Surah سورة الذاريات

Verse 1

ﯤﯥ ﯦ

(Allāhu búra pẹ̀lú) atẹ́gùn t’ó ń tu erùpẹ̀ jáde nílẹ̀ tààrà.

Verse 2

ﯧﯨ ﯩ

(Ó búra pẹ̀lú) àwọn ẹ̀ṣújò t’ó wúwo rinrin.

Verse 3

ﯪﯫ ﯬ

(Ó búra pẹ̀lú) àwọn ọkọ̀ ojú-omi t’ó ń rìn pẹ̀lú ìrọ̀rùn.

Verse 4

ﯭﯮ ﯯ

(Ó búra pẹ̀lú) àwọn mọlāika t’ó ń pín n̄ǹkan (tí Ó ti pín fún ẹ̀dá).

Verse 5

ﯰﯱﯲ ﯳ

Òdodo mà ni ohun tí À ń ṣe ní àdéhùn fun yín.

Verse 6

ﯴﯵﯶ ﯷ

Àti pé dájúdájú Ọjọ́ Ẹ̀san máa ṣẹlẹ̀.

Verse 7

ﭑﭒﭓ ﭔ

(Allāhu tún búra pẹ̀lú) sánmọ̀ ọlọ́ṣọ̀ọ́.

Verse 8

ﭕﭖﭗﭘ ﭙ

Dájúdájú ẹ̀yin wà lórí ọ̀rọ̀ t’ó ń takora wọn (nípa al-Ƙur’ān).

Verse 9

ﭚﭛﭜﭝ ﭞ

Ẹni tí wọ́n ń ṣẹ́ lórí kúrò níbi al-Ƙur’ān ni ẹni tí Wọ́n ti ṣẹ́ lórí kúrò níbẹ̀ (láti inú Laohul-Mahfūṭḥ).

Verse 10

ﭟﭠ ﭡ

Ègbé ni fún àwọn òpùrọ́;

Verse 11

ﭢﭣﭤﭥﭦ ﭧ

àwọn ni wọ́n wà nínú àìmọ̀kan, àwọn onígbàgbé,

Verse 12

ﭨﭩﭪﭫ ﭬ

tí wọ́n ń bèèrè ìgbà tí Ọjọ́ Ẹ̀san máa ṣẹlẹ̀.

Verse 13

ﭭﭮﭯﭰﭱ ﭲ

Ní ọjọ́ náà sì ni wọn yóò máa fi Iná jẹ wọ́n níyà.

Verse 14

ﭳﭴﭵﭶﭷﭸﭹ ﭺ

Ẹ tọ́ ìyà yín wò. Èyí ni n̄ǹkan tí ẹ ti ń wá pẹ̀lú ìkánjú.

Verse 15

ﭻﭼﭽﭾﭿ ﮀ

Dájúdájú àwọn olùbẹ̀rù (Allāhu) yóò wà nínú àwọn Ọgbà Ìdẹ̀ra pẹ̀lú àwọn omi odò (ní ìsàlẹ̀ rẹ̀).

Verse 16

ﮁﮂﮃﮄﮅﮆﮇﮈﮉﮊ ﮋ

Wọn yóò máa gba n̄ǹkan tí Olúwa wọn bá fún wọn. Dájúdájú wọ́n ti jẹ́ olùṣe-rere ṣíwájú ìyẹn.

Verse 17

ﮌﮍﮎﮏﮐﮑ ﮒ

Wọ́n máa ń sun oorun díẹ̀ nínú òru.

Verse 18

ﮓﮔﮕ ﮖ

Wọ́n máa ń tọrọ àforíjìn ní àfẹ̀mọ́júmọ́.

Verse 19

ﮗﮘﮙﮚﮛ ﮜ

Nínú dúkìá wọn, wọ́n ní ojúṣe tí wọ́n ń ṣe fún alágbe àti ẹni tí A ṣe arísìkí ní èèwọ̀ fún.

Verse 20

ﮝﮞﮟﮠ ﮡ

Àwọn àmì wà ní orí ilẹ̀ fún àwọn alámọ̀dájú.

Verse 21

ﮢﮣﮤﮥﮦ ﮧ

Nínú ẹ̀mí ara yín gan-an (àmì ìyanu wà nínú rẹ̀). Ṣé ẹ ò ríran ni?

Verse 22

ﮨﮩﮪﮫﮬ ﮭ

Arísìkí yín àti ohun tí À ń ṣe ní àdéhùn fun yín wà nínú sánmọ̀.

Verse 23

ﮮﮯﮰﮱﯓﯔﯕﯖﯗ ﯘ

Nítorí náà, Mó fi Olúwa sánmọ̀ àti ilẹ̀ búra, dájúdájú òdodo ni (ọ̀rọ̀ náà) gẹ́gẹ́ bí ó ṣe jẹ́ òdodo pé ẹ̀ ń fẹnu sọ̀rọ̀.

Verse 24

ﯙﯚﯛﯜﯝﯞ ﯟ

Ǹjẹ́ ọ̀rọ̀ àwọn àlejò (Ànábì) ’Ibrọ̄hīm, àwọn alápọ̀n-ọ́nlé, ti dé ọ̀dọ̀ rẹ?

