Surah سورة الحجر

Verse 1

ﭑﭒﭓﭔﭕﭖﭗ ﭘ

’Alif lām rọ̄. Ìwọ̀nyí ni àwọn āyah Tírà náà àti (àwọn āyah) al-Ƙur’ān t’ó ń yanjú ọ̀rọ̀ ẹ̀dá.

Verse 2

ﭙﭚﭛﭜﭝﭞﭟ ﭠ

Ó ṣeé ṣe kí àwọn t’ó ṣàì gbàgbọ́ nífẹ̀ẹ́ sí pé àwọn ìbá sì ti jẹ́ mùsùlùmí (nílé ayé).

Verse 3

ﭡﭢﭣﭤﭥﭦﭧﭨ ﭩ

Fi wọ́n sílẹ̀, kí wọ́n jẹ, kí wọ́n gbádùn, kí ìrètí (ẹ̀mí gígùn) kó àìrójú ráàyè bá wọn (láti ṣẹ̀sìn); láìpẹ́ wọ́n máa mọ̀.

Verse 4

ﭪﭫﭬﭭﭮﭯﭰﭱ ﭲ

A kò pa ìlú kan run rí àfi kí ó ní àkọsílẹ̀ tí A ti mọ̀.

Verse 5

ﭳﭴﭵﭶﭷﭸﭹ ﭺ

Kò sí ìjọ kan (tí ó parun) ṣíwájú àkókò rẹ̀ (nínú Laohul-Mahfuuṭḥ); wọn kò sì níí sún un ṣíwájú fún wọn.

Verse 6

ﭻﭼﭽﭾﭿﮀﮁﮂ ﮃ

Wọ́n wí pé: “Ìwọ tí Wọ́n sọ al-Ƙur’ān kalẹ̀ fún, dájúdájú wèrè ni ẹ́.

Verse 7

ﮄﮅﮆﮇﮈﮉﮊﮋ ﮌ

Kí ni kò jẹ́ kí ìwọ mú àwọn mọlāika wá bá wa, tí ìwọ bá wà nínú àwọn olódodo?”

Verse 8

ﮍﮎﮏﮐﮑﮒﮓﮔﮕ ﮖ

A ò níí sọ mọlāika kalẹ̀ bí kò ṣe pẹ̀lú òdodo. Wọn kò sì níí lọ́ wọn lára mọ́ nígbà náà (tí àwọn mọlāika bá sọ̀kalẹ̀).

Verse 9

ﮗﮘﮙﮚﮛﮜﮝ ﮞ

Dájúdájú Àwa l’A sọ Tírà Ìrántí kalẹ̀ (ìyẹn al-Ƙur’ān). Dájúdájú Àwa sì ni Olùṣọ́ rẹ̀.

Verse 10

ﮟﮠﮡﮢﮣﮤﮥ ﮦ

Dájúdájú ṣíwájú rẹ A ti rán (àwọn Òjíṣẹ́) níṣẹ́ sí àwọn ìjọ, àwọn ẹni àkọ́kọ́.

Verse 11

ﮧﮨﮩﮪﮫﮬﮭﮮ ﮯ

Òjíṣẹ́ kan kò sì níí dé bá wọn àfi kí wọ́n fi ṣe yẹ̀yẹ́.

Verse 12

ﮰﮱﯓﯔﯕ ﯖ

Báyẹn ni A ṣe ń fi (àìsàn) sínú ọkàn àwọn ẹlẹ́ṣẹ̀.

Verse 13

ﯗﯘﯙﯚﯛﯜﯝ ﯞ

Wọn kò níí gba Ànábì (sollalāhu 'alayhi wa sallam) gbọ́; ìṣe (Allāhu lórí) àwọn ẹni àkọ́kọ́ kúkú ti ré kọjá.
____________________
Ìṣe Allāhu lórí ẹ̀dá lásìkò ìparun nílé ayé ni pé, Allāhu (subhānahu wa ta'ālā) máa ń gba àwọn onígbàgbọ́ òdodo là, Ó sì máa ń pa àwọn aláìgbàgbọ́ run gẹ́gẹ́ bí ó ṣe ṣẹlẹ̀ sí ìjọ Ànábì Nūh, ìjọ Ànábì Lūt àti bẹ́ẹ̀ bẹ́ẹ̀ lọ.

