Surah سورة المعارج

Verse 1

ﮮﮯﮰﮱ ﯓ

Oníbèéèrè kan bèèrè nípa ìyà t’ó máa ṣẹlẹ̀

Verse 2

ﯔﯕﯖﯗ ﯘ

sí àwọn aláìgbàgbọ́. Kò sì sí ẹni tí ó máa dí i lọ́wọ́

Verse 3

ﯙﯚﯛﯜ ﯝ

lọ́dọ̀ Allāhu, Onípò-àyè gíga.

Verse 4

ﯞﯟﯠﯡﯢﯣﯤﯥﯦﯧﯨ ﯩ

Àwọn mọlāika àti mọlāika Jibrīl ń gùnkè wá sí ọ̀dọ̀ Rẹ̀ nínú ọjọ́ kan tí òdiwọ̀n rẹ̀ jẹ́ ọ̀kẹ́ méjì ààbọ̀ (tí ẹ bá fẹ́ rìn ín).
____________________
Ọ̀kẹ́ méjì ààbọ̀ ọdún ni ẹgbẹ̀rún lọ́nà àádọ́ta ọdún (50,000). Ẹ wo ìtọsẹ̀-ọ̀rọ̀ fún sūrah al-Hajj; 22:47.

Verse 5

ﯪﯫﯬ ﯭ

Nítorí náà, ṣe sùúrù ní sùúrù t’ó rẹwà.

Verse 6

ﯮﯯﯰ ﯱ

Dájúdájú wọ́n ń wo (ìyà náà) ní ohun t’ó jìnnà.

Verse 7

ﯲﯳ ﯴ

A sì ń wò ó ní ohun t’ó súnmọ́.

Verse 8

ﯵﯶﯷﯸ ﯹ

(Ọjọ́ náà ni) ọjọ́ tí sánmọ̀ yó dà bí idẹ t’ó yọ́,

Verse 9

ﯺﯻﯼ ﯽ

àwọn àpáta yó sì dà bí ẹ̀gbọ̀n òwú-irun,

Verse 10

ﯾﯿﰀﰁ ﰂ

ọ̀rẹ́ ìmùlẹ̀ kan kò sì níí bèèrè ọ̀rẹ́ ìmùlẹ̀ (rẹ̀).

Verse 11

ﭑﭒﭓﭔﭕﭖﭗﭘﭙﭚ ﭛ

Wọ́n máa rí ara wọn (wọ́n sì máa dára wọn mọ̀). Ẹlẹ́ṣẹ̀ sì máa fẹ́ kí òun fi àwọn ọmọ rẹ̀ ṣèràpadà ẹ̀mí ara rẹ̀ níbi Ìyà ní ọjọ́ yẹn.

Verse 12

ﭜﭝ ﭞ

Ìyàwó rẹ̀ àti arákùnrin rẹ̀,

Verse 13

ﭟﭠﭡ ﭢ

àti àwọn ẹbí rẹ̀ t’ó pa tì, tí àwọn sì ń gbà á sọ́dọ̀ nílé ayé,

Verse 14

ﭣﭤﭥﭦﭧﭨ ﭩ

àti gbogbo ẹni t’ó wà lórí ilẹ̀ ayé pátápátá, (ó máa fẹ́ fi wọ́n ṣèràpadà ẹ̀mí ara rẹ̀ níbi Ìyà). Lẹ́yìn náà, (ó máa fẹ́) kí Allāhu gba òun là (nínú ìyà Iná).

Verse 15

ﭪﭫﭬﭭ ﭮ

Rárá! Dájúdájú (ó máa wọ) iná Laṭḥọ̄ (iná t’ó ń jò fòfò).

Verse 16

ﭯﭰ ﭱ

Ó máa bó awọ orí tòró.

Verse 17

ﭲﭳﭴﭵ ﭶ

(Iná) yó máa ké sí ẹni t’ó kẹ̀yìn sí (ìgbágbọ́ òdodo), tí ó sì takété sí i,

Verse 18

ﭷﭸ ﭹ

ó kó (ọrọ̀) jọ, ó sì fi pamọ́ (kò ná an fún ẹ̀sìn).

Verse 19

ﭺﭻﭼﭽﭾ ﭿ

Dájúdájú ènìyàn, A ṣẹ̀dá rẹ̀ ní aláìlọ́kàn, ọ̀kánjúà.

Verse 20

ﮀﮁﮂﮃ ﮄ

Nígbà tí aburú bá fọwọ́ bà á, ó máa kanra gógó.

Verse 21

ﮅﮆﮇﮈ ﮉ

Nígbà tí ọwọ́ rẹ̀ bá sì tẹ oore, ó máa yahun.

Verse 22

ﮊﮋ ﮌ

Àyàfi àwọn olùkírun,

Verse 23

ﮍﮎﮏﮐﮑ ﮒ

àwọn olùdúnnímọ́ ìrun wọn;

Verse 24

ﮓﮔﮕﮖﮗ ﮘ

àwọn t’ó mọ ojúṣe (wọn) nínú dúkìá wọn

Verse 25

ﮙﮚ ﮛ

sí alágbe àti ẹni tí A ṣe arísìkí ní èèwọ̀ fún;

Verse 26

ﮜﮝﮞﮟ ﮠ

àwọn t’ó ń gba ọjọ́ ẹ̀san gbọ́ ní òdodo;

Verse 27

ﮡﮢﮣﮤﮥﮦ ﮧ

àwọn t’ó ń páyà ìyà Olúwa wọn,

Verse 28

ﮨﮩﮪﮫﮬ ﮭ

dájúdájú ìyà Olúwa wọn kò ṣeé fàyàbalẹ̀ sí;