Verse 25

ﯠﯡﯢﯣﯤﯥﯦﯧﯨﯩ ﯪ

(Rántí) nígbà tí wọ́n wọlé tọ̀ ọ́ wá, wọ́n sì sọ pé: "Àlàáfíà (fún ọ)." Òun náà sọ pé: "Àlàáfíà (fun yín), ẹ̀yin àjòjì ènìyàn."

Verse 26

ﯫﯬﯭﯮﯯﯰ ﯱ

Ó lọ sí ọ̀dọ̀ àwọn ará ilé rẹ̀, ó sì dé pẹ̀lú ọmọ màálù ọlọ́ràá (àyangbẹ).

Verse 27

ﯲﯳﯴﯵﯶ ﯷ

Ó gbé e súnmọ́ ọ̀dọ̀ wọn. Ó sì sọ pé: "Ṣé ẹ ò níí jẹun ni?"

Verse 28

ﯸﯹﯺﯻﯼﯽﯾﯿﰀﰁﰂ ﰃ

Nígbà náà, ó ní ìpáyà wọn nínú ọkàn. Wọ́n sọ pé: "Má ṣe páyà." Wọ́n sì fún un ní ìró ìdùnnú nípa bíbí ọmọkùnrin onímọ̀ kan.

Verse 29

ﰄﰅﰆﰇﰈﰉﰊﰋﰌ ﰍ

Nígbà náà, ìyàwó rẹ̀ sì bẹ̀rẹ̀ igbe, ó sì gbára rẹ̀ lójú, ó sọ pé: "Arúgbó, àgàn (mà ni mí)!"

Verse 30

ﰎﰏﰐﰑﰒﰓﰔﰕﰖ ﰗ

Wọ́n sọ pé: "Báyẹn ni Olúwa rẹ sọ. Dájúdájú Òun ni Ọlọ́gbọ́n, Onímọ̀."

Verse 31

ﭑﭒﭓﭔﭕﭖ ﭗ

(Ànábì ’Ibrọ̄hīm) sọ pé: "Kí tún ni ọ̀rọ̀ tí ẹ bá wá, ẹ̀yin Òjíṣẹ́?"

Verse 32

ﭘﭙﭚﭛﭜﭝ ﭞ

Wọ́n sọ pé: "Dájúdájú Wọ́n rán wa níṣẹ́ sí ìjọ ẹlẹ́ṣẹ̀ ni

Verse 33

ﭟﭠﭡﭢﭣ ﭤ

nítorí kí á lè fi òkúta amọ̀ (sísun) ránṣẹ́ sí wọn.

Verse 34

ﭥﭦﭧﭨ ﭩ

Wọ́n ti fàmì sí i lára lọ́dọ̀ Olúwa rẹ fún àwọn alákọyọ."

Verse 35

ﭪﭫﭬﭭﭮﭯ ﭰ

Nítorí náà, A mú àwọn t’ó jẹ́ onígbàgbọ́ òdodo jáde kúrò nínú (ìlú náà).

Verse 36

ﭱﭲﭳﭴﭵﭶﭷ ﭸ

A ò sì rí nínú (ìlú náà) tayọ ilé kan t’ó jẹ́ ti àwọn mùsùlùmí.

Verse 37

ﭹﭺﭻﭼﭽﭾﭿ ﮀ

A sì fi àmì kan sílẹ̀ nínú (ìlú náà) fún àwọn t’ó ń páyà ìyà ẹlẹ́ta-eléro.

Verse 38

ﮁﮂﮃﮄﮅﮆﮇﮈ ﮉ

(Àmì tún wà) lára (Ànábì) Mūsā. Nígbà tí A fi ẹ̀rí pọ́nńbélé rán an níṣẹ́ sí Fir‘aon.

Verse 39

ﮊﮋﮌﮍﮎﮏ ﮐ

Ṣùgbọ́n (Fir‘aon) gbúnrí pẹ̀lú àwọn ọmọ ogun rẹ̀. Ó sì wí pé: "Òpìdán tàbí wèrè kan (nìyí)."

Verse 40

ﮑﮒﮓﮔﮕﮖﮗ ﮘ

Nítorí náà, A mú òun àti àwọn ọmọ ogun rẹ̀. A sì jù wọ́n sínú agbami odò nígbà tí ó jẹ́ alábùkù.

Verse 41

ﮙﮚﮛﮜﮝﮞﮟ ﮠ

(Àmì tún wà) lára ìjọ ‘Ād. (Rántí) nígbà tí A rán atẹ́gùn ìparun sí wọn,

Verse 42

ﮡﮢﮣﮤﮥﮦﮧﮨﮩ ﮪ

kò fi kiní kan tó fẹ́ sí lára sílẹ̀ bẹ́ẹ̀ àfi kó sọ ọ́ di bí èso rírún túútú.

Verse 43

ﮫﮬﮭﮮﮯﮰﮱﯓ ﯔ

(Àmì tún wà) lára ìjọ Thamūd. (Rántí) nígbà tí A sọ fún wọn pé: "Ẹ jayé fún ìgbà díẹ̀ ná."

