ترجمة معاني سورة الضحى باللغة تتاري من كتاب Tatar - Tatar translation

آية رقم 1

ﮉ ﮊ ​

Төшкә хәтле булган вакыт белән ант" итәм.

آية رقم 2

ﮋﮌﮍ ﮎ ​

Вә төн белән ант итәм, һәркайчан ул төн караңгылыгы белән һәрнәрсәне капласа.

آية رقم 3

ﮏﮐﮑﮒﮓ ﮔ ​

Ий Мухәммәд г-м, Раббың сине ташламады һәм сиңа ачуланмады да. (Яһүдләр беркөнне Мухәммәд г-мнән Зүл карнәен вә асъхаб каһәф хәбәрен һәм рух рәвешене сорадылар. Мухәммәд г-м аларга: "Иртәгә җавап бирермен", диде, ләкин, Аллаһ теләсә димәде. Шуннан соң вәхий киселде, берничә вакытлар Җәбраил фәрештә иңмәде. Шул вакытта мөшрикләр: "Мухәммәдне Раббысы ташлады һәм аңа ачуланды", – диделәр. Бу сүрә шул хакта инде.)

آية رقم 4

ﮕﮖﮗﮘﮙ ﮚ ​

Сиңа, әлбәттә, ахирәт дөньядан хәерлерәкдер. (Ягъни Аллаһ сине патша кылмады һәм сине миллиардер да кылмады, чөнки болар һәммәсе бетә торган нәрсәләр. Бәлки сиңа Раббың дәрәҗәсе мәңгегә кала торган пәйгамбәрлекне бирде.)

آية رقم 5

ﮛﮜﮝﮞ ﮟ ​

Вә тиздән сиңа Раббың өмет иткәнеңне һәм сораганыңны бирер дә, син Аның биргәненнән разый булырсың.

آية رقم 6

ﮠﮡﮢﮣ ﮤ ​

Әйә Раббың сине ятим хәлендә табып тәрбия урынын насыйп итмәдеме? (Атасы белән бертуган кардәше Әбү Талиб тәрбияләп үстерде.)

آية رقم 7

ﮥﮦﮧ ﮨ ​

Дәхи Раббың сине пәйгамбәр булганчы хак диннән адашучы табып, аннары туры юлга күндерде түгелме?

آية رقم 8

ﮩﮪﮫ ﮬ ​

Дәхи Раббың сине бик фәкыйрь табып, аннары сине бай кылды түгелме?

آية رقم 9

ﮭﮮﮯﮰ ﮱ ​

Башта үзең ятим булгач, ятимгә золым итмә, какма, сукма – бәлки хөрмәтлә.

آية رقم 10

ﯓﯔﯕﯖ ﯗ ​

Һәм синнән сораучыга каты мөгамәлә кылма, ни сораса да җавап бир һәм теләген үтә.

آية رقم 11

ﯘﯙﯚﯛ ﯜ ​

Һәм Раббыңның нигъмәте булган шәригать хөкемнәрен кешеләргә өйрәт һәм сөйләп төшендер! Чөнки шәригатьне белмәгән кешеләр Аллаһуның ґәзабына ашыгалар. Ә син аларны җәннәткә кызыктыр һәм чакыр!