Verse 14

ﯟﯠﯡﯢﯣﯤﯥﯦﯧ ﯨ

Tí ó bá jẹ́ pé A ṣí ìlẹ̀kùn kan sílẹ̀ fún wọn láti inú sánmọ̀, tí wọn kò sì yé gbabẹ̀ gùnkè lọ (sínú sánmọ̀),

Verse 15

ﯩﯪﯫﯬﯭﯮﯯﯰ ﯱ

dájúdájú wọ́n á wí pé: “Wọ́n kúkú lo ìṣíjú fún wa ni. Ńṣe ni wọ́n ń dan wá.”

Verse 16

ﭑﭒﭓﭔﭕﭖﭗ ﭘ

A kúkú fi àwọn ibùsọ̀ (ìràwọ̀) sínú sánmọ̀ (ayé). A sì ṣe é ní ọ̀ṣọ́ fún àwọn olùwòran.

Verse 17

ﭙﭚﭛﭜﭝ ﭞ

A sì fi ààbò bo ìmísí sánmọ̀ lọ́dọ̀ gbogbo èṣù, ẹni ẹ̀kọ̀.

Verse 18

ﭟﭠﭡﭢﭣﭤﭥ ﭦ

Àfi (èṣù) tí ó bá jí ọ̀rọ̀ gbọ́. Nígbà náà sì ni ògúnná pọ́nńbélé yó tẹ̀lé e láti ẹ̀yìn.

Verse 19

ﭧﭨﭩﭪﭫﭬﭭﭮﭯﭰﭱ ﭲ

Ilẹ̀, A tẹ́ ẹ pẹrẹsẹ. A sì ju àwọn àpáta t’ó dúró gbagidi sínú rẹ̀. A sì mú gbogbo n̄ǹkan tí ó ní òdíwọ̀n hù jáde láti inú rẹ̀.

Verse 20

ﭳﭴﭵﭶﭷﭸﭹﭺ ﭻ

A ṣe ọ̀nà ìjẹ-ìmu sínú (ilé ayé) fun ẹ̀yin àti àwọn tí ẹ̀yin kò lè pèsè fún.

Verse 21

ﭼﭽﭾﭿﮀﮁﮂﮃﮄﮅﮆ ﮇ

Kò sì sí kiní kan àfi kí ilé-ọrọ̀ rẹ̀ wà lọ́dọ̀ Wa. Àwa kò sì níí sọ̀ ọ́ kalẹ̀ àfi pẹ̀lú òdíwọ̀n tí A ti mọ̀.

Verse 22

ﮈﮉﮊﮋﮌﮍﮎﮏﮐﮑﮒﮓ ﮔ

Àti pé A rán atẹ́gùn láti kó ẹ̀ṣújò jọ. A sì sọ omi kalẹ̀ láti sánmọ̀. Nítorí náà, A fun yín mu. Ẹ̀yin sì kọ́ ni ẹ kó omi òjò jọ (sójú sánmọ̀).

Verse 23

ﮕﮖﮗﮘﮙﮚ ﮛ

Dájúdájú Àwa, Àwa mà l’À ń sọ (ẹ̀dá) di alààyè. A sì ń sọ ọ́ di òkú. Àwa sì ni A óò jogún (ẹ̀dá).

Verse 24

ﮜﮝﮞﮟﮠﮡﮢ ﮣ

Àti pé dájúdájú A mọ àwọn olùgbawájú nínú yín. Dájúdájú A sì mọ àwọn olùgbẹ̀yìn.

