ترجمة معاني سورة الإنسان باللغة الهوساوية من كتاب Abubakar Mahmoud Gumi - Hausa translation

آية رقم 1

ﯜﯝﯞﯟﯠﯡﯢﯣﯤﯥﯦ ﯧ ​

Al-Insan

Lalle ne, wata mudda ta zamani tã zo a kan mutum, bai kasance kõme ba wanda ake ambata.

آية رقم 2

ﯨﯩﯪﯫﯬﯭﯮﯯﯰﯱ ﯲ ​

Lalle ne, Mũ Mun halitta mutum daga ɗigon ruwa garwayayye, Muna jarraba shi, sabõda haka Muka sanya shi mai ji mai gani,

آية رقم 3

ﯳﯴﯵﯶﯷﯸﯹ ﯺ ​

Lalle ne, Mũ, Mun shiryar da shi ga hanyar ƙwarai, ko ya zama mai gõdiya, kuma ko ya zama mai kãfirci.

آية رقم 4

ﯻﯼﯽﯾﯿﰀ ﰁ ​

Lalle ne, Mũ, Mun yi tattali, dõmin kãfirai, sarƙoƙi da ƙuƙumma da sa'ĩr.

آية رقم 5

ﰂﰃﰄﰅﰆﰇﰈﰉ ﰊ ​

Lalle ne, mutãnen kirki zã su sha daga finjãlin giya abin gaurayarta yã kãsance kãfur ne.

آية رقم 6

ﭑﭒﭓﭔﭕﭖﭗ ﭘ ​

Wani marmaro ne, daga gare shi bayin Allah suke sha, suna ɓuɓɓugar da shi ɓuɓɓugarwa.

آية رقم 7

ﭙﭚﭛﭜﭝﭞﭟ ﭠ ​

Suna cikãwa da alwãshin (da suka bãkanta), kuma suna tsõron wani yini wanda sharrinsa ya kasance mai tartsatsi ne.

آية رقم 8

ﭡﭢﭣﭤﭥﭦﭧ ﭨ ​

Kuma suna ciyar da abinci, a kan suna bukãtarsa, ga matalauci da marãya da kãmamme.

آية رقم 9

ﭩﭪﭫﭬﭭﭮﭯﭰﭱﭲ ﭳ ​

(Suna cẽwa): "Munã ciyar da ku ne dõmin nẽman yardar Allah kawai, bã mu nufin sãmun wani sakamako daga gare ku, kuma bã mu nufin gõdiya.

آية رقم 10

ﭴﭵﭶﭷﭸﭹﭺ ﭻ ​

"Lalle ne, mũ muna tsõro daga Ubangijinmu, wani yini mai gintsẽwa, mai murtukẽwa."

آية رقم 11

ﭼﭽﭾﭿﮀﮁﮂﮃ ﮄ ​

Sabõda haka Allah Ya tsare musu sharrin wannan yini, kuma Ya hlɗa su da annũrin huska da farin ciki,

آية رقم 12

ﮅﮆﮇﮈﮉ ﮊ ​

Kuma Ya sãka musu sabõda haƙurin da suka yi, da Aljanna da tufãfin alharini.

آية رقم 13

ﮋﮌﮍﮎﮏﮐﮑﮒﮓﮔﮕ ﮖ ​

Sunã mãsu zaman ginciri, a cikinta, a kan karagu, bã su ganin rãnã a cikinta, kuma bã su ganin jaura.

آية رقم 14

ﮗﮘﮙﮚﮛﮜ ﮝ ​

Kuma, inuwõyinta suna kusa, a kansu, an hõre nunannun 'yã'yan itãcenta, hõrẽwa.

آية رقم 15

ﮞﮟﮠﮡﮢﮣﮤﮥ ﮦ ​

Kuma ana kẽwayãwa a kansu da finjãlai na azurfa da kofuna waɗanda suka kasance na ƙarau.

