ترجمة معاني سورة الغاشية باللغة الأردية من كتاب الترجمة الأردية

کیا تجھے بھی چھپا لینے والی (قیامت) کی خبر پہنچی ہے.*
____________________
* هَلْ بمعنی قَدْ ہے۔ غَاشِيَةٌ سے مراد قیامت ہے۔ اس لئے کہ اس کی ہولناکیاں تمام مخلوق کو ڈھانک لیں گی۔

آية رقم 2

ﮂﮃﮄ ﮅ

اس دن بہت سے چہرے ذلیل ہوں گے.*
____________________
* یعنی کافروں کے چہرے۔ خَاشِعَةٌ جھکے ہوئے، پست اور ذلیل۔ جیسے، نمازی، نماز کی حالت میں اللہ کے سامنے عاجزی اور تذلل سےجھکا ہوتا ہے۔

آية رقم 3

ﮆﮇ ﮈ

(اور) محنت کرنے والے تھکے ہوئے ہوں گے.*
____________________
* نَاصِبَةٌ کے معنی ہیں، تھک کر چور ہو جانا۔ یعنی انہیں اتنا پر مشقت عذاب ہوگا کہ اس سے ان کا سخت برا حال ہو گا۔ اس کا ایک دوسرا مفہوم یہ ہے کہ دنیا میں عمل کرکرے تھکے ہوئے ہوں گے یعنی بہت عمل کرتے رہے ہوں گے۔ لیکن وہ عمل باطل مذہب کے مطابق یا بدعات پر مبنی ہوں گے، اس لئے عبادات اور اعمال شاقہ کے باوجود جہنم میں جائیں گے۔ چنانچہ اسی مفہوم کی رو سے حضرت ابن عباس (رضي الله عنه) ما نے ”عَامِلَةٌ نَاصِبَةٌ“ سے نصاریٰ مراد لئے ہیں (صحيح البخاري تفسير سورة غاشية)۔

آية رقم 4

ﮉﮊﮋ ﮌ

وه دہکتی ہوئی آگ میں جائیں گے.

آية رقم 5

ﮍﮎﮏﮐ ﮑ

اور نہایت گرم چشمے کا پانی ان کو پلایا جائے گا.*
____________________
* یہاں وہ سخت کھولتا ہوا پانی مراد ہے جس کی گرمی انتہا کو پہنچی ہوئی ہو۔ ( فتح القدیر ) ۔

آية رقم 6

ﮒﮓﮔﮕﮖﮗ ﮘ

ان کے لئے سوائے کانٹے دار درختوں کے اور کچھ کھانے کو نہ ہوگا.*
____________________
* یہ ایک کانٹے دار درخت ہوتا ہے جسے خشک ہونے پر جانور بھی کھانا پسند نہیں کرتے۔ بہرحال یہ بھی زقوم کی طرح ایک نہایت تلخ، بدمزہ اور ناپاک ترین کھانا ہوگا، جو جز وبدن بنے گا، نہ اس سے بھوک ہی مٹے گی۔

آية رقم 7

ﮙﮚﮛﮜﮝﮞ ﮟ

جو نہ موٹا کرے گا نہ بھوک مٹائے گا.

آية رقم 8

ﮠﮡﮢ ﮣ

بہت سے چہرے اس دن تروتازه اور (آسوده حال) ہوں گے.

آية رقم 9

ﮤﮥ ﮦ

اپنی کوشش پر خوش ہوں گے.

آية رقم 10

ﮧﮨﮩ ﮪ

بلند وباﻻ جنتوں میں ہوں گے.

آية رقم 11

ﮫﮬﮭﮮ ﮯ

جہاں کوئی بیہوده بات نہیں سنیں گے.

آية رقم 12

ﮰﮱﯓ ﯔ

جہاں بہتا ہوا چشمہ ہوگا.

آية رقم 13

ﯕﯖﯗ ﯘ

(اور) اس میں اونچے اونچے تخت ہوں گے.

آية رقم 14

ﯙﯚ ﯛ

اور آبخورے رکھے ہوئے (ہوں گے).

آية رقم 15

ﯜﯝ ﯞ

اور ایک قطار میں لگے ہوئے تکیے ہوں گے.

آية رقم 16

ﯟﯠ ﯡ

اور مخملی مسندیں پھیلی پڑی ہوں گی.*
____________________
* یہ اہل جنت کا تذکرہ ہے، جو جہنمیوں کے برعکس نہایت آسودہ حال اور ہر قسم کی آسائشوں سے بہرہ ور ہوں گے۔ عَيْنٌ بطور جنس کے ہے یعنی متعدد چشمے ہوں گے۔ نَمَارِقُ بمعنی وَسَائِدَ ( تکیے ) ہے زَرَابِيُّ مسندیں، قالین اور گدے بستر مَبْثُوثَةٌ پھیلی ہوئی۔ یعنی یہ مسندیں جگہ جگہ بچھی ہوئی ہوں گی۔ اہل جنت جہاں آرام کرنا چاہیں گے، کر سکیں گے۔

