ترجمة معاني سورة الغاشية باللغة الفلبينية من كتاب الترجمة الفلبينية (تجالوج) للمختصر في تفسير القرآن الكريم

آية رقم 1

ﭽﭾﭿﮀ ﮁ ​

Nakarating ba sa iyo, O Sugo, ang sanaysay ng Pagbangon [ng mga patay] na lulukob sa mga tao ng mga hilakbot nito?

آية رقم 2

ﮂﮃﮄ ﮅ ​

Ang mga tao sa Araw ng Pagbangon ay mga malumbay o mga maligaya, at mga mukha ng mga malulumbay ay nagpapakaaba na nagpapakumbaba,

آية رقم 3

ﮆﮇ ﮈ ​

pinapagod, pinapata sa mga tanikalang kumakaladkad sa mga iyon at mga kulyar na ikinukulyar sa mga iyon,

آية رقم 4

ﮉﮊﮋ ﮌ ​

papasok ang mga mukhang iyon sa isang Apoy na mainit, na magdurusa sa init niyon,

آية رقم 5

ﮍﮎﮏﮐ ﮑ ​

na paiinumin mula sa isang bukal na matindi ang init ng tubig.

آية رقم 6

ﮒﮓﮔﮕﮖﮗ ﮘ ​

Wala silang pagkaing ipantatawid-gutom nila maliban sa mula sa pinakakarimarimarim na pagkain at pinatubo mula sa halamang tinatawag na Shibriq, na kapag natuyo ay nagiging nakalalason,

آية رقم 7

ﮙﮚﮛﮜﮝﮞ ﮟ ​

na hindi nagpapataba sa kumakain nito at hindi nakahahadlang sa gutom niya.

آية رقم 8

ﮠﮡﮢ ﮣ ​

Ang mga mukha ng mga maligaya sa Araw na iyon ay may biyaya, saya, at galak dahil sa nakaharap nila na kaginhawahan,

آية رقم 9

ﮤﮥ ﮦ ​

na dahil sa maayos na gawa ng mga ito na ginagawa sa Mundo ay nalulugod sapagkat natagpuan ng mga ito ang gantimpala ng gawa ng mga ito na nakaimbak para sa mga ito, na pinag-ibayo,

آية رقم 10

ﮧﮨﮩ ﮪ ​

sa isang harding nakaangat ang lugar at ang kalagayan,

آية رقم 11

ﮫﮬﮭﮮ ﮯ ​

na hindi sila makaririnig sa Paraiso ng salita ng kabulaanan at kaluskus-balungos, lalo na para makarinig pa ng isang salitang ipinagbabawal.

آية رقم 12

ﮰﮱﯓ ﯔ ​

Sa harding ito ay may mga bukal na dumadaloy na pabubulwakin nila at paaagusin nila kung papaano nila loloobin.

آية رقم 13

ﯕﯖﯗ ﯘ ​

Doon ay may mga kamang mataas,

آية رقم 14

ﯙﯚ ﯛ ​

at may mga kopang nakahain na nakalaan para sa pag-inom,

آية رقم 15

ﯜﯝ ﯞ ​

at may mga unan na nakasiksik sa isa't isa,

آية رقم 16

ﯟﯠ ﯡ ​

at mga karpet na nakalatag dito at doon.

آية رقم 17

ﯢﯣﯤﯥﯦﯧ ﯨ ​

Kaya hindi ba sila tumitingin ng pagtingin ng pagninilay-nilay sa mga kamelyo kung papaanong lumikha si Allāh sa mga ito at nagpasilbi sa mga ito sa mga anak ni Adan?

آية رقم 18

ﯩﯪﯫﯬ ﯭ ​

[Hindi ba] sila tumitingin sa langit kung papaano Siyang nag-angat nito upang ito ay maging nasa itaas nila bilang bubong na pinag-iingatan, na hindi bumabagsak sa kanila?

آية رقم 19

ﯮﯯﯰﯱ ﯲ ​

[Hindi ba] sila tumitingin sa mga bundok kung papaano Siyang nagtirik sa mga ito nagpatatag sa pamamagitan ng mga ito sa lupa na baka maalog dahil sa mga tao?

آية رقم 20

ﯳﯴﯵﯶ ﯷ ​

[Hindi ba] sila tumitingin sa lupa kung papaano Siyang naglatag nito at gumawa nito na nakahanda para sa pagtigil ng mga tao sa ibabaw nito?

آية رقم 21

ﯸﯹﯺﯻ ﯼ ​

Kaya mangaral ka, o Sugo, sa mga ito at magpangamba ka sa kanila sa pagdurusang dulot ni Allāh. Ikaw ay isang tagapaalaala lamang; walang hinihiling sa iyo kundi ang pagpapaalaala sa kanila. Tungkol naman sa pagtutuon sa kanila sa pananampalataya, ito ay nasa kamay ni Allāh - tanging sa Kanya.

آية رقم 22

ﯽﯾﯿ ﰀ ​

Hindi ka sa kanila isang tagapangibabaw upang pumilit ka sa kanila sa pananampalataya.

آية رقم 23

ﭑﭒﭓﭔ ﭕ ​

Ngunit ang sinumang tumalikod kabilang sa kanila sa pananampalataya at tumangging sumampalataya kay Allāh at sa Sugo Niya

آية رقم 24

ﭖﭗﭘﭙ ﭚ ​

ay pagdurusahin siya ni Allāh sa Araw ng Pagbangon ng pagdurusang pinakamabigat sa pamamagitan ng pagpapasok sa kanya sa Impiyerno bilang mamamalagi roon.

آية رقم 25

ﭛﭜﭝ ﭞ ​

Tunay na tungo sa Amin - tanging sa Amin - ang panunumbalik nila matapos ng kamatayan nila.

آية رقم 26

ﭟﭠﭡﭢ ﭣ ​

Pagkatapos tunay na sa Amin - tanging sa Amin - ang pagtutuos sa kanila sa mga gawa nila, at hindi ukol sa iyo ni ukol sa isang iba pa sa iyo iyon.