آية رقم 16

ﮧﮨﮩﮪﮫ ﮬ ​

¡arau na azurfa, sun ƙaddara su ƙaddarawa, daidai bukãta.

آية رقم 17

ﮭﮮﮯﮰﮱﯓ ﯔ ​

Ana shayarwa da su, a cikinta, finjalan giya, wadda abin gaurayarta ya kasance zanjabil ne.

آية رقم 18

ﯕﯖﯗﯘ ﯙ ​

Wani marmaro ne, a cikinta, ana kiran sa salsabil.

آية رقم 19

ﯚﯛﯜﯝﯞﯟﯠﯡﯢﯣ ﯤ ​

Kuma wasu yara samãrin dindindin na kẽwayãwa, a kansu, idan ka gan su, zã ka zaci sũ lu'ulu'u ne wanda aka wãtsa.

آية رقم 20

ﯥﯦﯧﯨﯩﯪﯫ ﯬ ​

Kuma idan kã ga wannan wurin, to, kã ga wata irin ni'ima da mulki babba.

آية رقم 21

ﯭﯮﯯﯰﯱﯲﯳﯴﯵﯶﯷﯸﯹﯺ ﯻ ​

Tufãfinsu na sama na alharĩ ni ne, kõre da mai walƙiya, kuma an ƙawãce su da mundãye na wata curin azurfa kuma Ubangijinsu, Ya shãyar da su abin sha mai tsarkakẽwar (ciki).

آية رقم 22

ﯼﯽﯾﯿﰀﰁﰂﰃ ﰄ ​

(A ce musu) "Lalle ne, wannan ya kasance, a gare ku sakamako, kuma aikink. ya kasance abin gõdewa."

آية رقم 23

ﰅﰆﰇﰈﰉﰊ ﰋ ​

Lalle, Mũ ne Muka saukar da Alƙur'ãni a gare ka, saukarwa.

آية رقم 24

ﰌﰍﰎﰏﰐﰑﰒﰓﰔ ﰕ ​

Sabõda haka ka yi haƙuri ga hukuncin Ubangijinka, kuma kada ka bi, daga cikinsu, mai zunubi ko mai kãfirci.

آية رقم 25

ﰖﰗﰘﰙﰚ ﰛ ​

Kuma ka ambaci sũnan Ubangijinka, sãfe da maraice.

آية رقم 26

ﭑﭒﭓﭔﭕﭖﭗ ﭘ ​

Daga dare, sai ka yi sujũda gare Shi, kuma ka tsarkake Shi darẽ mai tsawo.

آية رقم 27

ﭙﭚﭛﭜﭝﭞﭟﭠ ﭡ ​

Lalle ne, waɗannan suna son mai gaugãwa (dũniya) kuma suna bari, a bãyansu, wani yini mai nauyi.

آية رقم 28

ﭢﭣﭤﭥﭦﭧﭨﭩﭪﭫ ﭬ ​

Mũ ne Muka halitta su kuma Muka, ƙarfafa halittarsu, kuma idan Mun so, za Mu musanyâ su da wasu mutane kwatankwacinsu, musanyawa.

آية رقم 29

ﭭﭮﭯﭰﭱﭲﭳﭴﭵﭶ ﭷ ​

Lalle ne, wannan wata tunãtarwa ce, saboda wanda ya so ya riƙa hanyar kirki zuwa ga Ubangijinsa.

آية رقم 30

ﭸﭹﭺﭻﭼﭽﭾﭿﮀﮁﮂﮃ ﮄ ​

Kuma, bã zã ku so ba, sai Allah Ya so, lalle ne Allah Yã kasance Masani' Mai hikima.

آية رقم 31

ﮅﮆﮇﮈﮉﮊﮋﮌﮍﮎﮏ ﮐ ​

Yana shigar da wanda Ya so a cikin rahamarsa, kuma azzãlumai, Yã yi musu tattalin wata azãba mai raɗaɗi.