
تقدم القراءة