Verse 29

ﮮﮯﮰﮱ ﯓ

àwọn t’ó ń ṣọ́ abẹ́ wọn,

Verse 30

ﯔﯕﯖﯗﯘﯙﯚﯛﯜﯝ ﯞ

àyàfi lọ́dọ̀ àwọn ìyàwó wọn tàbí ẹrúbìnrin wọn ni wọn kò ti lè jẹ́ ẹni-èébú,

Verse 31

ﯟﯠﯡﯢﯣﯤﯥ ﯦ

nítorí náà, ẹni kẹ́ni t’ó bá ń wá n̄ǹkan mìíràn lẹ́yìn ìyẹn, àwọn wọ̀nyẹn ni àwọn olùtayọ-ẹnu àlà;

Verse 32

ﯧﯨﯩﯪﯫ ﯬ

àwọn t’ó ń ṣọ́ àgbàfipamọ́ wọn àti àdéhùn wọn;

Verse 33

ﯭﯮﯯﯰ ﯱ

àwọn t’ó ń dúró ti ìjẹ́rìí wọn;

Verse 34

ﯲﯳﯴﯵﯶ ﯷ

àti àwọn t’ó ń ṣọ́ àwọn ìrun wọn.

Verse 35

ﯸﯹﯺﯻ ﯼ

Àwọn wọ̀nyẹn ni alápọ̀n-ọ́nlé nínú àwọn Ọgbà Ìdẹ̀ra.

Verse 36

ﯽﯾﯿﰀﰁ ﰂ

Kí ló mú àwọn tí kò gbàgbọ́ tí ara wọn kò balẹ̀ níwájú rẹ,

Verse 37

ﰃﰄﰅﰆﰇ ﰈ

tí wọ́n sì jókòó ní ìsọ̀rí ìsọ̀rí sí ọwọ́ ọ̀tún àti ọwọ́ òsì (rẹ)?

Verse 38

ﰉﰊﰋﰌﰍﰎﰏﰐ ﰑ

Ṣé ẹnì kọ̀ọ̀kan nínú wọn ń jẹ̀rankàn pé A óò mú òun wọ inú Ọgbà Ìdẹ̀ra ni?

Verse 39

ﰒﰓﰔﰕﰖﰗ ﰘ

Rárá o! Dájúdájú Àwa ṣẹ̀dá wọn láti inú ohun tí wọ́n mọ̀.

Verse 40

ﰙﰚﰛﰜﰝﰞﰟ ﰠ

Nítorí náà, Èmi ń búra pẹ̀lú Olúwa àwọn ibùyọ òòrùn àti àwọn ibùwọ̀ òòrùn , dájúdájú Àwa ni Alágbára
____________________
Ìyẹn ni pé, Èmi, Olúwa àwọn ibùyọ òòrùn àti ibùwọ̀ òòrùn ń fi ara Mi búra. Wòóore: Èròǹgbà Allāhu (subhānahu wa ta'ālā) pẹ̀lú “mọṣriƙ” àti “mọgrib” nínú sūrah al-Muzzammil; 73:9 ni agbègbè ibùyọ òòrùn àti agbègbè ibùwọ̀ òòrùn. Èròǹgbà Allāhu (subhānahu wa ta'ālā) pẹ̀lú “mọṣriƙọen” nínú sūrah ar-Rahmọ̄n; 55:17 ni ibùyọ òòrùn lásìkò ẹ̀rùn àti ibùyọ òòrùn lásìkò òjò. Bákan náà, “mọgribaen” ibùwọ̀ òòrùn lásìkò ẹ̀rùn àti ibùwọ̀ òòrùn lásìkò òjò. Bákan náà, èròǹgbà Allāhu (subhānahu wa ta'ālā) pẹ̀lú “mọṣāriƙ àti mọgārib” ni àwọn ọ̀ọ́dúnrún àti ọgọ́ta ibùyọ òòrùn (360) ni agbègbè ibùyọ òòrùn àti àwọn ọ̀ọ́dúnrún àti ọgọ́ta ibùwọ̀ òòrùn (360) ni agbègbè ibùwọ̀ òòrùn. (Tafsīr Bagawiy)

Verse 41

ﭑﭒﭓﭔﭕﭖﭗﭘ ﭙ

láti lè fi àwọn t’ó dára jù wọ́n lọ pààrọ̀ wọn. Kò sì sí ẹni t’ó lè kó agara bá Wa.

Verse 42

ﭚﭛﭜﭝﭞﭟﭠﭡ ﭢ

Nítorí náà, fi wọ́n sílẹ̀ kí wọ́n máa sọ ìsọkúsọ (wọn), kí wọ́n sì máa ṣeré títí wọn yóò fi pàdé ọjọ́ wọn tí À ń ṣe ní àdéhùn fún wọn.

Verse 43

ﭣﭤﭥﭦﭧﭨﭩﭪﭫ ﭬ

Ọjọ́ tí wọn yóò sáré jáde wéréwéré láti inú àwọn sàréè, wọn yó sì dà bí ẹni pé wọ́n ń yára lọ sídìí ohun àfojúsùn kan.

Verse 44

ﭭﭮﭯﭰﭱﭲﭳﭴﭵﭶ ﭷ

Ojú wọn yóò wálẹ̀. Ìyẹpẹrẹ máa bò wọ́n mọ́lẹ̀. Ọjọ́ yẹn ni èyí tí À ń ṣe ní àdéhùn fún wọn.

Ìtumọ̀ سورة المعارج

سورة المعارج

Ìtumọ̀ Sura المعارج ní اليورباوية láti الترجمة اليورباوية

الترجمة اليورباوية

الترجمة اليورباوية