Verse 44

ﯕﯖﯗﯘﯙﯚﯛﯜ ﯝ

Wọ́n ṣègbéraga sí àṣẹ Olúwa wọn. Nítorí náà, igbe ìparun mú wọ́n; wọ́n sì ń wò bọ̀ọ̀.

Verse 45

ﯞﯟﯠﯡﯢﯣﯤ ﯥ

Wọn kò lè dìde nàró. Wọn kò sì lè ran ara wọn lọ́wọ́.

Verse 46

ﯦﯧﯨﯩﯪﯫﯬﯭﯮ ﯯ

Àti ìjọ Nūh tí ó ṣíwájú (wọn), dájúdájú Àwa sì ni olùgbòòrò.

Verse 47

ﯰﯱﯲﯳﯴ ﯵ

Àti pé sánmọ̀, A mọ ọ́n (sí òkè yín) pẹ̀lú agbára. Dájúdájú Àwa sì ni olùgbòòrò.

Verse 48

ﯶﯷﯸﯹ ﯺ

Àti ilẹ̀, A ṣe é ní ìtẹ́. Àwọn olùtẹ́lẹ̀-sílẹ̀ sì dára.

Verse 49

ﯻﯼﯽﯾﯿﰀﰁ ﰂ

Àti pé gbogbo n̄ǹkan ni A ṣẹ̀dá ní oríṣi méjì-méjì nítorí kí ẹ lè lo ìrántí.
____________________
Ẹ wo ìtọsẹ̀-ọ̀rọ̀ fún sūrah Yāsīn; 36:36.

Verse 50

ﰃﰄﰅﰆﰇﰈﰉﰊﰋ ﰌ

Nítorí náà, ẹ sá lọ sí ọ̀dọ̀ Allāhu (nípa ìronúpìwàdà). Dájúdájú èmi ni olùkìlọ̀ pọ́nńbélé fun yín láti ọ̀dọ̀ Rẹ̀.

Verse 51

ﰍﰎﰏﰐﰑﰒﰓﰔﰕﰖﰗﰘ ﰙ

Ẹ má ṣe mú ọlọ́hun mìíràn mọ́ Allāhu. Dájúdájú èmi ni olùkìlọ̀ pọ́nńbélé fun yín láti ọ̀dọ̀ Rẹ̀.

Verse 52

ﭑﭒﭓﭔﭕﭖﭗﭘﭙﭚﭛﭜﭝ ﭞ

Báyẹn ni (ọ̀rọ̀ ṣe rí)! Òjíṣẹ́ kan kò wá bá àwọn t’ó ṣíwájú wọn àfi kí wọ́n wí pé: "Òpìdán tàbí wèrè ni."

Verse 53

ﭟﭠﭡﭢﭣﭤﭥ ﭦ

Ṣé wọn sọ àsọọ́lẹ̀ nípa rẹ̀ láààrin ara wọn ni? Rárá o! Ìjọ olùtayọ-ẹnu-àlà ni wọ́n ni.

Verse 54

ﭧﭨﭩﭪﭫ ﭬ

Nítorí náà, ṣẹ́rí kúrò lọ́dọ̀ wọn ná. Ìwọ kì í ṣe alábùkù.

Verse 55

ﭭﭮﭯﭰﭱ ﭲ

Ṣèrántí nítorí pé, dájúdájú ìrántí máa wúlò fún àwọn onígbàgbọ́ òdodo.

Verse 56

ﭳﭴﭵﭶﭷﭸ ﭹ

Àti pé Èmi kò ṣẹ̀dá àlùjànnú àti ènìyàn bí kò ṣe pé kí wọ́n lè jọ́sìn fún Mi.

Verse 57

ﭺﭻﭼﭽﭾﭿﮀﮁﮂ ﮃ

Èmi kò gbèrò arísìkí kan láti ọ̀dọ̀ wọn. Èmi kò sì gbèrò pé kí wọ́n máa bọ́ Mi.

Verse 58

ﮄﮅﮆﮇﮈﮉﮊ ﮋ

Dájúdájú Allāhu, Òun ni Olùpèsè, Alágbára líle.

Verse 59

ﮌﮍﮎﮏﮐﮑﮒﮓﮔ ﮕ

Dájúdájú ìpín ìyà tí ó máa jẹ àwọn t’ó ṣàbòsí (wọ̀nyí) ni irú ìpín ìyà tí ó jẹ ìjọ ẹlẹ́ṣẹ̀ (irú) wọn. Nítorí náà, kí wọ́n má ṣe kán Mi lójú (nípa ìyà wọn).

Verse 60

ﮖﮗﮘﮙﮚﮛﮜ ﮝ

Nítorí náà, ègbé ni fún àwọn t’ó ṣàì gbàgbọ́ ní ọjọ́ wọn tí À ń ṣe ní àdéhùn fún wọn.

Ìtumọ̀ سورة الذاريات

سورة الذاريات

Ìtumọ̀ Sura الذاريات ní اليورباوية láti الترجمة اليورباوية

الترجمة اليورباوية

الترجمة اليورباوية