ترجمة معاني سورة التكوير باللغة المالديفية من كتاب Divehi - Divehi; Dhivehi; Maldivian translation

آية رقم 1

ﭙﭚﭛ ﭜ ​

އިރުގެ އަލިކަން ފިލައި، ހިނގައިދާ ހިނދެވެ.

آية رقم 2

ﭝﭞﭟ ﭠ ​

އަދި ތަރިތަކުން އަލިކަން ފިލައި، ބުރަބުރައިގެންދާ ހިނދެވެ.

آية رقم 3

ﭡﭢﭣ ﭤ ​

އަދި ފަރުބަދަތައް ލުހި، ފުނޑުފުނޑުވާ ހިނދެވެ.

آية رقم 4

ﭥﭦﭧ ﭨ ​

އަދި މާބަނޑު ޖަމަލުތައް އަޅާނުލައި ދޫކޮށްލާ ހިނދެވެ.

آية رقم 5

ﭩﭪﭫ ﭬ ​

އަދި ވަލު ޖަނަވާރުތައް (އެއްތަނަކަށް) އެއްކުރައްވާ ހިނދެވެ.

آية رقم 6

ﭭﭮﭯ ﭰ ​

އަދި ކަނޑުތައް ރޯވެ، އަނދައިގަންނަ ހިނދެވެ.

آية رقم 7

ﭱﭲﭳ ﭴ ​

އަދި ފުރާނަތައް، އޭގެ ހަށިތަކާ ގުޅިދާހިނދެވެ.

آية رقم 8

ﭵﭶﭷ ﭸ ​

އަދި ދިރިއޮއްވައި ވަޅުލި އަންހެން ދަރިޔާއާ سؤال ކުރައްވާ ހިނދެވެ.

آية رقم 9

ﭹﭺﭻ ﭼ ​

އޭނާ މަރައިލީ ކޮން ކުށެއްގެ ސަބަބުން ހެއްޔެވެ؟

آية رقم 10

ﭽﭾﭿ ﮀ ​

އަދި ފަތްފުށްތައް ނިއުޅައިލައްވާ ހިނދެެވެ.

آية رقم 11

ﮁﮂﮃ ﮄ ​

އަދި އުޑު ގެންދަވާ ހިނދެވެ.

آية رقم 12

ﮅﮆﮇ ﮈ ​

އަދި ނަރަކަ ރޯކޮށްލައްވާ ހިނދެވެ.

آية رقم 13

ﮉﮊﮋ ﮌ ​

އަދި ސުވަރުގެ ގާތްކުރައްވާ ހިނދެވެ.

آية رقم 14

ﮍﮎﮏﮐ ﮑ ​

ކޮންމެ نفس އަކަށްމެ، އެ نفس އެއް حاضر ކުޅަކަމެއް (އެހިނދު) އެނގޭނެތެވެ.

آية رقم 15

ﮒﮓﮔ ﮕ ​

ކޮންމެ نفس އަކަށްމެ، އެ نفس އެއް حاضر ކުޅަކަމެއް (އެހިނދު) އެނގޭނެތެވެ.

آية رقم 16

ﮖﮗ ﮘ ​

ފަހެ، ރޭގަނޑަށް ފާޅުކަންބޮޑު، ދުވާލު ވަންހަނާވާ، ހިނގަހިނގާ ހުންނަ ތަރިތައް ގަންދެއްވަމެވެ.

آية رقم 17

ﮙﮚﮛ ﮜ ​

އަދި ރޭގަނޑު އަނދިރިކަމާއިގެން ފަސްދީދާހިނދު، އެ ރޭގަނޑު ގަންދެއްވަމެވެ.

آية رقم 18

ﮝﮞﮟ ﮠ ​

އަދި ފަތިހުގެ އަލިކަން ފާޅުވާހިނދު، އެ ފަތިސް ގަންދެއްވަމެވެ.

آية رقم 19

ﮡﮢﮣﮤ ﮥ ​

ހަމަކަށަވަރުން، އެއީ މާތްވެގެންވާ رسول އަކު (އެބަހީ: جبريل ގެފާނު) ގެންނެވި ބަސްފުޅުކަން ކަށަވަރެވެ.

آية رقم 20

ﮦﮧﮨﮩﮪﮫ ﮬ ​

عرش ގެ ވެރިރަސްކަލާނގެ حضرة ގައި ބާރެއްގެ ވެރި ދަރަޖަވެރިޔެކެވެ.

آية رقم 21

ﮭﮮﮯ ﮰ ​

އެތާނގައި (އެބަހީ: އުޑުތަކުގައި) ކިޔަމަންވެވޭ އަމާނާތްތެރިޔެކެވެ.

آية رقم 22

ﮱﯓﯔ ﯕ ​

އަދި ތިޔަބައިމީހުންގެ އެކުވެރިޔާއީ (އެބަހީ: محمد ގެފާނީ) މޮޔައަކު ކަމުގައި ނުވެއެވެ.

آية رقم 23

ﯖﯗﯘﯙ ﯚ ​

އަދި ހަމަކަށަވަރުން، އެކަލޭގެފާނު (އެބަހީ: محمد ގެފާނު) ފާޅުވެގެންވާ އުދަރެހުން އެކަލޭގެފާނު (އެބަހީ: جبريل ގެފާނު) ދެކެވަޑައިގަތެވެ.

آية رقم 24

ﯛﯜﯝﯞﯟ ﯠ ​

އަދި غيب ގެ ކަންތައް ފޮރުވައި، ހިފަހައްޓަވާ ބޭކަލަކު ކަމުގައި އެކަލޭގެފާނު (އެބަހީ: محمد ގެފާނު) ނުވެއެވެ.

آية رقم 25

ﯡﯢﯣﯤﯥ ﯦ ​

އަދި رحمة ން ބޭރުކުރައްވާފައިވާ شيطان އެއްގެ ބަސްކަމުގައިވެސް އެ قرآن ނުވެއެވެ.

آية رقم 26

ﯧﯨ ﯩ ​

ފަހެ، ތިޔަބައިމީހުން ތިޔަދަނީ ކޮންތާކަށް ހެއްޔެވެ؟

آية رقم 27

ﯪﯫﯬﯭﯮ ﯯ ​

عالم ތަކަށް ހަނދާންކޮށްދިނުމެއް ކަމުގައި މެނުވީ އެ قرآن ނުވެއެވެ.

آية رقم 28

ﯰﯱﯲﯳﯴ ﯵ ​

ތިޔަބައިމީހުންކުރެ ސީދާވެގަތުމަށް އެދޭ މީހަކަށްޓަކައެވެ.

آية رقم 29

ﯶﯷﯸﯹﯺﯻﯼﯽ ﯾ ​

عالم ތަކުގެ ވެރި اللَّه އިރާދަކުރެއްވުމުން މެނުވީ، ތިޔަބައިމީހުންނަކަށް (އެއްވެސް ކަމެއް) ނޭދެވޭނެތެވެ.