Verse 25

ﮤﮥﮦﮧﮨﮩﮪﮫ ﮬ

Dájúdájú Olúwa rẹ, Òun l’Ó máa kó wọn jọ. Dájúdájú Òun ni Ọlọ́gbọ́n, Onímọ̀.

Verse 26

ﮭﮮﮯﮰﮱﯓﯔﯕ ﯖ

Dájúdájú A ṣẹ̀dá ènìyàn láti ara amọ̀ t’ó ń dún koko, t’ó ti pàwọ̀dà.

Verse 27

ﯗﯘﯙﯚﯛﯜﯝ ﯞ

Àti pé àlùjànnú, A ṣẹ̀dá rẹ̀ ṣíwájú (ènìyàn) láti ara iná alátẹ́gùn gbígbóná tí kò ní èéfín.

Verse 28

ﯟﯠﯡﯢﯣﯤﯥﯦﯧﯨﯩﯪ ﯫ

(Rántí) nígbà tí Olúwa rẹ sọ fún àwọn mọlāika pé: “Dájúdájú Èmi yóò ṣe ẹ̀dá abara kan láti ara amọ̀ t’ó ń dún koko, t’ó ti pàwọ̀dà.

Verse 29

ﯬﯭﯮﯯﯰﯱﯲﯳﯴ ﯵ

Nígbà tí Mo bá ṣe é t’ó gún régé tán, tí Mo fẹ́ ẹ̀mí sí i (lára) nínú ẹ̀mí Mi (tí Mo dá), nígbà náà ẹ dojú bolẹ̀ fún un ní olùforíkanlẹ̀-kíni."
____________________
Ẹ wo ìtọsẹ̀-ọ̀rọ̀ fún sūrah al-Baƙọrah; 2:34.

Verse 30

ﯶﯷﯸﯹ ﯺ

Nítorí náà, àwọn mọlāika, gbogbo wọn pátápátá sì forí kanlẹ̀ kí i.

Verse 31

ﯻﯼﯽﯾﯿﰀﰁ ﰂ

Àyàfi ’Iblīs. Ó kọ̀ láti wà nínú àwọn olùforíkanlẹ̀ náà.

Verse 32

ﭑﭒﭓﭔﭕﭖﭗﭘ ﭙ

(Allāhu) sọ pé: "’Iblīs, kí l’ó dí ọ lọ́wọ́ láti wà nínú àwọn olùforíkanlẹ̀?"

Verse 33

ﭚﭛﭜﭝﭞﭟﭠﭡﭢﭣﭤ ﭥ

Ó wí pé: "Èmi kò níí forí kanlẹ̀ kí abara kan tí O ṣẹ̀dá rẹ̀ láti ara amọ̀ t’ó ń dún koko, t’ó ti pàwọ̀dà."

Verse 34

ﭦﭧﭨﭩﭪ ﭫ

(Allāhu) sọ pé: "Nítorí náà, jáde kúrò nínú rẹ̀. Dájúdájú, ìwọ ni ẹni-ẹ̀kọ̀.

Verse 35

ﭬﭭﭮﭯﭰﭱ ﭲ

Àti pé, dájúdájú ègún ń bẹ lórí rẹ títí di Ọjọ́ ẹ̀san."

Verse 36

ﭳﭴﭵﭶﭷﭸ ﭹ

Ó wí pé: “Olúwa mi, lọ́ mi lára títí di Ọjọ́ Àjíǹde.”

Verse 37

ﭺﭻﭼﭽ ﭾ

(Allāhu) sọ pé: "Dájúdájú ìwọ wà lára àwọn tí A óò lọ́ lára

Verse 38

ﭿﮀﮁﮂ ﮃ

títí di ọjọ́ àkókò tí A ti mọ."

Verse 39

ﮄﮅﮆﮇﮈﮉﮊﮋﮌﮍ ﮎ

Ó wí pé: "Olúwa mi, fún wí pé O ti ṣe mí ní ẹni anù, dájúdájú emí yóò ṣe (aburú) ní ọ̀ṣọ́ fún wọn lórí ilẹ̀. Dájúdájú èmi yó sì kó gbogbo wọn sínú anù

Verse 40

ﮏﮐﮑﮒ ﮓ

àfi àwọn ẹrúsìn Rẹ, àwọn ẹni ẹ̀ṣà nínú wọn."