آية رقم 17

ﯢﯣﯤﯥﯦﯧ ﯨ

کیا یہ اونٹوں کو نہیں دیکھتے کہ وه کس طرح پیدا کیے گئے ہیں.*
____________________
* اونٹ عرب میں عام تھے اور ان عربوں کی غالب سواری یہی تھی، اس لئے اللہ نے اسی کا ذکر کر کے فرمایا کہ اس کی خلقت پر غور کرو، اللہ نے اسے کتنا بڑا وجود عطا کیا ہے اور کتنی قوت وطاقت اس کے اندر رکھی ہے۔ اس کے باوجود وہ تمہارے لئے نرم اور تابع ہے، تم اس پر جتنا چاہو بوجھ لاد دو، وہ انکار نہیں کرے گا، تمہارا ماتحت ہو کر رہے گا۔ علاوہ ازیں اس کا گوشت تمہارے کھانے کے، اس کا دودھ تمہارے پینے کے اور اس کی اون، گرمی حاصل کرنے کے کام آتی ہے۔

آية رقم 18

ﯩﯪﯫﯬ ﯭ

اور آسمان کو کہ کس طرح اونچا کیا گیا ہے.*
____________________
* یعنی آسمان کتنی بلندی پر ہے، پانچ سو سال کی مسافت پر، پھر بھی بغیر ستون کے وہ کھڑا ہے۔ اس میں کوئی شگاف اور کجی بھی نہیں ہے۔ نیز ہم نے اسے ستاروں سے مزین کیا ہوا ہے۔

آية رقم 19

ﯮﯯﯰﯱ ﯲ

اور پہاڑوں کی طرف کہ کس طرح گاڑ دیئے گئے ہیں.*
____________________
* یعنی کس طرح انہیں زمین پر میخوں کی طرح گاڑ دیا گیا ہے تاکہ زمین حرکت نہ کرے۔ نیز ان میں جو معدنیات اور دیگر منافع ہیں، وہ اس کے علاوہ ہیں۔

آية رقم 20

ﯳﯴﯵﯶ ﯷ

اور زمین کی طرف کہ کس طرح بچھائی گئی ہے.*
____________________
* یعنی کس طرح اسے ہموار کرکے انسان کے رہنے کے قابل بنایا ہے، وہ اس پر چلتا پھرتا، کاروبار کرتا اور فلک بوس عمارتیں تعمیر کرتا ہے۔

آية رقم 21

ﯸﯹﯺﯻ ﯼ

پس آپ نصیحت کر دیا کریں (کیونکہ) آپ صرف نصیحت کرنے والے ہیں.*
____________________
* یعنی آپ کا کام صرف تذکیر اور تبلیغ ودعوت ہے، اس کے علاوہ یا اس سے بڑھ کر نہیں۔

آية رقم 22

ﯽﯾﯿ ﰀ

آپ کچھ ان پر داروغہ نہیں ہیں.*
____________________
* کہ انہیں ایمان لانے پر مجبور کریں۔ بعض کہتے ہیں کہ یہ ہجرت سے قبل کا حکم ہے جو آیت سیف سے منسوخ ہو گیا، کیوں کہ اس کے بعد نبی (صلى الله عليه وسلم) نے فرمایا۔ ”أُمِرْتُ أَنْ أُقَاتِلَ النَّاسَ حَتَّى يَقُولُوا : لا إِلَهَ إِلا اللهُ فَإِذَا قَالُوهَا، عَصَمُوا مِنِّي دِمَاءَهُمْ وَأَمْوَالَهُمْ إِلا بِحَقِّهَا؛ وَحِسَابُهُمْ عَلَى اللهِ“۔ (صحيح بخاري، باب وجوب الزكاة مسلم كتاب الإيمان، باب الأمر بقتال الناس حتى يقولوا...) ”مجھے حکم دیا گیا ہے کہ میں لوگوں سے قتال کروں یہاں تک کہ وہ لا الہ الا اللہ کا اقرار کر لیں۔ جب وہ یہ اقرار کر لیں گے تو انہوں نے مجھ سے اپنے خونوں اور مالوں کو بچا لیا۔ سوائے حق اسلام کے، ( جو اگر ہمارے علم میں نہ آیا تو ) ان کا حساب اللہ کے ذمے ہے“۔

آية رقم 23

ﭑﭒﭓﭔ ﭕ

ہاں! جو شخص روگردانی کرے اور کفر کرے.

آية رقم 24

ﭖﭗﭘﭙ ﭚ

اسے اللہ تعالیٰ بہت بڑا عذاب دے گا.*
____________________
* یعنی جہنم کا دائمی عذاب۔

آية رقم 25

ﭛﭜﭝ ﭞ

بیشک ہماری طرف ان کا لوٹنا ہے.

آية رقم 26

ﭟﭠﭡﭢ ﭣ

پھر بیشک ہمارے ذمہ ہے ان سے حساب لینا.*
____________________
* مشہور ہے کہ اس کے جواب میں اللَّهُمَّ! حَاسِبْنَا حِسَابًا يَسِيرًا ۔ پڑھا جائے۔ یہ دعا تو نبی (صلى الله عليه وسلم) سے ثابت ہے جو آپ (صلى الله عليه وسلم) اپنی بعض نمازوں میں پڑھتے تھے، جیسا کہ سورۂ انشقاق میں گزرا۔ لیکن اس کے جواب میں پڑھنا، یہ آپ (صلى الله عليه وسلم) سے ثابت نہیں ہے۔

تقدم القراءة