ﰀ

ترجمة معاني سورة المطفّفين باللغة اليورباوية من كتاب الترجمة اليورباوية .

من تأليف: أبو رحيمة ميكائيل أيكوييني .

ﰡ

ﯖﯗ ﰀ

Ègbé ni fún àwọn olùdín-òṣùwọ̀n-kù,

ﯙﯚﯛﯜﯝﯞ ﰁ

àwọn (òǹtajà) t’ó jẹ́ pé nígbà tí wọ́n bá wọn n̄ǹkan lọ́dọ̀ àwọn ènìyàn, wọ́n á gbà á ní ẹ̀kún,
____________________
“Àwọn ènìyàn” ní àyè yìí dúró fún bíi “ àwọn olóko”.

ﯠﯡﯢﯣﯤ ﰂ

nígbà tí àwọn (òǹtajà náà) bá sì lo ìwọ̀n fún àwọn (òǹrajà) tàbí lo òṣùwọ̀n fún wọn, wọn yóò dín in kù.

ﯦﯧﯨﯩﯪ ﰃ

Ṣé àwọn wọ̀nyẹn kò mọ̀ dájú pé dájúdájú A máa gbé wọn dìde

ﭑﭒ ﰄ

ní Ọjọ́ ńlá kan?

ﭔﭕﭖﭗﭘ ﰅ

Ní ọjọ́ tí àwọn ènìyàn yóò dìde nàró fún Olúwa gbogbo ẹ̀dá.

ﭚﭛﭜﭝﭞﭟ ﰆ

Bẹ́ẹ̀ ni, dájúdájú ìwé iṣẹ́ àwọn ẹni ibi kúkú wà nínú Sijjīn.

ﭡﭢﭣﭤ ﰇ

Kí sì l’ó mú ọ mọ ohun t’ó ń jẹ́ Sijjīn!

ﭦﭧ ﰈ

Ìwé tí wọ́n ti kọ iṣẹ́ aburú ẹ̀dá sínú rẹ̀ (tí wọ́n sì fi pamọ́ sínú ilẹ̀ keje ni Sijjīn).

ﭩﭪﭫ ﰉ

Ní ọjọ́ yẹn, ègbé ni fún àwọn olùpe-òdodo- nírọ́,

ﭭﭮﭯﭰ ﰊ

àwọn t’ó ń pe Ọjọ́ ẹ̀san nírọ́.

ﭲﭳﭴﭵﭶﭷﭸ ﰋ

Kò sì sí ẹni t’ó ń pè é nírọ́ àfi gbogbo alákọyọ, ẹlẹ́ṣẹ̀.

ﭺﭻﭼﭽﭾﭿﮀ ﰌ

Nígbà tí wọ́n bá ń ké àwọn āyah Wa fún un, ó máa wí pé: "Àwọn àkọsílẹ̀ àlọ́ àwọn ẹni àkọ́kọ́ (nìwọ̀nyí)."

ﮂﮃﮄﮅﮆﮇﮈﮉﮊﮋ ﰍ

Rárá kò rí bẹ́ẹ̀, àmọ́ ohun tí wọ́n ń ṣe níṣẹ́ ibi l’ó jọba lórí ọkàn wọn.

ﮍﮎﮏﮐﮑﮒ ﰎ

Ní ti òdodo, dájúdájú wọn yóò wà nínú gàgá, wọn kò sì níí rí Olúwa wọn ní ọjọ́ yẹn.

ﮔﮕﮖﮗ ﰏ

Lẹ́yìn náà, dájúdájú wọn yóò wọ inú iná Jẹhīm.

ﮙﮚﮛﮜﮝﮞﮟ ﰐ

Lẹ́yìn náà, wọ́n máa sọ (fún wọn) pe: "Èyí ni ohun tí ẹ̀ ń pè nírọ́."

ﮡﮢﮣﮤﮥﮦ ﰑ

Bẹ́ẹ̀ ni. Dájúdájú ìwé iṣẹ́ àwọn ẹni rere wà nínú ‘illiyyūn.

ﮨﮩﮪﮫ ﰒ

Kí sì l’ó mú ọ mọ ohun t’ó ń jẹ́ ‘illiyyūn!

ﮭﮮ ﰓ

Ìwé tí wọ́n ti kọ iṣẹ́ rere ẹ̀dá sínú rẹ̀ (tí wọ́n sì fi pamọ́ sí òkè sánmọ̀ ni ‘illiyyūn).

ﮰﮱ ﰔ

Àwọn (mọlāika) tí wọ́n súnmọ́ Allāhu ń jẹ́rìí sí i.

ﯔﯕﯖﯗ ﰕ

Dájúdájú àwọn ẹni rere máa wà nínú ìgbádùn.

ﯙﯚﯛ ﰖ

Wọn yóò máa wòran lórí àwọn ibùsùn.

ﯝﯞﯟﯠﯡ ﰗ

Ìwọ yóò dá ìtutù ojú ìgbádùn mọ̀ nínú ojú wọn.

ﯣﯤﯥﯦ ﰘ

Wọn yóò máa fún wọn mu nínú ọtí onídèérí.

ﯨﯩﯪﯫﯬﯭﯮ ﰙ

Àlùmísìkí ni (òórùn) ìparí rẹ̀. Kí àwọn alápàáǹtètè ṣàpáǹtètè nínú ìyẹn.

ﯰﯱﯲ ﰚ

Tẹsnīm ni wọ́n yóò máa pòpọ̀ (mọ́ ọtí náà).

ﯴﯵﯶﯷ ﰛ

(Tẹsnīm ni) omi ìṣẹ́lẹ̀rú kan, tí àwọn olùsúnmọ́ (Allāhu) yóò máa mu.

ﯹﯺﯻﯼﯽﯾﯿﰀ ﰜ

Dájúdájú àwọn t’ó dẹ́ṣẹ̀, wọ́n máa ń fi àwọn t’ó gbàgbọ́ ní òdodo rẹ́rìn-ín.

ﰂﰃﰄﰅ ﰝ

Nígbà tí wọ́n bá gba ẹ̀gbẹ́ wọn kọjá, (àwọn adẹ́ṣẹ̀) yóò máa ṣẹ́jú síra wọn ní ti yẹ̀yẹ́.

ﰇﰈﰉﰊﰋﰌ ﰞ

Nígbà tí wọ́n bá sì padà sí ọ̀dọ̀ àwọn ènìyàn wọn, wọ́n á padà tí wọn yóò máa ṣe fáàrí.

ﰎﰏﰐﰑﰒﰓ ﰟ

Àti pé nígbà tí wọ́n bá rí (àwọn onígbàgbọ́ òdodo) wọ́n á wí pé: "Dájúdájú àwọn wọ̀nyí ni olùṣìnà."

ﰕﰖﰗﰘ ﰠ

Àwa kò sì rán wọn níṣẹ́ olùṣọ́ sí wọn.

ﭑﭒﭓﭔﭕﭖ ﰡ

Nítorí náà, ní òní àwọn t’ó gbàgbọ́ ní òdodo yóò fi àwọn aláìgbàgbọ́ rẹ́rìn-ín.

ﭘﭙﭚ ﰢ

Wọn yóò máa wòran lórí àwọn ibùsùn.

ﭜﭝﭞﭟﭠﭡ ﰣ

Ṣebí wọ́n ti fi ohun tí àwọn aláìgbàgbọ́ ń ṣe níṣẹ́ san wọ́n lẹ́san (báyìí)?