Verse 41

ﮔﮕﮖﮗﮘ ﮙ

(Allāhu) sọ pé: "(Ìdúróṣinṣin lójú) ọ̀nà tààrà, Ọwọ́ Mi ni èyí wà."

Verse 42

ﮚﮛﮜﮝﮞﮟﮠﮡﮢﮣﮤ ﮥ

Dájúdájú àwọn ẹrúsìn Mi, kò sí agbára kan fún ọ lórí wọn, àyàfi ẹni tí ó bá tẹ̀lé ọ nínú àwọn ẹni anù.

Verse 43

ﮦﮧﮨﮩ ﮪ

Àti pé dájúdájú iná Jahanamọ ni àdéhùn fún gbogbo wọn.

Verse 44

ﮫﮬﮭﮮﮯﮰﮱﯓ ﯔ

Àwọn ojú ọ̀nà méje ń bẹ fún (iná). Àtúnpín tún wà fún ojú-ọ̀nà kọ̀ọ̀kan.

Verse 45

ﯕﯖﯗﯘﯙ ﯚ

Dájúdájú àwọn olùbẹ̀rù (Allāhu) máa wà nínú àwọn Ọgbà Ìdẹ̀ra pẹ̀lú àwọn odò (t’ó ń ṣàn nísàlẹ̀ rẹ̀).

Verse 46

ﯛﯜﯝ ﯞ

(A máa sọ pé): “Ẹ wọ inú rẹ̀ pẹ̀lú àlàáfíà ní olùfàyàbalẹ̀.”

Verse 47

ﯟﯠﯡﯢﯣﯤﯥﯦﯧﯨ ﯩ

A sì máa yọ ohun tí ń bẹ nínú ọkàn wọn t’ó jẹ́ inúnibíni kúrò; (wọn yóò di) ọmọ-ìyá (ara wọn. Wọn yóò wà) lórí ibùsùn, tí wọn yóò kọjú síra wọn.

Verse 48

ﯪﯫﯬﯭﯮﯯﯰﯱ ﯲ

Wàhálà kan kò níí bá wọn nínú rẹ̀. Wọn kò sì níí mú wọn jáde kúrò nínú rẹ̀.

Verse 49

ﯳﯴﯵﯶﯷﯸﯹ ﯺ

Fún àwọn ẹrúsìn Mi ní ìró pé dájúdájú Èmi ni Aláforíjìn, Àṣàkẹ́-ọ̀run.

Verse 50

ﯻﯼﯽﯾﯿ ﰀ

Àti pé dájúdájú ìyà Mi ni ìyà ẹlẹ́ta-eléro.

Verse 51

ﰁﰂﰃﰄ ﰅ

Fún wọn ní ìró nípa àlejò (Ànábì) ’Ibrọ̄hīm.

Verse 52

ﭑﭒﭓﭔﭕﭖﭗﭘﭙ ﭚ

(Rántí) nígbà tí wọ́n wọlé tọ̀ ọ́, wọ́n sì sọ pé: “Àlàáfíà”. Ó sọ pé: “Dájúdájú ẹ̀rù yín ń ba àwa.”

Verse 53

ﭛﭜﭝﭞﭟﭠﭡ ﭢ

Wọ́n sọ pé: "Má ṣe bẹ̀rù. Dájúdájú àwa yóò fún ọ ní ìró ìdùnnú (nípa bíbí) ọmọkùnrin onímímọ̀ kan."

Verse 54

ﭣﭤﭥﭦﭧﭨﭩﭪ ﭫ

Ó sọ pé: "Ṣé ẹ̀ ń fún mi ní ìró ìdùnnú (nípa bíbí ọmọ) nígbà tí ogbó ti dé sí mi? Ìró ìdùnnú wo ni ẹ̀ ń fún mi ná?"

