ترجمة معاني سورة الغاشية باللغة المالديفية من كتاب Divehi - Divehi; Dhivehi; Maldivian translation

آية رقم 1

ﭽﭾﭿﮀ ﮁ ​

ބިރުވެރިކަމާއިގެން އެންމެންނަށް ކުރިމަތިވެގެންއަންނާނޭ ކަންތަކުގެ ވާހަކަ) އެބަހީ: قيامة ގެ ވާހަކަ (ކަލޭގެފާނާ ހަމަޔަށް އައިސްފައިވޭތޯއެވެ؟

آية رقم 2

ﮂﮃﮄ ﮅ ​

އެދުވަހުން، ދެރަވެ ނިކަމެތިވެގެންވާ މޫނުތަކެއް ވެއެވެ.

آية رقم 3

ﮆﮇ ﮈ ​

މަސައްކަތްތެރި، ވަރުބަލި މޫނުތަކެކެވެ.

آية رقم 4

ﮉﮊﮋ ﮌ ​

ހޫނުކަން ގަދަވެގެންވާ ނަރަކަޔަށް އެއުރެން ވަންނާނެތެވެ.

آية رقم 5

ﮍﮎﮏﮐ ﮑ ​

ހޫނުކަން ނިހާޔަތަށް ގޮސްފައިވާ ފެންއާރަކުން އެއުރެންނަށް ބޯންދެއްވާނެތެވެ.

آية رقم 6

ﮒﮓﮔﮕﮖﮗ ﮘ ​

ކަށިހުރި، ވިހަ މޭވާޔަކުން މެނުވީ، އެއުރެންނަކަށް ކާނާއެއް ނުވެއެވެ.

آية رقم 7

ﮙﮚﮛﮜﮝﮞ ﮟ ​

) އެ ކެއުމަކުން (ހަށިގަނޑަކަށް ބާރެއް ނުދޭނެތެވެ. އަދި ބަނޑުހައި ހޫނުކަން ފިލުވައެއް ނުމެދޭނޭމެއެވެ.

آية رقم 8

ﮠﮡﮢ ﮣ ​

އެދުވަހުން نعمة ލިބިގެންވާ، އުފާވެރި މޫނުތަކެއް ވެއެވެ.

آية رقم 9

ﮤﮥ ﮦ ​

ދުނިޔޭގައި އެއުރެންކުޅަ މަސައްކަތަށް ރުހިގެންވެއެވެ.

آية رقم 10

ﮧﮨﮩ ﮪ ​

މަތިވެރިވެގެންވާ ސުވަރުގޭގައެވެ.

آية رقم 11

ﮫﮬﮭﮮ ﮯ ​

) ގެއްލުންދެނިވި (ބޭކާރު ވާހަކައެއް، އެތާނގައި އެއުރެން ނާހާނެތެވެ.

آية رقم 12

ﮰﮱﯓ ﯔ ​

ހިނގަހިނގާ ހުންނަ ފެންއާރެއް އެތާނގައިވެއެވެ.

آية رقم 13

ﯕﯖﯗ ﯘ ​

އުފުލިގެންވާ ދާންތައް އެތާނގައިވެއެވެ.

آية رقم 14

ﯙﯚ ﯛ ​

އަދި ބެހެއްޓިގެންވާ ތަށިތައްވެސްމެއެވެ.

آية رقم 15

ﯜﯝ ﯞ ​

އަދި އެތުރިގެންވާ ބާލީސްތައްވެސްމެއެވެ.

آية رقم 16

ﯟﯠ ﯡ ​

އަދި ފެތުރިގެންވާ ދޫލަތައްވެސްމެއެވެ.

آية رقم 17

ﯢﯣﯤﯥﯦﯧ ﯨ ​

ފަހެ، ޖަމަލު ހައްދަވާފައިވަނީ، ކޮންފަދައަކުން ކަމާމެދު އެއުރެން ޖަމަލަށް ނުބަލަނީހެއްޔެވެ.

آية رقم 18

ﯩﯪﯫﯬ ﯭ ​

އަދި އުޑު އުފުއްލަވާފައިވަނީ، ކޮންފަދައަކުން ކަމާމެދު އެއުރެން އުޑަށް ނުބަލަނީހެއްޔެވެ؟

آية رقم 19

ﯮﯯﯰﯱ ﯲ ​

އަދި ފަރުބަދަތައް ކޮޅަށް ނަންގަވާފައިވަނީ، ކޮންފަދައަކުން ކަމާމެދު އެއުރެން ފަރުބަދަތަކަށް ނުބަލަނީހެއްޔެެވެ؟

آية رقم 20

ﯳﯴﯵﯶ ﯷ ​

އަދި ބިން ފަތުރުއްވާފައިވަނީ، ކޮންފަދައަކުން ކަމާމެދު އެއުރެން ބިމަށް ނުބަލަނީހެއްޔެވެ؟

آية رقم 21

ﯸﯹﯺﯻ ﯼ ​

ފަހެ، ކަލޭގެފާނު) އެއުރެންނަށް (ހަނދުމަކޮށް ދެއްވާށެވެ! ކަލޭގެފާނު ވާކަން ކަށަވަރީ، ހަނދުމަކޮށްދެއްވާ ބޭކަލަކު ކަމުގައެވެ.

آية رقم 22

ﯽﯾﯿ ﰀ ​

އެއުރެންގެ މައްޗަށް ބާރު ހިންގަވާ ބޭކަލަކު ކަމުގައި ކަލޭގެފާނު ނުވެއެވެ.

آية رقم 23

ﭑﭒﭓﭔ ﭕ ​

ފުރަގަސްދީ، كافر ވި މީހަކަށް މެނުވީއެވެ.

آية رقم 24

ﭖﭗﭘﭙ ﭚ ​

ފަހެ، اللّه، އެމީހަކަށް ބޮޑުވެގެންވާ عذاب ން عذاب ދެއްވާނެތެވެ.

آية رقم 25

ﭛﭜﭝ ﭞ ​

ހަމަކަށަވަރުން، އެއުރެން އެނބުރި އައުންވަނީ، ތިމަންރަސްކަލާނގެ حضرة އަށެވެ.

آية رقم 26

ﭟﭠﭡﭢ ﭣ ​

ދެން އެއުރެންގެ حساب ބެއްލެވުން ވަނީވެސް، ހަމަކަށަވަރުން، ތިމަންރަސްކަލާނގެއަށެވެ.