Verse 55

ﭬﭭﭮﭯﭰﭱﭲ ﭳ

Wọ́n sọ pé: “À ń fún ọ ní ìró ìdùnnú pẹ̀lú òdodo. Nítorí náà, má ṣe wà lára àwọn olùjákànmùná.”

Verse 56

ﭴﭵﭶﭷﭸﭹﭺﭻ ﭼ

Ó sọ pé: “Kò mà sí ẹni tí ó máa jákànmùná nínú ìkẹ́ Olúwa Rẹ̀ bí kò ṣe àwọn olùṣìnà.”

Verse 57

ﭽﭾﭿﮀﮁ ﮂ

Ó sọ pé: “Kí tún ni ọ̀rọ̀ tí ẹ bá wá, ẹ̀yin Òjíṣẹ́?”

Verse 58

ﮃﮄﮅﮆﮇﮈ ﮉ

Wọ́n sọ pé: "Dájúdájú Wọ́n rán wa níṣẹ́ sí ìjọ ẹlẹ́ṣẹ̀ ni.

Verse 59

ﮊﮋﮌﮍﮎﮏ ﮐ

Àfi ará ilé (Ànábì) Lūt. Dájúdájú àwa yóò gba wọn là pátápátá.

Verse 60

ﮑﮒﮓﮔﮕﮖ ﮗ

Àfi ìyàwó rẹ̀; A ti kọ kádàrá rẹ̀ (pé) dájúdájú ó máa wà nínú àwọn t’ó máa ṣẹ́kù lẹ́yìn sínú ìparun."

Verse 61

ﮘﮙﮚﮛﮜ ﮝ

Nígbà tí àwọn Òjíṣẹ́ dé ọ̀dọ̀ ará ilé (Ànábì) Lūt,

Verse 62

ﮞﮟﮠﮡ ﮢ

(Ànábì Lūt) sọ pé: “Dájúdájú ẹ̀yin jẹ́ àjòjì ènìyàn.”

Verse 63

ﮣﮤﮥﮦﮧﮨﮩ ﮪ

Wọ́n sọ pé: “Rárá, a wá sọ́dọ̀ rẹ nítorí ohun tí wọ́n ń ṣeyèméjì nípa rẹ̀.

Verse 64

ﮫﮬﮭﮮ ﮯ

A mú òdodo wá bá ọ ni. Àti pé dájúdájú olódodo ni àwa.

Verse 65

ﮰﮱﯓﯔﯕﯖﯗﯘﯙﯚﯛﯜﯝﯞ ﯟ

Nítorí náà, mú ará ilé rẹ jáde ní apá kan òru. Kí o sì tẹ̀lé wọn lẹ́yìn. Ẹnì kan nínú yín kò sì gbọdọ̀ ṣíjú wo ẹ̀yìn wò. Kí ẹ sì lọ sí àyè tí wọ́n ń pa láṣẹ fun yín."

Verse 66

ﯠﯡﯢﯣﯤﯥﯦﯧﯨ ﯩ

A sì jẹ́ kí ìdájọ́ ọ̀rọ̀ yìí hàn sí i pé dájúdájú A máa pa àwọn (ẹlẹ́ṣẹ̀) wọ̀nyí run pátápátá nígbà tí wọ́n bá mọ́júmọ́.

Verse 67

ﯪﯫﯬﯭ ﯮ

Àwọn ará ìlú náà dé, wọ́n sì ń yọ̀ sẹ̀sẹ̀.

Verse 68

ﯯﯰﯱﯲﯳﯴ ﯵ

(Ànábì Lūt) sọ pé: “Dájúdájú àwọn wọ̀nyí ni àlejò mi. Nítorí náà, ẹ má ṣe dójú tì mí.

Verse 69

ﯶﯷﯸﯹ ﯺ

Kí ẹ bẹ̀rù Allāhu. Kí ẹ sì má ṣe yẹpẹrẹ mi."

Verse 70

ﯻﯼﯽﯾﯿ ﰀ

Wọ́n wí pé: “Ǹjẹ́ àwa kò ti kọ̀ fún ọ (nípa gbígba àlejò) àwọn ẹ̀dá?”

Verse 71

ﭑﭒﭓﭔﭕﭖ ﭗ

Ó sọ pé: “Àwọn ọmọbìnrin mi nìwọ̀nyí, tí ẹ bá ní n̄ǹkan tí ẹ fẹ́ (fi wọ́n) ṣe.”

Verse 72

ﭘﭙﭚﭛﭜ ﭝ

(Allāhu sọ pé): “Mo fi ìṣẹ̀mí ìwọ (Ànábì Muhammad) búra; dájúdájú wọ́n kúkú wà nínú ìdààmú ọpọlọ, tí wọ́n ń pa rìdàrìdà.”

Verse 73

ﭞﭟﭠ ﭡ

Nítorí náà, ohùn igbe mú wọn nígbà tí òòrùn òwúrọ̀ yọ sí wọn.

Verse 74

ﭢﭣﭤﭥﭦﭧﭨﭩ ﭪ

A sì sọ òkè ìlú wọn di ìsàlẹ̀ rẹ̀ (ìlú wọ́n dojú bolẹ̀). A tún rọ òjò òkúta amọ̀ (sísun) lé wọn lórí.

Verse 75

ﭫﭬﭭﭮﭯ ﭰ

Dájúdájú àwọn àmì wà nínú ìyẹn fún àwọn alárìíwòye.

Verse 76

ﭱﭲﭳ ﭴ

Dájúdájú (ìlú náà) kúkú wà lójú ọ̀nà (tí ẹ̀ ń tọ̀ lọ tọ̀ bọ̀).

Verse 77

ﭵﭶﭷﭸﭹ ﭺ

Dájúdájú àmì wà nínú ìyẹn fún àwọn onígbàgbọ́ òdodo.

Verse 78

ﭻﭼﭽﭾﭿ ﮀ

Àwọn ará ’Aekah náà jẹ́ alábòsí.
____________________
’Aekah tún túmọ̀ sí igbó. Ìyẹn ni pé, ìlú tí ó wà nínú igbó. Ará ’Aekah ni ìjọ Ànábì Ṣu‘aeb ('alaehi-ssọlātu wa-ssalām).

Verse 79

ﮁﮂﮃﮄﮅ ﮆ

A sì gbẹ́san lára wọn. Dájújájú àwọn ìlú méjèèjì l’ó kúkú wà lójú ọ̀nà gban̄gba (tí ẹ̀ ń tọ̀ lọ tọ̀ bọ̀).

Verse 80

ﮇﮈﮉﮊﮋ ﮌ

Dájúdájú àwọn ará Ihò àpáta pe àwọn Òjíṣẹ́ ní òpùrọ́.

Verse 81

ﮍﮎﮏﮐﮑ ﮒ

A sì fún wọn ní àwọn àmì Wa. Àmọ́ wọ́n gbúnrí kúrò níbẹ̀.

Verse 82

ﮓﮔﮕﮖﮗﮘ ﮙ

Wọ́n máa ń gbẹ́ àwọn ilé ìgbé ìfàyàbalẹ̀ sínú àwọn àpáta.

Verse 83

ﮚﮛﮜ ﮝ

Ohùn igbe sì mú wọn nígbà tí wọ́n mọ́júmọ́.

Verse 84

ﮞﮟﮠﮡﮢﮣ ﮤ

Ohun tí wọ́n ń ṣe níṣẹ́ kò sì rọ̀ wọ́n lọ́rọ̀ (níbi ìyà).

Verse 85

ﮥﮦﮧﮨﮩﮪﮫﮬﮭﮮﮯﮰﮱﯓﯔﯕ ﯖ

A kò ṣẹ̀dá àwọn sánmọ̀, ilẹ̀ àti n̄ǹkan t’ó wà láààrin àwọn méjèèjì bí kò ṣe pẹ̀lú òdodo. Dájúdájú Àkókò náà máa dé. Nítorí náà, ṣàmójúkúrò ní àmójúkúrò t’ó rẹwà.

Verse 86

ﯗﯘﯙﯚﯛ ﯜ

Dájúdájú Olúwa rẹ ni Ẹlẹ́dàá, Onímọ̀.

Verse 87

ﯝﯞﯟﯠﯡﯢﯣ ﯤ

Dájúdájú A fún ọ ní Sab‘u Mọthānī (ìyẹn, sūrah al-Fātihah) àti al-Ƙur’ān t’ó tóbi.

Verse 88

ﯥﯦﯧﯨﯩﯪﯫﯬﯭﯮﯯﯰﯱﯲﯳ ﯴ

Ìwọ kò gbọdọ̀ ṣíjú rẹ wo ohun tí A fi ṣe ìgbádún ayé lóríṣiríṣi fún àwọn kan nínú wọn. Má ṣe banújẹ́ nítorí wọn. Kí o sì rẹ apá rẹ nílẹ̀ fún àwọn onígbàgbọ́ òdodo.

Verse 89

ﯵﯶﯷﯸﯹ ﯺ

Kí o sì sọ pé: “Dájúdájú èmi ni olùkìlọ̀ pọ́nńbélé.”

Verse 90

ﯻﯼﯽﯾ ﯿ

Gẹ́gẹ́ bí A ṣe sọ (ìyà) kalẹ̀ fún àwọn t’ó ń pín òdodo mọ́ irọ́;
____________________
Pípín òdodo mọ́ irọ́ ni pípín al-Ƙur’ān mọ́ orin, idán, ìdábigba, àlá lílá àti ààlọ́.

Verse 91

ﭑﭒﭓﭔ ﭕ

àwọn tí wọ́n sọ al-Ƙur’ān di ìpínkúpìn-ín,

Verse 92

ﭖﭗﭘ ﭙ

Olúwa rẹ fi Ara Rẹ̀ búra fún ọ pé, A máa bi gbogbo wọn ní ìbéèrè

Verse 93

ﭚﭛﭜ ﭝ

nípa ohun tí wọ́n ń ṣe níṣẹ́.

Verse 94

ﭞﭟﭠﭡﭢﭣ ﭤ

Nítorí náà, kéde n̄ǹkan tí A pa láṣẹ fún ọ. Kí o sì ṣẹ́rí kúrò lọ́dọ̀ àwọn ọ̀ṣẹbọ.

Verse 95

ﭥﭦﭧ ﭨ

Dájúdájú Àwa yóò tó ọ (níbi aburú) àwọn oníyẹ̀yẹ́,

Verse 96

ﭩﭪﭫﭬﭭﭮﭯﭰﭱ ﭲ

àwọn t’ó ń mú ọlọ́hun mìíràn mọ́ Allāhu. Láìpẹ́ wọ́n máa mọ̀.

Verse 97

ﭳﭴﭵﭶﭷﭸﭹ ﭺ

Àwa kúkú ti mọ̀ pé dájúdájú ohun tí wọ́n ń wí ń kó ìnira bá ọ.

Verse 98

ﭻﭼﭽﭾﭿﮀ ﮁ

Nítorí náà, ṣe àfọ̀mọ́ pẹ̀lú ìdúpẹ́ fún Olúwa rẹ. Kí o sì wà nínú àwọn olùforíkanlẹ̀ (fún Un).

Verse 99

ﮂﮃﮄﮅﮆ ﮇ

Jọ́sìn fún Olúwa rẹ títí àmọ̀dájú (ìyẹn, ikú) yóò fi dé bá ọ.

Ìtumọ̀ سورة الحجر

سورة الحجر

Ìtumọ̀ Sura الحجر ní اليورباوية láti الترجمة اليورباوية

الترجمة اليورباوية

الترجمة اليورباوية